June 12, 2016

" စနစ်အခြေ ပြောင်းလေသောအခါ" ဇွန်လ (၁၃)ရက် ၂၀၁၆ခုနှစ်၊ ဒီလှိုင်းစာစောင် အတွဲ(၅) အမှတ်(၂၂)မှ


                       မဆိုင်တဲ့ အလုပ်တွေ လုပ်နေရတာလို့ ပြောကြတဲ့ စကားသံကတော့ စစ်အာဏာရှင် လက်ထက် နှစ်ပေါင်းငါးဆယ်ကျော် အတွင်း ဖြတ်သန်းခဲ့ရတဲ့ အစိုးရဝန်ထမ်းတွေရဲ့ အသံပါပဲ၊ ဆရာ/ ဆရာမတွေ တာဝန်ဆိုတဲ့ လက်ပတ်နီပတ်ပြီး ကျောင်းပိတ်ရက်မှာ ဂိတ်စောင့်ရတာ၊ ကျောင်းချိန်မှာ လမ်းရှင်းရတာ၊ အခြားဌာနဆိုင်ရာ အသီးသီးက ဝန်ထမ်းတွေ ညဖက် ရုံးစောင့်ဖို့ အိပ်ယာလိပ်နဲ့ အထုတ်အပိုးပြင်ပြီး ညစောင့်လုပ်ရတာ စတာတွေ စာဖွဲ့မကုန်အောင် များစွာ ရှိခဲ့လေသည်။
ပြည်လမ်းမပေါ်မှာရှိတဲ့ မိန်းကလေးကျောင်းက ကျောင်းတက်ချိန် ကျောင်းဆင်းချိန်ဆိုရင်ဖြင့် ဆရာမတတွေ လမ်းပြပုလိပ်နေရာ၊ ယာဉ်ထိန်းရဲနေရာ ဝင်ယူရသည်။ ကောင်းတော့ ကောင်းသား၊ ယာဉ်မောင်းတွေက အဖြူနဲ့ အစိမ်း ဆရာမတတွေကို မြင်တော့ အသာတကြည် လိုက်နာကြသည်၊ အထွန့်မတက်၊ မော်တော်ပီကယ်တွေနှင့်ဆို အထွန့်တတ်ကြသူတွေ ဆရာမတွေကြတော့ " ဒီလမ်းက ကျောင်းဆင်းချိန်၊ တက်ချိန်မှာ တစ်လမ်းမောင်း လုပ်ထားတာ မသိဘူးလား" ဟောက်ထုတ်ပါက ပြေးတာမှ တန်းနေသည်။ တခါက အငှားကားဖြင့် အဆိုပါ ကျောင်းနား ကျောင်းဆင်းကာနီး ဖြတ်မိရာ ဆရာမက ဟောက်၍ ယာဉ်မောင်းက ဇက်ပုက ပြန်လှည့်ရသည်။
" ကျတော်မသိလို့ပါ " အပြောကို အဆိုပါ ဆရာမက ခပ်လှမ်းလှမ်းမှာ ရေးထားသည့် ဝှိုက်ဘုတ်ကို လက်ညှိုးထိုးပြသည်။ အဆိုပါ ဆိုင်းဘုတ်မှာ မင်ဖြင့်ရေးထားတာ ဖြစ်သည်။ ကျောင်းတက်ချိန်၊ ကျောင်းဆင်းချိန်မှာ ထုတ်ယူလာပြီး ခုံတစ်လုံးပေါ် တင်ထားလိုက်ပြီး ကျောင်းဆင်းပြီးက ကျောင်းထဲ ပြန်ယူသွားတာဖြစ်သည်။
ထိုင်းနိုင်ငံမှာလည်း ကျောင်းရှိတဲ့ လမ်းတွေမှာ အချိန်အကန့်အသတ်ဖြင့် တစ်လမ်းမောင်း စနစ် ဆိုတာ ရှိသည်။ သူတို့ကတော့ အဆိုပါလမ်းပေါ်မရောက်ခင် မီတာ ( ၁၀၀) ခန့်ကတည်းက အချက်ပြ ဆိုင်းဘုတ်တွေ ပုံမှန် ချိတ်ထားတာ ဖြစ်သည်။ ဒီလမ်းက နံနက် ၆နာရီကနေ နံနက် ၈နာရီ၊ ညနေ ၃နာရီကနေ ညနေ ၅နာရီအထိ တစ်လမ်းမောင်း ဆိုတာကို အမြဲ ချိတ်ထားတာ ဖြစ်သည်။ ယာဉ်ထိန်းရဲတွေက ကျောင်းတက်ချိန်၊ ကျောင်းဆင်းချိန်မှာ ကျောင်းတွေရှေ့ ရောက်လာပြီး လမ်းရှင်းပေးတာ ဖြစ်သည်။
စောစောကလို ဆိုင်းဘုတ်ကို ကျောင်းတက် / ဆင်းချိန်မှ ချိတ်တဲ့အခါ အကြောင်းသိတွေကတော့ ထိုအချိန် တစ်လမ်းမောင်းမှန်း သိပေမယ့် အဝေးကလာသူတွေကတော့ မသိပဲ ဖြတ်မိကြတာ ဖြစ်သည်။ ဆရာ/ ဆရာမတွေ ယာဉ်ထိန်းရဲ လုပ်ရတာ ပြောလိုရင်းမဟုတ်ပါ၊ စစ်အစိုးရက ဝန်ထမ်းတွေကို မဆီမဆိုင် တာဝန်တွေ ပေးတာ၊ မလိုအပ်ပဲ ပင်ပန်းရတာတွေ ပြောလိုတာ ဖြစ်သည်။
အဆိုပါ ဩဇာညောင်းသည့် ဆရာမတွေမှာ ဖောင်ကြီးသင်တန်း တက်သည့်အခါ တပည့်တွေ ဖြစ်ကုန်ကြသည်။ " ဘယ် ညာ ဘယ်ညာ" မောင်းတာ ခံရတာ ပြောပြီး ဆရာ/ ဆရာမအချင်းချင်း ပြောပြီး ရယ်မောကြသည်။ အဆိုပါ ဖောင်ကြီးသင်တန်း ဆိုသည်ကလည်း အင်မတန် ကိုးလို့ကန့်လန့် နိုင်သည့် ကိစ္စဖြစ်သည်။
ဝန်ထမ်းတွေ ပါတီနိုင်ငံရေးကင်းရမယ် ဆိုကာ ပါတီနိုင်ငံရေး ကင်းပါကြောင်း မကြာခဏ လက်မှတ်အကြိမ်ကြိမ် ထိုးရပြီး ဖောင်ကြီးသင်တန်းကိုကျ ဝန်ထမ်းတွေ မဖြစ်မနေ တက်ရမည်ဆိုကာ အဆိုပါသင်တန်းမှာ ထိုအချိန်က စစ်အာဏာရှင် တဖြစ်လဲ အာဏာရပါတီရဲ့ အာဘော်တွေကို သင်ပေးတာဖြစ်သည်။ " နဲနဲလေးတော့ လွဲနေတယ်" ဆိုတဲ့ သီချင်းထက် မက အလွဲကြီးလွဲလေသည်။ ဆရာ/ ဆရာမတတွေ မြေဖြူကိုင်ရာက လက်နက်ကိုင်ရသည်။ ဌာနဆိုင်ရာ ဝန်ထမ်းတွေ သန့်ရှင်းသပ်ယပ်သည့် မိမိတို့ သက်ဆိုင်ရာဌာန ယူနီဖောင်းတွေ ဝတ်ရာက မွဲခြောက်အရောင်မပေါ်သည့် ဘာအရောင်မှန်းခွဲခြားပြောရခက်သည့် ယူနီဖောင်းတွေ ဝတ်ရသည်။ ရာရှင်နှင့် စားရသည်။ တလတိတိ အိမ်မပြန်ရ၊ မတက်တော့ ဘာဖြစ်သနည်း၊ မတက်က ရာထူးတိုးမပေးပါ၊ တက်တော့ဘာအကျိူးကျေးဇူး ရသနည်း၊ ဘာအကျိူးကျေးဇူးမှမရပါ၊
ဟေးလားဟားလား ငွေကုန်လူပမ်း၊ ကလေးငယ်ရှိက ကလေးက အမေနဲ့ခွဲရ၊ ကျန်ရှိ မိသားစုက ကလေးဂျီကျတာ ညစဉ်ခံပြီး ဒုက္ခမျိူးစုံ ထိုသုံးလကို ဖြစ်သန်းရသည်။ သင်တန်းပြီးက ငရဲတွင်းကလွတ်သလို ပျော်ကြသည်။ လုပ်ငန်းခွင်ပြန်ဝင်တော့ ရာထူးတိုးလေး ပါတော့မလား မျှော်ခွင့်ရတာလေး အဖတ်တင်သည်။ တကယ်တန်းက ရာထူးတိုးတယ်ဆိုတာ အလုပ်အကိုင် အရည်အချင်းနှင့် ကြည့်ရမှာမဟုတ်လား၊ လူတစ်ကိုယ်စာအတွက် ဘာအရည်အသွေးမှ တက်မလာပါ။ လစာနှင့်လောက်ငအောင် တိုင်းထွာ စားသောက်နေထိုင်ရသည့် ဝန်ထမ်း အတော်များများ အကြွေးတင်ကြရသည်။
အမျိူးသားဒီမိုကရေစီအဖွဲ့ချူပ် ဥက္ကဌ ဒေါ်အောင်ဆန်းစုကြည်ရဲ့ ခရီးစဉ်တစ်ခုမှာ ဝန်ထမ်းတွေကို ဖောင်ကြီးသင်တန်းပေးတာနဲ့ ပတ်သက်ပြီး ပြောတဲ့ စကားလေး မှတ်သားမိတာ တခု သတိရမိသည်။ ဂျပန်မှာ ရှိနေစဉ် မြန်မာပြည်က ပညာတော်သင်ဖို့ ရောက်လာသည့် တက္ကသိုလ်က ကထိကဆရာမတစ်ယောက်နှင့်ဆုံသည်။ အဆိုပါ ဆရာမအတွက် အခက်အခဲ ဖြစ်ရတာတွေ သိရတဲ့အခါ အစိုးရက ဂျပန်နိုင်ငံကို ပညာတော်သင်လွှတ်ခါနီးမှာ သင်တန်းတွေ ဘာတွေ မပေးလိုက်ဘူးလား၊ ဘာသာစကားနဲ့ အခြားလိုအပ်တာတွေကို ဆိုလိုပြီး မေးတာမှာ ဆရာမက နိုင်ငံခြားကို လွှတ်ကာနီးမှာ သူဖောင်ကြီးသင်တန်းသွားတက်ရပါတယ်တဲ့၊ သင်တန်းမှာ သေနတ်ပစ်နဲ့ စစ်ရေးလေ့ကျင့်တာတွေ သင်ခဲ့ရတယ်လို့ ပြောပြတဲ့အကြောင်း ပြောတာ အမှတ်ရနေမိပါတယ်။
" ဖောင်ကြီးသင်တန်းမှာ ၀န်ထမ်းတွေကို စစ်သင်တန်း ပေးတော့မှာမဟုတ်သလို ဗဟိုဝန်ထမ်းတက္ကသိုလ်နှစ်ခုမှာ ဖွင့်လှစ်ပို့ချတဲ့ တက္ကသိုလ်၊ ကောလိပ် ဆရာ ဆရာမများ အထူးမွမ်းမံသင်တန်း၊ အခြေခံ ပညာ ဆရာ ဆရာမများ အထူးမွမ်းမံသင်တန်းတွေကို မဖွင့်တော့ဘူးလို့ ပြည်ထောင်စုရာထူးဝန် ဥက္ကဋ္ဌ ဒေါက်တာဝင်းသိမ်းက ပြောပါတယ်" လို့ သတင်းမှာ ဖတ်လိုက်ရပါသည်။
ကောင်းလေစွ ကောင်းလေစွ ကောင်းလေစွပါတကားလို့ ရေရွတ်မိလေသည်။ ဆရာ/ ဆရာမများ အထူးမွမ်းမံသင်တန်းဆိုတာ ၁၉၈၈ခုနှစ် နောက်ပိုင်း စစ်အစိုးရလက်ထက်မှာ ပေါ်ပေါက်လာတာဖြစ်သည်။ ဆရာ/ ဆရာမတွေ သင်ကြားရေးနှင့်ပတ်သက်ပြီး ဘာတစ်ခုမှ မရှိပဲ စစ်ရေးပြသက်သက်သာ၊ ကျန်သည့် နိုင်ငံရေးစာတွေကတော့ ကျောင်းသားဘဝကတည်းက မရိုးနိုင်အောင် အလွတ်ကျက်မှတ်ခဲ့ရသည့် သဘောတရားတွေသာဖြစ်သည်။ ဆရာ/ ဆရာမတစ်ယောက် ဖောင်ကြီးသင်တန်းသွားတက်ပါက ရလာသည့် အကျိူးဆက်ကား ဆရာအစားထိုး မရှိသည့် ကျောင်းတွေမှာ ကျောင်းသားတွေ စာနောက်ကျတာပဲ အဖတ်တင်တာ ဖြစ်သည်။ ယခုလို မလိုအပ်ပဲ အချိန်ကုန်၊ ငွေကုန် လူပမ်းသည့် သင်တန်းကို ဖြုတ်မည်ဆိုက လူအများဝမ်းမြောက်ဝမ်းသာ ဖြစ်ကြသံတွေ ကြားရလေတော့သည်။ တဆက်ထဲ လိုလိုပင်
" အရည်အသွေးပြည့်မီသော ပြည်သူ့ဝန်ထမ်းကောင်းတွေ မွေးထုတ်ပေးဖို့အတွက် ဗဟိုဝန်ထမ်း တက္ကသိုလ် (အထက်မြန်မာပြည်) နှင့် ဗဟို ဝန်ထမ်းတက္ကသိုလ် (အောက်မြန်မာပြည်) တက္ကသိုလ် နှစ်ခုမှာ Civil Services Academy (CSA) တွေကို ဖွင့်လှစ်သွားမှာဖြစ်ပါတယ်။" လို့ သိရသည့်အခါ ဝန်ထမ်းအချိူ့မှာ အမှန်တကယ် လိုအပ်နေသည့် ဝန်ထမ်းကျင့်ဝတ်၊ စည်းမျဉ်း စည်းကမ်းတွေကို အမှန်တကယ် ထိထိရောက်ရောက် သင်ကြားပေးက ခေတ်စနစ်နှင့်ညီသည့် ဝန်ထမ်းတွေ ၊ အရည်အသွေး အဆင့်အတန်းမီ ဝန်ထမ်းကောင်းတွေ အများအပြား ဖြစ်လာကြတော့မည်လို့ ကျေနပ်မိလေသည်။
ဖြတ်သန်းခဲ့ရသည့် စနစ်အတွင်းမှာ ကိုယ်လုပ်နေရသည့် အလုပ်နဲ့ပတ်သက်ပြီးတောင်မှ ဘာမှရေရေ ရာရာ မသိသူတွေ များစွာရှိလေသည်။ ဝန်ထမ်းဆိုတာ ကိုယ်နဲ့ ပတ်သက်ဆက်သွယ်ရသည့် လူတွေကို အဆင်ပြေအောင် အစိုးရကိုယ်စား လုပ်ပေးရတာလို့ မမှတ်ယူပဲ ပြည်သူကို တို့လုပ်ပေးရတာ တို့က အထက်က လို့ လွဲမှားစွာ ခံယူထားသည့် စိတ်ဓါတ်တွေ ရှိနေကြတာဖြစ်သည်။ အများအကျိူးအတွက် ရွက်ဆောင်ရသည့် သူလို့ မိမိကိုယ်မိမိ သိလာအောင် မှန်ကန်သည့် လေ့ကျင့်သင်ကြားမှု လိုနေကြတာ ဖြစ်သည်။ လူမှန်နေရာမှန် အသိမှန် အမြင်မှန် ရရှိပါမှ သင်တန်းဆင်း အကျိူးအမြတ်ကို မှန်မှန်ကန်ကန် ခံစားရတာဖြစ်သည်။
ဖောင်ကြီးသင်တန်းမှာ ဝန်ထမ်းတွေအတွက် သင်တန်းတွေ ဆက်လက်ထားရှိမှာ ဖြစ်တဲ့အတွက် " ၀န်ထမ်းတွေတက်ရတဲ့ ဖောင်ကြီးဗဟိုဝန်ထမ်းသင်တန်းတွေဟာ ငွေကုန်အချိန်ကုန်ပြီး ပင်ပမ်းဆင်ရဲတဲ့ သင်တန်းတွေသာဖြစ်ခဲ့ပြီး ၀န်ထမ်းအရည်အသွေး တိုးတက်ရေးအတွက် တစုံတရာ အထောက်အကူ မပြုတဲ့သင်တန်းတွေသာ ဖြစ်တယ်" လို့ ဝေဖန်ခံခဲ့ရတဲ့ အခြေအနေကနေ ဝန်ထမ်းအားလုံး ပျော်ပျော်ရွှင်ရွှင်ဖြင့် အမှန်တကယ် စိတ်ပါဝင်စားကာ တက်ရောက်လိုသည့် အခြေအနေမျိူးတွေ ဖန်တီးရောက်ရှိပေတော့မည်၊ ဝန်ထမ်းတွေမှာ ရှိသင့်သည့် အရည်အသွေးပြည့်မီအောင် ပို့ချပေးနိုင်ပါက လှပသာယာအေးချမ်းသော ဌာနဆိုင်ရာအဖွဲ့အစည်း ၊နှင့် ကောင်းမွန်သော လူမှုပတ်ဝန်းကျင်တွေ ဖြစ်လာမှာမလွဲဧကန်ပင်၊
ခိုင်ခိုင်စောလွင်

June 5, 2016

" ချိူသာတဲ့ စကားများ ပျောက်ကွယ်သွားမလား" ၆ရက် ဇွန် ၂၀၁၆ ဒီလှိုင်းစာစောင် အတွဲ(၅) အမှတ်(၂၁)မှ


" နှလုံးသားတွေနွေးထွေးရင်ဒါဟာလည်း အိမ်" တဲ့
မြန်မာပြည် ရန်ကုန်လေဆိပ်မှာ လေယာဉ်စောင့်ရင်း ဖေ့စ်ဘွတ်ပေါ် ရေးတင်လိုက်တဲ့ သမီးကြီးရဲ့ စတေးတပ်စ်၊ သူ့အလုပ်က နားရက်ရတာနဲ့ မိသားစုထံ ပြန်လာတာဖြစ်သည်။ အဆိုပါ စာကြောင်းလေးကို အထပ်ထပ် ပြန်ဖတ်ရင်း မိသားစုဘဝကို တွေးမိသည်။ စစ်အာဏာရှင်တွေရဲ့ အုပ်လျူပ်ရေးစနစ်အောက်မှာ မိသားစုတွေ တကွဲတပြားဖြစ်ရတာတွေနဲ့ အကြောင်းကိုယ်စီဖြင့် ကိုယ့်တိုင်းပြည်ကိုယ် အေးအေးဆေးဆေး မနေရတဲ့ အထဲ ကိုယ်တွေမိသားစု ပါဝင်ခဲ့ရသည်။ တစ်နှစ်မှာ တစ်ကြိမ် အလည်လာရောက်တဲ့ သမီးကြီးနဲ့ အသက်( ၁၁) နှစ်အရွယ်ထဲက ထိုင်းကို ရောက်နေတဲ့ သမီးနှစ်ယောက်တို့ ဆုံတွေ့ရာမှာတော့ စနစ်နှစ်ခုကြား၊ မတူတဲ့ နိုင်ငံအနေအထားတို့ကြားက ညီအမတွေရဲ့ ဆက်ဆံရေး၊ အဲဒီကမှ ဖေ့စ်ဘွတ်မှာ ပြန်တွေ့ရတဲ့ မိတ်ဆွေတွေနဲ့ ဆက်ဆံရေး ၊ ပြောရဆိုတာတွေ တရေးရေး ပြန်ပေါ်လာသည်။
ဘာဖြစ်လို့ အလိုလို စိတ်တိုနေရတာလဲ၊ ဘာကိုလောနေတာလဲ ၊ အေးအေးဆေးဆေး လုပ်ပါ၊ ဒီစကားတွေ ဒီရက်ပိုင်းမှာ ပြောဖြစ်ရသည်။ အရာရာကို အေးအေးဆေးဆေး လုပ်နေကြတဲ့ အိမ်က သမီးနှစ်ယောက်နဲ့ သူ့အမတို့ကြားက လောဆော်သံကလည်း မကြာခဏ၊ ကားကျပ်တာမပူရ၊ မီးပြတ်တာ မကြုံရ၊ ကျောင်းရောက်တော့လည်း ဘိုက်ဆာတဲ့အချိန် ငွေ(၃၀) နှင့် ဘိုက်ဖြည့်၊ အအေးသောက်ချင်က နောက်ထပ် (၂၀) ဘိုး ထပ်အကုန်ခံ၊ စားအေးအေး၊ သွားအေးအေး ဆိုတော့ အငယ်နှစ်ယောက်က ခပ်အေးအေး၊
ကားရပါ့မလား၊ လမ်းတွေပိတ်နေမလား၊ မီးပြတ်လို့ ထမင်းမချက်ရသေး၊ ဝယ်စားတော့လည်း သုံးလေးထောင်၊ မှောင်ရင် ဘာမှလုပ်မရ၊ သုပ်သုပ်သွားသုတ်သုတ်ပြန်မှ တို့ ကြုံခဲ့ရတဲ့ သမီးကြီးတို့ အပြင်တခါထွက်ကာနီးတိုင်း ကွိစိကွစိ အသံတွေ ညံမြဲ၊
" အမေ ဘာမှ မပြောတော့ဘူးလား" အမေးကို ပြန်မဖြေတော့ မကြည်သာ၊ မဖြေတာက အဖြေသိပေမယ့် မဖြေချင်တော့လို့၊ အဖေဖြစ်သူကတော့ " သမီးညီမတွေက ထိုင်းတွေလို ဖြစ်နေပြီ" အပြောကို သူသဘောမကျမှန်းသိသည်။ ဖြတ်သန်းရတဲ့ အနေအထား မတူတော့ တမိသားစုထဲမှာတင် စရိုက်ပြောင်းသွားတာ ကိုယ့်ဘာသာ အံ့ဩနေမိတာလည်း ပါသည်။
လူသားတို့ရဲ့ အခြေခံလိုအပ်ချက်ဖြစ်တဲ့ စား၊ ဝတ်၊ နေရေး (၃)ခု စလုံးမှာ စားဖို့လည်း လွယ်၊ လက်လှမ်းမီ၊ ထိုင်းလူမျိူးတွေက မနက်မိုးလင်းတာနဲ့ ချက်မစားချင်က ထမင်းတစ်ထုတ်(၁၀)ဘတ်နှင့် ကြိုက်ရာ ဟင်းတစ်ထုတ် ( ၁၀) ဘတ် ဝယ်စားလို့ရသည်။ ဒါက အနိမ့်ဆုံး လမ်းဘေးဆိုင်တွေမှာ သန့်သန့်ပြန့်ပြန့် ထုတ်ပိုးရောင်းချတာ ဖြစ်သည်။ ချင်းမိုင်မှာကတော့ ကောက်ညှင်းနှင့်ဟင်းကို တွဲစားကြသည်။ ကောက်ညှင်း ငါးဘတ်ဖိုးနှင့် ဝက်သားကင်လေးတွေ တချောင်းငါးဘတ် တွဲစားကြသည်။ ကလေးတွေ ကျောင်းပို့က မနက်မိုးမလင်းခင် ထပြီး ချက်ပြုတ် ထမင်းဘူးထည့်ပေးရတာ မရှိ၊ မူကြိုကျောင်းတွေဆိုက ကျောင်းကကျွေးပြီး အတန်းကြီးတွေအတွက် ကျောင်းမှာ ဘတ်နှစ်ဆယ်ဆို ကိစ္စပြီးသည်။ ဘယ်သူမှ ထမင်းဘူး မယူ၊ အိမ်ကလည်း ချက်မပေးကြ၊ လွယ်ကူ အဆင်ပြေသည်။ အဝတ်အစားကလည်း ထိုင်းနိုင်ငံလောက်ပေါတာ ရှိပါ့မလား တွေးယူရသည်။ ဘတ်နှစ်ဆယ်တန်ကနေ ဘတ်ထောင်ချီ အထိရှိသည်။ တတ်နိုင်သည့် အတိုင်းအတာ ဝယ်ဝတ်ယုံ၊ အရှက်မလုံမှာ မပူရ၊ နေရေးကတော့ ကိုယ်ပိုင်မရှိက ငှားနေကြရတာပဲ ဖြစ်သည်။
ပန်ကာ(သို့) အဲကွန်း၊ ရေခဲသေတ္တာတစ်လုံး၊ ကုတင်တစ်လုံး၊ အဝတ်ဘီရို တစ်လုံးပါတာ အနိမ့်ဆုံး အခန်းတစ်ခန်း မှသည် ပရိဘောဂစုံရင်စုံသလောက် ဖြည့်ဆည်းထားသလောက် ဈေးတွေ ပေးရသည်။ ထိုင်းကျောင်းသူလေးတွေ၊ လူငယ်ကလေးတွေ အသက်(၁၈)နှစ်ကျော်က အချိန်ပိုင်း အလုပ်တွေလုပ်ကြကာ ကိုယ့်ဘာသာ အခန်းလေးတွေငှားနေကြတယ်ဆိုက အခန်းခတွေ ဈေးသက်သာတယ်ဆိုတာ ပြောစရာမလို၊ တချိူ့ အပတ်မင့်တွေက နေတာနှင့် လခပေးနေယုံဖြစ်ပြီး တချိူ့ကတော့ တလစာကြိုပေးရပြီး တက်နေတာနှင့် နှစ်လစာ ပေးရသည်။ အိမ်လုံးချင်းငှားပါကလည်း ထိုနည်း၎င်းပင်၊ မနေတော့က တစ်လကြိုပြောပြီး အဆိုပါ တစ်လမှာ လခပေးဖို့ မလိုတော့ပေ၊ ကျန်တာက နေသရွေ့ တစ်လတခါ လခပေးသွားယုံပင်၊ ရသည့်ဝင်ငွေထဲက အိမ်လခ လစဉ်ပေးသွားရုံသာ၊
သို့သော် လူအမျိူးမျိူး ရှိသည့်အတိုင်း အချိူ့အိမ်ရှင်တွေက နှစ်လစာ စရံတောင်းပြီး နေသည့်လနှင့် သုံးလစာ ကြိုပေးရသည်။ မနေလိုတော့ပါက တစ်လကြိုပြောလျင် အဆိုပါနောက်ဆုံးလအတွက် ပေးရန်မလို၊ ထိုအခါ တစ်လစာ ကျန်နေတာကို ပြန်မအမ်းပဲ သန့်ရှင်းရေး၊ ပြင်ဆင်ခ စသဖြင့် အကြောင်းပြတြတ်သည်။ သူတို့ ထိုင်းလူမျိူးအချင်းချင်းဆိုက ထိုသို့မလုပ်ပေ၊ လုပ်ပါက ထိုင်းအိမ်ငှားက ရဲခေါ်ရှင်းသည်။ မြန်မာအပါအဝင် နိုင်ငံခြားသားတွေကတော့ ပြောမနေတော့ပေ၊ ကြာလာတော့ စဘော်ငွေကို အဆုံးလို့ သဘောထားရသည်။
အခြေခံ စား၊ဝတ်နေရေး ပူပင်စရာ မရှိမှတော့ လူတွေအဖို့ အထူးအထွေ ပူပင်စရာမရှိ၊ ဒါ့ကြောင့် စားအေးအေး၊ သွားအေးအေး၊ နေအေးအေး တွေ ဖြစ်ကုန်ကြသည်။ သို့အတွက် ခပ်လောလောနှင့် ခပ်အေးအေးတို့ ဆုံကြရာ တရားသူကြီးလုပ်ပြီး ဘယ်သူမှားတယ်၊ ဘယ်သူမှန်တယ် မပြောတော့ပဲ ငြိမ်းချမ်းရေးအကျိူးတော်ဆောင်လုပ်ကာ ငြိမ်နေလိုက်သည်။
မိတ်တွေဟောင်းတစ်ယောက်နှင့် အလုပ်တစ်ခု ဆက်သွယ်လုပ်ရာမှာ သူက ဟိုဟာကဒီလို ၊ဒီဟာကဟိုလို အမျိူးမျိူး မကျေနပ်နိုင်ဖြစ်နေတာ၊ ကြားက ပတ်သက်တဲ့သူတွေနဲ့ ပြေပြေလည်လည် ပြောဆိုတာမရှိပဲ ခပ်တင်းတင်း၊ ခပ်စီးစီး၊ ခပ်ရင်ရင့်ပြောတာ၊ ပြေလည်အောင် ပြောကြဆိုကြမရှိပဲ ကိုယ့်ဆီပြန်ရောက်အောင် အတိုင်ခံရတာ စတာတွေ ကြုံလာတော့ အတွေးတွေကတဆင့် လူတွေကို အကဲခပ်မိလာရတော့သည်။
မြန်မာပြည်ကို မကြာခဏ ပြန်တတ်သည့် မိတ်ဆွေက " ကျမလည်း ရန်ကုန်ရောက်ရင် အလိုလို စိတ်တိုတတ်နေတယ်၊ မီးကပြတ်ပြန်ပြီ၊ ရေကမလာ၊ ထမင်းအိုးတန်းလန်းဖြစ်လို့ မီးမွှေးရတာ စိတ်ကို တိုနေရောပဲ၊ ဒီကြားထဲ အပြင်သွားရင် မနက်မိုးလင်းကထွက် မိုးချူပ်မှပြန်ရောက်တယ်၊ နေကပူ၊ အရိပ်ကမရှိ၊ ကားတွေကကျပ်၊ အိမ်ပြန်ရောက်လို့ အိမ်ကလူတယောက်ယောက်မှာတာ မေ့ခဲ့လို့ မပါလာတဲ့အခါ မပါလာရကောင်းပြောဆိရင် ၊ ပေါက်ကွဲတော့တာပဲ၊ စိတ်က အလိုလို တိုနေတာ" လို့ ပြောပြတာ သတိရသည်။
ဒါ့ကြောင့် သူတို့ စိတ်တိုပြီး ပြေပြေလည်လည် မပြောတာ၊ သီးမခံနိုင်တာတွေ ကိုယ့်ဖက်က အလိုက်တသိ ငြိမ်ပေးလိုက်ရသည်။ ပေါက်ကွဲပါစေ၊ သူတို့စိတ်တွေ ဖြေလျှော့ပါစေလို့ သဘောထားလိုက်သည်။ ဒီစာရေးနေစဉ်မှာပင် သတင်းတစ်ပုဒ် ဖတ်လိုက်ရသည်။ တောင်ဒဂုံမှာ လူငယ်အချင်းချင်း စကားများ ရန်ဖြစ်နေလို့ ဝင်ရောက်ဖြန်ဖြေတဲ့ ရပ်ကွက်အုပ်ချူပ်ရေးမှုးကို လူငယ်လေးတွေက ဒါးနဲ့ လိုက်ခုတ်တဲ့အတွက် ဆိုင်တစ်ဆိုင်ထဲ ပြေးအဝင် အခုတ်ခံရပြီး သေဆုံးသွားသတဲ့၊ ဟိုတုန်းကတော့ လူကြီးက မတော်လို့ ဆုံးမတဲ့အခါ သိသည်ဖြစ်စေ၊ မသိသည်ဖြစ်စေ ကိုယ့်ထက်ကြီးတဲ့သူက ဆုံးမတာ နားထောင်ရမြဲ ဖြစ်သည်။ လူကြီးကို ပြန်ပြီး ရန်ပြုဖို့ဆိုတာ စဉ်းစားလို့ပင်မရ၊ လူမှု အသိုင်းအဝန်းကလည်း လက်ခံမှာမဟုတ်၊
မိတ်ဆွေ အမကြီးတစ်ယောက်၊ သူ့အသက်က ငါးဆယ်ကျော်ပြီ၊ တောင်ဒဂုံက ရပ်ကွက်တစ်ခုမှာ အလည်သွားရင်း မညီမညာလမ်းပေါ်မှာ ဒေါက်ဘိနပ်ဖြင့် လျှောက်မိသည်တဲ့၊ ဒါ့ကြောင့် ခပ်ဖြည်းဖြည်းပဲ လျှောက်နေစဉ်မှာ အနောက်ကနေ နှုပ်ခမ်းက လေစုပ်တဲ့ အသံနဲ့ " ပြွတ် ပြွတ်" ဆိုတဲ့ အသံ ကြားတော့ သူက လူကြီးကို အဲလို မခေါ်လောက်ပါဘူး အတွေးနဲ့ လှည့်မကြည့်မိပါတဲ့၊ ဒါနဲ့ အသက်(၁၆)နှစ်လောက်ပဲ ရှိတြ့ ကလေးမလေးက စက်ဘီးနဲ့ ဖြတ်အသွား "သူ့ကိုယ်သူ ဘာထင်နေလဲ မသိဘူး နားလေးနေလား ပြောသတဲ့၊ " ဒါနဲ့ အဲဒီအမက လူကြီးတစ်ယောက်ကို ဒီလို ပြောပါမလားလို့ ဘေးဘီကြည့်တော့ တလမ်းလုံး သူပဲ ရှိတာ၊ ဒါနဲ့ " ဘယ်သူ့ပြောတာလဲ" အမေးကို " ဘယ်သူ့ပြောတယ်ထင်လဲလို့" မြန်မာဗီဒီယိုဇာတ်လမ်းတွေထဲက မထီမဲ့မြင် အိုက်တင်နဲ့ ပြန်ပြောသတဲ့ သူ့မှာ ဒေါသလည်းထွက် အံဩနေသတဲ့၊ အဲဒီအမက ထိုင်းမှာနေလာတာ အနှစ်နှစ်ဆယ်မကတော့ဘူး၊ ရန်ကုန်ခဏ အလည်ပြန်ရင်း တွေ့ခဲ့တော့ သူပြောတာက ကလေးတွေ ရိုင်းလာတယ်တဲ့၊
လူသားတို့ရဲ့ အခြေခံလိုအပ်ချက်တွေ မပြည့်စုံတဲ့ အတွက် ရုန်းကန်လှုပ်ရှားရတာ၊ ခက်ခဲကြမ်းတမ်းတွေက အင်မတန်မှ ယဉ်ကျေးပါတယ်ဆိုတဲ့ လူ့လောက အသိုင်းအဝန်းတစ်ခုလုံးကို ပြောင်းလဲလိုက်သလို ဇောက်ထိုး ဖြစ်သွားရသည်။ လူတစ်ဦးနဲ့ တစ်ဦး ဆက်ဆံရေးမှာတောင် လက်ခံနားထောင်သူက အဆိုးဖက်ကို အမြဲယိုင်နေတတ်သည်။ သူတပါးဖက်ကို ဖြည့်ဆည်းတွေးဖို့ဆိုတာ မရှိ၊ အကောင်းမြင်စိတ်တွေ လျော့နည်းသွားတာ တွေ့လာရသည်။ အပြောအဆိုတွေ မာလာသည်၊ ဘယ်သူ့ကိုမှ မခံဘူးဆိုသည့် အတ္တမာနတွေ ထောင်လွှားလာသည်။ ကြီးသူကိုရိုသေ၊ ရွယ်တူကိုလေးစား၊ ငယ်သူကို သနားငဲ့ညှာဆိုသော လောကနီတိတွေ ပျောက်ကွယ်နေကြလေသည်။ ချိူသာစွာ ပြောကျင့်တွေ ပျောက်ကွယ်ကုန်ကြပြီ။ အတိတ်ဆီက ယဉ်ကျေးသော မြန်မာလူမျိူးတို့ရဲ့ နှုတ်ဖျားက ချိူသာတဲ့စကားများနဲ့ နှုးညံ့သောနှလုံးသား၊ သည်းခံသောစိတ်တို့ကို ပြန်လည် တွေးတောရင်း နှလုံးသားတွေ နွေးထွေးတဲ့ အမေ့အိမ်ကို ရည်မျှော်မှန်း တမ်းတ သတိရမိလေတော့သည်။
ခိုင်ခိုင်စောလွင်