July 31, 2016

" မြန်မာပြည်မှာ ရှိပါသည်" ၂၅ရက် ဇူလိုင် ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၂၈)မှ



၂၀၁၆ခုနှစ် နှစ်ဆန်းပိုင်းကနေ ဇူလိုင်လအထိ ခြောက်လတာ ကာလအတွင်းမှာ ခင်ပွန်းဖြစ်သူ ဆေးရုံတက်ရတာ သုံးကြိမ်သုံးခါ၊ ဒါတင်မက ဆီးချိူ ရောဂါရျိသည့်အတွက် ခွဲစိတ်ထားသည့် အနာကို မကျက်မှာစိုးရိမ်၍ နေ့စဉ် ဆေးရုံသွားကာ အနာဆေးထည့်တာက တစ်လစွန်းစွန်း ဆိုပြန်တော့ ဆေးရုံက ဆရာဝန်၊ သူနာပြု မပြောနှင့်၊ တံခါးစောင့်နှင့် ငွေရှင်းကောင်တာက စာရေးဝန်ထမ်း အမျိူးသမီးငယ်ကလေးတွေကပါ မှတ်မိနေလေတော့သည်။ သူတို့အထဲကမှ အင်မတန်သဘောကောင်းပြီး စိတ်ကောင်းရှိသည့် သူနာပြုအမျိူးသမီးကြီးက တရင်းတနှီးစကားတွေ ပြောလာတတ်သည်။ တရက်မှာတော့ " မင်းတို့ဆီမှာ ဒီလိုဆေးရုံရှိသလား" လို့ မေးလေသည်။ သူ့ရဲ့ မေးခွန်းက တစ်ခွန်းထဲပေမယ့် ဆေးရုံကအပြန်လမ်းမှာ အတွေးတွေက တဆင့် မေးခွန်းတွေ များစွာ ပေါ်လာမိလေတော့သည်။
အဆိုပါဆေးရုံမှာ မြန်မာပြည်၊ ရန်ကုန်မြို့ စမ်းချောင်းမြို့နယ်ထဲမှာရှိတဲ့ မဟာမြိုင်မှတ်တိုင်နားက ဆေးရုံထက် အနည်းငယ်ပိုကျယ်ရုံလောက် ရှိမည်။ အထပ်အမြင့်ကတော့ (၁၅) ထပ်ရှိသည်။ စိတ်ထဲမှာ ရေတွက်ကြည့်တော့ ဒီလိုဆေးရုံမျိူး မြန်မာပြည်မှာ အများကြီး ရှိတာပေါ့၊ ဒါ့ကြောင့် သူမေးလိုက်ကတည်းက မတုံ့မဆိုင်း " ရှိတာပေါ့ အများကြီး" လို့ ဖြေလိုက်သည်။ " အကြီးကြီးတွေရော ရှိလား" ဆက်မေးတာကို " ရှိတာပေါ့ အများကြီး ရှိပါတယ်" လို့ ဖြေရင်း စိတ်ထဲမှာ ပေါ့ပေါ့ပါးပါး မဖြစ်တာတော့အမှန်၊
သူတို့လည်းသိမှာပါပဲ ၊ မြန်မာတွေ ဘန်ကောက်က ဆေးရုံတွေမှာ ဆေးလာကုတာ၊ အခုချင်းမိုင်မှာတင် လာကုနေကြတာတွေလည်းမနည်း၊ ချင်းမိုင်မှာ အလုပ်ရှိလို့ နေထိုင်ရတဲ့ အတွက် ဒီမှာပဲ ဆေးလာကုတဲ့ မြန်မာတွေ မျက်စေ့ရှေ့တင် မြင်နေတွေ့နေရတာမနည်းမနော၊ သူတို့ဆေးရုံက တာချီလိတ်တစ်ဖက်ကမ်း မယ်ဆိုင်မှာလည်း ရှိတဲ့အတွက် အဆိုပါ နယ်စပ်ကဆေးရုံကို မြန်မာဘက်က ဆေးလာကုကြတာ၊ ရောဂါကြီးက ချင်းမိုင်ဘက်ကို လွှဲလို့ ရောက်လာကြတာ စတာတွေ တွေ့ကြုံရမှာပင်၊ သူက မြန်မာပြည် တခါမှ မရောက်ဖူးပါ ပြောထားဖူးသည့်အတွက် မြန်မာပြည်မှာ ဒီလို ဆေးရုံမျိူး မရှိလို့ ထင်နေဟန်တူပါသည်။
ဒီလိုပါပဲ၊ မြန်မာပြည် ဒေသအသီးသီးက လူတွေ ဆင်းရဲလှသည့်အတွက် ထိုင်းမှာ အလုပ်လာလုပ်ကြတာမှာ အောက်ခြေအလုပ်တွေ လုပ်ကြရတာဆိုတော့ အိမ်အကူ၊ သန့်ရှင်းရေး၊ ဈေးဆိုင်အကူ ၊ ဆောက်လုပ်ရေးမှာ ပန်းရံ အုတ်သယ် စတာတွေပဲ လုပ်တာမြင်တော့ ကျမတို့ကို ဈေးရောင်းတာလား မေးတာ မကြာခဏ ကြုံရသည်။ ကလေးတွေက ချင်းမိုင်တက္ကသိုလ်မှာ ကျောင်းတက်တယ်ဆိုတော့ မြန်မာပြည်မှာ တက္ကသိုလ်ရှိလားတဲ့ ၊
တချိန်က ရန်ကုန်တက္ကသိုလ်ဆိုတာ ထိုင်းနိုင်ငံရဲ့ လူဂုဏ်ထံအသိုင်းအဝန်းက သားသမီးတွေသာ တက်နိုင်ကြတာ လို့ ပြောပြမှ သူတို့ အတိတ်ကို ပြန်သတိရပြီး ဟုတ်သားပဲလို့ ပြန်ပြောတတ်သည်။
" လေဆိပ်ရော ကြီးကြီး ရှိရဲ့လား"
" ရှိတာပေါ့ တချိန်က ရန်ကုန်လေဆိပ်ကနေ တခြားနိုင်ငံကို လေယာဉ်ပြောင်းစီးသွားရတာလေ အခု ဘန်ကောက်လိုပေါ့" တချိန်ကလေ ရှိတာပေါ့၊ တချိန်က ဖြေရပါသည်။ ကြွားလို၍ မဟုတ်ပါ၊ ရှိတာဟာရှိတာပေါ့၊
ရွှေတိဂုံဘုရားက အကျယ်ကြီးပဲဆို ရောက်ဖူးချင်တယ် အပြောကို ဘယ်လောက်ကြီးကြောင်း ၊ ထိုင်းမှာ ရွှေတိဂုံလို ဘုရားမျိူး တစ်ဆူမှမရှိကြောင်း ပြောပြရင်း ကျေနပ်ဂုဏ်ယူရပြန်သည်။ သို့သော် ရောက်ဖူးသူအချိူ့က မြန်မာပြည်က ထင်သလောက် မဆင်းရဲပါဘူး၊ လူတွေလည်း ပျော်ကြပါတယ်၊ အဆောက်အဦတွေ ခေတ်မီပါတယ်၊ ဟိုတယ်တွေအပါအဝင် ဈေးဝယ်စင်တာတွေ ထိုင်းမှာရှိတာတွေ အားလုံးရှိသားပဲ ဒါပေမယ့် ဈေးတွေက ခေါင်ခိုက်နေတယ် အပြောဖြင့် အဆုံးသတ်ပြန်သည်။ မြန်မာပြည်က အပြန် ဘာမှဝယ်မလာတဲ့အကြောင်းနဲ့ ဈေးဝယ်စင်တာတွေမှာ သကြားကအစ ထိုင်းနိုင်ငံက၊ ဆီ၊ ခေါက်ဆွဲခြောက် နောက်ဆုံး အိုဗာတင်းနဲ့ ကလေးစားတဲ့ ဘီစကစ်ကအစ ကအစ ထိုင်းတံဆိပ်တွေချည်းပဲလေ အပြောကို နာလိုခံခက် ဖြစ်ရပြန်သည်။
ရှိတော့ရှိတယ် ရှားတယ်တဲ့၊
လွှတ်တော်ထဲက သတင်းတစ်ခုမှာ နားထောင်လိုက်ရသည်၊ မြန်မာလူမျိူးတွေ ထိုင်းနိုင်ငံမှာ နှစ်စဉ် ဆေးကုသတဲ့ စားရိတ်မှာ တစ်နှစ်ကို အမေရိကန်ဒေါ်လာ သန်း(၃၀၀) ရှိပါသတဲ့၊ ကိုယ့်တိုင်းပြည်က ငွေတွေ စီးဆင်းကုန်တာ ဖြစ်သည်။ နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်ရဲ့ ထိုင်းနိုင်ငံ ခရီးစဉ်တုန်းက ဘန်ကောက်မှာ ပြောသွားတာ တခုသတိရမိသည်။
မြန်မာလူမျိူးအချိူ့ ဘန်ကောက်မှာ ဆေးလာကုတာသိရတော့ သူက အဲဒီလူတွေကို မေးကြည့်မိပါတယ်တဲ့၊ မြန်မာပြည်မှာ ဒီလိုဆေးရုံတွေ မရှိလို့လား မေးတော့ ရှိပါတယ်ဖြေတယ်တဲ့၊ စက်ပစ္စည်း ဆေးဝါးတွေရော မရှိကြလို့လား ဆိုတော့ ရှိပါတယ်၊ ဒါဖြင့် အားလုံးအတူတူ ရှိပါလျက်နဲ့ ဘန်ကောက်မှာ ဘာဖြစ်လို့ ဆေးလာကုကြသလဲ မေးတော့ " ယဉ်ကျေးကြလို့ပါ" လို့ ဖြေကြသတဲ့၊
ဒါလေးတစ်ခုကိုတော့ အပြည့်အဝ ထောက်ခံမိလေသည်။ ဆေးရုံတွေမှာ ဆရာဝန်တွေ၊ သူနာပြုတွေ အော်ဟစ်နေကြတာ မရှိပါ၊ သူများကိုလည်း မအော်သလို အချင်းချင်းလည်း မအော်ပါ။ တိတ်ဆိတ်ငြိမ်သက်ခြင်းနှင့် ဂရုစိုက်ခြင်းသည် ရောဂါဝေဒနာခံစားနေရသူအတွက် ဆေးတပါး ဖြစ်လေသည်။ အလုပ်တွေကို တိတ်ဆိတ်ဆိတ် အေးအေးဆေးဆေး လုပ်တတ်ကြအောင် နှစ်ပေါင်းများစွာ အလေ့အကျင့် ရခဲ့တာဖြစ်သည်။ ဆေးရုံကို တလလုံး နေ့စဉ် ရောက်ခဲ့ရသည့်အတွက် ဆရာဝန်၊ သူနာပြုတွေ အပါအဝင် ဆေးရုံ ဝန်ထမ်းအားလုံးမှာ တမင်လုပ်ပြနေတာမျိူးမဟုတ်ပဲ ဗီဇ၊ ပတ်ဝန်းကျင် စနစ်၊ ဝါသနာ ပညာတွေကြောင့် ဆိုတာ သိလာရလေသည်။ နောက်တခုက သူတို့ကို မနာလိုစရာ ကောင်းလောက်အောင် ဖြစ်ရတာက ကောင်းမွန်သည့် စနစ်အောက်မှာ ရှင်သန်ခဲ့ကြရတာကိုပဲ ဖြစ်သည်။
ထိုင်းလူမျိူးတွေနှင့် ဆက်ဆံပြောဆိုရတိုင်း သူတို့ဆီမှာ ရှိတာတွေ ကိုယ့်တိုင်းပြည်မှာ ရှိလား မေးခံရတိုင်း ရှိတယ် ရှိတာပေါ့ အများကြီး ဖြေရသည့် အဖြေအပေါ်မှာ ကိုယ့်ကိုယ်ကို ပြန်ပြီး မေးခွန်းထုတ်မိသည်။ အတွေးနယ်ချဲ့မိသည်။ ထိုင်းနိုင်ငံက ဟိုတယ်ကြီးတွေ အဆောက်အအုံကြီးတွေဆီက အကောင်းစား သစ်သားပုရုပ်တွေ၊ စားပွဲကုလားထိုင်တွေ မြင်ရတိုင်း တို့ဆီက ပစ္စည်းတွေလား အမြဲ တွေးမိသည်။ ပြည်တွင်းစစ်မီး နဲ့တကွ လက်နက်ကိုင် အဖွဲ့အစည်းတွေကြောင့် နယ်စပ်ဒေသက သစ်တွေအပါအဝင် အဖိုးတန်ရတနာတွေ မှောင်ခိုးဈေးဖြင့် တဖက်နိုင်ငံ ရောက်သည်။ မြန်မာပြည်သူတွေ ထိုင်းနိုင်ငံက ထုတ်သည့် ကြိတ်သားတွေ ဖြစ်သည့် စားပွဲ၊ ကုလားထိုင် အိမ်ထောင်ပရိဘောဂတွေ သုံးကြရသည်။ ရှိခြင်း၊ မရှိခြင်းဆိုတာ ဘာ့ကြောင့်လဲ၊
ညဈေးတန်းတွေမှာ ကျောက်တွေမျိူးစုံဖြင့် လက်ဝတ်ရတနာ လေးတွေ မြင်ရတိုင်း ထိုင်းမှာ ကျောက်စိမ်းထွက်သလား၊ ပတ္တမြားနီလာ ထွက်သလား မေးမိရသည်။
တလောက လမ်းလျှောက်ကအပြန် မြစ်ဘေးမှာရိုက်တဲ့ပုံလေး ဖေ့စ်ဘွတ်လိုက်ရာ မြန်မာပြည်က မိတ်ဆွေ တစ်ယောက်က လှမ်းမေးသည်။ အဲဒါ ဘာချောင်းလဲတဲ့ ၊ အဲဒါ ချောင်းမဟုတ်ဘူး မြစ်ဆိုတဲ့ အဖြေကို သူကအံ့ဩသည်။ ထိုင်းမှာ မြစ်လို့ သတ်မှတ်ထားတာတွေက မြန်မာပြည်က ချောင်းလောက်ပင်မကျယ်၊ ကျမတို့ လမ်းလျှောက်နေကျ မြစ်ပင် ဟိုဘက်ကမ်းဒီဘက်ကမ်း လှမ်းမြင်ရသည့် အပြင် တဖက်ကမ်းက စကားပြောသံကိုပင်ကြားနေရလေသည်။
ရန်ကုန်က ငမိုးရိပ်ချောင်းပင် တဖက်ကမ်းကို တဖက်က မမြင်ရ၊ အကျယ်ကြီးဖြစ်သည်။ မြစ်ဆိုက ပြောဖို့ရာမလို၊ သို့သော် ထိုင်းလူမျိူးတွေက သူများနိုင်ငံက ချောင်းလောက်ပင်မကျယ်သည့် ရေပြင်လေးကို တန်ဘိုးထားသည်။ အသုံးချတတ်သည်။ မြစ်တွေကို အရှေ့က မယ့် ထည့်ခေါ်တာသာကြည့်၊ မယ့်ဆိုတာ ထိုင်းစကားမှာ " အမေ" ဖြစ်သည်။ အိမ်နားက " မယ့်ပင်းမြစ်" ကလေးမှာ နိုင်ငံခြားသားတွေ အလှဆင်ထားသည့် မော်တော်လေးတွေပေါ်ကနေ မြစ်ထဲ လှည့်ပတ်ကြည့် ဓါတ်ပုံရိုက်တာ မြင်တော့ အမိဧရာဝတီကို သတိရသည်။ ချင်းတွင်းကို အောက်မေ့သည်။ သံလွင်၊ စစ်တောင်း ရှိရာကို ခေါ်သွားပြီး " တို့ဆီက မြစ်တွေပေါ့" လို့ ခေါ်ပြချင်သည်။ မြစ်သေးသေးလေးကနေ ဝင်ငွေရအောင်၊ အလုပ်အကိုင်တွေ ရအောင် လုပ်တတ်ကြတာ ကြည့်ပြီး အားကျမိသည်။
" တို့ဆီမှာ ရှိတာပေါ့ အများကြီး " မကြာခဏ ရေရွတ်မိရပြန်သည်။
မော်တော်မောင်းသည့် အလုပ်သမားတွေ၊ မော်တော်ပေါ်က ဝန်ထမ်းတွေဖြစ်တဲ့ မြန်မာပြည်သားတွေ စိတ်ထဲရော ဘယ်လိုများခံစားနေရသလဲ သိချင်စမ်းပါဘိသည်။ တလောက တွေ့လိုက်ရသည့် ကာတွန်းတစ်ကွက် ကို ပြန်မြင်ယောင်မိသည်။ ဆုံလည်ကို တွန်းသည့်ပုံစံဖြင့် ကာတွန်းဆွဲထားသည်။ အပေါ်မှာ ထိုင်းလုပ်ငန်းရှင်တွေက ဇိမ်နှင့်ထိုင်နေပြီး အောက်ခြေက ဆုံလည်လက်တံတွေကို တွန်းပြီး သွားနေသူတွေက မြန်မာနိုင်ငံအလံနှင့် လူတွေ ဖြစ်နေတာ သရုပ်ဖော်ထားသည်။ ထိုင်းနိုင်ငံရဲ့ စီးပွားရေး ယန္တယားကို မောင်းနှင်သူတွေက အောက်ခြေမှာ မြန်မာနိုင်ငံအလံ တွေ နှင့်လူတွေချည်း ဖြစ်နေသည်၊သတင်းစာနာမည်တော့ မမှတ်မိတော့ပါ၊ သို့ဖြင့် သူများနိုင်ငံရဲ့ အောက်ခြေယန္တယားကို မြန်မာတွေ မောင်းနှင်တတ်ရင် ကိုယ့်တိုင်းပြည်မှာ မောင်းခွင့်ရရင်ရော အပြေးပြန်မောင်းကြမှာလား၊ ဒီယန္တယားတွေဖြင့် သူတို့ဆီမှာ ရှိတာတွေ ကိုယ့်ဆီမှာလည်း ရှိလေသည်၊ ဘာလိုသေးသနည်း။ သို့သော် လောလောဆယ်မှာတော့ မြန်မာပြည်မှာ ရှိနေတာပဲ ရှိသေးသည်လို့ပဲ ဖြေရပါလိမ့်မည်။
ခိုင်ခိုင်စောလွင်

" ကိုယ်ရွေးသီရာ" ၁ရက် ဩဂုတ်လ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၂၉)မှ

ကိုယ်ရွေးသီရာ"

  ပြီးခဲ့တဲ့ အပတ်က ဆောင်းပါးမှာ  ချင်းမိုင်က ပြနေကျ ဆေးရုံအကြောင်း အနည်းငယ် ရေးလိုက်ရင်း ဆေးရုံက ဝန်ထမ်းတွေရဲ့ အကြောင်း ပြောပြလိုစိတ် ဖြစ်လာမိလေသည်။ ယခုတစ်ကြိမ်ပါ ထည့်တွက်က ရက်ပေါင်း (၄၀)ကျော် ဆေးရုံကို နေ့စဉ် မပျက်မကွက် သွားနေရတဲ့အတွက် သူတို့ရဲ့ နေထိုင်မှု၊ လူနာနဲ့နိစ္စဒူဝ ပြောဆို ဆက်ဆံမှုသာမက သူတို့ရဲ့ စိတ်နေသဘောထားလေးတွေကို မြင်သိလာရသည်။ ထိုအခါမှ ကိုယ့်ဆီက ဝန်ထမ်းတွေနှင့် ဘယ်နေရာတွေ ကွာခြားပြီး ဘယ်နေရာမှာ တူနေတာလဲ ဆိုတာ ပိုပြီး သိခွင့်ရလာပါတော့သည်။ ကိုယ့်တိုင်းပြည်က ဆရာဝန်တွေ၊ သူနာပြုတွေ၊ ဝန်ထမ်းတွေ မကောင်းတာ ပြောလိုတာမဟုတ်တဲ့အပြင်  ဆေးပညာ ၊ ကုသမှုတွေ ခေတ်မမီလို့ မဆိုလိုပါ။ မြန်မာပြည်မှာ ခေတ်မီစက်ကရိယာနှင့်တကွ ဆေးဝါးပြည့်စုံသော အထူးကုဆေးရုံတွေ များစွာ ရှိတာကို သိပါသည်။ တကယ်တော့ ရုပ်ဝတ္ထုတွေ ဖွံဖြိုးတာထက် စိတ်အခြေခံ ဖွံဖြိုးဖို့ ပိုပြီး အရေးကြီးတာကို ဆိုလိုချင်တာသာ ဖြစ်ပါသည်။
                              
                              
     ၂၀၁၆ခုနှစ် ဇူလိုင်လ(၂၁)ရက်နေ့က နေပြည်တော်၊ အားကစားလေ့ကျင့်ရေး စခန်းမှာ ကျင်းပတဲ့ " ပညာရေးမြှင့်တင်မှု အကောင်အထည်ဖော်ရေး နှီးနှောဖလှယ်ပွဲ အခြေခံပညာကဏ္ဍ အခမ်းအနား" မှာ နိုင်ငံတော် အတိုင်ပင်ခံပုဂိုလ် ဒေါ်အောင်ဆန်းစုကြည်က မူလတန်းအဆင့် ဆရာ/ ဆရာမများကို ရည်ညွှန်းပြီး ပြောသွားတဲ့ စကားကို သတိရမိလေသည်။  အဲဒီ အချက်ကလေးထဲက အခြေခံဆိုတာကို အင်မတန် သဘောကျမိလေသည်။ 
" ဒီအခြေခံရဲ့ အခြေခံမှာ ပါဝင်တဲ့ပုဂ္ဂိုလ်များ အားလုံးဟာ စေတနာပါရမယ်။ စေတနာဆိုတာ ယုံကြည်မှုနဲ့လည်း ဆိုင်တယ်။ ငါတို့လုပ်တဲ့အလုပ်ဟာ တကယ်တန်ဖိုးရှိတယ် ဆိုတဲ့ဟာကို ယုံကြည်မှ စေတနာနဲ့ လုပ်နိုင်မှာပါ။ " တဲ့ အဆိုပါ  တန်ဘိုးရှိလှသည့် စကားမှာ ဆရာ/ ဆရာမတွေသာမက လူ့ပတ်ဝန်းကျင် အားလုံးကို ကိုယ်စားပြု ပြောသကဲ့သို့ ကိုက်ညီလှပေသည်။
တကယ်တော့ ကိုယ်လုပ်တော့မယ့် အလုပ်တစ်ခုအပေါ် ဝါသနာပါလို့ လုပ်ဖြစ်တဲ့ အခါ အမြဲတန်း ပျော်ပျော်ရွှင်ရွှင်နဲ့  စိတ်နှစ်ပြီး လုပ်ကြတာကို တွေ့မြင်ရလေသည်။
                           အဆိုပါ ဆေးရုံမှာ ပုဂလိက ဆေးရုံဖြစ်သည်။ ပုဂလိက ဆိုသော်လည်း  ချင်းမိုင်ရှိ ဆေးရုံများစွာအနက် ကျန်းမာရေးအာမခံ အသက်သာဆုံးသော ဆေးရုံဖြစ်သည့်အတွက် အစိုးရဆေးရုံနှင့်မခြား လူတန်းစားမရွေး၊ ဆင်းရဲ ချမ်းသာမရွေး လာရောက် ဆေးကုသခံကြတာ တွေ့မြင်ရပါသည်။ အခြားဆေးရုံတွေမှာက အနည်းဆုံး ကျန်းမာရေးအာမခံ တစ်လ ဘတ်(၇၅၀) ပေးသွင်းရချိန်မှာ အဆိုပါ ဆေးရုံက လူတစ်ဦးအတွက် ကျန်းမာရေး အာမခံ တစ်လဘတ်(၅၀၀) ( မြန်မာငွေ တစ်သောင်းခုနှစ်ထောင်ကျပ်ဝန်းကျင်ခန့်) သာရှိလေသည်။

                      ချင်းမိုင်မြို့ရဲ့ နာမည်ကျော် "မယ့်ပင်းမြစ်"  နံဘေးမှာ ရှိသည့် အဆိုပါဆေးရုံမှာ  ( ၁၅)ထပ်ရှိသည့် အဆောက်အဦဖြစ်သည်။   (၁၀)ထပ်မှာ  ဆေးရုံဆင်းသည့် လူနောတွေ ငွေရှင်းရသည့် အထပ်ဖြစ်သည်။ ငွေရှင်းရန် လို့ မြန်မာစာဖြင့် ရေးထားရုံမက ထိုင်း၊ အင်္ဂလိပ်၊ တရုတ်ဘာသာတို့ဖြင့်ပါ ရေးသားလမ်းညွှန်ထားသည်။ (၉) ထပ်ကနေ (၅)ထပ်အထိက ဆေးရုံတက် လူနာများအခန်းတွေဖြစ်ပြီး (၄)ထပ်မှာ ကလေးလူနာ ပြင်ပဌာန၊ (၃)ထပ်မှာက ခွဲစိပ်ခန်းနှင့် (ICU) ခေါ် အရေးပေါ်ကြပ်မတ်ခန်း၊ (၂)ထပ်မှာက တခြမ်းက သွားဘက်ဆိုင်ရာ ဌာနဖြစ်ပြီး နောက်တခြမ်းက mini mart ( ကုန်စုံဆိုင်အသေးစား) တဆိုင်နဲ့ စားသောက်ဆိုင် ရှိလေသည်။ အောက်ဆုံးထပ်မှာကတော့ ဆေးရုံကို ဝင်လိုက်တာနှင့် ဘယ်ဘက်အခြမ်းက ပြင်ပလူနာဌာန၊ ညာဘက်အခြမ်းက အရေးပေါ်လူနာဌာန တို့ ဖြစ်လေသည်။ အလည်ခေါင်တည့်တည့်မှာ ကောင်တာအဝိုင်းကြီးတစ်ခုရှိပြီး ယူနီဖောင်းဝတ် ဝန်ထမ်းတွေ ငါးဦးခန့် အမြဲ ထိုင်နေသည်။ သူတို့ဆီမှာ စာရင်းသွင်းပြီး လိုအပ်သည့်နေရာကို သွားရတာ ဖြစ်သည်။ လူနာဟောင်းဆိုက စကားတစ်လုံးမှ ပြောစရာမလိုပဲ ဆေးရုံကဒ်ပြားလေးပြ၊ စာရင်းသွင်းပြီး ပြင်ပလူနာကုဌာနမှာ ထိုင်စောင့်ရုံပင်၊ သူတို့ဘာသာ ကွန်ပြူတာထဲက အချက်အလက်တွေပြန်ရှာ၊ မှတ်တမ်းဖိုင် စာရွက်တွေ ထုတ်သူကထုတ် အဆင့်ဆင့် သွားတာဖြစ်သည်။  ပထမ အဆင့် သူနာပြုတွေက ပေါင်ချိန်၊ အဖျားတိုင်း၊ သွေးပေါင်ချိန်ထားပြီး ဆရာဝန်နှင့် တွေ့၊ ပြီးက ငွေရှင်းကောင်တာ သွား၊ ဆေးထုတ် ပြီးလေပြီ။
                     ဓါတ်မှန်ရိုက်ဖို့၊ သွေးစစ်ဖို့နဲ့ တခြား စစ်ဆေးစရာတွေ ရှိပါက သူနာပြုက လာဆိုကာ ခေါ်သွားပြီး လူလိုက်သွားပြီး ပြီးသည်။ ထွက်လာသည့် မှတ်တမ်းတွေကို လူနာက လိုက်ထုတ်စရာမလိုပေ၊ ဝန်ထမ်းတွေက အဆင့်ဆင့် ပို့ပေးရာ သက်ဆိုင်ရာ ဆရာဝန်ဆီ ရောက်သွားတာဖြစ်သည်။ လူနာတစ်ယောက်ထဲ အဖော်မပါလည်း ဖြစ်သည်။ ဆေးရုံရောက်သည်နှင့် သက်ဆိုင်ရာ ဝန်ထမ်းအသီးသီးက တာဝန်ယူလုပ်ဆောင်သွားကြတာ အကွက်စေ့သည်။ ကိုယ့်အလှည့်ရောက်သွားလည်း မပျင်းရ၊  ဖွင့်ထားသည့် တီဗွီ ထိုင်ကြည့်နေယုံသာ။ တချိူ့ဆိုပါက သူတို့နာမည်ခေါ်တာပင် မျက်လုံးက တီဗီဖန်သားပြင်က မခွာပဲ ရှိလေသည်။ ရောဂါကိုပင် ခေတ္တမေ့သွားပုံပင်။
              အခုလို  နေ့စဉ် ဆေးထည့်ရသည့် အခါ  အရေးပေါ်ခန်းမှာထည့်ရတာဖြစ်ပြီး ဆရာဝန်ချိန်းသည့် စာရွက်ကလေး ပြလိုက်သည်နှင့် စာရင်းသွင်းပြီး အရေးပေါ်ခန်းဖက် သွားပါ ပြောသည်။ အရေးပေါ်ခန်းမှာ ဆရာဝန်နှင့် ဆေးဝန်ထမ်းတွေ ဆယ်ဦးခန့် အမြဲရှိသည်။ အဆိုပါ အခန်းမှာ အရေးပေါ် လူနာကြည့်တာနှင့် အနာဆေးထည့်တာတွေ လုပ်ပေးတာဖြစ်သည်။ အများအားဖြင့် ဆေးလာထည့်သူတွေမှာ ဆိုင်ကယ်မတော်တဆမှုတွေကြောင့် လာကြသူတွေများလေသည်။ လူနာစောင့်သည့် နေရာမှာ ထိုင်စောင့်ရင်း အနာမျိူး (၉၆)ပါးမက ကျိူး ပဲ့ ထော့ တုံးလုံးပက်လက် မျိူးစုံ တွေ့ရလေသည်။ အဆိုပါ အရေးပေါ်ခန်းကို ရက်ပေါင်း(၄၀)မျှ နေ့စဉ်လာထိုင်ရင်း သူနာပြုတွေရဲ့ လှုပ်ရှားမှုတွေကို သေသေချာချာ သိခွင့်ရခဲ့လေတော့သည်။ အဓိက မြင်တွေ့ရတာကတော့ သူတို့မျက်နှာမှာ တခါမှ စိတ်ပျက်တဲ့ဟန်ပန် မတွေ့ရသလို  တခါမှ ဒေါသထွက်တာ မတွေ့ရတာကို အံ့ဩမိလေသည်။ အလုပ်လုပ်နေတာနှင့်မတူပဲ ကိုယ့်အိမ်မှာ အိမ်မှုကိစ္စတွေ ဝိုင်းလုပ်နေကြသည့် မိသားတစ်စုကို တွေ့ရသလို ခံစားရလေသည်။
             ဝန်ထမ်းတစ်ယောက်နှင့် တစ်ယောက် လက်ဆင့်ကမ်းခိုင်းနေတာ မတွေ့ရသည့်အတွက် ဘယ်သူက ရာထူးကြီးတယ်ဆိုတာပင် ခန့်မှန်းလို့မရ၊ ဆေးထည့်ပေးသည့် သူနာပြုက ဝှီးချဲနှင့်လူနာ ဝင်ရမည့်အလှည့်ကျချိန် ဝှီးချဲတွန်းသည့်လူ အနားမရှိက သူပဲ တွန်းသွားတတ်သည်။ မှတ်တမ်းဌာနက ကွန်ပျူတာဖြင့် ပို့လိုက်သည့် စာရွက်ကို သူတို့ဆီက ကွန်ပျူတာမှာ ပရင့် ထွက်လာတာနှင့် ရှိသည့်လူက သွားထုတ် နာမည်ခေါ်၊ လုပ်စရာရှိတာ ဆက်လုပ်၊ တစ်ယောက်မှ ထိုင်မနေ၊ ထိုင်စရာခုံလည်းမရှိ၊ တခါတလေ လူနာရှင်းက လူနာတွေထိုင်စောင့်ရသည့် ခုံမှာ ထိုင်ပြီး စကားတွေ လာပြောနေတတ်ကြလေသည်။ သူတို့ အတွက် နားနေခန်း ရှိသည်။ ထိုအခန်းမှာ အစားအသောက် ခေတ္တဝင်စားကြတာ တွေ့ရသည်။ ကျန်သည့် အချိန်မှာ စက်ရုပ်တွေလို မရပ်မနား လုပ်နေကြလေသည်။
             ဆေးထည့်တာမှာလည်း အခန်းကျယ်ကြီးတစ်ခုမှာ ကုတင်တွေ တန်းစီထားပြီး ဆေးထည့်သည့်အခါမှ ခန်းဆီးစကို ဆွဲစေ့ကြသည် ဖြစ်ရာ ဆေးထည့်ရင်း သူတို့အချင်းချင်း ဟိုဘက် ဒီဘက်  စကားလေးတပြောပြော၊ တချိူ့က သီချင်းလေးညည်းလို့ ဆေးထည့်ကြသည်။ အဆိုပါ ကုတင်တွေရဲ့ ခြေရင်း ဘက်အခြမ်းမှာ ဆရာဝန်ထိုင်ပြီး အရေးပေါ်လူနာကို လက်ခံကြည့်ရှုတာ ဖြစ်သည်။ ဆရာဝန်ရဲ့ ဘယ်ဘက်အကန့်လေးမှာ အရေးပေါ်ကုသပေးသည့် ကုတင်နှစ်လုံး ရှိသည်။ အဆိုပါ ကုတင်မှာ ခေတ္တကြည့်ရှုပေးပြီး လိုအပ်က ဆေးရုံတင်ဖို့ ဆေးသွင်း၊ လိုအပ်တာ တနေရာထဲမှာ အားလုံး လုပ်ကြတာဖြစ်သည်။ သူတို့အခန်း ပတ်ပတ်လည်မှာ ဓါတ်မှန်ခန်းကအသင့် ရှိသည်။ ဓါတ်မှန်က လူနာကို မပေး၊ ဆေးရုံမှတ်တမ်းမှာ သိမ်းတာဖြစ်သည်။ ဒါ့ကြောင့် ဆေးရုံလာသည့် လူနာတွေ စာရွက်စာတမ်းတွေ၊ ဓါတ်မှန်တွေ ကိုင်ပြီး ရောက်လာတာ မတွေ့ရ။
              အရေးပေါ်ခန်းမှာ အရေးပေါ် အုန်းကနဲဒိုင်းကနဲ သွေးရဲရဲသံရဲရဲ ရောက်လာတာ တခါမှ မတွေ့ခဲ့ရပေယ့် ဆိုင်ကယ်မှောက်ပြီး အရေးပေါ်ကားနှင့် ရောက်လာသည့် မိန်းကလေးတစ်ဦး ရောက်လာတာ ပထမဆုံး မြင်ဖူးရသည်။  လမ်းမှာကတည်းက ရှေးဦးပြုစု ကုသခဲ့သည့် အတွက် အမြင်မဆိုး၊ အဆိုပါ လူနာကို ဆေးထည့်သည့် အခန်းထဲပဲ ခေါ်သွားတာ ဖြစ်သည်။ လူနာမိန်းကလေးမှာ အဖော်မပါ၊ သူ့ကျောပိုးအိတ်နှင့် ဘိနပ်ပါမချန် ဆေးရုံကားပေါ်က ဝန်ထမ်းက စာရင်းနှင့်တခါထဲ သူနာပြုတွေထံ အပ်လိုက်တာဖြစ်သည်။ သည်။ ပြီးလျင် ထိုမိန်းကလေးကို ဆေးရုံတင်ဖို့ လုပ်လေတော့သည်။ ဘာလူမျိူးလဲ၊ ဘယ်သူလဲ ၊ ဘယ်နိုင်ငံသားလဲ မမေးသေးပါ၊ အရင်ဆုံး ကုသမှု အရင်လုပ်တာဖြစ်သည်။ ဒီတစ်ခုကတော့ ထိုင်းနိုင်ငံက ဆေးကုသသည့် အင်မတန် လေးစားထိုက်သည့် စနစ်တစ်ခုပဲ ဖြစ်သည်။ အသိမိတ်ဆွေထဲက နှစ်ယောက် ဒါမျိူးကြုံ၍ သိရတာဖြစ်သည်။
                      ပထမတစ်ယောက်က သတင်းသမားတစ်ယောက်၊ ချင်းမိုင်ကို အလည်လာရင်း  ဆိုင်ကယ်မှောက်သည်၊ သတိမရ၊ အနောက်ကတစ်စီးမှာ သူငယ်ချင်းပါလာတဲ့အတွက် ချက်ခြင်း ဆေးရုံပို့သည်။ ဆေးရုံက အစိုးရဆေးရုံ၊ ချက်ခြင်း လူနာကို ကုစရာတွေ ရှိတာ လုပ်စရာရှိတာ အားလုံးလုပ်သည်။  သတိမေ့နေတာကို ကုသမှုတွေ ပေးထားသည်။ အရေးပေါ်ခန်းကနေ အထူးကြပ်မတ်ဆောင်( ICU) ထဲထည့်သည်။ ကုန်ကျစားရိတ် ငွေရေးကြေးရေး ဆရာဝန်တွေ မမေးနှင့်၊ သူတို့က အသက်ကယ်သည့် အလုပ်သာလုပ်တာဖြစ်သည်။
             နောက်မှ လူနာမှတ်ပုံတင် စာရင်းသွင်းဖို့ လုပ်မှ မြန်မာနိုင်ငံသားမှန်းသိသည်။ ထိုအခါမှ  ကိုယ့်လူမျိူးတွေ နာမည်ကျော်တာ သိခွင့်ရလေတော့သည်။ ကြိုတင်ငွေ မည်၍မည်မျှ သွင်းထားပေးပါတဲ့၊ ဒါမျိူး အရင်က ထုံးစံမရှိပါတဲ့၊ ဒါပေမယ့် မြန်မာတွေက ဆေးရုံတက်လာ၊ ဆရာဝန်တွေက ကုသပေး၊ ပိုက်ဆံရှင်းကာနီးကျ ဘာမှမပြောပဲ ဆင်းသွားကြတယ်၊ မပေးနိုင်ဘူးဆိုရင်လည်း ပြောလို့ရတယ်၊ တစ်လကို ဘယ်လောက် ပြန်ပေးပါမယ်၊ ဒါမှမဟုတ် မည်သူမည်ဝါက အာမခံထားပါမယ်၊ ဘယ်အချိန်ကျမှ ငွေသွင်းပေးပါမယ် ပြောရင်လည်းရပါတယ်၊ ညှိလို့လည်း ရပါတယ်၊ ဒါပေမယ့် မပြောမဆို ဆင်းသွားတဲ့ အတွက်  ရောဂါ အခြေအနေ ပြန်ကြည့်လို့မရတဲ့ အပြင် ကုသမှုတွေ အခြေအနေ မသိရပြန်လို့  လူနာအခြေအနေ မသိလို့ စိတ်ပူရတယ်၊ ဒါ့ကြောင့် နောက်ပိုင်းမှာ မြန်မာနိုင်ငံသားဆိုရင် ကြိုတင်ငွေ ပေးသွင်းရပါတယ်လို့ ဆိုသတဲ့၊
                       နောက်တစ်ယောက်က ကျောင်းက ကျောင်းသားလေးတစ်ယောက် ဆိုင်ကယ်မှောက်ပြီး ခေါင်းထိ သတိလစ်ကာ အဆိုပါ ဆေးရုံသို့ရောက်နေသည်။ အထောက်အထားလည်း တစ်ခုမှပါမသွား၊ ဘယ်သူမှလည်း မသိကြ။ သူ့အိမ်က အဆက်အသွယ်မရတဲ့ အတွက် လိုက်စုံစမ်းမှ ဆေးရုံရောက်နေမှန်းသိသည်။ သိသည့်အချိန်မှာ အထူးကြပ်မတ်ဆောင်မှာ လိုအပ်သည့် ကုသမှုတွေပေးပြီး ကုထားပြီ ဖြစ်သည်။
              ယခု ဆေးရုံကတော့ အရေးပေါ်လူနာ ရောက်လာသမျှ ချက်ခြင်း လိုအပ်တာ ကုသပေးတဲ့အပြင် ပိုက်ဆံ ဒီလောက်ကျမယ် တတ်နိုင်လား တခါမှ မမေး၊ ကုစရာရှိတာ ကုပေးလိုက်တာပင်၊ အဓိကက လူနာ အသက်ရှင်ဖို့။ လောလောလတ်လတ် မကြာသေးခင် ရက်ကလေးကပဲ ကြုံလိုက်ရတာကနေ ပိုပြီး သိလိုက်ရတာ ဖြစ်သည်။ ထိုနေ့က  အရေးပေါ်ဆောင်မှာ  လူနာရှင်းသည်။ ထိုအချိန်မှာ အပြင်ဘက်မှာ ကားတစ်စီး ထိုးရပ်ပြီး လူသံတွေ စီကနဲ ကြားလိုက်ရသည်။ ရှိသည့် လူ လေးငါးယောက်က လန့်ပြီး ဘာပါလိမ့်ဆိုကာ လည်ပြန်လှည့်ကြည့်ကြသည်။ စာဖြင့်ရေးပြရတာမှ ကြာနေသေးသည်။ ထိုအခိုက်ကလေးမှာ အရေးးပေါ်က ဝန်ထမ်းတွေ ကိုယ့်ဆိုင်ရာ ပစ္စည်းတွေ ကိုယ်တွန်းကာ အရေးပေါ်ခန်းမကြီးကို ဆွဲဖွင့် ဝင်သွားကြလေသည်။ တွန်းလှည်းတွန်းသည့်လူကလည်း ခလုတ်နှိပ်လိုက်သည့်အလား ချက်ခြင်း  ကားအနီး ရောက်သွားသည်။ ဆေးရုံကား၊ အရေးပေါ်ကားနှင့်လာသည့် လူနာဆိုက ကြိုတင်သတင်းပို့ထား၍ ဘာဖြစ်တယ်ဆိုတာ ကြိုသိပြီး လိုအပ်တာ အေးအေးဆေးဆေး ပြင်ဆင်ထားတာ ဖြစ်သည်။  အခုက ဘာမပြောညာမပြော ဗြုန်းစားကြီး စီကနဲ အော်ဟစ်ရောက်လာတာမှာ ကောင်တာက ဝန်ထမ်းက အရေးပေါ်ခန်းဖွင့် တခါထဲပြော ကျန်သည့် သူနာပြုအသီးသီးက အသင့်ရှိသည့် ဆေးလှည်း၊ ပစ္စည်းကရိယာတွေ ယူကာ ဝင်ပြေးကြသည်။ ဆရာဝန်ကိုလည်း ပြေးခေါ်စရာမလို၊ အခန်းထဲက ဆရာဝန်က သူ့ဘာသာ လိုက်ဝင်သွားသည်။  တွန်းလှည်းပေါ်မှာ ပက်လက်ကလေး ပါသွားသူကို ကြည့်လိုက်တာ တုတ်တုတ်မှ မလှုပ်၊ လိုက်ပို့သူတွေက ဆောက်လုပ်ရေးလုပ်ငန်းခွင်က အလုပ်သမား အမျိးသမီးလေးတွေနှင့် အမျိူးသားလေးတွေ၊ လုပ်ငန်းခွင်ထိခိုက်မှု၊ ပြုတ်ကျတာ ဆိုလေသည်။ လာပို့သည့်လူတွေမှာ ရွှံတွေပေတလူးလူး၊ အခန်းတံခါး ပိတ်ပြီး ကုသနေချိန်မှာ သူတို့ကို စာရင်းသွင်းသည့်နေရာ သွားခိုင်းတဲ့ အတွက် ကဒ်ပြားတွေ ထုတ်နေတာ လိုက်ကြည့်မိသည်။ ပန်းရောင်အလုပ်သမားကဒ်၊ ဝပ်ပါမစ်က အပြာရောင်၊ ဘုရားဘုရား မြန်မာပြည်သားများလား၊ အဲဒီအချိန်မှာ ငွေရှင်းဖို့ ကောင်တာကနာမည်ခေါ်နေတဲ့ အတွက် သွားရှင်းတော့ သူတို့ကို မေးချိန်မရလိုက်၊
                     အားလုံးပြီးမှ  ခဏလေး သွားကြည့်လိုက်မယ်ဆိုကာ လိုက်ကြည့်တော့ တစ်ယောက်မှ မရှိကြတော့၊ အခန်းထဲမှာတော့ ဆရာဝန်နဲ့ သူနာပြုတွေ အသက်လုနေကြတာ သေချာသည်။ သူဘယ်သူလဲ ဘာလူမျိူးလဲ မေးချိန် သိချိန်မရလိုက်၊ သေချာတာက ဆရာဝန်တွေ ဆေးဝန်ထမ်းတွေ အသက်တစ်ချောင်းကို ကယ်နေကြသည်။
                     ယခုလို ဝန်ထမ်းတွေ အမှုထမ်းတွေ ဘာ့ကြောင့် ဒီလို စိတ်အခြေအနေ ထားနိုင်ကြတယ်ဆိုတာကို ဆန်းစစ်နေမိသည်။
                        ထိုင်းနိုင်ငံမှာက အသက်မွေးဝမ်းကျောင်းပညာရပ်ကို သင်ယူနိုင်ဖို့ နည်းလမ်းအသွယ်သွယ် ဖွင့်ထားသည်။ အလယ်တန်းအဆင့် အောင်မြင်က အသက်မွေးဝမ်းကျောင်းပညာရပ် ဆီ ကူးပြောင်းနိုင်သည်။ အထက်တန်းအထိ ဆက်တက်ပြီး  အောင်မြင်က တဖန် အသက်မွေးဝမ်းကျောင်းတက္ကသိုလ်တွေဆီ သွားတာလည်းရှိသည်။ အခြား အသက်မွေးကျောင်း ဆိုင်ရာပညာနယ်ပယ်တွေ သင်ကြားပေးတာ များစွာလည်းရှိသည်။
" သက်မွေးဝမ်းကြောင်းပညာကို တန်ဖိုးထားတဲ့ နိုင်ငံတွေဟာ အင်မတန်မှ ဖွံ့ဖြိုးတိုးတက်တဲ့ နိုင်ငံတွေပါ။ ကျွန်မ အမြဲပြောပါတယ်။ ကျွန်မတို့ဟာ ရည်မှန်းချက်ကြီးဖို့ လိုပါတယ်။ အသက်မွေးဝမ်းကြောင်းပညာ ဘယ်လို ပုံစံနဲ့ ဖော်ထုတ်နိုင်လည်း၊ ခံယူနိုင်မလဲ စဉ်းစားတဲ့နေရာမှာ အကောင်းဆုံး၊ အတော်ဆုံးနိုင်ငံတွေကို ကြည့်စေချင်တယ်။ တချို့ကတော့ ပြောပါတယ်။ ကျွန်မတို့နိုင်ငံဟာ အခုမှ ဖွံ့ဖြိုးစပဲ ရှိသေးတယ်။ အင်မတန်မှ ပညာ ရေးနဲ့ပတ်သက်လို့ရှိရင် အဆင့်နိမ့်သွားနေပြီ၊ ဒါကြောင့် သိပ်ပြီးတော့ မြင့်မြင့်ကြီး မကြံပါနဲ့လို့ပြောတယ်။ ကျွန်မ ကတော့ အဲဒါကို လက်မခံပါဘူး။ အခုရတဲ့ အခွင့်အရေးကို သုံးပြီးတော့ အကောင်းဆုံးဖြစ်အောင်၊ အမြင့်ဆုံး ရောက်အောင် ကြိုးစားရမှာပါ။ တစ်နည်းအားဖြင့်ပြောရမယ်ဆိုရင် အစကနေ ပြန်ပြီးတော့ စနေရတာကြောင့်မို့ လို့ အနှောင်းသေချာအောင် အစကောင်းမှအနှောင်းသေချာတယ်ဆိုသလို အနှောင်းသေချာအောင် ကောင်း ကောင်းစဖို့ လိုပါတယ်။ အသက်မွေးဝမ်းကြောင်း ပညာဖွံ့ဖြိုးတိုးတက်ဖို့အတွက် ရည်မှန်းချက်ကြီးကြီးနဲ့ လုပ်စေချင်ပါတယ်။ အသက်မွေးဝမ်းကြောင်းပညာနဲ့ ပတ်သက်လို့ တကယ်ကိုအောင်မြင်တဲ့နိုင်ငံတွေကို ကြည့်ပြီးတော့ အဲဒီနမူနာတွေကို ယူစေချင်ပါတယ် ”

“ကျွန်မတို့ အစိုးရအနေနဲ့ ဘယ်လောက်ပဲ အားပေး အားပေး၊ ပညာရေးဝန်ကြီးဌာနအနေ နဲ့ ဘယ်လောက်ပဲ အသက်မွေးဝမ်းကြောင်းပညာကျောင်းတွေကို ဖွင့်ဖွင့်၊ ဘယ်လိုပဲကောင်းအောင် လုပ်လုပ် နိုင်ငံသူသားတွေဟာ အသက်မွေးဝမ်းကြောင်းပညာဆိုတာ ဒုတိယတန်းစားပညာပဲ၊ ဖြစ်နိုင်ရင်တော့ ငါတို့သား သမီးတွေကို တက္ကသိုလ်ဘဲ လွှတ်မယ်။ တက္ကသိုလ်အဆင့်မမီမှ အဲဒီသွားစေမယ်၊ အဲဒီစိတ်ဓါတ်တွေရှိမယ်ဆိုရင် တိုးတက်ဖို့ အောင်မြင်ဖို့ အင်မတန်မှ ခက်ပါလိမ့်မယ်။ ကျွန်မကိုယ်တိုင်ကတော့ အသက်မွေး ၀မ်းကြောင်းပညာ ကို အင်မတန်မှ လေးစားတယ်။ တန်ဖိုးထားတယ်။ အသက်မွေးဝမ်းကြောင်း ပညာစနစ်အောင်မြင်ဖို့ အားလုံးကနေ ၀ိုင်းဝန်းပြီး ကြိုးပမ်းပေးစေချင်ပါတယ်”
 ဇူလိုင် ၁၅ ရက်မနက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ မှာ ကျင်းပတဲ့ နည်းပညာ၊ သက်မွေးပညာရေးနှင့် လေ့ကျင့်ရေးဆိုင်ရာ နှီးနှောဖလှယ်ပွဲမှာ နိုင်ငံ တော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲတဲ့ အချက်အလက်တွေကို နားထောင်ရင်းက  အဓိကကတော့ ကိုယ်ဘာလုပ်မယ်၊ ဘာဝါသနာပါတယ်ဆိုတာကို မိမိဖာသာ ရွေးချယ်ခွင့်ရသည့်အတွက် ကိုယ်ယုံကြည်ရာကို စိတ်အေးလက်အေး စေတနာပါပါဖြင့် လုပ်ကိုင်နိုင်ကြတာ ဖြစ်မှာလို့  လူထုခေါင်းဆောင်စကားနှင့်ချိန်ထိုး တွက်ဆကြည့်မိလေတော့သည်။
ခိုင်ခိုင်စောလွင်

July 17, 2016

" အလေးပြုပါတယ်လေ"၁၈ရက် ဇူလိုင် ၂၀၁၆ခုနှစ်၊ ဒီလှိုင်းစာစောင် အတွဲ(၅) အမှတ်(၂၇) မှ



ဇူလိုင်(၁၉) ရက် အာဇာနည်နေ့ ရောက်ပါတော့မည်၊ ဒီနှစ်အာဇာနည်နေ့ကတော့ ထူးခြားသည်။ ကာလကြာရှည်စွာ မှေးမှိန်ထားသည့် ကာလကို လွန်မြောက်လာသည့် ပထမဆုံးနှစ်၊ ဆန်းစလလို ပွင့်လင်းလာသည့်ခေတ်၊ မြန်မာပြည်သူတွေ အခုမှ လွတ်လပ်ရေးရသည့်အလား ကျေနပ် ကြည်နူးရသည့် အချိန်မဟုတ်ပါလား၊ စစ်အာဏာရှင် အဆက်ဆက် အာဇာနည်နေ့ကို မှေးမှိန်သွားအောင်၊ အထူးသဖြင့် ဗိုလ်ချူပ်အောင်ဆန်းကို လူတွေ မသိတော့လောက်အောင် လုပ်ခဲ့ကြပေမယ့် အာဇာနည်မျိူး သေရိုးမရှိ ဆိုသည့်စကားအတိုင်း ဘယ်တော့မှ မသေခဲ့၊ ဗိုလ်ချူပ်ကို မှေးမှိန်အောင် လုပ်ခဲ့သူတွေသာ လူမသေခင် နာမည် သေခဲ့ကြရပြီး မျိူးရိုးလိုက်ပါ သမိုင်းသေကြလေသည်။ သံဝေဂရစရပါပင်။
" ဗိုလ်ချူပ်အောင်ဆန်း ဆိုတာ တကယ်ရှိတဲ့ လူလား"
လွန်ခဲ့သည့် အနှစ်နှစ်ဆယ်နီးပါးက အသက်(၇) နှစ်အရွယ် ကလေးတစ်ယောက်ရဲ့ အမေးကို ကြားရပြီး အဆိုပါကလေးကို ထိုတစ်ကြိမ်သာ မြင်သိခဲ့ပေမယ့် သေသေချာချာ ရှင်းပြဖြစ်ခဲ့တာ သတိရမိသည်။
စိတ်ထဲမလည်း ဒီအစိုးရ လုပ်ပုံဖြင့် နောက်လူငယ်တွေ အတွက် စိုးရိမ်စိတ်ဖြစ်မိသည်။ ၂၀၁၅ခုနှစ်မှာ အမျိူးသားဒီမိုကရေစီအဖွဲ့ချူပ် ရွေးကောက်ခံလိုက်ရခြင်းသည် တိုင်းပြည်အနာဂတ် အလင်းတန်းများ ပွင့်လန်းလာခြင်းပင်။
ထိုကလေးနှင့် ကိုယ့်ကိုယ်ကို ပြန်ယှဉ်ပြီး တွေးနေမိသည်။ ငယ်စဉ်က ကျမတို့အိမ်မှာ အထွတ်အမြတ်ထားသော ဓါတ်ပုံ နှစ်ပုံရှိသည်။ ဧည့်ခန်းကို ဝင်ဝင်ချင်း ညာဖက် ထိပ်ဆုံးမှာ ဗိုလ်ချူပ်အောင်ဆန်းပုံ၊ ပြီးတော့ အဖေ့ပုံ၊ စာရေးသူ သူငယ်တန်း ကျောင်းမတက်ခင်ကတည်းက ချိတ်ဆွဲထားတာ မှတ်မိပြီး ဘယ်အချိန်ကတည်းက ရှိနေခဲ့တာလည်း မသိပါ။ ဒါပေမယ့် ဗိုလ်ချူပ်အောင်ဆန်းကို သိနေခဲ့တာတော့ အမှန်၊ နောက်တခုက မိသားစု ဓါတ်ပုံ အယ်လ်ဘမ်ထဲမှာ ဗိုလ်ချူပ်တို့ မိသားစုပုံ ရှိလေသည်။ သူငယ်ချင်းတွေ အိမ်လာလည်ရင်း အယ်လ်ဘမ်ထဲက ဗိုလ်ချူပ်တို့မိသားစုပုံကို တွေ့က အမျိူးတော်တာလား အမေးကို မတော်ကြောင်း ပြောရင်း ကျေနပ်နေမိလေသည်။ အဖေ့စာအုပ်သေတ္တာထဲက ဗိုလ်ချူပ်နဲ့ ပတ်သက်ပြီး ရေးထားသည့် စာအုပ်တွေမှာ ကျမတို့ မောင်နှမတတွေရဲ့ ပြဌာန်းစာအုပ်လိုပင်။ မဖတ်ရသေးသည့်သူ မရှိ၊ အကြိမ်ကြိမ်ဖတ်ကြသည်၊ အကြိမ်ကြိမ် လွမ်းကြသည်။ အချင်းချင်း ဆွေးနွေးစရာ လူကြီး တစ်ယောက်ဖြစ်သည်။ ရင်ထဲအသဲထဲ စွဲနေအောင် လေးစားကြည်ညိုဖြစ်အောင် ပတ်ဝန်းကျင်မှာ အမှတ်တရတွေ ရှိနေသည်။
သူငယ်တန်းမှာ မုန့်ဖို့ ဆယ်ပြားရတော့ ခေါင်းနဲ့ပန်းမှာ ခေါင်းက ဗိုလ်ချူပ်၊ နောက် ငါးမူးစေ့၊ ပြီးတော့ တစ်ကျပ်တန် စသဖြင့် ဗိုလ်ချူပ်သည် တို့ဗိုလ်ချူပ်အဖြစ် ပတ်ဝန်းကျင်မှာ ရှိသည်။ ကျောင်းရောက်တဲ့အခါကျပြန်တော့ ဖေဖေါ်ဝါရီ(၁၃)ဟာ ဗိုလ်ချူပ်မွေးနေ့ပါ နဲ့စလို့ မျက်ရည်သွန်လို့ ဘဝင်ညှိုး ဇူလိုင်တစ်ဆယ့်ကိုး စတာတွေ သင်ရသည်။ စတုတ္ထတန်းရောက်တဲ့အခါ " ငါဟာ ဗမာ ငါဟာရာထူးနဲ့ဂုဏ်ကို မမက်ဘူး၊ တိုင်းပြည်နဲ့ လူမျိူးကို ဘယ်တော့မှသစ္စာမဖောက်ဘူး" အစရှိတဲ့ အဂ်လိပ်စစ်ဗိုလ်ချူပ်ကြီးကို ပြန်ပြောတဲ့ စကားကို မာန်ပါပါနဲ့ အလွတ်ရအောင် ဆိုကြည့်ရင်းကို ကြက်သီးထမိသည်အထိ သဘောကျရလေသည်။
နောက်ပိုင်းကျ စစ်အာဏာရှင်တို့ရဲ့ သဘောထားသေးသိမ်မှုကြောင့် အာဇာနည်နေ့ ဆိုတာကိုပင် မှေးမှိန်အောင်လုပ်လာကြတော့သည်။ လွတ်လပ်ရေးဗိသုကာဆိုတာကို သမိုင်းကနေ ဖျောက်ချင်လာကြသည်။ နှစ်စဉ် အာဇာနည်နေ့ ရောက်တိုင်း ခေါင်းဆောင်ကြီးများ လုပ်ကြံခံရချိန် နံနက် ၁၀နာရီ ၃၇ မိနစ်တိတိမှာ မြန်မာ့အသံက ဖွင့်နေကျ အလေးပြု ဥဩဆွဲတာကိုပင် ရပ်တန့်လိုက်လေသည်။ အဆိုပါ ဥဩသံနှင့် တဆက်ထဲ အဆိုတော် မေလှမြိုင်ရဲ့ " အလေးပြု" ပါတယ် သီချင်းကို ကြားရပါက လွမ်းလွမ်းဆွတ်ဆွတ်နှင့် ရင်ထဲ မချိအောင် ခံစားရသည်ကို တမ်းတမိသည်။ ၊ ဗိုလ်ချူပ်တို့ ပြောကြားခဲ့သည့် မိန့်ခွန်းတွေကိုလည်း ညဖက်သတင်းအပြီးမှာ နားထောင်ရကာ ဗိုလ်ချူပ်လို တိုင်းပြည်ချစ်စိတ်တွေ၊ ဗိုလ်ချူပ်စကားနားထောင်ပြီး ပြည်သူလူထုအတွက် အလုပ်လုပ်လိုစိတ်တွေ၊ ဗိုလ်ချူပ်ကို နှမျောတသ ချစ်ခင်လေးစားစွာဖြင့် စကားနားထောင်ကာ ပြည်သူပြည်သားကောင်းတစ်ယောက် အဖြစ် နေထိုင်ရမယ်ဆိုသည့် စိတ်တွေ တဖွားဖွားပေါ်ပေါက်လာရလေသည်။
အာဇာနည်နေ့မှာ ပြည်သူတွေ အလေးပြု ရအောင် မြန်မာ့အသံက ဥဩမဆွဲပဲ ပိတ်ထားတာ နှစ်ပေါင်းမည်မျှကြာသလဲ ပြန်တွေးကြည့်ရာ မြန်မာ့အသံမှာ တာဝန်ထမ်းသည့် ဝန်ထမ်းသက်(၁၅) နှစ်လုံးလုံး တခါမှ လွှင့်ခွင့် မကြုံခဲ့ရတာ သတိရသည်။ အာဇာနည်ခေါင်းဆောင်တွေကို သတိတရ ဖြစ်စရာ အမှတ်တရတွေကို အမျိူးမျိူး ဖျောက်ဖျက်ကြပေမယ့် ပြည်သူတွေကတော့ တသမတ်တည်းသောစိတ်ထားဖြင့် ယနေ့ထိတိုင် မမေ့နိုင်ကြပါပေ၊
အာဇာနည်ကုန်းမှာ အာဇာနည်ခေါင်းဆောင်တွေကို အလေးပြု၊ ပြီးလျင် ဗိုလ်ချုပ်ပြတိုက်သွား၊ ညကျ ဗိုလ်ချူပ်ပြောတဲ့ စကားတွေ နားထောင်ရင်းဖြင့် ထိုနေ့သည် ဝမ်းနည်းစရာနေပေမယ့် ကျောင်းသားဘဝ မမေ့နိုင်သည့် အမှတ်တရ နေ့တွေဖြစ်ခဲ့သည်။ ရွှေတိဂုံဘုရား မြောက်ဖက်မုခ်ကအဆင်း သွေးဆေးကန်ဘက်အခြမ်း အမိုးနိမ့်လေးအောက်က အုတ်ဂူတစ်ခုချင်းမှာ ကျဆုံးသွားသော အာဇာနည်တွေရဲ့ နာမည်နဲ့ တာဝန်တွေ ကျဆုံးချိန်တွေ ဖတ်ရသည်။ ငယ်စဉ်ကတော့ အုတ်ဂူထဲမှာ ဗိုလ်ချူပ်တို့ ရှိနေမှာပေါ့လို့ လူကြီးတွေကို မေးဖူးတာ ပြန်အမှတ်ရသည်။ ၁၉၈၃ခုနှစ်မှာ မြောက်ကိုရီယားတို့ရဲ့ ဗုံးဖောက်ခွဲမှုကြောင့် အာဇာနည်ဗိမ္မာန်ကို ပြန်တည်ဆောက်ရပြီး အသစ်ပြန်မြင်ရသည့် အဆောက်အဦမှာ ထိုနေရာမှာ ရှိနေပေမယ့် ပုံစံအနေအထားက စိတ်ထဲမှာ ဗိုလ်ချူပ်အောင်ဆန်းနှင့်တကွ ကျဆုံးသွားသော အာဇာနည်ခေါင်းဆောင်များရဲ့ အရိပ်အအငွေ့ကို ဘယ်လိုမှ ဖမ်းဆုပ်လို့ မရခဲ့၊ တခြားသူတွေဆီကလည်း ဒီအတိုင်းပဲ အသံထွက်သည်။ ထိုအဖြေကို မနေ့တနေ့ကမှ သိရသည်။
" ဗိုလ်ချူပ်အောင်ဆန်းက ဘယ်မှာလဲ"
" ဟို ကြယ်ဖြူလေး ရှိတဲ့ နေရာက ဗိုလ်ချူပ်နေရာဖြစ်မယ်"
ဒီလို ကိုယ့်အတွေးနဲ့ကိုယ် မေးကြပြောကြသည်။ အုတ်ဂူပုံစံနဲ့ ကဗျည်းတွေ မပါပဲ လိုင်းလို အမြောင်းကိုးခုသာမြင်ရသည့်အတွက် ဘယ်သူဘယ်ဝါဆိုတာလည်း မသိရတော့ပေ၊
အာဇာနည်ဗိမာန်ဆောက်ပြီးစ ထိုနေရာကို ဖြတ်သွားတိုင်း ဟင်းလင်းပြင်ထဲက အနီရောင်အပြားလိုက် အဆောက်အဦကို သဘောမကျကြောင်း တီးတိုးပြောသံတွေ လိုင်းကားပေါ်ထွက်လာတတ်သည်။ တချိူ့ကားစပယ်ယာတွေကတော့ " ကြည့်ပါအုန်း တခုခုလိုနေသလိုပဲ " ပြောတာလည်း ကြားရသည်။
တကယ်တန်းက ထိုစဉ်က တာဝန်ယူ ဆောက်လုပ်ခဲ့သည့် ဗိသုကာပညာရှင်တွေရဲ့ ပုံစံကို အာဏာရှိသူတွေက အမျိူးအမျိူး ဖဲ့ထုတ်ခဲ့တာဖြစ်နေသည်။
အာဇာနည်ဗိမ္မာန်အဆောက်အဦအတွက် ဒီဇိုင်းရေးဆွဲရာမှာပါဝင်ခဲ့သည့် ဗိသုကာပညာရှင် တစ်ယောက်နဲ့ အင်တာဗျူးး ကို ဖတ်ရအပြီးမှာ သိရတာဖြစ်သည်။
" ပညာရှင်များ၏စိတ်ကူးစိတ်သန်းများကို အထက်လူကြီးများက ၀င်ရောက်စွက်ဖက်ကြသည်။ စာအထောက်အထားကျန်မည်စိုး၍ နှစ်ဦးချင်းတွေ့ပြီး အာဇာနည်ကြီးများ၏ ဂူများကို ဒီဇိုင်းသဘောဖြင့် ဖျောက်ဖျက်ပစ်ရန် ညွှန်ကြားချက် (နှုတ်မိန့်) ကျလာသည်။ သို့ဖြင့် ဂူများကို ငုံပစ်လိုက်ရသည်။ သို့သော် ဗိသုကာပညာရှင်များက နောက်ခံနံရံကားချပ်တွင် အာဇာနည် ကိုးဦးကို ကိုယ်စားပြုသည် အမြောင်းကိုးခုထည့်ပေးလိုက်သည်။
‘‘သူတို့က ဖျောက်ရမယ်ဆိုတော့ ကျွန်တော်က အမြှောင်းကိုးခု လုပ်ပေးလိုက်တာ။ သူတို့မသိလိုက်ဘူး’’ ဟု ဦးဆန်းဦးက ပြန်ပြောင်းပြောပြသည်။
ထို့ပြင် အာဇာနည်ကိုးဦးကို ညွှန်းဆိုသည့်အမည်နှင့် ကိုယ်ရေးအကျဉ်းရေးသားထားသည့် ကျောက်တုံး ကိုးခုကို ဒီဇိုင်းရေးဆွဲခဲ့သည်။ အုတ်ဂူများ မတွေ့ရတော့သဖြင့် အာဇာနည်များကို ရည်စူးပြီး အလေးပြုရန် ရည်ရွယ်ရင်းဖြစ်သည်။ သို့သော် အစိုးရက တည်ဆောက်ရေးလုပ်ငန်းများ ဆောင်ရွက်ရာတွင် အဆိုပါသင်္ကေတကျောက်တုံးများ မထည့်ခဲ့သည့်အပြင် မည်သည့် အာဇာနည်ကြီးများ၏ အမည်မျှ ကမ္ပည်းမှမထိုးဘဲ ဗြောင်သက်သက်ပင် ဆောက်လုပ်ခိုင်းစေခဲ့သည်။ အာဇာနည်ဗိမာန်သို့ လာရောက်ဂါရ၀ပြုသည့် မိသားစုဝင်များမှာ နှစ်ပေါင်းများစွာယဉ်ကျေးမှုဝန်ကြီးဌာန၀န်ထမ်းများ၏ ပြသမှုဖြင့်သာ လွမ်းသူ့ပန်းခွေချခဲ့ရရှာသည်။ ဦးသိန်းစိန်အစိုးရလက်ထက်ရောက်မှကြေးပြားပေါ်တွင် အာဇာနည်ခေါင်းဆောင်ကြီးများ၏ မွေးသက္ကရာဇ်နှင့် ကျဆုံးသည့်သက္ကရာဇ်ကို ပြန်လည်ဖော်ပြခဲ့သည်။
ဗိသုကာပညာရှင်များသည် အာဇာနည်ဗိမာန်၏ နောက်ခံနံရံကားချပ်ပေါ်တွင် ကြယ်ပွင့်သဏ္ဌာန်အပေါက်ဖောက်ပြီး မြက်ခင်းပေါ် ကြယ်ကြွေကျနေသည့် ဒီဇိုင်းကိုရေးဆွဲပေးခဲ့သည်။ အာဇာနည်ကြီးများ ကြွေလွင့်ခဲ့ရသည်ကို ဆိုလိုရင်း ဖြစ်သည်။ သို့သော် ထိုစဉ်က ဆောက်လုပ်ခဲ့သူများက အပေါက်မဖောက်ဘဲ ကြယ်ပုံသဏ္ဌာန်အချိုင့်သာလုပ်ခဲ့ကြသည်။ အလံတိုင်ကို ဘေးဘက်တွင်ထားရန် ဒီဇိုင်းဆွဲပေးခဲ့သော်လည်း‘‘အလံကို ဘေးမှာထားတာမကောင်းဘူး’’ဟု ၀န်ကြီးတစ်ဦးက ဆိုသဖြင့် အလယ်သို့ ရွှေ့ခဲ့ကြပြန်သည်။ ထိုသို့သော အခြေအနေမျိုးတွင်ဗိသုကာပညာရှင်များက အာဇာနည်ဗိမာန်တွင်ရှိသင့်သော ပြတိုက်၊ အာဇာနည်ကြီးများ၏ ပန်းပုရုပ်တုများနှင့် ပန်းခြံတို့ကို ဒီဇိုင်းထဲတွင်အင်္ဂလိပ်လို ထည့်ရေးဆွဲခဲ့ရသည်။
‘‘အဲဒီတုန်းက အခွင့်မသာလို့ မသိမသာနဲ့ထည့်ပေးခဲ့ရတာတွေ ရှိတယ်။ သူတို့က ကြားကိုမကြားချင်ခဲ့တာ’’ဟု ဦးဆန်းဦးက ပြောသည်။" တဲ့
ဒီအင်တာဗျူးကို ဖတ်ရသည့်အခိုက် အာဏာရှင်တို့ရဲ့ သေးသိမ်သည့် စိတ်ဓါတ်တွေကို အံ့ဩမိလေသည်။
ယခုသော် ပြည်သူ့အစိုးရစစ်စစ်လက်ထက်တွင် ဗိသုကာပညာရှင်များက အာဇာနည်ကြီးများအတွက် ရည်စူးပြီး ဖန်တီးပေးခဲ့မှုများ ပြန်လည်အသက်ဝင်လာတော့ မည့်အချိန်သို့ရောက်ရှိလာပြီဟု ဆိုရပေတော့မည်။
မြို့တော်စည်ပင်က အာဇာနည်ဗိမာန်နောက်ခံနံရံချပ်ကို ကြယ်ပွင့်သဏ္ဌာန် အပေါက်ပြန်ဖောက်ပြီး မြက်ခင်းပေါ်သို့ ကြယ်ကြွေကျနေသည့် ဒီဇိုင်းကို ပြန်လည်ပြုပြင်နေပြီး
အာဇာနည်ကြီးများရဲ့ အမည်၊ မွေးသက္ကရာဇ်နှင့် ကျဆုံးသည့် ခုနစ်တို့ကို ရေးထိုးထားသော ကြေးပြားတပ်ဆင်ထားသည့် ကြယ်ပွင့်သဏ္ဌာန်ကျောက်သားသင်္ကေတကိုးခုကို ပြန်လည်တွေ့မြင်ရတော့မှာ ဖြစ်သည်လို့ သိရလေသည်။ ပြည်သူများမှာ အာဇာနည်ကြီးများကို ရည်စူးပြီး ဦးညွှတ်နိုင်တော့မည်ဖြစ်သည်။
အာဇာနည်ဗိမာန် နောက်ခံနံရံများကို အာဇာနည်ကိုးဦးအား ရည်စူးပြီး အမြှောင်းကိုးခုပုံဖော်ထားသည့် အပေါ်မှာ အာဇာနည်အထိမ်းအမှတ် သင်္ကေတအဖြစ်ကျောက်တုံးတစ်တုံးစီ ထားရှိမှာလို့ ဆိုလေသည်။
ယခုနှစ် ဇူလိုင် ၁၉ ရက် အာဇာနည်နေ့မှာ အာဇာနည်များ၏ မိန့်ခွန်းတို ဒါမှမဟုတ် ထူးခြားသည့် အကြောင်းအရာတွေကို ရုပ်ပုံကားချပ်တွေနဲ့ တကွ ပြသမှာဖြစ်သလို ယခင်က နိုင်ငံတော်အလံကို အလယ်တည့်တည့်မှာ ထားခဲ့တာကိုလည်း ပညာရှင်တို့ ဆွဲပေးထားတဲ့ အတိုင်းဘေးဘက်ကို ပြန်ထားမှာ ဖြစ်သည်တဲ့၊
ဖျောက်ဖျက်ရန်ကြိုးစားခဲ့သော်လည်း ဗိသုကာပညာရှင်တို့က အမြော်အမြင်ရှိစွာဖြင့် တချိန် အခွင့်ရတဲ့အခါ ပြန်လည် ဖော်ထုတ်နိုင်ရန် မသိမသာ ပညာသဘောအရ နေရာထားခဲ့တာတွေ ရှိခဲ့သည့်အတွက် ယခု အဆင်ပြေကြောင်း ၊ မူလ စီစဉ်ထားသည့် ဒီဇိုင်းအတိုင်း လွတ်လပ်စွာ ပြန်လည် ပြင်ဆင်နိုင်တော့မှာ ဖြစ်တဲ့ အတွက် ဝမ်းမြောက်ဝမ်းသာ ဖြစ်ရလေသည်။ ထို့အတူ ပြည်သူတွေ အာဇာနည်ခေါင်းဆောင်ကြီးများကို လွတ်လပ်စွာ အလေးပြုခွင့်လည်း ရကြပေတော့မည်။ စိတ်အားဖြင့်လည်း လွတ်လပ်ကြပေတော့မည်၊ ဖျောက်ဖျက်ခံရဖို့ အရေးက ပြည်သူတို့ရဲ့ အင်အားဖြင့် ပြန်လည် အသက်ဝင်လာရပေပြီ။ စည်းလုံးညီညွတ်ခြင်းရဲ့ အကျိူးဆက်သည် ကောင်းကျိူးအထွေထွေ ဖြစ်ပေါ်လာလေသည်။ နိုင်ငံသူနိုင်ငံသားအားလုံး လွတ်လပ်ရေးဗိသုကာကြီး ဖခင်ဗိုလ်ချူပ်အောင်ဆန်းနှင့်တကွ ကျဆုံးလေပြီးသော အာဇာနည်ခေါင်းဆောင်များကို ဦးညွတ်အလေးပြုရင်း အာဇာနည်တို့ ဆိုစကားများအတိုင်း နိုင်ငံကောင်းကြိုး ရွက်ဆောင်ကြပါစို့ တိုက်တွန်းကာ ကာလရှည်ကြာ ပိတ်ပင်ခံထားရသည့် အဆိုတော်မေလှမြိုင် သီဆိုထားတဲ့ " အလေးပြုပါသည်" သီချင်းဖြင့် ဦးညွတ် အလေးပြုလိုက်ရပါသည်။
"( နှစ် လနာရီ ခါရာသီရွေ့ပေမယ့် အာဇာနည်နေ့ ကိုဖြင့် မမေ့သင့်ပါသလေ၊ ယနေ့ဖြင့် သတိတရားထားဖို့အခြေ............... အများပြည်သူတွေ ...အများပြည်သူတွေ အာဇာနည်နေ့ကိုလေ............ တွေးရှုကာပဲ ..အလေးပြုပါမယ်လေ ၊ )၂
စနစ်အခြေ..ပြောင်းခဲ့ပေမယ့် အဖြစ်ဟောင်းများတော့ ဖြေသော်မပြေ ၊ လွမ်းမျက်ရည် မြေခပြီမို့..တွေး.......တသသ၊ ဆွေး.စ မရွှင် ရွှေရင်ဆို့ကဲ ကြေကွဲဝမ်းနည်းရပုံတွေ ယနေ့ထက်တိုင်အခြေ အော်.. မမေ့ရက်နိုင်ပါပေ အာဇာနည်ခေါင်းဆောင်ကြီးတွေ အာဇာနည်ခေါင်းဆောင်ကြီးတွေ ကောင်းရာသုဂတိ ရောက်ရှိကြပြီလေ၊ တေးကဗျာအနုစာခွေ ရေးကာ အလေးပြု အလေးပြုပါတယ်လေ................"
ခိုင်ခိုင်စောလွင်

July 10, 2016

" ပင်လယ်ရေ ဘယ်မခန်း" ၁၁ဇူလိုင် ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၂၆) မှ


အခုရက်ပိုင်း ထိုင်းနိုင်ငံအနှံ့ ခရိုင်တိုင်းလိုလိုမှာ အဖမ်းအဆီး သတင်းတွေ ကြားရတဲ့အခါ ငယ်ငယ်တုန်းက ကစားခဲ့သည့် ရွှေစွန်ညို ကစားခြင်းကို ပြေးပြီး သတိရမိလေသည်။
" ရွှေစွန်ညို ဘာလို့ ဝဲတယ် " မထွေးလေးကို အနောက်ဆုံးမှာ ထားကာ လူတန်းရှည်ဖြင့်ကာထားရင်း ခေါင်းဆောင်က မေးလျင် ဖမ်းမည့်သူက " မထွေးလိုလို့ဝဲပါတယ်" ဖြေသည်။ " မထွေးအသားခါးလှတယ်" လို့ ဆိုက ဖမ်းမည့်သူက " ချောင်းငယ်ရေနဲ့ ဆေးပါ့မယ်တဲ့" ဒီလိုနဲ့ ပင်လယ်ရေနဲ့ ဆေးပါ့မယ်" အထိ မလျှော့ပဲ ဖြေလာရာ နောက်ဆုံးတော့ "ပင်လယ်ရေ ဘယ်မခန်း မထွေးအမိဖမ်း" ဆိုကာ အတင်းပင် ဖမ်းလေတော့တာကိုး။
နိုင်ငံတော၏ အတိုင်ပင်ခံ ပုဂ~ဂိုလ် ဒေါ်အောင်ဆန်းစုကြည်ရဲ့ ထိုင်းနိုင်ငံ အလည်အပတ်ခရီးစဉ်မှာ မြန်မာရွှေ့ပြောင်းအလုပ်သမားတွေအရေးနဲ့ ပတ်သက်ပြီး သဘောတူစာချူပ် ချူပ်ဆိုခဲ့ပြီးနောက် မြန်မာအလုပ်သမားများ ရသင့်ရထိုက်သည့် အခွင့်အရေးများ အပြည့်အဝ ရရှိနိုင်တော့မည်၊ အလုပ်သမားများအပေါ် မတရားပြုမှုများ ကင်းဝေးစေတော့မည်ဟု မျှော်မှန်း ဝမ်းသာလို့မှမဆုံး မြန်မာရွှေ့ပြောင်းအလုပ်သမားတွေ အပေါ် အဖမ်းအဆီးတွေ စိပ်လာသည်။
" ရွှေ့ပြောင်း အလုပ်သမားများအရေး နှင့်စပ်လျဉ်း၍ နှစ်နိုင်ငံသက်ဆိုင်ရာအာဏာပိုင်များ အကြား ပူးပေါင်းဆောင် ရွက်မှုတိုးမြှင့်ခြင်းဖြင့် အလုပ်သမားများအား မလိုလားအပ်သောနစ်နာ ဆုံးရှုံးမှုများမှ ကာကွယ်တားဆီးပေးနိုင်ရေးအတွက် ညှိနှိုင်းဆောင်ရွက်သွားနိုင်မည်ဖြစ်ပါသည်။ "
လို့ နိုင်ငံတော်အတိုင်ပင်ရုံး ရဲ့ စာမျက်နှာမှာ ခရီးစဉ်နဲ့ ပတ်သက်ပြီး ကြေညာချက်ထုတ်ပြန်တာမှာ ရေးထားတဲ့အထဲ ဖတ်ရပါသည်။
လက်တွေ့မှာတော့ အထောက်အထား အခိုင်အလုံ ရှိပါသည်။ အလုပ်လုပ်ခွင့် ပါမစ်လည်း ရှိပါလျက် အလုပ်သမားတွေကို ဖမ်းသည်။ အကြောင်းပြချက်ကတော့ ခွင့်ပြုချက်ရထားသည့် ဝပ်ပါမစ်ထဲက အလုပ်ရှင်မတူလို့ပါလို့ ဆိုလေသည်။ မြန်မာပြည်ဘက်က အေးဂျင့်တွေ သတိထားစရာဖြစ်သည်။ ပတ်စ်ပို့၊ ဝပ်ပါမစ် ရှိပြီ တဖက်နိုင်ငံရောက်က အလုပ်တစ်ခုခု ရရင်ပြီးတာပဲ ဆိုကာ လွှတ်လိုက်၍ မရပါ။ တဖက်နိုင်ငံရဲ့ ဥပဒေအရ ဝပ်ပမစ်လျှောက်စဉ်က ခွင့်ပြုချက်ယူထားသည့် အလုပ်ရှင်နှင့် လုပ်ငန်းအမျိူးအစားသာ လုပ်ခွင့်ရတာ ဖြစ်လေသည်။ ကြားက အဖမ်းခံရသည့် အလုပ်သမားတွေ အဖို့ မသက်သာလှပေ။
စာရေးနေရင်းက အာအက်ဖ်အေ သတင်းကို နားထောင်နေရာ ရုတ်တရက် အံ့ဩမိသွားသည်။ အလုပ်သမားတွေ အဖမ်းခံရသည့် သတင်းက တိုင်တိုက်ဆိုင်ဆိုင် လွှင့်နေသည်။ စာရေးရင်းက ခေတ္တရပ်ကာ နားထောင်မိသည်။ အလုပ်သမားအရေး လှုပ်ရှားနေသည့် အဖွဲ့အစည်းတစ်ခုမှ တာဝန်ရှိသူတစ်ယောက်နှင့် မေးမြန်းတာ နားထောင်ရသည်။
မဟာချိူင်မှာ အလုပ်သမားတွေ တစ်ရာကျော် အဖမ်းခံရတဲ့အထဲက (၅၀) လောက်ပြန်လွှတ်ပေးလိုက်ပြီး ကျန်သူတွေကတော့ အဖမ်းခံရမည့်အခြေအနေ ဆိုက်နေပါသည်တဲ့၊ ပြန်လွှတ်လိုက်သူတွေက ပန်းရောင်ကဒ် ကိုင်ဆောင်ထားသူတွေ ဖြစ်ပြီး အဖမ်းခံရဆဲ အလုပ်သမားအများစုက ခရမ်းရောင် ( ယာယီပတ်စ်ပို့) ကိုင်ဆောင်ထားသူများဖြစ်ပါတယ်တဲ့၊ မြန်မာအစိုးရက ထုတ်ပေးထားတဲ့ ခရမ်းရောင်ယာယီပတ်စ်ပို့က ထိုင်းအစိုးရကထုတ်ပေးထားတဲ့ ပန်းရောင်ကဒ်လောက် အရာမရောက်တာလားလို့ တွေးမိကြောင်း အဆိုပါ ပုဂိုလ်က မေးပြောပြောတာ နားထောင်ရသည်။ အဓိကက အလုပ်ရှင်နာမည် မတူတာ ဖြစ်ပြီး အဲဒီလို မတူရတာကလည်း အလုပ်ရှင်ဟောင်းတွေက ညစ်ပြီး နာမည် မပြောင်းပေးလို့လို့ ပြောသွားသည်။ ထိုင်းနိုင်ငံဥပဒေအရ ဒဏ်ငွေ ဘတ်ငါးသောင်း ပေးဆောင်ရမှာ ဖြစ်တဲ့အတွက် မပေးဆောင်နိုင်ဖို့က များသည်။ မပေးနိုင်က ထောင်ဒဏ်(၄၈)ရက် ကျခံပြီး မြန်မာပြည်ကို ပြန်ပို့ခံရမှာ ဖြစ်တယ်လို့ ပြောသွာတာ နားထောင်လိုက်ရလေသည်။
ဒေါ်အောင်ဆန်းစုကြည် ခရီးစဉ်အပြီး အခုလို အဖမ်းအဆီးများလာတာနဲ့ ပတ်သက်ပြီး သတင်းထောက်ရဲ့အမေးကို အလုပ်သမားတွေအပေါ် ဥပဒေအရ ကာကွယ်ပေးဖို့ ၊ ဥပဒေအတိုင်း ဖြစ်ဖို့ ပြောသွားတဲ့အတွက် ထိုင်းအစိုးရက ဥပဒေနဲ့အညီ စတင်လုပ်ဆောင်တာမှာ အခုလို ပြဿနာတွေ ရှိထားတဲ့အတွက် ကြားက အလုပ်သမားတွေ ခံရတာလို့ သူက ပြောလေသည်။
ဒီကြားထဲ သတင်းတွေက စုံလှသည်။ မြန်မာရွှေ့ပြောင်းအလုပ်သမားတွေ လုပ်ခွင့်မရှိသည့် အလုပ်တွေ လုပ်နေတာတွေပါ စိစစ်ပြီး ဖမ်းနေတာဖြစ်သည်တဲ့၊ တကယ်လည်း ထိုင်းနိုင်ငံမှာ ရွှေ့ပြောင်းအလုပ်သမားတွေ အတွက် ကန့်သတ်ထားသည့် လုပ်ငန်းတွေ ရှိပါသည်။ အောက်ခြေသိမ်း အလုပ်တွေကိုသာ ပေးလုပ်တာဖြစ်သည်။ ဆောက်လုပ်ရေး၊ ပန်းရံ၊ ပန်းကန်ဆေး၊ ဈေးရောင်းအကူ၊ သန့်ရှင်းရေး၊ အိမ်အကူ စသည့် အလုပ်တွေကိုသာ ခွင့်ပြုထားတာ ဖြစ်သည်။ သို့သော် မြန်မာဆိုတာ ဉာဏ်ရည်ကောင်းသည်။ သွက်လက်ချက်ခြာ ဉာဏ်ပြေး လာဘ်မြင် ဆိုတော့ ဘယ်လိုအလုပ်ဖြစ်ဖြစ် ကျွမ်းကျင်သည်။ ဒါ့အပြင် ပညာအခြေခံ ကောင်းသည့် လူငယ်ကလေးတွေ အများအပြား တဖက်နိုင်ငံကို အလုပ်လုပ်ဖို့ လာနေကြတာ မို့ အမြောအမြင်ကြီးသည်။ တိုင်းပြည်အခြေအနေအရ စားဝတ်နေရေးအတွက် တဖက်နိုင်ငံမှာ အလုပ်လာလုပ်ရပေမယ့် ပညာတတ်ကလေးတွေလည်း ပါလာကြသည်။ အချိူ့ ဆယ်တန်းအောင်ပြီး တချိူ့ ဆိုပါက ဘွဲ့ရပြီးသူတွေတောင် ရရာ အလုပ်လုပ်ဖို့ ထွက်လာကြတာ ရှိသည်။ အဆိုပါ လူငယ်ကလေးတွေအဖို့ ရောက်ကာစ ရရာ ဝင်လုပ်ပေမယ့် နောက်ပိုင်းမှာ သူတို့ လုပ်နိုင်တဲ့ အခြေအနေရှိတဲ့ဆီ ကူးပြောင်းသွားကြတာ ဖြစ်သည်။ ကွန်ပျူတာတတ်အောင် သင်ပြီး 7 -11 လို စတိုးဆိုင်မျိူးတွေ၊ တက်စ်ကို လို ဈေးဝယ်စင်တာတွေမှာ မြန်မာလူမျိူး အရောင်းစာရေးတွေ တွေ့လာရသည်။ အောက်ခြေအလုပ်တွေထက်စာရင် ဒီလို အလုပ်တွေမှာ မြန်မာတွေ လုပ်နေတာ မြင်ရတိုင်း သူတို့အတွက် ဝမ်းသာပေးရသည်။ တချိူ့ဆိုပါက အရင်းအနှီးလေး စုမိဆောင်းမိရှိလာက ကိုယ်ပိုင် လက်တွန်းလှည်းတွေဖြင့် စားစရာ ဆိုင်ကလေးတွေ ရောင်းကြသည်။ ဆိုင်ပိုင်ရှင်လေးတွေ ဖြစ်လာကြသည်။ တကယ်တန်းကျ ဥပဒေအရ ကိုယ်ပိုင်ဆိုင် ဖွင့်ခွင့် မရှိ၊
တချိူ့ ထိုင်းအလုပ်ရှင်တွေ ဆိုပါက မြန်မာတွေက ဉာဏ်ပြေးပြီး ဖြတ်ထိုးဉာဏ်ကောင်းကာ မပျင်းမရိ ဇွဲရှိ သစ္စာရှိသည့်အတွက် မြန်မာအလုပ်သမားကို ဆိုင်အပ်ကာ သူ့ခြေသူ့လက် အပ်ထားတာပင်ရှိသည်။ အဆိုပါ မြန်မာအလုပ်သမားက အလုပ်ရှင်၊ ပိုင်ရှင်နှယ် စီမံခန့်ခွဲတာ ဖြစ်သည်။ တခါက ခရီးသွားကုမ္မဏီတစ်ခုမှာ လက်မှတ်ဝယ်တော့ ကြုံတာ သတိရသည်။ စာရေးက မြန်မာဖြစ်ပြီး သူ့အလုပ်ရှင်က ခရက်ဒစ်ကဒ်နံပါတ် နှစ်ခါမှားပေးတဲ့အတွက် လက်မှတ်ဝယ်တာ အဆင်မပြေဖြစ်တော့ သူ့အလုပ်ရှင်ကိုပင် ဟောက်လိုက်သေးသည်။ အလုပ်ရှင်က သူ့ကို အခါခါ တောင်းပန်ရင်း လျှာတစ်လစ်ထုတ်ကာ ပခုံးတွန့်ပြသည်။ သူ့စာရေးကို မေးငေါ့ပြရင်း မလွယ်ဘူး ဆိုသည့် ဟန်လုပ်ပြလေသည်။
ဥပဒေကရှိနေပေမယ့် အလုပ်သမားလိုအပ်ချက်အရ ထိုသို့ လုပ်နေကြ၊ ခန့်ထားကြတာတွေ များစွာ ရှိပါသည်။ ယခင့်ယခင်က ဒီအတိုင်း အဆင်ပြေရင်ပြီးရော လွှတ်ထားပြီးမှ ယခုမှ ဘာ့ကြောင့် အရေးတကြီး ထဖမ်းပါလိမ့် စဉ်းစားစရာတွေ ဖြစ်လာသည်။ ထိုင်းနိုင်ငံရေးကလည်း ရှုပ်ရှုပ်ထွေးထွေး မဟုတ်လား၊ လက်ရှိ ခေါင်းဆောင်နေတာက စစ်တပ်။ လူထုက ထောက်ခံထားတာက သတ်သတ်၊ ဒါ့အပြင် ရှပ်ဝါ၊ ရှပ်နီ ပါတီတွေရဲ့ အင်အားတွေက အာဏာပိုင်အဖွဲ့အစည်း၊ ဝန်ထမ်းနဲ့ ကျောင်းဆရာလောကတွေမှာပါ အတွင်းကျကျ ရှိသည်။ မြန်မာပြည်ရဲ့ ဒီမိုကရေစီအစိုးရနဲ့ ထိုင်းစစ်ခေါင်းဆောင်တွေ သဘောမျှသွားမှာ မကြိုက်တာလား၊ ဒါ့ကြောင့် ထိုင်းစစ်ခေါင်းဆောင်တွေနဲ့ သဘောတူလက်မှတ်ထိုးပြီး ဘာမှမကြာ ဖမ်းတယ် ဆီးတယ် လုပ်ကြတာလား စဉ်းစားစရာ၊
နောက်တချက်က အလုပ်သမားတွေ တင်မက ချင်းမိုင်မှာတော့ ယဉ်ထိန်းရဲတွေ လမ်းဆုံ လမ်းခွ တွေမှာ သည်းသည်းမည်းမည်း ဖမ်းနေတာ ထူးခြားနေပြန်သည်။ တဖွဲ့မှာ ဆယ်ယေက်ခန့်ရှိပြီး ပိတ်ဆို့ကာ ဖမ်းသည်။ ဦးထုပ်မဆောင်းက ဖမ်းသည်၊ ဦးထုတ်ဆောင်းထားက လိုင်စင်စစ်သည်၊ လိုင်စင်ရှိက ဆိုင်ကယ်လိုင်စင် စစ်သည်။ အကုန်ရှိက ဘယ်ကလာသလဲ မြန်မာ ဆိုက အလုပ်သမားကဒ်ရှိသလား၊ ဘာရှိလား စစ်သည်။ နောက်ဆုံး ငွေထွက်သွားမှ အစစ်ရပ်သည်။ မထွေးကို အမိဖမ်းဖို့ မဟုတ်လား၊
ဒီရက်ပိုင်း အဖမ်းအဆီးတွေကြားမှာ ဟိုလူးဖြင့် ထိပြန်ပြီ။ ဒီလူဖြင့် ပေးရပြန်ပြီ ကြားရတော့ ချင်းမိုင်ကို ရောက်ကာစ ကမ္ဘာ့ဖလားဘောလုံးပွဲနှင့် ကြုံတုန်း မြန်မာအချင်းချင်း သတိပေးတာ ပြန်အမှတ်ရမိလေသည်။
" အသွားအလာ ဆင်ခြင်ကြ ဘောပွဲပြီးရင် အဖမ်းကြမ်းမယ်" တဲ့
သူတို့ ပြောတာ ဘာပါလိမ့် သိချင်၍ မေးကြည့်ရာ ထိုင်းရဲတွေက ဘောလုံးပွဲ လောင်းကစား အင်မတန်လုပ်ကြောင်း၊ မြန်မာတွေ မန်ယူကြိုက်သလို သူတို့က လီဗာပူးအသင်းကို အသေကြိုက်ကြောင်း၊ ဘောလုံးပွဲမှာ ဘယ်လို အခြေအနေဖြစ်နေပါစေ လီဗာပူးအသင်းဖက်ကသာ လောင်းကြကြောင်း၊ လီဗာပူးအသင်း ရှုံးပြီး နောက်နေ့ ဆို အဖမ်းအဆီးများကြောင်း သိရလေတော့သည်။ ပရီးမီးယာလိခ် ပွဲစဉ်တွေ ရှိက "လီဗာပူးနိုင်ပါစေ" လို့ပင် ဆုတောင်းပေးဖြစ်သည်။ ဒါမှ နောက်နေ့ အလုပ်သမားတွေ အဖမ်းမခံရမှာ မဟုတ်လား၊
အခုလည်း ယူရို( ၂၀၁၆) ဘောလုံးပွဲ ရှိနေတာ သွားပြီး သတိရလိုက်သည်။ တိုက်ဆိုင်တာလား တကယ်လား ၊ ဘယ်လိုဖြစ်ဖြစ် ယူရို (၂၀၁၆) နောက်ဆုံးဗိုလ်လုပွဲ ပြီးတဲ့ နောက်ရက် သတိထားကျပေါ့၊ ပြီးသွားလို့ အဖမ်းအဆီးရပ်သွားရင်တော့ နိုင်ငံရေးလား၊ ဘောပွဲအရေးလား မှန်းဆရတာပေါ့၊ ဘယ်လိုပဲဖြစ်ဖြစ် သူတို့ နိုင်ငံကို ရောက်နေတဲ့ ရွှေ့ပြောင်းအလုပ်သမားတွေရဲ့ အရေးဟာ သူတို့အတွက်တော့ ဘာအရေးကြုံကြုံ ထုတ်လို့ရတဲ့ ငွေထုတ်စက်တွေပေါ့၊ မြန်မာအလုပ်သမားတွေဟာ ထိုင်းရဲတွေရဲ့ ATM လို့ စိတ်ပျက်လက်ပျက် ရေရွတ်တဲ့ အလုပ်သမားဦးလေးကြီးတယောက်ရဲ့အပြောက နားထဲကမထွက်၊ မြန်မာအလုပ်သမားတွေ ရှိသေ၍ ပင်လယ်ရေဘယ်မခန်း မထွေး အမိဖမ်းလုပ်နေကြအုန်းမှာလို့ မသက်မသာ တွေးလိုက်မိရင်း မကြာခင် အချိန်မှာ မြန်မာရွှေ့ပြောင်းအလုပ်သမားတွေ အားလုံး ဥပဒေနဲ့အညီ စဉ်းမျဉ်းစည်းကမ်းနဲ့အညီ အလုပ်လုပ်ကြရသည့် သူတွေ ဖြစ်လာကြပါစေလို့ ဆုတောင်းယုံမှတပါး အခြားမရှိလေပြီ။
ခိုင်ခိုင်စောလွင်

July 3, 2016

" သတင်းအစုံအလင်မှာ....................."၄ရက်ဇူလိုင် အတွဲ(၅) အမှတ်(၂၅) ဒီလှိုင်းစာစောင် မှ


ရက်ပိုင်းလေးအတွင်းမှာ ကြားရတဲ့ သတင်းဆိုးတွေက အမျိူးသမီးတွေအကြောင်း ဖြစ်နေတာ တမင်တကာ ဖန်တီးရင်တောင် အဲဒီလောက် အကြောင်းစုံပါ့မလား တွေးနေမိလေသည်။ စာရေးတဲ့အခါ လူတွေရဲ့ စိတ်ဝင်စားဖွယ်ရာ ဘဝအကြောင်းတွေကို တွေ့မြင် သိရှိပြီး ရေးရတာကို လက်တွေ့ပေမယ့် ဆိုးရွားလှတဲ့ အကြောင်းတွေကို ရေးရတဲ့အခါ ရေးနေရင်း ရပ်တန့် ၊ ဆက်မရေးပဲ နောက် အကြောင်းအရာ တစ်ခုဆီ ပြောင်းပစ်လိုက်တာမျိူး မကြာခဏ ကြုံရသည်။ ယခုသော် မရေးချင်ပဲ ရေးလိုက်ရသည့်စာလို့ ပြောပါက ရမည်ထင်ပါသည်။ မရေးချင်သောလည်း ရေးကိုရေးမှ ဖြစ်မည်မို့ ရေးမိရပါသည်။
ထိုင်းနိုင်ငံ ၊ ဘန်ကောက်မြို့ အနီးက ဟွေ့ခွမ်မြို့နယ် ရာ့ခ်ျဒါးဖိဆစ်နယ်မြေရှိ Nataree Massage Enteratainment အမည်ရ အနှိပ်ခန်းတခုမှာ အသက်မပြည့်တဲ့ မိန်းကလေးတွေကို လိင်အလုပ်သမားအဖြစ်စေခိုင်းကြောင်း စုံစမ်းသိရှိချက်အရ ထိုင်းပြည်ထဲရေးဌာန၊ လူကုန်ကူးမှု နှိမ်နင်းရေးရဲတပ်ဖွဲ့၊ နယ်မြေခံရဲ၊ စစ်တပ် နဲ့ NVADER အန်ဂျီအိုတို့ ပါဝင်တဲ့ ပူးပေါင်းအင်အား( ၁၀၀) ကျော်နဲ့ ဇွန်လ( ၇) ရက် ည (၈ ) နာရီအချိန်က ၀င်ရောက်စီးနင်းခဲ့တာမှာ လိင်အလုပ်သမား (၁၀၀) ကျော်ဖမ်းမိပြီး အဲဒီထဲက ၉၀ ရာခိုင်နှုန်းက မြန်မာနိုင်ငံသားတွေ ဖြစ်တယ်လို့ သတင်းမှာ မြင်လိုက်ရပါသည်။ မြန်မာတိုင်းရင်းသူ သတင်းထောက်အမျိူးသမီးကတော့ မြန်မာနိုင်ငံသား (၁၀၀) ကို ဖမ်းမိတာဖြစ်ပြီး အားလုံးမှာ ရှမ်းပြည်က လာရောက် သူများ ဖြစ်တယ်လို့ ဆိုပါသည်။
သတင်းကြည့်ပြီး ဆက်စပ်တွေးလိုက်မိသည်က မိုးမဆုံးမြေမဆုံး၊ လွတ်လပ်ရေးရပြီး ၁၉၄၈ခုနှစ်ကနေ ၂၀၁၅ခုနှစ် အထိ မြန်မာပြည်သားတို့ရဲ့ ကံကြမ္မာ၊ အထူးသဖြင့် တိုင်းရင်းသားတွေရဲ့ အကြောင်းအရာတွေကို စိတ်ထဲက အတွေးအတိုင်း လက်တွေ့ရေးပါက စာဖွဲ့ကုန်နိုင်ပါ့မလား၊ အတိဒုက္ခ ရောက်ရသည့် မြန်မာတိုင်းရင်းသားတွေရဲ့ မျိူးဆက်ဘယ်နှစ်ဆက်အထိ ဒီလို ဒုက္ခတွေ ၊ နာမျက်ပျက်စရာတွေ ရှိနေအုန်းမှာပါလဲ။
ထိုင်းနဲ့ မြန်မာ ဘောလုံးပွဲတွေ ကန်စဉ်က လူမှုကွန်ယက် စာမျက်နှာတွေမှာ ရေးကြပြောကြ ကောမန့်တွေ ရေးကြတာမှာ " ထိုင်းဆိုတာ အလကားပါကွာ မင်းတို့ နိုင်ငံက နာမည်ကျော် ပြည့်တန်ဆာ နိုင်ငံပါကွာ " လို့ တစ်ယောက်က ရေးလိုက်သည်။ နောက်တစ်ယောက်က " အဲဒီလို သူများကို မပြောနဲ့ ထိုင်းက ပြည့်တန်ဆာအလုပ်တွေမှာ မြန်မာတွေချည်းပဲ" လို့ ပြန်ရေးတာ ဖတ်ရဖူးသည်။
တခါတုန်းက ကျောင်းက ဆရာမတစ်ယောက်က " ဒီမနက် ကျောင်းလာတာ မြင်ခဲ့ရတာ စိတ်မကောင်းဖြစ်ပြီး ရင်ထဲ တမျိူးကြီးဖြစ်နေတယ်" လို့ ဆိုသည်။ ကျောင်းကို မလာခင် လမ်းမကြီးပေါ်ကနေ လမ်းချိူးဝင်ရတာဖြစ်သည်။ အဆိုပါ လမ်းမကြီးပေါ်မှာက ညဆိုရင် ကာရာအိုကေ ဆိုင်ခန်းတွေ၊ ကလပ်တွေ ပြည့်နေတာဖြစ်သည်။ ပေါင်တို၊ လက်တို လည်ဟိုက် တွေဖြင့် မိန်းကလေးတွေ ဆိုင်ရှေ့မှာ ခြေချင်းချိတ်ထိုင်နေကြတာ၊ တယောက်နဲ့တယောက် ရယ်ရယ်မောမော စကားတွေ ပြောနေကြတာ၊ မိတ်ကပ်ဖို့ နှုတ်ခမ်းနီဆိုး ပုံစံအမျိူးမျိူး တွေ့ရသည်။ တစ်ယောက်မှ နုံချာချာ စုပ်ပြတ်ပြတ်မရှိ၊ မျက်နှာတွေမှာ မိတ်ကပ်အပြည့်ဖြင့် ဖွေးဖွေးဆွတ်နေသလို မွှေးကြိုင်တောက်ပြောင် ရဲဗလောင်းခပ်နေတာဖြစ်သည်။ ဘယ်လို မိန်းကလေးတွေပါလိမ့်၊ ဘယ်က လာပြီးအလုပ်လုပ်ကြတာပါလိမ့်၊ မိဘမောင်ဖွားတွေ သိကြရဲ့လား အတွေးက ဖြတ်သွားတိုင်း ပေါ်သည်။
" ဆိုင်ရှေ့ မြေကြီးပေါ်မှာ တုံးလုံးလေးပေါ့၊ မိန်းကလေး နှစ်ယောက်တောင်မှ၊ နေရောင်က မျက်နှာကို ထိုးနေတာတောင် အိပ်ပျော်နေတာ၊ လှလိုက်တာလည်း ပြောမနေနဲ့၊ ညကလိမ်းထားတဲ့ မိတ်ကပ်တွေက ဖွေးလို့ ၊ အသားအရေက ဝင်းနေတော့ နေထိုးထားတာ လှလိုက်တာ ဒါပေမယ့် ဘယ်လောက်တောင် သောက်ထားတယ်မသိ၊ ဧည့်သည်တိုက်တိုင်း သောက်ရတယ်ထင်ပါရဲ့ မူးပြီး အိပ်ပျော်နေတာ" ဆိုသည့် အပြောကို ထိုင်းတွေလည်း မလွယ်ဘူးနော် လို့ ပြောလိုက်ရာ နားထောင်နေသည့် အခြားဆရာမတွေကပါ ဝိုင်းပြီး " မြန်မာတွေ လေ၊ အဲဒါ ရှမ်းတွေ " လို့ တပြိုင်ထဲ ပြောပါတော့သည်။
" အဲဒီ ဆိုင်တန်းအားလုံးမှာ အလုပ်လုပ်နေကြတာ ရှမ်းတွေချည်းပဲ၊ တချိူ့က မြန်မာစကား ကောင်းကောင်းပြောတတ်တယ်၊ တချိူ့က မပြောတတ်ဘူး နားလည်တယ်၊ တချိူ့ မြန်မာစကားမတတ်တာရှိတယ်၊ ငယ်ငယ်ရွယ်ရွယ် လှလှပပလေးတွေချည်းပဲ၊ ကျနော်တောင် ကျောင်းဆက်တက်ချင် လာခဲ့ကြ ဒီမှာ မြန်မာပြည်သားတွေကို စာသင်ပေးနေတဲ့ ပေါင်းကူးပညာရေးကျောင်း ရှိတယ်လို့ ပြောပြဖူးတယ်" လို့ ဒါရိုက်တာဖြစ်သူ ဆရာက ဟုတ်မှန်ကြောင်း ဝင်ပြောပြသည်။
ထိုင်းနိုင်ငံ ချင်းမိုင်မြို့က မြန်မာပြည် ရှမ်းပြည်နယ်နှင့် နယ်နမိတ်ချင်း တဆက်တစပ်ထဲ ရှိတာမို့ ချင်းမိုင်မှာ ရှမ်းလူမျိူးတွေ အများစု အလုပ်လာရောက်လုပ်ကိုင်ကြတာ ဖြစ်သည်။ အိမ်အကူ၊ စားပွဲထိုး၊ သန့်ရှင်းရေး၊ ဆောက်လုပ်ရေး၊ ဈေးရောင်းအကူ၊ ဆိုင်အကူ၊ မာဆတ်၊ ကာရာအိုခေ စသဖြင့် အလုပ်ပေါင်းစုံမှာ ဝင်ရောက်လုပ်ကြသည်။ မာဆတ်တို့ ကာရာအိုခေတို့ ဆိုတာက လိုင်စင်နှင့် အမှန်တကယ် လုပ်ကိုင်နေတာရှိသလို ငွေရလွယ်သည့် ပြည့်တန်ဆာဘဝ မသိမသာ လိုက်ပါသွားကြသူတွေလည်း ရှိလေသည်။ ပိုင်ရှင်က ထိုင်းလူမျိူးတွေဖြစ်ပြီး မြန်မာအပါအဝင် လာအို၊ ကမ္ဘောဒီးယားတို့လည်း မာဆတ်တွေမှာ လုပ်ကြသည်။ အနှိပ်ခန်းမှာ ပြည့်တန်ဆာ လုပ်ငန်းမလုပ်သည့်တိုင် လာရောက်သည့် ဧည့်သည်နှင့် ချိတ်ဆက်ကာ လုပ်ကြတာတွေ ဖြစ်သည်။ ငွေနောက်ကို လိုက်တယ်လို့ ပြောရအောင်လည်း မြန်မာပြည်မှာ ကျန်ခဲ့သည့် မိသားစုကို ငွေပို့ဖို့ သူတို့နည်းသူတို့ဟန်ဖြင့် ငွေများများရအောင် ရှာကြတာဖြစ်သည်။ အရွယ်လေးတွေကြည့်ပြန်တော့ နုနယ်ပျိူမျစ်သည့် အရွယ်ကောင်းလေးတွေ၊ ဘယ်သူ့ကို ပြောရမလဲ၊ ဘယ်သူတွေက သူတို့လေးတွေ ဘဝကို ကယ်တင်နိုင်မှာပါလဲ၊ အစိုးရကယ်ပါ၊ ကယ်ပါ အစိုးရ၊ လို့ပဲ ရေရွတ်နိုင်တော့သည်။
အဆိုပါ သတင်းကြည့်ရပြီး နှစ်ရက်နေတော့ ကျောင်းက ဆရာမတစ်ယောက်ကပဲ သတိတရနဲ့ " ဆရာမ စာရေးလို့ရမယ့် အကြောင်းအရာတွေ အများကြီးသိလား၊ ဆရာမကို နောက်ရက်ကျ ခေါ်သွားမယ်တဲ့ " ပြောလေရာ " ဘယ်ကိုလဲ "ဆိုတော့ "အမျိူးသမီးထောင်တဲ့"
သူပြောတဲ့ အမျိူးသမီးထောင်ကို ကိုယ်တိုင်ကိုယ်ကျ မသွားဖြစ်သေးတာတောင် ကြားရတာနဲ့ မျက်ရည်ဆို့ ရင်နာစရာတွေ ကြားရလေသည်။ သူပြောပုံအရ မြန်မာအမျိူးသမီး အကျဉ်းသူ တစ်ရာရှိသည်တဲ့၊ အော် ရာကျော်ချည့်ပဲလို့တောင် အတွေးပေါ်မိသည်။ သေဒဏ်ကျခံနေရသည့် အမျိူးသမီးရှိသည်တဲ့၊ ဘာမှုတွေလဲ အမေးကို အများဆုံးက မူးယစ်မှုတဲ့။ ခိုးမှုက နှစ်မှု၊ လူသတ်မှု တစ်မှု၊ ဗီဇာသက်တမ်းကျော်လွန် နေထိုင်မှုက နှစ်မှု၊ အဆိုပါနေ့က ရက်ပြည့်လို့ တစ်ယောက်လွတ်သွားတဲ့အတွက် (၉၉) ယောက်ရှိသတဲ့၊ (၉၅) မှုက မူးယစ်မှုလို့ ပြောရမည်ပင်၊
ကြားဖူးနားဝဖြင့် မူးယစ်မှုဆိုတော့ မသိနားမလည်ပဲ ထောင်ကျနေကြတာတွေ ရှိမှာပေါ့ အပြောကို အဆိုပါ ဆရာမက အဲဒါတွေအများဆုံးပဲ၊ တချိူ့က တကယ်ကို သယ်တာ အမှတ်တကယ် ပြစ်မှု ကျူးလွန်တာ၊ တချိူ့က သူငယ်ချင်းက ထည့်ပေးလိုက်တာ၊ တချိူ့က ဒါသယ်ပေးရင် ပိုက်ဆံ ဘယ်လောက်ရမယ်ဆိုလို့ ဘာမှန်းမသိပဲ သယ်ရင်း အဖမ်းခံရတာ၊ တချိူ့က လူကြုံပေးလိုက်လို့ ယူလာရင်း မူးယစ်ဆေး ဖြစ်နေတာ၊ စုံပါသည်။ ဆန်းတာကတော့ ဆေးပြား(၂၀) သယ်တာချင်း အတူတူမှာ တစ်ယောက်က (၂)နှစ်ပဲ အပြစ်ဒဏ်ခံရပြီး၊ တစ်ယောက်က တသက်တစ်ကျွန်းတဲ့၊ ဥပဒေအရ လက်ဝယ်သက်သေနှင့် မိထားပြီဆိုက ဝန်ခံလျင် အပြစ်လျှော့ပြီး ငြင်းဆန်က အပြစ်ကြီးသည် ဆိုလေရာ အဆိုပါ ဆေးပြား(၂၀) သယ်လာသူမှာ သူလုပ်တာမဟုတ်၊ သူမသိကြောင်း ငြင်းဆန်ခဲ့ပုံရသည်။ တစ်သက်တစ်ကျွန်းတဲ့၊ မသိနားမလည်ပဲ ယူလာ၊ ဥပဒေနားမလည်၊ ရှေ့နေရှေ့ရပ်လည်း မငှားနိုင်ဖြင့် အပြစ်ဒဏ်ကျခံနေရတာဖြစ်သည်။
တချိူ့ဆို အိမ်က ဒီလိုဖြစ်နေတာ မသိ၊ သူတို့ကို လာတွေပေးမယ့်သူ နတ္ထိ၊ အဆိုပါဆရာမကို မြင်တဲ့အခိုက် ဝမ်းသာပြီး ဖက်ငိုကြ၊ အိမ်ကို ဆက်သွယ်ပေးဖို့ လိပ်စာတွေ ပေးကြတဲ့၊ သူတို့မှာ စာဖတ်ခွင့်ရှိသည်။ စာကြည့်တိုက်လည်း ရှိသည်လို့ သိလာရတော့ နောက်တစ်ကြိမ်မှာ ထောင်ကို လိုက်သွားပြီး စာအုပ်လှုပေးဖို့နဲ့ အနွေးထည်တွေ လိုတယ်အပြောကို အနွေးထည်တွေပါ ယူသွားမယ်လို့ စီစဉ်ထားပါသည်။
အဆိုပါ သတင်းကြားတဲ့ နေ့က အမျိူးသမီးတွေရဲ့ ဘဝတွေကို တောင်စဉ်ရေမရ တွေးတောလို့ မဆုံးသေး၊ ဖေ့စ်ဘွတ်မှာ မိတ်ဆွေ တစ်ယောက် ရှယ်လိုက်သည့်သတင်းက မထိတ်သာ မလန့်သာ၊ ယောင်္ကျားဖြစ်သူက အရက်မူးပြီး သောင်းကျန်းကာ မိန်းမနှင့် သားကို ဒါးဖြင့်လိုက်ခုတ်သည်။ သားမှာဒဏ်ရာအနည်းငယ်ရသည်။ အိပ်ပျော်သွားတဲ့ ခင်ပွန်းကို မိန်းမက ဒါးဖြင့် လည်ပင်းကို ခုတ်ထစ်သတ်လိုက်သည်။ ပုံထဲမှာ အမျိူးသမီးကို ရဲတွေက စစ်ချက်ယူနေဟန်ရှိသည်။ အမျိူးသမီးကြည့်ရတာ သူ့အလုပ်သူလုပ်ပြီးလို့ အေးဆေးနေဟန်၊ ကြည့်နေရင်း ရင်တွေ ပူလာသည်။ သွေးအိုင်ထဲမှာ တုံးလုံးပက်လက်ကြီး ဘေးထားပြီး မေးနိုင် ဖြေနိုင်ကြသည်။ ရှယ်လိုက်သည့် မိတ်ဆွေက " အမျိူးသမီးတို့ရေ ရှေ့နေ(၁၀၀)လောက်ငှားပြီး ဒီအမျိူးသမီးဖက်က လိုက်ပေးလိုက်ကြပါတဲ့"
အမျိူးသမီးနဲ့ အမျိူးသား တန်းတူရေးတွေ ၊ အမျိူးသမီးအရေး ဦးစားပေးတွေ ၊ အမျိူးသမီးတွေရဲ့ ဦးဆောင်မှု အခန်းကဏ္ဍမြင့်မားရေးတို့ အသာထား ၊ လက်တွေ့ဘဝ အမျိူးသမီးတွေရဲ့ ဘဝမှာ ဒုက္ခဆင်းရဲတွေ များလှသည်။ တချိန်က မြန်မာအမျိူးသမီးဆိုတာ အိမ်သူအိမ်သား မိသားစုကို စီမံခန့်ခွဲကာ အိမ်တစ်အိမ်ရဲ့ အသက်၊ ဘဏ္ဍာစိုး၊ အတိုင်ပင်ခံဖြစ်ခဲ့ရသည်။ ယခုသော် အမျိူးသမီးတွေမှာ မလုပ်သင့်သော အလုပ် ၊ မပြုသင့်သော ကိစ္စတွေ ကျူးလွန်နေကြရသည်။ မနေသင့်သော အရပ်တွေမှာ ရောက်ရှိကြရသည်။ အနာဂတ်ကို ဖြတ်သန်းဖို့ ဘဝဆိုးတွေ ကြုံနေကြရသည်။ ဘယ်သူ ကယ်နိုင်မလဲ၊
ဥပဒေဆိုတဲ့ စာအုပ်အတိုင်း တရားသူကြီးက အမှန်တရားလို့ ဆုံးဖြတ်ပေးလိုက်သည်၊ တကယ်အမှန်တရားကား အဆိုပါ ဥပဒေရဲ့ အနောက်မှာ သတ်သတ်ရှိနေသေးတာပဲ ဖြစ်လေသည်။
ခိုင်ခိုင်စောလွင်

" ကြယ်တွေ ကြွေခဲ့တယ်" ၂၇ရက် ဇွန် ၂၀၁၆ခုနှစ်ထုတ် ဒီလှိုင်းစာစောင် အတွဲ(၅) အမှတ်(၂၃) မှ " ကြယ်တွေ ကြွေခဲ့တယ်"

ကြယ်ကြွေတာ
ကင်ဆာတဲ့လား
ကင်ဆာကျဆုံးပါစေ၊
စစ်အာဏာရှင်တို့ရဲ့ မတရားဖမ်းဆီး နှိပ်စက်မှုကြောင့် ကျဆုံးခဲ့ရတဲ့ ခရမ်းအမတ် ဦးတင်မောင်ဝင်းရဲ့ ဇနီး စာရေးဆရာမ ခင်လှိုင်ကြူရဲ့ ရင်ထဲက ဖွင့်ထုတ်လိုက်တဲ့ အသံ ၊ စစ်အာဏာရှင်တို့ တိတ်တိတ်ခေါ်သွား၊ ဘယ်ဆီရောက်မှန်းမသိ၊ နောက်ဆုံး အနှိပ်စက်ခံရပြီး ကျဆုံးတော့ " ကင်ဆာ" တဲ့
" မုန်တိုင်းမှာကြွေတဲ့ ကြယ်တစ်ပွင့်" ရင်နင့်အောင် ဖတ်ခဲ့ရပေမယ့် စိတ်ကူးယဉ် ဇာတ်လမ်းမဟုတ်၊ တကယ်ကြုံတွေ့ခဲ့ရတဲ့ မိသားစုအဖို့ ဘယ်တော့မှ မမေ့နိုင်တဲ့ နာကျင်စရာ အတိတ်ဆိုး၊ ဒီလို အတိတ်ဆိုးတွေ စစ်အာဏာရှင်တွေ အုပ်စိုးခဲ့သည့် (၁၉၆၂) ခုနှစ်မှသည် ၁၉၈၈ခုနှစ် နောက်တစ်ကြိမ်၊ ထိုမှ ဆက်ကာဆက်ကာ နှစ်ပေါင်း ငါးဆယ်ကျော် တိုင်းပြည်က မိသားစုတွေ ကြုံခဲ့ရသည်။
သီပေါစော်ဘွား စပ်ကြာဆိုင်တဲ့ ၊ ၁၉၆၂ခုနှစ် မတ်လ(၂)ရက် စစ်တပ်က အာဏာသိမ်းစဉ် စစ်အာဏာရှင်တို့ ဖမ်းဆီးခေါ်ဆောင်သွားပြီး ယနေ့တိုင် သေသည်၊ ရှင်သည် အတည်မပြုနိုင်သည့် ထူးခြားသည့် ဖြစ်ရပ်၊ သူ့ဒေသမှာ သူသည်လည်း ကြယ်တစ်ပွင့်၊ ပြည်သူတွေအတွက် စွမ်းစွမ်းတမံ ကြိုးစားလုပ်ကိုင်နေသည့် ခေတ်ပညာတတ်၊ နိုင်ငံခြားပြန် တစ်ဦး၊ ပထမတော့ မိသားစုသိရတာက ရပ်စောက်က ဗထူးတပ်မှာ အဖမ်းခံနေရတာ ဖြစ်ပြီး မကြာမီမှာ သီပေါစော်ဘွားစပ်ကြာဆိုင်ကို တော်လှန်းရေးကောင်စီက ဖမ်းဆီးထားခြင်း မရှိပါ၊ သူဘယ်ရောက်နေသည် ဆိုတာ မသိပါလို့ အာဏာသိမ်းအစိုးရက သတင်းထုတ်သည်။ " မြူ တိမ်ဝေဝေ တောင်ခိုးဝေးဝေး" တဲ့ စပ်ကြာဆိုင်ရဲ့ ဇနီးဖြစ်သူ မဟာဒေဝီ စပ်သုစန္ဒီ Inge Sargent ကိုယ်တိုင်ရေး Twilight Over Burma ကို စာရေးဆရာ ပြေ (ဆေး-၂) ဘာသာပြန်သည့် စာအုပ်မှာ လွမ်းမောဖွယ်ရာ ရင်နင့်စရာ ဖတ်ရသည်။
စစ်အာဏာရှင်တို့ ထုံးစံ ဘယ်ခေါ်သွားမှန်းမသိ၊ ဘာဖြစ်မှန်းမသိ ၊ မိသားစုရဲ့ ပူဆွေးသောကတွေ အပြင် အာဏာရှင်တို့ရဲ့ ဗြောင်ကျကျ လိမ်တတ်တာတွေ၊ အမုန်းတရားနဲ့ အညှိုးတရားတွေကို ကွက်ကွက်ကွင်းကွင်း ပြန်သတိရစေသည်။ အဆိုပါ အာဏာရှင်တို့ လက်ဆင့်ကမ်းခဲ့သမျှ အာဏာရှင်အဆက်ဆက်တို့ တပုံစံထဲပါလား ဆိုတာကို စက်ဆုပ်ဖွယ်ရာ မြင်သိရသည်။ နောင်ကို စစ်အာဏာရှင်စနစ် တိုင်းပြည်မှာ မကျရောက်အောင် ပြည်သူတွေအားလုံး သတိရှိဖို့ ခံစားမိရသည်။
အဆိုပါ စာအုပ်ကို အခြေခံကာ မှတ်တမ်း ရုပ်ရှင်အဖြစ် ရိုက်ကူးထားသည့် Twilight Over Burma ၊ အဆိုပါ မှတ်တမ်းရုပ်ရှင်ကို လူ့အခွင့်ရေး၊ လူ့ဂုဏ်သိက္ခာ နိုင်ငံတကာ ရုပ်ရှင်ပွဲတော်မှာ ပြသဖို့ အပိတ်ခံရသည့် သတင်းတွေ ဖတ်ရသည်။ အစိုးရက သတင်းအတိအကျ ထုတ်ပြန်တာ မရှိသည့်အတွက် အများတကာ ပြောကြ ရေးကြ ရှင်းကြတာတွေ ဖတ်ရင်း သိရသည်က စစ်တပ်ရဲ့ ပုံရိပ် ထိခိုက်တာတွေ ပါတယ် ဆိုတာနဲ့ တချိူ့ကတော့ ဟိုအခန်းတွေများလို့လို့ ပြောကြပြန်သည်တဲ့၊
ဝတ္ထုကို ရုပ်ရှင်ပြန်ရိုက်ပါက ဇာတ်ညွှန်းပေါ်မူတည်ပြီး ဇောင်းပေးတာ များသွားတာ၊ ဝတ္ထုရဲ့ ရသခံစားမှုတွေ မပါတာ ယခင့်ယခင်တွေကတည်းက များစွာ ရှိတာ ကြားဖူးလေသည်။ တချိူ့စာရေးဆရာတွေ ဆိုပါက သူတို့ရဲ့ နာမည်ကျော် ဝတ္ထုတွေကို ရုပ်ရှင် အဖြစ် ပေးမရိုက်လို့ ကြားဖူးလေသည်။ " မြူတိမ်ဝေဝေ တောင်ခိုးဝေးဝေး" ကရော ဘယ်လို ဖြစ်မလဲ၊ အဆိုပါ ရုပ်ရှင်ကို စရိုက်နေကတည်းက ကြားဖူးပါသည်။ ရင်းနှီးသည့် မိတ်ဆွေ လူငယ်ကလေးတစ်ယောက်ရဲ့ ဇနီးဖြစ်သူမှာ မဟာဒေဝီကို ရှမ်းဘာသာ၊ ရှမ်းစာ သင်ပေးရသည့် နေရာက ပါဝင်သရုပ်ဆောင်ပေးရလေသည်။ မယ်ဟောင်ဆောင်နဲ့ ချင်းမိုင်အနီးတဝိုက်မှာ လာရောက် ရိုက်ကူးကြတာ၊ ထိုင်းလူမျိူး အချိူ့နှင့် ထိုင်းနိုင်ငံမှာရှိတဲ့ ရှမ်းလူမျိူးတွေ ပါဝင် သရုပ်ဆောင်ကြတဲ့ သတင်းတွေ ကြားခဲ့ဖူး ပါသည်။
ယခု ပိတ်ပင်ခံရသည်ဆိုသောအခါ အဆိုပါ ရုပ်ရှင်ကို သူတို့ပြောသလို စစ်တပ်ရဲ့ ပုံရိပ်ကို ထိခိုက်စေပါတယ်ဆိုသည့် ဇာတ်ဝင်ခန်းတွေက ဘယ်လိုပါလိမ့်၊ ယခင် အာဏာရှင်ဟောင်းရဲ့ ရက်စက်မှုကို ရိုက်ကူးတာကို အခုအချိန်အထိ ကာကွယ်နေကြတာလား စသော အတွေးမျိူးစုံဖြင့် ကြည့်မိလေသည်။
စာအုပ်ထဲမှာ မြန်မာအငွေ့အသက်နဲ့ ရှမ်းပြည်ရဲ့ တောင်တန်းအလှတွေ ၊ ရှမ်းတိုင်းရင်းသားတို့ရဲ့ ယုံကြည်မှုတွေ၊ မဟာဒေဝီရဲ့ တိုင်းရင်းသူတစ်ယောက်လို ပြည်နယ်သားတွေနဲ့ တထပ်တည်းကျအောင် နေထိုင်မှုတွေ ပေါ်လွင်သလောက် ရုပ်ရှင်မှာ ဥရောပဆန်နေသည်။ နိုင်ငံခြားသူတစ်ယောက်ရဲ့ မြန်မာပြည်ရဲ့ တောင်တန်းဒေသမှာ နေထိုင်သွားတဲ့ ဘဝကို ရိုက်ထားသလို ဖြစ်နေသည်။ ရုပ်ရှင်ကိုကြည့်နေရင်း ရှမ်းတိုင်းရင်းသူတစ်ယောက်လို တသားထဲ နေထိုင်သွားသည့် ပုံရိပ်တွေ ရှာမရသည့် မဟာဒေဝီ စပ်သုစန္ဒီအတွက် စိတ်မကောင်းပင် ဖြစ်မိလေသည်။
ဩစထြီးယားသူ အင်းဂ် တစ်ယောက် စော်ဘွားလေးနဲ့ ရှမ်းပြည်ဆီ ရောက်အလာ ကြိုဆိုသည့် ရှမ်းတိုင်းရင်းသားတွေက " မင်္ဂလာပါ" တဲ့
ရုပ်ရှင်ရိုက်ကူးစဉ်က အဆိုပါ ရှမ်းလူမျိူးတွေကို မေးမြန်းပြီး ဘယ်လို နှုတ်ခွန်းဆက်သလဲ အဲလို နှုတ်ဆက်ကြ ပြောရင်တောင် လွဲမည်မထင်၊ ကြိုသည့်အခါ မဟာဒေဝီကို ဆက်သသည့် ပန်းကုံးက ထိုင်းစတိုင်၊ ထိုအချိန်က မြန်မာပြည်မှာ ရိုက်ခွင့်မရလို့ အနီးဆုံးနဲ့ အနိးစပ်ဆုံးတူသည့် ထိုင်းနိုင်ငံမှာ လာရောက်ရိုက်ကူးသည် ဆိုက ထားလိုက ထားလိုက်ရနိုင်သော်လည်း ဘယ်လိုမှ ရှမ်းပြည်ရဲ့ လူနေမှုစရိုက်ကို မဖော်နိုင်တာက အမှန်၊
မိခင်နဲ့ကလေးစောင့်ရှောက်ရေး လုပ်ငန်းတွေနဲ့ တရွာပြီးတစ်ရွာ လှည့်လည်ပြီး ကျေးရွာက တိုင်းရင်းသူတွေကို စောင့်ရှောက်တာ စာအုပ်ထဲမှာ ကြည်နူးဖွယ် လေးစားဖွယ်ရာ ဖတ်ပြီးသိရသည်။ ရုပ်ရှင်မှာက တစ်ယောက်က ပြောသလို အနမ်းတွေ ဝေနေပြီး အိပ်ခန်းဆောင် အနီးတဝိုက် အခြွေအရံတွေ နီးနီးကပ်ကပ် အပြည့် အမြဲရှိနေတဲ့ ကြားက ချစ်တင်းနှောရတဲ့ အဖြစ်ကို ကွက်ကွက်ကွင်းကွင်းပြပြန်တော့ မြန်မာမဆန်တဲ့ ပြကွက်ကို မြန်မာတွေက ဟိုဟာတွေလည်း ပါသတဲ့ ပြောကြတာ မဆန်းပြန်၊
စာအုပ်ထဲမှာ ထိုခေတ်ထိုအခါက သီပေါနဲ့ ကျောက်မဲကို သွားရတဲ့ ခရီးတောင် လုံခြုံမှုမရှိတာ၊ စစ်တပ်က သီပေါအနီးတဝိုက်က ရွာတွေကို မီးရှို့တာ၊ လုယက်တာ၊ မိန်းကလေးတွေကို မတော်တရားပြုတာ စတာတွေ ဖတ်ရသည်။ ဒါကလည်း ယနေ့အချိန်အခါထိ ဘယ်သူမှ မငြင်းနိုင်သည့် အမှန်တရား၊ စစ်သားက မုဒိန်းမှုကျူးလွန်တဲ့ အမှုတွေ အများကြီး ရှိသည်။ ဗမာစစ်တပ်နှင့် ဗမာလူမျိူး မကွဲပြားပဲ ဗမာ ဆို မုန်းပါသည် ဆိုသည့် တိုင်းရင်းသားတွေ များစွာ ကြုံဖူးပါသည်။ ဗမာစစ်တပ်က တိုက်လို့ ရွာတွေစွန့်ပြီး ပြေးလာရသူ၊ စစ်တပ်က ဖမ်းဆီးနှိပ်စက်၍ ထွက်ပြေးလာရသူ၊ စတဲ့တိုင်းရင်းသားမျိူးစုံကို ချင်းမိုင်မှာ အများကြီး ကြုံတွေ့ရပါသည်။ တိုင်းရင်းသားအချင်းချင်း အမြင်မလွဲအောင် စစ်တပ်နဲ့ ပြည်သူအကြောင်း စာသင်ချိန်တွေထဲကနေ ဖဲ့ယူကာ ရှင်းပြ ပြောပြ သိစေခဲ့ဖူးပါသည်။
ရုပ်ရှင်ဆိုတာ ဇာတ်နာအောင် လုပ်ရသည်ဆိုပေမယ့် သဘာဝတော့ကျမှ ဖြစ်ရမှာမဟုတ်လား၊ ဗမာစစ်သားတွေ ရွာတွေကို မီးရှိုသည်၊ အကြောင်းပြချက်မပါ၊ စစ်ကားပေါ်က ဆင်းလာပြီး အသားလွတ်မီးရှိုပြသည်။ ယာတောထဲမှာ ဗမာစစ်သားက လူပုံအလယ်မှာ မုဒိန်းကျင့်သည်၊ တိရိစ္ဆာန်တွေအလား၊ စစ်အာဏာရှင်တွေ ရက်စက်သည်ကို ပေါ်လွင်အောင် စစ်သားက လူလယ်ခေါင် ဒီိလိုလုပ်တယ်ပြသည်။ စစ်အာဏာရှင်တွေ ရက်စက်တာကို စာကလေး သုံးကြောင်းနဲ့တင် ပေါ်လွင်အောင် ရေးသားခဲ့သူတွေ ရှိပါသည်။
ကျောင်းက ရှမ်းတိုင်းရင်းသူ ကျောင်းသူလေးတစ်ယောက်က စာအုပ်လည်း ဖတ်ပြီးပါပြီ။ ရုပ်ရှင်လည်း ကြည့်ပြီးပါပြီ ဆိုလေသည်။ ရုပ်ရှင်နှင့် ဝတ္ထု ထပ်တူ မကျပါတဲ့၊ ရှမ်းပြည်ရဲ့ အလှအပ ခံစားမှုတွေ ရုပ်ရှင်မှာ မခံစားရသည့်အပြင် မဟာဒေဝီ စပ်သုစန္ဒီရဲ့ သဘောသဘာဝလည်း မပေါ်ပါလို့ ဆိုလေသည်။
သူက ဆက်ပြောသည်၊
" ဗမာစစ်တပ်က နှိပ်စက်ညှဉ်းပမ်းတာတွေ အများကြီး ကြုံခဲ့ ဖူးပါတယ်၊ စာအုပ်မှာလည်း ပါပါတယ်၊ ဒါပေမယ့် ရုပ်ရှင်ထဲမှာ ပြတာနည်းပြီး အဲဒီပြတာတွေက သဘာဝမကျပါ" တဲ့
စစ်အာဏာရှင်တွေရဲ့ လူမဆန်တဲ့ လုပ်ရပ်ကြောင့် လူ့အခွင့်အရေး၊ လူ့ဂုဏ်သိက္ခာ ဆုံးရှုံးသွားရတဲ့ သီပေါစော်ဘွားစပ်ကြာဆိုင်နဲ့ မိသားစုဝင်တွေရဲ့ ဖြစ်ရပ်က မပေါ်လွင်ပဲ ပြီးသွားတယ်။ တခုတော့ ရှိပါတယ် ၊ သမီးက စာအုပ်ကို အရင်ဖတ်ပြီးလို့ ဒီလို ခံစားရတာလား ထင်လိုက်ပါသေးတယ်၊ ဒါပေမယ့် ဘာအကြောင်းမှ မသိ မဖတ်ရပဲ ဒီရုပ်ရှင်ကို ကြည့်မိရင်တော့ နိုင်ငံခြားသူတစ်ယောက်ရဲ့ ရှမ်းပြည်မှာ ဖြစ်ပျက်ခဲ့တဲ့ ဘဝဇာတ်ကြောင်းလို့ ထင်ကြမှာပဲ"
ဘယ်လိုပဲ ဖြစ်ဖြစ် မြန်မာပြည်မှာ အချိန်မတန်ခင် ကြွေလွင့်သွားရတဲ့ သူတွေ ရှိခဲ့တယ်ဆိုတာ ဖျောက်မရ၊ ကြယ်တွေ ကြွေသလို ကြွေရဲတဲ့ ကြယ်တွေ များစွာရှိခဲ့သည်။ သမိုင်းဆိုတာ ဖျောက်ဖျက်လို့မရပါ၊ နှုတ်တရာ စာတလုံး မှတ်တမ်းတင်ထားတာတွေကြည့်ရင်း သမိုင်းအမှန်ကို သိနိုင်ပါမည်၊ မှတ်တမ်းဆိုတာ အမုန်းပွားဖို့ မဟုတ် အမှန်ကို ဖော်ထုတ်ဖို့သာ ဖြစ်သည်ဆိုတာကတော့ မှတ်တမ်းရုပ်ရှင် အသီးသီးက သက်သေပြကြရပါလိမ့်မည်။
ခိုင်ခိုင်စောလွင်