ကျင့်ဝတ်နှင့် တာဝန်အကြား တွယ်ကပ်ခေါင်းပုံဖြတ်နေသော အဓမ္မစေခိုင်းမှု ( ကောင်းကင်အနုရသ မဂဇင်းမှ)

တူညီသောဘဝများ
                      ပြည်တွင်းက ပုဂ္ဂလိကမီဒီယာတခုမှ အလုပ်ထွက်လာသည့်  လူငယ်တယောက်ကို လခကောင်းရဲ့သားနဲ့ ဘာလို့ အလုပ်ပြောင်းလိုက်ရသလဲ မေးလိုက်ရာ  သူ့အဖြေက မဆန်းပေမယ့် စိတ်ဝင်စားစရာ အဖြစ်တွေ ကြားရလေသည်။  သူလုပ်ခဲ့တဲ့ မီဒီယာ ပိုင်ရှင်က မြန်မာပြည်ရဲ့ ထိပ်းသီး ခရိုနီတဦး ဖြစ်ပါသတဲ့။ သူတို့ရဲ့ မိသားစု သာရေးနာရေး အလှုရှိပါက ဝန်ထမ်းတွေကို နေရာမရွေး ခေါ်ပြီး ခိုင်းပါသတဲ့၊ အထူးသဖြင့် ရိုက်ကူးရေး လုပ်ရတဲ့ သူတို့လို ကင်မရာသမားတွေဆို အချိန်အခါ မရွေး လိုက်လုပ်ပေးရပါတယ်တဲ့။ ပင်မအလုပ်တာဝန်တွေနဲ့ ပင်ပန်းလွန်းလို့ အနားယူချင်ပေမယ့် သူဌေးရဲ့ မိသားစု ကိစ္စတွေပါ နားရမယ့်ရက် မနားရပဲ လုပ်ရပါတယ်တဲ့၊ ဒါတင်မက ခရိုနီမိသားစုရဲ့ ပွဲတွေ ရိုက်ဖို့ ခေါ်ရင် အဝတ်အစားကိုပါ ဘယ်လို ဝတ်လာခဲ့ပါဆိုတာ ပါသတဲ့၊ တခါကတော့ ယောဂီအညို ပုဆိုး နဲ့ ရှပ်ပ် အကျ င်္ီအဖြူရောင် ဝတ်လာဖို့ ညွှန်ကြားတာမှာ ဝန်ထမ်းတယောက်က သူ့မှာ ယောဂီပုဆိုး မရှိတဲ့အတွက် အင်္ကျီကိုတော့ အဖြူရောင် ဝတ်လာပေမယ့်  ဒဏ်တပ်ကြောင်း၊ အလုပ်ချိန်မဟုတ်ပဲ လာလုပ်ပေးရတာတောင်  လခထုတ်တော့ ဒဏ်တပ်တယ်ဆိုကာ လစာထဲက  အဖြတ်ခံရကြောင်း ကြားရလေသည်။  သူလဲ ကြာတော့ ကိုယ်ဝါသနာပါလို့ လုပ်နေပေမယ့် ကိုယ်ရေးကိုယ်တာနဲ့ ပငိမအလုပ် ခွဲခြား မသိ ၊ ရောထွေးနေတဲ့ ဒီပုံစံကို မကြိုက်လို့ အလုပ်က ထွက်လိုက်တဲ့ အကြောင်း သိရလေသည်။ 

                     ဒီပုံစံမျိုးတွေ အမြစ်တွယ်နေတာ ကြာလှခြေပြီ။ အရင်းစစ်ပါက ဒီလို ပုံစံ ဒီလို အနေအထားတွေ ရောက်အောင် မျိုးစေ့ချပေးသူမှာ အစိုးရသာ ဖြစ်လေသည်။ စာရေးသူရဲ့ သူငယ်ချင်း ဖြစ်သူ အလယ်တန်းပြ ဆရာမတယောက် လခတွေ တိုးပြီးကာမှ အလုပ်မှ ထွက်လိုက်ရသည်။ သူ့ခင်ပွန်းက နေပြည်တော် စာရင်းရုံးက ဝန်ထမ်း၊ သားတွေ သမီးတွေက ရန်ကုန်မှာ ကျောင်းတက်နေရသည်။ သူကိုယ်တိုင် နေပြည်တော်ကို လိုက်ပြောင်းပါက ရသော်လည်း အိမ်က ရန်ကုန်မှာ အခြေကျနေပြီ။ ပင်စင်ယူလျှင် ကိုယ့်အိမ်ကိုယ် ပြန်နေရမှာမို့ ရန်ကုန်ကနေမခွာပဲ နေလိုက်သည်။ တော်ကြာ နေပြည်တော်ကို လိုက်ပြောင်းပြီးပါမှ  ခင်ပွန်းဖြစ်သူ ရန်ကုန်ကို ပြန်ပြောင်းရချိန် သူက ပြန်ပြောင်းမရလျှင် ကိုးလို့ကန့်လန့်ဖြစ်မှာလဲ စိုးလေသည်။ ပညာရေးဋ္ဌာနက ဆရာမတွေ  ရန်ကုန်မြို့ပေါ်ကို ပြန်ပြောင်းရတာ မလွယ်မှန်း သူလဲ သိထားလေသည်။  သီတင်းကျွတ်ကျောင်းပိတ်ရက်၊ ဒီဇင်ဘာကျောင်းပိတ်ရက်၊ နွေရာသီကျောင်းပိတ်ရက်တွေမှာ နေပြည်တော်သို့ သွားနေမည်ဟု ဆုံးဖြတ်ရာ တကယ်တန်းကျ မဖြစ်နိုင်တော့။ 
၁၉၉၀ခုနှစ် နောက်ပိုင်းကာလ မှာ ဆရာ/ ဆရာမတွေ အတွက် ယခင်ကလို အားလပ်ရက် ကျောင်းရက်ရှည် ပိတ်ရက်ကို တရားဝင် ပိတ်သော်လည်း တရားဝင် ခံစားခွင့် မရှိတော့ပေ။ ကျောင်းပိတ်ရက်မှာ တပတ်မှာ ဘယ်နေ့ ကျောင်းမှာ လုံခြုံရေး ဂျူတီကျသည်။ အလုပ်မျိုးစုံ တာဝန်ချသည်။ နာမည်သာခံပေမယ့် တကယ်တန်းကျ  နားရက်မရ။ ယခင်က ကျောင်းဆရာ/ ဆရာမတွေက တနှစ်ပတ်လုံး စာသင်ရတာရယ်၊ ခွင့်ခံစားချက်တွေက အခြားဝန်ထမ်းများနှင့် မတူသည့်အချက်ရယ်တွေကြောင့် နွေရာသီ ကျောင်းပိတ်ရက်မှာ လွတ်လပ်စွာ နေခွင့် ရလေသည်။ ဆရာမတွေ အားနေသားပဲ ဆိုသည့် အပြောဖြင့် နာမည်ကြီး အတွင်းရေးမှုး(၁) လက်ထက်မှ အစပြုကာ ကျောင်းဆရာ/ ဆရာမတွေကို နားခွင့်မပြုတော့ပေ။ တရားဝင် ကျောင်းတက်ရက်လို့လည်း ကြေညာတာမဟုတ်ပဲ ကျောင်းကို နွေရာသီ ပိတ်ရက်တွေမှာ အကြောင်းအမျိုးမျိုးဖြင့် သွားနေရလေသည်။ 
အဆိုပါ ကျောင်းဆရာမလည်း နောက်ဆုံး အလုပ်မှ ထွက်လိုက်ရလေသည်။ 
                 တန်ရာတန်ကြေး ပေးပြီး ခိုင်းထားတာပဲ တန်အောင် ခိုင်းမည် ဆိုသည့် အမြင်မျိုး စတင်ခဲ့သည်မှာ စစ်အစိုးရ လက်ထက်က သနေတည်ခဲ့ဟန်တူသည်။ တဖက်ကကြည့်ပါက အဓမ္မစေခိုင်းမှု ဖြစ်သည်။ လုပ်အားခေါင်းပုံဖြတ်မှုတွေ ဖြစ်သည်။ 

အဓမ္မခိုင်းစေမှုအစ 

             စာရေးသူမှတ်မိသလောက် ၁၉၇၀ခုနှစ် ဝန်းကျင်မှာ ပေါ်တာ ဆွဲသည် ဆိုတဲ့ စကားလုံးကို ကြားဖူးလေသည်။ ထိုအချိန်က ငယ်သေးသည့်အပြင် အိမ်မှာက အရွယ်ကောင်း ယေကျ င်္ားဆိုပါက အဖေ တယောက်သာရှိသည်။ ပြီးတော့ အဖေက ဝန်ထမ်းဆိုတော့ စိတ်နဲနဲအေးရသည်။ ဒါပေမယ့် ဘယ်နေ့က ဘယ်နေရာမှာ ပေါ်တာဆွဲလို့ ဘယ်သူတွေ ဘယ်သူ့သားသမီးတွေ  ပါသွားတယ် ဆိုတာမျိုးကို ကြားဖူးနေကြဖြစ်သည်။ ဒါ့ကြောင့် ပေါ်တာဆွဲတယ်ဆိုတာကို ကြားသာ ကြားဖူးခဲ့သည်။ နောက်ပိုင်း နယ်မြို့တွေနဲ့ နယ်စပ်ဒေသက လူတွေ ပြောပြမှ ပေါ်တာ အဆွဲခံရသည့် လူတွေရဲ့ ဆိုး၇ွားလှသည့် ဘဝအတွေ့အကြုံကို သိရလေသည်။ ရုပ်ရှင်ရုံ ညပွဲအပြီး ပိတ်ပြီး ဖမ်းကာ ခေါ်သွားတာမျိုး၊ ညဘက် သန်းခေါင်သန်းလွဲ အပြင်ကအပြန် လမ်းမှာ ခေါ်သွားတာတွေ၊ ဘယ်ရောက်သွားမှန်းမသိ မိသားစုလဲ ဘယ်ရှာရမှန်းမသိ ဖြစ်ခဲ့တာတွေ အများကြီးပင်။ စာရေးသူတို့ မိသားစု အဖွားတွေဆီ ကျောင်းပိတ်ရက် အလည်သွားဖို့ မီးရထားလက်မှတ် သွားဝယ်လျှင် မနက်အစော (၂)နာရီလောက် ကတည်းက တန်းစီ စောင့်ရသည်။ ထိုသို့ မနက်စောစော ထသွားရပါက ဦးလေးတွေ အကိုတွေ မှတ်ပုံတင်၊ ကျောင်းသားကဒ် အစုံယူသွားရတာ မှတ်မိသည်။ အကိုတွေ မောင်တွေ အရွယ်ရောက်လာတော့ အမေက ည(၈)နာ၇ီ မထိုးခင် အိမ်အရောက်ပြန်ဖို့ မှာရသည်။ ည(၈)နာရီ ဆိုပါက အားလုံး တိတ်ဆိတ်ငြိမ်သက်နေပြီ။ ဒါကရန်ကုန်မြို့ ဆင်ခြေဖုံး မြို့သစ်မှာဖြစ်သည်။  ထိုအချိန် အပြင်ထွက်သူသည် ပေါ်တာဆွဲသူနှင့်တွေ့က ပါလေပြီ။ စာရေးသူ ထိုအချိန်က စဉ်းစားသည်။ ရှေ့တန်း စစ်တိုက်ထွက်တာ လက်နက်သယ်ဖို့ ရိက္ခာသယ်ဖို့ လူတွေ ခန့်မထားပဲ ဘာဖြစ်လို့ တွေ့ရာလူ ဖမ်းခေါ်ပြီး ခိုင်းတာပါလိမ့် သိချင်နေခဲ့သည်။ တကယ်တော့ လူ့ရဲ့ လုပ်အားကို အဓမ္မခိုင်းစေသည်သာမက လူသားလက်နက်အဖြစ် အသုံးချကြတာကို သိလာရလေသည်။ လူတယောက်ရဲ့ ဆန္ဒမပါပဲ ခိုင်းစေမှုသည် အဓမ္မခိုင်းစေမှုသာ ဖြစ်သည်။

ဝန်ထမ်းဘဝအဓမ္မ

                      စာရေးသူတို့ ဝန်ထမ်း  ဖြစ်သည့်အချိန်က စစ်တပ်ကလူတွေ အရပ်ဖက် ကူးပြောင်းလာသည့် အချိန်ဖြစ်ရာ ဝန်ထမ်းလောကမှာ စစ်တပ်မှာကဲ့သို့ အဓမ္မခိုင်းစေမှုတွေ ဖြစ်လာခဲ့လေသည်။ စာရေးသူတို့ မိသားစုက ဝန်ထမ်းတွေ ဖြစ်သည်။ အဖေနှင့်အမေ လက်ထက် ဝန်ထမ်းဘဝက အေးချမ်းလှသည်။ မပြည့်စုံပေမယ့် စိတ်ချမ်းသာကြသည်။ ဒါပေမယ့် ၁၉၈၈ခုနှစ်နောက်ပိုင်းမှာတော့  စာရေးသူရဲ့ မိဘတွေလည်း အဖျားအခတ် ခံလိုက်ရသေးသည်။ အဖေဆိုပါက တလတခါ အိပ်ယာလိပ်ပြင်ရသည်။ ရုံးမှာ ညသွားအိပ်ရခြင်းပင်။ ရုံးမှာ ညစောင့်ရော နေ့စောင့်ပါ ခန့်ထားပါသော်လည်း ညဖက် လုံခြုံရေး အကြောင်းပြကာ ဝန်ထမ်းတွေကို စနေ တနင်္ဂနွေ နားရက်မှ တလတခါ ခေါ်ခိုင်းခြင်းဖြစ်သည်။  တကယ်တန်း သူခိုးသူဝှက် လာပါက ဘာသင်တန်းမှ တက်ထားတာလဲ မဟုတ်၊ ဘာလက်နက်မှ တပ်ထားတာလဲ မဟုတ် အချောင်ခံရမည့် ကိန်းပင်။ တကယ်တန်း ခံလိုက်ရသူတွေ ရှိလေသည်။ မှတ်မှတ်ရရ သင်္ကန်းကျွန်းဘဏ် ဖောက်ထွင်းခံရသည့် အမှုမှာ ညဖက် ဂျူတီကျသည့် ဘဏ်ဝန်ထမ်း တယောက် အသက်ဆုံးရှုံးရဖူးသည်။ 

                    စာရေးသူတို့ ပြန်ကြားရေးဋ္ဌာနမှာလဲ ထိုနည်း၎င်း ထိုနည်း၎င်းးတွေ အများအပြားကြုံခဲ့ရသည်။ ထိုစဉ်က ဒုတိယညွှန်ချုပ်ရဲ့ မိခင် နာရေးကို အသုဘပို့ရန်ဆိုကာ ဋ္ဌာနကဝန်ထမ်းတွေကို လူအရေအတွက်  နှစ်ဆယ်လား၊ သုံးဆယ်လား  သေသေချာချာ မမှတ်မိတော့၊ အဲဒီလူတွေကို ဌာနက ကားတစီးဖြင့်  ပဲခူးသို့ အသုဘပို့ လွှတ်လေသည်။ ရန်ကုန်နှင့်ပဲခူး အသွားအပြန် အသုဘပို့ပြီး ပြန်လာသည့် ဝန်ထမ်းတွေမှာ ရုံးပြန်အရောက် စကားမေးပင်မရ၊ မိုးချုပ်နေပြီ ဖြစ်၍ သူတို့အိမ်ပြန်ရန် ရုံးမှာကျန်ခဲ့သည့် ထမင်းချိုင့်၊ ဆွဲခြင်း၊ အိတ်တို့ ယူပြီး  ကားကျပ်ပြီ၊ လိုင်းကားမှ ရပါ့မလား၊ အောက်ဆိုဒ်ကား နဲ့သွားရပြီထင်တယ် အမျိုးမျိုး စိုးရိမ်စိတ်တို့ဖြင့် အသော့နှင်ကြရလေသည်။

 ရုံးက သန့်ရှင်းရေး ဝန်ထမ်း၊ အစောင့်၊ လုံခြုံရေး အစရှိသော အောက်ခြေဝန်ထမ်းတွေအဖို့ ဆိုဖွယ်ရာ မရှိ။ ညွှန်ကြားရေးမှုးချုပ် အိမ်ကို ဆေးသုတ်ပေးရသည်။ ခြံထဲက မြက်ကို ခုတ်ပေးရသည်။ မီးဖိုချောင်ထဲက ပန်းကန်ဆေး အိုးခွက်တိုက် အမှိုက်ပစ်ပေးရသည်။ တပတ်တခါ အဝတ်လျှော် ပေးရသည့် ဝန်ထမ်းပင် ရှိခဲ့လေသည်။ 

သူတို့သည် ဋ္ဌာနေတွေမှာ မိုးကျရွှေကိုယ်တွေ အဖြစ်ရောက်ရှိလာခဲ့ပြီး ယခင်က တပ်ထဲမှာ ပြုမူနေကျအတိုင်း အဓမ္မခိုင်းစေမှုကို လက်ယဉ်နေတာဖြစ်မည်။ 

ထုခြေလွှာနှင့် နှစ်ပါးသွားခဲ့ခြင်း 

                     စာရေးသူသည် ဝန်ထမ်းဘဝမှာ မိမိထမ်းဆောင်ရမည့်  ဌာနတာဝန်ကို ကျေပွန်အောင်လုပ်သည်။  မိမိတာဝန်ကျသည့် အချိန်မှာ စီးပွားရေး၊ လူမှုရေး ၊ ကျန်းမာရေး စတာတွေ နောက်ကြောင်းအေးသည်ဖြစ် မအေးသည်ဖြစ်စေ အလုပ်ထဲမှာ စိတ်နှစ်ပြီး လုပ်ရသည်။ အင်မတန်အရေးကြီးသည့် အသံလွှင့်လုပ်ငန်းမှာ အနည်းငယ် မှားယုံနှင့် ခွင့်မလွတ်တတ်သည့် သဘောသဘာဝရှိသည်။  ဋ္ဌာနမှာ အမြင့်ဆုံး အပြစ်ဒဏ် အလုပ်မှထုတ်ပယ်ခြင်း အပါအဝင်၊ နယ်ပြောင်းရွှေ့ခြင်း၊ စက်ရုံပြောင်းရွှေ့ခြင်း၊ ဋ္ဌာနခွဲပြောင်းရျွှေ့ခြင်း၊ ရာထူးချခြင်း၊ သတိပေးခြင်း၊ ထုခြေလွှာရေးရခြင်း အစရှိသဖြင့် ပြစ်မှုအလိုက် အမျိုးမျိုး ရှိလေသည်။ အစိုးရဋ္ဌာနတိုင်းမှာ ထိုနည်းလမ်းအတိုင်းပင် ဖြစ်သည်။

 အသံလွှင့်ကလူတွေအဖို့ ယင်းအပြစ်ဒဏ်တွေ ထဲက  အနိမ့်ဆုံး ထုခြေလွှာရေးရမှာကိုပင် ဝန်ထမ်းတွေ သေမတတ်ကြောက်ကြလေသည်။ စာရေးသူသည်  ပင်မတာဝန်ဖြစ်သည့် အသံသွင်း၊ အသံကူး၊ အသံလွှင့်တာနှင့် ပတ်သက်ပြီး အမှားအယွင်း မရှိအောင် စိတ်နှစ်ပြီး စေတနာထားကာ ဆောင်ရွက်သည်။ ကိုယ်တာဝန်ကျသည့် နေ့မှာ အသံလွှင့် အစဉ်လေးကို လှပနေအောင် စိတ်နှစ်ပြီး အာရုံစိုက်သည်။ ဒါ့ကြောင့် အလုပ်တာဝန်နှင့် ပတ်သက်ပြီး အနိမ့်ဆုံး ပြစ်ဒဏ်အဖြစ် တခါမှ ထုချေလွှာ မရေးခဲ့ရ။

 သို့သော် စာရေးသူသည် ထုချေလွှာနှင့် အမြဲနှစ်ပါးသွားခဲ့ရသည်။  ထုချေလွှာပေါင်းများစွာ  ဘယ့်လောက် ရေးရသလဲ ဆိုသော် အလုပ်ကိစ္စ မှားယွင်း၍ ထုချေလွှာရေးရမည့်သူ တယောက်က မည်သို့ ခေါင်းစဉ်တပ်ရမည်၊ မည်သူတွေကိုလိပ်မူရမည်၊ ဘယ်လို ရေးရမည်ကို မသိပါက စာရေးသူဆီထံ ရောက်လာပြီး အကြံတောင်း အကူအညီယူရသည်အထိ နာမည်ကြီးခဲ့လေသည်။

ဝန်ကြီးဋ္ဌာနတွေမှာ ပင်မတာဝန်တွေ အပြင် မဆိုင်သည့် လုပ်ငန်းများစွာ လုပ်နေရသည်။  တပ်မတော် စစ်သမိုင်းပြတိုက် စောင့်ဖို့ ဝန်ထမ်းတယောက်ပေးပါ ဟု ဋ္ဌာနကို အကြောင်းကြားလျှင် ဌာနက လူတယောက် ရှာပြီး ပို့ပေးရသည်။ စာရေးသူတို့ ဌာနမှာတော့ စီမံက ထိုအလုပ်ကို ဒိုင်ခံလုပ်ပေးရသည်။ သူက ဌာနမှ မည်သူမည်ဝါ ဆိုကာ ရွေးပြီး   အလှည့်ကျ  ပို့ပေးလိုက်သည်။

  ဘာအထမ်းအမှတ် ဖွင့်ပွဲ ၊ ပိတ်ပွဲ ဝန်ထမ်း (၂၀) မတက်မနေရ ၊ ထိုသို့ ညွှန်ကြားလာပါက စီမံက အဲဒီလောက်တော့ လူမပေးနိုင်၊ မတတ်နိုင်တော့၊ သိမ်းကြုံးပြီး စနေတနင်္ဂနွေ နားရက်ရသူတွေ ထဲ့လေသည်။ စာရေးသူ ဒီလို ပွဲမျိုး အထဲ့ခံရစဉ် ပထမဆုံး အကြိမ် သွားခဲ့သည်။ တပ်မတော်နေ့ အထိမ်းအမှတ် ဓါတ်ပုံ ၊ ပိုစတာ၊ ကာတွန်း ပန်းချီ ပြပွဲ၊ တပ်မတော်ခန်းမမှာ လုပ်သည်။ စာရေးသူတို့ကို ဌာနက နားရက်နှင့် ကိုက်သည့်အတွက် သွားရမည်ဟု လူစာရင်းထုတ်ရာ ပထမဆုံးမို့ မသိသဖြင့် သွားလိုက်သည်။

ဌာနကို နံနက်(၆)နာရီ အရောက်ခေါ်သည်။ ရောက်အောင်သွားသည်။ ထိုသို့ရောက်အောင်သွားဖို့ အိမ်က မိသားစု အတွက် နံနက်(၄)နာ၇ီကတည်းက ထပြီး ချက်ပြုတ်စီမံခဲ့ရသည်။  တကယ်တန်းကျ  လိုက်ပို့မည့် ကားမလာသေးတဲ့ အတွက် (၇)နာရီခွဲမှ ကားကစထွက်သည်။ ရုံးနှင့် တပ်မတော်ခန်းမက (၁၀)မိနစ်သာ ကားမောင်းရသည်။ ပြခန်းရှေ့ရောက်တော့ (၈)နာရီ မထိုးသေး၊ ထိုင်စရာမရှိ၊ တာဝန်ယူမည့်သူမရှိ၊ ဘယ်သွားရမှန်းမသိ၊  လူစာရင်းတိုက်ပြီး ကားပေါ်တင်ပေးလိုက်သည့် စီမံက တာဝန်ရှိသူက လိုက်ပင်မလာ၊ ဟိုယောင်ယောင် ဒိယောင်ယောင်နှင့် (၉)နာရီထိုးအောင် မနည်းစောင့်ရသည်။ လူကြီးရောက်ပြိတဲ့၊ မစသေး၊ ( ၉)နာရီခွဲမှ အခမ်းအနားစသည်။ ကဲကဲ လက်ခုပ်တီးကြပါဆိုမှ စာရေးသူတို့ကို လက်ခုပ်တီးဖို့ ခေါ်မှန်းသိသည်။

 ရုံးကို ပြန်ရောက်သည်နှင့် ဒီလို အချိန်တွေပေးရပြီး အလုပ်ရေရေရာရာ မရှိသည့် အခမ်းအနားကို နောင်ဘယ်တော့မှ စာရေးသူကို မထဲ့ပါနှင့် မလိုက်နိုင်ပါလို့ ဝင်ပြောခဲ့သည်။ နောင် ထပ်ကြုံပြန်သည်။ စာရေးသူနာမည် စာရင်းထဲမှာ ပါလာ၍ သွားပြောရာ မရပါ၊ လူမရှိ၍ လိုက်သွားပါ၊ ဂျူတီနားသည့် သူတွေသာ ထဲ့တာပါဟု ဆိုလေသည်။ စာရေးသူက ဂျူတီအနားရသည့် အချိန်မှာ မိသားစုအတွက် အချိန်ပေးရမှာမို့ အချိန်မရှိ၊ နားရက်မှာသာ အိမ်မှုကိစ္စ လုပ်ရသည့်အတွက် မိန်းကလေးတွေ အထူးသဖြင့်  အိမ်ထောင်ရှင် အမျိုးသမီးတွေကို မထဲ့ပါနှင့်ဟု ရယ်သလိုမောသလို ပြောပြရာ မရ။ တကယ်တန်း  ထိုလက်ခုပ်တီးပွဲကို မသွားသည့်အခါ နောက်ရက် ရုံးအရောက် ထုချေလွှာ ရေးရလေတော့သည်။

စာရေးသူက အဖြစ်မှန်အတိုင်း ရေးရာ စီမံက လူက မလုပ်ပါနဲ့ဟာ ၊ နေမကောင်းတာ ဘာညာ အကြောင်းပြပြီး ရေးပါဟု ပြန်ရေးခိုင်း၍ ရေးပေးလိုက်သည်။ ထိုသို့သော အကြိမ်အရေအတွက် များလာသောအခါ စာရေးသူကို လူကြီးတွေက မျက်စိစပါးမွှေး စူးလေသည်။ စာရေးသူကို စီမံက လူက မကြာခဏ လာပြောသည်။  တတ်နိုင်သရွေ့ သူလဲ မထဲ့ဖို့ ပြောပါသည်တဲ့၊ ဒါပေမယ့် အထက်လူကြီးကိုယ်တိုင်က ထဲ့ရမည်ဟု ဆိုသည်တဲ့။ ထိုသို့ပြောလာတိုင်း ကျမကို မထဲ့နဲ့ ပြောပြီးသား၊ မဆိုင်တဲ့ အလုပ် မလုပ်နိုင်ဘူး ဆိုသော်လည်း လူမရှိဆိုတာာထက် အညှိုးထားကာ ဆက်တိုက်ထဲ့လေသည်။ နောက်ဆုံးမှာ စာရေးသူက စကားကုန်အောင် ပြောလိုက်သည်။ ကျမကို လက်ခုပ်တီးဖို့ အင်အားပြဖို့ အခမ်းအနားတွေ ထဲ့ချင်ရင် ထဲ့လိုက်ပါ၊ ဒါပေမယ့် ကျမအစား လူတယောက်လျော့တာပဲ အဖတ်တင်မယ်၊ ကျမက ထုခြေလွှာပဲ ရေးမှာပဲ ဟု ပြောလိုက်ရာ မျက်စိမျက်နှာ ပျက်လေသည်။

နောက်ဆုံး အဖြစ်အပျက်ဟု ပြောရမည်ထင်သည်။ စာရေးသူကို လက်ခုပ်တီးဖို့ အင်အားပြဖို့ စာရင်းထဲ့ထားလေသည်။ ထိုနေ့သည် တနင်္ဂနွေနေ့၊ ဒါပေမယ့် စာရေးသူက နံနက်ပိုင်းအသံလွှင့်၈ျူတီကျနေသည်။ ဘာမှမပြောပဲ ငြိမ်နေလိုက်သည်။ တကယ်က စာရေးသူတို့ အသံလွှင့်ဂျူတီဇယားက တလတခါ စီမံကို ပို့ထားပြီးသာ။ ထိုလက လလည်လောက်ရောက်မှ ရုတ်တရက် အရေးပေါ်ကိစ္စဖြင့် ခွင့်ယူသူတွေ ပေါ်လာရာ ဂျူတီရိုစတာ အသစ်ပြန်ဆွဲရသည်။ ထိုဂျူတီဇယားကို စီမံကို ပို့ပြီးသား၊ စီမံက မေ့ပြီး အဟောင်းကိုကြည့်မိပြီး စာရေးသူကို နားရက်ဆိုကာ ထည့်လိုက်ခြင်း။

             ထိုနေ့မနက် ကိုယ့်ဂျူတီ ကိုယ်ဆင်းသည်။ စာရေးသူတို့အလုပ်က တချို လူတွေ ပြောသလို ရေဒီယိုအသံလွှင့်ချိန်ဆိုပါက ရေငုတ်သင်္ဘောကြီးထဲ ဝင်နေသလိုပင်၊ ထိုအခန်းထဲမှာ တနေကုန်၊ ဂျူတီပြီးမှ ပြင်ပထွက်သည်။ ထိုအချိန်မှ ပြင်ပနေ လေကိုရလေသည်။ နောက်တနေ့ တနင်္လာနေ့မှာတော့ အချိန်အတိုင်း  နိုက်ဂျူတီ ဆင်းရသည်။ စီမံရုံးခန်းမှာ ရုံးတက်  လက်မှတ်ထိုးဖို့ အသွား ရုံးခန်းမှာ ဝန်ထမ်းကို ဖိနှိပ်ချင်သည့် အကြီးအကဲ တယောက် ရောက်နေပြီး သူက စာရေးသူကို မြင်မြင်ခြင်း လက်ညှိုးငေါက်ကနည်းထိုးက  မနေ့ကမနက် ပွဲကို မလာတဲ့အကြောင်း၊ ဒီပွဲက အရင်လို ဝန်ကြီး အဆင့်မဟုတ်ပဲ အတွင်းရေးမှုး(၁) ၊ ဝန်ကြီးချုပ်တက်သည့် ပွဲဖြစ်တဲ့ အတွက် ထိထိရောက်ရောက် အရေးယူမှာဖြစ်ကြောင်း ၊ တဆက်ထဲ စီမံ ရုံးအုပ်ဖက်လှည့်ပြီး အခုချက်ခြင်း ထုခြေလွှာရေးခိုင်း ဟုပြောလေသည်။ အခန်းထဲမှာ အခြားဝန်ထမ်းများလည်း အကြောင်းကိစ္စအဝဝ ဖြင့် ရောက်နေသည်ဖြစ်ရာ စာရေးသူကို တရားခံတယောက်လို ပြောဆိုလိုက်သည့် အတွက် ဝန်ထမ်းတွေမှာ အားတုံ့အားနာ မျက်နှာတွေ ဖြစ်ကုန်ကြလေသည်။ 

စာရေးသူသည်  တမင်ပင် ခပ်ပြုံးပြုံးဖြင့် လေသံကို အတတ်နိုင်ဆုံး ဖြေးဖြေးအေးအေးပင် ထားကာ

" ဝန်ထမ်းတယောက်ကို ယဉ်ယဉ်ကျေးကျေးပြောပါ၊ ရန်သူလို မပြောပါနဲ့ ထုချေလွှာရေးဆိုရင် ရေးမယ် အစချီပြီး ကိုယ့်ရဲ့ မူလတာဝန်ဖြစ်တဲ့ အသံလွှင့်တဲ့ အလုပ်ကို အသံလွှင့်တာရပ်ပြီး လက်ခုပ်သွားတီးရမလား၊ ဘယ်အလုပ်က အရေးကြီးသလဲ ပြောပါ၊ တရက်ထဲ တချိန်ထဲမှာ ကျလာတဲ့ အလုပ်(၂)ခုထဲက ဘယ်အလုပ်ကို ရွေးရမလဲဆိုတာ ကျမမှားရွေးခဲ့ရင် ကျမအခုချက်ခြင်း ထုခြေလွှာရေးမယ် ဆိုမှ စီမံ ရုံးအုပ်ဖက်လှည့်ပြီး ခင်ဗျားဘယ်လိုလုပ်တာလဲဆိုကာ ဆူပူမာန်မဲလေတော့သည်။ စာရေးသူလဲ ဇတ်ကနည်းပင် တာဝန်ကျရာ အခန်းဆီ ကျေနပ်အားရပြီး ပြန်ခဲ့သည်။ နောက် ညဖက် ဂျူတီရက်တရက်မှာ နားတွေပူ အလုပ်တွေပူ၍ဆိုကာ စာရေးသူတို့ စက်ခန်းထဲ လာထိုင်သည့် အဆိုပါ စီမံက ရုံအုပ်က ထိုအကြောင်း ပြန်ပြော ညည်းညူအပြမှာ စာရေးသူက စာရေးသူအပါအဝင် တကယ်တန်း နေ့ည အလုပ်လုပ်ရသူတွေကို ဒီလို ဝေလေလေနဲ့အချိန်ကုန် အကျိုးမရှိတဲ့ နေရာတွေမှာ မထဲ့ပါနဲ့လို့ ထပ်ပြောလိုက်သည်။ ထိုအချိန်မှ စပြီး စာရေးသူတို့ on-air ၈ျူတီကျ ဝန်ထမ်း တတွေ လက်ခုပ်တီးဖို့ အင်အားပြဖို့ မလိုက်ရတော့ပေ။

အဓမ္မခိုင်းစေမှုပျောက်ကွယ်ပါစေ
                   ပုဂလိက ဝန်ထမ်းကိုပဲဖြစ်ဖြစ် အစိုးရဝန်ထမ်းကိုပဲဖြစ်ဖြစ် မူလသဘောတူထားသည့် တာဝန်နှင့် လုပ်ကိုင်ရမည့် လုပ်ငန်းများအစား အခြား ကိုယ်ရေးကိုယ်တာ အပါအဝင် မဆိုင်သည့် အလုပ်များကို ခိုင်းစေခွင့်ရနေသည်မှာ ဥပဒေအရ အားနည်းတာ အပါအဝင် မိမိလက်အောက်ဝန်ထမ်း၊ မိမိခန့်ထားသည့် ဝန်ထမ်းအပေါ်မှာ အလုပ်ခွဲခြား နားမလည်တာတွေကြောင့် ဖြစ်သည်။ အစိုးရကိုယ်တိုင် ပြည်သူကို ဆက်ဆံတာမှာ လက်အောက်ငယ်သားကဲ့သို့ မြင်နေသည့် မှားယွင်းသော အယူတွေက စတင်ခဲ့ခြင်းဖြစ်သည်။ ပြည်သူတွေ၊ ဝန်ထမ်းတွေ၊  အလုပ်သမားတွေဘက်က အခိုင်အမာ ရပ်တည်ပေးနိုင်မည့် ဥပဒေရေးရာ အားနည်းမှုတွေကြောင့်လည်း ယခုကဲ့သို့ ကိစ္စများ ဖြစ်ပေါ်နေရခြင်းဖြစ်သည်။ အုပ်ချုပ်ရေးနှင့် တရားစီရင်ရေး မဏ္ဍိုင်တွေ အားနည်း လျော့လျဲလာတာက အစပြုလာတာဖြစ်သည်။ ထိုသို့ လျော့လျဲရာမှ ဌာနတစ်ခု၏ အကြီးအကဲ ဖြစ်လာလျှင် ထိုဌာနမှာ တာဝန်ထမ်းဆောင်နေသည့် ဝန်ထမ်းများကို လိုသလို ခိုင်းစေ၍ရသည်ဟု ထင်နေကြသည်။ ဒါတင်မက ဌာနမှာ ရှိသည့် အောက်ခြေဝန်ထမ်းတွေ ဆိုပါက ၎င်းတို့ အိမ်အတွက်ပါ ခိုင်းစရာ လူများဟု သတ်မှတ်ကာ လိုသလို ခိုင်းနေခြင်းပင်၊ အဆိုပါ ဝန်ထမ်းများသည် သူတို့ဘက်မှာ မားမားမတ်မတ် ရပ်ပြီး ရှိနေရမည့် ဥပဒေက မခိုင်မာသည့်အတွက်ကတကြောင်း ၊ နားမလည်သည်ကတကြောင်း၊ နားလည်ပါသော်လည်း ငြင်းပယ်ဖို့ အင်အားလဲ မရှိ၊ မလုပ်နိုင်ဟု ငြင်းပယ်လိုက်ပါက နောက်ဆက်တွဲ ဘာဖြစ်နိုင်သည်ကိုတော့  ကြို သိနေသဖြင့် လုပ်နေရတာပဲ ဖြစ်လေသည်။ ဌာနအတွင်းမှာ မည်သူကမှ မသိလိုက်ရပါပဲ အလုပ်က ထွက်သွားရမည့်အရေး၊ ဘယ်သူကမှ သနားညှာတာသောအားဖြင့် ရပ်တည်ပေးနိုင်သူ မရှိသဖြင့် ရေလိုက်ငါးလိုက် နေကြရသည့် အောက်ခြေဝန်ထမ်းတွေ အများအပြားရှိလေသည်
                မိသားစု စားဝတ်နေရေး ပြေလည်သူ၊ ဒါမှမဟုတ် မိသားစု တပိုင်တနိုင် ဝင်ငွေ ရှိသူတွေအဖို့ကတော့ ပြောခဲ့သည့် လူငယ်လေးလို မခံနိုင်လျှင် ထွက်ကြဖို့သာ ရှိသည်။ သို့သော် တကယ်တန်းမှာ ထိုကဲ့သို့ ထွက်သွားသူမျိုး လူတစ်ရာမှာ တယောက်  ပင်ရှိပါ့မလား၊ မသေချာ၊ လျော့ရဲနေသည့်  ဥပဒေတွေ ပြဌာန်းမှုတွေ အောက်မှာ လူးကာလိမ့်က မြိုသိပ်ကာ လုပ်နေကြရဆဲ ဖြစ်သည်။ ဒီလို လုပ်အားခေါင်းပုံဖြတ်မှု၊ အဓမ္မ ခိုင်းစေမှုတွေမှာ ပြည်သူ၊ ဝန်ထမ်း၊ အလုပ်သမား လယ်သမားများ ခံစားနေကြရသည်မှာ နှစ်ပေါင်း တော်တော်ကြာခဲ့ပြီ။ ကိုယ်ပိုင်စီးပွားရေး လုပ်သည်ဆိုကာ ကားငှားစားလျင်တောင် ရပ်ကွက် ဒါမှမဟုတ် မြို့နယ် အုပ်ချုပ်ရေးဖက်က ကားလိုအပ်သည်ဆိုကာ ချော ဆွဲပါက ပေးရတာပဲ ဖြစ်သည်။ ချောကား ဆိုတာပင် ရှိသည်မဟုတ်ပါလား။ ပြီးခဲ့သည့် မဟာသန္တိသုခကျောင်းတိုက်ကို ဝင်ရောက်စီးနင်းရာမှာ ဆရာတော်တွေကို ခေါ်သွားသည့် ကားလိုင်းမှ  ကားပိုင်ရှင်က ကားကို ချောဆွဲ သဖြင့်  ပေးလိုက်ရကြောင်း ၊ ယခုလို လုပ်ရပ်မျိုး ဆိုပါက ကြိုသိလျှင် သူတို့ကားကို ဒီလိုလုပ်ရပ်မျိုး လုပ်ဖို့ ခွင့်ပြုမှာမဟုတ်ကြောင်း ပြောတာ ဖတ်ရသည်။ ဘယ်တုန်းက ဘာကိစ္စနှင့်မှ မပြောတာ ထုံးစံပင်။ ကားပေး၊ လူပေး၊ လုပ်အားပေး စသဖြင့် ခိုင်းစေ နေသည်မှာ အကျင့်ဖြစ်နေပြီ။  ဒီလို အဓမ္မခိုင်းစေမှုတွေ မဖြစ်အောင် တိုင်းပြည်ယန္တရားကို အဆင်ပြေပြေ ချောမွေ့ဖြစ်အာင် တရားမျှတစွာ အုပ်ချုပ်နိုင်မည့်  အုပ်ချုပ်သူလူတန်းစားနှင့် ပြည်သူလူထု တရပ်လုံးဖက်က ခိုင်ခိုင်မာမာ ရပ်တည်ပေးနိုင်မည့် ရှင်းလင်းတိကျသော  ဥပဒေ စည်းမျဉ်းစည်းကမ်းများ ခိုင်မာဖို့ လိုအပ်နေလေပြီ။
                                ခိုင်ခိုင်စောလွင်

ပျိုလေးရဲ့မောင် ထိုင်းယောင်ယောင်- (၄)+ (၅)

ပျိုလေးရဲ့မောင် ထိုင်းယောင်ယောင် - (၄)
စာရေးတာ လက်တွေ့နေတုန်း ဖေ့စ်ဘွတ်မှာ သတင်းတွေကလည်း စိတ်ဝင်စားစရာများလာတော့ စာဆက်မရေးနိုင်ပဲ ဖေ့စ်ဘွတ်မှာ တမော့မော့ လုပ်နေမိတယ်။ မော့လဲမော့ချင်စရာ၊ အာဆီယံထိပ်သီးအစည်းအဝေးကို လာတက်ကြတဲ့ နိုင်ငံခေါင်းဆောင်တွေက ထိပ်သီးတွေချည်းပဲလေ၊ ဘာတွေပြောမလဲ၊ သိချင်မိတယ်။ မော့ရကျိုးလည်းနပ်ပါတယ်။ " ငုပ်မိသဲတိုင် တက်နိုင်ဖျားရောက်" လို့ အိုဘားမားက ပြောလိုက်တာ ကျေနပ်သဘောကျလွန်းလို့ မကိုင်တာကြာပြီဖြစ်တဲ့ စာအုပ်နှစ်အုပ်ကို ကောက်ကိုင်မိတယ်။ မြန်မာစာအဖွဲ့က ထုတ်ဝေထားတဲ့ မြန်မာဆိုရိုးစကားနဲ့ မြန်မာစကားပုံဆိုတဲ့ စာအုပ်နှစ်အုပ်ပေါ့၊
အဲဒီရက်တွေမှာပဲ အမျိုးသားပညာရေးဥပဒေကို ကန့်ကွက်ပြီး ကျောင်းသားတွေ သပိတ်တိုက်ပွဲဆင်နွှဲတဲ့ သတင်းတွေကိုလည်း စောင့်ဖတ်နေရတယ်၊ အန္တရာယ်ကင်းကြပါစေလို့ ဆုတောင်းရင်းပေါ့၊ အခု ရက်ပေါင်း(၆၀) အချိန်ပေးပြိး သပိတ်ကို ယာယီရပ်ဆိုင်းထားတာ ဖတ်ရပြန်တယ်။ ဖေ့စ်ဘွတ်မှာ မော့ရင်းက ထိုင်းရုပ်မြင်သံကြား ထိုင်းပီဘီအက်စ် က သတင်းထောက်မလေး က သူ့ရဲ့ဖေ့စ်ဘွတ်မှာ သူ့ပုံနဲ့ပဲ နားနှစ်ဖက်၊ မျက်လုံးနှစ်လုံး၊ ပါးစပ်တို့ကို ပိတ်ထားတဲ့ပုံကို တင်ထားတာလဲ တွေ့လိုက်ရတယ်။
"จริงใจปฏิรูป อย่าปิดปากประชาชน..."
" reform ကို တကယ်လုပ်နေတာဆိုပါက ပြည်သူလူထုရဲ့ ပါးစပ်ကို မပိတ်ပါနဲ့"
ဆိုတဲ့ စာကြောင်းလေးပါ ရေးတင်ထားတာ ဖတ်ရတယ်၊
ပြောသာပြောရတာ အခုအချိန်က မြန်မာပြည်အနေအထားက အပေါ်ယံရှပ်ပြီး ပြောကြေးဆို ဒီမိုကရေစီလမ်းကြောင်းကိုသွားေ
နတဲ့ ဒီမိုကရေစီအစိုးရ အုပ်ချုပ်နေတာ၊ ထိုင်းမှာက အခုအချိန်က စစ်တပ်ကအာဏာသိမ်းထားပြီး စစ်အစိုးရက အုပ်ချုပ်နေတာ၊ ဒါပေမယ့် ထိုင်းပြည်သူတွေက ဒီမိုကရေစီနဲ့ကျင့်သားရပြီး အဲဒီအတိုင်းပဲ ပုံမှန်မပျက် အနေအထိုင်မပျက် နေထိုင်နေလို့ ဝန်ကြီးချုပ်အဖြစ်တက်လာတဲ့ ပရာယွတ်က ရုပ်မြင်သံကြားကနေ ထိုင်းနိုင်ငံဟာ လတ်တလော စစ်အုပ်ချုပ်ရေးနဲ့သွားနေတာနော်လို့ မကြာမကြာ သတိပေးစကားပြောနေရတယ်၊
မီဒီယာကို ဘယ်အတိုင်းအတာအထိ ကန့်သတ်ထားသလဲ၊ ဘာတွေ ကန့်သတ်ထားသလဲဆိုတာတော့ သတင်းသမားတွေပဲ သိပါလိမ့်မယ်၊ ဗိုလ်ချုပ်ကြီး ပရာယွတ် အာဏာသိမ်းတဲ့နေ့ အပါအဝင် ရက်အနည်းငယ်အတွင်းမှာတော့ ထိုင်းနိုင်ငံက ရုပ်မြင်သံကြားချန်နယ်အားလုံး ရပ်ဆိုင်းထားသေးတယ်၊ စစ်တပ်က ကြေညာချက်တွေ ထုတ်ပြန်စရာရှိမှ ကြောညာပြီး ကျန်တဲ့အချိန်မှာ စစ်အစိုးရဖွဲ့စည်းလိုက်တဲ့ နာမည်ဖြစ်တဲ့ National Council for Peace and Order ဆိုတဲ့ စာတန်းကြီးပဲ ပေါ်တယ်၊
ပုံမှန်ပြန်လွှင့်ခွင့်ရပြီးတဲ့ အခုနောက်ပိုင်းမှာ နေ့စဉ် ညနေ (၆)နာရီထိုးပြီး နောက်ပိုင်းမှာ ဆွေးနွေးခန်းတခု ပုံမှန်လွှင့်တယ်၊ ဆောက်လုပ်ရေးဆိုရင် အဲဒီကတာဝန်ရှိသူနဲ့ ဆွေးနွေးတာမျိုးပေါ့၊ အခုဆိုရင် ဆောက်လုပ်ရေးနဲ့ပတ်သက်ပြီး အစိုးရက ဘာတွေလုပ်နေပြီ၊ ဘာတွေတော့ ဆက်ပြီး လုပ်ရအုန်းမယ်၊ လုပ်ပြီးတာတွေကတော့ ဒီလိုအခြေအနေမှာ ရှိတယ်၊ ကြုံတွေ့ရတဲ့ အခြေအနေ အကောင်းအဆိုး စတာတွေကို ပြောကြပါတယ်။
ကနဦး စလွှင့်ကာစ ကိုယ်တွေက မကြည့်ချင်ဘူးဆိုပြီး နောက်ချန်နယ်တခု ပြောင်းကြည့်တော့ အဲဒါပဲလွှင့်တယ်၊ နောက်ထပ် နောက်ထပ် ချန်နယ်တွေ ဘယ်လောက်ပြောင်းပြောင်း ဒါပဲ၊ အဲဒီတော့မှ ဟုတ်ပေသားပဲ ဆိုပြီး သိရတာ၊ မြန်မာပြည် အလွမ်းပြေပေါ့၊ ကိုယ်တွေက စစ်အုပ်ချုပ်ရေးအောက်မှာ နေရဖို့ ကံပါပုံရတယ်။ ဒါတင်မကဘူး၊ တပတ်တခါ သောကြာနေ့တိုင်း အာဏာသိမ်းစစ်ကောင်စီရဲ့ ဝန်ကြီးချုပ်က စကားပြောတယ်၊ အဲဒါလဲ ချန်နယ်တိုင်းက လွှင့်ပေးရတယ်၊ ထိုင်းရုပ်မြင်သံကြားချန်နယ်တွေက ကြော်ငြာတွေ အရမ်းရတော့ ကြော်ငြာခတွေ လျော့သွားတော့မှာပဲလို့ ပြောမိတယ်၊ ထိုင်ရုပ်မြင်သံကြားမှာ ကြော်ငြာတွေ ဘယ်လောက်အားကောင်းသလဲဆိုရင် သတင်းကြေငြာတာမှာ ကြောငြာက ဝင်သေးတာ၊ မြန်မာပြည်မှာက အဲလောက်တော့ မလုပ်ကြသေးဘူး။
ဝန်ကြီးချုပ်ပရာယွတ်က ပေါ်လစီသီချင်းတွေ စပ်ခိုင်းသေးသတဲ့၊ မစပ်နိုင်ရင် ငါကိုယ်တိုင် သီချင်းစပ်ရမလားလို့ ပြောသေးဆိုပဲ၊ သူတို့တပ်ထဲမှာ မြသန်းစံ တွေ မရှိဘူးလားမသိ။ ဒါပေမယ့် အခုတော့ သီချင်းတပုဒ် လွှင့်နေပြီ။ ကျောင်းတွေမှာ နေ့တိုင်းဆိုရမယ်လို့ သတ်မှတ်တယ်ကြားတယ်။ တီဗွီမှာ ညနေ(၆)နာရီ ထိုးပြီဆိုတာနဲ့ ထိုင်းနိုင်ငံတော်သီချင်းလွှင့်( နိုင်ငံတော်သီချင်းကတော့ အရင်ကတည်းက ပုံမှန်လွှင့်နေကြ)၊ ပြီးရင် အဲဒီပေါ်လစီသီချင်းလွှင့်၊ ပြီးတော့မှ ဆွေးနွေးခန်းလွှင့်တယ်။
မသိမသာ ပြောင်းလဲနေတဲ့ ထိုင်းရုပ်မြင်သံကြား အစီအစဉ်တချို့ကို ကြည့်မိရင်း ထိုင်းစာသင်တဲ့ ဆရာမကို သတိရမိတယ်၊ တလောက သင်တန်းတသုတ်ခေါ်တာ သွားတက်လိုက်ရ ကောင်းသားလို့ ကိုယ့်ဘာသာ တွေးနေမိတယ်၊ သင်တန်းတက်နေရင် ဆရာမကို ကိုယ်သိချင်တာတွေ မေးလို့ရတယ်၊ အပြန်အလှန် ဆွေးနွေးလို့ရတယ်၊ အနည်းဆုံး အခုလွှင့်နေတဲ့ ပေါ်လစီသီချင်းရဲ့ အဓိပါယ်ကို မေးလို့ရတယ်။ သီချင်းကို မူလတန်းအရွယ် ကျောင်းသားလေးတွေက အရင်စဆိုပြီး နောက်အပိုဒ်မှ လူငယ်လေးတွေက ဆိုတယ်၊ စင်ပေါ်မှာ ဆိုနေတဲ့ဟန်နဲ့ ရိုက်ထားပြီး မိဘတွေက ထိုင်ကြည့်နေတဲ့ ပရိတ်သတ်ပုံစံမျိုး ရိုက်ထားတာ၊ ထိုင်ကြည့်နေတဲ့ လူကြီးတွေထဲက တချို့က ကလေးတွေသီချင်းသံကြားပြီး မကြာဘူး မျက်ရည်သုတ်တယ်၊ အိမ်ကလူတွေက သီချင်းလာတိုင်း သီချင်းလေးက ချစ်စရာလေး၊ ငိုတဲ့သူကလဲ ငိုလို့ ဆိုပြီး စိတ်ဝင်စားတယ်၊ "
တို့ဆီက တို့တာဝန်အရေးသုံးပါးကို သီချင်းလုပ်ဆိုထားတဲ့ " ပြည်ထောင်စု မပြိုကွဲရေး *** တိုင်းရင်းသားစည်းလုံးညီညွတ်မှုမပြိုကွဲရေး ----- အချုပ်အခြာ အာဏာ တည်တံ့ခိုင်မြဲရေးဟာ*** တပ်မတော်ရဲ့ အဓိက တာဝန်ပါ ဒန်ဒန်-- -- ဒန်" ဆိုတဲ့ သီချင်းမျိုးတော့ မဟုတ်လောက်ဘူးထင်တယ်၊ ဘာအဓိပါယ်လဲ ပြောပါ၊ ရသလောက် ဘာသာပြန်ကြည့်ပေးပါလို့ အပြန်ခိုင်းတယ်၊ သီချင်းအစကတော့ ကျမ်းမ်ဒိုက်မိုင်း ( မှတ်မိလား) နဲ့စာတာပဲ၊ ဦးဦး ဒေါ်ဒေါ် အဖိုး အဖွားတို့ မှတ်မိပါရဲ့လား အဲလိုစတာပဲ၊ ပြီးတော့ တစိတ်ထဲအတူတကွ ရှေ့ကို ဆက်လျှောက်ကြမယ် ဆိုတာလဲ ပါတယ်လို့ ကိုယ်ကပြောတယ်၊ အလုံးစုံတော့ မပြန်တတ်ဘူး၊ ဒါ့ကြာင့် ဆရာမကို သတိရနေတာ။ ကိုယ်က ဆရာမဆီမှာ၂၀၁၁ ခုနှစ်၊ နှစ်ဆန်းကတည်းက ထုံ့ပိုင်း ထုံ့ပိုင်းနဲ့ တက်လာတာ မတက်တဲ့ နှစ်မရှိဘူး၊ ဒီနှစ်ထဲမှာတော့ မတက်ဖြစ်ဘူး ဖြစ်နေတယ်၊
ပထမတော့ တက်မယ်ဆိုပြီး ဆရာမဆီကို တယ်လီဖုန်းနဲ့ ဆက်သွယ်သေးတယ်။ ဆရာမက ဘာဖြစ်လို့ တက်မလဲတဲ့၊ ကိုယ့်ကို စာဖတ်တတ်နေပြီပဲ ကိုယ့်ဘာသာ ဆက်ပြီး လေ့လာလေတဲ့။ ပြီးတော့ စကားပြောကိုလည်း ထိုင်းစကားပြောတတ်တဲ့သူနဲ့ လိုက်ပြောပါ၊ မခိုင်က ရနေပါပြီတဲ့၊ ဒါက ဆရာမဘက်က အမြင်၊ ကိုယ့်မှာက ဒီလောက်မရသေးဘူးထင်နေတုန်း၊ ဆရာမက အခြေခံအဆင့်သင်ပေးတာလည်း တက်ခဲ့ပြီးပြီ။ အဆင့်မြင့်အတန်းကို လာတက်ပါဆိုတော့လည်း တက်ခဲ့ပြီးပြီ၊ ဒါပေမယ့် မိခင်ဘာသာစကားလို ရေးတတ်ပြောတတ်ချင်ပေမယ့် ထင်သလောက် မဖြစ်လာဘူး၊ အကြောင်းကလည်း ရှိတာကိုး၊ တပိုင်းကတော့ စတက်တဲ့ ၂၀၁၁ခုနှစ်ကနေ အခုအထိ သင်တန်းကို တခါမှ ပြီးဆုံးအောင် မတက်ဖြစ်ခဲ့တာ၊ နောက်တပိုင်းက ဈေးဝယ်လို့ပဲဖြစ်ဖြစ်၊ စားသောက်ဆိုင်တွေမှာပဲ ဖြစ်ဖြစ် မြန်မာအလုပ်သမားတွေ ရှိနေကြတာများတယ်၊ စားသောက်ဆိုင်မှာ မြန်မာလိုပြောလို့ရလား မေးလိုက်ရင် မြန်မာအလုပ်သမားကို ခေါ်လာပေးတယ်၊ များသောအားဖြင့် မြန်မာရှိတဲ့ဆိုင်တွေမှာ ဈေးဝယ်ဖြစ်၊ စားဖြစ်တော့ ထိုင်းစကား တတ်ဖို့ ပိုပြီးနှေးကွေးနေတာ။
ပထမတပိုင်း ဖြစ်တဲ့ ထုံ့ပိုင်းထုံ့ပိုင်း တက်ဖြစ်ပုံကို ပြောပြပါအုန်းမယ် ။ ၂၀၁၁ခုနှစ် ပထမဆုံး သင်တန်းစဖွင့်တဲ့ အသုတ်မှာ ကိုယ်တွေက အရင်ဆုံးပေါ့၊ အဲဒီမှာ တက်နေရင်းက ရေးခဲ့ဖူးတဲ့အတိုင်း အလုပ်သမားတွေဆိုတော့ ပုံမှန်မတက်ကြနိုင်ကြတော့ တဖြေးဖြေး သင်တန်းသားက နဲလာတယ်၊ အချိန်မရတာ၊ ညဖက်အလုပ်က နောက်ကျတော့ မနက်အိပ်ယာမထနိုင်လို့ သင်တန်းကို မလာနိုင်တော့တာ၊ အလုပ်ချိန်နဲ့တိုက်နေတာ စသဖြင့် အကြောင်းအမျိုးမျိုးနဲ့ လျော့လာလိုက်တာ ကိုယ်တယောက်ပဲ ကျန်တယ်။ အဲ ဒါပေမယ့် ထိုင်းစာအရေးအဖတ် အခမဲ့ သင်တန်းဖွင့်တယ် ကြားတာ နောက်ကျပြီးမှ သိလို့ဆိုကာ တဖွဲဖွဲ ရောက်လာကြတဲ့ သူတွေကို ဆရာမက တဖွဲဖွဲ လက်ခံပြီး သင်ရတာဆိုတော့ စာတွေက မညီတော့ဘူး၊ တယောက်တမျိုး ဖြစ်ကုန်တယ်။ အဲဒီတော့ အရှေ့ကို ရောက်နေတဲ့ ကိုယ်က စောင့်ရတယ်၊ ဆရာမကို ကူရတယ်၊ တယောက်တမျိုးစီ သင်ပေးနေရတော့ ဆရာမက တယောက်ကို အသံထွက်ချပေးနေရင် နောက်တယောက်ရဲ့ သတ်ပုံအမှားအမှန်ကို ကိုယ်က စစ်ပေးရတယ်၊ မရေးတတ်ရင် ဘယ်လိုရေးလို့ ပြောပြရတယ်၊
ကိုယ်က ဆရာမလုပ်ဖို့ ကံက မညှိုးသေးဘူး၊ ကျောင်းသားပြန်လုပ်တာတောင် ဆရာပြန်လုပ်နေရသေးတယ်။ ကိုယ်တို့ အဖွဲ့တွေ စသင်ကာစမှာလဲ ဒီလိုပဲ၊ ဆရာမ ပြောတာကို သူတို့ သဘောမပေါက်ရင် ကိုယ်က ဝင်ပြီး ထပ်ဆင့် ပြောလိုက်သေးတယ်၊ ဗျည်း (၄၄)လုံး သင်ပြီးတော့ သရ (ထိုင်းလို စရ) သင်ရတယ်၊ ပြီးတော့ ဗျည်းနဲ့စရ တွဲပြီး အသံထွက်ရတယ်၊ မြန်မာစာမှာဆိုရင် ကကြီးရေက ကကြီးရေးချာ ကာ အဲလိုပေါ့၊ အဲဒီမှာ သင်တန်းသားတွေ ပြဿနာတက်တာက ဗျည်းကို မမှတ်မိပဲ သရနဲ့ တွဲတော့ အသံမထွက်တတ်တော့ဘူး၊ အဲဒီတော့ ကိုယ်က ဆရာဝင်လုပ်တာပေါ့၊ အသက်ကြီးတာ အဲဒီနေရာ ကောင်းတယ်၊ ကိုယ်ပြောရင် သူတို့ တလေးတစား နားထောင်တယ်၊
ငယ်ငယ်တုန်းက ကကြီး ခခွေး သင်တော့ ဗျည်းတွေကို မှတ်မိအောင် ချရေးရတယ်၊ ဗျည်းကို မှတ်မိမှ စာလုံးပေါင်းသင်ရတာလေ၊ အဲဒီတော့ ထိုင်းစာမှာလဲ ဒီအတိုင်းပဲပေါ့၊ သူ့ရဲ့ ဗျည်းစာလုံးတွေ မမှတ်မိရင် ရှေ့တက်ဖို့ အဆင်မပြေနိုင်ဘူး၊ ကိုယ်အဲလို ပြောတော့ ဆရာမက မှတ်မိအောင် ဘယ်လိုလုပ်မလဲပေါ့ ကိုယ့်ကိုမေးတယ်၊ ကိုယ်က ဆရာမကို ရှေ့ကို မတက်သေးပဲ ဗျည်းကို မှတ်မိအောင် တစ်မျက်နှာ အပြည့်ရေးခိုင်း၊ ပြီးရင် သတ်ပုံခေါ်၊ တနေ့ကို (၅)လုံး ခေါ်ပါပေါ့၊ ရရင် (၁၀)လုံးအထိ တိုးပြီးခေါ်ပေါ့ လို့ပြောတော့ ပထမ ဆရာမက သိပ်လက်မခံချင်ဘူး၊ အကြောင်းက သင်တန်းက ရက်အကန့်အသတ် သတ်မှတ်ထားပြီး သင်ခန်းစာ ဆွဲထားတာ၊ မပြီးရင် ဘယ်လိုလုပ်ရမလဲပေါ့၊ ကိုယ်တွေကလဲ ဒီတိုင်းရှေ့ဆက်သွားရင် စာလုံးပေါင်းမတတ်ပဲ ပြီးတာပဲ အဖတ်တင်မယ် ဆိုမှ လက်ခံပြီး အဲလိုပုံစံနဲ့ သင်ဖြစ်သွားတယ် ဆိုပါတော့၊
ဒါနဲ့ သင်တန်းသားတွေ စာလုံးပေါင်းတွေ ဘာတွေ ပေါင်းတတ်နေပြီ။ အဲဒီမှာ အသံထွက် အညံ့ဆုံးက ကိုယ်ပဲ၊ အရေး အဖတ် ရတယ်၊ ( အဖတ်ကတော့ အသံထွက်မမှန်ဘူး)။ ကိုယ်အသံထွက်ပြီဆိုရင် အားလုံးက ရယ်ကြတယ်၊ ကိုယ့်ကိုလဲ သိတယ်၊ ကိုယ်မထွက်တတ်တဲ့ အသံရှိတယ်။ အဲဒီအသံဆိုရင် ကိုယ်က အသံမထွက်တတ်လို့ စာလုံးပေါင်းပြလိုက်တယ်၊ သင်တန်းသား တယောက်က ကိုယ့်ကို အန်တီက ထိုင်းလို ပြောလို့မရဘူး၊ အင်္ဂလိပ်လိုပြောတဲ့၊ အင်္ဂလိပ်စကားပြောရင် တော်တော်ကောင်းမယ့်အသံလို့ ပြောတယ်၊ ဘာ့ကြောင့်လဲလို့ မမေးလိုက်မိဘူး၊
ထိုင်းစကားက အယိမ်းအနွဲ့များတယ်၊ အသံကို လျှာနဲ့ရော အာခေါင်ကပါ လိုက်ယိမ်းရတာ၊ ကိုယ်က မူရင်းအသံကိုက အသံမာကြီး၊ မိန်းကလေးတန်မယ့် အသံက ချိုလွင်မနေဘူး၊ အဆိုတော် ခင်မောင်တိုးတို့လို အသံမျိုး၊ ထိုင်းစာမှာ အသံထွက်ရင် အသံနိမ့်မြင့်ကိုလိုက်ပြီး အသံက (၅)သံရှိတယ်၊ ကိုယ့်အသံက ဒီလောက်မာနေတာ ဘယ်ယိမ်းနိုင်ပါ့မလဲ၊ ဒီကြားထဲ လျှာကို ခုန်ရတဲ့ အသံရှိသေးတယ်။ ဆရာမက ကိုယ့်ကို လျှာခုန် လျှာကိုခုန်လိုက်လို့ ပြောရင် လူသာမတ်တတ်ရပ်ပြီး ခုန်လိုက်ချင်တယ်၊ လျှာက ခုန်မရဘူး၊ ဒါနဲ့ အဲဒီစာလုံးကို စာလုံးပေါင်းပြီး အသံထွက်ခိုင်းရင် စာလုံးကို မှန်အောင်ပေါင်းပြပြီး လျှာခုန်တဲ့ အသံဆရာမ။ အဲလိုပြောလိုက်ရင် ဆရာမက ရီပါလေရော၊ နောက်တခုက အာခေါင်သံ ၊ ဗိုက်ကိုလဲ ရှပ်ထားရသေးတယ်၊ အဲဒီ နှစ်သံကတော့ ဘယ်လိုမှ မတတ်ဘူး၊
အဲဒီလို စာလုံးပေါင်းတွေ သင်ပြီးလို့ စကားလုံး အဓိပါယ်တွေ သိလာတဲ့ အချိန်မှာ ပြောခဲ့သလို ကိုယ်နဲ့တန်းတူ သင်ခဲ့တဲ့သူတွေက ဆက်မတက်ကြတော့ဘူး၊ နောက်လူတွေက ဗျည်းသင်နေတဲ့သူနဲ့ သရနဲ့တွဲကာစလူနဲ့ အဲလို ဆိုတော့ ကိုယ်က သင်တန်းသာ သွားတက်ရတာ ရှေ့တော်တော်နဲ့ မသွားဖြစ်တော့ဘူး၊ ဒါနဲ့ ဆရာမကို ကိုယ့်ကို တပတ်မှာ တနင်္လာနေ့ကနေ သောကြာနေ့အထိ (၅) ရက်တက်ရာက (၃)ရက်လောက်ပဲ လုပ်ပေးပါလားဆိုတော့ သင်တန်းစည်းကမ်းအရ တယောက်ထဲ လုပ်ပေးလို့မရဘူး၊ ကိုယ့်ဘာသာ (၃) ရက်ပဲ လာတက်ချင်လဲ တက်လို့တော့ ခွင့်ပြုတယ်၊
ကိုယ်ကလည်း တခါတလေ သင်တန်းချိန်သာကုန်သွားတယ် တလုံးမှ မသင်ပဲ ပြန်ခဲ့ရတာလဲ ရှိတော့ စဉ်းစားနေတုန်း အိမ်ဦးနတ်က ကိုယ့်ကို စာလုပ်တာ မတွေ့ပါလားပေါ့ မေးပါလေရော၊ ခါတိုင်းဆို မနက်ဖန် ဆရာမ သတ်ပုံခေါ်မှာဆိုပြီး ပါးစပ်ကဆိုလိုက် လက်ကချရေးလိုက် လုပ်နေကျ။ အကျိုးအကြောင်းသိသွားတော့ အချိန်ပေးပြီး သွားတက် ပြန်လာတော့ ဘာမှ မသင်ခဲ့ရရင် အလကားပေါ့၊ တပတ်( ၃) ရက် လောက်ပဲ တက်ကြည့်ပါလား ဆိုတာနဲ့ ကိုယ်လဲ အဲဒီလိုပဲ တက်လိုက်တယ်၊
သင်တန်းချိန် မနက် ၉နာရီကို မီအောင် မနက်( ၆) နာ၇ီထပြီး မိသားစု စားဖို့ မနက်စာနဲ့ အလုပ်အသွား ထမင်းဘူးထဲ့ဖို့ပါ အပြီးအစီး ချက်ပေးခဲ့ရသေးတယ်။ ချက်တာပြုတ်တာ ဆေးတာကြောတာ (၈)နာ၇ီထိုးကို အပြီးအစီးလုပ်၊ ရေမိုးချိုးပြီး အိမ်ကနေ ၈နာ၇ီခွဲမှာ စထွက်မှ အချိန်မီရောက်တယ်၊ ခရီးက တကယ်တန်း ကိုယ့်ဆိုင်ကယ်၊ ကား စသဖြင့်နဲ့ သွားရင် (၁၀) မိနစ်ပဲ၊ ကားငှားသွားရတော့ ကားကတော့ ပေါတယ်၊ ဒါပေမယ့် ကိုယ်သွားမယ့်နေရာက ရှေ့ဆက်ထွက်ရင် ဟိုင်းဝေးလမ်းဖြစ်သွားတော့ အပြန်ကျ လူမရတော့ မလိုက်ချင်ကြဘူး၊ အမှန်က ဘတ်(၂၀) ခရီးကို ပိုတောင်းကြတယ်၊ ကိုယ်က ဘတ်(၃၀)လောက်တောင်းရင် ပေးလိုက်တာပဲ၊ (၄၀)တို့ (၅၀)တို့ဆိုရင် မငှားတော့ဘူး၊ တခါများဆို ဘတ်(၁၀၀) တောင် တောင်းတဲ့ ကားသမားနဲ့တွေ့လို့ စိတ်တိုရသေးတယ်။
ကားသမားတွေက ပိုင်းနိုင်ခပ်( ဘယ်သွားမလဲခင်ဗျ) လို့ ကိုယ့်ကို မေးတဲ့အထိ ထိုင်းအမျိုးသမီး တယောက်လို့ အထင်နဲ့ပဲ၊ အဲ ကိုယ်က ပိုင်----- ဆိုပြီး ကိုယ်သွားမယ့်နေရာကို ပြောလိုက်တယ်ဆို အသံကြားတာနဲ့ ထိုင်းမဟုတ်မှန်းသိတာနဲ့ ဈေးက ပြောချင်သလို ပြောတော့တာပဲ။ ဒါပေမယ့် ကားသမားတိုင်းတော့ မဟုတ်ပြန်ဘူး၊ တချို့ကျ ဘာမှမပြောပဲ တက် ဆိုပြီးပြောရော၊ ဒါဆို အေးဆေးပဲ ဆင်းရင် (၂၀) ပေးလိုက်ယုံပဲ၊
အဲဒီတော့ ဒီလိုကြားက သွားနေရတော့ (၃)ရက်တက်၊ အဲဒီကနေ တရက် အဲဒီကနေ လုံးလုံးလျားလျား မတက်ဖြစ်တော့ပဲ ကိုယ့်ဘာသာ သင်တန်းဆင်းလိုက်ပါလေရော၊ ဒါပေမယ့် တော်တော့်ကို အကျိုးရလိုက်တယ်။ အဲဒါက ဆိုင်းဘုတ်တွေတွေ့တိုင်း လိုက်ဖတ်ကြည့်ရင် စာလုံးပေါင်းဖတ်တတ်နေတာ ကိုယ့်ဘာသာ သိလိုက်တယ်။ ဆရာမက အဆင့်မြင့်ဆက်သင်ဖို့ ရှိတယ်၊ ဆက်တက်ပါ၊ ပထမ တက်ထားတာက နဲနဲပဲ ကျန်တာဆိုတော့ လိုက်မီပါတယ် ပြောပါတယ်။
နောက်တစ်နှစ် ၂၀၁၂ခုနှစ်ရောက်တော့ ဆရာမက လောလောဆယ် အခြေခံတတ်ထားပြီးသားသူတွေကို ထိုင်းစကားပြော သင်ပေးမယ်၊ လာတက်ပါလား ဆိုတာနဲ့ စကားပါ သင်ရအောင်ဆိုပြီး တက်မယ်လို့ ဆရာမကို ပြောပြီး အိမ်ဦးနတ်က သူပါ လိုက်သင်မယ်တဲ့၊ စာတော့ မရေးချင်ဘူး၊ အပြောပဲလဲ ဖြစ်တယ်၊ သူ့အလုပ်နားရက်(၂)ရက်နဲ့လဲ ကိုက်တယ်၊ တပတ်မှ (၂)ရက်ပဲ ဆိုပြီး လင်မယားနှစ်ယောက် ချီတက်သွားကြတယ်၊ အဲဒီအချိန် ကျောင်းက ပထမနေရာ မဟုတ်တော့ဘူး၊ အိမ်နဲ့ ပိုနီးတဲ့ နေရာကို ပြောင်းလာပြီ။ ပုစွန်တောင် ရေကျော်ကနေ လမ်း(၅၀)လောက် ခရီးပဲ ရှိမယ်၊ အဲ အိမ်ဦးနတ်က အဲဒီ ပထမရက်မှာတင် တပ်ခေါက်သွားလေရဲ့၊ သူမပြောနိုင်ဘူး၊ ဆရာမကလဲ ပြောရှာတယ်၊ မြန်မာယောင်္ကျားတွေ ထိုင်းစကားပြောဖို့ မလွယ်ဘူးတဲ့၊အသံ နွဲ့ရတာလေ၊ သူမနွဲ့တတ်တော့ တပ်ခေါက်သွားပါလေရော၊
ကိုယ်လဲ တယောက်ထဲပဲ ဆက်တက်တုန်း မှတ်မှတ်ရရ ၂၀၁၂ က ချင်းမိုင်မှာ ရေကြီးတဲ့နှစ် ၊ ရေကြီးတော့ ကျောင်းတွေပိတ် ၊ ကိုယ်တွေတောင် အိမ်က တထပ်အိမ်မို့ စိတ်မချရတာနဲ့ ကလေးတွေ ကျောင်းရဲ့ အပေါ်ထပ်မှာ သွားနေလိုက်ရသေးတယ်၊ ကံကောင်းချင်တော့ စာကြည့်တိုက် လုပ်ထားတဲ့ အခန်းမှာ နေရာရတော့ ရေဘေးဒုက္ခသည် ဖြစ်ရတာတောင် စာအုပ်ပုံထဲ ခေါင်းစိုက်နေရတာ ဇိမ်ကိုကျနေတာပဲ၊

ပျိုလေးရဲ့မောင် ထိုင်းယောင်ယောင်--(၅)
ချင်းမိုင်မှာ ရေကြီးတော့ ကျောင်းတွေပိတ်တာမှာ ကိုယ်ကတော့ ကိုယ့်ဘာသာ ဆက်ပိတ်ပြီး ထိုင်းစာ သင်တန်းကို မသွားဖြစ်တော့ဘူး။ ဒါပေမယ့် သိသိသာသာ တိုးတက်လာတာ ကိုယ့်ဘာသာ သတိထားမိလာတယ်၊ သူများ စကားလာပြောရင် ဘာပြောတယ်ဆိုတာ၊ ဘာမေးတယ်ဆိုတာ သိလာတယ်၊ အထိုက်အလျောက် ပြန်ပြောတတ်လာတယ်၊ ဈေးဝယ်ရင် ကိုယ်လိုချင်တာကို ဆိုင်ထဲမှာ မတွေ့ရင် ပစ္စည်းနာမည်ပြောပြီး မေးတတ်လာတယ်၊
အကြွေမရှိလို့ ၅၀၀တန်ပေးတာပါ၊ စိတ်မရှိပါနဲ့ ဒီလိုတွေ တွန့်တတ်လာတယ်။ အဝတ်အစားဝယ်ရင်လဲ ကိုယ်လိုချင်တဲ့ အရောင်ကို ပြောပြီး ရှာခိုင်းတတ်ယုံမကဘူး၊ ဝတ်ကြည့်လို့ရမလားလို့ ပြောတတ်လာပြီ။ အရောင်တွေ မပြောတတ်ခင်ကဆို ကိုယ်လိုချင်တာ သူ့ဆိုင်မှာ ချိတ်ထားတာ မတွေ့ရင် သူများဝတ်ထားတာ ဖြစ်ဖြစ်၊ သူများကိုင်ထားတဲ့ အိတ် စသဖြင့်တခုခုကို လှမ်းထိုးပြရတယ်၊ အဲလို ၊ အဲဒီဒုက္ခတွေကတော့ လွတ်သွားတော့ ထိုင်းစကားပြောရတိုင်း ဆရာမကို ကျေးဇူးတွေတင်နေမိတယ်၊ အလကားလဲ သင်သေး ဂျီးကလဲများသေးဆိုတာ ကိုယ်လိုလူတွေလေ၊ ဆရာမက အင်မတန် စိတ်ရှည်တာ၊
ကိုယ်နဲနဲ ပြောတတ်၊ ဖတ်တတ်တာ သိတော့ အိမ်ဦးနတ်က ကိုယ့်ကို ဆက်သင်ပါအုန်းလို့ တွန်းတယ်၊ ကိုယ်တတ်ရင် သူတတ်သလိုပေါ့၊ ဒါနဲ့ ဘယ်မှာတက်ရင် ကောင်းမလဲ စုံစမ်းမေးမြန်းနေတုန်း ကိုယ်တို့ရဲ့ တအိမ်ကျော်ကို ထိုင်းစာသင်တဲ့ ကျောင်းက ပြောင်းလာပါလေရော၊ ဆရာမက သင်တန်းဖွင့်မယ်၊ အခြေခံနဲ့ အဆင့်မြင့် နှစ်ခု ဖွင့်မယ် ပြောတော့ ကိုယ်က အခြေခံက ပြန်တက်မယ်ဆိုတော့ ဆရာမက အဆင့်မြင့်ပဲ တက်ခိုင်းတယ်၊ ကိုယ်က ကိုယ့်ကိုယ်ကို စာမပီးခဲ့ဘူးဆိုပြီး ထပ်တက်ချင်တာ၊ တကယ်တန်း တက်ကြည့်တော့ ဗဲရီးအီးဇီး ဖြစ်တာနဲ့ အဆင့်မြင့်တန်း ပြောင်းတက်တာပေါ့၊
ဖွင့်ကာစမှာ အခြေခံရော၊ အဆင့်မြင့်ရောကို တချိန်ထဲမှာ အတူတူ တက်ရသေးတယ်၊ အဲဒီမှာ ဆရာမက ကိုယ်တို့ အဆင့်မြင့်က ကျောင်းသားတွေကို ဖတ်စာထဲက စာပိုဒ်ကို အပိုဒ်လိုက် တယောက်ချင်း ဖတ်ခိုင်း အဓိပါယ် ပြန်ခိုင်းတယ်၊ ပြီးမှ မသိတဲ့စာလုံးပါရင် ရှင်းပြတယ်၊ ကိုယ်က ဖတ်ပြ အဓိပါယ်ပြန်ပြ တော့ အခြေခံက ကကြီး ခခွေး အဲ ကော ကိုင်၊ ခေါ ခိုင် စသင်ရတဲ့ ကျောင်းသားတွေက ပါးစပ်အဟောင်းသားနဲ့ ငေးပြီး အားကျကြတယ်၊ ဆရာမ ကျတော်/ ကျမတို့ လဲ အဲဒီလို ရေးတတ် ဖတ်တတ်ချင်တယ် ၊ ဘယ်တော့လောက်ဆို အဲလို တတ်မလဲ လောဘတကြီး မေးကြတယ်၊
အဲဒီနှစ်က အသုတ်မှာ ကိုယ်နဲ့မတိမ်းမယိမ်း အမျိုးသားကြီး တယောက်ပါတယ်၊ မတိမ်းမယိမ်းဆိုတာတောင် သူက ကိုယ့်ထက် (၂)နှစ်ငယ်သေးတယ်၊ သူက ကိုယ့်ကို ကြည့်ပြီး ဒီအမကြီးတောင် တတ်တာ သူလဲ တတ်မှာပါနော်လို့ ဆရာမကို ပြောတယ်၊ သူက ထိုင်းစကားကို မွှတ်နေအောင် ပြောတတ်တယ်၊ အသက်(၁၇) နှစ်ကတည်းက ထိုင်းကိုရောက်နေတာ၊ အရင်က ဘာအလုပ်လုပ်လဲ မသိပေမယ့် အခုက ဗေဒင် ဟောစားသတဲ့၊ အလုပ်ဖြစ်လား မေးကြည့်တော့ ထိုင်းလူမျိုးတွေက မြန်မာတွေထက်တောင် ဗေဒင် ယတြာ ယုံသေးတယ်ဆိုပဲ၊ တယောက်ကို ဘတ်(၁၀၀) ယူတယ်ဆိုတော့ အလုပ်ဖြစ်သားလို့ တွေးမိတယ်၊ ဒါက ပုံမှန်မေးတာတဲ့၊ ဓါတ်ရိုက်ဓါတ်ဆင် ယတြာ ဘာညာလုပ်ရမယ်ဆို ဒီ့ထက် ပိုကျတယ်တဲ့၊ ဗေဒင်လာမေးတဲ့ သူတွေကို ပါးစပ်နဲ့ပဲ ဟောရတာ၊ စာမရေးတတ်တော့ စာရေးပြီး ဟောစာတမ်း ပေးရရင် သိပ်ကောင်းမှာလို့ သူ့ရဲ့ စီးပွားရေးကို သူက ချဲ့ထွင်ချင်တာ၊ အခုတော့ မြန်မာရွှေ့ပြောင်းအလုပ်သမားတွေ အတွက် ထိုင်းစာ အရေးအဖတ် သင်တန်းရှိတယ်ဆိုတာနဲ့ စုံစမ်းပြီး လာတက်တာ၊ လာရတာ အဝေးကြီးကလို့ သူပြောပြတယ်၊ ပြီးတော့ အသက်ကလဲ ကြီးတော့ ရပါ့မလားလို့ စိတ်အားငယ်နေတာ ကိုယ့်ကိုတွေ့တော့ အားတက်သွားသတဲ့၊ ကိုယ်ကလဲ အားပေးရတာပေါ့လေ၊
အဲဒီမှာ အညာက အလုပ်လာလုပ်နေတဲ့ ညီအကို နှစ်ယောက်နဲ့လဲ သိကျွမ်းရတယ်၊ စစ်ကိုင်းကတဲ့၊ ဘယ်လိုဖြစ်ပြီး ရောက်လာသလဲဆိုတော့ အကိုအကြီးဆုံး ဖြစ်တဲ့သူက ရှင်းပြတယ်၊ သူတို့နေတဲ့ စစ်ကိုင်းနားက ရွာကို သူ့မိန်းမ ဖြစ်လာမယ့် ထိုင်းမလေးက အလည်လာရင်း သူနဲ့ အိမ်ထောင်ကျသတဲ့၊ ဒါပေမယ့် ထိုင်းမလေးက မြန်မာပြည်မှာ ကြာကြာမနေနိုင်တော့ သူ့ကိုပါ ခေါ်ပြီး ပြန်လာနေကြတာ၊ သူက ဟိုတယ်တခုမှာ အလုပ်လုပ်တယ်၊ အင်္ဂလိပ်လို နဲနဲ ပြောတတ်လို့ အလုပ်ဖြစ်သွားတယ်တဲ့၊ ထိုင်းစကား နဲနဲရတယ်၊ စာမတတ်ဘူး၊ သူဌေးက ထိုင်းစာ ရေးတတ်ရင် ဒီ့ထက်ကောင်းတဲ့ အလုပ်နေရာ ပြောင်းပေးမယ် ၊ ရာထူးလဲ ပိုရမယ် ပြောတာနဲ့ ထိုင်းစာ လာသင်တာ၊
ကိုယ်တက်တာ ရွှေ့ပြောင်းအလုပ်သမားတွေ အတွက် ရည်ရွယ်ပြီး ဖွင့်တဲ့ ကျောင်းဆိုတော့ လာတက်ကြတဲ့ အလုပ်သမားတွေရဲ့ ဘဝတွေကို တယောက်နဲ့ တယောက် မတူတာတွေ အများကြီး ကြားရ မြင်ရတယ်။ ဆရာမဆိုရင် သူဒါ့ကြောင့် မြန်မာအလုပ်သမားတွေ အပေါ်မှာ စေတနာထားတာ ဖြစ်မယ်။ များသောအားဖြင့် တိုင်းရင်းသားတွေများတော့ သူတို့က ရိုးသားကြတယ်၊ ရိုးလွန်း အားကြီးတော့ သူတို့ပြောတာတွေက တခါတလေ ဆရာမကို အားနာစရာတွေတော့ ဖြစ်တယ်၊
စစချင်း သင်ကာစက စောစောက ပြောခဲ့တဲ့ စစ်ကိုင်းဆိုတဲ့ တယောက်က ကော ကိုင် ခေါ ခိုင် အဲလို လိုက်ဆိုရင်း ဆရာမကို သူက ပြောတယ်၊
ဆရာမရေတဲ့ အရှေ့က ကော ခေါ အဲဒါတွေက ရှုပ်နေတယ်၊ မှတ်ရတာ မလွယ်ဘူး၊ အနောက်က ကိုင်၊ ခိုင် ဆိုတာတွေက ဆိုရလွယ်တယ်၊ ကိုင်ဆိုရင် ကြက်ဆိုတာသိတယ်လေ၊ ခိုင် ဆိုတာ ကြက်ဥ မှလား အဲဒါတွေပဲ ဆိုလို့ ရမလား ဆိုတော့ ဆရာမက မျက်လုံး ပြူးသွားတယ်၊ တခြား ကျောင်းသားတွေကပါ ဟုတ်တယ် ဆရာမ အရှေ့က ဆင်တူတွေ မှတ်ရတာ ရှုပ်တယ်တဲ့၊ ဝိုင်းပြီး အရေးဆိုကြတာပေါ့၊ ဆရာမက မရဘူးလေတဲ့၊ ကျောင်းသားက ဘာလို့မရတာလဲတဲ့၊ ဆရာမက ကိုယ့်ကို လုပ်ပါအုန်း ကျမကို ကူပြီး ပြောပေးပါ၊ ကျမ မရှင်းပြတတ်ဘူးဆိုလို့ ကိုယ့်မှာ ငိုအားထက် ရယ်အားသန်ဖြစ်ရတယ်၊
ထိုင်းစာ ဗျည်းစာလုံးမှာ အသံထွက် တူတဲ့ စာလုံးရယ် နဲနဲပဲ ကွဲတဲ့ စာလုံးရယ် ရှိတယ်၊ ရေးရင်လဲ ပုံစံတူတွေ ရှိတယ်၊ စောစောက ခေါမှာ (၄)လုံးရှိတယ်၊ ပထမ ခေါ (၂)လုံးက အသံတူတယ်၊ ဒုတိယ ခေါ( ၂)လုံးက ခေါ်လို့ အသံတိုပဲ ၊ အနိမ့်သံလို့ ပြောတယ်၊
ခေါ ခိုင်၊ ခေါ ခုဝါ့၊ ခေါ် ခွိုင်း ၊ ခေါ် ခွန်း အဲလို ၊
ခိုင်က ကြက်ဥ ( ကြက်ဥပုံလေးပြထားတယ်)
ခုဝါ့ က ပုလင်း ( မြန်မာတွေကဒီစာလုံးကို ပုလင်းကို ခွက် လို့ ခေါ်သဟ လို့ အလွယ်မှတ်ကြတယ်)
ခွိုင်းက ကျွဲ
ခွန်းက လူ ( စောင်ခွန်းဆို လူနှစ်ယောက်) ( ကီခွန်း ဆိုရင် ဘယ်နှစ်ယောက်လဲ)
ဒီတော့ စာဆိုရင် ကော ကိုင်၊ ခေါ ခိုင် ၊ ခေါ ခုဝါ့ ၊ ခေါ် ခွိုင်း ၊ ခေါ် ခွန်း ၊ အဲလို ဆိုရတယ်၊ ပုံလေးတွေ ကြည့်ပြီး၊
အဲဒါ သင်တန်းသားက ရှေ့က စာလုံးတွေ ရှုပ်တယ်ဆိုတော့ ဆရာမလဲ မျက်လုံးပြူးတာပေါ့၊
ကိုယ်က သူတို့ကို ငယ်ငယ်တုန်းက သူငယ်တန်းမှာ ကကြီး ခခွေး သင်တဲ့အခါ က ကလေးငယ်ချစ်စဖွယ်၊ ခ ခရေကုံး မလေးပြုံး၊ ဂ ဂဏန်း ရေမှာဖမ်း၊ င ငါးချိတ်ပေါင်း စားလို့ကောင်း အဲလို ဆိုခဲ့ရတာ မှတ်မိလား ဆိုတော့ မှတ်မိတယ်တဲ့၊ အဲဒီမှာ အဓိက စာလုံးက ဘာလဲဆိုတော့ ကကြီး ခခွေးပေါ့၊ ကကြီး ခခွေးကို မှတ်မိအောင် နောက်က ကလေး ခရေကုံး ဂဏန်းတို့ကို လိုက်ရွတ်တာ၊ အဲလိုပဲ ကော ဆိုတာ စာလုံး၊ ကိုင် ဆိုတာ ကော နဲ့ပေါင်းရတယ် စာလုံးသိအောင်ဆိုရတာ၊ အခု မင်းတို့က အရှေ့က ဗျည်းကို ရှုပ်လို့ ဖြုတ်မယ် မမှတ်ချင်ဘူးဆိုတော့ ဘယ်လို ဆက်သင်မတုန်း ဆိုမှ ရယ်လိုက်ကြတာ ပတ်တုတ်ရမတတ်၊
ထိုင်းစာ သင်တန်းကို ပျော်ပျော်ရွှင်ရွှင် တက်ခဲ့ရတာတွေ ပြန်ပြောဖြစ်တိုင်း ကြည်နူးရတယ်၊ ကိုယ့်အတွက်က ကုန်ကြမ်းတွေတောင် ရလို့ စာတွေ ရေးဖြစ်တာ လေး ငါးပုဒ်လောက်ရှိမယ်၊ ဒီကြားထဲ ဆရာမပြောတာ တခုက အမြဲ သတိရစရာဖြစ်နေတယ်၊ အသက်ကြီးလာတဲ့အခါ ဘာသာစကား တခုခုကို သင်ယူနေမယ်ဆိုရင် ဦးနှောက်ကို အားကောင်းစေတယ်တဲ့၊ သတိမေ့တာတွေ မဖြစ်ဘူး၊ အထူးသဖြင့် ပါကင်ဆန်လို အယ်ဇိုင်းမားလို ရောဂါမျိုး တွေ ဖြစ်မလာအောင် တားဆီး နိုင်တယ်တဲ့၊
ကိုယ်လဲ အခုတော့ ထိုင်းစာသင်တန်းကို သွားမတက်ဖြစ်တော့ပေမယ့် အင်တာနက်ကနေ နေ့စဉ် သင်ယူတဲ့ အကျင့်လုပ်နေလိုက်တယ်၊ ကိုယ့်မိခင် ဘာသာစကား မဟုတ်တဲ့ အတွက် အမြဲတန်း လေ့လာ ဖတ်မှတ်နေရတာပဲလေ၊

ပျိုလေးရဲ့မောင်ထိုင်းယောင်ယောင် (၁) (၂) (၃)

အိမ်ဦးနတ်က ထိုင်းနိုင်ငံ ရောက်နေတာ ( ၆) နှစ်ကျော်လို့ (၇) နှစ်ထဲသာရောက်တာ ထိုင်းစကားကို " ဆဝါဒီခပ်" = မင်္ဂလာပါ ခင်ဗျာ လို့ နှုတ်ဆက်တာနဲ့ " ထောက်လိုင်ခပ် " ဘယ်လောက်လဲ ဆိုတာလောက်ပဲ တတ်တယ်။
ဒါတောင် သူက ထောက်လိုင်ခပ် လို့ ဆိုလိုက်တာနဲ့ ဈေးသည်က ဟာ့စစ်ပ်= ငါးဆယ် ဆိုရင်သိသေးတယ်၊ ကျဲ့စစ်ပ် တို့ ပက်ဒ်စစ်ပ် တို့ဆိုရင် ဘယ်လောက်မှန်း မသိတော့ဘူး၊ အဲဒီအခါ သူက နပ်တယ်၊ တရာတန်ပေးလိုက်တယ် အေးရော၊ ဈေးသည်ဆီက ပြန်အမ်းငွေ ကြည့်ပြီး ဘယ်လောက်ကျသလဲ သိသွားတယ်။
ဒါပေမယ့် သူအပြင်သွားရင် လမ်းမှာ လမ်းမသိတဲ့သူက ထိုင်းထင်ပြီး သူ့ကို နေရာမေးသေးတယ်။ ထိုင်းနဲ့ ဆင်တယ်လို့ အနေကြာတဲ့သူတွေက ပြောကြတယ်။ အလုပ်ထဲကလူတွေက သူ့ကို ရယ်ကာမောကာ မကြာခဏ ပြောလေ့ရှိတယ်။
" ဦးလေးက ထိုင်းလူမျိုးနဲ့တော်တော်တူတယ်၊ အဲဒီတော့ ဦးလေးရယ် မထူးပါဘူး ထိုင်းသူဌေးကြီးတွေ ဝတ်သလို လည်ပင်းမှာ စက်ဘီးချိန်းကြိုးလောက်ရှိတဲ့ ဆွဲကြိုးကြီးဆွဲ၊ ပြီးတော့ ဘုရားပုံ လော့ကက်သီးအကြီးကြီးတွေ အများကြီး ဆွဲတယ်လေ၊ အဲလိုဆွဲ၊ ပြီးရင် လက်မှာ လက်မလောက်ရှိတဲ့ ဟန်းချိန်းကြီး ပတ်လိုက် ၊ဒါဆို ဦးလေးကို ဘယ်သူကမှ မကပ်ရဲတော့ဘူး၊ ဘယ်သူကမှ မစစ်ရဲတော့ဘူး " တဲ့
သူနဲ့ လမ်းလျှောက်သွားရင် လမ်း နေရာ မေးတဲ့ သူတွေ မကြာခဏ ကြုံရတယ်၊ မေးတဲ့သူကလဲ ကိုယ့်ကို မမေးဘူး။ သူ့ဆီ တန်းသွားပြီး မေးတယ်၊ ကြည့်ရတာ ကိုယ့်ကို ထိုင်းအဖိုးကြီးနဲ့ ယူထားတဲ့ ကိုးရီးယားမလေးလား? ဂျပန်မလေးလား ထင်ဟန်တူတယ် ၊ ( ဤကား ကိုယ့်ငါးချဉ်ကိုယ်ချဉ်၊ ကိုယ်ထင်ကုတင် ခြေလေးချောင်းတည်း ) ၊ သူ့ခမျာ ကလေးမလေးတွေ ၊ အမကြီးတွေ၊ လူငယ်လေးတွေက လက်အုပ်ကလေးချီကာ ချီကာ အနားကပ်လာရင် ထိုင်းစကား မတတ်ပါဘူး၊ ဦးလေးက ထိုင်းလူမျိုး မဟုတ်ပါဘူး ဆိုတာတောင် မပြောတတ်တော့ လက်ကလေးတခါခါနဲ့ ရယ်ပြနေရတယ်။
အဲဒီအခါကျ ကိုယ်က အနားကပ်ပြီး တတ်သလောက် မှတ်သလောက် ပြောပြရတယ်၊
စိုင် ဘယ်ဘက် ၊ ခွာ ညာဘက်၊ တရုံးပိုင်း တည့်တည့် ၊ လီယိုစိုင် ဘယ်ကွေ့ အဲလောက်တော့ရတယ်။
သူတို့မေးတဲ့ နေရာမသိရင်တောင် မိုက်လူ လို့တော့ ပြောလိုက်နိုင်တယ်။
မနက်ဖက် ကျုံးဖက်လမ်းလျှောက်တိုင်း အမြဲလိုလို ကြုံတဲ့အခါ ကြာတော့ သူကနပ်လာတယ်။ လမ်းမေးတော့မယ် ဆိုရင် သိသာတယ်၊ ဆိုင်ကယ်နဲ့ဆို အနားကို အသာလေးကပ်ရပ်ပြီး ပြုံးပြတော့တယ်၊
ကားနဲ့ဆိုရင် မှန်တခါးတဖြည်းဖြည်း ချပြီး " ဖိ" လို့ လက်အုပ်အုပ်ချီတယ်၊ သူကတော့ အဲလို ဆိုင်ကယ်ရပ်ပြီး ပြုံးပြတာတို့ ကားကဖြေးဖြေးနဲ့ ဘီးလှိမ့်ရုံမောင်းပြီး မှန်ချလိုက်ပြီဆို အရှေ့ကို ခပ်သုပ်သုပ် လျှောက်တော့တာပဲ။ အဲဒီအခါကျ ကိုယ်နဲ့တိုးတာပေါ့၊ ကိုယ်လဲ မတတ်ပါဘူး။ ဒါပေမယ့် သူ့ထက်နဲနဲ သာတယ်၊ မေးရင် ကိုယ်သိတာဆို ဖြေနိုင်တယ်၊ မသိဘူးလို့ ပြန်ပြောနိုင်တော့ သူ့ဆီ ဦးတည်လာတဲ့သူက ကိုယ့်ဖက် မြှားဦးလှည့် အဲ လက်အုပ်ကလေး လှည့်ချီတာပေါ့။
သူတို့ကလည်း ကိုယ့်ဆီက စကားသံကြားတာနဲ့ ထိုင်းလူမျိုးမဟုတ်မှန်း တန်းသိတာပဲ၊ မေးပြီးရင် အားနာဟန်နဲ့ အိုး... ခွန်ထိုင်း မှတ်လို့ အဲလို ပြောသွားကြတယ်။
ဒီနေ့လဲ ကြုံရတယ်၊ မနက်က သောကြာဈေးမှာ ရှမ်းခေါက်ဆွဲ စားနေတုန်း လူတယောက်က ဆိုင်ထဲမှာ ဒီလောက် လူတွေအများကြီးထဲကမှ သူ့ဆီကို တန်းတန်းမတ်မတ် လမ်းမေးတယ်၊ ကိုယ်က ရုတ်တရက် ရှမ်းဆိုင်ဆိုတော့ မြန်မာပြည်က လူတွေ လာစားတတ်တာမို့ မြန်မာတယောက်က မြန်မာလိုပဲ လာပြောတာထင်လို့ ကြည့်နေလိုက်တယ်။
သူက ဘာစိတ်ကူးပေါက်တယ်မသိ ငါစကားနားမလည်ဘူးလို့ ဘိုလို မှုတ်လိုက်တယ်၊ ဟိုလူလဲ နှဖူးကို လက်နဲ့ရိုက်လို့ ရယ်ပြပြီး ထွက်သွားတယ်။ အဲဒီလူကြည့်ရတာ ကျန်းမာရေး ကောင်းပုံမရဘူး၊ ဟိုကြည့်ဒီကြည့် လှုပ်တုတ်လှုပ်တုတ် ထော့နဲ့ထော့နဲ့ နဲ့ ထွက်သွားပါလေရော။ ကိုယ်တွေလဲ သူ့ကြည့်ပြီး ကံမကောင်းတဲ့သူများ လမ်းမမှတ်မိလို့ ဘယ်လို သွားရမှန်းမသိလို့ မေးပါတယ်ဆိုမှ မသိတဲ့သူ မတတ်တဲ့ လူနဲ့ လာတွေ့ရတယ်လို့ ပြောမိကြတယ်။
ကဲ ဒီတော့ မထူးပါဘူး ၊ ရုံးကလူတွေ ပြောသလို သူ့ကို ဆွဲကြိုးကြီးနဲ့ ဟန်းချိန်းလက်မလောက် ဝယ်ပြီး ဆွဲပေးလိုက်ရင်ကောင်းမယ်၊ ဒါမှ ထိုင်း ဟိုက်ဘော့စ်ဆိုပြီး တယောက်မှ အနားမလာတော့မှာ၊ မေးချင်ရင်တောင် သူ့ဘေးက စက္ကထရီမလေးပဲ မေးတော့မယ်ဆိုပြီး ကိုယ့်ဆီရောက်လာရင်" မိုက်လူ" လို့ ပြောလိုက်မယ် အေးရော၊

ပျိုလေးရဲ့မောင် ထိုင်းယောင်ယောင် (၂)
တကယ်တန်းက အပိုင်း(၂)ဆိုပြီး ဆက်ရေးဖို့ အစီအစဉ်မရှိပါဘူး၊ ဒါပေမယ့် မိတ်ဆွေ သူငယ်ချင်းတွေက မြှောက်ပေး အဲ အားပေးကြတော့ ကိုယ်လည်း ပြောစရာ အကြောင်းလေးတွေ မကုန်သေးတဲ့အခါ ဗဟုသုတအလို့ငှာ ရယ်မောပျော်စရာ အဖြစ် ဆက်ပြီး ရေးလိုက်ပါအုန်းမယ်။
ပြောရရင် ကိုယ်က ထိုင်းစာကို ဖတ်တတ်တယ်၊ အဓိပါယ်တော့ အကုန်မသိဘူး၊ ဖတ်ပြဆိုရင် တလက်မလောက် အထူရှိတဲ့ ဖတ်စာအုပ်က အသာလေးပဲ၊ အဲ အဓိပါယ်မသိဘူး၊ သေသေချာချာ ဆက်ပြီး မသင်ဖြစ်တာရယ် ထိုင်းဘာသာနဲ့ ရေးထားတဲ့စာတွေ ဖတ်လေ့မရှိတာရယ်၊ ထိုင်းလူမျိုးတွေနဲ့ ပြောဆို ဆက်ဆံတာ မရှိတဲ့ အတွက် ဖြစ်မယ်ထင်တာပဲ၊ အမှန်ကတော့ ကိုယ့်အားနည်းချက်ပါ၊ အားမစိုက်တာ၊
အိမ်ဦးနတ်က တို့တအိမ်လုံးမှာ တယောက်လောက် တတ်ထားရင် ကောင်းမယ်လို့ ပြောတတ်ပေမယ့် ကိုယ်တတ်ထားသလောက်နဲ့ပဲ ကျေနပ်နေရတယ်။ ကိုယ်က မလွယ်ဘူးချည်း ညည်းပြနေတာ၊ မလွယ်တဲ့ အကြောင်း ပြောရရင် ဘာသာစကား သုတေသန စာတမ်းဖြစ်သွားမှာမို့ ခဏအသာထားပြီး ပျိုလေးမောင် အကြောင်းဆက်ပါအုန်းမယ်။ မိသားစု သူ့ဆီ ပြောင်းမလာခင်မှာ ထိုင်းစကား မတတ်ပဲ နေလို့ ဖြစ်ပါ့မလားဆိုတာကို သူက လက်ညှိုးတချောင်းထိုးပြတတ်ရင် ရတယ်တဲ့၊ ကိုယ်လိုချင်တာ လက်ညှိုးထိုးလိုက် ကျသလောက်ပိုက်ဆံ ပေးလိုက်ရုံပဲ၊ ထိုင်းတွေက သူများပိုက်ဆံ ပိုမယူဘူးတဲ့၊ ဆဲဗင်းအလင်းဗင်းတို့ တက်စကိုလိုတပ်စ် တို့မှာ ဝယ်ရင် ဈေးရေးထားတာ ကောက်ယူရုံပဲလို့ ပြောတာပေါ့၊ တကယ်လည်းပဲ ကိုယ်အလည်အပတ် ရောက်တဲ့အချိန်မှာ ဈေးထဲက ဟင်းသီးဟင်းရွက်သည်တွေမှာ ဈေးကပ်ထားတာ လက်ညှိုးလေးထိုးပြရင် အိတ်ထဲ ကောက်ထဲ့ပေးလိုက်တာပဲ၊ ကျသလောက်ပိုက်ဆံ တန်းပေးတော့ ဟုတ်သားပေါ့၊
သူက ဆက်ပြောသေးတာ ထိုင်းတွေက လူကြီးသူမဆို သိပ်ရိုသေတာ၊ ဘာမှမပူနဲ့၊ အေးဆေးပဲတဲ့။
သူနဲ့ ရုံးကမိတ်ဆွေတို့ မော်တော်ဆိုင်ကယ်စီးသွားရင် ကြုံရတာပြောပြတယ်။ ယာဉ်ထိန်းရဲတွေက ချက်ပွိုင့်မှာ ဆိုင်ကယ်တွေ တစီးပီးတစီး တားစစ်တော့ သူစီးလာတဲ့ ဆိုင်ကယ်ကိုလဲ တားတယ်၊ အနားရောက်တော့ ဆိုင်ကယ်ဦးထုပ် လေကာကို လှပ်လိုက်တယ်ဆို လူမြင်ပြီး လူကြီးတွေပဲဆိုကာ" မိုက်ပလိုင်ခပ်" ဘာမှမဖြစ်ဘူး၊ ကိစ္စမရှိဘူးလို့ အဓိပါယ်ရမယ်ထင်တယ်၊ အဲလိုပြောပြီး ခါးလေးညွတ်လို့ လက်အုပ်လေးချီကာ မစစ်တော့ပဲ သွားခိုင်းသတဲ့၊ သူ့မိတ်ဆွေကလည်း ပြောသတဲ့ သူတို့က လူငယ်တွေကို အဓိကထားစစ်တာ၊ လိုင်စင်မရှိပဲ မောင်းတာရယ် နောက်တခုက မူးယစ်ဆေးပေါ့ဗျာ ဒါတွေ အဓိကထားစစ်တာ၊ လူကြီးတွေဆိုတော့ အားနာတယ် ထင်တယ်တဲ့၊ ပြီးတော့ဗျာ ခင်ဗျားတို့ကျတော်တို့က ထိုင်းပုံစံပေါက်တယ်တဲ့ဗျ အဲလို ပြောတယ်တဲ့၊
အမယ်သူက သူ့မျက်နှာကို သူယုံကြည်မှု ရှိတယ်၊ သူ့ကို ထိုင်းဦးလေးကြီးလို့ ထင်ကြတယ်ဆိုပြီး၊
တခါသား ကိုယ်တွေက ကားအနောက်ခန်းမှာ၊ သူက အရှေ့ကထိုင်လို့၊ မောင်းတဲ့သူက ကိုမင်းသိုက်ပေါ့၊ ညဖက် တနေရာကပြန်အလာ ချက်ပွိုင့် ရောက်ကာနီးမှာ ခါးပါးပတ်ဗျလို့ ပြောတော့ သူက ပတ်တော့ ပတ်လိုက်ပါတယ်၊ ပြီးတော့ ဟေ့လူ လုပ်မနေနဲ့ မှန်ချပြီး ကျုပ်မျက်နှာပြလိုက်တဲ့
ကိုမင်းသိုက်ပြန်ပြောပြတာ ၊ ဟုတ်တယ်အမတဲ့၊ သူတို့နှစ်ယောက် အဲလို တခါ ညဖက်ကြီး ပြန်ကြတာ စစ်တာအကြီးအကျယ်ပဲ၊ အဲဒီမှာ ကားကိုလဲတားရော မှန်လေးချပေးလိုက်တာ လူကြီးတွေဆိုပီး " မိုက်ပလိုင်ခပ်" ဆိုကာ သွားတော့ သွားတော့ လွှတ်လိုက်သတဲ့။
သူက အဲလို မကြာခဏ ပြောရင်ကိုယ်က ထိုင်းအဖိုးကြီးဆိုပြီး မစစ်တာ၊ စကားပြောကြည့်မှ သိမယ်၊ သူတို့သာ တခုခုမေးရင် ဘယ်လို ပြောမလဲဆိုတော့ ပြုံးနေတယ်။ သူကိုယ်တိုင် ဆိုင်ကယ်နဲ့အလုပ်သွားတဲ့အခါ ကိုယ်က စိတ်ပူပြီး ရဲနဲ့တွေ့ရင် နပ်ခေါင်လို့ ပြောလိုက်၊ သူတို့က " နပ်ခေါင်" ဆိုရင် သတင်းထောက်ဆိုတော့ " ပိုင်" ပဲ ဂိုး ၊ သွားပေါ့၊ အဲဒီ စာလုံးလေးကိုတောင် သွားကာနီးကျ ဘာ ဘာခေါင် ဘာနတ်နဲ့ မေးနေလို့ ကဲ ကဲ ထားလိုက်တော့၊ မေးရင် ထုံးစံအတိုင်း လက်ကလေးခါပြီး ပြုံးပြုံးလေးသာ နေလိုက်တော့လို့ ပြောရတော့တယ်။ သူ့မှာ လူအထောက်အထားရှိတယ်၊ ဆိုင်ကယ်ကလည်း လိုင်စင်ရှိတယ်၊ အမောင်းလိုင်စင်က မလုပ်ထားတော့ မရှိ၊ အဲဒီတော့ ရှိတာသာ ထုတ်ပြလိုက် လိုင်စစ်မရှိရင် ဘောင်ချာ ပေးလိမ့်မယ်၊ ဒဏ်ဆောင်လိုက် ပြီးတာပဲလို့ စိတ်လျှော့ထားလိုက်တယ်။ သူကတော့ သူရုပ်ကို သူယုံကြည်စွာနဲ့ ခရီးဆက်နေတာ ဟုတ်နေတာပဲ၊
ပြောရရင် ကိုယ်ထိုင်းစာ နဲနဲ လူရိုသေ ရှင်ရိုသေ ရေးတတ် ဖတ်တတ်တာ သူ့ကျေးဇူးမကင်းဘူး ပြောရမယ်။ သူက ဘယ်လိုမှ မတတ်တော့ ကိုယ့်ဘာသာပဲ သင်ရင်ကောင်းမလား စဉ်းစားနေတုန်း ကြုံရတာ ပြောပြပါအုန်းမယ်။
မိသားစုက သူနဲ့အတူ တစုတစည်းထဲ လိုက်နေကာစ၊ တရက်မှာ ကိုယ်က အစာအိမ်နဲနဲ နာချင်နေတယ်၊ ဒါနဲ့ ညနေဖက်ကို ဆန်ပြုတ် သောက်မယ်ဆိုပြီး ဆန်ပြုတ်ဆိုင်သွားကြတယ်၊ မသွားခင်မှာ အတူနေတဲ့ ကိုမင်းသိုက်တို့ လင်မယားကို ဆန်ပြုတ်ကို ဘယ်လို ခေါ်သလဲ မေးမလို့ စောင့်နေကြတာ၊ သူတို့လင်မယား အပြင်သွားတာ တော်တော် မှောင်တဲ့ အထိ ရောက်မလာတော့ မစောင့်နိုင်တာရော၊ သူကလဲ ဆိုင်ကိုသူရောက်ဖူးတယ် ဆိုတာနဲ့ ကိုယ့်ဘာသာပဲ သွားလိုက်ကြတယ်။
သူက ဘာမှပြောစရာမလိုဘူး၊ လက်ညှိုးထိုးပြလိုက်ယုံပဲ၊ အိုးတွေက ဆိုင်ရှေ့မှာ ခင်းထားတာလို့ ပြောတယ်။
ကိုမင်းသိုက်က သတ်သတ်လွတ်သမား၊ ညနေဆို နေ့တိုင်းလိုလို အဲဒီဆိုင်က ဆန်ပြုတ်နဲ့ ပဲသွေး စားတယ်၊ ဆန်ပြုတ်က တကဲ့ကို ဆန်ပြုတ်အစစ်၊ ဆားတောင်မပါဘူး၊ ဟင်းတွေနဲ့ တွဲရောင်းတာ၊ ထိုင်းဟင်းပေါ့၊ ဆီမပါတဲ့ ထိုင်းစတိုင်ပဲငံပြာရည်လို ညိုညိုအရည်နဲ့ ပြုတ်ထားတာတွေနဲ့ ဝက်အူမကြီးတို့၊ အခေါက်ကင်တို့၊ ဝက်သားကင်သုပ်တို့နဲ့ တွဲစားရတာ၊ ကိုယ်က တခါမှ ဆိုင်ကို မရောက်ဖူးသေးဘူး၊ ကိုမင်းသိုက်က ဖောက်သယ်ဖြစ်ပြီး သူ့ထုံးစံအတိုင်း နာမည်တောင် ပေးပြီးသွားဘီ။
" မျက်နှာပုပ်မကြီးဆိုင်" တဲ့
ကိုယ်တွေက လူတယောက်ရဲ့ ရုပ်ရည်ကို အဲလို နှိမ့်ချပြီး ခေါ်တာမကြိုက်လို့ ပြောတော့ ဟာ အမ မမြင်ဘူးသေးလို့ မြင်ရင် ကျတော်ပြောတာ မမှားဘူးဆိုတာသိမယ်တဲ့၊ သူက စိတ်ပုပ်တာမဟုတ်ဘူးဗျ၊ ၊ သူ့ပုံစံကလည်း စူပုပ်နေတာမဟုတ်ဘူး၊ အပေါက်လဲမဆိုးဘူး၊ ဒါပေမယ့် မျက်နှာက အရယ်အပြုံးမရှိဘူး၊
အဲဒီဆိုင်ကို သူသွားဝယ်ကာနီးတခါ ပြန်လာတဲ့တခါ အသွားအပြန် မျက်နှာပုပ်မကြီးနဲ့တွေ့ရအုန်းမယ်၊ စခန်းသွားရအုန်းမယ် ပြောပြီးသွား၊ ပြန်လာရင်လဲ မျက်နှာပုပ်မကြီးကလေ ဆိုပြီး သူစိတ်တိုင်းမကျတာက အမြဲ၊ ဒါပေမယ့် နေ့စဉ်လိုလို သွားသွားဝယ်စားတာပါပဲ။
ဒါနဲ့ ဆန်ပြုတ်ဆိုင် ချီတက်သွားရော ဆိုပါတော့၊ ဟိုရောက်တော့ အိုးတွေ တခုချင်းလိုက်ကြည့်တာ ဆန်ပြုတ်အိုး မတွေ့ဘူး၊ ဆိုင်ရှင်က ဘာယူမလဲ မေးတယ်ထင်ပါ့၊ ကိုယ်ကလဲ တလုံးမှ မထွက်တတ်တော့ ခေါင်းကုပ်ရင်း ဆိုင်ထဲမှာများ ရွှေ့ထားသလား ဆိုပြီး ခြေဖျားထောက်ပြီး ကဲကြည့်တာပေါ့၊ သူလဲ ယောင်ပြီး လိုက်ကြည့်သေးတယ်၊ ပြီးမှ စိတ်မရှည်သလိုနဲ့ တခြားလူတွေကို လှည့်ပြီး ရောင်းတယ်။ သူ့ဘေးက အကူရောင်းတဲ့ အမျိုးသမီးကို တတောင်နဲ့တွက်ပြီး ကိုယ့်ဆီမေးဖို့ လွှတ်တယ်၊ ဆိုင်အကူ အမျိုးသမီး အနားမရောက်ခင် အိမ်ဦးနတ်ကို အားကိုးတကြီး လှည့်ကြည့်တော့ သူက ဆိုင်ထဲကို လိုက်မှ မဝင်လာပဲ၊ ဆိုင်အရှေ့ ပလက်ဖောင်းမှာ လမ်းဘက်ကို မျက်နှာလှည့်ပြီး ကားတွေ ဆိုင်ကယ်တွေ သွားတာငေးနေလေရဲ့၊
ကိုယ်ထွက်လာတာတွေ့တော့ မရဘူးလားတဲ့၊ အိုးမတွေ့ဘူးဆိုတော့ အာ ဘာလို့မတွေ့ရမှာလဲ၊ လာ လာ ဆိုပြီး ဆိုင်ထဲကို အရှေ့ကနေ ဦးအောင်ဝင်သွားတယ်၊ ဟိုလဲ ရောက်ရော ကိုယ့်လိုပဲ ဟိုကြည့်ဒီကြည့် လုပ်ရော၊ ပါးစပ်ကလည်း ပြောသေးတယ်၊ ခါတိုင်း ဒီမှာပဲ ဟင်းအိုးတွေနဲ့ အတူထားတာပဲတဲ့ မလျှော့ဘူး၊ ဆိုင်ရှင်က သူ့ဆိုင်ကအိုးတွေကို မျက်လုံးပေါက်မတတ် လာကြည့်နေတဲ့ ကိုယ်တို့နှစ်ယောက်ကို ဇဝေဇဝဝါနဲ့ကြည်ပြီး ဘာမှမပြောတော့ပဲ သူ့အလုပ်သူလုပ်နေတယ်၊ အဲဒီတော့မှ ဒီအမျိုးသမီးမျက်နှာ စိတ်တိုတာမတွေ့ရ၊ အပြောင်းအလဲ မရှိဆိုတာ တွေ့ရမှ ကိုမင်းသိုက်ပြောတာသတိရတယ်။ သူ့မျက်နှာက အော်ရီဂျင်နယ်ပဲ၊
ကဲကဲ ကိုမင်းသိုက်ကို ဖုန်းဆက်ပြီး မေးဆိုတော့၊ ကိုမင်းသိုက်ဖုန်းနံပါတ်က ကိုယ့်ဆီမှာ မရှိဘူး၊ ကိုမင်းသိုက်ကတော် တပ်ချုပ်ကြီးရဲ့ဖုန်းနံပါတ်ပဲ ရှိတယ်၊ အဲဒါပဲ လှမ်းဆက်လိုက်တော့ မကိုင်ဘူး၊ လမ်းပေါ်မှာ ဖြစ်နေပုံရတယ်၊ ဒါနဲ့ ပြန်မယ်ပေါ့၊ ဆိုင်ရှေ့လဲ ရောက်ရဲ့သားနဲ့ ဆန်ပြုတ်ကလေးတောင် အဖြစ်ရှိအောင် မဝယ်တတ်တဲ့ သူ့ကိုရော ကိုယ့်ကိုယ်ရော အင်မတန် စိတ်ပျက်မိတယ်၊ သူက အကြံရဘီတဲ့၊ ဆိုင်ထဲမှာ စားနေတဲ့သူတွေဆီက ပန်းကန်ကို လက်ညှိုးထိုးပြလိုက်မယ်တဲ့၊ တော်ပါပြီ စားနေတဲ့သူက ဘာမှန်းညာမှန်းမသိမှ ရှုပ်ကုန်မယ် စကားလဲပေါက်အောင် ပြန်ရှင်းပြနိုင်မှာ မဟုတ်ပဲဆိုပြီး၊ ဒါနဲ့ လှည့်ပြန်ကြမယ် အလုပ်မှာ ကိုယ်က တွေးတယ်၊ ထမင်းကို ထိုင်းလို " ခေါက်" လို့ခေါ်တယ်၊ ဟင်းချိုလို ခေါက်ဆွဲပြုတ်လို သောက်စရာ ဟင်းကို" တုံ့ "ဆိုတာ ထဲ့ပြောကြတယ်၊ ဥပမာ တုံ့ယမ်း ချဉ်စပ် ဟင်းရည်မျိုး၊ ဒါဆိုရင် ထမင်းပြုတ်ဆိုတော့ တုံ့ခေါက် ဒါမှမဟုတ် ခေါက်တုံ့ လို့ ပြောကြည့်မယ်ဆိုတော့ စမ်းကြည့်တာပေါ့ ဆိုပြီး ဆိုင်ထဲ ပြန်ဝင်တာပေါ့၊ ဒါဟာ နောက်ဆုံးကြိုးစားခြင်းပေါ့၊
ကိုယ်တွေ ဆိုင်ထဲ ပြန်အဝင် လာပြန်ဘီဆိုတဲ့ အကြည့်နဲ့ ဆိုင်ရှင်က တချက်လှမ်းကြည့်တယ်၊ သူကိုယ်တိုင်မလာဘူး၊ ဆိုင်အကူကို လွှတ်လိုက်ပြန်တယ်၊ ဒါနဲ့ ကိုယ်က တုံ့ခေါက် လို့ ပြောပြီး အကူအမျိုးသမီးရဲ့ မျက်နှာကို အကဲခတ်တယ်၊ သူက မျက်မှောင်ကျူံ့တယ်၊ ဒါနဲ့ ချက်ခြင်းပဲ" ခေါက်တုံ့" လို့ ပြောင်းပြောလိုက်တော့ ဩ........ ဆိုပြီး ခေါင်းငြိမ့်တယ်၊ တိုက်ဆိုင်ပုံများ အဲဒီတော့မှ အလုပ်သမားကောင်လေးက ဆိုင်အတွင်း အနောက်ဖက်မှာ ထားတဲ့ ဆန်ပြုတ်အိုးကြီးကို မလာတာ တပြိုင်တည်းလိုလို တွေ့ရပါလေရော၊ အဲဒီတော့မှ ကိုယ်တို့ နှစ်ယောက် တပြိုင်ထဲလိုလို ထအော်ပြီး လက်ညှိုးထိုးတာ ဆိုင်ထဲမှာ စားနေတဲ့လူတွေတောင် ခေါင်းထောင်ကြည့်တယ်။ ဝမ်းသာလိုက်တာမှ ကမ္ဘာဦးလူတွေမီးကို စတွေ့တာ ဒီလိုမျိုး ခံစားချက်ပဲ ဖြစ်မယ်လို့ တွေးမိတယ်၊ စိတ်ထဲမှာ ကျေနပ်နေတယ်၊ ကိုယ်တွေးတဲ့ စာလုံးကလဲ မှန်၊ ဆန်ပြုတ်ကိုလဲ တွေ့ရှိဆိုတော့ စိတ်ထဲ ကျေနပ်သွားတယ်၊ ပဲသွေးဟင်းကို လက်ညှိုးထိုးပြီးမှာတယ်၊ ပြီးတော့ " စိုင်ထူ" လို့ ပြောလိုက်တယ်၊ " စိုင်" ဆိုတာ ထဲ့တာ၊ " ထူ" ကအိတ်၊ အိတ်နဲ့ထဲ့မယ်ပေါ့၊ စိုင်ထူ ကတော့ ရောက်ကတည်းက ပြောတတ်တယ်၊
လမ်းရောက်တော့ ကိုမင်းသိုက်ရဲ့ တပ်ချုပ်ကြီးက ဖုန်းပြန်ဆက်တယ်၊ အမဘာဖြစ်လို့လဲပေါ့၊ ဘာမှမဖြစ်ဘူး၊ ဆန်ပြုတ်ကို ထိုင်းလို ဘယ်လိုခေါ်သလဲ မေးမလို့ ဆိုတော့ စကားမဆုံးခင်ပဲ အမ ကျမလဲမသိဘူး။ နေအုန်း ကိုမင်းသိုက်ကို မေးလိုက်အုန်းမယ်ဆိုပြီး ပြောတော့ နေနေ အခု ရဘီလို့ ကမန်းကတန်းပြောရတယ်။ အိမ်လဲ ရောက်ရော တပ်ချုပ်ကြီးက ရင်ဖွင့်တယ်၊ သူဒါ့ကြောင့် ထိုင်းမှာမနေချင်တာတဲ့၊
ကိုယ်ကတော့ ကလေးတွေ ကျောင်းတက်နေပြိဆိုတော့ အင်း ထိုင်းစာတော့ တတ်အောင်သင်မှဆိုပြီး သင်ဖို့ ကြိုးစားရတော့တာ။ ကလေးတွေက ထိုင်းကျောင်းတက်တာ မဟုတ်တော့ ထိုင်းလို မသင်ရတော့ သူတို့လည်း အားကိုးဖို့မမြင်၊ ကိုယ့်ကိုယ်သာ အားကိုးရာဆိုပြီး မာန်တင်းရတော့တယ်။
ထိုင်းစကား သင်မှ ဖြစ်မှာလို့ ကိုယ့်မြန်မာအသိုင်းအဝိုင်းကြား ညည်းမိရင် သူတို့က မလွယ်ဘူးချည်းပြောတယ်၊ ထိုင်းစကားက ရှုပ်တယ်၊ စကားလုံတလုံးကိုပဲ အသံအနေအထား အမျိုးမျိုးပြောင်းပြီးပြောရတာ၊ အသံထွက်ပြောင်းတာနဲ့ အဓိပါယ်ကွာတယ် အဲလိုပြောတဲ့သူကတမျိုး၊ ငယ်ရွယ်တဲ့ ကလေးမလေးတွေကတောင် သမီးတို့တောင် တက်ဖူးတယ် ကော ကိုင်၊ ခေါ ခိုင် ကနေ မတက်ဘူးတဲ့ ၊ အိမ်ဦးနတ်ကိုတော့ သူ့ရုံးက မိတ်ဆွေတွေနဲ့ လူငယ်လေးတွေက ပြောတယ်၊ ဦးလေး ထိုင်းစကားတတ်ချင်ရင် အလွယ်ဆုံးနည်းက ထိုင်းမလေးတယောက်နဲ့ ဂဲလ်ဖရန့် ဖြစ်ရင်ရပြိတဲ့၊ ဒါနဲ့ ဦးလေး အသက်ကြီးပါပြီကွယ်လို့ ကိုယ်က ပြောရတယ်၊ အမယ် ဦးလေးကလည်း သူသင်လိုက်ရမလား ကိုယ့်ကို ချိန်းခြောက်သေးတယ်၊ ဒါနဲ့ ကိုယ်တွေရောဆိုတော့ အမတို့က ထိုင်းစကားတတ်ချင်ရင် ထိုင်းလူမျိုးဆိုင်ရှင်ဆီမှာ အရောင်းစာရေး သွားလုပ်၊ ဒါမှမဟုတ် အလုပ်သမား လုပ်လေ မြန်မြန်တတ်တယ်၊ ရေမကူးတတ်တဲ့သူ ရေထဲကို တွန်းချလိုက်သလိုပေါ့တဲ့၊
ကံကောင်းချင်တော့ ရွှေ့ပြောင်းမြန်မာကျောင်းတကျောင်းဖြစ်တဲ့ BEAM ကျောင်းမှာ ထိုင်းစာ အခမဲ့ သင်တန်းလည်း ဖွင့်ရော ပထမဦးဆုံး အသုတ်ကတည်းက ပြေးတက်လိုက်တာပေါ့၊ ကံကောင်းလို့ ရေထဲတွန်းချခံရမယ့်ကိန်းက လွတ်သွားတယ် ၊ သတိရတာရှိရင် ဆက်ရေးအုန်းမယ်

ပျိုလေးရဲ့မောင် ထိုင်းယောင်ယောင်- (၃)

တကယ်ဆိုရင် အခုဆက်ရေးမှာက ဒီခေါင်းစဉ်နဲ့ မဆိုင်တော့ဘူး၊ ဒါပေမယ့် ဒီခေါင်းစဉ်က မြစ်ဖျားခံလာတာဆိုတော့ လုံးလုံးကြီး မဆိုင်တာမဟုတ်ပြန်ဘူး၊ ဒါနဲ့ပဲ ဒီခေါင်းစဉ်အောက်မှာ ဆက်ရေးဖို့ ဆုံးဖြတ်လိုက်တယ်၊ အသက်ကြီးလာတဲ့အခါ စကားစ ရရင် တော်တော်နဲ့ အဆုံးမသတ်ပဲ ပေါက်ပေါက်ဖောက်သလိုပေါ့၊ လူငယ်စကားနဲ့ပြောရရင် ပေရှည်တာပေါ့လေ၊
ကိုယ်ထိုင်းစာ အရေးအဖတ် သွားတက်တဲ့ BEAM Education Foundation ဆိုတာ အရှည်က Bridging Education Access to Migrants မြန်မာလိုဆိုရင်ဖြင့် ရွှေ့ပြောင်းအလုပ်သမားများအတွက် ပညာရေးပေါင်းကူးအစီအစဉ် လို့ ခေါ်တယ်၊ အိမ်နဲ့က မနီးမဝေးပေမယ့် လိုင်းကား စီးသွားရတယ်၊ မြန်မာပြည်မှာဆိုရင် ပုစွန်တောင် ရေကျော်ကနေ ယုဇနပလာဇာကို သွားရသလောက်ရှိမယ်။
သင်တန်းစမတက်ခင်ကတည်းက ကိုယ့်လောက် အသက်ကြီးတဲ့သူ ရှိမှာမဟုတ်ဘူးလို့ တွက်ဆထားတဲ့အတိုင်း ကျောင်းရောက်တော့ လာတက်တဲ့ ကလေးတွေက အငယ်ဆုံး (၁၆)နှစ်နဲ့ အကြီးဆုံး (ကိုယ်မပါ) အသက်အစိတ်ဝန်းကျင် အရွယ်တွေ၊ ဆရာမတောင် အသက်( ၂၇) နှစ်လားရှိတယ်၊ နောက်ပြီး တိုင်းရင်းသားတွေ များတယ်၊ နယ်စပ်ကနေ အကြောင်းအမျိုးမျိုးနဲ့ ရောက်လာကြပြီး အလုပ်လုပ်နေတဲ့ အလုပ်သမားတွေချည်းပဲ။ ဈေးရောင်းအကူ၊ စားပွဲထိုး၊ သန့်ရှင်းရေး၊ အိမ်ဖော်၊ ကားဝပ်ရှော့ အလုပ်သမား၊ စသဖြင့် အောက်ခြေအလုပ်သမားတွေ ဖြစ်ကြတယ်၊ သူတို့က အများအားဖြင့် ထိုင်းစကားတတ်ကြတယ်။ စာမတတ်တဲ့ အတွက် အလုပ်ထဲမှာ မျက်နှာငယ်ရတယ်ဆိုပြီး အခုလို ကျောင်းဖွင့်တယ်ကြားလို့ လာတက်ကြတာ၊ စကားအပြင် စာပါတတ်ထားရင် ဆိုင်ရှင်က ပိုပြီး သဘောကျတယ်လို့ စားသောက်ဆိုင်က စားပွဲထိုးကောင်လေးက ပြောပြတယ်။ သင်တန်းကြေးက အခမဲ့ဆိုတော့ တက်နိုင်ကြတယ်၊ ဒါပေမယ့် အလုပ်တဖက်နဲ့မို့ တချို့ဆိုပါက နေ့စဉ် လာမတက်နိုင်ကြဘူး၊ ရှမ်းတိုင်းရင်းသားတွေကတော့ ဟန်ကျတယ်၊ ထိုင်းဘာသာစကားက ရှမ်းစကားနဲ့ ခပ်ဆင်ဆင်ပဲ၊ အနီးစပ်ဆုံး ဥပမာပေးရရင် ရခိုင်စကားလိုပေါ့ မြန်မာတွေ နားလည်တယ်၊ သိပ်ကွဲတဲ့ စကားလုံးမှသာ မသိတော့တာ။ ကြုံတုန်းပြောရရင် လာအိုကလည်း ထိုင်းနဲ့စကားအတူတူပဲ၊ လာအိုမှာ ထိုင်းဘတ်ငွေ သုံးလို့ရတယ်၊ တလောက ရွှေ့ပြောင်းအလုပ်သမားတွေအတွက် ထိုင်းအစိုးရက ဆက်သွယ်စုံစမ်း မေးမြန်းနိုင်တဲ့ ကောစင်တာတွေ ဖွင့်ပေးတာမှာ မြန်မာ၊ ကမ္ဘောဒီးယား လူမျိုးတွေအတွက် သက်ဆိုင်ရာ ဘာသာနဲ့ ပြောနိုင်တဲ့သူတွေ ထားပေးထားပြီး လာအို အလုပ်သမားတွေ အတွက် ထားမပေးဘူး၊ ဘာသာစကား အတူတူပဲမို့လို့ ဆိုတယ်။
ကျောင်းဆိုတာ ကိုယ်နဲ့ ကင်းကွာနေတာ ကြာပြီ။ အခုနေပြန်တွက်ကြည့်တာ နှစ်အစိတ်ရှိပြီ။ အဲဒီတော့ စိုးရိမ်တာက သင်တန်းတက်တဲ့အထဲ ကိုယ်က ဘိတ်ချေး ဖြစ်ကျန်ခဲ့မှာ မလိုက်နိုင်မှာ အဲဒါကို အတော်စိုးရိမ်မိတယ်၊ ဒါပေမယ့် တကယ်တန်းကျ ကလေးတွေက အလုပ်တဖက်နဲ့မို့ သင်တန်းမှာသင်တာပဲ မှတ်ပီး အိမ်ရောက် ပစ်ချ အလုပ်ပြေးဆိုတော့ သူတို့က မနည်းလိုက်ရတယ်၊ ကိုယ်ကတော့ အိမ်ရောက်ရင် ခနနား စားစရာရှိတာစားပြီး တနေ့လုံး စာပြန်ကြည့်၊ ကကြီး ခခွေး ရေးကျင့်သလို လက်ရေးလှစာအုပ် ဝယ်ပြီး ရေးကျင့်ဆိုတော့ အသက်ကြီးပေမယ့် သူတို့ထက် သာလာတယ်၊ ဒါက ကိုယ့်ဘာသာ ပြောတာမဟုတ်ဘူး၊ ဆရာမက ပြောတာ၊ တော်ကြာ ကြွားတယ်ထင်မဆိုးလို့
ဆရာမက "အခါ" လူမျိုး၊ ထိုင်း-အခါ တဲ့၊ မြန်မာအလုပ်သမားတွေနဲ့ ဆက်ဆံ ပြောဆိုရင်းက မြန်မာအလုပ်သမားတွေဆီကနေ မြန်မာစကားတတ်လာတယ်လို့ ဆရာမကပြောပြတယ်၊ နဲနဲပဲ တတ်တာလို့ပြောပေမယ့် တကယ်များတတ်ရင် မလွယ်ဘူး၊ ဆရာမက မြန်မာဘုရင်တွေအကြောင်း ကိုယ်တွေထက်တောင် ပိုသိနေတယ်၊ ကိုးကွယ်တာက ခရစ်ယာန်ပေမယ့် ပိဋကတ်သုံးပုံဆိုတာ သိတယ်၊ သေချာ သိတာ၊ ဦးအောင်ဇေယျဆိုတာ အလောင်းမင်းတရားကြီးလို့ ဆရာမကပြောတာကို သင်တန်းက လူငယ်တယောက်က ဘုရင့်နောင်လို့ ငြင်းတာနဲ့ ကိုယ်ကပါ ဆရာမဘက်က လိုက်ပြီး အထောက်အထားနဲ့ ပြောပြရတယ်၊ ဆရာမက ထိုင်းလိုရော မြန်မာလိုရော ပြောပြီး သင်ရတယ်၊ သင်တန်းသားတိုင်းက ထိုင်းစကားသိပ်မပေါက်တာလဲ ပါကြတယ်။ တချို့တိုင်းရင်းသားတွေက မြန်မာစကား သိပ်မပေါက်တာပါတယ်၊ အဲဒီအခါကျ ဆရာမပြောတဲ့ မြန်မာစကားကိုပဲ မြန်မာလို အဓိပါယ်ပေါ်အောင် ကိုယ်က သူတို့ကို ပြန်ရှင်းပြရတယ်၊ ဒါနဲ့ပဲ ကိုယ်က ဆရာမနဲ့ တခြားသင်တန်းသားတွေကြား မြန်မာစကားကို မြန်မာလို ပြန်ပြောရတဲ့ စကားပြန်ဖြစ်လာတယ်။
ကျောင်းဆိုတာ စာတင်မက တခြားဗဟုသုတတွေပါ အသိပညာတွေပါ ရစေတယ်ဆိုတာ သိပ်မှန်တယ်၊ သင်တာက ထိုင်းစာအရေးအဖတ် ဆိုပေမယ့် ဆရာမဆီက ထိုင်းနိုင်ငံရဲ့ နိုင်ငံရေးအခြေအနေ၊ ဘုရင်စနစ်အကြောင်းတွေ သိရတယ်၊ ဒါ့အပြင် ကိုယ်တို့ မြန်မာပြည်က အာဏာရှင်တွေ အကြောင်းလည်း ဆရာမက သိသွားတယ်၊ ဒီနေရာမှာထူးဆန်းတာက ဆရာမက မိုးသီးဇွန်ဆိုတာ သိနေတယ်၊ ကိုယ်ကတော့ အဲဒီသင်တန်းတက်ရတာ ကိုယ့်တိုင်းရင်းသား လူမျိုးစုတွေတောင် စုံသလောက် သိလိုက်ရတယ်။ သူတို့ရဲ့ စိတ်နေသဘောထားတွေ အကုန် နားလည်လာရတယ်၊ တိုင်းရင်းသားတွေက စကားပြောတာ အင်မတန် ယဉ်ကျေးတယ်၊ တခုခုပြောပြီးရင် ခင်မျာ့၊ ရှင့်၊ အဲလို ထဲ့ထဲ့ပြောကြတယ်၊ ဟုတ်ကဲ့ရှင့် မသိဘူးရှင့်၊ အဲလို၊ သူတို့ကလည်း ကိုယ့်ကို မေးတယ်၊ မြန်မာပြည် ဘယ်ကလာသလဲ အဲလို၊ ကိုယ်ကလဲ မေးတယ်၊ ကိုယ်မေးရင် သူတို့က ရယ်ကြတယ်၊
သူတို့နဲ့ ပတ်သက်ပြီး မသိတာတွေ များလို့လေ၊ တယောက်ကို ဘာလူမျိုးလဲလို့ မေးလိုက်ရင် လီဆူး တဲ့၊ အဲဒီတော့ ကိုယ်က အော် ကချင်ပေါ့ အဲလိုပြောရင် ပျာပျာသလဲ ရှင်းတယ်၊ ကချင်က ကချင်ပဲ ၊ လီဆူးက လူမျိုးတခု အဲလို ရှင်းပြတယ်၊ နောက်တယောက်ကျပြန်တော့ " မြို" တဲ့၊ ထုံးစံအတိုင်း ကိုယ်က ချင်းပေါ့ ဆို မဟုတ်ဘူးတဲ့ ခေါင်းခါတယ်၊ ဒါနဲ့ မလျှော့ဘူး၊ ရခိုင်ပေါ့ ဆိုတော့ ရယ်ကြတယ်၊ " မြို" က မြိုပဲလေ အန်တီတဲ့၊ ရှိသေးတယ်" ပအို့ဝ် "လူမျိုးလို့ ပြောတဲ့ကလေးကို ရှမ်းပေါ့ ဆိုတော့ မဟုတ်ဘူး၊ ပအို့ဝ် က ပအို့ဝ်ပဲလေတဲ့၊ ရှမ်းမဟုတ်ဘူး၊ တဖြေးဖြေးသိလာတယ်၊ ကိုယ်က ရန်ကုန်ကနေ အဝေးဆုံး ပျဉ်းမနားကျော်ပြီး ဘယ်မှရောက်ဖူးခဲ့တာမှ မဟုတ်တာ၊ ကျောင်းစာမှာ ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်း လို့ သင်ခဲ့ရတာလေ၊ အဲလောက်ပဲ သိတယ်၊ ပအို့ဝ်တို့၊ လီဆူး၊ ခမီ၊ မြို ဆိုတာတောင် အပြင်စာတွေ ဖတ်လို့ နဲနဲသိထားတာ၊ မြန်မာ့အသံမှာ အသံလွှင်ဝန်ထမ်းဘဝ ရောက်မှ တိုင်းရင်းသားဘာသာ (၈)မျိုး လွှင့်လို့ ကရင်မှာ ပိုးကရင်နဲ့ စကောကရင် ဆိုတာ သိလာတာ၊
ကိုယ့်တိုင်းရင်းသားတွေ အကြောင်း ထိုင်းစာတက်ရင်း သိရာက သူတို့ဘဝတွေပါ သိလာရတယ်၊
ကိုယ်တို့ငယ်ငယ်က ပြည်ထောင်စုအလံ ကျိုက္ကဆံကွင်းမှာ ရပ်နားရင် တိုင်းရင်းသားပြခန်းတွေ လိုက်ကြည့်ရတာ အင်မတန် သဘောကျတာ၊ တိုင်းရင်းသားကိုယ်စားလှယ်တွေ ညီလာခံတက်လာတဲ့ သတင်းတွေ သတင်းစာမှာတွေ့ရင် သဘောကျတယ်၊ တို့ပြည်ထောင်စုသားတွေ တော်တော်ချစ်ကြတာပဲဆိုပြီး၊ တိုင်းရင်းသားအချင်းချင်း ချစ်ကြည်ရေးဆိုတဲ့ ရေဒီယိုဇာတ်လမ်းတွေ၊ သီချင်းတွေ နားထောင်ရရင် တိုင်းရင်းသားတွေကို ချစ်ခင်မိတယ်။
" ကချင် ကယား ကရင် ချင်း မွန် ဗမာ ရခိုင် ရှမ်း တို့တတွေ ပြည်ထောင်စုသား တိုင်းရင်းသား ညီအကို မောင်နှမတတွေ သွေးစည်းကာသာလေ ညီညွတ်ချစ်ခင်ပေ၊ အေးအတူ ပူအမျှ မူအရ အတူတကွလက်တွဲကြမယ်လေ လာ လာလေ လာကြပြီလေ "  ဆိုတဲ့ စာသားပါတဲ့ " တို့ပြည်ထောင်စုသား" ဆိုတဲ့ သီချင်းဆို သိပ်ကြိုက်၊ " ဟေ ဟေ ဟေ လာကြပြီလေ ရေမြေတောအနှံ့က တို့ဆွေသဟာတွေ ရပ်ဝေးကဆွေ ရပ်နီးကဆွေ စုပေါင်းနေထိုင်သလေ ဝေလေလေ ဝေ............လေလေ" ဆိုတဲ့ အပိုဒ်ကျ လိုက်တောင် ဆိုလိုက်သေးတယ်။
တကယ်တန်းကျ တိုင်းရင်းသားတွေနဲ့ အခုလို အတူဆုံမိမှ သူတို့ရဲ့ ဘဝ၊ သူတို့ခံစားချက်၊ သူတို့ လိုအပ်ချက်တွေကို သေသေချာချာ သိရတော့တာ။ အတူတူ သင်တန်းတက်တဲ့ တိုင်းရင်းသားတွေ အကြောင်း စပ်မိလို့ ပြောတာ နဲနဲ ရှည်သွားတယ်၊ အဲ သင်တန်းရောက်တာနဲ့ ဆရာမက နာမည်တွေ ကြည့်ပြီး နာမည်အရှည်အတိုင်း ခေါ်ဖို့ခက်မယ်ဆိုကာ တယောက်ချင်းကို မှတ်မိလွယ်မယ့် နာမည် တလုံးစီ ခေါ်မယ်လို့ ဆိုတယ်၊ ကောင်လေးတယောက်ကတော့ " လင်း" တဲ့၊ သူ့နာမည်ထဲက နောက်ဆုံးအလုံးကို ခေါ်မယ်ပေါ့၊ ထိုင်းလို ဆရာမက ဝှိုက်ဘုတ်မှာ ရေးပေးတယ်၊ အဲဒါကို ကိုယ့်ရဲ့ စာအုပ်မှာ ကူးပြီး နာမည်ထိုးထားရတယ်၊ စာလုံးပေါင်းမတတ်သေးပေမယ့် ကြည့်ပြီး ကူးထားပေါ့၊
" လင်း" ကို ลิง လို့ ဆရာမက ရေးပေးတယ်၊ ထိုင်းစာမှာက ဗျည်း(၄၄) လုံးရှိတာ အဲဒီမှာ ล ဆိုတဲ့ ဗျည်းက (၃၆)လုံးမြောက် ဆိုတော့ တော်တော်ကြာမှ အဓိပါယ်သိတယ်၊ " မျောက်" ကိုခေါ်တာ၊ အဲဒီကလေးက အိမ်ကနေ ဖုန်းဆက်ပြီး ဆရာမကို သူ့နာမည်ပြောင်းပေးဖို့ ပြောရှာတယ်၊ နောက်နေ့ သင်တန်းမှာ ဆရာမက သူ့နာမည် ပြောင်းသွားပြီနော် ဆိုပြီး နာမည်တခု ပြောင်းပေးတယ်၊
ကိုယ့်ကို ဆရာမက " ခိုင်"ဆိုတာ ဘာအဓိပါယ်လဲ မေးတယ်၊ နာမည်ပေးဖို့၊ တကယ်တန်း မေးတော့ မနည်း ရှင်းပြရတယ်၊
မြန်မာမိန်းကလေးတွေ အများဆုံး မှည့်လေ့ ရှိတဲ့ နာမည်၊ တခြားစာလုံးတွေနဲ့ တွဲပြီး မှည့်တတ်တယ် ဥပမာ- တင်တင်ခိုင်၊ ခိုင်ခိုင်မြင့်၊ ခိုင်သဇင်၊
" ခိုင်"တို့ " လှိုင်" တို့ဆိုတာ မြန်မာမိန်းကလေးနာမည် ပေါ့၊ ဆရာမက သိပ်မရှင်းဘူးထင်ပါရဲ့၊ ခိုင်ရဲ့ မူရင်း အဓိပါယ်၊ ဘာကို ဆိုလိုလဲ ဆိုတာ ထပ်မေးပြန်တယ်၊ တခြားအသုံးမှာတော့ ခိုင် ဆိုတာ မြဲမြံတယ်၊ ခိုင်မာတယ် ၊ တည်တံ့တယ်ပေါ့ ပြောပြရင်းက ကိုယ့်နာမည် ဘာများ ပေးလိုက်မလဲ စိတ်စောနေရတယ်၊ ဆရာမက ကဲ ဒါဆိုလဲ မြန်မာ အသံထွက်အတိုင်း ထွက်တဲ့ ထိုင်းသံနဲ့ပဲ ပေးလိုက်မယ်ဆိုပြီး ကိုယ့်နာမည်ကို ไข่
" ဥ" လို့ အဓိပါယ်ရတဲ့ စာလုံး ပေါင်းပေးတယ်၊ ကြက်ဥကို ไข่ไก่ လို့ဆိုပေမယ့် တကယ်တန်း အသုံးက ไข่ ပဲဆိုတော့ကာ ကိုယ့်နာမည်က " ကြက်ဥ " ပေါ့ ။
နာမည်နဲ့ပတ်သက်ရင် ခိုင် ဆိုတာနဲ့ စာရေးဆရာ တက္ကသိုလ်ဘုန်းနိုင်ရဲ့ " သူငယ်ချင်းလိုပဲ ဆက်၍ခေါ်မည်ခိုင်" လို စိတ်ကူးယဉ်စရာ နာမည်ကြီး ဇာတ်ဆောင်နာမည်မို့ သဘောကျ နေရတာ၊ ဒါတင်မက အဆိုတော် အက်စ်ကဲနက် ဆိုထားတဲ့ " နွေချိုရွှေဥဩ ပန်းပိတောက်ကိုမြင်မှ နွေရောက်တာ ကိုယ်သိတယ်............. အော်.......... နွေတဲ့လား " အဲ အဲဒီ " ရင်သို့တိုးဝှေ့ဆဲပါခိုင်" သီချင်းတို့လို ခပ်နုနု နွဲ့နွဲ့ အခေါ်လေးမို့ ကျေနပ်စရာပေါ့၊ ( တခုတော့ရှိတယ် အဆိုတော် တွံတေးစိုးအောင် နာမည်ကြီးစဉ်က မယ်ဒလင်လေး တောင်တောင်တင်တင်နဲ့ ခေါက်ပြီး မခိုင် မခိုင် မခိုင်ရယ် မခိုင်ကိုပဲ ချစ်ပါတယ် သီချင်းလိုမျိုး တော့ မကြိုက်လှဘူးပေါ့လေ)
အခုတော့ ကိုယ့်နာမည် " ခိုင်" ကို ထိုင်းဆရာမက ပေးလိုက်တာက " မကြက်ဥ" တဲ့ ၊ ကျေကျေနပ်နပ်ပဲ အခုထိ ဒီနာမည်ကို သုံးတယ်၊ စာအုပ်မှာလည်း အဲဒီလိုပဲ နာမည်ထိုးထားတယ်၊ မှတ်မှတ်ရရပေါ့။

အိတ်ဖွင့်ပေးစာ ( ကောင်းကင်အနုရသမဂဇင်းမှ)

                                                               

ဦးသိန်းစိန်

                  ကိုပါကြီးရဲ့ ရုပ်အလောင်းကို သင်တွေ့သောအခါ   မည်သို့ခံစားရပါသနည်း၊ 

                  တိုင်းပြည်က လူတယောက် သေပျောက်တာကို သင်ဂုဏ်ယူ ဝမ်းမြောက်ပါလေစ။ 

                  လူသူမနီး  ရပ်ရွာမနီး   မိသားစုမသိ လူမသိ သူမသိ သေခဲ့ရပြီ။
                  မြေကိုတူးကာ  ဒဏ်ရာဗလပွ ကျိုးကြေ ကာမှ မြှုတ်နှံခဲ့ကြသည်။ 

                    သင့်သားအရွယ် ဒီလူငယ်အပေါ် ဘာ့ကြောင့် ဒီမျှ ရက်စက်ရသနည်း၊
                  ငါ့ညီ ငါ့သား ဒီလိုများ တိတ်တိတ်ဆိတ်ဆိတ် မြေဆင်းသပိတ်ပင် မသွပ်ရတဲ့

                  ဒီလို ဘဝဆိုပါက သင့်နှလုံးသား မည်သို့ ရှိမည်နည်း။

ကာချုပ်မင်းအောင်လှိုင်

                        တွေ့ပါရဲ့လား 

                        ကိုပါကြီးရုပ်အလောင်း ရိုက်မောင်းပုတ်မောင်း ကျိုးပဲ့ခွက်ဝင် ဦးခေါင်းကဆံပင် ဦးဏှောက်နဲ့ရော 

                        သင်ရော ဘယ်လို ခံစားရသနည်း။

                       သင်ရဲ့ ညီငယ်  ဒီအရွယ်ကို တပ်ကဖမ်းဆီး ရက်စက်နှိမ်နင်း ဒဏ်ရာအဆင်းကို သင်မြင်ရသော်

                       သူပုန်တယောက် လက်နက်လုပြေး သတ်တယ်လေးလို့                                  

                         သင့်နှလုံးသားက ထုတ်ပြန်ပေးရဲပါလေစ။

ဦးရဲထွဋ်

                          ကိုပါကြီးဟာ သူပုန်ပါလို့ မျက်စေ့မှိတ်ငြင်း  ဘယ်ဒင်းအတွက်များ အဖြေရှာမရ

                          သူပုန်ဟုတ်သည် မဟုတ်သည်၊ သတင်းသမား ဖြစ်သည်မဖြစ်သည် အသားထားကာ

                          သူ့နေရာမှာ သင်သာဖြစ်သော် အသို့ရှိမည်နည်း၊ 

                           သင့်သမီးသည် အဘယ့်လောက်များ နှလုံးပေါက်အောင် ပူဆွေးနေမည်နည်း

                         သင့်နှလုံးသား သင့်မိသားဝယ် တွေးမိပါလေစ၊ တွေးပါလေစ။
                                      

                            သင်တို့အားလုံး ဘယ်ပုံတွေးတွေး တို့အားလုံးက
                            ကိုပါကြီး မက ဒီလို လူသား အားလုံးအတွက်

                            ကြိမ်မီးအုံကဲ့သို့ ပူလောင်သောက ဖြစ်ရလေပြီ။ 

                            နှလုံးသားတွေ တုန်လှုပ် ချောက်ခြား

                           သင်တို့အား အံဩမင်တက်မိလေ၏။ 

                           ဟယ်...................

                           ရက်စက်မှုအပေါင်း သရဖူဆောင်းတဲ့ သင်လိုအစိုးရ 

                           တို့များ အလိုမရှိ၊ ခုချက်ချင်းပင်

                           ဆင်းလစ်ပေတော့ ဆင်းလေတော့။

 

                   ခိုင်ခိုင်စောလွင်

                 သရုပ်ဖေါ်ပုံ ပန်းချီအောင်လတ်