November 29, 2012

ဇာတ်လမ်းရဲ့ နိဂုံး( ကောင်းကင်နိုင်ငံပြု အနုပညာမဂဇင်းမှ ကူးယူပါသည်)


PDF Print E-mail
User Rating: / 1
PoorBest 
မဂ္ဂဇင်း - အက်ဆေး
Written by ခိုင်ခိုင်စောလွင်   
Wednesday, 28 November 2012 23:52

့ထလ                                                                          
              တကယ်တမ်း ပြောရရင် လောလောဆယ် ဝတ္ထုတိုလေးတစ်ပုဒ်ကို စိတ်တိုင်းကျ ရေးနေတာ နိဂုံးချုပ်ကို မရောက်သေးပါဘူး။ ကိုယ့်နိုင်ငံရဲ့ ပြင်ပကို ရောက်နေကြတဲ့ သူတွေမှာ ဖြစ်လေ့ရှိတဲ့ သဘာဝအတိုင်း တောမြင်လွမ်း တောင်မြင်လွမ်း ဆိုသလို မုန့်ဟင်းခါးမြင်လဲ လွမ်း ၊ ဘူးသီးကြော်မြင်လဲ လွမ်းလာရာက ( ပညာရှင်တွေကတော့ Home sick လို့ ဆိုကြ) စိတ်တိုင်းကျ အလွမ်းသယ် ဝတ္ထုလေး ရေးမိနေပါတယ်။ ဒါပေမယ့် ဒီဝတ္ထုကို အဆုံးမသတ်နိုင်ခင်မှာ အဆုံးသတ်ဖို့ မလိုဘူးလို့ ၊ မလိုဘူးဆိုတာထက် ဘယ်လိုမှ ဆက်ရေးစရာ အကြောင်း မရှိနိုင်ဘူးလို့ ထင်ထားတဲ့ ကျမရဲ့ အက်ဆေးတစ်ပုဒ်ကို နိဂုံးချုပ်ပေးရဖို့ အကြောင်းက ပေါ်လာပါတော့တယ်။ ကောင်းကင်မဂ္ဂဇင်းမှာ ဖော်ပြခဲ့ဖူးတဲ့ ဇာတ်လမ်းမဟုတ်တဲ့ ဇာတ်လမ်းရဲ့ နိဂုံးကို မဖြစ်မနေ ရေးချင်စိတ်က ပေါ်လာခဲ့ရပါတယ်။ ဇာတ်လမ်းရဲ့ နိဂုံးလေးပေါ့၊ အခုစာကို ဖတ်မိပေမယ့် ဇာတ်လမ်းမဟုတ်တဲ့ ဇာတ်လမ်းကို မဖတ်ဖူး မဖတ်လိုက်မိတဲ့ သူတွေ အတွက် အနည်းငယ်လောက်တော့ ပြန်ပြောပါရစေ။

           ညိုကြီးဆိုတဲ့ ထိုင်းနိုင်ငံက ခွေးထီးတစ်ကောင်နဲ့ မြန်မာပြည်ကနေ ပိုင်ရှင်ဖြစ်သူ သခင်နဲ့အတူ ထိုင်းနိုင်ငံကို ရောက်လာခဲ့တဲ့ ဖြူမဆိုတဲ့ ခွေးမလေးတို့ရဲ့ သံယောဇဉ် အကြောင်းလေးပါ။ တရိစ္ဆာန်တွေ ဖြစ်ပေမယ့် တစ်ကောင်နဲ့တစ်ကောင် သံယောဇဉ်ကြီးတာ ၊ လူတွေက ခွဲထားတာကို လူလစ်ရင် ခိုးတွေ့တတ်တာတွေဟာ တကယ့်ကို အံ့ဩစရာမို့ အဲဒီအကြောင်းလေး ရေးထားခြင်းပါ။
အဲဒီတုန်းကတော့ နေ့လည်နေ့ခင်းဆိုရင် ကျမနေတဲ့ အိမ်ရဲ့ အနီးအနားက အိမ်တွေမှာ တံခါးတွေ သော့ခတ်ထားပြီး ညနေ အလုပ်ကပြန်တဲ့ အချိန်မှ လူသံသူသံ ကြားရတဲ့အခါ တ်ိတ်ဆိတ်နေတဲ့ ပတ်ဝန်းကျင်မှာ သက်ရှိ ကျမအပြင် ရှိနေတတ်တဲ့ သက်ရှိ ဒီ ခွေးနှစ်ကောင်ကို မြင်နေရတဲ့ အတွက် နေသာထိုင်သာ ဖြစ်ရပါတယ်။ ဒါ့ကြောင့်လည်း တရိစ္ဆာန်ကို မချစ်တတ်တဲ့ ကျမဟာ သူတို့လေးတွေရဲ့ အပြုအမူတွေကို နေ့တိုင်းတွေ့ဖန်များလာတော့ သံယောဇဉ်ဖြစ်ရတဲ့ အထိပါပဲ။ အိမ်ရှေ့ဝရန်တာလေးမှာ ထွက်ရပ်နေရာက အစာတောင်းသလို မော့ကြည့်တာမျိုး ၊ သူတို့ကို ဘာကျွေးမလို့ ထွက်လာပါလိမ့်လို့ လှမ်းမျှော်ကြည့်တတ်တဲ့အခါ ထမင်းကျန် ဟင်းကျန် မရှိတော့ရင်တောင် မီးဖိုပေါ်မှာ ချက်နေရင်း တဗွက်ဗွက်ဆူနေတဲ့ အိုးထဲက ဟင်းတုံးကို ခပ်ပြီးတော့ ချကျွေးလိုက်တဲ့ အထိပါ။ ပြောခဲ့ဖူးတဲ့ အတိုင်းပါပဲ၊ ဖြူမသံယောဇဉ်ကြောင့် ကျမတို့ အိမ်နားကို ဘယ်ကမှန်းမသိပဲ ရောက်လာပီး နေနေတဲ့အတွက် သူ့ကို ဂရုတစိုက် စောင့်ရှောက်မယ့်သူ မရှိတဲ့အခါ သန်းထူမောင် ဖြစ်နေတာပါ။ ဖြူမရဲ့ပိုင်ရှင်က စည်ပင်ရဲက လာဖမ်းမှာ စိုးရိမ်တဲ့အတွက် ဖြူမကို ညိုကြီးနဲ့ အတူမနေရအောင် အိမ်ရှေ့ဝရန်တာလေးမှာ သံတခါးပိတ်လို့ ထားလိုက်ပါတော့တယ်။ ရေမှန်မှန်ချိုးပေး တိုက်စရာ ထိုးစရာရှိတဲ့ ဆေးတွေ ထိုးတာ အစသဖြင့် ဖြူမကို လုပ်ပေးထားတော့ ဖြူမက လှလို့သန့်လို့ နေပါတော့တယ်။ ဝရန်တာဆိုတာက အမြင့်ကြီးမဟုတ်ပါဘူး။ တစ်ထပ်တိုက်ပုလေးရဲ့ အဝင်ဝကို နဲနဲလေးမြှင့်ထားတာဆိုတော့ ဝရန်တာလက်တန်းကနေ မြေကြီးကို ခြေထောက်လို့ ရလုနီးနီးပါ။ ဒီတော့ ကျမရဲ့ အိမ်ကနေ မြင်နေတွေ့နေရပါတယ်။ ဒီလိုနဲ့ ရက်တွေ လတွေ ကြာလာတော့ ဖြူမရဲ့သခင်လည်း ဖြူမကို ထိန်းမထားနိုင်တော့ပါဘူး။ ခွေးသန်းတွေကြောင့် ကျန်းမာရေး စိုးရိမ်ရတယ်ဆိုပီး တိုင်တဲ့ လူတွေလည်း နှစ်ခါလောက် တိုင်ပြီးတဲ့အခါ မောသွားဟန်တူပါရဲ့။ ဒုံရင်းဒုံရင်း ဖြစ်ပြီး ညိုကြီးနဲ့ ဖြူမကို တတွဲတွဲ တွေ့ရပြန်ပါတော့တယ်။ ဒါပေမယ့် အသက်(၁၃) နှစ်ရှိနေပြီ ဖြစ်တဲ့ ဖြူမဟာ ဝေးဝေးလံလံလည်း မသွားနိုင်တော့ပါဘူး။ သူ့အိမ်ရှေ့မှာပဲ ခွေနေတာများပါတယ်။ သူ့သခင်ပြန်လာရင် ထကြိုပီး အိမ်နောက်ဖက်ကို လိုက်သွားရင်တောင် တလှုပ်လှုပ်နဲ့ပါ။ ဖြူမကို ကြည့်ပြီး အိုခြင်း နာခြင်း ဆိုတာကို တွေ့နေရသလိုပါပဲ။

           နိုဝင်ဘာလထဲမှာ ကျမတို့ အိမ်ပြောင်းေ၇ွှ့ဖို့ စီစဉ်တော့" ညိုကြီးနဲ့ ဖြူမတော့ တို့မရှိတော့ရင် ဘယ်ရောက်သွားကြလဲ အောက်မေ့မှာပဲ" လို့ ပြောတဲ့အခါ ကျမကို ဝိုင်းရယ်ကြပါတယ်။ တရိစ္ဆာန်က ဒီလိုတွေးပါ့မလားလို့လည်း ဝိုင်းပြောကြပါတယ်။ ဒါပေမယ့် ကျမစိတ်ထဲ သိလိမ့်မယ်လို့ ထင်နေပါတယ်။ နေ့လည်နေ့ခင်း ရေငတ်တဲ့အခါ ကျမဆီလာလာတောင်းတတ်တာ ကျမက သူ့ရဲ့ ခွက်ထဲ ရေဖြည့်ပေးလိုက်ရင် တဗျတ်ဗျတ်သောက်ပြီး ကျမကို အကြာကြီး မော့ကြည့်တာကို ကျမစိတ်ထဲ နားလည်သလိုလို ပါပဲ။ ဒါ့ကြောင့် နေ့လည် ဘယ်သူမှ မရှိတဲ့ အချိန်ကျ ဘယ်လိုနေရှာပါ့မလဲလို့ တွေးပူနေမိပြန်ပါတယ်။ တကယ်တော့ အခုနေနေတဲ့ အိမ်ကလေးက ပတ်ဝန်းကျင် လည်းကောင်းပြီး တ်ိတ်တိတ်ဆိတ်ဆိတ်နဲ့ နေချင်စဖွယ်ပါ။ ဒါ့ကြောင့်လည်း အဆင်မပြေတဲ့ အသေးအဖွဲ တစ်ခုနှစ်ခုလောက်ရှိတာကို သီးခံပြီးနေခဲ့ပေမယ့် သိပ်မကြာခင်က ဘယ်လိုမှ နေမရအောင် ဖြစ်လာတဲ့အတွက် ပြောင်းဖို့စီစဉ်ခဲ့ရပါတော့တယ်။ ကျမတို့ ခေါင်းရင်းက အရင်လွတ်နေတဲ့ မြေကွက်မှာ လူနေတိုက်ခန်းတွေ လာဆောက်တဲ့အခါ အဲဒီဘက်က လူသံတွေ အလုပ်သမားတွေရဲ့ အော်ဟစ်ဆူညံသံတွေနဲ့ အတူ စက်ယန္တရားကြီးတွေရဲ့ အသံတွေဟာ အင်မတန် အနှောင့်အယှက် ဖြစ်တော့တာပါပဲ။ အဲဒီဆိုဒ်က စနေ တနင်္ဂနွေ ပိတ်ရက်မှ အလုပ်သမားနဲ့ စက်တွေ ငှားလို့ရဟန်တူပါတယ်။ စနေတနင်္ဂနွေ မှာ အကြီးအကျယ်ကို ဆူညံတော့တာပါပဲ။ ပိတ်ရက်မှာမှ အနားရကြတဲ့ ကျမမိသားစုတွေက နေ့လည်နေ့ခင်း တရေးတမောအိပ်ဖို့ ပြင်တုန်း ခေါင်းရင်နားကပ်ညပီး ဒွီ................ ဆိုတဲ့ စက်သံတွေ ကြားတဲ့အခါ ဘယ်သွားနေရမှန်းမသိပါဘူး။ တခါတော့ ကျမ အမျိုးသားဟာ ဈေးဝယ်စင်တာတခုဆီ သွားထိုင်နေလိုက်ပါတော့တယ်။ သမီးတယောက်ကလည်း မနက်စာစားပြီးတာနဲ့ သူငယ်ချင်းနေတဲ့ အဆောင်ကို ပြေးတော့တာပါပဲ။ ကြာလာတော့ မဖြစ်ချေဘူးဆိုပြီး တခြားနေရာကို ပြောင်းရတော့တာပါပဲ။ ကျမတို့ အိမ်ပြောင်းပြီး တပတ်လောက်အကြာမှာ ဖြူမရဲ့သခင်ဖြစ်တဲ့ သစ်သစ်တို့ ကျောင်းက ဖက်ရှင်ပြပွဲတစ်ခု လုပ်ပါတယ်။ သူတို့ကျောင်းအနေနဲ့က ပထမဆုံး ဖြစ်တဲ့အတွက် ကျမတို့လည်း စိတ်ဝင်စားသလို သစ်သစ်တစ်ယောက်လည်း အရမ်းကို အလုပ်များနေပါတော့တယ်။ သစ်သစ်က ဖက်ရှင်ဒီဇိုင်နာတစ်ယောက် ဖြစ်တဲ့အတွက် ဒီပွဲဖြစ်မြောက်ရေးမှာ လူရောစိတ်ပါ နှစ်ပြီး ကြိုးစားပမ်းစားလုပ်နေရပါတော့
တယ်။ သစ်သစ်အလုပ်များနေရင် ဖြူမကို ကြည့်နိုင်ပါ့မလား၊ ညိုကြီးကတော့ ပိုင်ရှင်မရှိသူပီပီ ဟိုအိမ်ရှေ့သွားရပ် ဒီအိမ်ရှေ့သွားရပ်ရင် မနေနိုင်တဲ့သူက ခေါ်ကျွေးလို့ စားရမှာပဲ စသဖြင့် ပြောမိတဲ့ အထိပါပဲ။
ထဘ
         မှတ်မှတ်ရရ အိမ်ပြောင်းအပြီး နှစ်ပတ်အကြာ အလုပ်များတာနဲ့ ပျက်နေတဲ့ ထိုင်းစကားပြောသင်တန်းကို ပြန်တက်တဲ့ နေ့မှာ သစ်သစ်နဲ့ ဆုံပြီး ဖြူမဆုံးသွားပြီဆိုတာကို သိလိုက်ရပါတယ်။ ပြောရကြေးဆို ခွေးတကောင်သေသွားတာ ဘာမှ အဆန်းတကျယ် မဟုတ်သလို ရေးကြီးခွင်ကျယ်လည်း မဟုတ်ပါဘူး။ ဒါပေမယ့် ကိုယ်နေခဲ့စဉ်က သံယောဇဉ်ဖြစ်ခဲ့ရတဲ့ အတွက် စိတ်မကောင်းခြင်း ဖြစ်ပြီး ' ဘယ်လိုဆုံးသွားလည်းလို့ " မေးမိကာမှ မျက်ရည်ကျတဲ့ အထိ ခံစားလိုက်ရပါတော့တယ်။
           ဖြူမက နိုဝင်ဘာ(၂၂) ရက်၊ ညနေ ၃နာရီခွဲလောက်မှာ ဆုံးသွားတာဖြစ်ပါတယ်။ ရက်ကိုကြည့်လိုက်တာနဲ့ သစ်သစ်အရမ်း အလုပ်များနေတဲ့ ရက်တွေပဲ ဆိုတာလည်း သတိထားမိလိုက်ပါတယ်။  ဖက်ရှင်ပြပွဲက နိုဝင်ဘာ(၂၄)ဖြစ်တဲ့ အတွက်ပါ။

" အမရယ်.. သိတဲ့အတိုင်းပဲ သစ်သစ်က အလုပ်တွေ အရမ်းများတဲ့ ရက်ဖြစ်နေတယ်လေ၊ သိပ်ကို rush ဖြစ်နေတာ၊ ၂၄ရက်က သိပ်နီးနေပြီ"
" သူ နေမကောင်း ဖြစ်သွားတာလား၊ တော်တော်ခံ လိုက်ရသေးလား" ဆိုတဲ့ ကျမအမေးကို သစ်သစ်က ဆက်ပြောပါတယ်။
"ဖြူမက (၂၁) ရက်နေ့ညဘက် အိမ်နောက်ခန်းမှာ အိပ်နေရင်းက ငြီးနေတယ်။ ညတစ်နာရီလောက် ရှိမလားပဲ၊ အဲဒါ သွားကြည့်ပြီး ရေသောက်ချင်တယ် ထင်တယ်ဆိုပီး တိုက်တော့ ခွက်ထဲကရေကို မသောက်နိုင်တော့လို့ သစ်သစ်လက်ထဲကနေ သူလျှာလေးနဲ့ယက်ပီး သောက်တယ်။ နောက်တစ်နေ့တော့ သူ့အတွက် နွားနို့ကို ခွက်ထဲထဲ့ပေးပြီး ကျောင်းကို ထွက်ခဲ့ရတယ်၊ မလာလို့ မရဘူးလေ အမလဲ သိတဲ့အတိုင်း ရက်က သိပ်ကပ်နေပြီ၊ နေ့လည်(၃)နာရီ ကျော်ကျော်လောက်မှာ သစ်သစ်စိတ်ထဲ ဘယ်လိုဖြစ်တယ်မသိဘူး၊ ဒီလောက် ဖြတ် ညှပ်ကပ် ချုပ်နဲ့ အလုပ်တွေ ရှုပ်နေတဲ့ကြားက အိမ်ကို အရမ်းပြန်ချင်နေတယ်၊ ဖြူမဆီ သွားချင်တဲ့ စိတ်တွေ ဖြစ်နေတယ်။ ဒါနဲ့ ဘယ်သူ့မှတောင် မပြောခဲ့ပဲ ဆိုင်ကယ်ပေါ်တက်ပြီး အိမ်ကို ထွက်လာခဲ့မိတယ်။ အိမ်လဲရောက်ရော ဖြူမက အသက်ငင်နေပြီ...................................................." ပြောရင်းက ကျမကို လှမ်းအကြည့် ကျမမျက်လုံးမှာ ဘယ်လိုထွက်လာမှန်းမသိတဲ့ မျက်ရည်စကို တွေ့သွားသလား၊ ဒါမှမဟုတ် အဲဒီနေ့က အဖြစ်ကို ပြန်မြင်လာလို့ ပဲလားမသိ မျက်ရည်တွေ တွေတွေကျလာပါတော့တယ်။ ကျမလည်း မပြောပါနဲ့တော့ လို့ ပြောချင်ပေမယ့် စကားလုံးတွေက ထွက်မလာဘူး၊ စိတ်ထဲမှာ သစ်သစ်ပြန်ခံစားနေရရင် မပြောပါနဲ့တော့ပြောနေပြီး ပါးစပ်က တလုံးမှ ထွက်မလာဘူး ဖြစ်နေတော့တယ်။

                      မျက်ရည်ကြားကပဲ သစ်သစ်ဟာ ဆက်ပြောပြနေပါတယ်။
" ဖြူမက သစ်သစ်ကို စောင့်နေတာ အမရဲ့၊ သစ်သစ် ရောက်သွားတယ်ဆို သူ့မျက်လုံးနဲ့ သစ်သစ်ကို ကြည့်တယ်။ သူသိတယ်၊ သစ်သစ်ရောက်လာတာ သူသိတယ်ပေါ့။ သစ်သစ်လည်း သူ့ခေါင်းလေးကို ပွတ်ပေးပြီး ဆုတောင်းပေးတာပေါ့ အမရယ်၊ ၅မိနစ်လောက်ပါပဲ အမ ၊ တကယ့်ကို ငါးမိနစ်လောက်ပါပဲ သူအသက်ထွက်သွားတယ်။ သစ်သစ်ကို စောင့်နေတာလေ၊ သစ်သစ်ကို စောင့်နေတာသေချာတာပေါ့ အမရယ်"
ကျမလည်း " တော်သေးတာပေါ့သစ်သစ်ရယ်' လို့ လှိုက်လှိုက်လှလှဲ ပြောလိုက်မိပါတော့တယ်။ စိတ်ထဲမှာလည်း လူနဲ့ တရိစ္ဆာန်ကြားက သံယောဇဉ် ချစ်ခြင်းတရားကို အံ့ဩဖွယ် ခံစားသိရှိလိုက်ရပါတော့တယ်။ တဆက်ထဲပဲ ညိုကြီးကို သတိရသွားပြီး " ညိုကြီးတစ်ကောင်ရော.. ညိုကြီးရော.. ဘာတွေ ဖြစ်နေလဲ" လို့ မေးလိုက်မိပါတယ်။ ညိုကြီးက ဖြူမနေမကောင်းတဲ့ရက်က အနားမှာ လာစောင့် အိပ်သတဲ့။ အနားမှာပဲ နေတယ်တဲ့။ တကယ့်ကို အံ့ဩဘနန်းပါ။ ကျမသိသလောက် တရိစ္ဆာန်တွေ အထူးသဖြင့် ခွေးတွေဟာ သူတို့ရဲ့ အာဝါဟဝိဝါဟ ကိစ္စတွေပြီးရင် သွားတော့တာပဲတဲ့၊ အတူတတွဲတွဲ နေလေ့ မရှိကြဘူးတဲ့၊ ညိုကြီးဟာ ဖြူမသံယောဇဉ်နဲ့ ဘယ်လိုပဲ မောင်းထုတ် လွှင့်ပစ် မသွားဘူး၊ ပြန်လာတာပဲ၊(ဒီအကြောင်း ဇာတ်လမ်းမဟုတ်တဲ့ ဇာတ်လမ်းမှာ ရေးပြီး)။ အခုလဲ နေမကောင်းတဲ့ ဖြူမကို စောင့်ရှောက်သတဲ့၊ ဖြူမကို ကျမတို့နေခဲ့တဲ့ အဲဒီအိမ်ယာဝင်းကြီးထဲက ကားဂိုဒေါင်ဘေးက သဖန်းပင်ကြီးဘေးမှာ စောင်နဲ့ထုတ်ပြီး ကောင်းကောင်းမွန်မွန် မြေမြှုပ်သင်္ဂြိုလ် လိုက်ပါတယ်တဲ့။ ဖြူမကို မြေမြှုပ်ပီးတဲ့ ညအထိ ညိုကြီးတစ်ကောင်ရှိနေခဲ့သေးတယ်တဲ့။ နောက်တစ်နေ့က စပြီး အခုကျမနဲ့ တွေ့တဲ့အချိန်မှာတော့ ညိုကြီးတစ်ကောင် ဘယ်ဆီထွက်သွားတယ် မသိ၊မတွေ့တော့ပါဘူးတဲ့။

          အင်မတန်မှ ထူးဆန်းလှတဲ့ ညိုကြီးနဲ့ ဖြူမကို စတွေ့ပြီး သိပ်မကြာခင်မှာ တရိစ္ဆာန်၊ အထူးသဖြင့် ခွေးဆိုရင် မချစ်တဲ့ အပြင် မုန်းတတ်တဲ့ ကျမဟာ သူတို့နှစ်ကောင်ရဲ့ တစ်ကောင်နဲ့တစ်ကောင် သံယောဇဉ်တွယ်တာကို ရယ်ချင်စိတ် ချစ်ခင်နှစ်လိုဖွယ်စိတ် ဖြစ်ပြီး ဇာတ်လမ်းမဟုတ်တဲ့ဇာတ်လမ်းကို ရေးခဲ့မိပါတယ်။ ဒီဇာတ်လမ်းကို ဖတ်ပြီးတဲ့ ခင်မင်နေတဲ့ ကလေးမလေးတစ်ယောက်က အိမ်ကိုလာရင် ညိုကြီးရော ရှိသေးလား။ ဖမ်းသွားတာခံရပြီလား၊ ဖြူမဆိုတာ သူလား စသဖြင့် မေးတတ်တာကိုလည်း သတိရမိပါသေးတယ်။ ဒီဇာတ်လမ်းဟာ ပြီးသွားပြီလို့ အဲဒီတုန်းက ထင်ခဲ့ပေမယ့် အခုတော့ ဇာတ်လမ်းရဲ့ နိဂုံးကို ဆက်ပြီးရေးလိုက် ရပါတော့တယ်။
 
                                                                                       ခိုင်ခိုင်စောလွင် 
 
ဆက်စပ် ဖတ်ရှု နိုင်ပါရန် http://www.kaungkin.com/index.php?option=com_content&view=article&id=801:eassy&catid=42:2009-04-17-01-31-38&Itemid=62

ဗေဒါ့အားမာန် သဇင့်ထံသို့( ၂၀၁၀ နိုဝင်ဘာလထုတ် ချိုးလင်းပြာစာစောင်မှ) မူရင်းစာမူရှာမတွေ့သဖြင့် စာစောင်မှ ကူးယူပါသည်။



November 26, 2012

ချစ်ရင်လည်းပြုံးပါ၊ မုန်းရင်လည်းပြုံးပါ( ကောင်းကင်မှ ကူးယူပါသည်။)

ချစ်ရင်လည်းပြုံးပါ၊ မုန်းရင်လည်းပြုံးပါ PDF Print E-mail
User Rating: / 2
PoorBest 
မဂ္ဂဇင်း - အက်ဆေး
Written by ခိုင်ခိုင် စောလွင်   
Sunday, 25 November 2012 22:33

pe nyunt waiသမီးရေ
           မေမေ အခုရေးလိုက်တဲ့ ခေါင်းစဉ်ကတော့ မေမေသိပ်ကြိုက်တဲ့ ရေဒီယို ဓါတ်ပြားရ သီချင်းတစ်ပုဒ်ပဲ။ ဒါပေမယ့် စာသားတွေမေ့ကုန်တဲ့ အပြင် အဆိုတော်နာမည် စဉ်းစားလို့ မရတာနဲ့ အင်တာနက်မှ ဘယ်လိုမှ ရှာမရ ဖြစ်နေတယ်။ မှတ်မိသလောက်ပြောရရင် ဒီကမ္ဘာမြေ လောက လူသားများရဲ့ အလယ် လောကဝယ် ချစ်ရင်လည်းပြုံးကွယ် မုန်းရင်လည်းပြုံးကွယ်ဆိုတာလေးတော့ မမေ့မလျော့ မှတ်မိနေပီး သီချင်းအဓိပ္ပါယ်ကိုလဲ ကောင်းကောင်းမှတ်မိနေတဲ့ အတွက် ဒီခေါင်းစဉ်လေး ရေးလိုက်မိတယ်။ နောင်အလျဉ်းသင့်လို့ပဲ ဖြစ်ဖြစ် စာသားတွေ သတိရလာပြီး အင်တာနက်မှာ ဒီသီချင်းလေးကို ရှာလို့ရခဲ့ရင် သမီးကို ပို့ပေးပါအုန်းမယ်။ သီချင်းနာမည်က အပြုံးကိုဆောင်တဲ့။ သမီးကိုရေးပြဖို့ ဖြစ်လာတဲ့ အကြောင်းကတော့ ပြီးခဲ့တဲ့ ရက်ပိုင်းကလေး အတွင်းက သမီးရဲ့ ညီမလေးတွေ သူတို့ ကျောင်းရဲ့ကျောင်းပွဲ ကလေးတစ်ခုမှာ ကြုံတွေ့ခဲ့ရတာလေးနဲ့ ပတ်သက်ပြီး ပြောစရာလေးရှိလာလို့ပေါ့ သမီးရေ။ ကျောင်းကပွဲရက်ကလို့ ရည်ညွှန်းလိုက်ပေမယ့် ကျောင်းပွဲနဲ့ ဘာမှမဆိုင်ပါဘူး၊ ကျောင်းပွဲကို လာရင်းကြုံရတာလေး ပြန်ပြောချင်တာပါ။ သမီးဟာ အင်မတန် အေးအေးဆေးဆေး နေတတ်ပြီး အိမ်မှာနေရတာကို ခင်တွယ်တတ်တဲ့သူ ဖြစ်တဲ့ အလျှောက် ပွဲတွေ လမ်းတွေ သွားရမှာ အင်မတန်ဝန်လေးသူ ဖြစ်ပေမယ့် ညီမလေးတွေ ကကြမယ်ဆိုတဲ့ အတွက် မေမေတို့နဲ့ လိုက်ခဲ့တယ်ဆိုတာ မေမေသိတယ်။ ဘယ်သူ့ကိုဖြစ်ဖြစ် ဖော်ဖော်ရွေရွေ လေးလေးစားစား ဆက်ဆံတတ်တဲ့ သမီးဟာ အဲဒီနေ့က လူတစ်ယောက်ကို စိတ်တို ဒေါသထွက်စွာ လုံးဝ နှုတ်မဆက် မမြင်ယောင်ဆောင်ခဲ့တယ်။ အဲဒါကို မေမေက အားပေးထောက်ခံခဲ့မိတယ်။ အဲဒီအတွက် သမီးဆီကို မေမေ ဒီစာရေးဖြစ်ခဲ့ရတာပါပဲ။ အမှန်ကတော့ သမီးဒေါသထွက် စိတ်တိုခဲ့ရတဲ့သူဟာ တချိန်က သမီးနဲ့ လုပ်ငန်းခွင်တစ်ခုထဲမှာ အတူ လုပ်ခဲ့ဖူးယုံသာမက ဖေဖေ မေမေတို့နဲ့ပါ ရင်းနှီးသူဖြစ်တယ်။ ပြောရကြေးဆို ရင်းနှီးတာထက်တောင် ပိုပါတယ်။ ဆွေမျိုးလိုပဲ ကိုယ်ချက်တာ သူလာစား သူချက်တာ ကိုယ်သွားစား နေနေကြတာပဲ။ ဒါ့ကြောင့် ဒီလိုလူမျိုးက ဒီလိုဆက်ဆံလိုက်တဲ့ အတွက် သမီးစိတ်တိုတာ မလွန်ဘူးဆိုပြီး မေမေပါ အလိုတူဖြစ်ခဲ့တယ်။ အိမ်ပြန်ရောက်မှ တဖြေးဖြေးစဉ်းစားရင်း စိတ်ထဲ အေးသွားတဲ့အခါ သမီးကို မေမေ ပြောစရာတွေ ရှိလာခဲ့တယ်။
          တကယ်တော့ မေမေတို့ မောင်နှမတစ်တွေဟာ လူချစ်လူခင်များကြတယ်။ အဲဒါ သမီးဖိုးဖိုး မေမေ့ရဲ့အဖေရဲ့ သွန်သင်ဆုံးမမှုနဲ့ သမီးဖိုးဖိုးရဲ့ အပြုအမူတွေကို မေမေတို့ အတုယူခဲ့ ကြလို့သာပဲ။ သမီးဖိုးဖိုးဟာ လုပ်ငန်းသဘာဝအရ မြန်မာတစ်နိုင်ငံလုံး မရောက်ဖူးတဲ့ အရပ်မရှိဘူး။ ဘယ်လောက်အထိ သွားခဲ့ရသလဲဆို အင်မတန်မှ ဝေးလံခေါင်သီလှလွန်းလို့ သွားရော့ လဟယ်ဆိုပီး နောက်ပြောင်ပြောတတ်ကြတဲ့ လဟယ်ကိုလည်း ရောက်ဖူးတယ်။  အခုခေတ်မဟုတ်ဘူးနော်သမီး၊ ဟိုး လွန်ခဲ့တဲ့ အနှစ်(၃၀) လောက်ကတည်းကပဲ၊ နောက်ပီး ဗိုလ်ချုပ်အောင်ကြီး တော်လှန်ရေးကောင်စီက နှုတ်ထွက်ပြီး သူ့ကိုယ်သူ နယ်နှင်ဒဏ်ပေးပြီး သွားနေတယ်ဆိုတဲ့ မချမ်းဘောလဲ ရောက်တယ်။ ရုပ်ရှင်မင်းသားကြီး(ဦး) အောင်လွင် အကယ်ဒမီရခဲ့တဲ့  နေခြည်ဖြာမှနွေးသော်ကြောင့်  ဇာတ်ကား၊ ရေခဲတောင်တွေကြား ခက်ခက်ခဲခဲ ရိုက်ခဲ့ရတယ်ဆိုတဲ့ မြို့ကလေး ဆွမ်ပရာဘွမ် ဆိုတာလဲ ရောက်ဖူးယုံမက ရှမ်းပြည်တစ်ခွင်၊ချင်းတောင်တန်း နာဂတောင်တန်းတွေအပြင် ရခိုင်ရိုးမအနှံ့ မြစ်ဝကျွန်းပေါ်မကျန်ပါပဲ။ လူပေါင်းစုံ အဆင့်ပေါင်းစုံ စိတ်သဘောထားမျိုးစုံ ရှိတဲ့ လူတွေ ဘယ်လောက်များ ဆက်ဆံခဲ့ရသလဲဆိုတာ တွေးကြည့်ယုံနဲ့ သိရောပေါ့။ သမီးဖိုးဖိုးဟာ အားလုံးကို အဆင်ပြေအောင် ပေါင်းသင်းဆက်ဆံနိုင်တယ်။ သူ့သားသမီးတွေကိုလည်း သူ့လိုပဲ ပေါင်းသင်းဆက်ဆံရေး ကောင်းမွန်သူတွေ ဖြစ်စေချင်လို့ အမြဲ သွန်သင်ဆုံးမလေ့ရှိတယ်။ ဒါကတော့ စိတ်ဆိုးသည်ဖြစ်စေ မုန်းသည်ဖြစ်စေ ချစ်သည်ဖြစ်စေ ပြုံးပြုံးလေးနေတတ်ဖို့ပါပဲ။ သမီးဖိုးဖိုးဟာ ဘယ်သူနဲ့ စကားပြောပြော မျက်နှာမှ အပြုံးကိုအမြဲ ဆောင်ထားတယ်။ ပြုံးပီး စကားစတယ်၊ ပြုံးပီးနှုတ်ဆက်တယ်၊ ငြင်းစရာရှိရင်တောင် အပြုံးမပျက်ငြင်းနိုင်တဲ့ အထိပဲ။ မေမေတို့ကို မိတ္တဗလဋီကာဆိုတာ ပေးဖတ်တယ်၊  သမီးဖိုးဖိုး ခြေရာကိုတော့ မနင်းနိုင်ခဲ့ဘူးပေါ့ သမီးရယ်။ ဘယ်လောက် ခင်မင်သူပေါသလဲဆို သမီးစဉ်းစားနိုင်အောင် မေမေပြောပြမယ်။ ပင်စင်စားအဖိုးအိုကြီး တစ်ယောက်၊ ဘာမှလုပ်မပေးနိုင်တော့တဲ့ ဒီအဖိုးအိုဆီက ဘာမှ မျှော်မှန်းစရာမရှိပဲ သီတင်းကျွတ်တဲ့အခါ လာကန်တော့ကြတာ၊ သတိရတဲ့အခါ မုန့်လေးပဲလေးကအစ ငွေကြေးတချို့ပါ လာကန်တော့ကြတာ အဲဒါတွေကြည့်ရင် သိနိုင်တာပေါ့ သမီးရယ်။ လူတွေရဲ့ သဘောကိုက အထူးသဖြင့် ဝန်ထမ်းလောကမှာက ပင်စင်ယူသွားတဲ့ လူတစ်ယောက်ဆို မေ့ကို သွားကြတာလေ။ မေမေတို့ သူငယ်ချင်းတစ်ယောက်ဆို အမြဲပြောတယ်။ ပင်စင်မယူခင် သေသွားရင် ကောင်းမယ်တဲ့ ။ ဘာလို့လဲဆိုတော့ သူ့အသုဘစည်အောင်လို့တဲ့ အဲသလို နောက်သလိုလို ပြောဖူးတယ်။ သမီးဖိုးဖိုးဆုံးသွားတော့ အဝေးရောက်နေတဲ့ မိတ်ဆွေတွေကတောင် မလာနိုင်ပေမယ့် သူတို့တတ်အားသလောက် ကူညီကြတာ၊ မရောက်ရောက်အောင် လာတဲ့သူက လာတဲ့အပြင်၊ ကျန်းမာရေး မကောင်းလို့ သိသွားရင် သွားမှာဆိုးတဲ့ အတွက်  သားသမီးတွေက သတင်းစာကို ဖွက်ထားတဲ့ကြားက ရက်လည်ကာနီး အမှတ်တမဲ့ တွေ့ပီး မရောက်ရောက်အောင်လာခဲ့တာ၊ အောက်စီဂျင်ဘူးတန်းလန်းနဲ့ ရန်ကုန်မြို့ရဲ့ အပြင်က ဥယျဉ်မြို့တော်ဆီ မရောက်ရောက်အောင် လာခဲ့တာကို ပြန်သိရတော့ သမီးဖိုးဖိုးရဲ့ ပေါင်းသင်းဆက်ဆံရေး ကောင်းခဲ့တာတွေကို တရိပ်ရိပ် ပြန်မြင်လာခဲ့တယ်။ အဲဒါတွေ မေမေ တွေးမိပြီး သမီးကို ပြောစရာတွေ ဖြစ်လာခဲ့တာပေါ့။

         တကယ်တော့ မေမေလည်း ဖိုးဖိုးကို အားကျအတုယူရင်း နေခဲ့တာပါပဲ။ မေမေ အလုပ်လုပ်ခဲ့တဲ့ ဌာနမှာဆို မေမေတာဝန်ကျတဲ့နေ့ မေမေတို့အခေါ် incharge တာဝန်ကျတဲ့နေ့ဆို လာသမျှအလုပ်တွေ မညီးမညူ အပြုံးမပျက်လုပ်ပေးတဲ့အတွက် အလုပ်လာလုပ်တဲ့သူတွေဟာ မေမေတာဝန်ကျတဲ့နေ့ဆို သိပ်များတာပေါ့၊ အလုပ်တွေပြီးရင် မေမေလည်းပျော် သူတို့လည်းပျော်တော့ အလုပ်ထဲ အဆင်ချောတာပေါ့သမီးရယ်။ တချို့ကတော့ နောက်သလိုလိုနဲ့ ပြောတာတော့ ရှိတာပေါ့၊ မေမေ incharge ဆို ထမင်းကြိုစားထားမှပဲတဲ့ ၊ အဲဒီမှာ မေမေ့လိုပဲ အလုပ်လုပ်ရတာ အင်မတန်ပျော်တဲ့ လူတစ်ယောက်လဲရှိတယ်၊ သူက လူပျိုကြီးဆိုတော့ အပူအပင်ကင်းကင်းနဲ့ အလုပ်ထဲ စိတ်နှစ်ထားနိုင်ယုံမကဘူး ညသန်းခေါင်အထိ မပြန်ပဲ အလုပ်လုပ်နိုင်တယ်။ ဌာနက အလုပ်ရှိလို့ ခေါ်ရင် မိုးလင်းကမိုးချုပ် ပိတ်ရက်ပါမကျန် အချိန်မရွေး အရောက်လာတယ်။ ဒါပေမယ့် ပေါင်းသင်းဆက်ဆံရေးက အင်မတန်ညံ့တဲ့အပြင် စကားကြီးစကားကျယ်ကလည်း ပြောတတ်တော့ လူအင်မတန်မုန်းတယ်။ ဒါပေမယ့်  မေမေက အဆင်ပြေအောင် ပေါင်းနိုင်တယ် သမီးရဲ့။ ဒါကတော့ ဘယ်တော့မှ အပြုံးမပျက်တာပေါ့ သမီးရယ်။ သူက တခါပြောဖူးတယ်၊ မေမေတို့ ရုံးက (`ဋ္ဌာနခွဲတော့ မတူဘူး) စီမံကိုင်တဲ့ အမျိုးသမီးကြီးကို ခင်ဗျားဆီ လွှတ်ပေးပြီး အတုယူခိုင်းရမယ်တဲ့၊ မေမေက ဘာလို့လဲ မေးတော့ သူ့မျက်နှာကို ကြည့်ပါလား Dead Face တဲ့။ မေမေ့မှာ ရယ်လိုက်ရတာ။ အဲဒီ စကားလုံးကို သမီးတို့ဆီ အရောက်ယူလာပြီး ပြောပြောပြလို့ သမီးတို့တောင် ဒီ Dead Face ဆိုတဲ့ စကားလုံးကို နေရာကျအောင် သုံးတတ် ပြောတတ်နေကြတာလေ။ သမီးတို့ကို အဲဒီလိုမနေဖို့ လူတွေနဲ့ အဆင်ပြေအောင် အမုန်းမပွားအောင် နေတတ်ဖို့ မေမေ ခနခန ပြောခဲ့ဖူးပါတယ်။ ဒါပေမယ့် ဒီ Dead Face တွေကို တော်တော်များများ တွေ့ပြီး ဆက်ဆံရတဲ့အချိန်ကို ကြုံတဲ့အခါ မေမေတောင် Dead Face လို နေတတ် နေမိသွားလို့ မနည်း ပြန်ပြန်ပြင်ခဲ့ရတဲ့ အကြောင်း သမီးကို ပြောပြဖူးတယ်နော်။ ဒါကတော့ လောကကြီးရဲ့ အလှည့်အပြောင်းလို့ပဲ ပြောရမလား၊ အချိုးအကွေ့လို့ပဲ ပြောရမလားမသိ၊ အချိုးအကွေ့ဆိုရင်လဲ တော်တော့်ကို ပြင်းထန်တဲ့ အချိုးအကွေ့တခုပေါ့ သမီးရယ်။ သင်္ချာသဘောတရားအရ ပြောမယ်ဆိုရင် ၃၆၀ဒီဂရီ ချိုးသွားတယ်ဆိုရင်တောင် နည်းနေသေးတယ်ထင်တာပဲ။ သမီးဖေဖေ ပြည်ပကို ထွက်သွားခဲ့ရတယ်။ အဲဒီနောက် အတော်လေးကြာတော့ မေမေ့ကို အလည်ခေါ်လို့ ရောက်သွားခဲ့ရတဲ့ အခါ Dead Face တွေကို အံ့ဩ တကြီးတွေ့ခဲ့ရတယ်။ သမီးတို့ကိုလည်း ပြန်ပြောပြခဲ့တယ်။ ဒါကလည်း ဒီလိုလူမျိုးတွေရှိနေတယ်၊ ဒီလိုလူမျိုးတွေကို အပြုံးမပျက် ဘယ်လိုဆက်ဆံရတယ် ဆိုတာ သိစေချင်ယုံ အပြင်မပိုခဲ့ပါဘူး။ မေမေ ပထမဆုံး အိမ်နီးချင်းနိုင်ငံရဲ့ ဒုတိယမြို့တော်ကို ရောက်တဲ့ အချိန်မှာ မေမေ့ကို ဘယ်သူဘယ်ဝါလို့ မိတ်ဆက်ပေးတဲ့အခါ မပြုံးမရယ် နေရုံသာမက တစ်ချို့ဆို ခြေဆုံးခေါင်းဆုံးတောင် စုံဆန်ကြည့်လိုက်ကြသေးတော့ မေမေ့မှာ ဘယ့်နှာတွေပါလိမ့်လို့ အံ့ဩ တကြီးဖြစ်ရတယ်။ လူတိုင်းမဟုတ်ပေမယ့် တော်တော်များများက ဒီလိုပဲ၊ ဒါကို မေမေက မေမေ့အကျင့်အတိုင်း အပြုံးနဲ့ပဲ ဆက်ဆံခဲ့တယ် သမီးရေ၊ ဒါတွေကို သမီးသိအောင် ပြောပြခဲ့သေးတယ်လေ၊ အဲဒါကတော့ သမီးတို့ပါ သမီးဖေဖေနဲ့ လာနေတဲ့ အခါ ဒီလို လူမျိုးတွေရှိတယ်၊ ဒီလိုပုံစံဆက်ဆံကြတယ်ဆိုတာ ကြိုသိထားရအောင်ပေါ့။ ကြိုသိထားတော့ ကိုယ့်ဘက်က ကိုယ့်စိတ်ကိုယ် အသင့်ပြင်ထားလို့ ရအောင် ရည်ရွယ်ခဲ့တာပေါ့ သမီးရေ။ သမီးတို့က ကြိုသိထားတဲ့ အတွက် Dead Face တွေကို အဆင်ပြေအောင် ပေါင်းသင်းဆက်ဆံ နိုင်ခဲ့တယ် ဆိုတာ မေမေသိတော့ သမီးကို ချီးကျူးမိပါတယ်။ ဒါပေမယ့် သမီးရေ လူဆိုတာ မကောင်းတာဆို ကူးစက်တာ သိပ်မြန်တယ် မဟုတ်လား။ မေမေကိုယ်တိုင်တောင် ကြာကြာမပြုံးနိုင်တော့တဲ့ အဖြစ်တွေ တွေတွေ့လာရတယ်လေ၊ အဲဒီတော့ ပွဲလမ်းတွေ စုံညီစုဝေးကြတဲ့ အခါတွေမှာ ကိုယ်လဲ Dead Face နဲ့ နေနေလာတာကို မသိမသာလိုနဲ့ သိသိသာသာ ဖြစ်လာခဲ့တယ်။ ဒါကလည်း မေမေ့နောက်မှ ရောက်လာတဲ့ သမီးတို့က မေမေ့ကို ပြန်ပီးထောက်ပြလာကြတာလေ၊ ဘယ်တုန်းက ဘယ်သူက ဘာပြောတော့ မေမေက Dead face နဲ့ ဘယ်လို ဆက်ဆံလိုက်တယ်လို့ ပြောတော့ မေမေ နဲနဲ တုန်လှုပ်သွားတယ်။ ဒါ့ကြောင့် တတ်နိုင်သမျှ ရှောင်နေပြီး ကိုယ့်အိမ်ထဲမှာပဲ စာဖတ်နေတော့တာပဲ။
                  အဲဒီနေ့က မေမေက ဟန်မပျက်ခဲ့ပေမယ့် သမီးဟာ သိသိသာသာ ဟန်ပျက်နေခဲ့တယ်။ အင်မတန် ရင်းနှီးတဲ့သူက ဒီလိုဆိုတော့ သမီးက အံ့ဩ ဒေါသဖြစ်သလို မေမေကလဲ သမီးလုပ်ရပ်ကို မှန်တယ်လို့ ထောက်ခံခဲ့မိတယ်။ အစစ ဆင်ခြင်သုံးသပ်ိတဲ့အခါ မေမေဟာ အတော်တုန်လှုပ် ထိတ်လန့်သွားခဲ့တယ်။ သမီးဟာ ငယ်သေးတယ်၊ လူ့လောကမှာ ဒါဟာ အစပဲရှိသေးတယ်၊ သမီးရဲ့ ဖြူနေတဲ့ စိတ်ကို အရောင်ဆိုးသလို ဖြစ်နေပြီလို့ မေမေ တွေးမိလို့ပဲ သမီးရေ။ ဒါ့ကြောင့် သမီးရေ သမီးရဲ့ အဖြူရောင်စိတ်ကို အရောင်အစွန်းအထင်း ဖြစ်စေမယ့်အရာတွေကို လက်မခံပါနဲ့လို့ မေမေ ပြောပါရစေ၊ အပြုံးကိုဆောင်ပါသမီး၊ မေမေတို့ ငယ်ငယ်က အင်မတန်ကြိုက်ခဲ့တဲ့ ပို့စကဒ်လေးတွေရှိတယ်။ အဲဒီပို့စကဒ်လေးတွေမှာ ကဗျာဆရာ မောင်ပန်းမွှေး ရေးခဲ့ဖူးတဲ့ ကဗျာလေးလို ဘယ်သူဖြစ်ဖြစ်၊ ဘာဖြစ်ဖြစ် ချစ်သည် ကြားလျှင် ဝမ်းသာသည်၊ မုန်းသည်ကြားလျှင် လွမ်းပါသည်ဆိုတာမျိုး ဘယ်သူဖြစ်ဖြစ် ဘာဖြစ်ဖြစ် ပြုံးသည်ကြားလျှင် ဝမ်းသာသည်ပေါ့ သမီး။ သူပြုံးရင်ကိုယ်ပြုံးမယ်၊ သူမဲ့ရင်ကိုယ်မဲ့မယ်ဆိုတာ သူတော်ကောင်းတရားမဟုတ်ဘူးသမီး။ ဒါ့ကြောင့် လောကအလယ် ခြေချကာစ သမီးကို မေမေပြောချင်တာက ချစ်ရင်လည်းပြုံးပါ၊ မုန်းရင်လည်း ပြုံးပါ သမီးရေ။

သမီးရဲ့ မေမေ
                                                             ခိုင်ခိုင်စောလွင်
                                                  သရုပ်ဖေါ်ပုံ ပန်းချီဖေညွန့်ဝေ