April 24, 2016

" နှစ်သစ်မင်္ဂလာ အတာရေသဘင်ပွဲမှာ....................."၂၅ရက် ဧပြီလ ၂၀၁၆ နေ့ထုတ် ဒီလှိုင်းစာစောင်မှ


မြ န်မာ့ရိုးရာ သင်္ကြန်ပွဲတော်နဲ့ အလားတူ အစဉ်အလာတူတဲ့ ထိုင်းနိုင်ငံက ( songkran festival) စုန်ခရန် ( အချိူ့က စုန်ခလာ လို့လည်း အသံထွက်သည်)အတာ ရေသဘင်ပွဲတော်အကြောင်းကို ဒီအပတ် ဒီလှိုင်းအတွက် ရေးနေစဉ်မှာပဲ ရန်ကုန်တိုင်းဝန်ကြီးချူပ်ရဲ့ သင်္ကြန်ပွဲတော်နဲ့ပတ်သက်တဲ့ စည်းမျဉ်း တွေထွက်လာပြီး အမျိူးမျိူး ဝေဖန်သံတွေ ကြားရလေသည်။ ထို ဝေဖန်သံတွေထဲမှာ တချိူ့က မဏ္ဍပ်မဆောက်ရရင်ပဲ နိုင်ငံခြားဝင်ငွေ မရရှိနိုင်သလို၊ နိုင်ငံခြားခရီးသွားလုပ်ငန်းဖြင့် ဝင်ငွေရနိုင်တာကို ရန်ကုန်တိုင်းအစိုးရအဖွဲ့ကပဲ မသိလို့ မလုပ်တတ် မကိုင်တတ်သလိုလို ရေးကြတာ ဖတ်ရသည်။ ထိုအခါ အိမ်နီးချင်းနှစ်နိုင်ငံရဲ့ ယဉ်ကျေးမှုသဘာဝတူတာတွေ ပျော်စရာ သင်္ကြန်ပွဲအကြောင်း ပြောချင်တာကနေ ဦးတည်ရာ ပြောင်းသွားမိလေတော့သည်။ သင်္ကြန်အကြောင်းချည်း မဟုတ်တော့ပဲ ထိုင်းလူမျိူးတွေရဲ့ စုန်ခလာနဲ့ မြန်မာတို့ရဲ့ အတာသင်္ကြန် နွှဲပျော်ရာမှာ ကွာခြားတာတွေ ရေးဖြစ်လေတော့သည်။ ရိုးရာသင်္ကြန်ဆိုတာကို ယဉ်ကျေးမှုမပျက် ဆင်နွှဲကြတဲ့ အကြောင်းတွေထံ ဦးတည်သွားမိလေတော့သည်။
စာရေးသူ ငယ်စဉ်က တဦးနှင့်တဦး ရေပက်ကစားကြသည့် သင်္ကြန်ပွဲတော် ဆိုတာ မြန်မာပြည်မှာသာ ရှိသည်ဟု ထင်တာဖြစ်သည်။ အသက်(၈)နှစ် တတိယတန်းနှစ်မှာ အဖေနဲ့အတူ ထိုစဉ်က အင်မတန်နာမည်ကြီးသည့် လက်ဝှေ့ကား တကားဖြစ်သည့် ဒေးဗစ်ချန်း နဲ့ တီလုံးတို့ ပါဝင်သည့် ရုပ်ရှင် ကြည့်ရသည်။ အဖေက ရုံးပိတ်ရက်မှာ ရုပ်ရှင်သွားကြည့်မည်ဆိုကာ စာရေးသူတို့ မောင်နှမ(၃)ယောက်ကို ခေါ်သွားရာ အဖေ၊ အကိုနှင့် မောင်လေး တို့ဖက်က (၃)မဲအသာနဲ့ လက်ဝှေ့ကား ကြည့်ဖြစ် ခြင်း၊ ဒေးဗစ်ချန်းနှင့် တီလုံးတို့ တဦးကို တဦး ညီအကိုမှန်းမသိပဲ လက်ဝှေ့ပွဲတွေက တဆင့် လက်စားချေတာ ၊ လောင်းကြေးထပ်တာ ၊ လုပ်ကြံတာတွေ ကြည့်ရရင်း ဇာတ်ဝင်ခန်းတခုမှာ ဒေးဗစ်ချန်းက ထိုင်းကိုရောက် ကြေးစားအဖြစ် လက်ဝှေ့ဝင်ထိုးသည်၊ အဲဒီနောက် မင်းသမီးနှင့် ဟိုဟိုဒီဒီလျှောက်လည်တာ ပြရာမှာ သင်္ကြန်တွင်းဖြစ်ပြီး ရေတွေနှင့် ပက်ကြတာ ကြည့်ရတော့ သူတို့ဆီမှာ သင်္ကြန်ရှိလား အမေးကို အဖေက ထိုင်းမှာရိုက်ထားတာ၊ ထိုင်းနိုင်ငံမှာ မြန်မာပြည်လိုပဲ သင်္ကြန်ပွဲတော်ရှိတယ်လို့ ပြောပြသည်။ မှတ်မိတာလေး တခု ပြောချင်ပါသေးသည်။ အဖေနဲ့အတူ အင်္ဂလိပ်ကား သွားကြည့်တော့ ဇာတ်ဝင်ခန်းတခုမှာ ခွေးဟောင်တာ ပြသည်။ စာရေးသူက သူတို့ဆီက ခွေးတွေက မြန်မာပြည်က ခွေးတွေလိုပဲ ဟောင်တာ တူတယ်အပြောကို အဖေက ရယ်သည်။
ကိုယ်တိုင် ထိုင်းသင်္ကြန်ပွဲတော်ကို ကြုံရသည့်အခါ သူတို့ သင်္ကြန်က တကယ်အေးတာပဲလို့ မှတ်ချက်ပြုမိပါသည်။ ရေခဲတုံးတွေကို ပုံးတွေနှင့် စိမ်၍ ပက်ကြတာ ကြည့်ပြီး ပြောခြင်းမဟုတ်ပါ။ ရေလောင်းသူနှင့် ရေပက်ခံသူတို့ အသံမထွက်ကြ၍ ဖြစ်သည်။ လောင်းသူကလည်း အေးအေးဆေးဆေး ခပ်ပြုံးပြုံး အလောင်းခံသူကလည်း ခပ်ပြုံးပြုံးပင်၊ (၈) နှစ်ဆက်တိုက် ကြုံခဲ့ရတာကတော့ နာမည်ကျော် ချင်းမိုင်သင်္ကြန် ဖြစ်သည်။ သက်ြန်မတိုင်ခင်ကတည်းက နိုင်ငံခြားသားများ အများအပြား ရောက်နှင့်နေကြပြီ၊ မြို့တော် ဘန်ကောက်နှင့် အခြားဒေသများမှ ဒေသခံများပင် ချင်းမိုင်သင်္ကြန်ကို လာကြရာ ကားလက်မှတ်၊ လေယာဉ်လက်မှတ် ရဖို့ မလွယ်တာမျိူး ကြားရသည်။ ထိုင်းနိုင်ငံမှာ ရေပက်ကစားဖို့ နေရာ သတ်မှတ် ပေးထားတာရှိပြီး ရေပက်ချင်သူ ရေကစားချင်သူတွေ ထိုနေရာကို ရောက်လာကြသည်။ ရပ်ကွက်ထဲ လမ်းထဲမှာ ကိုယ့်အစီအစဉ်နှင့် ပက်သူ မရှိသလောက်ပင်၊ ကလေးတချိူ့သာရှိသည်။ ချင်းမိုင်မှာတော့ သင်္ကြန်တွင်း ကိုယ့်ရပ်ကွက်ထဲ ဟိုနားဒီနား သွားလို့ကတော့ သင်္ကြန်ကျနေမှန်း သိပင်မသိနိုင်၊ သို့သော် ရေကစားကြသည့် ကျူံး ပတ်ပတ်လည်အရောက်မှာတော့ တိုးမပေါက်အောင် စည်ကားလှပါသည်။ မုန့်ပဲသားရေစာနှင့် အစားအသောက်မျိူးစုံ ရောင်းသည့် ဈေးသည်များ၊ ရေခဲရောင်းသူများ၊ ရိုးရာအင်္ကျီ ၊ သင်္ကြန်အင်္ကျီ ၊ အလှတပ် သင်္ကြန်မျက်မှန်၊ ဦးထုပ်၊ ရေပြွတ်စတာတွေ ၊ လက်မှုထည် ပစ္စည်းလေးတွေ ရောင်းချကြသည့် သူများ စုံလင်လှသည်။ သင်္ကြန်လည်သူများက ကားနှင့်တဖုံ လမ်းလျှောက်၍ တဖုံ ကျူံးကို ပတ်ကြသည်။ ကားပေါ်ကနေ ရေပြွတ်ဖြင့် လှမ်းပက်သလို လမ်းလျှောက်ရင်း ရေသေနတ်ဖြင့် ပက်ကြသည်။ နောက်ပိုင်းမှာ သင်္ကြန်လည်သူများမှာ နိုင်ငံခြားသားတွေများပြီး ထိုင်းတွေမှာ ပွဲတော်တွင်း ငွေရအောင် ရှာနေသကဲ့သို့ ဖြစ်လာကြသည်။ ရေခဲရောင်းလည်း ကုန်သည်။ ရေပြွတ်ကလေးတွေ အုန်းလက်ဦးထုပ်ကလေးတွေ၊ နှီးဦးထုတ်ကလေးတွေ ဘာရောင်းရောင်း ရောင်းကြရသည်။ သို့သော် သူတို့လည်း ဈေးရောင်းရင်း ရေကစားကြတာဖြစ်သည်။
မိတ်ဆွေတွေစုပြီး ကျူံးတလျှောက် ရေပက်ခံထွက်ကြရာ ရေခဲရေနှင့်ပက်ခံရပါက အေးအေး မအေးအေး " အီးကနည်း အားကနည်း " အော်ကြသည်၊ တနေရာကနေ ဝုန်းကနည်း ရေလာလောင်းလျင် " ဟေးးးးးးးးးးးးးး" ကနည်း အသံကုန်အော်ကြသည်။ ထိုအခါ လူတွေက အထူးအဆန်းသဖွယ် ဝိုင်းကြည့်ကြ ပြီးတော့ ပြုံးကြသည်။ သူတို့က ဘယ်တော့မှ အဲဒီလို အသံမထွက်၊ ကားပေါ်က မိတ်ဆွေ တယောက်က ထိုင်းတွေကို တို့မြန်မာတွေလို ပျော်တတ်အောင် လုပ်ပေးရမယ် ဆိုလိုက်သေးသည်။
တခါတော့ တဖက်ခြမ်းက ကားပေါ်မှာ ခုန်ပေါက်ပြီး ကနေတာ တွေ့တော့ သူတို့ကလည်း ဟေး ကနည်း ပြန်နှုတ်ဆက်သည်။ မြန်မာအချိူ့ပဲ ဖြစ်သည်။ မြန်မာတွေကတော့ ကိုယ့်သင်္ကြန်အတိုင်း သူများတိုင်းပြည်မှာလည်း ထို့အတိုင်းပဲ ပျော်ာကသည်။ ထိုင်းတွေကတော့ မှတ်မှတ်ရရ မနှစ်လောက်က စပြီး သင်္ကြန်မှာ ကတာလေး လှုပ်တာလေး တွေ့လာရသည်။ မြန်မာသင်္ကြန်ပွဲတော်ကို ထိုင်းလူမျိူးတွေ သွားလည်ကြတာ သိထားသည့် မိတ်ဆွေတယောက်က သူတို့ တို့ဆီက အတုခိုးလာပြီလို့ ရယ်မော ပြောသည်။ ရေပက်ခံ မဏ္ဍပ်ဆိုတာ မရှိ၊ စီးပွားရေးမဏ္ဍပ်ဆိုတာတော့ လုံးဝမရှိပါ။ မဏ္ဍပ်ထိုင်တာ ကြားဖူးမယ်တောင်မထင်ပါ၊ မဏ္ဍပ်မှာ ရေပက်ဖို့၊ ထိုင်ဖို့ လက်မှတ်ဝယ်ရတယ်ဆိုတာ မရှိပါ။ ရိုးရာပွဲတော်မှာ ဘယ်သူက ဘယ်သူ့ကိုမှ ငွေပေးပြီး ပျော်ရတာ မရှိပါ။ နိုင်ငံသူနိုင်ငံသားအားလုံး သတ်မှတ်ထားသည့် နေရာမှာ ကြိုက်သလောက် ပါဝင် ဆင်နွှဲနိုင်သည်။ ဆင်နွှဲခွင့်ရှိသည်။ အတာ ရေသဘင်ပွဲတော်သည် တိုင်းပြည်မှာရှိသည့် လူအားလုံး ပျော်ရွှင်စွာ ဆင်နွှဲကြသည့် ပွဲဖြစ်သည်။ ငွေရှိသူက ဦးဆောင်ပြီး ပြည်သူက ပိုက်ဆံပေးဝယ် ပျော်ရသည့် ပွဲအသွင် လုံးဝမရှိပါ။
မြို့တော်ဝန်က တာဝန်ခံ ဆောက်လုပ်ထားသည့် ဗဟိုမဏ္ဍပ်ကြီး တခုရှိသည်၊ ထိုမဏ္ဍပ်ဆီ မည်သူမဆို လာရောက်နိုင်သည်။ အနုပညာဖျောဖြေ်မှုတွေကြည့်နိုင်သည်။ ကုမ္မဏီအချိူ့က သူတို့နာမည်ဖြင့် မဏ္ဍပ်ဆောက်ပြီး မိန်းမပျိူလေးတွေက အမှတ်တံဆိပ်ပါသည့် အင်္ကျတွေ ဝတ်ဆင်ကာ ကပြ ဖျော်ဖြေသည်။ ကုမ္မဏီအမှတ်တံဆိပ် ပစ္စည်းလေးတွေ ဝေသည်။ စတုဒီသာအဖြစ် စားစရာ ဝေသည်။
သင်္ကြန်ပွဲတော် ဆင်နွှဲနေကြသည့်သူ အားလုံးနီးပါး နိုင်ငံခြားသားအချိူ့ပါမကျန် သက်ြန်ဆင် အဝတ်အစားတွေ ဝတ်ထားကြသည်။ ချည်သား အပွင့် အခက် ကျဲကျဲ အဆင်တွေကို အသားကိုလိုက်ပြီး (၇၉) ဘတ်ကနေ (၁၉၉) ဘတ်အထိ ဈေးရှိသည်။ တချိူ့က အပေါ်ကထပ်ဝတ်ကြသည်။ နိုင်ငံခြားသားတွေမှာ ထိုင်းလူမျိူးတွေ လုပ်သလို လိုက်လုပ်ကြပြီး သူတို့ ယဉ်ကျေးမှုအတိုင်း သင်္ကြန်လည်ကြသည်။ထိုင်းတွေ တဦးနှင့်တဦး မျက်နှာကို ပေါင်ဒါတွေ သုပ်လိမ်းကြသလို သူတို့မျက်နှာတွေမှာပါ လိမ်းလာကြသည်။ ရေပြွတ်သေနတ်တွေ ကိုင်ပြီး အပြန်အလှန် ရေပက်ကြတာကို သဘောကျနေကြသည်။ အချိူ့မှာ ကလေးတွေပါ ပါလာပြီး မိသားစုအလိုက် လည်ကြတာတွေ့ရသည်။
တကယ်တော့ သင်္ကြန်မှာ အတိုအပြတ် ဝတ်တာ အပြစ်ဆိုစရာ မဟုတ်ပါ၊ ထမီနှင့် ရေကစားက ရေစိုလျင် ထမီကကိုယ်နှင့် တသားထဲ ကပ်သွားပြီး တုတ်နေသည်၊ လမ်းလျှောက်လို့လည်း အဆင်မပြေ၊ ဂျင်းဘောင်းဘီလို အတိုနှင့် အပေါ်က အင်္ကျီအပေါ်မှာ အချမ်းပြေအောင် အင်္ကျထပ်ဝတ် အဆင်ပြေပါသည်။ ကြိုးတချောင်းနှင့် သင်္ကြန်လည်က အအေးပါပတ်အုန်းမည်။ အဓိကက သက်ြန်ရေပက်ခံပါက လုံလုံခုံခြုံခြုံဖြစ်တာ အကောင်းဆုံးပါ၊ ဘောင်းဘီဝတ်က ပိုလို့ပင် လုံခြုံပါသည်။ သို့သော် မြန်မာပြည်က ရေပက်ခံမဏ္ဍပ်တွေပေါ်မှာ ဖော်လှစ်ပြသပြီး ဆွဲကြရမ်းကြ နမ်းကြ ပုံတွေ ဆိုရှယ်မီဒီယာတွေ့ရသည့်အခါ သင်္ကြန်ယဉ်ကျေးမှုကို လွဲမှားစွာ အသုံးချနေတာ ဝမ်းနည်းဖွယ်ရာတွေ့ရလေသည်။
ထိုင်းနိုင်ငံဆိုတာ ပြည့်တန်ဆာလုပ်ငန်း နာမည်ကြီးသည့် နိုင်ငံဖြစ်သည်။ သို့သော် ထိုကိစ္စသည် သူ့နေရာနှင့်သူ ဖြစ်သည်။ သင်္ကြန်ပွဲတော်ဆီ ဆွဲမခေါ်ပါ၊ နိုင်ငံခြားသားတွေ ဆိုတိုင်းလည်း ထိုအရာတခုကို လိုချင်၍ လာကြတာလည်း မဟုတ်ပါ၊ ယဉ်ကျေးမှုပွဲတော်ကို လေ့လာဖို့၊ ကြားဖူးထားပြီး ပါဝင် ပျော်ရွှင်လိုကြလို့ လာကြတာဖြစ်သည်။
" လာမယ့် သင်္ကြင်္န်မှာ စီးပွားဖြစ်လက်မှတ်ရောင်းမယ့် မဏ္ဏပ်ကြီးတွေဆောက် ခွင့်မပြုလို့ လူငယ်တွေ ပျော်ရွှင်မှု ဆုံးရှုံးပါတယ်၊ Tourist Attraction ကျစေပါတယ်၊ တိုင်းပြည်လူထုရဲ့ ဝင်ငွေတွေကို ထိခိုက်စေပါတယ်၊ ဒါဟာခေတ်ရေစီးကြောင်း ယဉ်ကျေးစွာ ရေမစားတတ်တော့ပါဘူးဆိုတဲ့ သူတွေအနေနဲ့ အိမ်နီးချင်း ထိုင်းလူမျိုးတွေ သင်္ကြန် ဘယ်လိုကျသလဲ၊ စီးပွားဖြစ် မဏ္ဏပ်ကြီးတွေမရှိဘဲ ကော်ရေပြွတ်ကလေးတွေနဲ့ဘဲ ရေကစားတာတောင် တစ်ကမ္ဘာလုံးက Tourist တွေ ဘယ်လောက်လာရောက်ဆင်နွှဲကြပြီး သင်္ကြန်တွင်းမှာ ဘယ်လောက် ဝင်ငွေတွေရနေကြသလဲ၊ သူတို့ရဲ့ ရိုးရာယဉ်ကျေးမှုကို ချစ်စဖွယ်ဖြစ်အောင် ဘယ်လို ထိန်းသိမ်းထားသလဲ၊ ရေကိုချွေတာပြီး တစ်ယောက်နဲ့ တစ်ယောက် ဘယ်လို ယဉ်ယဉ်ကျေးကျေး ရေပတ်ကစားကြလဲ ဆိုတာတွေကို ထိုင်းတွေ ဆီမှာ သွားရောက် လေ့လာ သင်ယူကြပါလို့ဘဲ အကြံပြု ချင်ပါတယ်" လို့ ဖေ့စ်ဘွတ်မှာ တယောက်က ရေးတင်ထားတာကို ပြည်ပသတင်းမီဒီယာတခုက အမျိူးသမီးတယောက်က အခုလို ရေးသားပြီး ထောက်ခံတာ ဖတ်လိုက်ရသည်။

" ဒီပို့စ်ကို တကယ်ထောက်ခံတယ် - ကျမ ထိုင်းနိုင်ငံ ပသုံပင်လယ်ကမ်းခြေမှာ သင်္ကြန်ကျဖူးပါတယ် ပင်လယ်ကမ်းခြေတလျောက် တကယ့် သင်္ကြန်ပွဲတော်ကြီးလို ရေကစားကြတာပါ နိုင်ငံခြားသားတွေ ထိုင်းလူမျိုးတွေ ရေကစားတာမှာ ပေါင်ဒါမှုန့် သုတ်ပြီး ဆော့ကြတယ် အဲ့မှာ စတွေ့တော့ပါပဲ ဆိုင်ကယ်စီးနေတဲ့ ထိုင်းမလေးတွေကို ကျောကို ရေနဲ့ပက် ပွတ်တယ် ပေါင်ဒါမှုန့်ကို မျက်နှာတပြင်လုံး ပွတ်တယ် ကိုင်တယ် အရသာခံပြီး လိုက်လုပ်နေတာကို ကိုယ့်ဆိုင်ကယ်ရှေ့ တစီးကျော်ကတည်းက မြင်နေရတယ် ကိုယ့်အလှည့်ရောက်တော့ စပ်ဖြဲဖြဲနဲ့ရောက်လာတယ် ဟဲလမက်ဖြုတ်ပြီး ဟဲ့ နင် ဗမာ မဟုတ်လားလို့ အော်မေးတော့ မျက်နှာပျက်သွားတယ် နင် ဗမာမဟုတ်လား ထပ်မေးတော့ အမ ဘယ်လိုသိလဲတဲ့ ပြန်ဖြေတယ် နင်ေ-ာက်ကျင့်မြင်ကတည်းက သ်ိတယ်လို့ .... ပြောချင်တာက နိုင်ငံကြီးသား စိတ်တွေရှိဖို့ နှမချင်းစာနာဖို့ လူ့ဂုဏ်သိက္ခာရှိရှိ နေနိုင်ဖို့ေ-ာက်ကျင့်တွေကို ပြင်ရဦးမယ် ပြတ်ပြတ်သားသား ကိုင်တွယ်သင့်တယ်" လို့ ထောက်ခံရေးပြီး ရှယ်လိုက်တာ ဖတ်ရသည်။
စာရေးသူလည်း အဲလို ကြုံဖူးသည်၊ ရေပက်တာကို အခွင့်ကောင်းယူပြီး ဆိုင်ကယ်နှင့် မိန်းကလေးကို အရှေ့မှ ပိတ်ကာ မျိူးစုံ ကပြလိုက် တို့မလို ဆိတ်မလို လုပ်လိုက် လုပ်နေသည်။ ထိုင်းကလေးမလေးက ဘာမှမပြော ရပ်မြဲ ရပ်နေသည်၊ သူဖယ်ပေးမှ မောင်းထွက်သွားသည်။ ဒါမျိူး ထိုင်းတွေ မလုပ်တတ်တာ သိထားတော့ အကဲခပ်ရာ မြန်မာ အလုပ်သမားတွေ ဖြစ်နေသည်။ အရက်လည်း မူးနေသေးသည်။
သင်္ကြန်ပွဲဆိုတာ အရက်မူးပြီး လွတ်လွတ်လပ်လပ် လုပ်ချင်တာ လုပ်လို့ရတဲ့ အချိန်လို့ လွဲမှားစွာခံယူကြသည့် ကာလတွေကို သူတို့ ဖြတ်သန်းခဲ့ကြရလို့ ဖြစ်သည်။ စစ်အာဏာရှင်တွေက နိုင်ငံရေးကလွဲပြီး လုပ်ချင်တာလုပ် အကန်အအသတ်မရှိ စည်းမဲ့ကမ်းမဲ့ ပစ်ပယ်ထားသည့် အကျိူးဆက်ပဲ ဖြစ်သည်။

ရန်ကုန်တိုင်းဝန်ကြီးချူပ် ဦးဖြိုးမင်းသိန်းက "အယ်လ်နီညိုရာသီဥတု ကျရောက်နေခြင်း၊ စီးပွားရေးဆန်ဆန်ဖြင့် သင်္ကြန်ကို အသုံးချလာခြင်း၊ သရုပ်ပျက်ယဉ်ကျေးမှုအားကောင်းလာခြင်းနှင့် မူးယစ်ဆေးဝါးပြဿနာ ထူပြောလာခြင်းများကြောင့် ကန့်သတ်ပြောင်းလဲမှုပြုလုပ်ခြင်းဖြစ်သည်" လို့ ရှင်းလင်း ပြောကြားခဲ့သည်။ တိုင်းဒေသကြီး အစိုးရသစ်လက်ထက် တွင် စီးပွားဖြစ် သင်္ကြန်မဏ္ဍပ် ဆောက်လုပ်မှုသာမကကမ္ဘာအေး ဘုရားလမ်းနှင့် ကန်တော်ကြီး ကန်ပတ်လမ်းတို့၌ မဏ္ဍပ်ဆောက်လုပ်ခွင့် မပေးတော့ကြောင်း ပြော ကြားသည်။အမြင် ကွဲပြားမှုတွေ ရှိသလို ထောက် ခံသူများလည်း ရှိပါသည်။ အများစုကတော့ ‘‘ပျက်စီးနေတဲ့ယဉ်ကျေးမှု ကို ပြန်အဖတ်ဆယ်ဖို့ ကြိုးစား လိုက်တဲ့ လုပ်ရပ်အပေါ် အပြည့် အဝလက်ခံတယ်’’ဟုဂျာနယ်တခုမှာ ပြောကြားတာတွေ ဖတ်လိုက်ရပါသည်။ ယဉ်ကျေးသည့် အသိုင်းအဝန်းကတော့ အပြည့်အဝ ထောက်ခံမည်မှာမလွဲ၊ အဆိုပါ စီးပွားဖြစ် မဏ္ဍပ်တွေကတော့ ခရိုနီအသိုင်းအဝိုင်းနှင့် အာဏာရှိသည့် လူကြီးသားသမီးတို့ စတင်ခဲ့ကြတာဖြစ်ပြီး ဆယ်စုနှစ်မက ကြာတဲ့အခါ စီးပွားရေး အလုပ်လိုပင် ဖြစ်လာခဲ့ချေပြီ။
အစိုးရသစ်လက်ထက်မှာ ပြောင်းလဲစရာကို ပြောင်းလဲတာ ထောက်ခံလိုက်ရပေသည်။ ယဉ်ကျေးမှုကို ခေါင်းပုံဖြတ်လိုသူ၊ ယဉ်ကျေးမှုကို မောင်ပိုင်စီးချင်သူတို့ လက်ထဲက ပြန်ယူခွင့်ရသည်က မြန်မာပြည်သူများ အတွက် များစွာ ကံကောင်းလှပေသည်။ ။ မြန်မာတို့ရဲ့ နှစ်သစ်ကူးသင်္ကြန်ကာလ အတာကူးသည့် ပွဲတော်ကာလမှာ မြန်မာနိုင်ငံသူ နိုင်ငံသားအပေါင်း ရိုးရာပွဲတော်ကို အားလုံး ပါဝင်ပျော်ရွှင်ခွင့် ရနိုင်တော့ပေမည်။ ငွေနှင့်ဝယ်မှ ပျော်ရွှင်ရသည့် ပွဲတော်ဖြစ်နေသည့် မြန်မာ့ရိုးရာပွဲတော် သင်္ကြန်ပွဲကို နိုင်ငံသူနိုင်ငံသား အားလုံးပျော်ရွှင်စွာ ဆင်နွဲကြရင်း ယဉ်ကျေးသော မြန်မာ၊ ပျော်ရွှင်စွာနေတတ်သောမြန်မာ ဆိုသည့် ဂုဏ်သတင်းကောင်းကို ဆက်လက်ထိန်းသိမ်း သွားနိုင်ဖို့ စည်းကမ်းနဲ့ အညီ ပြောင်းလဲ လိုက်ပါကြပါစို့၊
ခိုင်ခိုင်စောလွင်

April 3, 2016

" ဘဝစေရာ ဘဝ ခြေရာ'၄-၄- ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၁၄) မှ


အမျိူးသားဒီမိုကရေစီ အဖွဲ့ချူပ် အစိုးရအဖွဲ့အတွက် ရွေးချယ်ထားတဲ့ ဝန်ကြီးစာရင်းတွေ လွှတ်တော်မှာ ကြေညာအပြီး နောက်ခံပညာရေးတွေ အကြောင်း ငြင်းကြခုန်ကြတာ ဖတ်ရလေသည်။ ဆယ်တန်းအောင်တာ မအောင်တာ ဘွဲ့ရဟုတ်တာ မဟုတ်တာ စတာတွေ အတုအယောင်၊ ကျောင်းအကြောင်းတွေ ဖတ်ရရင်းက ကျောင်းပြင်ပ ပညာရေးအကြောင်း ရေးချင်လာမိသည်။ အထူးသဖြင့် တဖက်နိုင်ငံကို ရောက်ရှိနေကြသည့် ရွှေ့ပြောင်းမြန်မာအလုပ်သမားတွေနဲ့ သူတို့ရဲ့ သားသမီးတွေ အတွက် ပညာဆက်သင်နိုင်သည့် ပညာရေးလမ်းကြောင်း အကြောင်း ဖြစ်သည်။ မြန်မာလူငယ်ကလေးတွေ ခက်ခက်ခဲခဲ သင်ယူနေကြရသည့် အကြောင်းနှင့် နိုင်ငံတကာက အသိအမှတ်ပြုသောလည်း မြန်မာပြည်က အသိအမှတ်မပြုသည့် ပညာရေးစနစ်တခုအကြောင်း ပြောပြလိုစိတ် ဖြစ်မိပါသည်။
ထိုင်းနိုင်ငံမှာ အစိုးရအသိအမှတ်ပြု ကျောင်းပြင်ပ ပညာရေး စနစ် ( ကော စော နော်) ဆိုတာ ရှိပါသည်။ နောက်တခုက အမေရိကန် GED ဆိုတာ ကိုလည်း အသိအမှတ်ပြုထားပါသည်။ မြန်မာပြည်က ရောက်လာသည့် ကျောင်းပညာ ခါးဆက်ပြတ်နေသူတို့အတွက် ပညာဆက်သင်လိုက သင်ယူနိုင်သည့် စနစ်တွေ ဖြစ်ပါသည်။
မြန်မာပြည်ကနေ အကြောင်းအမျိူးမျိူးနဲ့ တဖက်နိုင်ငံကို ရောက်ရှိလာသူတွေထဲမှာ လူငယ်လေးတွေ များလာသည်။ ပြည်တွင်းမှာ ကျောင်းမနေနိုင်သည့် ကလေးတွေ များပြားလာသလို၊ ကျောင်းနေအရွယ်တွေ အလုပ်ထွက်လုပ်နေကြသလို၊ ပြည်ပကိုလည်း များစွာ ရောက်ရှိနေကြသည်။ တချိူ့က ဆယ်တန်းအောင်၊ တချိူ့ကား အလယ်တန်းအဆင့်အထိသာ တက်ရောက်နိုင်ခဲ့ပြီး ပညာဆက်မသင်နိုင်ပဲ မိသားစု စားဝတ်နေရေးအတွက် အလုပ်လုပ်ကြရလေသည်။
ထိုသို့သော လူငယ်များအတွက် အလုပ်လုပ်ရင်း ပညာဆက်လက်သင်ယူလိုက သင်ကြားနိုင်သည့် အခွင့်အရေးတွေ ထိုင်းနိုင်ငံမှာ ရှိလေသည်။ ကော စော နော် လို့ အတိုကောက်ခေါ်သည့် ပညာရေးစနစ်မှာက ထိုင်းဘာသာကို အရေး အပြော ပိုင်နိုင်မှ သင်ယူ ခွင့်ရမည်ဖြစ်သည်။ ထိုင်းပညာရေးက သတ်မှတ်ထားသည့် မူလတန်းမှ အထက်တန်း( ၁၂) တန်းအထိ နှစ်ရှည် တက်ရမည့် စနစ်အစား တဆင့်ကို (၂) နှစ်နှုန်းဖြင့် (၆) နှစ်တက်ကြရသည်။ (၆) နှစ်ဆိုက အချိန်ကြာလွန်း၍ ဆက်မတက်လိုက အလယ်တန်းအဆင့်အပြီးမှာ အသက်မွေးဝမ်းကျောင်းပညာရပ်ဖက်ကို ကူးပြောင်း သင်ယူနိုင်ခွင့် ရရှိပြီး အသက်မွေးဝမ်းကြောင်း ဆိုင်ရာ ပညာရပ်တခုခုဖြင့် ဒီပလိုမာ (သို့) တက္ကသိုလ် တက်ခွင့် ရမည်ဖြစ်သည်။ သို့သော် ထိုင်းစာအရေးအသားကို မြန်မာအတော်များများ အဆင်မပြေကြပြန်၊ ဘာသာစကားအခက်အခဲ ရှိကြပြန်သည်။ သို့အတွက် ထိုင်းမှာ အလုပ်လုပ်နေကြသည့် မြန်မာလူငယ်လေးတွေအတွက် GED ဆိုသည့် ပညာရေးလမ်းကြောင်း တခုကို တွေ့ရှိခဲ့ကြသည်။
General Education Development ဆိုသည့် အထက်တန်းအဆင့်ပညာရေး တတ်မြောက်ကြောင်း အသိအမှတ်ပြုလက်မှတ်ဖြစ်သည်။ ထိုစနစ်မှာ အမေရိကန်နိုင်ငံက စတင်ခဲ့ပြီး အမေရိကန်၊ ကနေဒါ ၊ ဟောင်ကောင် ၊ ကိုရီးယား၊ ထိုင်းနိုင်ငံ အပါအဝင် နိုင်ငံပေါင်းစုံက အသိအမှတ်ပြုလက်ခံပြီး တက္ကသိုလ်ဆက်တက်ခွင့်ပြုပါသည်။ ၁၉၄၂ခုနှစ်က စတင်ပြီး အမေရိကန်စစ်တပ်က အမေရိကန်ပညာရေးကောင်စီထံ စစ်သားတွေအတွက် ပညာဆက်သင်ခွင့်ရဖို့ တောင်းဆိုရာကနေ တက္ကသိုလ်ဆက်တက်နိုင်ဖို့ GED ပညာရေးစနစ် ပေါ်ပေါက်လာတာ ဖြစ်သည်။ စစ်သားတွေနဲ့ သင်္ဘောသားတွေ GED ဖြေဆိုအောင်မြင်ပြီးက တက္ကသိုလ်ဆက်တက်ကာ ဘွဲ့ရရှိပြီး အရပ်ဖက် အဖွဲ့အစည်းနဲ့ ဌာနဆိုင်ရာလုပ်ငန်းတွေမှာ အလုပ်ဝင်ရောက်လုပ်ကိုင်ခွင့် ရကြလေသည်။
ပြီးခဲ့သည့် အပတ်က ရေးခဲ့သည့် ဆောင်းပါးပါ Descendant of the Sun ကိုရီးယားရုပ်ရှင်ဇာတ်ကားမှာ ကာနယ်ဖြစ်သူ ဒုတိယမင်းသားကို တပ်က ပြန်ခေါ်သည့်အခါ သူ့ရဲဘော်တွေက ဝမ်းနည်း စိတ်မကောင်း ဖြစ်ကြသည်။ ထိုအခါ သူက စိတ်မကောင်း မဖြစ်ဖို့နဲ့ မင်းတို့ ဖတ်ဖို့ စာအုပ်တွေ ထားပေးခဲ့ကြောင်း၊ GED စာမေးပွဲ ဝင်နိုင်အောင် စာတွေဖတ်နေကြလို့ ထည့်ပြောသည့် ဇာတ်ဝင်ခန်း ကြည့်လိုက်ရသည်။ အလားတူပင် " ဒီမိုကရက်တစ် အစိုးရ၊ ဒီမိုကရက်တစ်ပညာရေး ၊ စစ်အာဏာရှင်အလိုမရှိနဲ့ ပြည်သူတွေ ဆန္ဒပြတဲ့ ပုံရိပ်တွေကို ရိုက်ပြထားတဲ့ endless Love ကိုရီးယားဇာတ်လမ်းတွဲမှာ အဓိက သရုပ်ဆောင် ဖြစ်တဲ့ ကျောင်းသူမိန်းကလေးမှာ အာဏာရှင် ချန်ဒူးဝှမ် အစိုးရရဲ့ ဖမ်းဆီးခံရပြီး လူငယ်အကျဉ်းထောင်ကို ပို့ခံရသည်။ စိတ်ဓါတ်မကျပဲ GED ဖြေဖို့ စာတွေ ဖတ်ကာ ထောင်တွင်းကနေ ဖြေဆို အောင်မြင်သွားတာ၊ ထောင်ကထွက်လာတဲ့အခါ ဥပဒေ အဓိကနဲ့ တက္ကသိုလ်ဆက်တက်ပြီး ဥပဒေပညာရှင် ဖြစ်သွားတဲ့ ဇာတ်လမ်းဇာတ်ကွက် ပါရှိတာ ကြည့်လိုက်ရသည်။
အဆိုပါ ပညာရေးစနစ်မှာ အင်္ဂလိပ်စာ အဓိက ဖြစ်ရာ မြန်မာကျောင်းသားတွေအတွက် အဆင်ပြေဆုံးလို့ သတ်မှတ်ခဲ့ကြသည်။ GED ပညာရေးစနစ်ဖြင့် မြန်မာပြည်က အလုပ်သမားလေးတွေ ပညာတပိုင်းတစကနေ တက္ကသိုလ် နောက်ဆုံးနှစ်အထိ ရောက်နေကြသူများ ရှိနေကြပါပြီ။ ထိုကျောင်းသားလေးများကို မွေးထုတ်ပေးခဲ့သည့် ကျောင်းကတော့ ထိုင်းနိုင်ငံ ချင်းမိုင်မြို့မှာ ရှိသည့် BEAM ကျောင်းဖြစ်လေသည်။ အရှည်ကတော့ Bridging Education Access to Migrants ( ရွှေ့ပြောင်းအလုပ်သမားများ ပညာရေးပေါင်းကူး အစီအစဉ်) ဖြစ်သည်။ ရွှေ့ပြောင်းအလုပ်သမားတွေထဲက ပညာဆက်မသင်ခဲ့ရပေမယ့် ပညာလိုလားသူများ၊ မတတ်သာ၍ အလုပ်လုပ်နေကြရသော်လည်း ကျောင်းပညာ ဆက်လက်သင်ယူလိုစိတ်ရှိသူများကို လက်ခံပြီး (၂) နှစ် လေ့ကျင့်ပေးလေသည်။ မြန်မာပြည်ကနေ အလယ်တန်းအဆင့် အောင်မြင်ထားသူများဆိုက အင်္ဂလိပ်စာ အခြေခံ ကောင်းရှိပြီးဖြစ်ရာ ကျောင်းသားအများစု အဆင်ပြေကြသည်။ အချိူ့ အခြေခံအားနည်းသူများကတော့ စာသင်နှစ်ပြီးဆုံးအောင် မတက်နိုင်ကြတော့ပဲ ကျောခိုင်းသွားကြပြန်သည်။ ထိုအထဲကမှ ကျားကုတ်ကျးခဲ ရသည့်အခွင့်အရေးကို အသုံးချကာ အောင်မြင်သွားသူ ( ၉၁) ဦးရှိပြီဖြစ်သည်။
ပထမနှစ်မှာ ဘာသာရပ်ဆိုင်ရာတွေကို မြန်မာဆရာ အများစုက အင်္ဂလိပ်လို သင်္ခန်းစာတွေကို မြန်မာလို ရှင်းပြကြပြီး ဒုတိယနှစ်အရောက်မှာတော့ မြန်မာဆရာများ လုံးဝမပါတော့ပဲ နိုင်ငံခြားသားဆရာများကသာ သင်ကြား ပို့ချပေးပါသည်။ ဓာတု၊ ရှုပ၊ သင်္ချာ သုံးဘာသာပေါင်းထားသည့် သိပ္ပံဘာသာ၊ သင်္ချာ၊ သမိုင်း ပထဝီ စီးပွားရေး ကို ပေါင်းစပ်ထားသည့် လူမှုရေးဘာသာ၊ အင်္ဂလိပ်စာ ( အရေး အဖတ် အပြော နားထောင်စွမ်းရည်) အစရှိသည့် ဘာသာရပ်တွေ သင်ကြရသည်။ စာသင်နှစ် (၂) နှစ်ကုန်ဆုံးပြီး GED ဖြေဆိုနိုင်ရန် အသင့်ဖြစ်သော ကျောင်းသားများကို ရွေးချယ် ဖြေဆိုစေလေသည်။ စာမေးပွဲ ဖြေဆိုခက တဘာသာကို ဒေါ်လာ(၅၀) ဖြစ်သည်။ ထိုစာမေးပွဲကြေးကို ယခင်က ကျောင်းက ထုတ်ပေးနိုင်သော်လည်း ဘတ်ဂျတ်အခြေအနေအရ နောက်ပိုင်းမှာ အလှုခံ ရလေသည်။ ကျောင်းက နိုင်ငံခြားသားဆရာများက သူတို့ မိတ်ဆွေ အသိုင်းအဝန်းများက တဆင့် အလှုခံပေး၍ ရတာလည်းရှိသည်။ ဝက်ဆိုဒ်တွေကနေ အလှုခံရတာလည်း ရှိပါသည်။
နိုင်ငံခြားသား ဆရာများမှာ မြန်မာကျောင်းသားတွေအတွက် လုပ်အားပေးဆရာများအဖြစ် လာရောက် သင်ကြားပေးကြလေသည်။ ဒါ့ကြောင့် လူငယ်တွေမှာ အင်္ဂလိပ်စကားကို ရေလည်စွာ ပြောတတ်ဆိုတတ်သွားကြသည်။ စာမေးပွဲဖြေရာမှာ ကွန်ပျူတာဖြင့်သာ ဖြေဆိုရသည့်အတွက် ကွန်ပျူတာကို ကောင်းမွန်စွာ အသုံးပြုသွားနိုင်သည်။ အနည်းဆုံး အင်္ဂလိပ်စကားနှင့် ကွန်ပျူတာ ကွမ်းကျင်တတ်မြောက်သွားကြတာချည်းဖြစ်သည်။
BEAM ကျောင်းကို စတင်ထူထောင်ပြီး ထောက်ပံ့ပေးနေသည့် Mr. Bill Harrison ဆိုသူမှာ အသက်ကြီးပြီဖြစ်သော်လည်း ပိန်ပိန်ပါးပါး သွက်လက်သည့်ဟန်နှင့် ရိုးရှင်းစွာ နေထိုင်တတ်ပုံရသည်။ သူက အငြိမ်းစား ဘဏ်မန်နေဂျာ တယောက်ဖြစ်ပြီး သူ့မိတ်ဆွေတွေရဲ့ ပူးပေါင်းကူညီမှုတွေနဲ့ ထောက်ပံ့တာဖြစ်သည်။ ထိုင်းနိုင်ငံကို ရောက်ရှိ အလုပ်လုပ်နေကြရပြီး အတန်းပညာမပြီးဆုံးသေးသည့် မြန်မာလူငယ်လေးတွေအတွက် ကျောင်းတကျောင်း ဖွင့်ပြီး ပညာဆက်လက် သင်ကြားနိုင်ဖို့ အကောင်အထည်ဖော်ကြမည့် မြန်မာလူငယ်ကလေးတွေနှင့် တွေ့ဆုံရာက BEAM ကျောင်း ပေါ်ပေါက်လာခဲ့ရလေသည်။ အတိအကျဆိုရသော် ဆူနာမီဖြစ်စဉ်ကနေ စခဲ့ကြသည် ဆိုက မမှား၊ ၂၀၀၄ခုနှစ် ဒီဇင်ဘာလမှာ ဆူနာမိဖြစ်စဉ် ဖြစ်ပြီး ကယ်ဆယ်ရေးလုပ်ငန်းများလုပ်ကိုင်ဖို့ရာ ထိုင်းနိုင်ငံ ဖူးခက် ကို ရောက်ရှိလာသည့် မစ္စတာ ဘေလ် မှာ ထိုင်းနိုင်ငံမှာ အောက်ခြေသိမ်း အလုပ်တွေကစလို့ လုပ်ငန်းအမျိူးမျိူးမှာ လုပ်ကိုင်နေကြရတဲ့ မြန်မာအလုပ်သမားတွေရဲ့ ဆင်းရဲလှတဲ့ ဒုက္ခ အဖုံဖုံကို မျက်မြင်ကိုယ်တွေ့ သိရှိသွားရာက ဒုက္ခအဖုံဖုံ ကြုံနေရသည့် မြန်မာအလုပ်သမားတွေကို ဘယ်လို ကူညီပေးရမလဲ အကြံ ဖြစ်ပေါ်သည်တဲ့၊ ထိုအခါ အလုပ်သမားအရေးဆောင်ရွက်ပေးနေသည့် လူငယ်လေးတယောက်နှင့် ရင်းနှီးကျွမ်းဝင်သွားကြသည်။ ထိုလူငယ်ကနေတဆင့် ကျောင်းနေအရွယ် အလုပ်သမားတွေကို ပညာဆက်သင်ပေးလိုသည့် လူငယ်များနှင့်ဆုံကြကာ BEAM ကျောင်းဆိုတာကို စနိုင်ခဲ့ကြသည်။ ၂၀၁၀ခုနှစ် လွတ်လပ်ရေးနေ့က စပြီးထူထောင်ခဲ့ကြသည့် အဆိုပါကျောင်းမှ အတန်းပညာ အပြင် ၊ အသက်မွေးဝမ်းကျောင်းပညာ ဖြစ်သော စက်ချူပ်၊ ကွန်ပျူတာ စာစီ စာရိုက်နှင့် အခြားကွန်ပျူတာ အသုံးပြုပုံတို့ကို သင်ကြားပေးလေသည်။
စုစုပေါင်း ကျောင်းသား(၈၀၀) ကျော်ကို မွေးထုတ်ပေးခဲ့ပြီး GED အောင်သူ (၉၁ ) ယောက်မှာ တက္ကသိုလ်အထိ (၅၄) ယောက် ပို့ဆောင်ပေးနိုင်ခဲ့လေသည်။ ထိုင်းတက္ကသိုလ်အသီးသီးက အမေရိကန် GED ကို အသိအမှတ်ပြုထားသည်။ ကျောင်းသားများမှာ အမေရိကန်တက္ကသိုလ်၊ ထိုင်ဝမ်တက္ကသိုလ် တို့ကို တက်ရောက်ခွင့်ရသော်လည်း ငွေရေးကြေးရေး အခြေအနေနှင့် အခြားသော လိုအပ်ချက်များကြောင့် မသွားရောက်ကြပဲ ထိုင်းတက္ကသိုလ်တွေဆီသာ တက်ရောက်ကြရခြင်းဖြစ်လေသည်။
" မြန်မာပြည်မှာ စားစရာမရှိ၊ အလုပ်အကိုင်မရှိတဲ့အတွက် သူများတိုင်းပြည်မှာ အိမ်ဖော်လာလုပ်ရတယ်၊ အခု စက်ချူပ်တတ်ပြိဆိုတော့ ကိုယ့်ဘာသာ လုပ်နိုင်ပြီ၊ သူများခိုင်းဖတ်ဘဝကနေ လွတ်နိုင်ပြီ" လို့ အသက်မွေးဝမ်းကျောင်း သင်တန်းဆင်းပွဲနေ့က မိန်းကလေး တယောက်ရဲ့ မျက်ရည်ဝဲရင်း ပြောလိုက်တဲ့ စကားကို ကြားယောင်မိသည်။
သူများအိမ်မှာ အိမ်ဖော်လုပ်ရင်းက အိမ်ရှင်ယောင်္ကျားဖြစ်သူရဲ့ ရန်ကို ရှောင်ရှားရင်း ဒီဘဝက ဘယ်လိုရုန်းထွက်ရမလဲ စဉ်းစားနေရတဲ့ ရှမ်းတိုင်းရင်းသူလေးမှာ သူနာပြုဆေးပညာ ဘာသာရပ်နဲ့ တက္ကသိုလ်တက်ခွင့် ရသွားလေပြီ။ စားသောက်ဆိုင်တဆိုင်မှာ ပန်းကန်ဆေးရင်းက ကျောင်းပညာဆက်သင်ဖို့ BEAM ကိုသိရှိရာမှ တနေကုန် အလုပ်ပင်ပန်းသော်လည်း မနားပဲ ညဖက်မှာကြိုးစားတက်၍ အောင်မြင်ခဲ့သည့် ကချင် တိုင်းရင်းသူလေးလည်း တက္ကသိုလ် တတိယနှစ်ပင် ရောက်လို့နေပြီ။ GED အောင်ပြီးသူတိုင်းလည်း တက္ကသိုလ်မတက်နိုင်ပါ၊ အခက်အခဲများစွာကို ကျော်ဖြတ်ရပြန်သည်။ စကောလာကို အားကိုးရသည်။ စကောလာပေးသည့် အဖွဲ့ အများစုက မြန်မာပြည်နိုင်ငံရေးအခြေအနေအရ ပြည်တွင်းကို အားပြုသွားကြသည်။
ပြည်ပမှာက သန်းနှင့်ချီသော အလုပ်သမားတွေရဲ့ ကိစ္စတွေက ရှိနေသည်။ ယခုဆို ကျောင်းနေအရွယ် အလုပ်သမားတွေရဲ့ ပညာရေးကိစ္စတွေမှာ အခက်အခဲတွေရှိလာသည်။ လူငယ်တွေအတွက် လတ်တလောကြုံနေရသည်က တက္ကသိုလ်တက်ရန် အထောက်အပံ့ဖြစ်သည်။ သူတို့လုပ်အားခဖြင့် ဘယ်လိုမှမတက်နိုင်ပါ။ ရည်မှန်းချက်ရှိသော်လည်း ဘတ်ဂျက်ကမရှိ၊ သို့သော် ကူညီချင်သည့် ဆရာအချိူ့ကြောင့် ပညာသင်ပေးရင်း ခရီးဆက်နေကြရသည်။ အများစုက လုပ်အားပေးသက်သက်၊ စေတနာ့ဝန်ထမ်းတွေဖြစ်ကြသည်။
တနေ့ကပဲ GED ဖြေဆိုမည့် ကျောင်းသားတယောက်က မေးပြောပြောသည်။ GED ဖြေဖို့ တဘာသာကို ဒေါ်လာ(၅၀) နှုန်းနဲ့ ငါးဘာသာအတွက် ဒေါ်လာ(၂၅၀) ကို ကျောင်းက ရှာဖွေပြီး ထောက်ပံ့ပေး၍ တော်ပါသေးသည်။ တက္ကသိုလ်တက်ဖို့ အဆင်မပြေက ပညာရေး အဆုံးသတ်သွားမှာ စိုးရိမ်မိသည်တဲ့၊ တကယ်လို့များ မြန်မာပြည်မှာ GED ကို အသိအမှတ်ပြုခဲ့ပါက မြန်မာပြည်က တက္ကသိုလ်တခုခုမှာ ပြန်တက်ခွင့်ရပါက သူ့အတွက် အဆင်ပြေပါလိမ့်မယ်လို့ ဆိုလေသည်။
ကျောင်းသူတယောက်ကတော့ အစိုးရသစ်အပြောင်းအလည်းမှာ သူတို့ရဲ့ ပညာရေးကို အသိအမှတ်ပြုရင် သိပ်ကို ကောင်းမှာပဲလို့ မျှော်လင့်နေကြောင်း ပြောပြန်သည်။ အဆိုပါ GED အောင်ပြီးသော ကျောင်းသားများအားလုံးမှာ အင်္ဂလိပ်လို ကျွမ်းကျွမ်းကျင်ကျင် ပြောနိုင် ရေးနိုင်ကြတာကတော့ ပြည်တွင်းက အထက်တန်းအဆင့် ထက်သာလွန်ကောင်းမွန်တာ မြင်တွေ့ရပါသည်။
တက္ကသိုလ်တက်နေကြသည့် ကျောင်းသားတွေထဲကမှ တချိူ့ကို " မင်းတို့ ဘွဲ့ရပြီးရင် မြန်မာပြည်အတွက် အကျိူးရှိတဲ့ နေရာတွေမှာ ပြန်လုပ်ပေးနိုင်ကြမလား" အမေးကို " လုပ်နိုင်ကြပါတယ်" လို့ ဖြေကြသည်။ တချိူ့က အနည်းဆုံး သူတို့ရဲ့ တိုင်းရင်းသားဒေသမှာ ပြန်ပြီး အေးအေးချမ်းချမ်း နေထိုင်ခွင့်ရရင် ပြန်လုပ်ပေးနိုင်တာ လုပ်ပေးချင်ကြတယ်လို့ ပြောကြလေသည်။
သူတို့လေးတွေရဲ့ ဘဝတွေကို သိရတဲ့အခါ အဆိုတော် ခင်ဝမ်းသီဆိုထားတဲ့ " ဆယ်လ်မွန်ငါးတို့ အပြန်"သီချင်းထဲက " ဦးဆောင်သူစေရာ ယုံကြည်စွာလိုက်ခဲ့မယ် " ဆိုတဲ့ စကားကို အထပ်ထပ် ကြားနေမိလေသည်။
" ပြန်ချိန်လည်း ဆုံးဖြတ်ခိုင်မာစေ.... ရာသီလည်း တွက်ချက်မှန်ကန်စေ၊ စိတ်တူရာခိုဝင် ပြည့်စုံချိန် ပြန်ခဲ့မယ်တဲ့ ငယ်ရွယ်စဉ် ရှာဖွေစွန့်ခဲ့ပြီ မိုးဦးရေဆန် မိုးဦးရေဆန် ဆယ်လ်မွန်ငါးတို့အပြန် အပြန် အပြန် အပြန် ဆယ်လ်မွန်ငါးတို့အပြန် ၊ "
အဆိုပါ လူငယ်တွေနှင့် စကားပြောဖြစ်ရင်းက သူတို့ ကြိုးစားခဲ့ရသည့် ကြမ်းတမ်း ခက်ခဲသည့် အတိုင်းအတာကို သိရှိရပြီး ယခင် အစိုးရအဆက်ဆက် မျက်ကွယ်ပြုထားသည့် ပြည်ပရောက် ရွှေ့ပြောင်းအလုပ်သမားတွေရဲ့ ပညာရေးလမ်းကြောင်း ဖြောင့်ဖြူးလိုသည့် စိတ်ဆန္ဒများစွာ ဖြစ်ပေါ်လာမိပါသည်။
ခိုင်ခိုင်စောလွင်