June 18, 2017

"လှတာကိုမှ လိုချင်သူ"၁၉ရက် ဇွန်လ ၂၀၁၇ခုနှစ် ဒီလှိုင်းစာစောင် အတွဲ(၆) အမှတ်(၂၃)မှ


" မင်းတို့မိန်းမတွေ ဘဲဥကြက်ဥဝယ်ရင် ဘာကိုရွေးကြတာလဲ"
ကိုယ်တိုင်ကတော့ ဘဲချေးကြက်ချေး မပါတာရယ် အရွယ်ညီတာရွေးတာပင် ။ ဘဲေ ချးကြက်ချေးတွေ ကပ်ပါလာက ဆေးကြောရ အချိန်ကုန်ပြီး အရွယ်မညီက ဟင်းကို ဝေပုံချရခက်သည်။ သူရသည့် ဥကပိုကြီးတယ် ကိုယ်ရတာက ကငယ်တယ် အငြင်းပွားမနေရအောင် ရွေးရခြင်းလို့ ဖြေဖြစ်သည်။ တချိုကတော့ စိမ်ပြေနပြေ ရွေးသည် လူတကိုယ်အကြိုက်တမျိူး မဟုတ်ပါလား။ တချို့ကတော့လက်ကလေးနဲ့ ဆကာဆကာ ချိန်ပြီးရွေးကြသည်။ နောက်ပိုင်းမှာ ဈေးသည်တွေက ရေစိုအဝတ်ကလေးတွေနဲ့ ဘဲဥ ကြက်ဥတွေကို သေချာဆေးကြော သုတ်သင်ပြီး ရောင်းလာကြသည်။ လှလှပပလေး ရောင်းတဲ့ဆိုင်က ညစ်ပေပြီး သဘာဝအတိုင်း ရောင်းတာထက် ပိုရောင်းရသည်။ လူဆိုတာ လှတာကိုမှ လိုချင်သူချည့် မဟုတ်ပါလား။
ထိုင်းနိုင်ငံမှာ တော့ ကြက်ဥ ဘဲဥကို ရွေးဝယ်နေကြတာ မတွေ့ရသလောက်၊ သူတို့ ဈေးနှုန်း သတ်မှတ်ထားသည့် အတန်းအစားအလိုက် အရွယ်အစားမှာ တိုင်းထားသလို ညီနေသည့်အတွက် ရွေးချယ်ဖို့ မလိုပဲ လိုချင်သည့် အရေအတွက်သလောက် ပြောဝယ်ကြတာများသည်။ သတင်းတပုဒ်မှာ ဖတ်ဖူးသည်။ ကြက်တွေကို အစာကျွေးတာကအစ ကိုယ်အလေးချိန်နဲ့ အခြားအချိူးအစားတွေ တညီထဲ ဖြစ်အောင် သေချာ မွေးထားပြီး ဥသည့် ဥတွေကိုလည်း အလေးချိန် အရွယ်အစား အတူတူဖြစ်အောင် ဥ ခိုင်းသည့် စနစ်ဖြင့် ဥ ကလေးတွေ တညီထဲ ဖြစ်အောင် လုပ်နိုင်ပြီလို့ ဖတ်ရဖူးသည်။ လူတွေအကြိုက်ကို လိုက်လို့ လူတွေကဖန်တီးကြရတာဖြစ်သည်။
" ပန်းတွေက လှလိုက်တာ အစစ်အတိုင်းပဲ၊ အတုလို့ မထင်ရဘူးနော် တကယ့်အစစ်အတိုင်းပဲ " ဒါကတော့ အတုက အစစ်လိုလှနေတဲ့ ပန်းကလေးတွေ၊ ပစ္စည်းလေးတွေ တွေ့ရင် ပြောလေ့ရှိတဲ့ စကား၊ တခါတလေကျပြန်တော့ " လှလိုက်တာ အတုလား" တဲ့ သိပ်ကိုလှလွန်းလို့ အစစ်ဆို အဲဒီလောက် မလှနိုင်၊ တုပထားလို့သာ ဒီလောက်လှတာလို့ ထင်မြင်ပြီး မေးကြတဲ့ သဘော၊ အရင်းစစ်က အတုနှင့်အစစ်မှာ အစစ်ကိုအတုက လိုက်တုရင်း သူကပိုလှသည့် သဘောဖြစ်နေတယ်လို့ သုံးသပ်ရပေမည်။ မြက်ခင်းတု ပန်းတု ဆိုတာတွေက အလှအပအတွက် ကြာရှည်ခံအောင် တုကြတာ အပြစ်မဆိုသာပေမယ့် လူ့အသက်ကို ထိခိုက်စေနိုင်သည့် အတုမျိူးတွေကျ ပြသနာရှိလာချေပြီ။ ကြက်ဥအတုတဲ့ တိတိကျကျ သတင်းထုတ်တာ တခါမှ မကြားဖူးပေမယ့် အတု ရှိသည်လို့တော့ လူမှုကွန်ယက်တွေမှာ ပုံတွေတင်တာ တွေ့ဖူးရလေသည်။ သနပ်ခါးအတု ဝယ်မိလို့ တဲ့ ဝယ်ခဲ့မိသူ အမျိူးသမီးလေး တင်ထားတာ ဖတ်လိုက်ရသည်။ ဒါမျိူးကျပြန်တော့ ဘယ်သူသေသေ ငတေမာပြီးရော ဆိုသည့် ဝိသမလောဘစိတ်တွေ ကြောင့်ဖြစ်သည်။
သနပ်ခါးနှင့် ခပ်ဆင်ဆင်တူသည့် သစ်ပုလွေလို အခြား အပင်အမြစ်တွေကို လိမ်ရောင်းတာက ကိုယ်ညံ့လို့ ကိုယ်မသိလို့ ခံရတာဆို ထားပါတော့၊ အခုက သနပ်ခါးအတုံးပြောင်မှာ သနပ်ခါးအပွေးဖတ်တွေကို ကော်ဖြင့် သေချာကပ်ထားပြီး ရောင်းတာဖြစ်သတဲ့၊ သွေးလိမ်းပြီး အဖတ်တခုကွာကျသွားလို့ အထဲက ပျစ်ချွဲချွဲနဲ့ ဖြူဖြူအနှစ်တွေ တွေ့မှ သိရပါသတဲ့ ကလေးတွေကို လိမ်းတောင် လိမ်းပေးပြီးပြီလို့ ဆိုလေသည်။ ဒါမျိူးကတော့ လွန်လွန်းလှသည် ဆိုရမည်။ ရပ်ကွက်တွေမှာ သွေးလိမ်းပြီးလို့ ကုန်နေသည့် သနပ်ခါးတုံးတွေကို လိုက်ဝယ်သည့်သူတွေ ရှိသည်။ သူတို့က ဆွဲခြင်းလေးတွေနဲ့ ချိန်ခွင်ကိုင်ပြီး လိုက်ဝယ်တာ ဖြစ်သည်။ ဘာအတွက် သုံးသလဲဆို သနပ်ခါးအခဲ လုပ်ဖို့လို ဆိုလေသည်။ သနပ်ခါးခဲဆိုတာကလည်း သနပ်ခါးအတုံးတွေကို စက်နဲ့ကြိတ်ပြီး လုပ်ကြတာဆိုတော့ လည်း ဟုတ်လောက်သည်ပေါ့။ ရေစကြိုကနေ သနပ်ခါးတုံးတွေ ရန်ကုန်ကို လာရောင်းသည့် အမျိူးသမီးနှင့် ခင်မင်သွားတဲ့ အခါက သူပြောပြတာနှင့် ဆက်စပ်စဉ်းစားမိသည်။ သနပ်ခါးတွေကို တောင်းကြီးတွေနှင့် ထည့်သယ်ရာ ကြွေကျသည့် အခေါက်ဖတ်တွေကို လိုက်ဝယ်သည့် လူတွေ ရှိသတဲ့၊ သူသနပ်ခါးရောင်းသည့် အနှစ်(၂၀) ကာလအတွင်း အရင်က အကြွေဆို နှမြောပေမယ့် လွှင့်ပစ်ရတာရှိသည်။ အခုတော့ အကြွေရော ကိုင်းဖျားကိုင်းနား အားလုံး ရောင်းရတယ်လို့ ဆိုလေသည်။ ဒါ့ဖြင့် အဆိုပါ အတုံးတွေ အဖတ်တွေကို ဒီလို လှည့်ဖျားရောင်းဖို့ လုပ်ကြလေသလား စဉ်းစားစရာ။
အဆိုပါ သနပ်ခါးရောင်းသည့် အမျိူးသမီးလေးနှင့် သနပ်ခါးဝယ်သုံးရင်း ခင်မင်ရာက သူရန်ကုန်ရောက်ပြီဆိုက တည်းသည့်အိမ်အထိ လိုက်ပြီး သနပ်ခါးရွေးယူတာ သတိရမိသည်။ ကိုယ်တိုင်လည်း လိမ်း၊ သနပ်ခါးကလည်း အစစ်ဖြစ်သည့်အတွက် ခင်မင်သူတွေကိုပါ ပြန်ရောင်းပေးရင်း သနပ်ခါး အစစ်အတု သာမက အနုအရင့် အဖြူပွေး အဝါပွေး၊ နှစ်ထပ်ပွေး တထပ်ပွေး၊ ဘယ်လောက်သွေးသွေး တော်တော်န်ှင့် အပွေးမကုန်တတ်သည့် ကျောက်ပွေး၊ ရွှေဘိုနှင့် ရှင်မတောင် စသည့် သနပ်ခါးနှင့်ပတ်သက်သည့် ဂုဏ်တွေကို မျက်စေ့ဖြင့် ကြည့်လိုက်တာနှင့် တန်းသိတဲ့ အထိ ဗဟုသုတရခဲ့သည်။
တရက်မှာ သူတည်းရာ အိမ်သို့ သနပ်ခါး သွားယူရာ သူက ပန်းချီဆွဲနေတာ တွေ့ရသည်။ စုတ်တံ သေးသေးလေးရယ် ခွက်တခုထဲက နီနီ အရည်ရယ် သနပ်ခါးတုံးတွေရယ် တွေ့တော့ တခုခုပဲဆိုကာ သူ့ကို ဘာလုပ်တာလဲ မေးမိတော့ " လူတွေကလှတာ ကြိုက်တယ်မဟုတ်လား ဒီတော့ လှအောင် လုပ်ရတယ်" လို့ ဆိုလေသည်။ သနပ်ခါးတုံးရဲ့ အပွေးကြားက ခပ်သေးသေးလိုင်းတွေကြားမှာ ရှားစေးကို ရေဖျော်ထားသည့် အရည်ကို စုတ်တံဖြင့် လိုင်းအတိုင်း ဆွဲပေးသည့်အခါ သနပ်ခါးတုံးက ပိုကြွလာပြီး အခေါက်ပိုပေါ်ကာ ပိုလှလာလေသည်။
" ညီမရဲ့ သနပ်ခါးက ရှင်မတောင် အစစ်ဖြစ်တယ်၊ နုတဲ့အတုံးတောင် မွှေးနေတာ ဘာဖြစ်လို့ ဒီလိုလုပ်ရသလဲ ဒီအတိုင်းရောင်းပါ" လို့ ပြောတာကို သူက အခုလို ပြန်ရှင်းပြသည်။
" ကျမနဲ့ ဈေးမှာ ယှဉ်ရောင်းတဲ့ အမျိူးသမီးက တော်ရုံအတုံးကို ရှာစေးတွေတင်ပြီး ဈေးခေါ်ရောင်းတာ အလုအယက်ဝယ်ကြတယ်၊ ကျမ သနပ်ခါးက အစစ် အမျိူးအစားလည်း ကောင်းပေမယ့် တော်တော်ရင့်တဲ့ အတုံးတောင် သူ့ကို မယှဉ်နိုင်ဘူး ဖြစ်နေတယ်၊ လာဝယ်တဲ့သူတွေက ဟိုဘက်ဆိုင်မှာ ဒီ့ထက်လှတယ် ဈေးကဒီလောက်မရှိဘူးဆို ပြောကြတယ်၊ လူတွေက လှတာကြိုက်တယ်မဟုတ်လား ဒီတော့ ကျမလည်း ကြာကြာထိုင်ရောင်းနေရရင် စားစရိတ်နေစားရိတ် ထောင်းတယ် မြန်မြန်ကုန်အောင် လူတွေအကြိုက် လုပ်ရောင်းရတာပဲ"
သူရောင်းတာကို လိုက်ကြည့်တဲ့အခါ ရှာစေးတင်ထားတဲ့ အတုံးတွေက အရောင်းသွက်တာကို တွေ့ရတော့သည်။ စိတ်ထဲကနေ ခက်တာပဲ လို့ ဝယ်သူတွေကို အားမလိုအားမရ ဖြစ်ရသည်။ ကိုယ်တိုင် ရွေးယူတဲ့အခါ ရှားစေးလွတ်တာတွေသာ ရွေးယူပြီး ပြန်ရောင်းဖြစ်လေသည်။ ရှားစေးက အန္တရာယ်မရှိဖူး ပြောပေမယ့် သနပ်ခါးလိမ်းချင်လို့ ဝယ်တာ ရှာစေးပါတာတော့ ဘယ်သူက ကြိုက်ပါမလဲ၊ ဒါပေမယ့် သူကတော့ ရှားစေးသုံးတာ လူတွေကြိုက်အောင် လုပ်ရတာလို့ ဆိုလေသည်။
သူကတော့ အစစ်ကို ပိုလှအောင် မွမ်းမံသူဆိုပေမယ့် အစစ်ကနေ အတု အဖြစ် ရောက်ရသူပေါ့၊ အတုတွေ ပေါသည့် ခေတ် နောက်အတုတမျိူးက လူမှုကွန်ယက်မှာတောင် အကောင့်တုတဲ့၊ သနပ်ခါးအစစ် ရွေးရသလို အကောင့်တုကိုလည်း ရှောင်ရန် ရွေးရသည့် စံ တွေရှိသည်။ မရွေးလို့မရ၊ အကောင့်တုတွေသည် အဆဲသန်သည်၊ အမုန်းစကားဆိုသည်။ စည်းမရှိကမ်းမရှိ ပြောချင်ရာပြောသည်၊ အများသူငါ ကြည့်သင့်လား မြင်သင့်လား စဉ်းစားဉာဏ် မသုံးပဲ သွေးရဲရဲသံရဲရဲ ပိုးလိုးပက်လက် မြင်မကောင်းသည့် ပုံတွေ တင်သည်၊ ဖြန့်သည်။ အတိုချုံးးက ဝိသမလောဘသမားထက် ဆိုးသည့် ရွံစရာသတ္တဝါတွေ ဖြစ်သည်။
ကိုယ်နဲ့မသိက လက်မခံဆိုသည့် မူက စာလေးဘာလေးရေးတဲ့အခါ စာဖတ်ပရိတ်သတ်ဆိုသည့် အမြင်ကို ထည့်တွက်ရသေးသည်။ ဓါတ်ပုံမပါက လက်မခံ၊ ပုံမပါသော်လည်း အပြင်မှာသိသူ လက်ခံ၊ ပုံမပါ အပြင်မှာလည်း မသိပေမယ့် တဆင့်တဆင့်သိရင်း ဖြင့် မည်သူမည်ဝါ သိက လက်ခံ၊ ပရိုဖိုင်မပါ အပြင်မှာလည်း မသိ ဆွေမျိူး ညီအကိုမောင်နှမတွေရဲ့ အသိမိတ်ဆွေ ဆိုက လက်ခံ၊ ဒီလိုဖြင့် အတု အစစ် ခွဲရသည်။ အချိူ့ဆိုက ဘယ်သူနှင့်မှ မသိပေမယ့် စောင့်ကြည့်ပြီး ကိုယ့်စာလေးတွေ အားပေးနေသူလို့ သိလာတဲ့အခါပဲ ဖြစ်ဖြစ်၊ တယောက်ယောက်နဲ့ ပတ်သက်တာသိလာလို့ပဲ ဖြစ်ဖြစ် အတန်ကြာမှ လက်ခံဖြစ်သည်။ တချိူ့ အကောင့်တုတွေက အဆိုပါ စောင့်ကြည့်ဆဲ ကာလမှာပင် နာမည်တွေ တမျိုးပြီး တမျိူး ပြောင်းသွားတာကို တွေ့နေရလေသည်။ ပရိုဖိုင်က ဓါတ်ပုံကလည်း ကိုရီးယားမင်းသမီး မင်းသားပုံတွေ အမျိူးမျိူး ပြောင်းနေလေသည်။ အကောင့်တု စစ်ခွဲနိုင်ဖို့ ကိုရီးယားဇာတ်လမ်းတွဲတွေ များများ ကြည့်ပေးရမလိုလို၊
အတု အစစ် သေချာ ခွဲနိုင်သည့် အကျိူးဆက်က အရည်မရအဖတ်မရ ပေါက်ကရတွေ မမြင်မတွေ့ရသည်သာမက ဆဲသံဆိုသံကင်းကာ စက်ဆုတ်ဖွယ်ပုံတွေ တင်တာလည်း မမြင်ရပေ။ လူအများ ဝမ်းနည်းတာကိုပင် ဝမ်းသာအားရရေးကြတယ်လို့ ပြောသံကြားရတဲ့အခါ " အော် ဒီလို ပြောကြသတဲ့လား" ဆိုတာ သိရပြီး ကိုယ့်အကောင့်ထဲ ဒါမျိူးရေးသူတယောက်မှမရှိ၊ သိတောင်မသိ ၊ ဝမ်းနည်းစိတ်မကောင်း ဆုတောင်းကြတာသာ ဖတ်ရတာ တော်သေးတယ်လို့ တွေးမိရင်း ကိုယ့်အကောင့်ကို ကြံဖန်ဂုဏ်ယူလိုက်မိသေးသည်။
လူမှုကွန်ယက်က တဆင့် မိန်းကလေးတွေကို ချစ်ကြိုက်ယောင်ဆောင်ပြီး လိမ်လည်လည့်ဖျားသည့် အမှုတွေနှင့် လူမှုကွန်ယက်ကနေ ချိန်းခြောက်နေသည့် အမှုတွေ များပြားလာလေသည်။ အလှအပဆိုတာကို လူတိုင်းကြိုက်တာမှန်ပေမယ့် တကယ်လှတာလား အတု အစစ်လားဆိုတာ ခွဲခြားသိမြင်နိုင်ကြပါစေ ဆုတောင်းမိသည်။
အဆိုးဆုံးက နိုင်ငံ့ခေါင်းဆောင်တွေကို မတန်မရာ သူတို့နဲ့ တန်းတူထားပြီး အရပ်ထဲ ရပ်ဖြစ်သလို ဆဲကြဆိုကြတာမှာ အကောင့်အတုတွေ များလှသည်။ ကိုယ့်အကောင့်မှာ ဆဲသူမရှိတာတောင်မှ သတင်းစာမျက်နှာတွေရဲ့ သတင်းအောက်က ကောမန့်တွေမှာ မြင်မကောင်းအောင် ဆဲဆို တိုင်းထွာ ရေးကြတာ စိတ်ပျက်စရာမြင်ရသည်။ သည်အကောင့်ဟာ မည်သူမည်ဝါဆိုတာ ဘယ်သူမှ မသိရင်တောင်မှ ကာယကံရှင်ကိုယ်တိုင်တော့ သိမှာပဲမဟုတ်လား ကိုယ့်ကိုယ်ကို ရှက်သင့်သည်။ သတင်းမီဒီယာတွေကလည်း အဆဲအဆိုတွေကို မဖျက်ပဲ ထားကြသည်။ ကြည့်ရသည်မှာ ညစ်ပေနေသည့် ပတ်ဝန်းကျင်ကြီးတခုလို ဖြစ်နေသည်။ ဆဲနေတာ တိုင်းထွာနေတာကို ဖြုတ်၊ အကောင့်တွေကို လက်မခံ ဆိုကာ ညီညီညာညာ ဝိုင်းကျဉ်ကြက အလှကြိုက်သည့်လူတွေ အတွက် လှပတဲ့ ပတ်ဝန်းကျင် ဖြစ်လာမှာပင်၊ အပေါ်ယံအလှကိုမကြည့်ပဲ သဘာဝအလှကိုကြည့်ကာ သာယာအေးချမ်းသည့် ပတ်ဝန်းကျင်ကို ထုဆစ်ကြပါစို့။
ခိုင်ခိုင်စောလွင်

June 11, 2017

" စကားလုံးစီထားတဲ့ ထမင်းချိူင့်"၁၂ရက်ဇွန်လ ၂၀၁၇ခုနှစ် ဒီလှိုင်းစာစောင် အတွဲ(၆) အမှတ်(၂၂)မှ


ကျောင်းသူဟောင်းတယောက်က ကျောင်းကိုအလည်လာတဲ့အချိန် ကိုယ့်ထမင်းချိူင့်ကို တွေ့ပြီး " ထမင်းချိူင့်ယူလာတယ်ဆိုတော့ ဟင်းကောင်းချက်လာတယ်ထင်တယ်" လို့ အပြောကို နားထဲ ရုတ်တရက် ဆန်းသွားမိပေမယ့် ပါးစပ်ကတော့ ကျောင်းလာတဲ့နေ့တိုင်း ထမင်းချိူင့်ထည့်လာပါတယ် လို့ ပြန်ဖြေလိုက်သည်။ ဒီမှာက စကားအဆန်း ကြားရတိုင်း စကားပေါ်လိုက်ပြီး အဓိပ္ပါယ်ကောက် အကျကောက်လို့ မရဘူးဆိုတဲ့ အတွေ့အကြုံ အသိတွေကြောင့် ပြောရိုးပြောစဉ်ပြောသလို ပြန်ပြောနိုင်ပေမယ့် ထမင်းချိူင့်ကနေ လူတွေရဲ့အဆင့်အတန်း ကြွယ်ဝမှု ငွေကြေးသုံးစွဲနိုင်မှုကို ခန့်မှန်းတတ်ကြတဲ့ အစဉ်အလာသဘောဖြစ်နေတဲ့ လူတချိူ့အကြောင်းကို ပြန်လည် သတိရမိလေတော့သည်။
ထိုင်းနိုင်ငံ ချင်းမိုင်ကို အလုပ်လုပ်ဖို့အပါအဝင် အကြောင်းအမျိူးမျိူးနဲ့
-- ရွှေ့ပြောင်းရောက်ရှိနေတဲ့ အလုပ်သမားတွေထဲကမှ အခြေခံပညာအလယ်တန်းအဆင့် အောင်မြင်ပြီးသူတွေနဲ့ အခြေခံအထက်တန်းကို ပြီးဆုံးအောင် မတက်ရောက်နိုင်ခဲ့တဲ့ မြန်မာပြည်ဒေသအသီးသီးက လူငယ်တွေ ကို ပညာဆက်လက်သင်ပေးပြီး တက္ကသိုလ်အဆင့်ကို တက်ရောက်နိုင်အောင် သင်ပေးနေတဲ့ BEAM( Bridging Educational Access to Migrants) ကျောင်းဆိုတာရှိသည်။ အဆိုပါကျောင်းမှာ ကလေးတွေက တိုင်းရင်းသားပေါင်းစုံ စုံလင်လှပါသည်။ မြန်မာပြည်မှာ နေထိုင်စဉ်က ကြားရုံသာ ကြားဖူးပြီး မမြင်ဖူးသည့် လူမျိူးစုလေးတွေကိုပါ တွေ့မြင်ခွင့်ရပြီး မြန်မာပြည်က တိုင်းရင်းသားမျိူးနွယ်စုအသီးသီးရဲ့ ဘဝတွေကို သိခွင့်ရခဲ့ရသည်။ ထိုအခါမှ တိုင်းရင်းသားဝတ်စုံတွေဝတ် အစိုးရရုပ်မြင်သံကြားနဲ့ ရေဒီယိုတွေမှာ ပြသထုတ်လွှင့်နေတာတွေက အပေါ်ယံအသွင်အပြင်တွေ ဖြစ်ပြီး တကယ့်လက်တွေ့မှာ ဆိုးရွားလှတဲ့ ဘဝအခြေအနေတွေကို ဖြတ်သန်းရပြီး မငြိမ်းချမ်းပဲ ထိတ်လန့်စွာနေခဲ့ရတဲ့ သူတို့ရဲ့ ဘဝတွေကို ရင်နှင့်အမျှ သိရှိခံစားခဲ့ရလေသည်။
အဆိုပါ ကျောင်းက ကလေးတွေကို အိမ်နီးချင်းအနေနဲ့တမျိူး သမီးတို့ရဲ့ သူငယ်ချင်းတွေအနေနဲ့ တဖုံ သိခွင့်ရခဲ့တာကနေ သူတို့အကြောင်း တစေ့တစောင်းကို ဆောင်းပါးတွေလည်း ရေးခဲ့ဖူးသည်။ အင်တာဗျူးတွေလည်း ရေးခဲ့သည်။ ထိုကတဆင့် မိမိတတ်နိုင်တာ ကူညီပေးရင်း အဆိုပါ BEAM ကျောင်းက ဆရာလိုသည့်အခါ လျှောက်ထားဖြစ်ရာက ဆရာမအဖြစ် ပြန်လည် ရောက်ရှိခဲ့ရသည်။ ကျောင်းအုပ်ချူပ်သူ ဆရာတို့ရဲ့ နောင်မှာ ပြောစကားအရ ကိုယ်က တိုင်းရင်းသားကလေးတွေကို စိတ်ဝင်စားမှုရှိပြီး သူတို့ဘဝတွေကို နားလည်ခံစားနိုင်တယ်လို့ ယူဆတာရယ် ၊ သူတို့အကြောင်းကို သိရှိပြီးဖြစ်လို့ သည်းခံအနစ်နာခံနိုင်မယ် ထင်တဲ့အတွက် လက်ခံလိုက်တာလို့ ဆိုလေသည်။
ဒီစကားက တကယ်လေးနက်ပါသည်။ တိုင်းရင်းသားတွေနဲ့ ဆက်ဆံပြောဆိုတာမှာ မတူကွဲပြားတဲ့ ယဉ်ကျေးမှုနဲ့ ဘာသာစကား၊ ခံယူချက်တွေမှာ နားလည်လက်ခံ သဘောပေါက်နိုင်ဖို့ ခဲယဉ်းလှလေသည်။ ပထမဆုံး တိုင်းရင်းသားဒေသက ကျောင်းသားတယောက်နှင့် တွေ့ဆုံစဉ်က အဖြစ်ကို သတိရမိသည်။
အိမ်မှာ နို့စိမ်းခေါက်ဆွဲ ချက်စားတဲ့အတွက် သမီးရဲ့သူငယ်ချင်းတွေပါ လာစားကြတာ နယ်စွန်နယ်ဖျားအရပ်ဒေသက တိုင်းရင်းသားလူငယ်လေးလည်း ပါလာသည်။ စားပွဲဝိုင်းမှာ ထိုင်ပြီးတဲ့နောက် အားလုံးက ပန်းကန်အသီးသီးကို လက်လှမ်းတဲ့အခါ သူက ဒီတိုင်း ငုတ်တုတ်ထိုင်နေသည်။ စားလေဆိုတော့ မစားတတ်ဘူး ဆိုလေရာ ရုတ်တရက် စ နောက်ချင်စိတ်ဖြင့် လွယ်လွယ်လေး ပါးစပ်ထဲထည့် ဝါးလိုက်ရုံပဲ ပြောမိသည်။ နောက်မှ ပြန်စဉ်းစားရာ သူတို့အရပ်ဒေသမှာ ဒီလိုစားစရာ မရှိတဲ့အတွက် ဘယ်လို ထည့်စားရမယ် မသိလို့ ပြောတာဖြစ်မယ်တွေးပြီး စားပုံစားနည်း သေချာပြမှ သူစားသည်။ စားမယ့်စားတော့ နှစ်ပန်းကန်မက သုံးပန်းကန်စားသည်။
ပြီးမှ သူတခါမှ မစားဖူးတဲ့အကြောင်းနဲ့ ပြန်ကာနီးမှ ခေါင်းလေးညွတ်လို့ အခုအစားအသောက်အတွက် ကျေးဇူးတင်ကြောင်း ပြောသည်။ အဲဒီပထမဆုံး ကနေ သတိထားပြီး တိုင်းရင်းသားကလေးတွေနဲ့ ပြောဆိုတဲ့အခါ သူတို့နှုတ်ထွက်စကားကို ကိုယ်ကြီးပြင်းရာ မြို့ကြီးပြကြီးရဲ့ အရိပ်မထိုးပဲ နားလည်လက်ခံဖို့ သတိထားဖို့ မှတ်ထားလိုက်မိသည်။ နောက်ပိုင်းမှာတော့ သူတို့နဲ့ တသားထဲကျသွားပြီး ဘာ့ကြောင့်ပြောတယ်ဆိုတဲ့ အဓိပ္ပါယ်ကိုကောက်မနေပဲ သူတို့ပြောချင်တာ တန်းသိတဲ့ဆီအထိ ရောက်သည်။
" ဆရာမ ဆရာမရှင်းပြနေတဲ့အချိန် နားလည်ပြီး ငါ့ဖာသာ ပြန်ဖတ်ရင် မေ့ကုန်ရော ငါဘယ်လိုလုပ်ရမလဲ" ဆိုတဲ့ နောက်ဆုံးတန်းက ကျောင်းသူတယောက်ရဲ့ စကားနဲ့ ရုတ်တရက် အခေါ်အဝေါ်က စိတ်ကို တမျိူးဖြစ်သွားပေမယ့် ပြောစရာရှိတာ ပြန်ပြောပြမိသည်။ ခေါ်တော့ ဆရာမ ပြောတော့ ငါ ဆိုတာကို တဖြည်းဖြည်း ယဉ်ပါးလာခဲ့သည်။ ငါ လို့ ပြောတာ ဗမာမှာ ကိုယ့်ကိုယ်ကို စကားပြောရင် ငါလို့ ပြောတယ်လို့ပဲ သူတို့ သိခဲ့ပုံရသည်။ တချိူ့ဆို ဗမာစကားပင် မတတ်တဲ့ အတွက် အခြားတတိယဘာသာစကား တခုခုနှင့် အစားထိုးပြောရသေးသည်။ ဒါက တိုင်းရင်းသားဒေသတွေမှာ ပညာရေးထိရောက်အောင် မပို့ချနိုင်တာ သက်သေတခုပင်၊ တိုင်းနဲ့ပြည်နယ် မြို့တော် ဒါမှမဟုတ် မြို့ကြီးပြကြီးမှာ နေခဲ့ဖူးသူလောက်သာ ဗမာစကားပြောနိုင်ကြပြီး စကားကို ဖွယ်ဖွယ်ရာရာ ပြောတတ်ကြသည်။ အတော်များများက ရိုးရိုးရှင်းရှင်း ဘွင်ဘွင်းကြီးတွေပင်။
ပြီးခဲ့သည့် တရက်ကပဲ စာရေးဆရာတယောက် ကျောင်းကို လာ ဟောပြောတာမှာ ဆရာက " လဲကျရင်ပြန်ထနိုင်ရမယ်" ခေါင်းစဉ်နဲ့ ဟောရင်း ယုံကြည်ရာကို အဓိပ္ပါယ်အရင် ဖွင့်သည်။ ကျောင်းသားတွေကို မေးသည်။ ရယ်စရာအနေဖြင့် ကျောင်းသူလေးတဦးကို " ညည်းရော ဝတ်မှုံရွှေရည်ဖြစ်ချင်တယ်လို့ စိတ်ကူးတယ်မှလား" မေးရာ " မဖြစ်ချင်ပါဘူး ဘာလို့ ဖြစ်ချင်ရမှာလဲ ဟင်.......... " ပြန်ပြောတဲ့ လေသံနဲ့ အမူအယာက ဘာတွေလာပြောနေတာလဲ မျက်မှောင်ကြုံ့ ပြောတာ မြင်တော့ ကိုယ်က အားနာသလိုဖြစ်မိပေမယ့် အဆိုပါဆရာကလည်း ဒါမျိူးတွေ ကြုံဖူးတာ ရိုးနေဟန်ပင် ဘာမှမဖြစ်၊ ကလေးမလေးကလည်း ရိုင်းတာမဟုတ် သူမှစိတ်မကူးပဲ သူ့လာပြောလား သဘာဝအတိုင်းပြောတာ၊ ဒါမျိူးကို မြို့ကြီးပြကြီး လူ့ယဉ်ကျေးလို့ သတ်မှတ်တဲ့စံတွေနဲ့ တိုင်းလို့မရတဲ့ သဘော သဘာဝ။
ယခင်က မြန်မာတနိုင်ငံလုံးမှာ တခုတည်းသာရှိသော ဌာနမှာ အလုပ်လုပ်စဉ်က ထမင်းစားချိန်မှာ စားကြမယ်ဆိုက အတူတူအုပ်စုဖွဲ့ စားသူတွေ ကြုံဖူးသည်။ ကိုယ်တိုင်က ထမင်းစားချိန်တန်က အနားမှာရှိသူ၊ ကိုယ်နှင့်အတူ တာဝန်ကျသူ ရှိနေက စားကြစို့ ခေါ်ဖြစ်သည်။ မည်သူမည်ဝါနှင့်မဆို အတူစားဖြစ်သည်။ တချိူ့က မည်သူ့ကိုစောင့်အုန်းမည်၊ ဘယ်သူနှင့်မှ အတူစားမည် ဆိုက သူတို့ချင်း ခင်မင်ကြလို့ ကနဦးမှာထင်မိသော်လည်း လူတိုင်းမဟုတ်ပေမယ့် တချိူ့တလေက ဘယ်သူ့ထမင်းချိူင့်က ဟင်းကောင်းအမြဲပါတတ်သည်ဆိုကာ စောင့်စားကြတာလို့ သိရသည်။ ကိုယ်တိုင်ကတော့ မြိန်ရာဟင်းကောင်း သတ်မှတ်ထားသည့်အပြင် ဘယ်သူနှင့်စားစား ဘာဟင်းပါပါ ဝိုင်းဖွဲ့ စားက မြိန်တာပင်၊ ဟင်းကောင်းဆိုတာ ဈေးကြီးပေးဝယ်စားရတဲ့အရာ၊ တန်ဘိုးကြီးတာ၊ အသားဟင်းမှ လို့ မသတ်မှတ်မိပဲ ကိုယ်ကြိုက်တဲ့ဟင်း ကောင်းတာလို့ မှတ်ယူထားတာ ဖြစ်သည်။
ကြက်သားဟင်း၊ ပုစွန်ဟင်း ဆိုက အိမ်မှာ မိသားစုစုံတဲ့ အချိန် နားရက်တွေမှာ ချက်တာများသည်။ ထမင်းချိူင့်ထည့်ဖို့ လှတပတ ဖြစ်အောင် ဝေပုံချရခက်သည့်အတွက် လူစုံတက်စုံမှ ချက်စားပြီး ထမင်းချိူင့်ကို ခပ်မြန်မြန်နဲ့ လွယ်လွယ်ချက်လို့ရတာရယ် ချိူင့်နဲ့ စားလို့ အဆင်ပြေမယ့် ဟင်းလျာက်ုသာ ထည့်သွားတတ်သည်။ တရက်မှာ ထမင်းစားဖို့ ပြင်နေသည့် ဦးလေးအရွယ် ဝန်ထမ်းတယောက်ကို " ခဏစောင့်ပါ ကျမမှာ ထမင်းမြိန်စေမယ့် ဟင်းကောင်းပါတယ်" လို့ ပြောရင်း ခြင်းထဲက စတီးသုံးဆင့်ချိုင့်ကို သွားယူလာသည်။ အမြဲတန်းလိုလို ဘယ်သူ့ချိူင့်က ဟင်းကောင်းတယ် စောင့်စားတတ်သည့် သူတွေထဲက မိန်းကလေးငယ်တယောက်ပါ ထမင်းဝိုင်းမှာ ပါလာတာ သိတ်ပြုမိသည်။
ထမင်းချှိူု့်င့် ဖွင့်လိုက်သည့်အခါ " ဒါလား ဟင်းကောင်း" လို့ ပြောတာကို မရိပ်မိပဲ " သီးစုံပဲကုလားဟင်းနဲ့ ငါးပိထောင်းဆိုတာ ရုံးချိန်အမီ ချက်ဖို့ လက်ဝင်တာလေ ဒီနေ့ အချိန်ရလို့ သေချာချက်လာတာ အားလုံးလည်း အရည်သောက်စားရအောင် ပိုထည့်လာတယ် " ငါးပိထောင်းကို အသင့် စိတ်လာတဲ့ သံပုရာသီးစိတ် ရွှဲရွှဲညှစ်ရင်း ပြောမိတော့ သူ့မျက်နှာထားက တမျိူး၊နဲ့ " အမတို့အတွက် ဒါမျိူးကို ဟင်းကောင်းခေါ်တာလား" ဆိုတဲ့ လေသံကြောင့် စိတ်ထဲက သူကတမျိူးပါလား တွေးပေမယ့် အဓိပ္ပါယ်သေချာမသိ၊
နှစ်အနည်းငယ် အကြာမှာ သူတို့အတူ ထမင်းစားကြသူအချင်းချင်း အိမ်ကို လိုက်လည် ဝင်ထွက်ကြပြီး တယောက်ယောက်ကို ပြောနေတာတွေ ကြားရမှ ရှင်းတော့သည်။ ဘယ်သူကဖြင့် အိမ်မှာဖြင့် ဘယ်လိုနေတာ၊ ဘယ်သူကဖြင့် " အမလေး ထမင်းချိူင့်ထဲ နေ့တိုင်း ကြက်သား ဝက်သား မပြတ်ထည့်လာလို့ တော်တော်ချမ်းသာတယ် ထင်တာ သူ့အိမ်ရောက်တော့ ကြမ်းခင်းတောင် မနင်းရဲဘူး ကျွံကျမဆိုးလို့ "
ထိုသူတွေရဲ့ စိတ်ဓါတ်ကို အတော်အံ့ဩသွားပြီး လောကကြီးမှာ ဒါမျိူးတွေ ရှိပါလား ကြုံဖူးသွားသည်။ ကျောင်းသူအရွယ်က အတွေ့အကြုံနှင့် ယှဉ်၍ မရသည့် လူတွေ အကြောင်း သိလာရသည်။ ထမင်းချိူင့်ကို ကြည့်ပြီး ဆုံးဖြတ်တယ်ဆိုတာ အဲဒီမှာကြုံဖူးသွားပြီး လူတွေက ကိုယ်ဖြတ်သန်းရာ ကိုယ်ကြုံဖူးရာ ပေတံနဲ့ လိုက်တိုင်းတတ်ကြတဲ့ အကျင့်ကို ကောင်းကောင်းသတိပြုမိခဲ့ရသည်။
ရန်ကုန်ရောက်တုန်းက ယုဇနပလာဇာမှာ ဖုန်းဆင်းကဒ် သွားထည့်တာ နေတဲ့နေရာနဲ့ ခြေလှမ်း ဆယ်လှမ်းပင်မပြည့်တဲ့ နေရာမို့ အိမ်နေရင်း ထသွားလိုက်တာ ခြေဆုံးခေါင်းဆုံးကြည့်ပြီး " မထည့်ပေးနိုင်ဘူး ကိုယ့်ဖာသာထည့်" လို့ ခပ်ရိုင်းရိုင်း ပြောသည့် အရောင်းအကူဝန်ထမ်း မိန်းကလေးကို တအံ့တ ကြည့်မိရသည်အထိပင်။ ကိုယ့်သမီးတွေထက်ပင် ငယ်ရွယ်လှသည့် အရွယ်ပေမယ့် နှုတ်ထွက်ကြမ်းကာ လူကြီးသူမမှန်းမသိ သည့် အဆိုပါမိန်းကလေးကို သနားစိတ်ပင် ဖြစ်မိသည်။ ကျောင်းက တိုင်းရင်းသားကလေးတွေရဲ့ မပြောတတ်မဆိုတတ်ပဲ ပြောလိုက်သည့် " ငါက" ဆိုတာထက် အဆပေါင်းများစွာ နှုင်းယှဉ်မရနိုင်အောင် ခံရခက်လှသည်။ လူတိုင်းတော့မဟုတ်လို့ တော်တော့သည်။ သူနဲ့ ကပ်နေသည့် ဖုန်းဆိုင်က အဆိုပါအရွယ် ကလေးမလေးကပဲ ဘာကူညီရမလဲ ဆိုကာ ဆင်းကဒ်ပါကူထည့်ပေးလို့ ဖုန်းဘေလ်ဖြည့်တာ အားလုံး သူ့ဆိုင်မှာ လုပ်လိုက်သည်။
" အန်တီတို့က ဧည့်သည်တွေလား' တဲ့ ရုတ်တရက် ဖြေဖို့ စဉ်းစားရင်းက
" ဧည့်သည်တွေ .....ဆိုပါတော့ကွယ်" လို့ပဲ ရယ်ရယ်မောမော ပြန်ဖြေဖြစ်သည်။
အရိုးခံစိတ်တွေ မဟုတ်ပဲ အပေါ်ယံကိုသာ ကြည့်တတ်သည့် အလေ့အထတွေ သိပ်များကြတာ တွေ့ရသည်။ ထိုင်းနိုင်ငံကို ရောက်တဲ့ အချိန် စိတ်အသက်သာဆုံးက အစားအသောက် အဝတ်အစား အနေအထိုင်ကို ဘယ်သူကမှ အရေးမလုပ်တာပင်၊ ရေချိူးခန်းထဲ စီးသည့် ဘိနပ်ကို မှားစီးပြီး ဈေးဝယ်စင်တာ ရောက်ဖူးသည်။ အိမ်နေရင်း တီရှပ်အနွမ်းကလေးနဲ့ ချင်းမိုင်ရဲ့ အကြီးဆုံးဈေး ကာဒ်လဝမ် ခေါ် ဈေးကြီးကို ရုတ်တရက် ဝင်ဝယ်ဖို့ ဖြစ်ဖူးသည်။ ဘယ်သူကမှ အပေါ်ယံအဝတ်အစားကို ကြည့်ပီး ဝယ်နိုင်လို့လား မမေး၊ အထင်သေးသလို ဈေးမေးတာ မပြောချင်သလို မလုပ်၊ ခြေဆုံးခေါင်းဆုံး မကြည့် သူလိုကိုယ်လိုပင် ဆက်ဆံတာ ဖြစ်သည်။
ဆိုင်တွေ ဝင်စားလည်း ထို့အတူ၊ တခါတလေ မနက်စောစော လမ်းလျှောက်အပြန် ချွေးသံတချွဲချွဲ နဲ့ စားသောက်ဆိုင်ဝင်စားလည်း ခါတိုင်းလို ဝန်ဆောင်မှု ပေးတာပင်။ ခြုံပြောရက လူတယောက်ရဲ့ စားသောက်မှုနဲ့ ဝတ်စားဆင်ယင်မှုနဲ့ ထိုလူ့တန်ဘိုးကို လွယ်လွယ်ကူကူ ဆုံးဖြတ်တဲ့ အလေ့မရှိကြတာပင်၊ မိတ်ဆွေ တယောက်ကို သဘောကျမိသည့် အဆိုပါ အကြောင်းတွေ ပြောမိတော့ ထိုင်းလူမျိူးတွေက ဒီမိုကရေစီအလေ့အကျင့်တွေ အတော်ယဉ်ပါးနေပြီတဲ့ ။ တကယ်အားကျပါသည်။ ဘာမဟုတ်သည့် အပေါ်ယံကိုကြည့်မနေပဲ တကယ့်အနှစ်ကို အလေးထားတတ်သည့် အလေ့တွေက အတုယူစရာပါ။ အလုပ်ထဲမှာ သူတို့ ထမင်းစားကြပါက ဘယ်သူက ဟင်းကောင်းလဲ မမေးပါ။ မစပ်စုပါ၊ သန့်ရှင်းရေး အမျိူးသမီးလည်း သူစားချင်တာထည့်လာ၊ သူအဆင်ပြေတာထည့်လာသလို ဆရာမတွေက ကြက်ဥပြုတ်ပဲပါလာတာရှိသည်။ အချိန်မရလို့ ဘာမှာ ထည့်မလာသူကိုလည်း အခြားသူများက မျှပြီး စားလိုက်ကြသည်။ အပြင်ထွက်စားလည်း ဟင်းပေါ် ထမင်းပုံစား ဟင်းတမျိူးနဲ့ (၃၅)ဘတ် လူတိုင်း တန်းတူ စားနိုင်သည်။ တမျိူးနဲ့ မဝသူ ဟင်းနှစ်မျိူး ထည့်ပြီးစားကြသည်။
လမ်းဘေးမှာ မနက်စောစော သန့်ရှင်းရေးလုပ်သည့် အမျိူးသမီးတယောက် တံပျက်စီးလှည်းပြီးက အများသူငါ စားသောက်နေသည့် ခေါက်ဆွဲဆိုင်မှာ အများနှင်တန်းတူ တွန့်ဆုတ်ကာ ရွံ့တွ့န့်တွန့် မဖြစ်ပဲ ဝင်စားနိုင်သည်။ ဘယ်သူကမှ နှာခေါင်းမရှုံ့၊ အရေးစိုက်မနေ သူ့ကို ထူးဆန်းမနေ၊ သူဆိုင်ထဲဝင်လာတာ အထူးအဆန်းမဟုတ်၊
အဝတ်အစားသည် လူ့တန်ဘိုးအစစ်မဟုတ်၊ စားသည့် အစားအသောက်တန်ဘိုးလည်း လူ့တန်ဘိုး မဟုတ်၊ လူတယောက်ရဲ့ တန်ဘိုးအစစ်အမှန်ဆိုတာ ကြီးသူကိုရိုသေ ရွယ်တူကို အလေးထား ငယ်သူကို သနားညှာတာသည့် အလေ့အကျင့်ကို အခြေခံပြီး လူတယောက်နဲ့တယောက် မျှဝေနိုင်တဲ့ ချစ်ခြင်းမေတ္တာ ထားနိုင်ပါမှ သာယာလှပသည့် လောကကြီး ဖြစ်တည်လာမှာ ဧကန်မလွဲဆိုတာ သက်သေပြနေသလိုလို။
ခိုင်ခိုင်စောလွင်

June 4, 2017

" လူထုကိုရှက်ပါ"၅ရက် ဇွန်လ ၂၀၁၇ခုနှစ် ဒီလှိုင်းစာစောင် အတွဲ(၆) အမှတ်(၂၁)မှ



ထိုင်းနိုင်ငံ၊ ချင်းမိုင်ခရိုင်က စရဖီဆိုတဲ့ မြို့နယ်မှာ မြန်မာ တိုက်ကြက်ဖ တကောင်ကို ဘတ်တသန်းနဲ့ အရောင်းအဝယ်ဖြစ်သွားသတဲ့၊ မြန်မာငွေနဲ့ ကျပ် သိန်း (၃၉၀) တန်ဘိုးရှိတဲ့ အဆိုပါ တိုက်ကြက်မှာ ထိုင်း- မြန်မာကြက်မျိူး ဖြစ်ပါသတဲ့၊ သူ့ကို မျိူးစပ်မှာ ဖြစ်တယ်ဆိုတာလည်း သတင်းမှာ ဖတ်ရတဲ့အပြင် သတင်းစာမျက်နှာအောက်က ကောမန့်တွေက ဗဟုသုတ တမျိူးတိုးရစေပြန်သည်။
" မြန်မာတိုက်ကြက်တွေက အကောင်ငယ်ပြီး ဒေါက် သေးတယ် အခွပ်ကတော့ ထိပ်တန်းပဲ ၊ ခွပ်အားကောင်းတယ်၊ ထိုင်းကြက်တွေက အကောင်ကြီးတယ် ဒေါက်ကောင်း တယ် သန်တယ် ခွပ်အားနဲ့ ဇွဲကျ မရှိဘူး" ဆိုတဲ့ တချိူ့သူတွေ ရေးတာ ဖတ်ရပြီး မြန်မာနဲ့ ပတ်သက်ရင် ကြက်ကအစ ဇွဲကောင်းပြီး ပွဲတိုင်းနိုင်တဲ့ အောင်မြင်မှုတွေနဲ့ပါလား သတိပြုမိရလေတော့သည်။
တိုက်ကြက်တောင် မြန်မာကြက်မှ ဆိုသည့် အတွေးကနေ ထိုင်းမှာ ကြက်သားတွေပေါလွန်းလို့ စားတောင်မစားချင်တဲ့ အကြောင်း ပြောမိသည်။ မြန်မာပြည်မှာနေတုန်းကတော့ ကြက်သားဟင်းချက်စားနိုင်သူက တတ်နိုင်သူလို့ အသိအမှတ်ပြုသလိုတောင် ဖြစ်တာ၊ ကြက်သားဟင်းချက်ပါကလည်း အာလူးလေးရောလို့ ကြက်သားကဘယ်နှစ်တုံးနဲ့ အာလူးက ဘယ်နှစ်ခြမ်းဆိုကာ အတိုင်းအတာနှင့် စားခဲ့ရသည့် မိသားစုတွေ အကြောင်း သူငယ်ချင်းတယောက်နှင့် "ကိုယ်တာ" အကြောင်း ပြောကြတာ ပြန်အမှတ်ရမိလေသည်။ ကလေးတွေက " ကိုယ်တာ" ဆိုတာ ဘာလဲ လို့ မေးလို့ မဆလခေတ် လူနေမှုဘဝတချိူ့ကို ပြောပြဖူးတာလည်း သတိရလေသည်။
ကြက်သားဟင်းစားရတာတောင် အရသာက အလွန်ကွာလေသည်။ မြန်မာကြက်သားကမှ ချိုပြီးအရသာလေးလေးပင်ပင် ရှိပြီး ထိုင်းက ကြက်သားတွေက ပွစိကြီးနဲ့ အရသာပေါ့ရွှတ် သည်။ အသားတု စားရသလို ၊
ထိုင်းဖက်ကို မြန်မာပြည်ဘက်က နွားတွေ ကျွဲတွေ ခိုးသွင်းကြသတဲ့၊ တချိူ့ ထိုင်းကုန်သည်တွေ နယ်စပ်ကနေ ခိုးဝင်ပြီး ဝယ်ကြသတဲ့၊ ထိုင်းမှာက မြေနေရာတွေ အလွန်ပေါသည်၊ စားကျက်မြေတွေလည်း များစွာရှိသည်။ သူတို့ မွေးမြူရေးကို ကျကျနနန လုပ်နိုင်သည်။ အစိုးရကလည်း နည်းပညာနဲ့ ဘဏ်တွေကနေ ငွေကြေးက အစ အထောက်အပံ့တွေ ပေးနိုင်သည်။ ဒါ့ဖြင့် မြန်မာပြည်က နွားကိုမှ သွင်းနေတာလဲ မေးခွန်းထုတ်စရာ၊ ကြက်တွေလိုပဲ အတူတူထင်သည်။ မြန်မာနွားက ခိုင်းကောင်းလို့လား အသားကပဲ အရသာကောင်းလို့လား၊
မြန်မာ့အရင်းအမြစ်တွေဖြစ်သည့် အဖိုးတန် တွင်းတွက်အပါအဝင် သစ်တောထွက်ကုန်သာမက မြေပေါ်မြေအောက် သယံဇာတတွေ ထိုင်းကတဆင့် ကမ္ဘာအနှံ့ ရောက်ကုန်တာ ၁၉၆၂ခုနှစ် စစ်အာဏာသိမ်းပြီးနောက်ပိုင်း အများဆုံးဆိုတာ အားလုံးသိပြီးဖြစ်သည်။ အဲဒီနောက် အဆိုးဆုံးကတော့ လူသားရင်းမြစ်တွေ ဖြစ်သည်။ မြန်မာအလုပ်သမားတွေက သွက်သည်၊ လျင်သည်၊ ဖြတ်ထိုးညဏ်ကောင်းသည်၊ လာဘ်မြင်သည် အစရှိသော ဂုဏ်ပုဒ်တွေဖြင့် ထိုင်းအလုပ်ရှင်တွေ အားကိုးရသည့် လူသားရင်းဖြစ်တွေ ဖြစ်လာသည်။ ထိုင်းနိုင်ငံရဲ့ စိုက်ပျိူးရေးထွက်ကုန်တွေ သံပုရာသီးကအစ သကြား၊ ဆီ အထိ မြန်မာပြည်က ပြန်ပြီး ဝယ်သုံးနေကြရသည်။ အဆိုပါ သီးနှံတွေကို မြန်မာတိုင်းရင်းသား အလုပ်သမားတွေက စိုက်ပျိူးနေကြတာဖြစ်ပြီး။ စက်ရုံတွေမှာလည်း မြန်မာပြည်သားတွေ ထုတ်လုပ်သည့် ထွက်ကုန်တွေပဲ ဖြစ်သည်။ သို့သော် လုပ်ငန်းပိုင်ရှင်များ မဟုတ်ပါ။
အဆိုပါ မြန်မာအလုပ်သမားတွေရဲ့ သားသမီးအချိူ့ ထိုင်းနိုင်ငံမှာမွေးတာ ရှိသလို အချိူပလည်း ထိုင်းရောက်မှ ကျောင်းတက်တာ ရှိက ကျောင်းမှာ အတော်ဆုံး စာရင်းဝင်တာ မြန်မာပြည်သား ဖြစ်သည်။ ဘယ်နိုင်ငံ ရောက်ရောက် မြန်မာကျောင်းသားမှာ အတော်ဆုံးစာရင်း ဝင်တာကို သတိပြုမိသည်။
လွန်ခဲ့သည့် နှစ်ပေါင်း ခြောက်ဆယ်ကျော်အတွင်း စစ်အာဏာရှင်တို့ရဲ့ တိုင်းပြည်အုပ်ချူပ်ပုံ စနစ်ကြောင့် တိုင်းပြည်ရဲ့ သယံဇာတတွေ အိမ်နီးချင်းနိုင်ငံတွေကတဆင့် နယ်စပ်ဖြတ်ကျော် ရောက်ရှိသွားတာတွေ မနည်းမနော၊ ယိုယွင်းခဲ့သည့် စီးပွားရေးစနစ်ကြောင့် တိုင်းပြည်ရဲ့ သယံဇာတကုန်ကြမ်းတွေ တဖက်နိုင်ငံက ဈေးပေါပေါနဲ့ ဝယ်ယူပြီး အကောင်းဆုံး တန်ဘိုးအရှိဆုံး ထွက်ကုန်တွေ အဖြစ် သူတို့နိုင်ငံ တံဆိပ်တပ်ပြီး ကမ္ဘာအနှံ့ ဈေးကွက်ကို ရောက်ရှိသွားသည်။ တကယ်တန်း ပြန်တွက်ကြည့်က လွန်ခဲ့သော နှစ်(၆၀) ကနေ (၇၀) အတွင်းမှာ မြန်မာပြည်နဲ့ အိမ်နီးချင်း ထိုင်းနိုင်ငံတို့ မတိမ်းမယိမ်း ရှိနေသည့်အချိန်၊ မြန်မာပြည်မှာက ပြည်တွင်းစစ်တွေနှင့် ရင်ဆိုင်နေရချိန် ထိုင်းနိုင်ငံက အေးချမ်းစွာဖြင့် တိုင်းပြည်တိုးတက်ရာတိုးတက်ကြောင်း အားသွန်ခွန်စိုက် ကြိုးပမ်းလုပ်ဆောင်သွားကြတာပဲ ဖြစ်သည်။ ၂၀၁၀ခုနှစ်တုန်းက ဘန်ကောက်ကနေ ရောက်လာသည့် ဧည့်သည်တယောက်က ချင်းမိုင်မှာ ဈေးသည်ကအစ မိုဘိုင်းဖုန်းတွေ ပြောနေတာကြည့်ပြီး လွန်ခဲ့သည့် (၅) နှစ်ခန့် သူပထမအကြိမ် ရောက်စဉ်ကနဲ့ မတူကြောင်း၊ ထိုစဉ်က ချင်းမိုင်မှာ မိုဘိုင်းဖုန်း လူတိုင်းမကိုင်နိုင်ကြောင်း၊ လမ်းဘေးကအများပြည်သူ ပြောတဲ့ ဖုန်းတွေသာရှိကြောင်း ပြောပြတဲ့အခါ သူတို့လည်း ဆက်သွယ်ရေးမှာ တိုးတက်လာတာ မကြာသေးလို့ သတိပြုမိလေသည်။
စနေ တနင်္ဂနွေမှာ ထိုင်းရုပ်မြင်သံကြား ချန်နယ်တခုက ၁၉၈၀ခုနှစ်ဝန်းကျင်က ထိုင်းခေတ်ဟောင်း ရုပ်ရှင်ဇာတ်ကားတွေ ပြန်ပြတာမှာလည်း တိုက်တာအဆောက်အဦတွေ၊ မော်တော်ကားနဲ့ သယ်ယူပို့ဆောင်ရေး အပါအဝင် ဈေးဆိုင်တွေမှာ ထိုခေတ်ကာလ မြန်မာပြည်အခြေအနေနှင့် မတိမ်းမယိမ်းဆိုတာ သတိပြုမိရသည်။
ယခုသော် တရှိန်ထိုး တိုးတက်ပြီး တဦးချင်း ဝင်ငွေကအစ များစွာ ကွာဟသွားသည့်အပြင် အိမ်နီးချင်း မြန်မာ၊ လာအို၊ ကမ္ဘောဒီးယားနိုင်ငံတို့ရဲ့ စီးပွားရေးအရ မှီခို အားထားရာ တစိတ်တဒေသဖြစ်လို့နေချေပြီ။ အဆိုပါ နိုင်ငံတွေက လူသားအရင်းအမြစ်ကိုပင် ခေါ်ယူ သုံးစွဲနေကြလေပြီ။
မြန်မာပြည်မှာ သယံဇာတအရင်းအမြစ်တွေ များစွာထွက်ရှိသည်။ ထွက်တာမှ တမျိူးမဟုတ်၊ ဘက်စုံထွက်သည်။ စိုက်ပျိူးရန်မြေအလွန်ကောင်းသည့် ဧရာဝတီတိုင်းကြီးတခုလုံး ရှိသည်။ သို့သော် အလုပ်လုပ်ပိုင်ခွင့် အခြေအနေတွေ မပေးတော့ပေ။ သို့သော် အဆိုပါ တိုင်းပြည်ရဲ့ အကျိူးအမြတ်ကို ပြည်သူလူထုက တစိုးတစေ့မျှ ခံစားခွင့်မရရှိခဲ့ကြ၊ စားဝတ်နေရေးကြပ်တည်းတယ်ဆိုတာထက် စားစရာမရှိ ငတ်ပြတ်သည့် အခြေရောက်သည့် လူတွေရှိလာသည်။ အလုပ်အကိုင် အခွင့်အလမ်းမရှိ၊ ပညာရေးသင်ကြားခွင့်ရဖို့ တန်းတူ အခွင့်အရေးမရရှိခဲ့ကြ၊ ဒီလိုနဲ့ နှစ်ပေါင်းများစွာကြာသော် ပိုကောင်းသည့် အရပ်ဒေသ ၊ ထမင်းတလုပ်ကို တူတူတန်တန် ရှာစားလို့ ရသည့်ဒေသ၊ ပညာကို မသင်မနေရ သင်ရမည့် အရပ်ဒေသတွေကို ပြောင်းရွှေ့ ရောက်ရှိသွားကြလေသည်။
" ကျမကလေးက ထိုင်းနိုင်ငံသားကဒ် ရသွားပြီ၊ ကျမသားလေးကတော့ ထိုင်းမှာ မွေးတာမို့ ထိုင်းကျောင်းမှာ ထားလိုက်တာ မြန်မာလို မပြောတတ်တော့ဘူး ထိုင်းဖြစ်သွားပြီ၊ ကျတော်/ ကျမကတော့ ထိုင်းတောင်ပေါ်သားခံယူထားတာ "
ဒီလိုတွေ ကြားရဖန် တွေ့ရဖန်များသော် တိုင်းရင်းသားဒေသက မြန်မာတိုင်းရင်းသားတွေ ပျောက်ကွယ်သွားတော့မလား တွေးမိရသည်။ တချိူ့အရပ်တွေဆိုက အရွယ်ကောင်းတွေ ရွာမှာမရှိတော့ပဲ သက်ကြီးရွယ်အိုတွေသာ ကျန်တော့သည်တဲ့၊ စိုက်ပျိူးလုပ်ကိုင်စားသောက်ဖို့ လူငယ်တွေ မရှိတော့ပဲ အများစု လုပ်နိုင်ကိုင်နိုင်သူတွေ အားလုံး ထိုင်းမှာပဲ စိုက်ပျိူးရေး မွေးမြူရေး နဲ့ ဈေးရောင်းဈေးဝယ်၊ ဟိုတယ် စားပွဲထိုး ၊ ကုန်တိုက်တွေမှာ အလုပ်သမားနဲ့ သန့်ရှင်းရေး အခြား သော အောက်ခြေလုပ်ငန်းအသီးသီးတွေမှာ ဝင်ရောက်လုပ်ကိုင်နေကြပြီ။
တခါတလေ လမ်းမှာ စစ်သားနဲ့ ရဲတွေ တွေ့က ထိုင်းစစ်တပ်တွေမှာရော မြန်မာပြည်သားတွေ ရှိနေပြီလားမသိ ဆိုသည့် အပြောကို မိတ်ဆွေက ရယ်မောရင်း မရှိလောက်ပါဘူး ဖြေရင်းက" ပြောလို့တော့မရဘူး၊ မြန်မာ အမိ အဖ တယောက်ယောက်နဲ့ ထိုင်းလူမျိူးနဲ့ အိမ်ထောင်တွေကျ၊ ထိုင်းကျောင်းတက် ၊ ကျောင်းပြီးတော့ စစ်ထဲဝင် ရဲထဲဝင်ရင် ရောက်တာလည်း ရှိမှာပေါ့တဲ့" သူပြောတာလည်း ဖြစ်နိုင်သည်။ အသက်(၅၀) ကျော်ခန့်ရှိမည့် ထိုင်းလူမျိူး ကျောင်းအုပ်ဆရာမကြီးတယောက်နှင့် မိတ်တွေဖြစ်ပြီး မြန်မာပြည်က ဆိုသည်နှင့် ခင်မင်ကာ သူ့အိမ်ကို အတင်းအလည်ခေါ်၍ လိုက်သွားဖူးသည်။ သူ့မိခင်ကြီးနဲ့လည်း တွေ့ရအောင်ဆိုလေသည်။ သူ့မိခင်မှာ အသက်(၈၀)ကျော် ထိုင်းအမျိူးသမီးကြီးဖြစ်သည်။
အဆိုပါ ကျောင်းအုပ်ဆရာမကြီး စီးသည့် ဘိနပ်ကို ကြည့်လိုက်ရာ ဆင်ခြောက်ကောင် တံဆိပ် ကတ္တီပါဘိနပ်၊ သူ့အိမ်ရောက်တော့ မြန်မာပြည်က ကြေးမီးပူအပါအဝင် မြန်မာအသုံးအဆောင်ပစ္စည်းအချိူ့ကို သေသေချာချာ သိမ်းထားတာ မြင်ရသည်။ ထိုအခါမှ အဆိုပါကျောင်းအုပ်ဆရာမကြီးက ရှင်းပြသည်။ သူ့ဖခင်မှာ မြန်မာပြည် ရှမ်းပြည်ကတဲ့၊ ယခုတော့ ကွယ်လွန်သွားပါပြီ။ သူ့ရဲ့မောင် အငယ်ဆုံးက ရဲအရာရှိတယောက်ဖြစ်ပြီး ထိုင်း-မြန်မာနယ်စပ်မှာ တာဝန်ကျဖူးလို့ မြန်မာစကား ကောင်းစွာ ပြောတတ်သည်တဲ့။ သူကတော့ မပြောတတ်ပါတဲ့။ ဒါက ယခင်က၊ ယခုနောက်ပိုင်း ရှောင်လို့မရနိုင်အောင် တွေ့နေရသည့် မြန်မာပြည်သားတွေ များပြားလာသည်။ အဓိက ပြဿနာက နယ်မြေမငြိမ်းချမ်းတဲ့အတွက် စားဝတ်နေရေး အကြပ်ဆိုက်ခြင်း။
စားဝတ်နေရေးပြဿနာမှာ တိုင်းပြည်ရဲ့ လူထုကို အကြီးအကျယ်ချိန်းခြောက်နေတယ်ဆိုတာ သက်သေပြနေလေသည်။ စားဝတ်နေရေးကြောင့် တကြိမ်တခါမှ မရောက်ဖူးသည့် တခြားတစိမ်းနေရာမှာ သွားရောက် လုပ်ကိုင်နေရသည်။ ကိုယ့်နိုင်ငံ ကိုယ့်မြေကိုယ့်ရေမှာ အေးအေးချမ်းချမ်း နေထိုင်ရက ဘယ်သူကများ တိုင်းတပါးသွားနေပါ့မလဲ။ သယံဇာတယိုစိမ့်ရာက လူသားရင်းမြစ်တွေပါ ယိုဖိတ်ကုန်လေပြီ။ တိုင်းပြည်ကောင်းအောင်လုပ်ဖို့ အချိန်မှာ ရန်ဖြစ်တာနှင့်ပင် အချိန်ကုန်က ရှက်ဖွယ်လိလိပါတကား၊
ပြည်သူတွေကငတ်ပြတ် ဒုက္ခရောက်ပြီး လူကြီးတွေက ရန်ဖြစ်နေပါက ဒီထက်ပျက်ဆီးဖို့သာရှိတော့သည်။ ပြည်ထောင်စုငြိမ်းချမ်းရေး ညီလာခံ (၂၁)ရာစု ပင်လုံ စနေတုန်း ကာတွန်းတကွက် တွေ့လိုက်ရသည်။ ကာတွန်းထဲမှာ သရုပ်ဖော်ထားတာက စစ်သားကို ဘုရင်ခေတ်က စစ်သည်ပုံ၊ ဝန်ကြီးဝန်လေးကို လည်းထို့အတူ၊ ကာတွန်းဆရာလည်း တိုက်ရိုက်ပုံဖော်ဖို့ ၆၆(ဃ) ရှောင်ရသေးဟန်တူသည်။ ဒဏ်ရာဒဏ်ချက် အပြည့်နှင့် စစ်သည်နှစ်ယောက်က စားပွဲဝိုင်းမှာ စကားပြောနေသည့် ဝန်ကြီးဝန်လေးတွေကို ကြည်ပြီး " တကယ်တော့ စစ်တိုက်တယ်ဆိုတာ လူကြီးတွေ လေကန်ပြီး လူငယ်တွေ အသေခံရတာကွတဲ့ "
ပြီးခဲ့တဲ့ ရက်ပိုင်းက တိုက်ပွဲမှာ ကျဆုံးသွားတဲ့ စစ်ဗိုလ်ဆရာဝန်လေးရဲ့ ကဗျာတပုဒ်ကလည်း လူမှုကွန်ယက်မှာ အတော်ကလေး ဂယက်ရိုက်သွားသည်။ ကဗျာနာမည်က "သတ္တမမြောက် သုဒ္ဓကိန်းတစ်လုံး " တဲ့ ရှေ့တန်းစစ်မျက်နှာပြင်မှာ ကြုံရတဲ့ အဖြစ်အပျက်နဲ့ စစ်သည်စာဆိုရဲ့ ခံစားချက်တို့က ဖတ်ရသူအေပါင်းကို မျက်ရည်လည်စေခဲ့သည်။ အဲဒီကဗျာထဲက အစလေးတစကို ဆွဲထုတ်ရင်း တိုက်ပွဲမှာကျဆုံးသွားခဲ့ရတဲ့ စာဆိုစစ်သည် ဆရာဝန်လေးရဲ့ ရင်ထဲကို လှမ်းဖတ်မိလေသည်။
ရွှေပြည်တော်ဟာ...
မျှော်တိုင်းဝေးနေပေမယ့်
ခြေတစ်လှမ်းလှမ်းတိုင်းတော့
သချိုင်း ဟာ မမျှော်ပဲ နီးနီးလာတယ်
ပါးစပ်နဲ့ ရှင်းနေတဲ့ စကားဝိုင်းတွေအောက်မှာ
သေနတ်နဲ့ ရင်းခဲ့ရတဲ့ အသက်ပေါင်းများစွာ တဲ့
သူ့ကဗျာတပုဒ်လုံးမှာ အဓိပ္ပါယ်ပေါင်းများစွာ၊ သူကျဆုံးပြီးမှ ဒီကဗျာကို ဖတ်ရသူတွေရော၊ သူ့ကိုသိသူရော၊ မသိသူရော အားလုံးကပါ ဗိုလ်သန့်ထင်ဝေ ( ကလောင်အမည် လက်ရုံး) ကောင်းရာမွန်ရာရောက်ပါစေ၊ ဒီလိုအဖြစ်မျိူး နောင် မကြုံရပါစေနဲ့ ဆုတောင်းပေးကြရင်း တိုင်းပြည်ကြီးငြိမ်းချမ်းပါမှ ဆိုသည့် အတွေးတွေဆီ ရောက်ရသည် ။
တန်ဘိုးရှိသော အသက်တွေ ရင်းခဲ့ရပြီ၊ တန်ဘိုးရှိသော လူသားတွေ ဆုံးရှုံးနေရပြီ။ ဆယ်စုနှစ်များစွာ အတ္တအကျိူးတွေ လုပ်ကိုင်ခဲ့ကြပြီ။ ယခုအချိန်အထိ ဘက် မလျှော့ချင်ကြသေး၊ သတင်းမှာတောင် ဖတ်လိုက်ရသေးသည်။ ဘာတဲ့ သူတို့က ကစားကွက် ဖော်နေသေးတာ ဆိုပါလား။ သယံဇာတပေါကြွယ်လွန်းတဲ့ နိုင်ငံက လူထုတွေ စားစရာမရှိ ဆင်းရဲလှပြီး တပါးသူထံ အလုပ်လုပ်ပေးရင်း အခစားဘဝရောက်နေရတဲ့ ကိုယ့်တိုင်းပြည်က လူထုတွေ၊ နယ်မြေမအေးချမ်းလို့ ဒုက္ခသည်စခန်းမှာ နေရတဲ့ မြန်မာပြည်ဖွား တိုင်းရင်းသားတွေ၊ နယ်စပ်ဒေသမှာ ရုန်းကန်ရပ်တည်ရင်း အမှိုက်ပုံကို အိမ်လုပ်နေရသူတွေ အားလုံးဟာ မြန်မာပြည်မှာမွေး မြန်မာပြည်မှာ ကြီးပြင်းခဲ့သည့် မြန်မာလူထု သာဖြစ်သည်။ မြန်မာပြည်သားတွေ ဒီလိုဘဝရောက်ကုန်တာ တိုင်းပြည်တိုးတက်အောင် စွမ်းဆောင်နေကြသည့် ပတ်ဝန်းကျင် အိမ်နီးချင်းနိုင်ငံတွေကြား ရှက်စရာအဖြစ်၊ ဆက်လက်ပြီး တိုင်းပြည်မငြိမ်းချမ်းက အဆတရာပိုလို့သာ ဆိုးပေအုန်းတော့မည်။
ဒုတိယပင်လုံဖွင့်ပွဲမှာ ပြည်သူ့လွှတ်တော်ဥကဌ ဦးဝင်းမြင့် ရွတ်ပြသွားတာ နားထဲကမထွက်
" မေတ္တာမဖက်၊သစ္စာပျက်က၊စစ်မက်လည်းများ၊ပြည်ချောက်ခြား၏၊တိုင်းကားမသာ၊.ပြည်ကြီးနာလိမ့်."
ပြည်ကြီးနာလိမ့်... ပြည်ကြီးနာလိမ့် တဲ့ ၊
ခိုင်ခိုင်စောလွင်