February 11, 2015

မြောက်ပိုင်းပြန် ကျောင်းသားတပ်မတော် ရဲဘော်ဟောင်း မောင်ငယ်သို့ အိတ်ဖွင့်ပေးစာ( ကောင်းကင်အနုရသမဂဇင်းတွင် ဖော်ပြပြီး)


 
                       မနက်ဖန်ဆိုရင်   ဖေဖေါ်ဝါရီလ(၁၂) ရက်ကို ရောက်တော့မယ်၊ ပြည်ထောင်စုနေ့ဆိုတာကို သတိရရုံတင်မက နင်တို့ မြောက်ပိုင်းကျောင်းသားရဲဘော်တွေရဲ့ နှလုံးသားတွေ ထိခိုက်နာကျင် ကြေကွဲခဲ့ရတဲ့ နေ့ဆိုတာ ငါလဲ အမြဲ သတိရနေပါတယ်၊ အဲဒီနေ့မတိုင်ခင်ကတည်းက ဖေဖေါ်ဝါရီ( ၁၂) ရောက်တော့မယ်ဆိုရင် ဆို့နစ်ကြေကွဲစရာ အဖြစ်တွေကို တနုံ့နုံ့ ပြန်သတိရနေတတ်တယ်၊ မြောက်ပိုင်းကနေ အသက်မသေပဲ လွတ်လာတယ်ဆိုပေမယ့် ဒီသမိုင်းကြောင်းမှာ လူးလိမ့်အောင် ခံစားခဲ့ရတာကို တို့လဲ ထပ်တူ ခံစားရပါတယ်၊ ဒါ့ကြောင့် မိသားစုထဲမှာ အမေအပါအဝင် မောင်နှမအားလုံးက နင့်အပေါ်မှာ အစစ နားလည် ထားတတ်ကြတယ်။
                ၁၉၈၈ခုနှစ် ဇွန်လ ရန်ကုန်တက္ကသိုလ်ကျောင်းသား အရေးအခင်းမှာ နင်ပါနေပြီ ဆိုတာကို ငါပဲ အရင်ဆုံးသိခဲ့ တာကစလို့ နောက်ပိုင်း ထားဝယ်ကို ထွက်သွားတာ၊ အဲဒီကနေ စစ်တပ်အာဏာသိမ်းတဲ့အခါ ရန်ကုန်ကို ပြန်တက်လာတာ၊ ဘယ်ရောက်နေမှန်းမသိတဲ့ အချိန်တွေကနေ သတင်းအစအနရတဲ့အခါ အနောက်ကနေ ငါကလိုက်ပြီး တွေ့ရတာ ဆိုတော့ နိုင်ငံရေးနယ်ထဲ ကိုယ်ရောစိတ်ရော နစ်ဝင်ပြီး ကျောင်းသားအရေး၊ အစိုးရပြုတ်ကျရေးသာ နင့်ခေါင်းထဲမှာ ရှိတယ်ဆိုတာ တွေ့နေ သိနေတယ်၊
         ငါမှတ်မိသေးတယ်၊ တို့ငယ်ငယ်တုန်းက အဖေနဲ့အမေ မကြာခဏ စကားများရန်ဖြစ်ကြတဲ့ အခါ နင်ကအမြဲ အမေ့ဖက်က၊   အဖေနဲ့အမေ ရန်ဖြစ်ပြီး အမေ့ကို ဒေါသတကြီးပြောဆိုတာ၊ အမေငိုတာကို နင်ကပါ လိုက်ငိုပြီး အဖေ့ကို စိတ်ဆိုးဒေါသထွက်တဲ့အခါ ငါက နင့်ကိုဖျောင်းဖျပြီး ဒီလိုပဲ အဖေနဲ့အမေက စကားများရန်ဖြစ်၊ ပြီးရင် ပြန်တည့်သွားကြတာပဲ၊ အဖေ့ကို ဘယ်တော့မှ ပြန်မအော်နဲ့ အဖေဆိုတာ အဖေပဲ၊ နင်ပဲ ငရဲကြီးမယ်လို့ ပြောပြီး အိမ်ရှေ့မှာ ထွက်ထိုင်ပြီး ငိုနေတဲ့ နင့်ကို ငါဖျောင်းဖျခဲ့တယ်၊ နင်က မိသားစု အထူးသဖြင့်အမေ့ကို ချစ်ခင်တွယ်တာပေမယ့် နိုင်ငံရေး လုပ်နေတဲ့ အချိန်မှာ မိသားစုကို လုံးဝ မေ့ထားတယ်ဆိုတာ ကြည့်ပြီး နိုင်ငံရေးအလုပ်ပဲစိုက်စပ်မတ်စပ် လုပ်နေတာသိလာတယ်။ ဒါ့ကြောင့် ငါတို့ အလိုလိုသိပြီး ဘယ်သူကမှ မတားကြဘူး၊ တတ်နိုင်သလောက် ကြည့်ကြတယ်။ ကျောင်းသားတွေ သေကြ ထောင်ကျ ကြ တာတွေ့နေ ကြားနေရတဲ့ အတွက် နင်လုပ်တာကို အားလုံးက မသိမသာ ထောက်ခံပြီး လိုက်လျောထားခဲ့ကြတယ်။
             စစ်တပ်အာဏာသိမ်းပြီး ရန်ကုန်မြေပေါ် ပြန်တက်လာတဲ့ နင်တို့က တစ်ချို့ကျောင်းသားတွေလိုပဲ မြေပေါ်ရပ်တည်ရေးအတွက် အဲဒီတုန်းက ရွေးကောက်ပွဲလုပ်ပေးမယ်ဆိုပြီး နိုင်ငံရေးပါတီတွေ ဖွဲ့ခွင့်ပြုတဲ့အခါ နင်တို့လည်း " ဗမာ့မျိုးချစ်လူငယ်အစည်းအရုံ'' ဆိုပြီး ပါတီ တစ်ခုဖွဲ့လိုက်သေးတယ်လေ၊ အဲဒီမှာလဲ အမေခိုင်းလို့ နင်တို့ ရုံးခန်းရှိရာကို ငါခဏခဏ လာရသေးတယ်၊ ဆန်ပြုတ်သောက်နေတဲ့ ကျောင်းသားတွေကို တွေ့ဖူးခဲ့ရတာပေါ့၊ ဒါ့ကြောင့် နင်တို့ရုံးခန်းလာတိုင်း ကားနှစ်တန်စီး၊ ခြေကျင် တစ်မှတ်တိုင်လောက် လျှောက်ရတာတောင် ဆန်သုံး လေးပြည်လောက်က အမြဲ လက်ကဆွဲလာခဲ့ရသေးတယ်၊ အဲဒီတုန်းက မောတယ်လို့ မထင်ဘူး၊ လက်ထဲက အထုတ်ကိုမြင်ရင် ဝင်းလက်သွားတဲ့ ကလေးတွေရဲ့ မျက်နှာကို သတိထားမိလို့လေ။ 
 
        အဲဒါလဲ ဘယ်လောက်မှမကြာလိုက်ဘူး၊ ငါအမှတ်မမှားဘူးဆိုရင် ဥက္ကဋ္ဌ ကိုအောင်ဇော်မင်း မြိတ်ဖက်မှာ  အဖမ်းခံရတဲ့ အချိန်မှာပဲ နင်တို့ မြေလျှိူး သွားကြတယ်၊ အဲဒါက ကျောင်းသားတပ်မတော်မြောက်ပိုင်းကို ရောက်သွားကြတာပဲ၊ ဒါပေမယ့် အစမှာ ငါတို့ မသိခဲ့ဘူး၊  ကျောင်းသားတပ်မတော်က တောင်ပိုင်းမှာပဲ ရှိတယ်လို့ သိထားတာ၊ သောင်ရင်းမြစ်ကမ်းတစ်လျောက်မှာ ကျောင်းသားတွေတပ်စွဲ ပြီးနေကြတယ်လို့ပဲ သိတယ်၊ ငါ့သူငယ်ချင်းတစ်ယောက်ရဲ့ အမေဆိုရင် သူ့သား တောခိုသွားတာသိတယ်။ ဘယ်နေရာရောက်မှန်းမသိဘူး၊ နောက်ပိုင်း ငါပြောပြလို့ မြောက်ပိုင်းမှာ ကျောင်းသားတပ်မတော် ရှိတယ်ဆိုတာ သိလဲသိရော

" အို... ကြီးကြီးကလေ ကျောင်းသားတွေရှိတဲ့ အရပ်ကို မှန်းပြီး မေတ္တာပို့ ဆုတောာင်းနေကြ၊ ဒီအတိုင်းဆို မြောက်ဖက်ကိုပါ ရည်မှန်းပြီး ကျောင်းသားတွေကို မေတ္တာပို့ ဆုတောင်းပေးရအုန်းမယ်" လို့ ပြောဖူးတယ်။

         ပြောရကြေးဆိုရင် အဲဒီတုန်းက ပြည်တွင်းမှာ အစိုးရက ရက်ရက်စက်စက် ဖမ်းဆီး နှိပ်စက် ထောင်ချ ခံရတာထက်စာရင် တောထဲမှာ နင်တို့ အေးအေးချမ်းချမ်းနေရလိမ့်မယ်လို့ ငါတို့ စိတ်အေးနေခဲ့ကြတာပေါ့။ ဒါပေမယ့် သမိုင်းဝင်တဲ့ ကြောက်စရာကောင်းလှတဲ့ အဖြစ်အပျက်တွေမှာ နင်လဲ သေလုမတတ်ခံနေရတယ် ဆိုတာ မသိခဲ့ကြဘူး၊  နင်တို့ ကချင်ပြည်နယ် ပါဂျောင် ကျောင်းသားတပ်မတော်စခန်းကို အမေလိုက်သွားတဲ့ အချိန်မှာတောင် ငါတို့ စိတ်မပူခဲ့ကြဘူး၊ 
 
            အဖေနဲ့အမေခင်ဗျား
              ကျတော်ဟာ ထောက်လှန်းဖြစ်တဲ့အတွက် ကျောင်းသားတပ်မတော်ရဲ့ ဖမ်းဆီးခြင်းကို ခံရပါတယ်၊ မိဘတွေ လိုက်ခေါ်ပါမှ အသက်ချမ်းသာရာ ရမှာမို့ လာခေါ်စေချင်ပါတယ် 
 
ဆိုတဲ့ စာကို ငါတို့ အခေါက်ခေါက် ဖတ်ပြီး နင်တို့ ကျောင်းသားအချင်းချင်း စိတ်သဘောထားမတိုင်ဆိုင်လို့ ရန်ဖြစ် မိဘခေါ် အဲဒီလောက်ပဲ သဘောထားခဲ့မိကြတယ်၊ ဒါပေမယ့် ပါဂျောင်မှာ အမေအပါအဝင် မိဘ(၇)ယောက် တစ်လခွဲလောက်နေပြီး ပြန်လာတဲ့အခါ နင် ပြန်မပါလာတော့ ငါတို့ ဝမ်းနည်းပက်လက် ဖြစ်ကြတယ်၊ အမေ့မျက်နှာက အသွားတုန်းကလို စိုးရိမ်ပူပန်သောကတွေ သိပ်မတွေ့ရဘူး၊ နင်နဲ့ လူချင်းတွေ့ စကားပြောခဲ့ရလို့ ဖြေသာတဲ့ ပုံမို့ တော်သေးတယ်။ နိုင်ငံတကာကြက်ခြေနီအဖွဲ့က လူတွေနဲ့ တွေ့ဆုံပြီးရင် ပြန်လွှတ်ပေးမယ်လို့ အမေက ပြောတယ်၊ အမေက  မိသားစုဝင်တွေကို ဖြစ်ကြောင်းကုန်စင်ကို ထိန်းထိန်းသိမ်းသိမ်းပဲ ပြောပြလို့ အကြောင်းစုံ သိပ်မသိခဲ့ရဘူး၊ ဒါပေမယ့် ခင်ချိုဦးဆိုတဲ့ ကျောင်းသူကို ရက်ရက်စက်စက် သတ်တာ၊ မြတ်ကို အသတ်ခံရတာ၊ အဲဒီမတိုင်ခင် ဈေးလာရောင်းတဲ့ အဒေါ်ကြီးတွေကို ထောက်လှန်းရေးလို့ စွပ်စွဲပြီး သတ်ဖြတ်ခဲ့တော့ သူတို့က ကျောင်းသားတွေကို ကျိန်စာတိုက်ပြီး နင်တို့လဲ ငါတို့လို ပျက်ဆီးရမယ်လို့ ကျန်စာတိုက်ခဲ့လို့ အခုလို ဖြစ်ကုန်တာလို့ ကောက်ချက်ချတယ်၊
သားကြီးငါးကြီး အင်မတန်ကြိုက်တဲ့ အမေက ပြန်လဲရောက်ရော အသားလုံးဝ မစားတော့ဘူး။ စားလို့မရဘူး အသားမြင်ရင် အန်ချင်သတဲ့၊ သေသွားတဲ့ ကျောင်းသားရဲ့ပေါင်သားကို လှီးပြီး စားကြတာတွေ ပြောတာကြားပြီး စိတ်နှလုံးမကောင်းဖြစ်ပြီး အသားဆိုရင် အဲဒါတွေ မြင်ပြီး စားမရဖြစ်တာ အတော်ကြာတဲ့အထိပဲ။ 
       ပါဂျောင်မှာ မေမေတို့ကို နင်တို့ကို စစ်ထားတဲ့ ဗီဒီယိုအခွေကို ဖွင့်ပြတဲ့ အခါ နင်က တစ်လ ၄၅၀ ဆိုလား၊ ၅၀၀ဆိုလား ရတဲ့ စစ်တပ်က ထောက်လှန်းရေးလို့ ထွက်ဆိုသတဲ့၊ အမေက အဲဒီလူတွေကို အန်တီ့သား ထောက်လှန်းရေးမဟုတ်ဘူး၊ အန်တီ့သား ကျောင်းသားအရေးပဲလုပ်တာ အန်တီသိတာပေါ့ ပြောခဲ့တယ်တဲ့၊ သူတို့က အန်တီမသိပဲ လုပ်တာနေမှာပေါ့ လို့ပြောသတဲ့။
         အဲဒါလေး မေမေပြန်ပြောပြတော့ ငါ့မှာ ရီတောင်ရီချင်တယ်၊ ငါတို့ မောင်နှမတွေ များတော့  ကျောင်းတက်တဲ့အခါ လမ်းစားရိတ်နဲ့မုန့်ဖိုးကို တိုင်းပြီး ပေးတာလေ၊ ငါက ရန်ကုန်တက္ကသိုလ်ကို အိမ်ကနေ ကားနှစ်ဆင့် စီးရလို့ ပြီးတော့မိန်းကလေးဆိုတော့ ဘတ်စ်ကား တိုးမစီးနဲ့ဆိုပြီး အဲဒီတုန်းက သင်္ဘောသားကားလို့ခေါ်တဲ့ ဒတ်ဆန်း၊ ဟိုင်းလတ် အမြန်ကားကို တစ်ကျပ်ပေးစီးရတယ်၊ အဲဒီတော့ မုန့်ဖိုးနဲ့ကားခ တစ်နေ့ကို (၁၀) ကျပ်ရတယ်၊ နင်က ရန်ကုန်တက္ကသိုလ် (ဗိုလ်တစ်ထောင်နယ်မြေ) မှာတက်ရတယ်၊ ကားကတစ်ဆင့်နဲ့ရောက်တယ်၊ ပြီးတော့ ယောင်္ကျားလေးတွေ ဘတ်စ်ကားပဲစီးဆိုတဲ့ မေမေ့ရဲ့ အစီအစဉ်ကြောင့် ဖေဖေတောင် ဘတ်စ်ကားပဲ စီးပြီး ရုံးတက်ရတာ၊ ဘတ်စ်ကားခ ဗိုလ်တစ်ထောင်ဘုရားမှတ်တိုင်ကို ပြား(၄၀)ပဲ ပေးရတယ်၊ အသွားအပြန် ပြား(၈၀)ပဲ ကုန်တာမို့ နင့်ကို မေမေက တစ်နေ့ နှစ်ကျပ်ခွဲပေးတယ်၊ နင်က လက်ဘက်ရည်ဖိုး၊ ဆေးလိပ်ဖိုးနဲ့ သုံးရတယ်။ ငါက ပိုက်ဆံပိုရတော့ နင့်မှာ အမြဲတန်း အကြွေရှိရင် တစ်မတ်လောက်လို့ ငါ့ဆီ အမြဲ ဆေးလိပ်ဖိုးလာလာ တောင်းတယ်၊ တခါတလေ ငါစာကျက်နေတုန်းမို့  လွယ်အိတ်ထဲ နှိုက်သွားဆို အကြွေတွေတွေ့ရင် ငါးမူးယူသွားပြီ ဆိုပြီး အမြဲ ပိုယူတတ်တယ်၊  နင့်ကို တောင်းတိုင်း ဘာလို့ပေးလဲဆိုတော့ နင်က ငါမသိအောင် ဘယ်တော့မှ မယူဘူး၊ ဘယ်သူ့ဟာပဲ ဖြစ်ဖြစ် မပြောပဲ  မယူတတ်ဘူး၊ 
သူတို့ပြောသလိုဆို အဖေ့လခတောင် အရာရှိလစာမို့ (၄၅၀)ကျပ်ရတာ၊ အဖေနဲ့အမေ့ရဲ့ ကျောင်းအုပ်ဆရာမလစာ နှစ်ယောက်ပေါင်းနဲ့ ငါတို့ မိသားစု သုံးရတာလေ၊ နင်သာ အဲလောက်ရလို့ကတော့ နင့်မှာ သုံးမကုန်အောင် ပေါလျှံနေမှာပေါ့၊ ငါ့မြင်တာနဲ့ အကြွေရှိရင် တစ်မတ်လောက် နင်တောင်းပြီး ဆေးလိပ်သောက်တာ ငါက ရီချင်တာပေါ့၊ 
           ငါမှတ်မိသေးတယ်၊ အဲဒီ ကျောင်းသားအရေးအခင်းမဖြစ်ခင် စာမေးပွဲနီးနေလို့ ငါစာကျက်နေတဲ့အချိန် ည(၉)နာရီလောက် သူငယ်ချင်းအိမ်က ပြန်လာပြီး မီးဖိုထဲမှာ အိုးခွက်လှန်သံ ကြားတယ်၊ တအောင့်နေတော့ ငါစာကျက်တဲ့ အပေါ်ထပ်တက်လာပြီး " ဘိုက်ဆာလိုက်တာ ဘာမှမကျန်တော့ဘူး" လို့ ညည်းတယ်၊ နင်လဲ ညနေစာ စားပြီးမှ အပြင်ထွက်ပေမယ့် မိုးချုပ်တော့ ထပ်ဆာတာ၊ ခါတိုင်းဆိုရင် တစ်ခုခုတော့ ကျန်နေကြ၊ နင်လဲ အလည်ပြန်လာပြီးရင် ထပ်စားနေကြ၊ ငါလဲ ဘာမှမတတ်နိုင်ဘူး၊ ဒါပေမယ့် ငါလဲ မအိပ်ပဲ စာကျက်နေတော့ ဘိုက်ဆာသလိုလိုပေါ့၊ နင်က ပြောတယ်။
" ဇာတ်ရုံမှာ ပွဲဈေးက ဖြတ်လာတာ မုန့်ဟင်းခါးနံ့လေးမွှေးနေတာပဲ အခုတောင် ပြောရင်း စားချင်လာပြီ၊ အပျိုကြီးဆိုင်လေ အဲဒီဆိုင်ပွဲဈေးမှာ ရောင်းနေတာ" လို့ ပြောပေမယ့် ငါမသိယောင်ဆောင်နေလိုက်တယ်၊ နင့်မှာ ပိုက်ဆံမှမရှိတာ၊ ငါဝယ်ကျွေးရမှာလေ၊ အဲဒီနေ့က ကျောင်းပိတ်ရက် တနင်္ဂနွေနေ့မို့ ငါမုန့်ဖိုးမရဘူး၊ တစ်ပတ်လုံး သုံးပြီး ကျန်တာလေးကို ကျစ်ထားရတာ၊ တခါတလေ မေမေ မပေးတဲ့ဆိုရင် ကိုယ့်ဘာသာစိုက်ပြီး ကျောင်းသွားရမှာဆိုတော့ အရံထားရသေးတာ၊ နင်က ငါ့ကို ဝယ်ကျွေးပါလားလို့ ထပ်ပြောတော့ ငါလဲ မနေနိုင်ဘူး၊ ကဲ ဒါဆို သွားကြမယ်ဆိုတော့ ဘယ်အချိန်က အိပ်ယာထဲကနေ နားထောင်နေလဲ မသိတဲ့ နင့်အောာက်က ညီမတစ်ယောက်က သူလဲ စားချင်တယ်၊  ကျွေးပါ လိုက်ခဲ့မယ် ပြောပါလေရော၊ သူထအော်ရင် မေမေနိုးပြီး မသွားရတော့မှာဆိုးလို့ အေးအေး လိုက်ခဲ့ ဟိုရောက်ရင် တစ်ပွဲဆီပဲ စားလို့ ခေါ်သွားရတယ်၊ ဟိုရောက်တော့ ငါတို့တောင် စားမပြီးသေးဘူး၊ နင်က တစ်ပွဲကုန်ပြီ၊ မုန့်ဟင်းခါးတစ်ပွဲ ငါးမူး၊ အကြော်နဲ့(၇၅)ပြားဆိုတော့ ငါတို့ မောင်နှမ (၃)ယောက်စလုံး အကြော်မထဲ့ပဲ စားကြတာလေ၊ နင့်ကိုကြည့်ရတာ မဝဘူး၊ ထပ်စားချင်နေတော့ ငါလဲ မထူးပါဘူးဆိုပြီး နောက်တစ်ပွဲ မှာလိုက်တယ်၊ အားလုံး(၂) ကျပ်ကျတယ်၊ ငါ့မှာ ငါးမူးပဲ ကျန်တယ်။ 
            နင်တောထဲ ရောက်သွားလို့ သတိရတိုင်း တော်သေးတယ် အဲဒီတုန်းက ဆာနေတာကို ဝယ်ကျွေးလိုက်မိလို့လို့ စိတ်ဖြေသာတယ်၊ ဒါ့ကြောင့် နောက်ပိုင်းမှာ တစ်ယောက်ယောက်က တစ်ခုခုကို လိုချင်တယ်ဆိုရင် နောင်မှ နောင်တရတဲ့ စိတ်ဖြစ်မှာဆိုးလို့ အမြဲတန်း ငါတတ်နိုင်သလောက် လုပ်ပေးလိုက်တဲ့ အကျင့်ရလာတယ်၊ 
          ပြောရမယ်ဆိုရင် နင့်လက်ထဲမှာ နှစ်ကျပ်ခွဲထက်ပိုပြီး ကိုင်တာ မတွေ့ရတဲ့ လူက တစ်လ(၅၀၀) လောက်ရတယ်ပြောတာကို အရယ်ရဆုံး ဟာသလို့ ငါသိတာပေါ့၊
         တကယ်တန်းကြတော့ နင်တို့ကို ဘယ်သူမှ လွှတ်မပေးပဲ ကိုယ့်ဖာသာ ထွက်ပြေးခဲ့ရတယ်၊ အဲဒီမတိုင်ခင် (၅၅)ရောက် ထွက်ပြေးလွတ်မြောက်ပြီး အလင်းဝင်တယ်ဆိုကာ ကျောင်းသားတွေ သတင်းစာရှင်းလင်းပွဲလုပ်ကြတယ်၊ မိဘတွေလာခေါ်မှ လွှတ်ပေးမယ်လို့ ပြောထားတဲ့ (၇) ယောက်ထဲက ဘိုဘို၊ ညီညီအောင်နဲ့ ဝဏဇော်တို့ကို ဘိုဘို့အမေ၊ ညီညီအောင်(ခ) ဒိုဇာ့အမေတို့ နောက်တစ်ကြိမ် သွားခေါ်လို့ ပြန်ရောက်ကြတယ်၊ ကျန်တဲ့နင်တို့ကို ရဲဘော်အဖြစ် အသိအမှတ်ပြန်ပြုထားတယ်လို့ သိရပေမယ့် ထွက်ပြေးလာမယ်ဆိုတာ ငါတို့ ကြိုသိနေတယ်၊ ဘိုဘို့အမေက ကြယ်ခေါင်က ဆိုင်တစ်ဆိုင်မှာ နင်တို့ဆက်သွယ်လာလို့ရအောင် ပြောထားခဲ့တယ်၊ 
 
       နင့်ကို စိုးရိမ်ပူပန်ဆုံး အချိန်က ဝဏ္ဏဇော်နဲ့ သူ့အမေ အန်တီဒေါ်ရီရီခင်တို့ အိမ်ကိုရောက်လာပြီး " ကိုရဲရေ ကိုရဲရေ" လို့ အိမ်ဝမှာကတည်းက အော်ဝင်လာပြီး ငါတို့က ကိုရဲ မရောက်သေးဘူး၊ မရှိဘူးလေလို့  ဇဝေဇဝါနဲ့  နင်မရှိပဲ ဘာလို့ နင့်နာမည်ခေါ်ပါလိမ့်လို့ စိုးရိမ်ခဲ့ရတယ်၊ သူတို့သားအမိလဲ ငါတို့ မျက်နှာငယ်လေးတွေနဲ့ စိုးရိမ်တဲ့ ပုံစံတွေ့မှ မျက်နှာပျက်ပြီး မိသားစုကို အားပေးပြီး ပြန်သွားကြတယ်။ သူတို့က နင်တို့ ထွက်ပြေးလာပြီး ရောက်နေပြီလို့ တွက်ထားတာ၊ ဒါ့ကြောင့် ဝမ်းသာအားရ လာကြတာလေ။
         အဲဒီ အချိန်မှာ နင့်အတွက် မိသားစုက အင်မတန် စိုးရိမ်နေကြပြီ၊ ပြန်မိသွားလို့ သတ်ပစ်လိုက်သလား၊ စစ်တပ်ကမိလို့ တခုခုလုပ်သလား ပူလိုက်ရတာ နှိုင်းပြစရာ စကားလုံးတောင် မရှိဘူးပေါ့ဟာ၊ အမေနဲ့အဖေဆို နင်စဉ်းစားသာ ကြည့်တော့။ အဖေက ချက်ချင်းပဲ ကချင်ပြည်နယ် တဝိုက်မှာရှိတဲ့ ဘဏ်ခွဲတွေက သူ့ရဲ့ အရင်းနှီးဆုံး မိတ်ဆွေတွေကို သံကြိုးရိုက်တန်ရိုက်၊ ဖုန်းဆက်လို့ရတဲ့နေရာဆို ဖုန်းဆက်ပြီး နင့်အကြောင်းတွေ ပြောပြထားပြီး တွေ့ရင် ခေါ်ထားပေးဖို့၊ အိမ်ကို အကြောင်းကြားပေးဖို့ ပြောပြထားတယ်။ 
 
        တကယ်လဲ နင်တို့ဟာ ဟိုဆိုင်လေးကို ရောက်ခဲ့ပေမယ့် အဆက်အသွယ်လုပ်ဖို့ နားလည်မှုလွဲပြီး အနောက်က လိုက်လာရင် မိသွားမှာဆိုးတဲ့အတွက် လမ်းကြောင်းပြောင်းပြီး ပြေးရာက ဗန်းမော်မှာ စစ်တပ်က ဖမ်းထားပါလေရော၊ ဗန်းမော်က ဖေဖေ့မိတ်ဆွေနဲ့ တွေ့ပြီး  အဖေနဲ့အမေက ဒါထောက်လှန်းရေးလို့ စွပ်စွဲပြီး ကျောင်းသားတွေ ဖမ်းထားတဲ့ထဲက ထွက်ပြေးလာတဲ့ အုပ်စုထဲကပဲလို့ အကြောင်းကြားဆက်သွယ်ပြောဆိုမှ ပြန်လွှတ်ပေးတာ။ ဒီလိုနဲ့ မြောက်ပိုင်းကျောင်းသားတပ်မတော် ငရဲစခန်းကနေ အိမ်ကို မဖြောင့်မတန်း ကံကောင်းစွာနဲ့ ပြန်ရောက်လာခဲ့ရတယ်။
        ဒီအဖြစ်အပျက်တွေဟာ နင်နဲ့အတူ ငါအပါအဝင် မိသားစုတွေအတွက် ဘဝတလျောက် မမေ့နိုင်တဲ့ အဖြစ်ဆိုးကြီးပဲ၊ နင့်ကို ဘယ်လိုနှိပ်စက်တယ်ဆိုတာ နင်ကိုယ်တိုင် တခါမှ ပြန်မပြောဖူးဘူး၊ ငါတို့ကလဲ  နင့်ကို သနားလို့ စကားမစဘူး၊ ဒါပေမယ့် မြောက်ပိုင်းပြန်မိသားစုဝင်တွေ၊ မြောက်ပိုင်းပြန်ထဲက လူတွေနဲ့တွေ့ရင် ပြောကြဆိုကြရာက တခြားနှိပ်စက်တာတွေထားတော့ အချုပ်ခန်းကို ဝင်ပြီး ရဲဒင်းနဲ့ ခေါင်းကို ခုတ်လိုက်တာမှာ သွေးတွေ အိုင်ထွန်းပြီး ကိုရဲ သေပြီလို့ တွက်ထားကြတာ ပြောပြတိုင်း အဲဒီ မြောက်ပိုင်းက ကျောင်းသားခေါင်းဆောင်တွေကို အသေအလဲ မုန်းတီးခဲ့တာပေါ့၊ ဘိုဘို့ကို နှာခေါင်းမှာ ငါးမြှားချိတ်တပ် သစ်ပင်မှာ ကြိုးနဲ့ဆွဲပြီး လူကို ခြေဖျားထောက်ခိုင်းထားပြီး နှိပ်စက်တယ်ဆိုတာ ကြားရတိုင်း ကိုယ့်ခြေဖဝါးကို မြေမှာ ချလိုက်ရမှာတောင် တွန့်သွားတဲ့အထိ ထိခိုက်ခံစားရတယ်၊ အဲဒီလိုလုပ်ခဲ့တဲ့ သူတွေကို အော့နှလုံးနာမိတယ်။ 
 
            စစ်အစိုးရလက်ထက်တစ်လျောက်လုံး ဒီအကြောင်းတွေကို ကိုယ်တိုင်ခံစားခဲ့ရတဲ့သူတွေ၊  မိသားစုဝင်တွေ၊ မိတ်ဆွေသူငယ်ချင်း အပေါင်းအသင်းတွေကလွဲပြီး ဘယ်သူမှ အတွင်းကျကျ မသိကြဘူး၊ ဒီလိုဖြစ်ရပ်တွေ ရှိခဲ့တယ်၊ ဖြစ်ခဲ့တယ်ဆိုတာ မသိကြဘူး၊ ငါတို့ အားလုံးက သိစေချင်တယ်၊ နင်တို့က ပိုဆိုးတာပေါ့၊ တချိန်မှာ ဒီလိုအဖြစ်တွေ ဖြစ်ခဲ့ဖူးတယ်၊ ကျောင်းသားလောကမှာ ကျောင်းသားတွေကို ထောက်လှန်းရေးလို့ စွပ်စွဲပြီး ရက်ရက်စက်စက် လူမဆန်စွာသတ်ဖြတ်ခဲ့တာကို အချိန်ကျတဲ့ တစ်နေ့ပြောကြမယ်၊ ရှင်းကြမယ်၊ ထောက်လှန်းရေးမဟုတ် ကျောင်းသားစစ်စစ်တွေ ဖြစ်တယ်ဆိုတာ ရှင်းပြနိုင်တဲ့ တစ်နေ့ ရောက်လာမှာပဲလို့ နေခဲ့ကြတယ်။ ငါလဲ ထို့အတူပဲ အဲဒီလိုအချိန်ကို အမြဲမျှော်လင့်ခဲ့တယ်။
 
           မြောက်ပိုင်းကျောင်းသားအရေးကို ဖွင့်ထုတ်ပြောလို့ရတဲ့ အချိန်ရောက်လာပြီး ဖွင့်ပြောကြ စာတွေပေတွေ ရေးကြတဲ့ အချိန်မှာ  ငါက နင်နဲ့နီးတဲ့နေရာမှာ မရှိတော့ဘူး၊ ဒါပေမယ့် ဖတ်ရတယ်၊ တွေ့ရတယ်၊ တစ်ချို့အကြောင်းအရာတွေဆိုရင် ငါမသိတာတွေ အများကြီးပေါ့၊ ဒါပေမယ့် ငါလဲ မိသားစုဝင်တစ်ယောက် အနေနဲ့ နင်နဲ့ပတ်သက်ပြီး နင်ဖြတ်သန်းခဲ့ရတာ ကြုံရတာတွေကို ကိုအောင်မိုးဝင်းရေးတဲ့ မြောက်ပိုင်းဒေသမှအရိုးတွန်သံများဆောင်းပါး အပိုင်း(၂)လောက်အရောက်မှာ ငါရေးခဲ့တယ်၊ ငါ့အနေနဲ့  ထောက်လှန်းရေး လုံးဝမဟုတ်၊ ကျောင်းသားစစ်စစ်ဖြစ်တယ်ဆိုပြီး ကိုယ့်အသက်ကို အာမခံပေးပြီး ပြောပါဆို ပြောရဲတဲ့သူဟာ နင်ပဲ၊ နင်ဟာ ကျောင်းသားစစ်စစ်ပဲ ၊  ငါ အချိန်မရွေး ရဲရဲရင့်ရင့်ပြောရဲတယ်၊ 
 
         တစ်ချိန်ထဲမှာပဲ  လက်ရှိကျောင်းသားတပ်မတော်ကနေ တရားမျှတရေးကော်မရှင်ဖွဲ့ပြီး စစ်ဆေးနေတာလဲ ဖတ်ရတယ်၊ ဒါပေမယ့် အဖြေတစ်ခု ထွက်မလာသေးဘူး၊ နေ့တွေ ရက်တွေ ရွှေ့ပြီး နှစ်တွေတောင်ကြာလာပြီ ၊ ဘာမှ မထူးခြားပဲ နေပေမယ့် ငါ့အနေနဲ့တော့ မမျှော်မိဘူး၊ သူတို့ဘာထုတ်ထုတ် အဖြစ်မှန်က လယ်ပြင်မှာ ဆင်သွားသလို ရှင်းနေတာပဲလေ၊ ငါကတော့ ဒီလိုပဲ တွေးမိတာပဲ၊
         အရိုးတွန်သံဆောင်းပါးတွေ  ထွက်မလာခင် ၊ အွန်လိုင်းနဲ့ မီဒီယာတွေမှာ မြောက်ပိုင်းအကြောင်းတွေ ဖွင့်မချခင်ကတည်းက အဲဒီတုန်းက ပါဝင်ပတ်သက်ခဲ့ဖူးတဲ့၊ တာဝန်ရှိတဲ့ သူတွေထဲက တစ်ချို့ကို အပြင်မှာ ငါမြင်ဖူးနေခဲ့တယ်၊ ဒီအကြောင်းတွေကို ငါကသိနေတော့ သူတို့ကို ငါအမြဲတန်း အကဲခပ်ကြည့်တတ်တယ်၊ သာမာန်လူတွေနဲ့ သွားလာမပျက် နေမြဲ ရှိတဲ့ အဲဒီလူတွေကို တွေ့ရတဲ့ အခါ ဒီအဖြစ်အပျက်အပေါ်မှာ သူတို့အနေနဲ့ ဘာခံစားချက်မှ မရှိပဲ သာမာန်ကိစ္စတစ်ခု ပြီးသွားသလိုပဲလားလို့ ထင်မိတယ်၊ 
 
        အရိုးတွန်သံဆောင်းပါးတွေနဲ့ မြောက်ပိုင်းပြန်တွေရဲ့ ရှင်းလင်းချင်တွေ ထွက်လာတဲ့ အချိန်မှာလည်း သူတို့ကို ငါ လူချင်းဆုံဖူးပြန်တယ်၊  သူတို့ဟာ အများသူငါလိုပဲ သွားမြဲ နေမြဲ အေးချမ်းတယ်၊ တစ်ဖက်ကို ကြည့်ပြန်တော့ ကိုထွန်းအောင်ကျော်ရဲ့ မိခင်ကြီး ပူဆွေးနေတယ်၊ အဲဒီကြီးကြီးရဲ့ ပုံတွေကို မြင်ရတိုင်း ကိုထွန်းအောင်ကျော်နေရာမှာ နင်ဖြစ်ပြီး အဲဒီကြီးကြီးဟာ မေမေဆိုရင်လို့ တွေးလိုက်တိုင်း ငါ့အတွေးဟာ မဆုံးပဲ ငါ့နှလုံးသားက ကျင်တက်လာတယ်၊ ဒီအတိုင်းပဲ မခင်ချိုဦးရဲ့ အဖေကို မြင်လိုက်တိုင်း ဖေဖေ့မျက်နှာကို ပြေးမြင်လာလို့ ဆက်မတွေးရဲဘူး၊ 
 
          ဒါပေမယ့် ဒီအကြောင်းအရာတွေ ဒီအဖြစ်အပျက်တွေကို   တွေ့ရကြားရ တိုင်း ကိုထွန်းအောင်ကျော်မိခင်ကြီးကို ငါ့အမေလိုပဲ ငြိမ်းအေးစေချင်တယ်။နင်အပါအဝင်  မြောက်ပိုင်းပြန်ရဲဘော် အားလုံးကို ငြိမ်းချမ်းစေချင်တယ်၊ မမေ့နိုင်တဲ့ အဖြစ်အပျက်တွေကို မေ့ခိုင်းလို့ မရဘူး၊ ငါကိုယ်တိုင်လဲ မမေ့ဘူး၊
" သေမှပဲပြီးမှာပါပဲ" လို့ ပြောသွားတဲ့ အဲဒီကြီးကြီးရဲ့စကား လိုမဟုတ်ပဲ မသေခင်ပြီးစေချင်တယ်။

                  ပြောခဲ့သလိုပေါ့ လုပ်တဲ့သူတွေက နေမြဲဖြစ်တဲ့အခါ ခံရတဲ့သူတွေက ထပ်ခါတလဲလဲ ခံစားနေရတော့ အရှုံးပေါ်အရှုံးဆင့်နေတယ်လို့ ငါခံစားရတယ်၊ သူတို့ နေမြဲဆိုရင် မှန်တဲ့ နင်တို့ကလဲ နေမြဲ ဖြစ်ရမယ်၊ သူတို့ ငြိမ်းချမ်းရင် နင်တို့က သာပြီးတောင် ငြိမ်းချမ်းရမယ်၊ ဒါ့ကြောင့် အဲဒီ တာဝန်အရှိဆုံး အဖြစ်အပျက်မှာ ဦးဆောင်ခဲ့တဲ့ သူတွေ အသက်ရှင်နေတုန်း သူတို့နဲ့မျက်နှာချင်းဆိုင် စကားပြောကြရင် မန္တလေးရဲ့ အထင်ကရ ကျောင်းသားခေါင်းဆောင်၊ မင်းကိုနိုင်လို အရည်အချင်းရှိတဲ့ ကျောင်းသားခေါင်းဆောင် ကိုထွန်းအောင်ကျော် အပါအဝင် ခေါင်းဖြတ် အသတ်ခံခဲ့ရတဲ့ ကျောင်းသားတွေ ကိစ္စဟာ အဲဒီကျမှ ရှင်းလင်းလိမ့်မယ်၊ လုပ်ခဲ့တဲ့ ကာယကံရှင်သာ အသိဆုံးပေါ့၊ 
 
ပြည်တွင်းငြိမ်းချမ်းရေးအတွက် ငြိမ်းချမ်းမှုဖော်ဆောင်ရေး ကော်မရှင်က ကြားဝင်ပြီး အစိုးရနဲ့ လက်နက်ကိုင်အဖွဲ့အစည်းတွေ စားပွဲဝိုင်းမှာ ဆွေးနွေးသလို တရားမျှတမှုကော်မရှင်ကို အလယ်မှာထားပြီး မြောက်ပိုင်းမှာ သတ်ဖြတ်ခဲ့တဲ့ တာဝန်ရှိသူတွေနဲ့ ခံခဲ့ရတဲ့ ကျောင်းသားတွေဖက်က ကိုယ်စားလှယ်တွေ မျက်နှာချင်းဆိုင် ပြောကြဆိုကြရင် ဒီကိစ္စဟာ လက်စသတ်သွားမယ်လို့ ငါထင်နေတယ်၊ ဒီအတွေးကို ငါ တွေးမိနေတာကြာပြီ၊ ကြီးကြီးရဲ့ပုံကို မြင်တိုင်း၊ ကိုထွန်းအောင်ကျော်ရဲ့ ပုံကို မြင်တိုင်း၊ နောက်တစ်ခုက ငါ့ရဲ့ဖေ့စ်ဘွတ်ထဲမှာ ဘယ်သူ့ကိုမှ အသိမပေးပဲ ရှိနေတဲ့ ကိုကျော်ဝေရဲ့ တူလေး ပြောပြဖူးတဲ့ ကိုကျော်ဝေရဲ့ တိတ်ဆိတ်စွာနာကျည်းနေတဲ့ မိသားစု ညီအကိုမောင်နှမတွေလို လူမျိုးတွေ ရှိနေတာကို သိနေတိုင်း သေမှပြီးသွားမယ့် အရာလို့ မဖြစ်စေချင်တဲ့ ငါ့ရဲ့ စေတနာပါလို့ ပြောပါရစေ၊

     မနက်ဖန်ဆိုရင် မြောက်ပိုင်းမှာ မတရားသတ်ဖြတ်ခံရတဲ့ ကျောင်းသားများ အတွက် ရည်စူးပြီး ဆွမ်းကျွေးအမျှဝေကြမယ်၊ မြောက်ပိုင်းတွင်ကြွေလွင့်သွား သောကျောင်းသားများအမှတ်တရနေ့...အဖြစ် မှတ်မှတ်ရရ ရှိကြတယ်၊ ဘယ်တော့မှမမေ့ဘူး ဘယ်တော့မှလဲ မေ့မှာမဟုတ်တဲ့ နေ့ဖြစ်တယ်၊ ကိုထွန်းအောင်ကျော် အပါအဝင် မြောက်ပိုင်းမှာ ကြွေလွင့်သွားခဲ့ရတဲ့  ကျောင်းသားတွေအားလုံး ကောင်းရာမွန်ရာ ရောက်ရှိပြီး ဒီလိုအဖြစ်ဆိုးမျိုးနဲ့ ဘယ်သာအခါမှ မကြုံရ မဆုံရပါစေနဲ့လို့ နင်နဲ့ထပ်တူ ၊ မြောက်ပိုင်းပြန်ကျောင်းသားရဲဘော်များနဲ့ထပ်တူ ဆုတောင်းပေးနေပါတယ်၊
နင့်ရဲ့အမ
       
                                   ခိုင်ခိုင်စောလွင် 

February 5, 2015

လေလွင့်တိုင်းပြည် ( ၃. ၂. ၂၀၁၅ အတွဲ(၁) အမှတ်(၂၀) ပြည်သူ့အရေးဂျာနယ်မှ

                      
  မြန်မာပြည်မှာ လေလွင့်ကလေးငယ်တွေ များပြားလာတာကြည့်ပြီး ဒီခေါင်းစဉ်ရေးဖို့ဖြစ်လာလေသည်။ တိုင်းပြည်တစ်ခုမှာ အနာဂတ် အရေးကြီးသည်။ အနာဂတ်အတွက် ပစ္စုပ္ပန်ကာလသည် ပိုလို့ပင် အရေးကြီးလေသည်။ စာရေးသူတို့ တိုင်းပြည်၏ လက်ရှိပစ္စပ္ပန်ကာလကို အ. ဂတိကင်းကင်းနှင့် တည့်တည့်ကြည့်လျှင် အဆိုးတွေ များနေသည်။ အာဏာ၊ ငွေကြေး ၊ အတ္တတွေကြားမှာ တိုင်းပြည်က ဂျူံးး ဂျူံး ကျနေပြီ။  တိုင်းပြည်၏ သယံဇာတအရင်းအမြစ်များ ပျောက်ကွယ်ယုံသာမက လူသားအရင်းအမြင်များပါ လျော့ပါးလာသည်မှာ ငြင်းမရနိုင်သည့် အချက်တွေ ဖြစ်လာလေသည်။ မြေမဲ့ ယာမဲ့ အိမ်ခြေမဲ့တွေ ဖြစ်အောင် အစိုးရကိုယ်တိုင်က တွန်းပို့ရာမှ လေလွင့် ကလေးသူငယ်နှင့် လေလွင့် လူငယ်တွေ တိုင်းပြည်အနှံ့ အများအပြား ရှိလာခြင်းဖြစ်သည်။                    ဒီနေရာမှာ လေလွင့်ကလေးငယ်၊ လေလွင့်လူငယ်တွေနှင့် ဆိုးသွမ်းလူငယ် မတူပါ၊ တချို့က မိဘက ငွေကြေးချမ်းသာသည်က တစ်ကြောင်း၊ အာဏာပိုင် အဖွဲ့အစည်းမှာ ဩဇာသက်ရောက်မှုရှိသည်က တစ်ကြောင်းတို့ကြောင့် သားသမီးအပေါ် လွဲမှားစွာ အလိုလိုက်ရာက ဆိုးသွမ်းလူငယ် ဖြစ်မှန်းမသိ ဖြစ်ကြရသည့် လူငယ်လေးတွေ ဖြစ်လာကြတာပင်။ စာရေးသူဆိုလိုသည့် လေလွင့်ကလေးငယ်တွေကတော့ ဘဝအကြောင်းမကောင်းစွာဖြင့် လူ့ဘဝကို  ရောက်ရှိလာခဲ့ရခြင်းဖြစ်လေသည်။ တနည်းအားဖြင့် စနစ်ဆိုး၏ သားကောင် ဖြစ်နေရသည့် လူတန်းစားတွေပင်။
                  ပညာသင်ရမည့် အရွယ်မှာ ပညာမသင်ရ၊ ကလေးသဘာဝ ဆော့ကစားရမည့် အရွယ်မှာ ပိုက်ဆံသာ အဓိက၊ ပိုက်ဆံရမှ စားရမည်၊ ပိုက်ဆံမရက ငတ်မည်၊ သည်လိုအတွေးတွေ အမြင်တွေ အတွေ့အကြုံ ဘဝခံစားချက်တွေနှင့် ကြီးပြင်းလာရသည်။ ကျောင်းနေတာ၊ ပညာသင်တာ၊ ကိုယ့်အလုပ်မဟုတ်၊ ကိုယ်နဲ့လားလားမှမဆိုင်သလို ကြီးပြင်းနေရသည့် ကလေးတွေ များစွာ ရှိလာသည်။ အသက်ငါးနှစ်အရွယ် ကလေးက သူ့ထက်အငယ် နှစ်နှစ်ခန့်ရှိမည့် ကလေးကို လက်ကဆွဲကာ လမ်းဘေးမှာ တောင်းရမ်းနေသည့် မြင်ကွင်းတွေ၊ အသက်ငါးနှစ်အရွယ်ကနေ အသက်ဆယ်နှစ်ဝန်းကျင် ကလေးတွေ အမှိုက်ပုံမှာ ထိုးဆွနေတဲ့ မြင်ကွင်းတွေ၊ ရပ်ကွက်ထဲ လမ်းတွေထဲမှာ သံချိတ်တစ်ဖက် မြွေရေခွံအိတ်လို့ခေါ်တဲ့ ပလတ်စတစ်လျှော်အိတ်ခွံ တစ်ဖက် ကိုင်ပြီး အမှိုက်လိုက်ကောက်တဲ့ ကလေးတွေ ၊ ကားမှတ်တိုင်မှာ လမ်းဘေးမှာ ရေသန့်ဗူးတွေ အပြေးအလွှားလိုက်တောင်းတဲ့ ကလေးတွေ ၊ ကလေးတွေ ကလေးတွေ စာသင်ခန်းမှာ ရှိမနေပဲ လမ်းပေါ်မှာ ကြက်တွေဘဲတွေ အစာရှာသလို အလုအယက် တွေ့နေရသည်။
             တချို့ကလေးတွေက နဲနဲ အဆင့်မြင့်သည်၊ ကျောင်းမနေ၊ ဒါပေမယ့် ကျောင်းနေခဲ့ဖူးသည်၊ မိဘကိုကူပြီး ငွေရှာပေးဖို့၊ အိမ်ရှိမိသားစု မသေရုံ စားလောက်အောင် ငယ်ငယ်ရွယ်ရွယ်နှင့် ကျောင်းထွက်ပြီး ဈေးကူရောင်းရသည်။ ကားမှတ်တိုင်တွေမှာ ငုံးဥပြုတ်၊ ကန်စွန်းဥပြုတ်၊ မြေပဲပြုတ် စသဖြင့် ရာသီပေါ်စာတွေ ရောင်းရသည်။ တစ်ချို့က လက်ဘက်ရည်ဆိုင်မှာ စားပွဲထိုးလုပ်သည်။ ရသည့်ပိုက်ဆံ မိဘကိုပို့လိုက်ပြီး  ဆိုင်မှာစားစရာ နေစရာမပူရ သည့်ဘဝဖြင့် ကျေနပ်စွာ နေသည်။ အိမ်ဖော်လုပ်နေရသည့် အရွယ်မရောက်သေးသည့် ကလေးတွေလည်း အများအပြားပင် ရှိသည်။  မည်သို့ပင် ဆိုစေ တိုင်းပြည်မှာ ကလေးတွေ စာသင်ခန်းပြင်ပကို ရောက်နေတာ များလာချေပြီ။ မျိုးဆက်သစ်တို့ ပညာတတ်မှ အသိဉာဏ်ပြည့်စုံမှ အတတ်ပညာ ဗဟုသုတ တိုးတက်ပါမှ တိုင်းပြည်အနာဂတ်တိုးတက်နိုင်မည်။ သို့ဆိုလျှင် နောင်အနာဂတ် တိုင်းပြည်မှာ စာသင်ခန်းပြင်ပရောက် ကလေးငယ်တွေ များပြား လွှမ်းမိုးလာပါက မည်သို့ရှိမည်နည်း၊ တွေးကြည့်ရုံနှင့် ရင်လေးစရာပင်၊
          နယ်စပ်ဒေသမှာ စစ်ကြောင့် တိုက်ပွဲတွေကြောင့် စာမသင်နိုင်ပဲ ဒုက္ခသည်စခန်းတွေမှာ ခိုလှုံနေရသည့် ကလေးငယ်တွေ မနည်းမနော ရှိသည်။ အချို့ နယ်စပ်ကတစ်ဆင့် တစ်ဖက်နိုင်ငံကို ရောက်ရှိသွားပြီး ဒုက္ခသည်စခန်းတွေမှာ စာဆက်သင်ရသည့် ကလေးတွေလဲ ရှိလေသည်။
အိမ်နီးချင်း ထိုင်းနိုင်ငံမှာ စာသင်ရမည့် အရွယ်၊ ကျောင်းနေရမည့်အရွယ် ကလေးတွေ လမ်းပေါ်မှာ ရှိနေတာ မတွေ့ရ၊ အမှိုက်ကောက်သည့် မိဘပင် သူ့ကလေးကို ကျောင်းချိန်မှာ ကျောင်းသို့ သွားပို့သည်။ အဘယ့်ကြောင့်နည်း၊ အစိုးရကိုယ်တိုင်က ကျောင်းနေရမည့်အရွယ် ကလေး အားလုံး ကျောင်းတက်နိုင်အောင် ပံ့ပိုးထားသည်။
ပလာတာ( ထိုင်းအခေါ် ရိုတီ) ရောင်းသည့် အမျိုးသမီး တစ်ယောက်ပြောပြတာ ဖောက်သည်ချလိုသည်။ သူက မြန်မာပြည်က ရောက်လာပြီး ထိုင်းမှာ ရိုတီရောင်းသည်။ သူ့ကလေးမှာ ဘာမှတ်ပုံတင်မှမရှိ၊ အထောက်အထားက ဆေးရုံမှာမွေးထားသည့် အထောက်အထားသာရှိသည်။ ကျောင်းကလဲ ဘယ်မှာထားရမှန်းမသိသည့်အတွက် သူတို့ဘာသာရေးကျောင်းမှာပဲ စာသင်ထားသည်။ ထိုင်းကျောင်းမနေ၊ တစ်ရက်မှာ ကလေးက သူနဲ့အတူ ရိုတီ ရောင်းရာ လိုက်လာသည်။ ရိုတီလာဝယ်သည့် အမျိုးသမီးကြီးတစ်ယောက်က ကလေးကို ကျောင်းမသွားဖူးလားမေးသည်။ ကျောင်းမနေတဲ့ အကြောင်းပြောပြရာ အသက်ရှစ်နှစ်အရွယ်ဆိုတာ  စာသင်ခန်းမှာ ရှိနေရမယ့်အရွယ်ပဲ၊ ကျောင်းတက်ရအောင် သူလိုက်ပြောမည်ဆိုကာ ကျောင်းလိုက်ပို့ပြီး ကျောင်းအပ်ပေးသည်။  သတိထားမိစရာက ထိုင်းမှာ စာသင်ရမည့်အရွယ်၊ ကျောင်းနေရမည့်ကလေးတွေ လမ်းပေါ်မှာ ရှိမနေခြင်းပင်၊ ရှိနေပါက စာသင်ခန်းရောက်အောင် ပို့ဆောင်ကြလေသည်။
                နယ်စပ်ဒေသမှာတော့ အိမ်နီးချင်း မြန်မာပြည်က အကြောင်းအမျိုးမျိုးဖြင့် ရောက်လာသည့် ကလေးတွေ လမ်းပေါ်မှာ ရှိသည်။ အမှိုက်ပုံမှာရှိသည်။ ထိုကလေးတွေကို စာသင်နိုင်အောင် မြန်မာလူမျိုးအချို့က ဦးဆောင်ပြီး စာသင်ကျောင်းတွေ ပို့ကြသည်။ စာသင်ပေးကြသည်။ အချိုကျောင်းတွေဆိုပါက ထိုင်းအစိုးရက (၇၅%) အထိ ထောက်ပံ့ပေးထားသည်။ မြဝတီနယ်စပ် ထိုင်းနိုင်ငံ မဲဆောက်မြို့မှာပင် ရွှေ့ပြောင်းမြန်မာကျောင်း (၇၀) ကျော်ရှိသည်။ အဆိုပါ တာ့ခ်ခရိုင်အတွင်းရှိ ရွှေ့ပြောင်းမြန်မာကျောင်းများမှာ  ကလေး ၁၅,၀၀၀ ကျော် ပညာသင်ကြားနေကြသည်။ သို့သော်လည်း အရွယ်ရောက်ပြီး ပညာသင်ကြားရန် အခြေအနေမပေးသည့် ကလေးငယ် အရေအတွက်မှာ ( ၃၀,၀၀၀ )ခန့် ရှိနေသေးတာကို ဖတ်ရဖူးသည်။
              ထိုင်းအစိုးရက မြန်မာကလေးတွေကို ကျောင်းနေရအောင်၊ စာသင်နိုင်အောင် စာသင်ခန်းတွေဆီ ပို့နိုင်မည့် နည်းလမ်းတွေ၊ အထောက်အပံ့တွေ ပေးနေ ၊ အထောက်အပံ့ရအောင် ကူညီနေတာတွေသည် မြန်မာလူမျိုးကို ချစ်လွန်းလို့မဟုတ်၊ သူတို့လူမျိုး၊ သူတို့ တိုင်းပြည်ကို ချစ်လို့ဆိုတာ သေချာသည်။ အဘယ့်ကြောင့်နည်း၊ အိမ်နီးချင်းဖြစ်နေတော့ သူတို့တိုင်းပြည်ကို မြန်မာတွေ စိမ့်ဝင်လာသည်။ ဒီလူတွေက စာမတတ်၊ အသိဉာဏ်မရှိ ပါက ရာဇဝတ်မှုတွေ ကျူးလွန်လာမည်၊ ထိုသို့ဖြစ်ပါက သူတို့လူမျိုး ထိခိုက်မည်၊တိုင်းပြည်မှာ ရာဇဝတ်မှုတွေ ထူပြောလာမည်၊ ဒါ့ကြောင့် လူ့အခွင့်အရေးတို့၊ လူသားချင်းညှာတာထောက်ထားရေးတို့ဆိုတာကို အကြောင်းပြုပြီး သူတို့တိုင်းပြည်ကို ကာရံထားခြင်းဖြစ်သည်။
              သို့သော်ငြား မြန်မာကလေးငယ်များကို ခိုးယူ၍ ထိုင်းနိုင်ငံသို့ရောင်းချ ပြီးကလေးငယ်များအား တောင်းရမ်းခိုင်းကာ ကြီးပြင်းလာလျှင် မကောင်းသည့် လုပ်ငန်းများလုပ်ကိုင်စေသော ဈေးကွက် ထိုင်းနိုင်ငံတွင် ပေါ်ပေါက်နေကြောင်း သတင်းရရှိသည်။ ဆိုသည့် ဂျာနယ်တစ်ခုမှ သတင်းကို ဖတ်ရသည့်အခိုက် တုန်လှုပ်မိလေသည်။ အလွယ်တကူ ခေါ်ယူနိုင်သည့် ကလေးတွေမှာ ဘယ်လို ကလေးမျိုးတွေ ဖြစ်မလဲ၊ သိသာထင်ရှားလွန်းပေသည်။
              ခိုးယူခံရ၍ ထိုင်းနိုင်ငံအတွင်းသို့ ရောင်းချခံရသော မြန်မာကလေးငယ်အချို့သည် အရွယ်မရောက်သေးမီ တောင်းရမ်းသည့် လုပ်ငန်းလုပ်ကိုင်ကြရပြီး အရွယ်ရောက်လျှင် မိန်းကလေးဖြစ်ပါက ပြည့်တန်ဆာလုပ်ငန်း၊ အနှိပ်ခန်း နှင့် အိမ်အကူလုပ်ငန်းများ လုပ်ကိုင်ကြရလေ့ရှိသည်။ ယောက်ျားလေးဖြစ်ပါက မူးယစ်ဆေးဝါး ရောင်းဝယ်ရေးနှင့် ရေလုပ်ငန်းများတွင် လုပ်ကိုင်ကြရကြောင်း မြန်မာလုပ်သားများအား ကူညီ စောင့်ရှောက်မှုပေးနေသော ထိုင်းနိုင်ငံရှိ မြန်မာအသင်း အဖွဲ့အစည်းများက ပြောသည်။

ထိုင်းနိုင်ငံ၌ တစ်နှစ်အရွယ် မြန်မာကလေးငယ်များအား ဟန်ပြ၍ တောင်းရမ်းသည့်လုပ်ငန်း လုပ်ကိုင်ရန် မိဘများထံမှ နေ့ယူညပြန်ပေးပုံစံဖြင့် လွန်ခဲ့သည့် သုံးနှစ်အတွင်းက စတင်ပေါ် ပေါက်လာကြောင်း ကလေးငယ်များ၊ လူကုန်ကူးမှုတားဆီးရေးလုပ်ကိုင်နေသော  ညီမျှခြင်းမြန်မာမှညွှန်ကြားရေးမှူးဦးအောင်မျိုးမင်းက ပြောသည်။ ကလေးငယ်များအား ခိုးယူ  အရောင်းအ၀ယ်ပြုလုပ်ရာတွင် တစ်ဦးလျှင် အများဆုံးကျပ် ၁၅ သိန်း(ဘတ်ငါးသောင်း)ထိ ဈေးပေါက်သည်ကို တွေ့ဖူးကြောင်း ၎င်းက ပြောသည် လို့ အဲဒီ သီတင်းမှာ ဖတ်ရသည်။
               
                     ထိုင်းနိုင်ငံမှာ  မြန်မာကလေးများအပေါ် ခေါင်းပုံဖြတ်ခံရမှုနှင့် လူကုန်ကူးခံရသည့်အပေါ် ကလေးများအား ကာကွယ်စောင့်ရှောက်နေသော အဖွဲ့အစည်းများက ကယ်ဆယ်နိုင်ခဲ့သော မြန်မာ ကလေးအရေအတွက်မှာ ၂၀၁၁ မှ ၂၀၁၃ အတွင်း ခုနစ်ရာကျော်ရှိနေကြောင်း ကလေးအခွင့်အရေး ကာကွယ်စောင့်ရှောက်ရေးကော်မတီ (CPPCR) က သတင်း ထုတ်ပြန်ထားတာ ဖော်ပြထားပေမယ့် မြန်မာအစိုးရရဲ့ တရားဝင်ထုတ်ပြန်မှု စာရင်းမှာက ၂၀၁၃ခုနှစ်တွင် ကျားငါးဦး၊ မ ၃၀ ဦး ကယ်ဆယ်တားဆီးနိုင်ခဲ့ပြီး ၂၀၁၄ခုနှစ်တွင် ကျားလေးဦး၊ မ ၂၈ ဦး လို့သာ ဖော်ပြထားတာ တွေ့မိလေသည်။
                အစိုးရရဲ့ အားနည်းချက်ကြောင့် တိုင်းပြည်မှာ လေလွင့်ကလေးတွေ၊ လူငယ်တွေ များပြားလာပြီး ဒီလူတွေကို ဝိသမလောဘသမားတွေက လူသားအရင်းအမြစ်အဖြစ် အသုံးချဖို့ လုပ်လာကြပြီ။ လူမျိုးဂုဏ်သိက္ခာ၊ မြန်မာဆိုသော သမိုင်းကို ပြောင်းပြန်ဖြစ်စေမည့်   မကောင်းမှု ဒုစရိုက်တွေ ကျူးလွန်သူ၊ တောင်းရမ်းစားသောက်သူ အစရှိသည့် အောက်တန်းနောက်တန်းကျသည့် ဘဝတွေ ရောက်အောင်  အစိုးရကိုယ်တိုင်က တွန်းပို့နေခဲ့သည်။
         
            အနာဂတ်မှာ မျိုးဆက်သစ်ဖြစ်လာမည့် ကလေးငယ်တွေ အသိဉာဏ်ပြည့်ဝအောင် ကျောင်းစာသင်ခန်းထဲ အရောက်သွားနိုင်မည့် နည်းလမ်းတွေ မြန်မာအစိုးရ ဘာတွေ လုပ်ထားသနည်း၊ အစီအစဉ်တွေ ဘာတွေ ချမှတ်ထားသနည်း၊ ရှာမတွေ့ပါ၊ လက်ရှိအစိုးရသက်တမ်းပင် (၁၀)လပျော့ပျော့ ရှိတော့သည်။
".................................. တိုင်းပြည်မှာ တန်းတူညီတူ မဖြစ်သမျှ ကာလပတ်လုံး  ဒီတိုင်းပြည်ကြီးက လွတ်လပ်တယ် ဆိုပေမယ့်  ဟိုလူ့လဲပဲ မြင်ရတဲ့အခါ မျက်နှာချိူသွေးရ ဒီလူ့လဲပဲ မြင်ရတဲ့အခါ မျက်နှာချိူသွေးရ  ....ာ သယ်လို နိုင်ငံမျိုးဖြစ်သွားမယ် ဆိုတာ ခင်ဗျားတို့ အတိအလင်း သတိထားဖို့လိုမယ်............." ဗိုလ်ချုပ်ပြောသည့် မိန့်ခွန်းတစ်ခုလို တိုင်းပြည်က လတ်တလောဖြစ်နေသည်။ လွတ်လပ်ရေးရပြီးပါက လွတ်လပ်သည့်တိုင်းပြည်အတွက် စိုးရိမ်စိတ်ဖြင့် ပြောခဲ့သော စကားသည် နောင်မျိုးဆက် တိုင်းပြည်ခေါင်းဆောင်တွေကြောင့် တကယ့်ကို ကမ္ဘာပတ်မျက်နှာချိုသွေးနေရသည့် အစိုးရတစ်ရပ် ပေါ်ထွန်းလာလေသည်။ ထိုအစိုးရသည် ပြည်သူ့အတွက်၊ တိုင်းပြည်အတွက် အမှန်တကယ်တိုးတက်အောင် စေတနာမှန်ခြင်းမရှိ။ သို့ဖြင့် နောင်တခေတ် မြန်မာပြည်မှာ ပညာမဲ့သော၊ အသိဉာဏ်တိမ်သော မျိုးဆက်တွေချည်းသာ ရှိတော့မည်ဆိုလျှင် ဘိန်းရာဇာများ၊ ခိုးဆိုးလုယက် ဓါးပြတိုက်သူများ မင်းမူလာလျှင် ဗိုလ်ချုပ်ပြောသော နိုင်ငံမှ လေလွင့်တိုင်းပြည်ဘဝ ရောက်သွားလေမည်လား၊ လူကြီးတွေ တာဝန်မကျေ၍ နောက်မျိုးဆက်တွေ ဒီလိုအဖြစ်မျိုး ဖြစ်လာရမည်ဆိုလျှင် လက်ရှိ  ပြည်သူလူလုတစ်ရပ်လုံးမှာ တာဝန်ရှိနေလေပြီ။
" တို့ခေတ်ရောက်မှ ညံ့ကြရမှာလား"
လေလွင့်တိုင်းပြည်ဘဝ လွင့်ပျောက်သွားအောင် အမြန်ဆုံး ဆောင်ရွက်အကောင်အထည်ဖော်နိုင်မည့်၊ အရပ်ဖက်လူမှုအဖွဲ့အစည်းများနှင့် ဟန်ချက်ညီစွာ ဦးဆောင်နိုင်မည့် အစိုးရတစ်ရပ်ကို မှန်ကန်စွာ ရွေးချယ်နိုင်ဖို့ အထူးပင် လိုအပ်နေသော အချိန်သို့ ရောက်ရှိနေပြီ ဖြစ်လေသည်။