November 6, 2017

" မဟာကရုဏာရှင်"၆ရက် နိုဝင်ဘာ၂၀၇ခုနှစ် ဒီလှိုင်းစာစောင် အတွဲ(၆) အမှတ်(၄၃)မှ


မေတ္တာ ကရုဏာ ကြီးမားလှသည့် ထိုင်းဘုရင် ရာမ(၉) ဘူမိဘောအဒူလျာဒက်ရဲ့ ဈာပန ပြီးဆုံး သွားပြီဖြစ်သည်။ နတ်ရွာစံပြီး တစ်နှစ်အကြာမှာ ပြုလုပ်သည့် ဈာပနအခမ်းအနားမှာ ပြည်သူတရပ်လုံး ဝမ်းနည်းမဆုံး ဖြစ်နေရဆဲ ဖြစ်သည်။ ဘုရင်ကြီးကို ချစ်ကြသည့် ထိုင်းပြည်သူတွေ နှမြောတသ လွမ်းကြရသည်။ ထိုင်းဘုရင်ကြီးရဲ့ မေတ္တာ ကရုဏာကို ထိုင်းပြည်သူတွေတင်မက ထိုင်းနိုင်ငံမှာ အကြောင်းအမျိူးမျိူးနဲ့ ရောက်ရှိနေထိုင်ကြတဲ့ မြန်မာတိုင်းရင်းသားမျိူးနွယ်စုတွေအပါအဝင် ရွှေ့ပြောင်းအလုပ်သမားတွေပါ ရရှိခံစားကြရရာ မြန်မာအလုပ်သမားတွေကပါ ထိုင်းဘုရင်ကြီးအပေါ် ချစ်ခင်လေးစား နှမျောတသ ဝမ်းနည်းကြတာ မြင်တွေ့ ကြားသိရလေသည်။



                ဖေဖေ့သမီး " ဒီမြေပေါ်မှာ အရာရာတိုင်းဟာ ဒွန်တွဲပြီး ဖြစ်လာတယ်။ မှောင်မဲခြင်းနဲ့ လင်းထိန်ခြင်း၊ လိမ္မာခြင်းနဲ့ မိုက်မဲခြင်း၊ မိမိနှစ်သက်ရာကို ရွေးချယ်ရစတမ်းဆိုရင် လူတိုင်းဟာ အလင်းရောင်ကိုသာနှစ်သက်မယ်၊ လင်းထိန်သောနေရာ ကောင်းမွန်သောနေရာကို ရရှိဖို့ရာ နည်းလမ်းရှိပါတယ်၊ အဲဒါကတော့ သူတပါးကို ချစ်ခင်ခြင်းပါပဲ။ ဘာ့ကြောင့်လဲဆိုတော့ သူတပါးရဲ့ ချစ်ခင်ခြင်းကို ရရှိခဲ့ရင် ပြဿနာတိုင်းကို ဖြေရှင်းနိုင်လိမ့်မယ်။ ဒီကမ္ဘာမှာ ချမ်းသာသုခတွေနဲ့ပဲ ရှိစေချင်တယ်ဆိုရင် ငြိမ်းချမ်းမှုပဲ ရှိစေချင်တယ် ဆိုရင် လူတွေရဲ့ ချစ်ခင်မှုကို ရရှိမှ ဖြစ်မယ်" လို့ သမီးတော်အတွက် ရေးတဲ့စာမှာ ,ယခုလို အစချီထားလေသည်။ ဘုရင်ကြီးရဲ့ သူတပါးအပေါ်ထားနိုင်သည့် မေတ္တာကို ထင်ထင်ရှားရှား မြင်ရသည့်အပြင် အများသူငါအတွက် လုပ်ပေးသွားသည်များက လက်တွေ့မှာ မှတ်တမ်းမှတ်ရာ အဖြစ် ထင်းထင်းကြီး ကျန်ရှိနေလေသည်။



ထိုင်းပြည်သူများအတွက် အဓိက ဘာလိုအပ်သလဲ ဆိုတာကို ထီးနန်းစည်းစိမ်မှာ အေးဆေးသက်သာစွာ နေလို့ ရပါသော်လည်း ကိုယ်တိုင်ကိုယ်ကျ သွားရောက် ကြည့်ရှု ဆောင်ရွက်ပေးခြင်းမှာ ဘုရင်တပါးအတွက် အင်မတန် ထူးခြားနေလေသည်။ ဝေးလံခေါင်ပါးလှသည့် တောတောင် အစွန်အဖျားအထိ ရောက်လာသည့် ဘုရင်ကြီးကို ပြည်သူတွေ ဝမ်းသာအားရ ကြိုဆို ကန်တော့ ထိကြည့် ကိုင်ကြည့် အံဩကြတဲ့ ပုံရိပ်တွေ မြင်ရ ကြည့်ရပါသည်။ ဘုရင်ဆိုသည့် ဟိတ်ဟန် လုံးဝမရှိပဲ ဆင်းရဲ ချိူ့တဲ့နေသည့် ပြည်သူတွကို တွေ့ဆုံနေသည့် ကရုဏာမျက်ဝန်းကိုသာ မြင်တွေ့ရလေသည်။ ရုပ်မြင်သံကြားမှတ်တမ်းတွေမှာ ပြန်မြင်ရပေမယ့် ဒါတွေက တမင်ပြုလုပ်၍ မရဆိုတာ ငြင်းလို့မရပါ။


သက်ကြီးရွယ်အိုတွေက ဘုရင်ကြီးကို သားတယောက်လို ချစ်ခင်ကြိုဆိုကြသလို ငယ်ရွယ်သူတွေကလည်း ဖခင်တယောက်ကဲ့သို့ ကြိုဆို ကြလေသည်။ ချောက်ကမ်းပါး လျှိူမြောင်တွေကိုဖြတ်၊ ရေလွှမ်းနေသည့် လွင်ပြင်ကျယ်ကို ကားတတန် လှေတတန် ဖြတ်သန်းပြီး ပြည်သူတွေလိုအပ်တာ လိုက်လံ ကြည့်ရှုနေသည့် ဘုရင်ကြီးကို ကြည့်ပြီး လေးစာချစ်ခင်စိတ်တွေ တဖွားဖွား ဖြစ်ရလေသည်။ ဘုရင်ကြီးရဲ့ ပုံရိပ်တွေ ပြန်လည်ပြသရာမှာ တောလမ်းခရီးကို ဖြတ်ပြီး လိုအပ်တာတွေ လမ်းညွှန်နေခိုက် သူ့ကိုယ်ပိုင်ဟန် အတိုင်း ကင်မရာအမြဲလွယ်ကာ မြေပုံတချပ်လက်ကကိုင်ပြီး ဘောပင်တချောင်းဖြင့် ညွှန်ကြားရင်း ပေါက်ကနဲ ကျလာသည့် နှဖူးက ချွေးစက်ကလေးကို အမှတ်မဲ့ သုတ်လိုက်ဟန်မှာ မမေ့နိုင်ဖွယ်ရာ ပုံရိပ်တခု အဖြစ် စွဲကျန်ရစ်လေသည်။
                    တောနေလူတန်းစားများ အချိူ့မှာ အင်္ကျီပင်မပါ ဘုရင်ကြီး ခြေအစုံကို ဦးခိုက်သည့်အခိုက် မဟာကရုဏာ အပြည့်ဖြင့် သူတို့ရှေ့ ဒူးထောက် ထိုင်ချတတ်သလို သူသိချင်တာကို ဖြေကြားပေးသည့် ရွာသားတွေနဲ့ အတူ ကြမ်းတပြေးတည်း အတူထိုင် စကားပြောလေသည်။ ဘုရင်ကြီး ဖြတ်အသွား ကမ်းလင့်သည့် သောက်ရေတခွက်ကို ယူကာသောက်လိုက်သည့်အတွက် ဝမ်းသာအားရဖြစ်သွားသည့် အဖွားအိုတယောက်ရဲ့ ကြည်နူးနေသည့် ပုံရိပ်တွေလည်း ကြည့်မြင်ရလေသည်။ ရာမ(၉) ဘုရင်အဖြစ် နန်းတက်ချိန်မှစ၍ တိုင်းသူပြည်သားတွေရဲ့ အကျိူးကို မပြတ် ဆောင်ရွက်တာ တွေ့ရလေသည်။ သက်တော်ကြီးမြင့်လာပြီး လူကြီးပိုင်းအရွယ် ရောက်သည်အထိ အလုပ်တွေ ဆက်တိုက်လုပ်ခဲ့လေသည်။ နတ်ရွာစံပြီး ဘုရင်ကြီးရဲ့ မှတ်တမ်းတွေ ရုပ်မြင်သံကြားမှာ ကြည့်ရရာ အသက်ငယ်ရွယ်စဉ် မြန်မာပြည်ကို ရောက်ခဲ့တာလည်း ကြည့်ရှုရပါသည်။ မြန်မာပြည် ခရီးစဉ် ဓါတ်ပုံတွေ အရ ထိုအချိန်က မြန်မာပြည်ရဲ့ ခေါင်းဆောင်တွေ အဖြစ် ဝန်ကြီးချူပ် ဦးနု၊ ဗိုလ်ချူပ်ကြီးနေဝင်း တို့နှင့် တွေ့ဆုံတာတွေ ပြန်မြင်ရသည်။ တဖန် ထိုင်းနိုင်ငံကို လာရောက် လည်ပတ်သည့် မြန်မာအစိုးရ ခေါင်းဆောင်အဖြစ် ဗိုလ်ချူပ်နေဝင်းတို့ကို မှတ်တမ်းတွေမှာ မြင်ရသည့်အခါ ထိုစဉ်က ထိုင်းဘုရင် ဘူမိဘောအဒူလျာဒက်မှာ မြန်မာခေါင်းဆောင်တွေထက် အတန်အသက်ငယ်သေးတာ တွေ့မြင်ရပြီး တိုင်းပြည်ကို ဦးဆောင်ခဲ့သည့် ကာလသက်တမ်း အတူတူခန့် ရှိတာကို တွေ့မြင်သိရှိရလေသည်။


တိုင်းပြည်ကို ဦးဆောင်ခဲ့သည့် တနည်းအားဖြင့် တိုင်းပြည်ကို ပုံဖော်ခဲ့သည့် သက်တမ်းကလာအတူတူ မှာပင် တိုင်းပြည်နဲ့ လူမျိူး တိုးတက်ကြီးပွားတိုးတက်ပြီး ၊ လူနေမှုအဆင့်အတန်း စိတ်ဓါတ် အဆင့်အတန်းတွေ မြင့်တက်လာစေတာဟာ ထိုင်းဘုရင်ကြီးရဲ့ ပြည်သူအပေါ်ထားတဲ့ မေတ္တာ စေတနာ ချစ်ခြင်းတရားနှင့် ဦးဆောင်လမ်းပြ နေထိုင်မှုတွေကြောင့် ဆိုတာ ဘယ်လိုမှ ငြင်းမရသည့် အချက်တွေ ဖြစ်သည်။ သူ့မှာ ရှိသည့် ဩဇာအာဏာနှင့် စည်းစိမ်ချမ်းသာကို ကိုယ်ကျိူးအတွက် အသုံးမချပဲ ချစ်ခြင်းတရားဖြင့် ပေါင်းစပ်ကာ ပြည်သူ့အတွက် တစိုက်မတ်မတ် လုပ်ဆောင်ခဲ့သည့်အတွက် သူမရှိတော့သောလည်း မယိမ်းမယိုင် ဆက်လက် တည်တံ့ခိုင်မြဲနေတာ ဖြစ်သည်။ Royal Project ဆိုသည့် ဘုရင့်စီမံကိန်းတွေအရ တိုင်းပြည်မှာ စိုက်ပျိူးရေးလုပ်ငန်းတွေ ချဲ့ထွင်ပေးနိုင်ခဲ့သည်။ နည်းပညာနှင့် မြေ ရေ စတာတွေ ပြည်သူတွေ အသုံးပြုခွင့် ရကြသည်။ အစိုးရနဲ့ အုပ်ချူပ်သူဆိုတာ ပြည်သူ့အတွက် စဉ်းစား လုပ်ကိုင်ပေးရမယ့်သူ ဆိုတာကို လမ်းပြခဲ့လေသည်။ တောင်ပေါ်ဒေသတွေမှာ ဘိန်းအစားထိုး သီးနှ့များ စိုက်ပျိူးစေပြီး စီးပွားရေးအခွင့်အလမ်းများ ရရှိအာင် လမ်းပမ်းဆက်သွယ်ရေး ဖောက်လုပ်ပေးသည်။ သဘာဝအလှတွေဖြင့် ခရီးသွားလုပ်ငန်းက ဝင်ငွေရရှိအောင် တောင်ပေါ်အထိ လမ်းတွေ ဖောက်စေသည်။ အခြေခံအကျဆုံး လိုအပ်ချက်ဖြစ်သည့် ရေ ကို ရရှိအောင် စွမ်းစွမ်းတမံ ကိုယ်တိုင်အပင်ပန်းခံ လေ့လာ လုပ်ကိုင်လေသည်။ ဘုရင်ကြီးက တိုင်းပြည်ရဲ့ ခေါင်းဆောင်တွေကို ပြည်သူတွေအတွက် လုပ်ကိုင်ဖို့ နည်းလမ်းချမှတ်ခဲ့တာချည့် ဖြစ်လေသည်။


သမိုင်း မှတ်တမ်းတွေအရ ထိုင်းဘုရင် ရာမ(၉) နန်းတက်စအချိန်က ထိုင်းနိုင်ငံမှာ ဩဇာအလွန်ကြီးမားသည့် စစ်ခေါင်းဆောင်များနှင့် ထက်မြက်သည့် နိုင်ငံရေးခေါင်းဆောင်များ အားပြိုင်နေသည့် အချိန်ဖြစ်သည်တဲ့၊ စစ်တပ်နဲ့ နိုင်ငံရေးသမားများအကြား ဘုရင့် ဩဇာမြင့်မားလာအောင် ချစ်ခြင်းမေတ္တာတရားဖြင့် မြှင့်တင်နိုင်ခဲ့ပြီး ကောင်းမွန်သည့် စေတနာ လုပ်ရပ်တွေကြောင့် ဘုရင်ကြီးရဲ့ တန်ခိုးအာဏာ ထိပ်တန်းသို့ ရောက်လာတယ်လို့ သမိုင်းဆရာတွေက သုံးသပ်ကြလေသည်။ အဓိကကတော့ ဘုရင်ကြီးရဲ့ ထက်မြက်သည့် ညဏ်အမြော်အမြင်နှင့် ပြည်သူ့အကျိူးအတွက် မေတ္တာ ကရုဏာ မုဒိတာ ဖြင့် လုပ်ဆောင်ပေးခဲ့သည့် လုပ်ရပ်တွေကြောင့် ထိုင်းနိုင်ငံ တနိုင်ငံလုံးက ချစ်ခင် အားကိုး ယုံကြည်ကြလို့သာ ဖြစ်သည်။


လူတယောက်မှာ အလိုအပ်ဆုံး ဖြစ်သည့် စားစရာကို ပြည့်ပြည့်ဝဝ စားနိုင်အောင်၊ အလွယ်တကူ မပင်မပန်း ရရှိအောင် နည်းလမ်းတွေ ရှာဖွေ ပေးသွားခဲ့သည်။ တပိုင်တနိုင် စိုက်ပျိူးရေး၊ နောက်ဆက်တွဲအဖြစ် စိုက်ပျိူးနိုင်ဖို့ ရေ ရရှိရေး၊ လူတကိုယ်စာ အသက်မွေးဝမ်းကျောင်းနိုင်ဖို့ အတတ်ပညာ၊ အဆိုပါ အတတ်ပညာ ရရှိဖို့ လူတိုင်း ပညာသင်ခွင့်ရရရေး၊ စတာတွေ ဖန်တီးပေးသည့်အပြင် အကျင့်စာရိတ္တ စည်းကမ်း စတာတွေကို ဦးဆောင်လမ်းပြ နေထိုင်သွားခဲ့သည်။ ခြိုးခြံချွေတာတတ်အေင် စည်းစနစ်ရှိအောင် ထိုင်းပြည်သူတွေကို ငယ်စဉ်ကတည်းက သင်ကြားပေးစေပြီး သူကိုယ်တိုင်လည်း နေထိုင်ပြသွားခဲ့သည်။

သွားတိုက်ဆေးကို စက္ကူကဲ့သို့ ပြားနေသည်အထိ ညှစ်ထုတ် သုံးစွဲသလို ဘိနပ်ကိုပင် ဖာထေးပြီး ဝတ်တတ်တဲ့အကြောင်း၊ အပါးမှာ ခစားခဲ့ရသူတွေက ပြန်လည် ပြောပြတာ သတင်းမှတ်တမ်းတွေမှာ ကြည့်ရလေသည်။ ခဲတံတိုသွားသည့်အခါ စက္ကူဖြင့် လိပ်ကာ ရေးလို့ရအောင် လုပ်ပြီး ကုန်ကာနီးအထိ ရေးခဲ့တဲ့ ခဲတံအတိုအစလေးတွေကို မြင်တွေ့ရပါသည်။


                 ထိုင်းဘုရင် ရာမမင်းဆက်(၉)၊ ဘူမိဘောအဒူလျာဒက်ရဲ့ ဈပနအခမ်းအနားကို နတ်ရွာစံပြီး တစ်နှစ်ပြည့်မြောက်သည့်ကာလ အောက်တိုဘာလထဲမှာ (၂၆)ရက်ကနေ (၂၉)ရက်နေ့အထိ ကျင်းပပြီးစီးသွားသည်။ ဈာပန အခမ်းအနားကို ရုပ်မြင်သံကြားမှာ ကြည့်ရှုရင်း ပြည်သူတွေ ဝမ်းနည်းနေကြတာ မြင်ရသည်။ ပြင်ပမှာလည်း ဈာပနအခမ်းအနား ကျင်းပသည့် နေ့ အောက်တိုဘာ(၂၆)ရက် ကြာသပတေးနေ့က လမ်းပေါ်မှာ လူ ကား အသွားအလာ မရှိသလောက် တိတ်ဆိတ် ခြောက်ကပ်နေပြီး ဝမ်းနည်းစွာ တိတ်ဆိတ်နေကြသလို ဘုရင်ကြီးရဲ့ ဈာပန တိုက်ရိုက်ထုတ်လွှင့်တာကို ရုပ်မြင်သံကြားကနေ ကြည့်ရှု နေကြတာလည်း ဖြစ်သည်။ မြို့တော်ဘန်ကောက်တင်မက ချင်းမိုင်ခရိုင် ချင်းမိုင်မြို့မှာလည်း တိတ်ဆိတ်ခြောက်ကပ်ပြီး ဈေးဆိုင်တွေပါ ပိတ်ထားကြသည်။ အင်မတန်စည်လှသည့် ဈေးတွေပင် ခြောက်ကပ်တိတ်ဆိတ်သွားတော့သည်။ ဝမ်းနဲနေကြသည့် အသွင်အပြင်တွေ ဖြစ်သည်။ ဆုတောင်းပွဲ အခမ်းအနားပြုလုပ်ရာ နယ်အသီးသီးမှာလည်း အနက်ရောင်များ ဆင်မြန်းကာ ဘုရင့်အတွက် ရည်စူးပြီး ပန်းတွေ ပူဇော်ကြလေသည်။ ချစ်ခြင်းမေတ္တာရဲ့ အင်အားကို ကြက်သီးထဖွယ် အတိုင်းသား မြင်တွေ့ခွင့်ရပါသည်။



" အတိတ်မှာပဲ ဖြစ်စေ၊ ပစ္စုပ္ပန်မှာပဲဖြစ်စေ အနာဂတ်မှာပဲဖြစ်စေ သူတပါးကို ကိုယ်နဲ့အတူ မွေးဖွားလာသူ ၊ ကိုယ်နဲ့အတူ အိုမယ့်သူ၊ ကိုယ်နဲ့အတူ နာမယ့်သူ၊ ကိုယ်နဲ့ အတူ သေမယ့်သူချည်းလို့ သဘောထားပါ၊
လောကကြီးကို အကောင်းမြင်ပါ၊ အဲဒီထက်ကိုကောင်းအောင်မြင်ပါ၊ ပြဿနာကို ဆီလျော်မှန်ကန်စွာ ဖြေရှင်းနိုင်ဖို့ လောကကို အမှန်တရားနဲ့ ရှုမြင်ပါ" ဆိုတဲ့ သမီးတော် မင်းသမီးသီရိဒုံကို ပေးခဲ့တဲ့ စာထဲက သဘောအကျဆုံး စာသားကို မကြာခဏ ဖတ်ကြည့်ရင်း သူတော်ကောင်းတရားကို လက်ကိုင်ထားပြီး တိုင်းပြည်ကို ချစ်ခြင်းတရားဖြင့် ဖန်တီးခဲ့သည့် ဘုရင်ကြီးဘူမိဘောအဒူလျာဒက် ကောင်းမွန်မြင့်မြတ်သည့် နေရာကို ရောက်ရှိနေမှာလို့ ယုံကြည်မိလေသည်။

သူတော်ကောင်းတရားလက်ကိုင်ထားကာ မေတ္တာ ကရုဏာ ကြီးမားသည့် လူတယောက် လောကကြီးက ထွက်သွားပေမယ့် ကောင်းမွန်တဲ့ အကြောင်းအချင်းအရာတွေ ကဗျည်းတင်ကျန်ခဲ့တာကို မျက်မြင် ကြုံတွေ့ခဲ့ရသည့်အတွက် ချစ်ခြင်းမေတ္တာတရား၊ ဉာဏ်ပညာတို့ရဲ့ အကျိူးကျေးဇူးကို ကောင်းမွန်စွာ သိရှိခွင့် ရလိုက်ပါတော့သည်။
ခိုင်ခိုင်စောလွင်