February 28, 2016

" တရားခံဘယ်သူလဲ" ၂၉ရက် ဖေဖေါ်ဝါရီလ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၉) မှ


ယခုရက်ပိုင်းမှာ စာမေးပွဲ မေးခွန်းပေါက်ကြားတာ၊ မြန်မာစာ မေးခွန်းမှာ သတ်ပုံတွေ မှားတာ၊ တပည့်ဝတ် နဲ့ သားသမီးဝတ် မှားရေးထားတာ ၊ သင်္ချာမေးခွန်း မှားနေတာ၊ သမိုင်းဘာသာမှာ သက္ကရာဇ်တွေ လွဲနေတာ စသဖြင့် သောင်းပြောင်းထွေလာ အမှားများ ပြောင်းဆန်အောင် ထွက်လာတာ ဖတ်ရသည်။ ဘယ်မှာဖတ်ရသလဲ ပြောစရာမလို၊ လူမှုကွန်ယက် ဖေ့စ်ဘွတ်စာမျက်နှာမှာပဲ ဖြစ်သည်။ ဖေ့စ်ဘွတ်က သူတပါးတိုင်းပြည်တွေနဲ့မတူ မြန်မာပြည်မှာ အလွန်ထူးခြားသည်။ ဖေ့စ်ဘွတ်မှာ ရေးတင်လိုက်မှ သက်ဆိုင်ရာက သိရှိကာ အရေးယူတာတို့၊ ဖေ့စ်ဘွတ်မှာ တွေ့မှ ရာဇဝတ်မှု ကျူးလွန်တာတွေ၊ ကျူးလွန်သူတွေ၊ လူမိုက်တွေ ရှိပါလား သိပြီး လိုက်လံ စစ်ဆေးတာတို့ ဖြစ်လာပြီး ဥပဒေကြောင်းအရ အရေးယူမှုတွေ ရှိလာတာဖြစ်သည်။
ယခုလည်း ထို့အတူပင်၊ " အခုရက်ပိုင်းကျမှ ဘာဖြစ်လို့ စာမေးပွဲမေးခွန်းနဲ့ ပတ်သက်တာချည်း တင်လာပါလိမ့်" ဆိုတဲ့ မိတ်ဆွေရဲ့ အမေးကို " စာမေးပွဲရာသီလေ ဒီအချိန် မြန်မာပြည်မှာ အခြေခံပညာကျောင်းတွေ အတန်းတင်စာမေးပွဲ ဖြေချိန်" လို့ ပြောမှ " ဟုတ်သား" တဲ့။ သူ့ကလေးတွေက ကြီးကုန်ပြီဆိုတော့ စာမေးပွဲချိန်တွေကို အမှတ်တမဲ့ မေ့နေဟန်ပင်၊
တကယ်တော့ စာရေးသူရဲ့ အတွေ့အကြုံအရ စာမေးပွဲမေးခွန်းဆိုတာ စာမေးပွဲခန်းထဲရောက်မှ စာမေးပွဲခန်းစောင့်တဲ့ ဆရာမက ပိတ်ထားတဲ့ စာအိတ်ကို စပြီး ဖောက်ရတာပင်၊ တချိူ့ ကျောင်းသားဦးရေ ထောင်ချီရှိတဲ့ ကျောင်းတွေမှာတော့ စာမေးပွဲအချိန်မတိုင်ခင် တစ်နာရီလောက်မှာ ကြိုဖောက်ပြီး သက်ဆိုင်ရာ အခန်းလိုက် စောင်ရေ ခွဲတာတို့ ဘာတို့လုပ်ကြသည်။ ဒါက မေးခွန်းကို စဖြန့်တဲ့အချိန်၊ မေးခွန်းကို ထုတ်တဲ့သူက သူမေးတဲ့ မေးခွန်းကို မှတ်မိနေမှာသေချာသည်။ မေးခွန်းထုတ်ပြီး လက်ခံတစောင် ယူထားသော်မှ သူ့မှ အခြား တခုရှိရသည်။ ထိုအရာသည် သစ္စာရှိမှု ဖြစ်သည်။ ဆရာ/ ဆရာမ ဟူသည် ကိုယ်ကြိုးစားပန်းစားသင်ထားသည့် ဘာသာရပ်ကို ကျောင်းသားတွေ ဖြေဖို့ မေးခွန်းထုတ်ပြီးက ကျောင်းသားအားလုံး စာမေးပွဲခန်းထဲမှာ အတူတကွ ကြိုးစားဖြေကြတာကို မြင်လိုသည့် သူများဖြစ်ကြသည်။ " ဆရာမကတော့ မေးခွန်းထဲမှာ ဒါတွေ မေးထားတယ် ကြိုပြီး ကြည့်ရအောင် မှတ်ထား ရော့ လို့ " ပြောမည့် ဆရာမျိူး ရှိမည်မထင်ပါ၊
ဘာသာရပ်ဆိုင်ရာ ဆရာ/ ဆရာမက မေးခွန်းထုတ်ပြီးက သက်ဆိုင်ရာ ကျောင်းအလိုက် ဖွဲ့စည်းထားသည့် စာမေးပွဲကြီးကြပ်ရေး ကော်မီတီကို ပို့လိုက်ရတာဖြစ်သည်။ တချိူ့ကျောင်းတွေမှာတော့ ဘာသာရပ်တခုကို သင်သည့် ဆရာ တစ်ဦးမက ရှိပါက နံပါတ်အလိုက် ဖြစ်စေ၊ အပိုင်းအလိုက်ဖြစ်စေ ခွဲခြားပြီး မေးခွန်းထုတ်ပေးရတာလည်း ရှိတတ်ပါသည်။ နောက်ဆုံးအဆင့်ကတော့ ကျောင်းအုပ်ဆရာ/ ဆရာမကြီး အပါအဝင် စာမေးပွဲကြီးကြပ်ရေး အဖွဲ့ဆီ ရောက်တာဖြစ်သည်။ ထိုအဖွဲ့ကလည်း များပြားလှသော အတန်းစုံ ဘာသာစုံ မေးခွန်းတွေကို စစ်ဆေးရတာကလွဲပြီး ဘယ်ဘာသာမှာ ဘာမေးထားတယ်ဆိုတာ မှတ်မိနိုင်မည်မထင်၊ မှတ်လည်း မှတ်နိုင်အားမည်မထင်ပါ၊ ဒါက ကျောင်းအဆင့် ဖြစ်သည်။ မြို့နယ်အဆင့်၊ တိုင်းအဆင့် စာမေးပွဲဆိုက အဆင့်ဆင့်တွေ ပိုများပြီး ပိုပြီး တင်းကြပ်လေသည်။ တိုင်းစစ်၊ မြို့နယ်စစ်ဆိုက ကျောင်းအုပ်ကြီးတွေကိုယ်တိုင် မေးခွန်းထုတ်ရတာများသည်။ တိုင်းစစ်ဆိုပါက တိုင်းပညာရေးမှုးမှာ တာဝန်အကြီးဆုံးဖြစ်လေသည်။ သူသည် စာမေးပွဲဘုတ်အဖွဲ့၏ အကြီးဆုံးတာဝန်ရှိသူသာဖြစ်သည်။
၁၉၉၀ခုနှစ်ခန့်က အဖြစ်အပျက်ကလေးကို သတိရမိပါသေးသည်။ ထိုစဉ်က စတုတ္ထတန်းနှင့် အဌမတန်းမှာ မြို့နယ်စစ်ဖြစ်သည်။ တမြို့နယ်လုံးမှာ မေးခွန်းတခု ဖြစ်သည်။ အစိုးရစစ် ဆယ်တန်းကလည်း ထို့အတူ တနိုင်ငံလုံးမှာ မေးခွန်းတခုတည်းဖြစ်သည်။ ထိုစဉ်က စတုတ္ထတန်းကို သင်္ချာဘာသာ သင်ရသည့် စာရေးသူမှာ သင်ရိုးညွှန်းတန်းအားလုံးကို သင်ပြီးနောက် စာသင်ချိန်ကျန်သေးရာ ကျောင်းသားများကို သင်္ချာမေးခွန်းဟောင်းများကို ပြန်လည် တွက်ချက်စေခြင်း၊ စာမေးပွဲဖြေသကဲ့သို့ နာရီအတိအကျနှင့် လေ့ကျင့်ဖြေစေခြင်းများ အကြိမ်ကြိမ် ပြုလုပ်ပေးသည်။ သင်္ချာမေးခွန်းဟောင်း (၅)နှစ်စာကို စုဆောင်းပြီး ကလေးတွေကို ဖြေခိုင်းထားလိုက်သည်။ ကိုယ့်ဘာသာလည်း ခန့်မှန်းမေးခွန်း ထုတ်ကာ ဖြေခိုင်းပြန်သည်။ သင်္ချာဘာသာ မဖြေခင် တရက်အလိုမှာ ကျောင်းအုပ်ဆရာကြီးက စတုတ္ထတန်း မြို့နယ်စစ်မှာ သင်္ချာဘာသာနဲ့သာ ကလေးတွေ ကျကြတဲ့ အကြောင်း ပြောပြီး သင်္ချာဘာသာနှင့် ပတ်သက်ပြီး စာမေးပွဲဝင်ဖို့ ဘယ်လို တွေ ပြင်ဆင်ထားသလဲ မေးသည်။ သင်ရိုးညွှန်းတန်းအကုန် အပြင် မေးခွန်းဟောင်းတွေ အားလုံးကို လေ့ကျင့်ထားပေးတဲ့ အကြောင်း ပြောတော့ ဆရာကြီးက ခေါင်းငြိမ့်သည်။ ဆရာကြီးဆီက သချာင်္ဘာသာနဲ့ ပတ်သက်ပြီး သုည ဆိုတဲ့ စကားလေးပင် ထွက်မလာပါ။
သင်္ချာဘာသာ ဖြေဆိုသည့်နေ့မှာ ကျောင်းသားအားလုံး စာမေးပွဲခန်းအပြင်မှာ ရှိသည့် စာရေးသူထံ ဝမ်းသာအားရ ပြေးလာကာ နှုတ်ဆက်ကြသည်။ ထိုအထဲ သင်္ချာမရ၍ လေးတန်းကို တဖုန်းဖုန်းကျနေသည့် ကလေးတယောက်ပါ ပါသည်။ သူတို့ အားရပါးရ ဖြေနိုင်ကြသည်။ မေးခွန်းကို ကြည့်သည့်အခါ မေးခွန်းဟောင်းများထဲမှ သူတို့ အကြိမ်ကြိမ် လေ့ကျင့်ပြီးသား ပုစ္ဆာတွေချည်းဖြစ်သည်။ ထိုအချိန်အထိ ဘာမှ မဖြစ်၊ သူတို့ အဖြေလွှာကို မြို့နယ်စစ်ဆိုသည့်အတိုင်း မြို့နယ်ကို ပို့ပြီး မြို့နယ်စာစစ်ဘုတ်အဖွဲက စစ်သည်။ စာရေးသူတို့ ကျောင်းက ကလေးတွေ တရာအပြည့်ရသူများပြီး အနိမ့်ဆုံးရသူမှာ အမှတ်(၈၀) အထက်ချည်း ဖြစ်သည်။ ထိုအခါ စစ်နေသည့် ဆရာတွေက " ဆရာကြီး ဆရာကြီးက သင်္ချာမေးခွန်းထုတ်တာဆိုတော့ ဆရာကြီးကျောင်းက ကလေးတွေ အမှတ်တွေ မကြုံစဖူး ကောင်းလိုက်တာ၊ သူများကျောင်းက ကလေးတွေ အောင်မှတ်(၄၀)တောင် မနည်းလို့ " ရိကြသတဲ့၊ ဒါကို အဖြေလွှာစစ်ဖို့ သွားသည့် စာရေးသူတို့ကျောင်းက အလယ်တန်းအဆင့် ဆရာတွေ ကြားလာပြီး မခံနိုင်လို့ ပြန်ပြောမှ သိရတာဖြစ်သည်။ ကျောင်းက ဆရာ/ ဆရာမတွေမှာ ကိုယ့်ကျောင်းက ကျောင်းအုပ်ဆရာကြီးက သင်္ချာဘာသာ မေးခွန်းထုတ်တာမှန်း ထိုအခါမှ သိရတာဖြစ်သည်။ ဆရာကြီးကတော့ သူရိုးသားတာ သူသိတဲ့အတွက် အထူးတလည် ပြန်မရှင်းပါတဲ့၊ ကျောင်းကဆရာတွေကတော့ အမှတ်ခြစ်ရင်းက သူတို့တောင် အခု စာစစ်ခန်းရောက်မှ သိတာလို့ ပြန်ပြောရသည်တဲ့။ ထိုစဉ်က ကျောင်းအုပ်ဆရာကြီးတွေ မေးခွန်းထုတ်ရတာဖြစ်သည်။ သင်ကြားသည့် ဆရာပင်မသိရပါ၊ မေးခွန်းမပြောနှင့် မေးခွန်းထုတ်တာကိုပင် သူထုတ်မှန်း အသိမပေးပါ။
ထိုရွာမှ နောက်တရွာရှိ ကျောင်းကို အလယ်တန်းပြဖြင့်ရောက်သည့်အခါ ကျောင်းစစ်ဖြစ်၍ ကိုယ်သင်သည့်ဘာသာ ကိုယ့်ဘာသာ မေးခွန်းထုတ်ရသည်။ တကယ်တန်းက စာမေးပွဲမေးခွန်းထုတ်ရတာမှာ စာသင်တာထက်ပင် ပင်ပန်းသေးသည်။ ပိုပြီး အားထုတ်ရသည်။ အတန်းတင်စာမေးပွဲဆိုက တနှစ်လုံးစာကို မေးခွန်းစုံအောင် ထုတ်ရသည်။ အမှားအယွင်း ကင်းအောင်၊ ကျောင်းသားတွေ သင်ထားသမျှ ဘယ်လောက်နားလည်သလဲ ဆန်းစစ်နိုင်အောင်၊ မေးခွန်းဘောင်ဝင်အောင် သတိကြီးကြီး ထားရသည်။ မိမိမေးခွန်းကို မိမိကိုယ်တိုင် တာဝန်ယူရသည်။ အဆိုပါမေးခွန်းသည် စာသင်သည့်ဆရာ၏ ကျွမ်းကျင်မှုနှင့် စေတနာကိုပါ ဖော်ပြသည်ဆိုက မှားမည်မထင်၊ စိတ်တိုင်းကျပြီ ဆိုကာမှ ကျောင်းအုပ်ဆရာကြီး လက်ထဲကို ထဲ့ရသည်။ ကျောင်းအုပ်ဆရာကြီးက အထပ်ထပ် စစ်ဆေးပြီးမှ ဗီရိုထဲ သော့ခပ်ကာ ညဖက် ဆရာ/ ဆရာမ၊ ကျောင်းသား/ ကျောင်းသူ ဘယ်သူမှ မရှိတဲ့အချိန်မှ ကျောင်းက အခန်းတခန်းမှာ တံခါးအလုံပိတ် ကာ စာရေး၊ ရုံးစေ နဲ့ သူကိုယ်တိုင် ဖယောင်းလှည့်တာ ဖြစ်သည်။ အဆိုပါ စာရေးလေးတွေ မင်းစေတွေ ချွေးတလုံးလုံးနှင့် ပြန်လာတာမြင်သော် မိဘတချိူ့က နောက်သလိုလို အတည်လိုလို မေးတာကြားရသည်။ သုံတန်းမေးခွန်းလေးများ ဘာတွေမေးထားတုန်း ဆို ထိုမင်းစေလေးမှာ ဒီလောက် မေးခွန်းတွေ ဘာသာတွေ အများကြီး လှိမ့်နေရတာ အခန်းထဲ အလုံပိတ်ပြီး မြန်မြန်ပီးမှ အေးမယ်ဆိုပြီး ကြုံးလုပ်ကြတာ ဘာမှန်းတောင်မသိဘူး ပြန်ပြောသည်။ ဘာမေးလဲ သိချင်တာများလွယ်လွယ်လေး ဟော ဟိုမယ် ဆရာမတွေမေး သူတို့ မေးခွန်းထုတ်တာလို့ ပြန်နောက်သည်။
စာမေးပွဲခန်းထဲရောက်လို့ မေးခွန်းထုတ်ကို ဖောက်မှ ကိုယ်ထုတ်ထားသည့် မေးခွန်းကို မြင်ရတာဖြစ်သည်။ ကျောင်းအတွက်၊ ကျောင်းသားတွေအတွက် ၊ ဆရာ/ ဆရာမတွေအတွက် သူ့နေရာနဲ့ သူ အရေးကြီးမှန်းသိတဲ့အတွက် အရေးကြီးသလို ဆောင်ရွက်တာမို့ အမှားအယွင်း တလုံးမှမရှိ။ ဒါက ခေတ်မီ နည်းပညာတွေ မရှိသေးသည့် လွန်ခဲ့သည့် နှစ်အစိတ်လောက်က အခြေအနေ။
ထိုစဉ်က စာရေးသူမိခင်ကြီးက မြို့ပေါ်က ကျောင်းအုပ်ဆရာမကြီး၊ သူလည်းထို့အတူပင်၊ ဆရာ/ ဆရာမတွေ အပ်လာသည့် မေးခွန်းကို ပုံနှိပ်တိုက် အပ်ရသည်။ ထိုပုံနှိပ်တိုက်နာမည် အခုထိ မှတ်မိပါသည်။ " မိဘမေတ္တာပုံနှိပ်တိုက်" တဲ့၊ နှစ်ပေါင်းများစွာ မေးခွန်းတွေ ပုံနှိပ်လာတာ အမေပင်စင်ယူသည်အထိ ဘာပြဿနာမှ မကြားခဲ့ရ၊ ထိုအရာကား စာမေးပွဲမေးခွန်းအပေါ် ထားရှိတဲ့ ပုံနှိပ်တိုက်ရဲ့ သစ္စာ ၊ စောင့်ထိန်းရမယ်ဆိုတဲ့ ကျင့်ဝတ်ကို သိတဲ့ နိုင်ငံကြီးသားပီသမှုနှင့် မိမိအလုပ်အပေါ် သစ္စာရှိမှုပဲ ဖြစ်သည်။
ယခုခေတ်မှာ နည်းပညာတွေ အင်မတန် တိုးတက်ပါသည်။ မေးခွန်းထုတ်သည့် ဆရာ/ ဆရာမပင် ကွန်ကျူတာနှင့် စာရိုက် မေးခွန်းထုတ်ပြီး ထိုမေးခွန်းကို အီးမေးလ်ဖြင့် ကျောင်းအုပ်ဆရာကြီး( သို့) ဘုတ်အဖွဲ့ အီးမေးလ်ကို ပို့လိုက်၊ အဆိုပါဘုတ်အဖွဲ့က မေးလ်ထဲကနေ ပရင့်ထုတ်ပြီး မိတ္တူကူးစက်ဖြင့် လိုအပ်သည့် အရေအတွက် ထုတ်ယူ ၊ ရှင်းပါသည်။ သို့သော် ကျောင်းတိုင်း၊ မြို့နယ်တိုင်း၊ ပြည်နယ်နှင့်တိုင်း အသီးသီးမှာ ထိုသို့ မလုပ်နိုင်ကြသေး၊ ခေတ်နှင့် အချိန်အလိုက် အဆိုပါပစ္စည်းတွေမှာ ကျောင်းတိုင်းမှာ ရှိရနေရမည်သာ၊ ကျောင်းတိုင်းမရှိနိုင်သော်မှ ယခုလို တိုင်းစစ်၊ မြို့နယ်စစ်တွေ အတွက် မြို့နယ် ပညာရေးမှုးရုံး၊ တိုင်းပညာရေးမှုးရုံးတို့မှာ ရှိသင့်သည့် ပညာရေးအထောက်အကူပြု ပစ္စည်းတွေ ဖြစ်သည်။ ကျောင်းတိုင်းမှာရှိသည့် ဆရာ/ ဆရာမတွေ ခေတ်နဲ့အညီ ခေတ်မီနည်းပညာသုံး ပညာရေးအထောက်အကူ ပစ္စည်းတွေ ကိုင်တွယ်သုံးတတ်အောင် ပညာရေးဋ္ဌာနက လေ့ကျင့်ပေးဖို့ တာဝန်ယူရသည်။
မေးခွန်းပေါက်တာရော၊ သတ်ပုံတွေ မှားတာတွေမှာပါ ပြင်ပ ကွန်ပျူတာ၊ မိတ္တူကူးဆိုင်တွေမှာ သုံးရတာလို့ ဖြေရှင်းချက်တွေအပေါ် ရေးထားသည့် ကောမန့်တွေ ဖတ်ရသည်။ ထိုအထဲကမှ တိုင်းပညာရေးမှုး၊ ပညာရေးဌာနက တာဝန်ရှိ တွေမှာ ကျောင်းတွေရဲ့ လိုအပ်ချက်၊ ပညာရေးအတွက် ညွှန်ကြားချက်၊ ကျောင်းတွေမှာ ရှိသင့်ရှိထိုက်သော အထောက်အကူ ပစ္စည်း ဒါတွေ ဘယ်လို ဖြည့်ဆည်းပေးရမယ်ဆိုတာ ထက် ရာထူးတိုးရင် တယောက်ဘယ်လောက်၊ အပြောင်းအရွှေ့က နယ်ကနေ မြို့ပေါ်ဆို ဘယ်လောက်။ နယ် နယ်ချင်းဆို ဘယ်လောက်ရမှ ဒါတွေနဲ့သာ အချိန်ကုန်နေတာလို့ ရေးတာ ဖတ်ရတော့ ထောက်ခံမိသည်။ ဒီအဖြစ်အပျက်တွေသည် စာရေးသူတို့ ဆရာမအဖြစ် တာဝန်ထမ်းဆောင်သည့် ၁၉၈၉ခုနှစ်ကတည်းက ရှိနေခဲ့လေသည်။ ပြန်ဆန်းစစ်ကြည့်တဲ့အခါ ပညာရေးဌာနကို စစ်တပ်က မိုးကျရွှေကိုယ်တွေ ဝင်ရောက်လာပြီး စီမံခန့်ခွဲကတည်းက ဆိုတာ သိလာရသည်။ ထမင်းစားမကောင်းက ဘယ်မြို့နယ်ကို ကျောင်းစစ်သွားလိုက်ဆိုသည့် အတွေးအခေါ်နှင့် စီမံခန့်ခွဲလာတာပဲ ဖြစ်သည်။
ယခုဖြစ်လာသည့် စာမေးပွဲမေးခွန်းကိစ္စအထွေထွေမှာ ကွန်ပျူတာစာစီသူ၊ စာရိုက်သူ၊ မိတ္တူကူးသူ ဟိုလူ ဒီလူ လွှဲချတာသည် ပြဿနာကို လတ်တလော အလွယ်တကူ ဖြေရှင်းနည်းဖြစ်သည်။ ယခုပင် လူပြောသူပြောများ၍၊ ပြည်သူတွေ မိဘတွေက ပြောကြလွန်း၍ တရားခံ ဆိုကာ တစုံတယောက်ကို ဖော်ပြယုံနှင့် ပြီးသွားက ဖြေရှင်းလိုက်သည့် နည်းလမ်းကောင်းမဟုတ်ပါ၊ နည်းမှန်လမ်းမှန်ဖြင့် ပကတိဖြစ်ရပ်မှန်ကို သေသေချာချာ ဆန်းစစ်ပြီး အဆိုပါ ပြဿနာမျိူး နောင်မပေါ်ပေါက်အောင် မည်သို့မည်ပုံ လုပ်ရမည်ဆိုသည့် နည်းလမ်းကို ရွေးရမည်။ အဖက်ဖက်မှာ ခေတ်မီနေပြီ၊ ပညာရေးမှာခေတ်မီလိုက ခေတ်မီသည့် နည်းစနစ်ကို လိုက်လျောညီထွေ ပြောင်းယူရတော့မည်။ သူခိုးတွေက ခေတ်မီနည်းပညာဖြင့် ခိုးယူနေသည့် ခေတ်တွင် အိမ်ရှင်ကလည်း အနည်းဆုံး စီစီတီဗွီ လောက်တော့ တပ်ထားမှဆိုတဲ့ အတွေးမျိူး မရှိသင့်ပေဘူးလား၊ ယခုအမှားမျိူး ဆက်မမှားအောင် ပြင်စရာရှိတာပြင်ရမည်၊ အောက်ခြေကို လက်ညှိုးထိုးနေယုံမပြီးပဲ အထက်အဆင့်ဆင့်က ဘယ်လို တာဝန်ယူပြီး ဖြည့်ဆည်းပေးရမလဲ စဉ်းစားဖို့ လိုနေပါပြီ။ ထိုသို့ မဟုတ်က နှစ်တိုင်းနှစ်တိုင်း ဒီအချိန်ရောက်တိုင်း ဒီလိုသတင်းမျိူးတွေ ထပ်မံဖြစ်နေ၊ ကြုံနေ ကြားနေရမည်သာဖြစ်သည်။
ခိုင်ခိုင်စောလွင်

February 14, 2016

" ရောင်နီထွန်းလို့လာလေပြီ" ၁၅ရက် ဖေဖေါ်ဝါရီ ၂၀၁၆ ဒီလှိုင်းစာစောင် အတွဲ(၅) အမှတ်(၇)မှ


တကယ်တော့ တိုင်းရင်းသား၊ ဗမာ ဆိုပြီး ရေးရမယ့် အကြောင်းတွေ ရေးစရာအကြောင်းတွေ ရှိတိုင်း လက်ရှောင်နေတာ ကြာပါပြီ။ အဓိကက ထိလွယ်ရှလွယ်သည့် လူမျိူးရေး တိုင်းရင်းသားအရေးတွေ ရောယှက်ပြီး နားလည်မှုလွဲမှာ စိုးရိမ်တာဖြစ်သည်။ ဖေဖေါ်ဝါရီ(၁) ရက်နေ့မှာ စတင်သည့် သမိုင်းဝင် ပြည်သူ့လွှတ်တော်၊ လွှတ်တော်ကိုယ်စားလှယ်နေရာ အများဆုံး ရရှိထားသည့် အမျိူးသားဒီမိုကရေစီအဖွဲ့ချူပ် NLD ကိုယ်စားလှယ်များ ပထမဆုံး တက်ရောက်ခွင့်ရသည့် လွှတ်တော် ၊ တနည်းအားဖြင့် ပြည်သူတွေ ရွေးကောက်ထားသည့် အမတ်များတက်ရောက်လာသည့် ပြည်သူ့လွှတ်တော်မှာ ပြည်သူ့ လွှတ်တော်ဥက္ကဌ အဖြစ် ဦးဝင်းမြင့်နှင့် ဒုဥက္ကဌ အဖြစ် ဦးတီခွန်မြတ် တို့ကို ရွေးချယ်တင်မြှောက်တာ ကြည့်ရတာရယ်၊ ဖေဖေါ်ဝါရီလ(၃) ရက်နေ့မှာ အမျိူးသားလွှတ်တော်ဥက္ကဌအဖြစ် ဦးမန်းဝင်းခိုင်သန်းနဲ့ ဒုဥက္ကဌအဖြစ် ဦးအေးသာအောင်တို့ကို ရွေးချယ်လိုက်သည့် သတင်းတွေ ဖတ်ရသည့်အခါ ရေးတော့မည်ဟု ဆုံးဖြတ်မိလေတော့သည်။
လွှတ်တော်နှစ်ရပ်စလုံးမှာ တိုင်းရင်းသားတွေကို ဦးစားပေးထားပြီး ဗမာက တနေရာသာ ယူထားသည်။ ထိုအကြောင်းကို စာရေးသူ လုပ်အားပေး စာသင်ပေးရသည့် ရွှေ့ပြောင်းအလုပ်သမားများအတွက် ပညာရေးပေါင်းကူးသင်တန်းကျောင်း BEAM ( Bridging Education Access to Migrants) က ကျောင်းသားတွေကို ဝမ်းသာအားရ ပြောမိလေသည်။ ပြောရတာက အကြောင်းရှိပါသည်။
အဆိုပါကျောင်းမှာ မြန်မာပြည် နယ်စပ်ဒေသ အထူးသဖြင့် တိုင်းရင်းသားဒေသက ကလေးတွေ အများဆုံး တက်ရောက်နေကြသည်။ အဆိုပါတိုင်းရင်းသားတွေမှာ မြန်မာပြည်မှ အကြောင်းအမျိူးမျိူးဖြင့် ရောက်ရှိလာပြီး ပညာတပိုင်းတစဖြင့် အလုပ်လုပ်နေကြသူတွေ ဖြစ်သည်။ အသက်အပိုင်းအခြားအားဖြင့် (၁၈)နှစ်မှ (၂၅)နှစ်ဝန်းကျင်တွေ ဖြစ်ကြသည်။ BEAM ကျောင်းက ထိုကလေးတွေကို အထက်တန်းပညာ ဆက်လက်သင်ပေးပြီး တက္ကသိုလ်အဆင့်အထိ တက်ရောက်နိုင်အောင် ထိုင်းနိုင်ငံ ပညာရေးဌာနနှင့် ပူးပေါင်းဖွင့်လှစ်ထားသည့် ကျောင်းဖြစ်သည်။ ထိုကျောင်းအကြောင်းကို အခွင့်သင့်က ထပ်မံရေးသားပါအုန်းမည်၊ ကျောင်းတည်ထောင်ဖြစ်ပုံနှင့် ယခုအချိန်အထိ ရပ်တည်နိုင်ခဲ့သည့်အကြောင်းများက စိတ်ဝင်စားဖွယ်ရာ အတိဖြစ်သည်။
ယခု ပြောလိုသည်က အဆိုပါကျောင်းမှ တိုင်းရင်းသားပေါင်းစုံ ကျောင်းသားလူငယ်တွေရဲ့ အကြောင်းဖြစ်သည်။ တိုင်းရင်းသားဒေသမှ စစ်ပွဲများ၊ လက်နက်ကိုင်အဖွဲ့တို့ ရန်မှ ထွက်ပြေးလာသူများ၊ စားဝတ်နေရေးကြပ်တည်းလွန်း၍ ရောက်ရှိလာသူများ၊ မူးယစ်ဆေးဝါးသားကောင်အဖြစ်မှ လွတ်မြောက်စေရန် မိဘတွေက တဖက်နိုင်ငံကို ခေါ်ဆောင်လာ၍ ရောက်လာသူများ၊ ဒုက္ခသည်စခန်းမှာ နေထိုင်ရင်းက ပညာဆက်သင်လိုသူများ စုံလင်လှပါသည်။ တူညီသော အချက်များက လူငယ်ကလေးတွေမှာ စိတ်ဒဏ်ရာတွေ အသီးသီး ရှိကြသည်။ အဖေမရှိ၊ တချိူ့ အဖေဘယ်သူဘယ်ဝါ မသိ၊ ကားဘီးပေါက်သံကြားတာကိုပင် အလွန်အမင်း တုန်လှုပ်သည့်သူတွေလည်း ရှိလေသည်။ ထိုသို့သော စိတ်ဒဏ်ရာတွေထဲမှာ ဗမာမုန်းတီးသည့် စိတ်ပါ ရောနှောပါဝင်နေလေသည်။
" မင်းတို့ကို သိပ္ပံဘာသာတွဲ သင်ပေးမယ့် ဆရာမ ရပြီ၊ ဗမာဆရာမ " လို့ တာဝန်ခံ ဆရာ ရဲ့ အပြောအဆုံးမှာ " ဟင်" ကနည်း မျက်နှာမကောင်း ဖြစ်သည်လို့ အဆိုပါဆရာက ရယ်ရယ်မော ပြန်ပြောတာ နားထောင်ရသည်။ ထိုဆရာလည်း ဗမာ၊ စာရေးသူလည်း ဗမာ၊ ဒါပေမယ့် ထိုစကားကို ပန်းနှင့်ပေါက်သလောက်တောင် မနာပဲ ရယ်မောစွာ ပြောဖြစ်သည်။ စာရေးသူ အဆိုပါ ကျောင်းမှာ စာသင်ရမည်ဆိုကတည်းက ဒီအရေးတွေ ကြိုမြင်ပြီးသား ဖြစ်သလို တာဝန်ခံဆရာတွေကလည်း လူတွေ့မှာကတည်းက " ကျောင်းသားတွေက တိုင်းရင်းသားတွေချည်းပဲ၊ ဒါ့ကြောင့် သူတို့ကို နားလည်နိုင်မယ့် ဆရာမျိူး ဖြစ်ရမယ်လို့ " ပြောတာကို သတိရသည်။ စာရေးသူက အဆိုပါကျောင်းမှာ အလုပ်မဝင်ခင်ကတည်းက ကျောင်းက တိုင်းရင်းသားပေါင်းစုံ ကလေးတွေနှင့် အထိုက်အလျောက် သိကျွမ်းသည်။ သူတို့ရဲ့ ဘဝတွေ သိရပြီး မေးမြန်းကာ စာတွေ ရေးဖူးလေရာ ထိုအချက်ဖြင့် နားလည်မည်ဟု ယူဆ၍ စာရေးသူကို ခေါ်လိုက်တာဟု နောက်မှ သိရလေသည်။
အမှန်က စာရေးသူမှာ ငယ်စဉ်ကတည်းက ဖခင်ရဲ့ ပြောဆိုပြမှုတွေကြောင့် တိုင်းရင်းသားတွေ သူတို့ဒေသမှာ ချိူ့တဲ့စွာ နေရတာကို သိခဲ့ဖူးလေသည်။ အဖေက ဘဏ်စာရင်းစစ်အဖြစ် နှစ်ပေါင်း (၃၀) ကျော် နိုင်ငံအနှံ့ သွားခဲ့ရရာ မြန်မာပြည်အနှံ့ မရောက်ဖူးသည့် အရပ်မရှိ၊ ယခုတိုင် ဝေးလံခေါင်သီလှပါတယ်ဆိုသည့် လဟယ်၊ ချီဖွေ၊ ဆွမ်ပရာဘွမ်၊ လေရှီး၊ စတာတွေအပြင် တောင်ပိုင်းက ဘုတ်ပြင်း၊ အနောက်ပိုင်း ဘူးသီးတောင် မောင်တော ရမ်းဗြဲ၊ ရှမ်းပြည်ဘက်က အစွန်တကာ့အစွန် အားလုံးရောက်ခဲ့သည်။ ဘဏ်မရှိသည့် မြို့ပေမယ့် ငွေတိုက်ခွဲ ဖွင့်ထားသည့် စစ်တပ်သာရှိသည့် နေရာတွေအထိ စစ်တပ်အစောင့်အရှောက်နှင့် ငွေသေတ္တာပို့ရတာတွေ အတွက် သွားခဲ့ရတာလည်း ရှိပါသည်။ ထိုသို့သော ခရီးစဉ်တွေက ပြန်လာတိုင်း စာရေးသူတို့ မောင်နှမတတွေကို နေရထိုင်ရတာ ပြည့်စုံကြောင်း ၊ ဝန်ထမ်းသားသမီးမို့ မပြည့်မစုံနေရတာကို ဆင်းရဲတာ မဟုတ်ကြောင်း၊ တိုင်းရင်းသားဒေသမှာ စာမသင်ရတဲ့ ကလေးတွေ၊ စားစရာမရှိလို့ ပြောင်းဆန်စားရတဲ့ တိုင်းရင်းသားတွေ၊ မီးမရှိ၊ ရေမရှိ၊ ပေတူးညစ်ပေစွာ နေရတဲ့ တိုင်းရင်းသားတွေ၊ ဘိနပ်ဆိုတာ စီးစရာဆိုတာ သိဖို့ ဝေး၊ ဝတ်စရာ အဝတ်ဆိုတာ ဘာမှန်းမသိတဲ့ ပြည်သူတွေ အကြောင်း၊ အင်မတန်အေးခဲလှတဲ့ အချိန် နာဂတောင်တန်းဆီက ကိုယ်တုံးလုံးနဲ့ နာဂတွေ အကြောင်း၊ သူတို့ရဲ့ ရိုးသားမှု စတာတွေ၊ ဆားကို ရရင် နတ်သုဓါရသလို ဝမ်းသာရသည့် တောင်ပေါ်ရွာက လူတွေအကြောင်း မရိုးအောင် နားထောင်ရင်း တိုင်းပြည်မှာ တိုင်းရင်းသားဒေသကလူတွေ ဆင်းရဲကြပြီး အစိုးရက တနိုင်ငံလုံး လွှမ်းခြုံပြီး ဖွံ့ဖြိုးအောင် မလုပ်နိုင်တာတွေ၊ သိခဲ့ရသည်။ အညာကျေးလက်ဒေသတွေမှာပင် မီးမရှိ၊ ရေမရှိ၊ ဘိနပ်စီးစရာ မရှိ၊ ကျောင်းမရှိ၊ မူလတန်းကျောင်းကို ဘုန်းကြီးကျောင်းမှာတက်ရပြီး အလယ်တန်းကျောင်းဆက်မတက်နိုင်သူတွေ၊ ပညာကို အလွန်အမင်း လိုချင်သည့် ကလေးနှင့် မိဘ သော်မှ ရွာကနေလေးငါးခြောက်မိုင် ဝေးသည့်အရပ်ကို လမ်းလျှောက်တက်ရတာတွေ ၊ မိုးတွင်းဆိုက လမ်းမှာ လည်ကန်သင်းတွေ၊ ချောက်တွေ ၊ ရေပြည့်နေသည့် တာရိုးတွေကို ကျော်ကာ သွားတက်ရတာတွေ စသဖြင့် အမျိူးစုံ ကြားသိခဲ့ရလေသည်။
တိုင်းရင်းသား ကျောင်းသားတွေနှင့် ဆုံသည့်အခါမှာတော့ သူတို့ရဲ့ စိတ်ခံစားချက်ကို နားလည်အောင် နေထိုင်နိုင်ခဲ့သည်။ ၁၉၉၄ခုနှစ်ကနေ ၂၀၀၈ခုနှစ်အထိ (၁၅)နှစ်နီးပါး မြန်မာ့အသံမှာ လုပ်ကိုင်ရင်း တိုင်းရင်းသား ဘာသာ ရှစ်မျိူးကို ထုတ်လွှင့်စဉ် ကြုံတွေ့ ဆက်ဆံခဲ့ရသည့် ကချင်၊ ကယား၊ စကော(ကရင်)၊ ပိုး (ကရင်)၊ ချင်း၊ မွန်၊ ရခိုင်၊ ရှမ်း စသော တိုင်းရင်းသားတို့ရဲ့ စိတ်ခံစားချက်၊ သူတို့ရဲ့ တုန့်ပြန်ပုံတွေကနေ အတွေ့အကြုံတွေ ရရှိပြီး ထိုအတွေ့အကြုံတွေကို ကျောင်းသားတွေကို ပြောပြရင်း တိုင်းရင်းသားလူမျိူးစုံ ကျောင်းသားတို့ရဲ့ ရင်းနှီး နွေးထွေးမှုကို ရရှိခဲ့ရလေသည်။ တကယ်တော့ ဗမာကလည်း တိုင်းရင်းသားပဲဆိုတာ သူတို့ကို သိချင်စေမိတာ ၊ သိအောင်လည်း ပြောပြဖြစ်လေသည်။ ဆရာမတို့ အားလုံးဟာ မြန်မာဆိုတာကို မကြာခဏ အကြောင်းဆိုက်တိုင်း ထဲ့သုံးကာ ပြောရသည်။ မြန်မာပြည်မှာ တိုင်းရင်းသားပေါင်းစုံ စုပေါင်းနေထိုင်ကြတာ ဆိုတာကို မြန်မာလို့ ပြောလိုက်တာနှင့် အားလုံးကို အတူတူလို့ ဆိုလိုကြောင်း ရှင်းပြရသည်။
ဗမာအများစုမှာလည်း ကျေးလက်ဒေသတွေမှာ ယနေ့အထိ ဘိနပ်မစီးနိုင်သူတွေ၊ ရွှံတွေ ဗွက်တွေကြားမှာ ဆင်းရဲချိူ့တဲ့စွာ ရုန်းကန်နေရတာတွေ ပြောပြဖြစ်သည်။ တိုင်းရင်းသားဒေသတွေမှာ ဆင်းရဲချိူ့တဲ့နေတာ၊ မဖွံ့ဖြိုးတာ ဗမာလူမျိူးကြောင့် မဟုတ်ပဲ စနစ်ကြောင့်ဆိုတာရယ်၊ အဆိုပါစနစ်ကို ဦးဆောင်တဲ့ သူတွေကြောင့် ဆိုတာရယ်ကို စာသင်ချိန် တချိန်အကုန်ခံကာ ပြောပြရသည်။ ပြောပြရကျိူး နပ်ပါသည်။ စာရေးသူ ပြောပြသည့် အမျိူးသားဒီမိုကရေစီအဖွဲ့ချူပ် NLD အစိုးရအဖွဲ့ ဖြစ်လာမည့်အချိန်ကို စောင့်ကြမည်ဟု မျှော်လင့်ချက်တွေ ရှိတာ သိသာလာသည်။ အမျိူးသားဒီမိုကရေစီအဖွဲ့ချူပ် အစိုးရဖြစ်လာပါက ပထမဆုံးလုပ်မှာ အမျိူးသားရင်ကြားစေ့ရေး ဆိုတာပဲ၊ သိကြလား အပြောကို မျက်လုံးတွေ အရောင်တောက်စွာ နားထောင်ကြသည်။ သူတို့ထဲမှာ စစ်ကိုမုန်းသူ၊ သေနတ်သံကိုလန့်သူတွေ လည်း ပါကြသည်။
တိုင်းရင်းသားဒေသတွေ ဖွဲံ့ဖြိုးတိုးတက်လာဖို့ ယုံကြည်မှုတွေ ရှိဖို့ လိုအပ်ကြောင်း အပြင် စာရေးသူ သင်ကြားရသည့် ရှုပဗေဒ၊ ဓာတုဗေဒနှင့် ဇီဝဗေဒ ဘာသာရပ်တွေနှင့် လားလားမှ မဆိုင်ပေမယ့် ထိုကလေးတွေ၊ အနာဂတ်အတွက် အထင်မှားအမြင်မှား ယုံကြည်မှုလွဲမှာတွေကို ဖြေဖျောက်လိုသော စိတ်ဖြင့် စာသင်ချိန်မှ သတင်းနှင့်စပ်ပြီး ပြောပြရသည်။ သူတို့ တစိုက်မတ်မတ် စွဲလာသည့် အစွဲတွေကို ချက်ခြင်း ပြောင်းဖို့ ခက်ပေမယ့် စဉ်းစား လက်ခံလာတာကို သိလာရသည့်အတွက် ဝမ်းမြောက်ရလေသည်။
ရွေးကောက်ပွဲအကြောင်း၊ လွှတ်တော်စတင်မယ့်အကြောင်း၊ အစိုးရဖွဲ့မည့်အကြောင်း ပြောပြရသည်။
" “တိုင်းရင်းသားလေးယောက်ပါအောင် ရွေးလိုက်တဲ့ဟာက တိုင်းရင်းသား စည်းလုံးညီညွတ်ရေးနဲ့ အမျိုးသားရင်ကြားစေ့ရေးကို စတင်ကြိုးစား ဆောင်ရွက်လာတယ်လို့ တွေ့ရပါတယ်။ ဒေါ်အောင်ဆန်းစုကြည်အနေနဲ့ လာမယ့် အချိန်အခါမှာ အမျိုးသားရင်ကြားစေ့ရေး၊ တိုင်းရင်းသားစည်းလုံးညီညွတ်ရေး၊ ငြိမ်းချမ်းရေး စသည်တို့ကို အလေးအနက်ထားပြီး ဆောင်ရွက်ဖို့ဆိုတဲ့နေရာမှာ ပထမဦးဆုံး လွှတ်တော် ဒုတိယအကြိမ်အတွက် ဥက္ကဋ္ဌ၊ ဒု-ဥက္ကဋ္ဌ၊ နာယကတွေ ရွေးချယ်တာကို ကြည့်ခြင်းအားဖြင့် ပြောတဲ့အတိုင်းပဲ ကြိုးစားပြီးတော့ လုပ်ဆောင်သွားမယ်ဆိုတာ တွေ့ရပါတယ်။ အခု လွှတ်တော်မှာ တာဝန်ပေးတဲ့အတိုင်းပဲ အားလုံးကို တာဝန်ပေးသွားလိမ့်မယ်လို့လည်း ယုံကြည်မျှော်လင့်တယ်။”
ကချင်ပြည်နယ် အမျိူးသားလွှတ်တော်အမတ် ဦးခက်ထိန်နမ်ရဲ့ တိုင်းရင်းသားတွေနဲ့ ပတ်သက်တဲ့ အင်တာဗျူးတခုကို ပြန်ပြောပြတဲ့အခါ သူတို့ သဘောကျပြီး စိတ်ဝင်စားကြလေသည်။
တိုင်းရင်းသားကျောင်းသားတွေနဲ့ ရင်းနှီးမှုရလာတဲ့အခါ သူတို့ ပြည်ပကို အကြောင်းအမျိူးမျိူးနဲ့ ရောက်လာကြတာတွေ၊ အလုပ်လုပ်ရင်း စာသင်ဖို့ ဆုံးရုံးတာတွေ၊ ထိုင်းနိုင်ငံ ချင်းမိုင်မြို့မှာ BEAM ကျောင်းဆိုတာ ရှိတယ်လို့ သိလာတဲ့အခါ စာသင်ဖို့ အခွင့်အလမ်းပေါ်လာတဲ့အတွက် ဝမ်းသာရတဲ့ အကြောင်း၊ အလုပ်တဖက် စာသင်ရတာ ပင်ပန်းပေမယ့် သူတို့အနာဂတ် အပြောင်းအလဲ အတွက် အပင်ပန်းခံ ကြိုးစားရတာတွေ ရင်ဖွင့် ပြောပြလာကြသည်။ သူတို့ဒေသကို သတိရတာ၊ ကျန်ခဲ့တဲ့ သူငယ်ချင်းတွေကို သတိရတယ်ဆိုတဲ့ အသံလေးတွေ ထွက်လာသည်။ သူတို့လေးတွေရဲ့ ရင်ထဲမှာ တိုင်းပြည်ရဲ့ အပြောင်းအလဲမှာ သူတို့ သတိရနေတဲ့၊ သူတို့နေခဲ့တဲ့ သူတို့မွေးရပ်မြေကို ပြန်ခွင့် ရမလား မျှော်လင့်စိတ်ကလေးတွေ ဖြစ်လာတာ အတိုင်းသား မြင်လိုက်ရလေသည်။ မြန်မာပြည်တွင်းမှာ လွှတ်တော်အပြောင်းအလဲ၊ ကိုယ်စားလှယ်အပြောင်းအလဲနှင့် အစိုးရအပြောင်းအလဲကို မျှော်လင့်စွာ စောင့်စားနေကြသည့် တိုင်းရင်းသားလူငယ်ကလေးတွေရဲ့ မျက်ဝန်းကို မြင်တွေ့ရပြီး သူတို့ ရင်ထဲက အမုန်းဆူးတွေ ထုတ်နိုင်ပြီး ၊ ရင်တွင်းခံစားချက်တွေ မျှော်လင့်ချက်တွေ အမြန်ပြည့်စေချင်သည့် ဆန္ဒဖြစ်မိလေသည်။
ခိုင်ခိုင်စောလွင်

February 1, 2016

" ညီထွေးဆီက ပြန်ခဲ့တယ်" ဖေဖေါ်ဝါရီ(၁) ရက် ၂၀၁၆ ဒီလှိုင်းစာစောင် အတွဲ(၅) အမှတ်(၅) မှ


ပါးစပ်ရာဇဝင်လို့ပဲ ပြောရမည်၊ ရှေးရှေးက နယ်မြေတွေကို ညီအကို သုံးယောက်က သုံးပိုင်းပိုင်းပြီး နေရာသတ်မှတ် အုပ်ချူပ်ဖို့ သဘောတူကြသတဲ့၊ ကိုယ့်ပိုင်နက်ကိုယိ့ဘာသာ စီမံခန့်ခွဲပြီး ညီရင်းအကို ချစ်ခင်မပျက် အုပ်ချူပ်ပြီး နေလာခဲ့တာ အခု ထိုင်းနိုင်ငံရယ်၊ တိုင်းယိုင် ( မြန်မာပြည်ပိုင်နက်ထဲက ရှမ်းလူမျိူးတွေနေတဲ့နေရာ) ၊ ပြီးတော့ လာအိုတဲ့၊ ယိုင်ဆိုတာက ထိုင်းဘာသာနဲ့ ကြီးတာ၊ ရှမ်းက အကိုကြီး၊ ထိုင်းက ဒုတိယ၊ လာအိုက ညီအငယ်ဆုံး အထွေးဆုံးပေါ့၊ ပါးစပ်ရာဇဝင်ဆိုတော့ မှန်မမှန် မသေချာပေမယ့် ထိုင်းလူမျိူးတွေက ရှမ်းကို ထိုင်းယိုင် ဆိုကာ သံယောဇဉ် ရှိပုံရသည်။
ဘာသာစကား အတော်လေး တူသည်။ ရုပ်ဆင်းအင်္ဂါ တူသည်။ အထူးသဖြင့် ဇင်းမယ် ၊ယနေ့ ချင်းမိုင်ဟု ခေါ်နေကြသည့် လန်းနားနယ်က လူတွေမှာ ရှမ်းလူမျိူးတို့ အနေအထိုင် ဝတ်စားဆင်ယင်မှု ဘာသာစကား တူညီကြသည်။ လာအိုက လော လူမျိူးတွေနှင့်လည်း ဘာသာစကား တူကြသည်။ လာအိုမှာ စာကလည်း ထိုင်းစာ၊ စကားပြောကလည်း ထိုင်းစကား ဖြစ်သည်။ အက္ခရာ စာလုံးအချိူ့ အရေးအသား မတူတာ အနည်းငယ် ရှိတာတွေ့ရသည်။ ကျောင်းသားတပ်မတော်မြောက်ပိုင်းက ရဲမေတယောက်ရဲ့ မှတ်တမ်းမှာ နယ်စပ်ကနေ ထိုင်း လာအို တို့ကို ပတ်ပြီး မြန်မာစစ်တပ်ကို ရှောင်ကွင်းရန် သွားခဲ့ရာ လာအိုက လူတွေနှင့် ရှမ်းလို ပြောရင်း ဆက်သွယ်ရာ စကားပေါက်၍ အဆင်ပြေသွားကြောင်း ဖတ်ရဖူးလေသည်။
ဗီဇာကိစ္စဖြင့် လာအိုနိုင်ငံသို့ ရောက်ရှိ သွားစဉ်မှာ အဆိုပါညီအကို ပါးစပ်ရာဇဝင်ကို သတိရသွားခြင်း ဖြစ်လေသည်။ တဆက်ထဲ အကိုကြီးနဲ့ ညီထွေးလေးက ဆင်းရဲကြရှာပါလား အတွေးဝင်မိသည်။ လာအိုနိုင်ငံကို သွားရတာ ယခုအခေါက်နှင့်ဆိုပါက (၃) ကြိမ်တိုင်ပြီဖြစ်သည်။ ထိုင်းနိုင်ငံရဲ့ ဥပဒေအရ သူ့နိုင်ငံသား မဟုတ်သူ နိုင်ငံခြားသားများမှာ ဗီဇာအကြောင်းအမျိူးမျိူးဖြင့် လာအိုနိုင်ငံကို ခေတ္တထွက်ရသည်မှာ ထုံးစံဖြစ်လို့နေသည်။ ထိုင်း လူဝင်မှုကြီးကြပ်ရေးရုံးမှ ဝန်ထမ်းတွေကိုယ်တိုင်ကပင် ဗီဇာသက်တမ်းကိစ္စ မေးမြန်းလာပါက လာအိုသို့ ထွက်ပါ၊ ပြီးမှ ဗီဇာယူပြီးပြန်လာဖို့ ပြောပြတတ်လေသည်။ ထိုနည်းဖြင့် လာအိုနိုင်ငံမှာ ဝင်ငွေရရှိနေလေသည်။ အလည်အပတ် ဗီဇာကို ဗီဇာကြေး ကင်းလွတ်ခွင့် သတ်မှတ်ထားသော်လည်း လာအိုသို့ ဝင်သည်နှင့် လူတစ်ဦးကို ဘတ်(၄၀) ကောက်ခံသည်။
ထိုင်းနိုင်ငံ အရှေ့မြောက်ပိုင်းရှိ ဥဒုံဌာနီဆိုသည့် မြို့နယ်ကတဆင့် နောင်ခိုင်နယ်စပ်မြို့အထိ အရောက်သွားကြရသည်။ ထိုင်း- လာအို နယ်စပ်တံတားမှာ မဲခေါင်မြစ်ကို ဖြတ်၍ တည်ဆောက်ထားတာဖြစ်သည်။ လာအိုနိုင်ငံရဲ့ မြို့တော် ဗီယန်ကျင်းနှင့် အနီးဆုံးခရီးပင်ဖြစ်သည်။ ဘန်ကောက်၊ ချင်းမိုင်အစရှိသည်တို့မှ တစ်ညအိပ်ခရီး ကားဖြင့် သွားကြရသည်။ ညနေ ၆နာရီခန့် ထွက်ပါက နောင်ခိုင် တံတားရှိရာ နံနက် (၆)နာရီဆို ရောက်ပါပြီ။ ထိုင်း- လာအိုတံတားက မနက် ၆နာရီကနေ ည(၈)နာရီအထိ နေ့စဉ် ဖွင့်လေသည်။ ဥဒုံဌာနီကို လေယာဉ်ဖြင့် လာရောက်ပြီး ဥဒုံဌာနီ လေဆိပ်မှ ကားဖြင့် နောင်ခိုင်ရောက်အောင် တစ်နာရီခရီးဆက်က ဘန်ကောက်၊ ချင်းမိုင်တို့မှ လေယာဉ်ခရီး တစ်နာရီ စုစုပေါင်း (၂)နာရီအကြာဆို နယ်စပ်တံတားကို ရောက်ပါပြီ။
ထိုင်း လူဝင်မှုကြီးကြပ်ရေးကောင်တာက ထိုင်းနိုင်ငံက အထွက် ဆိုတော့ အမေးအမြန်းမရှိ ဒုန်းကနဲ တုံးထု ပေးလိုက်လေသည်။ လာအိုသို့ အဝင်ကလည်း အလွန်လွယ်ကူပါသည်။ အာဆီယမ်နိုင်ငံအချင်းချင်း ဗီဇာကင်းလွတ်ခွင့် အစီအစဉ်အရ အလည်အပတ် ဗီဇာ နှစ်ပတ်( ၁၄) ရက် ပေးလေသည်။ ထိုရက်အတွင်း ထိုင်းနိုင်ငံသို့ ပြန်ဝင်ရန် လာအိုရှိ ထိုင်းသံရုံးမှာ ဗီဇာပြန်လျှောက်ရတာဖြစ်သည်။ လိုအပ်သည့် စာရွက်စာတမ်း အထောက်အထားတွေကိုတော့ တခါထဲ အဆင်သင့် ပြင်ဆင်ခဲ့ရတာဖြစ်သည်။
တံတားမှာ ဘတ်(၄၀)ပေးသွင်းပြီးက ဖြတ်သန်းခွင့် ကဒ်ပြားရသည်။ ထိုကဒ်ပြားဖြင့် စက်ကိုထဲ့လိုက်မှ ဝင်ပေါက်က အလိုလို ပွင့်လေသည်။ စက်ပစ္စည်းတွေကတော့ တိုးတက်သည်။ ထိုသို့ တိုးတက်တာ လွန်ခဲ့သည့် ခြောက်နှစ်ခန့်ကတည်းက သတိပြုမိသည်။ မြန်မာပြည်မှာ ဓါတ်ဆီဆိုင်တွေမှာ ကားတန်းရှည်ကြီးတွေ ကွေ့ကောက် တန်းစီ၊ ညအိပ်တန်းစီ နေရသည့်အချိန်မှာ လာအိုက ဓါတ်ဆီဆိုင်တွေက ဒီဂျစ်တယ်စက်များဖြင့် အချိန်မရွေး ရောင်းချပေးနေလေပြီ။ လက်ကိုင်ဖုန်းတွေ လူတိုင်း ကိုင်နိုင်နေပြီ၊ ဆင်းရဲတာချင်း တူသော်လည်း ထိုစဉ်ကတည်းက လာအိုက အနည်းငယ် တိုးတက်သည်ဟု ပြောရမည်။
" လာအိုက လူတွေက သနားပါတယ်နော်၊ သူတို့တွေကို အားတောင်နာတယ်" လို့ အတူပါသည့် မိန်းကလေးတစ်ယောက်က ဆိုလေရာ ဘာ့ကြောင့်လဲ ပြန်မေးမိသည်။
" လာအိုက လူတွေက ဆင်းရဲတယ်၊ နောက်ပြီး သူတို့ဆီကို လာတဲ့ ဧည့်သည်တွေက သူတို့ဆီ အလည်လာပြီး သူတို့ ယဉ်ကျေးမှု၊ စိတ်ဝင်စားစရာ သမိုင်းဝင်နေရာတွေကို လည်ပတ်ဖို့ထက် ရောက်တာနဲ့ ထိုင်းသံရုံးကိုသွား ဗီဇာဝင်၊ ဟိုတယ်မှာ တညအိပ် နောက်နေ့ ဗီဇာရတာနဲ့ အပြေးအလွှား ထိုင်းဖက်ကိုပြန်ကြတာလေ၊ သူတို့ တိုင်းပြည်ကို စိတ်ဝင်စားလို့ လာလည်ကြတာမှ မဟုတ်တာ" တဲ့၊
ဘယ်လိုပဲဖြစ်ဖြစ်၊ ဘာထွက်ကုန်မှ မရှိ၊ ကုန်းတွင်းပိတ်နိုင်ငံသေးသေးကလေးအဖို့ ပြည်ပကဝင်ငွေ ရရှိတာ ကောင်းတာပေါ့လို့ ပြန်ပြောမိသည်။ ဈေးဆိုင်တွေ ရောင်းရသည်။ ကားသမားတွေ ခရီးသည် ရသည်။ တည်းခိုခန်း၊ ဟိုတယ်တွေ အလုပ်ဖြစ်သည်။ တနေ့ တနေ့ တံတားကို ဖြတ်လာသည့် လူတွေကမနည်းလှ၊ လာအိုဘက် အခြမ်းရောက်ပြီး ဗီယန်ကျင်းမြို့တော်ကို ကားဖြင့် မိနစ်(၄၀)ဆိုက ရောက်ပြီ၊ လာအိုက ကားဆရာတွေ အလုပ်ဖြစ်သည်။ တံတားထိပ်ကနေ သံရုံးအရောက် (သို့) တည်းခိုမည့်နေရာအရောက် လူတယောက် ဘတ်(၁၀၀) ရသည်။ ဘတ်(၁၀၀)ဆိုပါက လာအိုငွေ ကစ်ပ်( ၂၂၀၀၀) နှစ်သောင်းနှစ်ထောင်ဖြစ်သည်။ တံတားပေါ်မှာ ဟိုဘက် ဒီဘက် နယ်စပ်ကူးဖို့ ဖြတ်သန်းမောင်းပေးသည့် ကားခပင် တစ်ဦး ဘတ်(၂၀) ရသည်။ (၁၀)မိနစ်ပင်မကြာ၊ ကားပေါ်တက်ရ ဆင်းရတာကမှ အချိန်ပိုကြာနေသေးသည်။ လာအိုသို့ လူတစ်ဦးဝင်ရောက်လာပါက တံတားပေါ်မှာပင် ဘတ်(၆၀) ရနေပြီ။
အစိုးရက ရရှိသည့် ငွေကို တိုင်းပြည်အတွက် ထိထိရောက်ရောက် အသုံးချပေးတဲ့ အစိုးရမို့သာ ဆင်းရဲပေမယ့် ခေတ်မီနေသေးသည်။ လမ်းတွေ ကောင်းသည်။ ရန်ကုန်လိုပဲ လမ်းတွေကျဉ်းသည်၊ ဒါပေမယ့် ညစ်ပတ်မနေ၊ လူတွေ ဆင်းရဲသည်။ လာအိုတွေမှာ ပုညှက်ညှက်သေးသေးလေးတွေ ပေမယ့် အသားအရည်လှပပြီး ရုပ်ရည် ချောမောကြသည်။ မြို့တော်ဗီယန်ကျင်းပင် မြန်မာပြည် မြေလတ်မြို့ကလေးနှင့် ခပ်ဆင်ဆင်တူသည်။ ဖုန်တထောင်းထောင်းနှင့် တုတ်တုတ်ခေါ် သုံးဘီးဆိုင်ကယ်များက သံချေးတွေကွာကာ ဆေးရောင်ပျယ်၍ အရောင်အဆင်းမရှိ၊ ဖုန်တထောင်းထောင်းကြားမှာ သွားကြလာကြ ရောင်းကြဝယ်ကြ၊ အဆိုပါ ဆင်းရဲသည့် လာအိုအောက်ကိုပင် မြန်မာပြည်က ရောက်နေတာ အံ့ဩစရာ၊ ဒါပေမယ့် ဒါကတကယ်ဖြစ်နေသည်။ ကိန်းဂဏန်း ၊ လေ့လာဆန်းစစ်ချက်အရ မြန်မာပြည်က အရှေ့တောင်အာရှမှာ အဆင်းရဲဆုံးနိုင်ငံဖြစ်နေလေသည်။
မြန်မာပြည်က အရှေ့တောင်အာရှမှာ သယံဇာတအပေါကြွယ်ဝဆုံး နိုင်ငံဖြစ်သည်။ တွင်းထွက် ကျောက်မျက်ရတနာများ၊ ကျွန်းသစ်အပါအဝင် သစ်နှင့် သစ်တောထွက်ပစ္စည်းများနှင့် စွမ်းအင်ဖြစ်သော သဘာဝဓါတ်ငွေ့များ၊ ရေအရင်းအမြစ်ကရရှိသော ငါး၊ ပုစွန် နှင့် ရေထွက်ပစ္စည်းများ စသဖြင့် ရေပေါ်ရေအောက်၊ မြေပေါ်မြေအောက် သယံဇာတတွေ ပေါ်ကြွယ်လှရာ အဘယ့်ကြောင့် ဆင်းရဲတွင်းသို့ ရောက်ရှိသွားရသနည်း၊ စင်္ကာပူဝန်ကြီးချူပ်ဟောင်း လီကွမ်ယုပြောခဲ့သလိုပင်၊ ဈေးဆိုင်ဖွင့်ရင်တောင် ရှုံးမည့်သူတွေ ဦးဆောင်ပြီး တိုင်းပြည်ကို အုပ်ချူပ်ခဲ့၍ ဖြစ်သည်။ ပြည်သူတွေအတွက် အကျိူးရှိရာ မလုပ်ပဲ အာဏာနှင့် လုပ်ပိုင်ခွင့်ကို အခွင့်အရေးယူပြီး ကိုယ်ကျိူးရှာသူတွေကြောင့် တိုင်းပြည် ဆင်းရဲရခြင်းဖြစ်သည်။
လာအိုနိုင်ငံနှင့် ယှဉ်ကြည့်သော် ဆင်းရဲတာခြင်းတူတာတောင်မှ ဆင်းရဲလည်း ပြောင်ပြောင်ဆိုသည့် ရှေးလူကြီးတွေ ပြောနေကြ စကားကို သတိရမိလေသည်။ မြန်မာပြည်သူတွေမှာ ရုတ်တရက် ယှဉ်လိုက်ပါက လာအိုထက် ချမ်းသာသည်ဟု ထင်ရသည်။ စားသောက်ဆိုင်တွေ၊ ဈေးဝယ်စင်တာတွေမှာ လူတွေကြိတ်ကြိတ်တိုးနေသည်။ သူတို့ဆီမှာ မရှိ။ သို့သော် လာအိုက ဈေးဆိုင်တွေမှာ ထင်း၊ မီးသွေး တို့ဖြင့် မီးခိုးတအူအူ ချက်ပြုတ်ရောင်းချနေတာ မတွေ့ရ၊ ဂက်စ်အိုးတွေဖြင့် သန့်သန့်ရှင်းရှင်း စနစ်တကျ ချက်ပြုတ်ရောင်းချတာ တွေ့ရသော် မနာလိုတောင်ဖြစ်မိသည်။ သူတို့တိုင်းပြည်က ဂက်စ်မထွက်ပဲ ဘာဖြစ်လို့ ဒီလို သုံးနိုင်ရတာလဲ မေးခွန်းထုတ်မိသည်။ ထိုင်းနိုင်ငံက ဝယ်သုံးတာဟု သိရသည်။ မြန်မာပြည်မှာတောင် အဲဒီလောက် လမ်းဘေးဈေးသည်အထိ တွင်တွင်ကျယ်ကျယ် မသုံးနိုင်သေး၊ ဒီဂက်စ်တွေ ဘယ်ကလာသလဲ လျှောက်တွေးရင်း အစိုးရကိုသာ စိတ်နာမိလေသည်။ စနစ်တခုရဲ့ ဆိုးကျိူး ကောင်းကျိူးမှာ ပြည်သူတွေရရှိသည့် ရလာဒ်က ဒါပဲဖြစ်သည်။ ဒါတောင် လာအိုနိုင်ငံက ကွန်မြူနစ်နိုင်ငံ ဖြစ်နေသည်။ ပြောင်းလဲချိန်တန်ပြီဆိုတာ ဘာကိုပြောတာလဲ ပြောင်းစရာ ကွန်မြူနစ်ပဲ ကျန်တယ်ဆိုသည့် ခေါင်းဆောင်ကြီးမျက်နှာ ပြေးမြင်မိသည်။
ပြည်သူတွေအပေါ် စေတနာ တခုမှမထား ပစ်ပယ်ပြီး ကိုယ့်လမ်းကိုယ်လျှောက်၊ ကိုယ့်ဘာသာရပ်တည်ဖြင့် ပညာရေး၊ ကျန်းမာရေး အစစချွတ်ခြုံကျခဲ့ရာ စည်းစနစ်တွေလည်းမရှိ၊ တရားဥပဒေစိုးမိုးမှုမရှိ ဖြင့် ကြာသော် အစိုးရက ဖျက်ဆီးလိုက်သည့် အကျင့်ပျက်ပြည်သူတွေ များလာကြသည်။ အမှိုက်ပုံနှင့် ကွမ်းတ့တွေးတွေ ပေကျံနေသည့် မြန်မာပြည်ကလမ်းတွေလို လာအိုမှာ မရှိ၊ ဆင်းရဲပေမယ့် အစိုးရက သူတတ်နိုင်သလောက် ပြည်သူကို စောင့်ရှောက်ထားသည့် အပေါ်မှာ လာအိုပြည်သူတွေ ခေတ်နဲ့အညီ လိုက်ပါနေထိုင်နိုင်ကြသည်။
တိုင်းပြည်အတွက် ဘာတခုမှ တိုးတက်ကောင်းမွန်အောင် မလုပ်ပဲ၊ တိုင်းပြည်သာ ချွတ်ခြုံကျခဲ့ရသည်။ အုပ်ချူပ်သည့် အာဏာပိုင်အဖွဲ့နှင့် အစိုးရဟူသော လူတန်းစားတရပ်သာ သားစဉ်မြေးဆက် သုံးမကုန်အောင် ချမ်းသာသွားကြသည်မှာ ဘယ်လိုမှ ဖုံးကွယ်၍ မရ၊ ဒီလို အစိုးရမျိူးကို ပြည်သူတွေညီညွတ်မှုဖြင့် ဖယ်ရှားနိုင်ခဲ့ပြီ။ နောင်တက်လာမည့် အစိုးရလက်ထက်က စပြီး ပြည်သူ့ဘဝ တိုးတက်လာလိမ့်မည်ဟု မျှော်လင့်မိသည်။ ပြည်သူတွေ တင်မြှောက်လိုက်သည့် အစိုးရလက်ထက်က စပြီး တိုင်းပြည်တိုးတက် ပြောင်းလဲလာပါက လာအိုဆိုသော ယခင်က အဆင်းရဲဆုံးနိုင်ငံငယ်ကလေးနှင့် ယှဉ်မရအောင် တိုးတက်လာနိုင်မည်ဟု တွေးနေမိသည်။ အတူသွားသည့်သူတွေထဲက စာရေးဆရာ သတင်းသမား တယောက်က သူ့အမြင်ကို ယခုလိုပြောသည်။
" ထိုင်းကို အမီလိုက်ဖို့ သိပ်တော့ မလွယ်သေးဘူး၊ အချိန်နဲနဲ စောင့်ရမယ်၊ လာအိုကိုတော့ NLD အစိုးရဖွဲ့ပြီး တစ်နှစ်အတွင်းမှာ ကျော်တက်နိုင်မယ်" လို့ ဆိုလေရာ စာရေးသူမှာ ဖုန်တထောင်းထောင်း ၊ တုတ်တုတ်အဟောင်းလေးပေါ်ကနေ တို့နိုင်ငံ ဒီနိုင်ငံကလေးရဲ့ အောက် စာရင်းရောက်နေရာက အခုပဲ လွတ်တော့မယောင် ဝမ်းသာသွားမိလေတော့သည်။
ခိုင်ခိုင်စောလွင်