September 25, 2016

" စနစ်ဆိုးအောက်က ရဲရဲတောက်တွေ" ၂၆ရက် စက်တင်္ဘာလ ၂၀၁၆ခုနှစ်၊ ဒီလှိုင်းစာစောင် အတွဲ(၅) အမှတ်(၃၇)မှ

"  စနစ်ဆိုးအောက်က ရဲရဲတောက်တွေ"
                             
                    ယခုရက်ပိုင်းမှာ ဖတ်ရ ကြားရ မြင်ရတဲ့ သတင်းတွေက မထိတ်သာမလန့်သာ၊ ထိုးခုတ် သတ်ဖြတ် လုယက် သတင်းတွေကို သွေးရဲရဲသံရဲရဲ မြင်ရ ကြားရတာတင်မက နှိပ်စက်သည့် သတင်းလည်း အဆစ်ပါ၊ ကြားရနားဝ မချမ်းသာရုံမက မြန်မာပြည်မှာ ရှိတဲ့ ဆွေမျိူး မိဘညီအကိုမောင်နှမ နဲ့ သမီးတို့ကို စားသတိ လာသတိ သွးသတိလို့ သတိမပြတ်ဖို့ လှမ်းပြောရသေးသည်။ အဲဒီလိုမျိူး ကိုယ်တယောက်ထဲမဟုတ်၊ ကမ္ဘာတဝှမ်းအကြောင်းအမျိူးမျိူးနဲ့ ရောက်ပြီး အလုပ်လုပ်နေကြတဲ့ မြန်မာလူမျိူးအပေါင်းကလည်း အိမ်မှာကျန်နေတဲ့ မိသားစု ဆွေမျိူးအပေါင်းကို အမှာတော်တွေ ပါးကြရတယ်လို့ ပြောကြတာ သိရပြန်သည်။
                                             လူမြင်ကွင်းမှာ ကိုယ်ချစ်ခင်တဲ့ လူကိုပင်  ရက်ရက်စက်စက် သတ်တာ၊ မြို့လည်ခေါင်မှာ လုယက်ပြီး လူသတ်တာ၊  မူးယစ်ဆေးစွဲနေတဲ့ သားဖြစ်သူက မိခင်အရင်းကို ဒါးနဲ့ထိုးတာ၊  ကလေးငယ်ကလေးရှေ့မှာ မိခင်ဖြစ်သူနဲ့ ဖခင်ဖြစ်သူတို့ တယောက်နဲ့တယောက် မသေမချင်းထိုးသတ်တာ၊ အရွယ်မရောက်သေးတဲ့ ကလေးသူငယ်တွေကို အိမ်အကူအဖြစ် ခိုင်းစေပြီး နှိပ်စက်တာ စတာ စတာတွေ  ကြားရတဲ့အခါ  ပညာရေးနိမ့်ကျလို့၊ ပညာမတတ်ကြလို့ဆိုက  အမှားကြီး မှားပေမည်။ ပြစ်မှုကျူးလွန်သူတွေ အားလုံးနီးပါး ပညာတတ်တွေချည်းဖြစ်ကြလေသည်။ တက္ကသိုလ်တက်ရောက်ဆဲ ကျောင်းသူ/ ကျောင်းသားတွေ၊ ဘွဲ့ရ ပညာတတ်တွေ ဖြစ်ကြသည်။ သို့ဖြင့် ပညာတတ်တယ်ဆိုတာမှာ စာတတ်တာ တခုတည်းကိုသာ ဦးတည်ခဲ့ကြတဲ့ အတွက် စာသာတတ်ပြီး အသိသညာ စဉ်းစားတွေးခေါ်မှု  န်ိမ့်ကျခဲ့လို့ အခုလို ဖြစ်စဉ်တွေ ပေါ်လာတာ ဖြစ်လေသည်။ ပညာရေးမှာ မလိုအပ်ပါ အတင်းပြိုင်ဆိုင်ခိုင်းသည့် စနစ်ကို ဖော်ဆောင်ခဲ့ကြသည်။ ကျောင်းစာမှာ အမှတ်များမှ တော်သူလို့ သတ်မှတ်ခဲ့ကြသည်။ လူတယောက် ကောင်းမွန်စွာကြီးပြင်းပြီး လူနဲ့ လူ့ပတ်ဝန်းကျင်မှာ ငြိမ်းချမ်းစွာ ဘယ်လိုနေထိုင်ကြရမလဲဆိုတဲ့ အတွေးအမြင် အယူအဆတွေ ရှင်သန်အောင် ပြုစုပျိူးထောင်ခြင်း မရှိသည့် ပညာရေးစနစ်ကို ကျင့်သုံးခဲ့ကြသည်။ အနှစ်( ၆၀) နီးပါး ကြာလာသည့် အခါ အခုလို ရုတ်ပျက်ဆင်းပျက် လူမှုဘဝတွေ ဖြစ်လာကြရပြီ။
                              
          စာတတ် စာတော်တဲ့ နေရာမှာ မြန်မာလူမျိူးတွေ အင်မတန်တော်ပါသည်။ ကမ္ဘာအရပ်ရပ်မှာ ပညာသင်ကြားကြသည့် မြန်မာလူမျိူးတိုင်း ထိပ်ကချည်းလို့ ဖတ်ရ ကြားရ သိရပါသည်။ ထိုင်းနိုင်ငံက တက္ကသိုလ်တွေမှာပင် မြန်မာကျောင်းသားတွေက ထိပ်ကနေရာယူတာ ဖြစ်သည်။ ချင်းမိုင်တက္ကသိုလ်၊ အင်တာနေရှင်နယ်ကျောင်းသားတွေအထဲ  လတ်တလော (၄)နှစ်တာ ကာလအတွင်းမှာပင် နှစ်စဉ်ဆုပေးတာ ထိပ်က မြန်မာကျောင်းသားတွေပဲ ဖြစ်သည်။ နောက် အင်တာနေရှင်နယ် တခုဖြစ်သည့် PAYAP တက္ကသိုလ်မှာ ကျောင်းဝင်ခွင့် လူတွေ့တွေမှာ " မြန်မာ" ဆိုက ဝမ်းပမ်းတသာ လိုလိုလားလား လက်ခံ ချင်သည်။ မြန်မာကျောင်းသားတွေက စာတော်သည်၊ အင်္ဂလိပ်စာကောင်းသည်။ နာခံမှု( obedience) ရှိသည်တဲ့၊  အခြား နိုင်ငံခြားသားများနှင့် မြန်မာကျောင်းသား၊ ထိုင်းကျောင်းသား စကားပြောခိုင်းက မြန်မာကျောင်းသားက အင်္ဂလိပ်လို ရဲရဲတင်းတင်း ပြောနိုင်ပေမယ့် သူတို့ ကျောင်းသားက အင်္ဂလိပ်လို ပြောဖို့ တွန့်ကြသည်။ သို့သော် မြန်မာကျောင်းသားတွေ အချင်းချင်း အဆောင်တခုထဲ အတူနေကြမလား ဆိုက အတူနေဖို့ တွန့်ဆုတ်ကြသည်။  တုပြိုင်မှာ၊ ရန်ဖက်ပြုမှာ၊ အတင်းစကားဆိုမှာ၊ ရှေ့တမျိူး နောက်တမျိူး ဆက်ဆံမှာ၊ ဂုဏ်တုဂုဏ်ပြိုင်လုပ်ကာ မနာလိုပြီး ရန်စောင်တာတွေ ကြောက်သည့်အတွက် အတူနေဖို့ အချင်းချင်း စိုးရိမ်ကြသည်။ မြန်မာလူမျိူး အချင်းချင်း နီးနီးကပ်ကပ် နေဖို့ စိုးရွံ့ကြသည်တဲ့၊ ဒါက စာတတ်တဲ့သူတွေရဲ့ ဖြစ်အင်ပါပေ၊
                              
  မြန်မာလူမျိူးဆိုတာနှင့် ပြောစမှတ်က မြန်မာတွေက "တယောက်ထဲနေရရင် အိပ်နေတယ်၊ နှစ်ယောက်ဆို ရန်ဖြစ်ပြီး သုံးယောက်ဆို အုပ်စုဖွဲ့တယ်" တဲ့၊ ဒီလို ယုံတမ်းစကားတွေက အလကားသက်သက် ပေါ်လာတာတော့ မဖြစ်နိုင်၊ ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံ မှာ ဘဘဦးတင်ဦး ပြောသွားတဲ့ စကားထဲ မှတ်မှတ်သားသား ကြားလိုက်တာလေး သတိရမိသေးသည်။ တိုင်းရင်းသား စကားပုံတခုကို ပြောသွားတာဖြစ်သည်။
" လူသုံးယောက်ညီက ပင်လယ်ရေကိုပင် ကုန်အောင် ခပ်နိုင်ပါတယ်" တဲ့
                               တိုင်းရင်းသားတွေအကြောင်း  ပြောမိတော့ ထိုင်းနိုင်ငံ ရောက် တိုင်းရင်းသားတွေအကြောင်း သတိရတာတွေ  ပြောချင်ပါသေးသည်။ စစ်ဘေးစစ်ဒဏ်တွေ၊ မငြိမ်းချမ်းမှုတွေနဲ့ ဖွ့ဖြိုးမှုနှေးကွေးပြီး ဆင်းရဲဒုက္ခတွေကြောင့် ထိုင်းနိုင်ငံဖက် ရောက်လာရတဲ့ တိုင်းရင်းသားပြည်သူတွေ အတော်တော်များများ အတန်းပညာပြီးဆုံးအောင် သင်ယူနိုင်ခဲ့သူ အရှားသားပင်၊ တချိူ့ ဆိုပါက အတန်းပညာ တတန်းမှပင် မတက်ရခဲ့ပါတဲ့၊ တချိူ့လည်း အထက်တန်းပညာသင်ခဲ့ရတာရှိပါသည်။ အများအားဖြင့် စာကို ဖြစ်ဖြစ်မြောက်မြောက် မသင်ခဲ့ရရှာပါ၊ ပြောရရင် စာမတတ်ပေမတတ်ပေါ့၊
ဒါပေမယ့် စာတတ်ပါတယ် ဆိုတဲ့ ပုဂိုလ်တွေထက် ယဉ်ကျေးသိမ်မွေ့သည်။ " ဟုတ်ကဲ့ရှင့်" " မသိပါဘူးရှင့်/ ခင်ဗျ စကားဆုံးတိုင်း ထည့်ပြောတတ်တာ ချစ်စရာကောင်းသည်။ တိုးတိုးသက်သာ သိမ်သိမ်မွေ့မွေ့ ယဉ်ယဉ်ကျေးကျေး ပြောကြတာများသည်။ သူတို့ကို ကြည့်ပြီး " ကျေးညီနောင်" ပုံပြင်ကို သတိရသွားသည်။ လေပြင်းတိုက်ခတ်တဲ့အတွက် သစ်ပင်ကြီးပေါ်မှာ နေကြတဲ့ ကျေးညီနောင်မှာ တကွဲတပြားလွင့်စင်ပြီး ရသေ့ကြီးရှိရာ ကျောင်းသင်္ခန်းကို ရောက်တဲ့ ကျေး နဲ့ လူဆိုးဓါးပြတွေ ရှိရာကို ရောက်သွားကြတဲ့ ကျေးရယ် အကြောင်း သိသူများပါသည်။ ရသေ့ရှိရာရောက်သည့် ကျေးကလေးက ချိူချိူသာသာ ဖြင့် လာပါ ထိုင်ပါ နားပါ သစ်သီးသစ်ဖုတွေ စားပါလို့ လာသမျှလူကို ချိူသာစွာ ပြောဆိုပေမယ့် ဓါးပြတွေလက်ထဲ ရောက်ရရှာတဲ့ ကျေးကလေးက သတ်ကြဟေ့ ပစ္စည်းတွေလုယူကြ  ဒီလို ဖြစ်သွားသတဲ့၊
                        " ဘာပဲပြောပြော တိုင်းရင်းသားတွေကို အရင်အစိုးရအဆက်ဆက် မျက်ကွယ်ပြုပြီး  စောင့်ရှောက်မှု မလုပ်ပေးနိုင်ခဲ့ပေမယ့် တဖက်နိုင်ငံကို ရောက်ပြီး ရှာဖွေစားသောက် နေထိုင်ခွင့်ရတာ တော်သေးတယ်၊ တို့နိုင်ငံက လူတွေ တဖက်က ထိုင်းတွေ အဲလို ဖြစ်လို့ အခုလို လက်ခံပေးနိုင်မယ် ထင်သလား" ဆိုတဲ့ စကားဝိုင်းတခုမှာ မိတ်ဆွေတယောက် ပြောတာ သတိရမိတော့သည်။ သူက ဆက်ပြောသေးသည်။
" သတင်းအချက်အလက်တွေအရ တိုင်းရင်းသားဒေသအသီးသီးမှာ လုပ်ကိုင်စားသောက်နေထိုင်တဲ့ တိုင်းရင်းသားလူမျိူး အရွယ်ကောင်းတွေ သိပ်မရှိတော့ဘူးတဲ့ သူတို့ကိုယ်တိုင် ပြောတာကြားရတာ၊ တကယ်တန်း မြန်မာပြည်မှာ ဒုက္ခရောက်ကျန်နေတာ ဗမာတွေ" လို့ သူကပြောသေးသည်။ ဒါတွေက အကြောင်းတိုက်ဆိုင်လို့  အရပ်သားစကား ကြားရတာ ရေးပြတာဖြစ်သည်။
                        ထိုင်းနိုင်ငံကို ရောက်လာပြီး သူတို့ အနေအထိုင် အပြုအမူ အတိုင်း လိုက်နာနေထိုင်ကြရင်း အတန်းပညာ မသင်ခဲ့ စာမတတ်သော်လည်း ယဉ်ကျေးသိမ်မွေ့သူများ ဖြစ်လာကြလေသည်။ ထိုင်းပညာရေး စနစ်မှာကိုက စာမေးပွဲအောင်ဖို့ အဓိက၊ စာတွေ ချည်းသင် ဆိုတဲ့ ပုံစံမဟုတ်၊ ပြောရကြေးဆိုက အင်္ဂလိပ်စာအရည်အချင်းမှာ မြန်မာကို မမီပါ၊ စာတော်တာမှာ မြန်မာကို မမီပါ၊ မြန်မာတွေ တော်တာကို သူတို့ မကြာခဏ ထုတ်ဖော်ပြောသလို လက်ခံလေသည်။ ထိုင်းကျောင်းတွေမှာ စာပဲကျက် စာပဲတော် နေလို့ မရပါ၊ ကျောင်းစာကို (၆၀ %) ခန့်သာ အမှတ်ပေးထားပြီး အခြား လှုမှုရေး၊ ပတ်ဝန်းကျင်နှင့် ဆက်စပ်ဆောင်ရွက်မှု၊  အတန်းတွင်း အတန်းပြင် ကျောင်းတွင်းကျောင်းပြင် လှုပ်ရှားမှု စသဖြင့် အကဲဖြတ်ပေးပြီး ထိုအမှတ်တွေ ထည့်ပေါင်းပြီးမှ အတန်းတက်ဖို့ အမှတ်ရတာဖြစ်သည်။  မိဘ ဆရာ ကြီးသူကို ရိုသေ၊ ရွယ်တူကိုလေးစား၊ ငယ်သူကို သနားညှာတာဆိုတဲ့ စိတ်ထားတွေကို မူလတန်းအဆင့်မှာကတည်းက မိဘ ဆရာ ပူးပေါင်းပြီး လေ့ကျင့်ပျိူးထောင်ပေးခဲ့တာ ဖြစ်သည်။ သူတို့ရဲ့ အနာဂတ်မျှော်လင့်ချက်က လူငယ်တွေကောင်းပါမှ တိုင်းပြည်အနာဂတ် ကောင်းမှာလို့ မျှော်လင့်ပြီး လူငယ်တွေကို စနစ်တကျ ပြုစုပျိူးထောင်နေခြင်းဖြစ်ေ
လသည်။
                          မြန်မာ့ ပညာရေးစနစ်မှာ အလွတ်ကျက် နှုတ်တက် အာဂုံဆောင်သည့် စနစ်ကြောင့် စာမေးပွဲမှာ အမှတ်တွေများလှပါသည်။ ပတ်ဝန်းကျင်နှင့် ကင်းကွာ ၊ လူအချင်းချင်းဆက်ဆံရေး မသိတော့သည့် ကလေးတွေ ဖြစ်လာကြသည်။ မိဘတွေကိုယ်တိုင်ကလည်း စာမေးပွဲမှာ အမှတ်ကောင်းကောင်းနဲ့ အောင်ဖို့သာ အာရုံစိုက်ကာ အခြား လူမှုဘဝပေါင်းသင်းဆက်ဆံရေးတွေ မေ့လျော့၊ ဖြတ်သန်းရသည့် ကလေးတွေက သူတို့ နေထိုင်ခဲ့ရတဲ့ အတိုင်း ကြီးပြင်းလာတော့ ငါမှငါ ငါရှေ့ရောက်ဖို့ ငါတော်ဖို့ ငါကောင်းဖို့ စတဲ့ အတ္တသမားတွေဖြစ်ကုန်ကြသည်။ လူတကိုယ်ရေ ကောင်းစားဖို့လုပ်သည့် အကျင့်တွေ ဖြစ်ကုန်သည်။ ဆရာ/ ဆရာမတွေအဖို့လည်း ပြဋ္ဌန်းထားသည့် သင်ရိုးညွှန်တန်း ကုန်အောင် ရသမျှအချိန် အားစိုက် သင်ရသည့်အတွက် ဆိုဆုံးမချိန်မရှိ၊ အတန်းထဲဝင်စာသင် ပြန်သွား၊ သင်ရိုးညွှန်းတန်းမှာကိုက စာပဲ ရှိတော့ စာပဲသင်၊ လောကနီတိ လူကျင့်ဝတ် သင်ချိန်ပြောချိန်မရ၊ ပညာရေးစနစ်ကိုက စာမှစာ၊ စီးပွားရေးအခြေအနေတွေကြောင့် မိဘတွေကဆိုဆုံးမချိန်မရှိ၊ မိဘတိုင်းကို မဆိုလို၊ သို့သော် အများစုက သားသမီးအတွက် ငွေပေးနိုင်ပြီး အချိန်မပေးနိုင်တာတွေ များလာသည်။ ရသည့်အချိန်မှာ အတိုဆုံးဆုံးမစကားက စာမေးပွဲကို အမှတ်ကောင်းကောင်းနဲ့ အောင်အောင်လုပ်။ စာမေးပွဲမကျဖို့၊ ဒါတွေသာဦးတည်ကြရသည့် အခြေအနေ။
                    အာဏာရှင်တို့ကတော့    နှစ်ပေါင်းခြောက်ဆယ်အတွင်း လူငယ်တွေကို ပြုစုပျိူးထောင်ဖို့ ဝေးစွ၊ အညွန့်ဆိတ်၊ အညွန့်ချိူးခဲ့သည်။  အာဏာရှင်တို့ရဲ့ လုပ်ရပ်ကို ယခုတိုင် ပြည်သူတွေ ခံစားနေရဆဲဖြစ်သည်။ ယခုတက်လာသည့် အစိုးရမှာလည်း အဖက်ဖက်က နိမ့်ကျနေသည့် အခြေအနေတွေကို ပြန်လည်ပြုပြင်ပြောင်းလဲဖို့ အစွမ်းကုန် ကြိုးစားနေကြရလေသည်။ မြေသိမ်းယာသိမ်း ကိစ္စကို ဥပဒေတွေ နဲ့ ပြောင်းလဲဖို့ ကြိုးစားနေပေမယ့် ယခင်အစိုးရလက်ထက် နှစ်ပေါင်း(၂၀)ကျော် မတရားပြုခဲ့သည့် ကိစ္စတွေကြောင့် ရှေ့တိုးရခက်နေတာတွေ ဖြစ်နေတယ်လို့ အမေရိကန်နိုင်ငံမှာ ရောက်ရှိနေတဲ့ နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်က အမေရိကန်ရောက် မြန်မာတွေနဲ့ တွေ့ဆုံစဉ်မှာ ပြောကြားတဲ့ စကားထဲ ကြားလိုက်ရသည်။ နိမ့်ကျနေသည့် အခြေအနေအရပ်ရပ်အထဲ ပညာရေးက အရေးကြီးတယ်လို့ ပြောတာလည်း သိရပါသည်။ ယခုသော် ယခင်ကဆိုးမွေကို ပြည်သူတွေ ခံနေရပြီး မလုံခြုံသည့် လူမှုဘဝကို ရောက်ရှိနေရပြီဆိုသော် နောင်မှာ အခုထက်ပိုမဆိုးအောင် ယခုအချိန်ကစပြီး ကိုယ့်ပတ်ဝန်းကျင်၊ ကိုယ့်အသိုင်းအဝန်း၊ ကိုယ့်မိသားစု၊ ကိုယ့်သားသမီး အားလုံးကို လူတယောက်ရဲ့ တန်ဘိုးနဲ့  လူ့ဘဝမှာ ငြိမ်းချမ်းစွာ ရှင်သန်နိုင်ဖို့ ပြောဆို ဆုံးမ သွန်သင်ပြကြဖို့ အထူးလိုအပ်နေပါပြီဆိုတာ မီးမောင်းထိုးပြနေလေပြီ။အစိုး
ရမှာချည်းတာဝန်ရှိတယ်ဆိုတာထက် နိုင်ငံတဝန်းမှာ နေထိုင်ကြတဲ့ နိုင်ငံသူနိုင်ငံသားအားလုံး ကိုယ်တတ်စွမ်းသမျှ ကိုယ့်ပတ်ဝန်းကျင်ကနေ စတင်ကာ  ပူးပေါင်းပါဝင် ပြုပြင်ပြောင်းလဲကြပါမှ လုံခြုံနွေးထွေးသည့် လူ့ပတ်ဝန်းကျင်အသိုင်းအဝန်းအဖြစ်ကို ရောက်ရှိနိုင်ပါလိမ့်မည်။ 
ခိုင်ခိုင်စောလွင်

September 18, 2016

၁၉ရက်စက်တင်္ဘာ ၂၀၁၆ခုနှစ် ၊ ဒီလှိုင်းစာစောင် အတွဲ(၅) အမှတ်(၃၆)မှ

"  ချမ်းမြေ့ ချမ်းမြေ့ပါစေ"

                             
                         နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်ရဲ့ ဗြိတိန်ခရီးစဉ်မှာ တွေ့ရတဲ့ မိသားစုပြန်လည် ဆုံဆည်းခွင့်ရတဲ့ ဓါတ်ပုံလေးတွေဟာ လူတော်တော်များများရဲ့ နှလုံးသားကို ကိုင်လှုပ်ခဲ့လေသည်။ ဓါတ်ပုံတွေကို ကြည့်ရင်း နှလုံးသားတွေ နာကျင်မိသည်။ မျက်ရည်ဝဲမိသည်။ လူမှုကွန်ယက် ဖေ့စ်ဘွတ်စာမျက်နှာမှာတော့ ဓါတ်ပုံတွေအောက်မှာ" မျက်ရည်များ ဘယ်လိုကျလားမှန်းမသိပါ၊ မျက်ရည်ကျမိပါတယ်"စတဲ့ ကောမန့်တွေ များစွာ ဖတ်ရလေသည်။ ဒီမိုကရေစီရရှိဖို့ တိုက်ပွဲဝင်ခဲ့ကြတဲ့  ရှည်လျးလှသည့် အရေးတော်ပုံကာလအတွင်း  မိသားစုတွေ သေကွဲ ရှင်ကွဲ ကွဲကွာကြရတယ်ဆိုတဲ့  ပုံရိပ်များစွာကိုပင် ပြန်လည် မြင်ယောင်လာမိလေတော့သည်။
                               နိုင်ငံသားတယောက်အနေနဲ့ လူထုခေါင်းဆောင်လို့ သုံးနှုန်းလိုက်ပါသည်။ လူထုခေါင်းဆောင် ဒေါ်အောင်ဆန်းစုကြည်ကို အပြင်မှာ တကြိမ်တခါမှ မမြင်ဖူးခဲ့ပါ။ သူ့မိန့်ခွန်းတွေ၊ သူ့စကားတွေ၊ လမ်းညွှန်စကားတွေနဲ့ ဓါတ်ပုံတွေသာ မြင်ခွင့်ရခဲ့ပေမယ့် ကိုယ့်မိခင်နဲ့ ရွယ်တူတွေမို့ မိခင်တယောက်လို ခံစားချက်က အမြဲရှိလေသည်။ ကိုယ့်မိခင်က ငယ်ရွယ်စဉ်မှာ သားသမီးတွေအတွက် ရုန်းကန်ရင်း ပင်ပန်းခဲ့ရပေမယ့် အခုလို အသက်(၇၀)ကျော်တန်း ရောက်ရှိချိန်မှာ အေးအေးဆေးဆေး နေနိုင်ပြီ ဖြစ်သည်။ စားချင်တာစား၊ လှုချင်တာလှု၊ ပင်ပန်းတာဘာတခုမှ မလုပ်ရတော့ပဲ တကယ့်အငြိမ်းစား စစ်စစ်ကြီး ဖြစ်နေပြီ။ လူထုခေါင်းဆောင်မှာ အစစ ချွတ်ခြုံကျနေတဲ့ တိုင်းပြည်အတွက် အလုပ်တွေ အဆမတန် လုပ်နေရတာ မြင်ရတိုင်း သူ့ပုံလေးတွေ ငေးကြည့်ကာ အတွေးပွားနေမိတာ အမှန်ပါ။  ငယ်ငယ်ကတည်းက အိမ်မှာရှိတဲ့  ဗိုလ်ချူပ်တို့ မိသားစု ဓါတ်ပုံလေးကို ကြည့်ရင်း ကိုယ်တိုင်က ကလေးပေမယ့် ပုံထဲက ကလေးတွေကို ကလေးလေးပဲ မြင်ကာ သူတို့ ဘယ်ရောက်နေသလဲ၊ ဘာလုပ်နေကြသလဲ၊ ဘာဖြစ်လို့လဲ မေးခွန်းတွေ အမြဲလိုလို မေးခဲ့မိလေသည်။
                       လူထုခေါင်းဆောင်ကို အပြင်မှာ မြင်ဖူးခွင့်ရအောင် ကြိုးစားခဲ့တာတော့ ရှိပါသေးသည်။ ထိုအချိန်ကတော့ ၁၉၈၈ခုနှစ်၊ ဩဂုတ်လ  ရွှေတိဂုံဘုရားအနောက်ဘက်မုခ် လူထုအစည်းအဝေးမှာဖြစ်လေသည်။ ထိုသို့ ကြိုစားတာ ကိုယ်တယောက်တည်းမဟုတ်ပဲ လူ သိန်းပေါင်းများစွာဆိုတာ ဘုရားရောက်မှ သိရလေသည်။  အိမ်က စီးလာသည့် ဘတ်စ်ကားမှတ်တိုင် အနီးဆုံးရှိရာ ရွှေတိဂုံဘုရားတောင်ဖက်မုခ်မှာ ဆင်းပြီး ဘုရားရင်ပြင်ပေါ် တက်လာရာမှာ လူတွေ လူတွေ မနည်းမနော၊ တောင်ဘက်မုခ်ကတက်ပြီး အနောက်ဖက်မုခ်မှာ ဆင်းကြမည့်သူတွေ၊ စိတ်အားတွေ ထက်သန်နေကြကာ အချိူ့မှာ အပြေးတပိုင်းပင် ခပ်သုပ်သုပ် သွားကြလေသည်။ သို့သော် ရင်ပြင်ပေါ် ရောက်သည့်အခါ ဘုရားကို ပိတ်လိုက်လေရာ  အနောက်ဖက်မုခ်ကို သွားနိုင်ဖို့ လူတချိူ့  ကျော်လွှားဆင်းကြသည့် နေရာကို ရောက်ကြလေသည်။ တရားဟောသည့်နေရာ သွားမှာလား လို့ အချင်းချင်းလက်တို့ရင်း တကြိမ်မှ မမြင်ဖူးသည့် သူတွေအချင်းချင်း ရှေ့ကသွားသည့်နောက် အနောက်က လိုက်ကြလေသည်။  သီလရှင်ကျောင်းတွေ ဖြတ်ရသည်၊ မြက်တောတွေတွေထဲ တိုးရသည်။ သံဆူးကြိုးတွေ၊ ဖန်ကွဲ မှန်ကွဲတွေ ရှေင်ရင်းတိမ်းရင်း သွားရသည်။ အုတ်တံတိုင်းတွေကို ကျော်ရသည်၊ အုတ်တံတိုင်းတွေ ကျောင်နံရံတွေပေါ်ကနေ ခုန်ချရသည်။ တခါမှ မသိသည့်သူတွေက လက်ဆွဲ တွန်းတင်ပေးကြရင်း သွားရသည်။ စိတ်ထဲမလည်း ဟောပြောပွဲ မီပါ့မလား၊ ရောက်နေတာကလည်း တောထဲတောင်ထဲ ရောက်နေသလိုလို၊ လမ်းအဆုံးကိုလည်း မတွေ့၊ အတူပါသည့် သူငယ်ချင်းက အားပေသည်။ လမ်းဆုံးရင် ရွာတွေ့မှာပဲတဲ့၊ ဘယ်ကနေ ဘယ်လမ်းကြိုလမ်းကြားက သွားနေမှန်းမသိပဲ ရောက်တော့မယ် ချည်းပဲ ဆိုကာသွားနေရင်းက နောက်ဆုံး လူပေါင်းများစွာ ရှိသည့် တောင်ကုန်းသေးသေးလေးပေါ် ရောက်သွားလေတော့သည်။ ဟောပြောသည့်နေရာကို ပြပြလေးသာ မြင်ရပြီး ဟိုမှာလေ လို့ မျက်စေ့တဆုံး လှမ်းကြည့်ရသည့်နေရာ ဖြစ်နေသည်။ မြင်ရပါသည်။ လူပင်လယ်ကြီး၊  စင်မြင့်ကိုလည်း မြင်ရသည်၊ ဟောပြောနေတာကိုလည်း စပီကာကနေကြားရပါသည်။ သို့သော်သဲ့သဲ့သာ၊
                      အဲဒီနောက်ပိုင်း ၁၉၈၈ စက်တင်္ဘာလ(၁၈) ရက်မှာ စစ်တပ် အာဏာသိမ်း၊ ၁၉၉၀ ရွေးကောက်ပွဲ  ၊ နောက်ပိုင်းတော့ လူထုခေါင်းဆောင်မှာ နေအိမ်အကျယ်ချူပ်ကျ စသဖြင့် ကျန်သော ဒီမိုကရေစီအရေးလှုပ်ရှားသူများ ထောင်ကျသူကျ၊ လက်နက်ကိုင်သူကိုင်၊ ပြည်ပကိုရောက်ကြ စသဖြင့် နှစ်ပေါင်း (၂၈)နှစ် တိုင်သော် လို့ ရုပ်ရှင်ထဲကလို ခပ်မြန်မြန်စာတန်းထိုးလိုက်သလို ယခုကာလကို ရောက်လာခဲ့လေသည်။ အချိန်တွေအကြာကြီး  ခက်ခက်ခဲခဲ ဖြတ်သန်းခဲ့ရတာ ကြာညောင်းခဲ့ပေမယ့် ယခုအချိန်က အနောက်ကို ပြန်ကြည့်လိုက်တဲ့အခါ အားလုံးဟာ ခဏလေးလိုပါလားလို့ ထင်မိရသည်။ အဖြစ်အပျက်တွေမှာ မနေ့တနေ့ကလိုပဲလို့ ထင်မှတ်မှားရသည်။ မမေ့နိုင်စရာ အဖြစ်အပျက်တွေကြားကမှ အကောင်းဆုံး အခြေအနေတရပ်ကို လက်ဝယ်ပိုင်ပိုင် ရရှိထားလေပြီ။ အခြေအနေကောင်းတွေကို ဖန်တီးနိုင်ခွင့် ရရှိနေပြီ။ လူထုခေါင်းဆောင်မှာ နိုင်ငံတော်ရဲ့အတိုင်ပင်ပုဂိုလ်အဖြစ် တိုင်းပြည်ကို ဦးဆောင်နေပြီ။
                    နိုင်ငံတော်အတိုင်ပင်ခံ ပုဂိုလ် ဒေါ်အောင်ဆန်းစုကြည်ရဲ့ ဗြိတိန်ခရီးစဉ်က ဓါတ်ပုံတွေက နှလုံးသားကို ကိုင်လှုပ်ရုံမက မသွားခင် ပြည်ထောင်စုငြိမ်းချမ်းရေးညီလာခံ ၂၁ရာစု ပင်လုံမှာ ပြောသွားတဲ့ ကျေားဇူးတင် အမှာစကားကလည်း နိုင်ငံသူနိုင်ငံသား အပေါင်းရဲ့ စိတ်ကို လှုပ်ခတ်စေခဲ့တာ အမှန်၊
" ကျွန်မတို့ အသက် ဘယ်လောက်ရှည် နိုင်မလဲ။ ကျွန်မသိသလောက် ကမ္ဘာဆုံးအသက်အရှည်ဆုံး ပုဂ္ဂိုလ်ဟာ (၁၂၀) လောက် ဖြစ်ပါတယ်။ (၁၂၀) ဆိုတာ ဘာမှမဟုတ်ပါဘူး။ နိုင်ငံတစ်နိုင်ငံရဲ့ သက်တမ်းနဲ့ စာလို့ရှိရင် ကမ္ဘာကြီးရဲ့ သက်တမ်းနဲ့စာလို့ရှိရင်( ၁၂၀) ဆိုတာ ဘာမှ မဟုတ်ပါဘူး။ ကျွန်မတို့တွေ ကံကောင်းလို့ ကျန်းမာရေးကောင်းလို့ (၁၂၀) ထိနေနိုင်တယ်ပဲ ဆိုပါဦးစို့ ဒီ (၁၂၀) ဆိုတာ တခဏလေးပါပဲ။ ကျွန်မတို့လို အသက်ရောက်နေတဲ့သူတွေဆိုရင် ၁၂၀ ထိနေဖို့ဆိုတာ သိပ်တော့ မကျန်တော့ပါဘူး။ ဒီတော့ ကျွန်မတို့ဟာ ကိုယ်ရှိတဲ့ အချိန်လေးကို တန်ဖိုးရှိအောင် သုံးကျပါစို့ ကိုယ်ရှိတဲ့ အချိန်လေးကို အရင်တုန်းကဖြစ်ခဲ့တဲ့ကိစ္စတွေကို ပြန်လှည့်ကြည့်ပြီး အာဃာတတွေ ပွားနေမယ့် အစား တစ်ဦးပေါ်တစ်ဦး သံသယတွေပွားနေမယ့်အစား ကျန်တဲ့အချိန်အတွင်းမှ ဘယ်လို အာဃာတတွေ ပျောက်အောင် လုပ်မလဲ။ဘယ်လိုဒီသံသယတွေ ကင်းစင်အောင်လုပ်မလဲ။ ဘယ်လိုကောင်းမွန်တဲ့ အမွေအနှစ်တစ်ခုကို ချန်ထား ခဲ့မလဲ ဆိုိတာကို စဉ်းစားကြပါစို့လို့ ကျွန်မကနေပြီး တော့တိုက်တွန်းချင်ပါတယ်။"ဒီလို စကားမျိူးကို အဲဒီအရင်ကလည်း မကြာခဏ ပြောတတ်တာ ကြားရသည်။
                တိုင်းရင်းသားလက်နက်ကိုင် တော်လှန်ရေးတပ်ပေါင်းစု ခေါင်းဆောင်တွေနဲ့ တွေ့စဉ်မှာ ဒေါ်အောင်ဆန်းစုကြည်က အသက်တွေ မေးတယ်လို့ သတင်းသမားတစ်ယောက်ကြုံရကြားရတာ  ပြန်ပြောတာကို သတိရသည်။ ပြီးတော့ အသက်နဲ့ ဆက်စပ်ပြီး အခုလို စကားတစ်ခွန်းကို ပြောခဲ့တာ ဖတ်ရပါသည်။
" "ကျမတို့ကြိုက်သည်ဖြစ်စေ မကြိုက် သည်ဖြစ်စေ တူညီချက်တခုရှိတယ်။ ကျမတို့ဘယ်လိုမှအမြဲနေသွားလို့မရဘူး။ ကျမတို့ သက်တမ်းဆုံးတဲ့ အခါမှာ ကျမတို့ဒီလောကကနေ ထွက် သွားရမှာဘဲ။ ကျမတို့ဒီလောကကနေမထွက်သွားခင်မှာ အားလုံး စုပေါင်းပြီးတော့ နိုင်ငံ့ တိုးတက်မှုလုပ်သွားချင်တယ်။အဲဒါကျမစိတ်ထဲရောက်လာတယ်။ကျမတို့ဒီမှာရှိတဲ့အားလုံး လူငယ်တွေအပါအ၀င်ပေါ့၊ပြောလို့ရတာမဟုတ်ဘူး၊လူငယ်၊လူကြီးဘယ်သူဟာဤလောကကြီးကနေအရင်ထွက်သွားမလဲဆိုတာတနေ့တချိန်တခါမှကျမတို့ထွက်သွားရမှာဘဲ။ဘယ်သူမှငြင်းလို့မရဘူး။ကျမတို့အားလုံးတခြားကိစ္စတွေ NCA နဲ့ဘယ်လောက်ဘဲငြင်းခုံခုံ၊ ဖက်ဒရယ် နဲ့ပတ်သက်ပြီးဘယ်လောက် ဘဲငြင်းခုံခုံတူညီတဲ့ ကိစ္စတခုကတော့ ကျမတို့ တချိန်ချိန်မှာ ဒီလောကကနေထွက်သွားရမှာဘဲ။မထွက်သွားခင်မှာကျမညီညွှတ်မှုကိုလိုချင်တယ်။ကျမတို့အစဉ်အဆက်ကျမတို့ခေါင်းဆောင်တွေတိုင်းရင်းသားခေါင်းဆောင်တွေ၊နိုင်ငံရေးခေါင်းေ ဆာင်တွေမျှော်မှန်းခဲ့တဲ့ညီညွတ်မှုကိုရယူပြီးတော့ထားပစ်ခဲ့ချင်တယ်ဆိုတဲ့စိတ်ကျမပေါ်ပေါက်ခဲ့ပါတယ်။"
                 ဒီစကားတွေ နားထောင်ရတိုင်း အသက်အရွယ်နဲ့မမျှအောင် အလုပ်လုပ်နေရသည့် လူထုခေါင်းဆောင်အတွက် ဝိုင်းဝန်းကူညီကြဖို့ လိုနေပြီဆိုတာ သိကြရမည်။ တိုင်းပြည်တိုင်းမှာ စွန့်လွှတ်အနစ်နာခံတဲ့ ခေါင်းဆောင်ပေါ်လာဖို့ဆိုတာ နှစ်တစ်ရာသက်တမ်းမှာ တယောက်ပေါ်လာဖို့ ခဲယဉ်းပါသည်။ ကိုယ်ကျိူးမရှာသည့် ခေါင်းဆောင်ဆိုတာ အရှားသားပင်၊ ယခုလို တိုင်းပြည်အတွက် ရှားပါးသည့် ခေါင်းဆောင်မျိူး ဦးဆောင်နေချိန်မှာ အားလုံး ညီညီညွတ်ညွတ် ပူးပေါင်းကြပါမှ ချွတ်ခြုံကျနေသည့် တိုင်းပြည်အဖြစ်က ရုန်းထွက်နိုင်ပေမည်၊ အချင်းချင်းရန်ဖြစ်ဆဲ၊ အပြစ်မြင်ဆဲ၊ အပြစ်တွေပြောမြဲဆိုက ရှေ့တိုးဖို့ မလွယ်သည့် အခြေဆိုက်ကြပေလိမ့်မည်။
             ဖေ့စ်ဘွတ်စာမျက်နှာက သတင်းတွေရဲ့ ဓါတ်ပုံအောက်မှာ " အမေ အမေ့မှာ အရင်က သား(၂)ယောက်ရှိတယ်၊ အခုတော့ အမေ့မှာ သားသမီးပေါင်း သန်း(၅၀) ရှိနေပါပြီ။ သားသမီးတွေရဲ့ အားကိုးရာ ချစ်ခင်တာခံရတဲ့ အမေပါ" လို့ ရေးထားတာ ဖတ်ရသည်။ အားလုံး မိသားတစုတည်းဆိုတဲ့ စိတ်ဓါတ်တွေ ပြည်သူတွေမှာ ရှိနေလေပြီ။  မိသားစုတစုမှာပင် ညီအကိုမောင်နှမ မိသားစုဝင်တွေ ချစ်ချစ်ခင်ခင် ညီညီညွတ်ညွတ်ရှိပါမှ မိဘစိတ်ချမ်းသာတာ မဟုတ်ပါလား၊ မိသားစုအားလုံး စိတ်ချမ်းမြေ့ပါမှ အဆင်ပြေပြေ ရှိကြတာ မဟုတ်ပါလား၊ တိုင်းပြည်နဲ့ လူမျိူးအတွက် အရာအားလုံးကို စွန့်လွှတ်အနစ်နာခံ ဆောင်ရွက်ပေးနေတဲ့ လူထုခေါင်းဆောင်၊ နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်ကို တိုင်းပြည်ရဲ့ မိခင်နေရာမှာ ထားကြပါတယ်ဆိုတဲ့ မြန်မာပြည်သား ညီရင်းအကိုမောင်နှမများ သွေးစည်းကြရင်ဖြင့် အားလုံးပဲ ချမ်းမြေ့သာယာကြပါလိမ့်မယ်လို့ မျှော်လင့်ရင်း ဆုတောင်းသီချင်းလေးကို သတိတရ ထည့်ရေးလိုက်မိပါသည်။
" ချမ်းမြေ့.. ချမ်းမြေ့ပါစေ ချမ်းမြေ့ပါစေ ၊ ချမ်းမြေ့ ချမ်းမြေ့ပါစေ
ဖေဖေလည်း ချမ်းမြေ့ပါစေ၊ မေမေလည်း ချမ်းမြေ့ပါစေ သားသမီးလည်း ချမ်းမြေ့ပါစေ
ဘဝထိုထိုအတွင်းမှာ ငိုခြင်းရှည်များ ကင်းဝေးကာလေ
ရနံ့ကင်းသောပန်းလည်း လန်းပါစေ..... ရနံ့မွှေးသောပန်းလည်း လန်းပါစေ
အနီးအဝေး အနိမ့်အမြင့် ဆင်တိုင်းတင့်တယ်လေ
(စမ်းသီတာ ရင်နှယ်အေးစေ)၂  မေတ္တာတေးနဲ့ အသံလေးတော့ ပြုလိုက်ချင်ပေ
ချမ်းမြေ့ ချမ်းမြေ့ ချမ်းမြေ့ပါစေ ချမ်းမြေ့ ချမ်းမြေ့ ချမ်းမြေ့ပါစေ
ခိုင်ခိုင်စောလွင်

September 11, 2016

" တို့များအရွယ်ညောင်းခဲ့ရင်" ၁၂ စက်တင်္ဘာ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၃၅)မှ

" တို့များအရွယ်ညောင်းခဲ့ရင်"

                              
                         ပြီးခဲ့တဲ့ ကျောင်းအားရက် စနေနေ့မှာ ကျောင်းပွဲ တခုကို ရောက်ခဲ့သည်။  ချင်းမိုင်မြို့  ကျောင်းပြင်ပ ပညာရေး အစီအစဉ်က ကြီးမှုးကျင်းပတဲ့ ပွဲတခုဖြစ်သည်။ " Open House" လို့ နာမည်ပေးထားသည့် အဆိုပါပွဲမှာ တကယ်က ကျောင်းပြင်ပ ပညာရေး အစီအစဉ်မှာ တက်ရောက်သင်ကြားနေတဲ့ ကျောင်းသားတွေရဲ့ လှုပ်ရှားမှုနဲ့ သင်ကြားတတ်မြောက်ခဲ့တာတွေကို ပြသတဲ့ ပွဲဖြစ်လေသည်။  ပြခန်းများမှာ ကျောင်းသားတို့ရဲ့ လက်တွေ့လုပ်ဆောင်ထားတဲ့ ပစ္စည်းမျိူးစုံကို ပြသထားပြီး ချင်းမိုင်မှာရှိတဲ့ မြို့နယ် ကျောင်းခွဲတွေက လာရောက်ပြသတာ ပြခန်းပေါင်း ( ၁၂) ခန်းရှိသည်။ အဆိုပါပြခန်းတွေမှာ ပြသထားသည့် လက်မှုပညာ ထွက်ကုန် ပစ္စည်းတွေနှင့် သူတို့ကိုယ်တိုင် လက်တွေ့ပြုလုပ်နေတဲ့ မြင်ကွင်းကို တွေ့ရသည့်အခါ  မြန်မာပြည်က ကျောင်းသားတွေ ကျောင်းနေရင် စာတတ်အောင်ချည်း သင်နေရသည့် အဖြစ်နှင့် နှိုင်းယှဉ်ကာ အတွေးတွေပွားနေမိလေသည်။
                                      ထိုင်းနိုင်ငံ ရောက်စကတည်းက သတိထားမိတာ တခုရှိသည်။  ထိုင်းလူမျိူး ကြီးငယ်မရွေး ဈေးရောင်းတာ ဝါသနာပါကြသည်။ ကျောင်းသူလေးတွေ ဈေးရောင်းကြသည်။ အိမ်ကြီး ရခိုင် ခြံနှင့်ဝင်းနှင့် နေသူက သူ့ခြံထဲက စောင်းလျားသီးလေး ကြွေကျတာကိုပင် ပန်းကန်ပြားလေးတွေနှင့် ထည့်ကာ ခြံရှေ့မှာ စားပွဲတလုံးပေါ် တင်ထားကာ ရောင်းသည်။ တစ်ပန်းကန် (၁၀)ဘတ် လို့ စက္ကူတရွက်မှာ စာရေးပြီး ချထားသည်။  သူတို့ ကျောင်းသင်္ခန်းစာမှာ မူလတန်းပညာရေးအဆင့်မှာ ကတည်းက business ဘာသာရပ်ကို သင်ကြားပေးတာလို့ သိလာရသည်။ အတန်းကြီးလာလေ ပညာရပ်ဆိုင်ရာ မြှင့်ပြီး သင်ပေးပြီး (၁၂)တန်း ပြီးဆုံးသည်နှင့် တက္ကသိုလ်တက်က ဝါသနာပါလျင် ဘာသာရပ်တခုအနေနှင့် ယူပြီး တက်လို့ရသည်။ တက္ကသိုလ်တက်ဖို့ ဘာသာရွေးသည့်အခါ အဆိုပါ ဘာသာရပ်အကြောင်း သိရှိခဲ့ပြီး ဖြစ်၍ ကိုယ်နဲ့ ကိုက်မကိုက် ရွေးချယ်ရတာ အဆင်ပြေကြပြန်သည်။ တက္ကသိုလ်တက်မှ ဘွားကနည်း တွေ့ရသည့် စနစ်နှင့် အတော်ကွာလေသည်။
                              နောက်တခု သတိထားမိတာက ထိုင်းလူမျိူးတွေမှာ လက်မှု အတတ်ပညာ လူတိုင်းနီးပါး တတ်မြောက်ကြသည်။ စက္ကူကလေးတွေကို ပန်းကလေးတွေ လုပ်တာ ၊ အသီးကလေးတွေ လုပ်တာ၊ အဝတ်စသေးသေးလေးတွေကို ဖန်စီ လေးတွေ လုပ်တာ၊ ချစ်စဖွယ် ပစ္စည်းမျိူးစုံလုပ်ကြတာ  ကျွမ်းကျင်ကြသည်။ သူတို့ ဘာဖြစ်လို့ စွန့်ပစ္စည်းလို့တောင် ဆိုရမယ့် ပစ္စည်းအသေးအမွှားလေးတွေကို လှလှပပလေးတွေ ဖြစ်အောင် လုပ်နိုင်ကြပါလိမ့်၊ ဒီသေးသေးလေးတွေကို ဈေးမှာ၊ အထူးသဖြင့် နိုင်ငံခြားသားတွေ စည်ကားများပြားသည့် လမ်းလျှောက်ဈေးတွေမှာ (၁၀)ဘတ် ၊ ဘတ်(၂၀) စသဖြင့် ခင်းကျင်းရောင်းချ ရောင်းကောင်းလှရာ အရင်းစစ်တော့ ကျောင်းပညာရေးတွေကပဲ ရရှိလာတယ်ဆိုတာ သိရလေတော့သည်။
                          ကျောင်းပညာရေးမှာ ကျောင်းသားတွေ စာတတ်ယုံမက အကြောင်းကြောင့် အသက်မွေးဝမ်းကြောင်းဖို့ ဖြစ်လာက ရပ်တည်နိုင်အောင် ကျောင်းမှာကတည်းက တဖြည်းဖြည်း သင်ကြားပေးလာတာဖြစ်သည်။ ပညာသင်ကြရတယ်ဆိုတဲ့ အဓိပ္ပါယ်ပြည့်စုံလှပါပေသည်။ ကျောင်းနေပျော်၍ စာတော်ရမည် ဆိုတာထက် ကျောင်းနေပျော်ပြီး ပညာတွေ တော်လာ တတ်လာကြသည့် ပညာရေး ဖြစ်သည်လို့ ကောက်ချက်ချမိသည်။
                            အထက်မှာ ပြောခဲ့သည့် ကျောင်းပြင်ပ ပညာရေးက ကျောင်းသားတွေလည်း ထို့အတူ လက်မှုပညာတွေ တတ်မြောက်ကြသည်။ ပြခန်းတွေမှာ လိုက်ကြည့်ရင်း အနုပညာမြောက်စွာ ပြုလုပ်ထားသည့် ပစ္စည်းတွေတွေ့ရရာ အံ့ဩမိရသည်။ တန်ဘိုးကြီးသည့် အရင်းအနှီး တစုံတရာမပါဝင်ပဲ လူတိုင်း အလွယ်တကူ ရင်းနှီး လုပ်ကိုင်နိုင်သည့် ကုန်ကြမ်းတွေဖြင့် လုပ်ထားတာ ဖြစ်သည်။ ဒါ့ကြောင့် ချင်းမိုင်က ဈေးကြီး ( အဆိုပါဈေးကြီးဆိုတာက ရန်ကုန်မြို့က သိမ်ကြီးဈေး၊ မင်္ဂလာဈေးတို့လို လက္ကားဒိုင်တွေ များစွာ ရှိသည့် ဈေးဖြစ်သည်) မှာ လက်မှုအတွက် အသုံးပြုသည့် ပစ္စည်းလေးတွေ ရောင်းသည့် ဆိုင်ကြီးတွေ ဒိုင်ကြီးတွေ မနည်းမနောရှိသည်။ ရောင်းလည်းရောင်းရသည်။ အပ်၊ အပ်ချည်၊ ရောင်စုံစက္ကူစ၊ သိုးမွှေးချည်၊ ရောင်စုံ ကျောက်၊ ပလတ်စတစ်၊ ဘော်၊ ရောင်စုံခဲတံ၊ ဖော့၊ အဝတ်စ၊ အရုပ်စုံ ၊ ပန်းကြိုး၊ ဖယောင်းချည်မျိူးစုံ၊ သံကွင်းလေးတွေ၊ ကီးချိန်း နားစွဲ၊ ကလစ်၊ လက်ကောက်လုပ်ဖို့ ကွင်းလေးတွေ စသည်စသည် များစွာ ရောင်းရာ တိုးဝှေ့၍ ဝယ်ယူကြတာတွေ့နေရသည်။ ဆင့်ကဲ စီးပွားဖြစ်ထွန်းတာလို့ ဆိုရမည်။ အဆိုပါ ဈေးကွက်က ထိုင်းတနိုင်ငံလုံးဆို မနည်းမနော။
               ကျောင်းပြင်ပပညာရေးမှာလည်း လက်မှုပညာတွေ သင်ပေးတာ သိရသည့်အခါ( ကော ဆာ် နော်) လို့ ထိုင်းလို့ အတိုကောက်ခေါ်သည့် ( Non- Formal Education ( NEF) )  ပညာရေး စနစ်ဖြစ်သည့် အဆိုပါ ကျောင်းတကျောင်းက ဆရာမကို သိချင်တာ တွေ မေးကြည့်မိသည်။ ထိုင်းနိုင်ငံမှာ မူလတန်းကစပြီး အခမဲ့ သင်ခွင့်ရပါလျက်နဲ့ အခုလို ကောဆော်နော် မှာ ကျောင်းသားတွေ ရောက်လာရသလဲ မေးမိတော့ မသင်မနေရပညာရေး၊ ကျောင်းနေအရွယ်အားလုံး ပညာသင်ခွင့်ရရေး အတွက် ထိုင်းမှာ အခမဲ့ပညာရေးစနစ် သတ်မှတ်တာ  အချိန်မကြာသေးပါတဲ့၊ (၁၀)နှစ် ခန့်ပဲ ရှိသေးတာလို့ ဆိုသည်။ အသက်(၃၀) မပြည့်သေးသည့် အဆိုပါဆရာမပင် မမီခဲ့ပါတဲ့။ ထိုအခါ ဆင်းရဲ၍ ငွေကြေးမတတ်နိုင်သူ၊ ကျောင်းနေရင်းက မိဘကို ကူဖို့ ပညာတပိုင်းတစနှင့် ကျောင်းထွက်လိုက်ရသူ၊ တချိူ့က လှုမှုရေးအခက်အခဲ ၊ အထူးသဖြင့် အိမ်ထောင်ပြိုကွဲတဲ့ မိဘတွေ တကွဲတပြားဖြစ်ရာက အဖိုး အဖွားနှင့် သွားရောက်နေထိုင်ရင်း ကျောင်းဆက်မတက်ရတော့သူတွေ စသဖြင့် ကျောင်းပညာရေးနှင့် ကင်းကွာသွားကြတာတွေ များစွာ ရှိလာတော့သည်တဲ့။  နှစ်များစွာ ကြာလာသည့်အခါ အဆိုပါ ပညာရေးတပိုင်းတစ ဖြစ်နေသည့် လူငယ်တွေ များလာရာ နောင်တချိန် တိုင်းပြည်အတွက် စိုးရိမ်စရာရှိလာသည့်အတွက် သူတို့ကို ပညာသင်ပေးဖို့ စီစဉ်ရင်း ယခုလို ကျောင်းပြင်ပပညာရေးစနစ် ပေါ်ပေါက်လာတာလို့ ဆိုလေသည်။
                 စာတွေကလည်း အတန်းကျောင်းနှင့်အတူတူပင်၊ လက်မှုပညာလည်း သင်ပေးသည်။ အရွယ်တွေက အသက်(၁၆)နှစ်အထက် အသက်ကန့်သတ်ချက်မရှိပါတဲ့၊ အသက်(၆၀) (၇၀) ရှိပါကလည်း ပညာဆက်သင်ယူလိုစိတ်ရှိက တက်ရောက်သင်ကြားခွင့်ရှိတယ်လို့ ဆိုလေသည်။ (၁၂) တန်းကို ပုံမှန်ဆိုက(၁၂) နှစ် တက်ရောက်ရပေမယ့် အရွယ်နှင့်သင်ယူနိုင်မှု ရှိသည်ကတကြောင်း၊ သင်လက်စ ရှိပြီးသား ရှိသည်ကတကြောင်း  မူလတန်းပညာ၊ အလယ်တန်းပညာ၊ အထက်တန်းပညာ (၂)နှစ်စီသာ ထားသည်။ တက်ရောက်မည့် ကျောင်းသားရဲ့ မူလ အခြေခံပေါ်လိုက်ပြီး အတန်းအဆင့်သတ်မှတ်ပေးတာ ဖြစ်သည်။ အလယ်တန်းအဆင့် အောင်မြင်က အသက်မွေးဝမ်းကျောင်း ကောလိပ် ဒါမှမဟုတ် ကျောင်းတခုကို ကူးပြောင်းနိုင်သလို အထက်တန်းအဆင့် အောင်မြင်က တက္ကသိုလ်သို့ တက်ရောက်နိုင်သည့် အခွင့်အရေးရှိလေရာ ကျောင်းမနေခဲ့ရသည့် ကလေးတွေနှင့် တက်လက်စ ကလေးတွေအတွက် အလွန် အဆင်ပြေလှပေသည်။ တိုင်းပြည်အတွက်လည်း လေလွင့်သွားခြင်းမရှိသည့် ပညာရေး ဖြစ်သည်။
               အဆိုပါ( ကော ဆော် နော်)ကျောင်းက ကလေးတွေပင် လက်မှုပညာ စီးပွားရေးပညာကို အခြေခံကစပြီး သင်ယူခွင့်ရတဲ့အတွက် များစွာ အကျိူးရှိလှပေသည်။ ပြခန်းမှာ ကျောင်းသူလေးတွေ လက်တွေ့ထိုင်ထိုးနေတာ သွားရောက်ကြည့်ရှုရင်း စက္ကူလေးတရွက်၊ ဒါးသေးသေးလေး တချောင်း၊ သံနန်းကြိုးမျှင်လေး တခု၊ စက္ကတိပ်သားလေးဖြင့် လှပသည့် ဂန္ဒမာပန်းလေး တပွင့် ဖန်ဆင်းလိုက်ရာ အံ့ဩဘနန်းဖြစ်ရလေသည်။
  နိုင်လွန်ပိတ်စပါးပါးလေး ရောင်စုံကို လက်ထဲမှာ ဟိုညှပ် ဒီကပ်လုပ်ရင်း လှပသည့် ပဒုမ္မာကြာပန်းတွေ ဖြစ်လာသည့်အခါ မျက်လှည့်ပြနေသလား ထင်မှတ်မှားရသည်။ ပြခန်းမှာပင် အဆိုပါ ပန်းတွေ၊ ပန်းအိုးတွေ ရောင်းရာ ဝယ်သူတွေလည်း မနည်းမနော။ ပြခန်းတခုပြီးတခု ကြည့်ရှုရင်း ရင်သတ်ရှုမောဖြစ်ကာ အကြောင်းကြောင်းကြောင့် အတန်းပညာကို စွန့်ခွာသွားရသည့် ကိုယ့်တိုင်းပြည်က ကလေးတွေကို များစွာ သတိရမိပြန်လေသည်။
                         ပညာသင်ကြားရေး (တနည်းဆိုသော်) `ပညာရေး´ကို အင်္ဂလိပ်လို Education  ခေါ်ဆိုသည်လို့ သိကြပေသည်။  အဆိုပါဝေါ ဟာရမှာ  Educere  ဆိုသည့် လက်တင်ဘာသာက ဆင်းသက်လာတာ ဖြစ်သည်။ အဓိပ္ပါယ်က `ဦးဆောင်၍ ခေါ်ယူသည်။ ဆွဲထုတ်သည်´ တဲ့။   တစ်ဦးက အခြားတစ်ဦးကို ဖြစ်စေ၊ အများကိုဖြစ်စေ လိုအပ်သည့် ပန်းတိုင်သို့ ရောက်လေအောင် ဦးဆောင်၍ ခေါ်ခြင်း၊ တစ်ဦးသော ပုဂ္ဂိုလ် (သို့) တစ်ခုသော ပစ္စည်းက ပုဂ္ဂိုလ် တဦး တယောက်ရဲ့ နစ်မြုပ်လျှက် ရှိတဲ့  စွမ်းရည်တို့ကို ဆွဲထုတ် ပေးခြင်း ဖြစ်တယ်လို့ ဆိုကြရာ စာသင်ခန်းပြင်ပရောက်နေသည့် ကလေးတွေမှာ ဆိုင်ရာ ကိုယ်ပိုင် အရည်အသွေး အရည်အချင်းတွေ ရှိနေကြမှာလို့ ယုံကြည်မိသည်။
                      ယခု ထိုင်းနိုင်ငံ ချင်းမိုင်မှာ အကြောင်းအမျိူးမျိူးနဲ့  ရောက်ရှိနေကြတဲ့  မြန်မာပြည်က တိုင်းရင်းသားလူမျိူးစုံ ကျောင်းသားအရွယ်တွေထဲက ပညာကို ဆက်လက်သင်ယူလိုတဲ့  လူငယ်တွေအတွက် ထိုင်းပညာရေးဌာနနဲ့ ပူးပေါင်းဖွင့်လှစ်ပေးမယ့် ကော ဆော် နော် ( NFE) ပညာရေးစနစ်ရှိနေပါပြီ။ ကျမတို့ နိုင်သည့်နေရာမှ ဝင်ရောက် ဆောင်ရွက်ပေးနေကြပါပြီ။
                 နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်ရဲ့ ပညာရေးဆိုင်ရာနှီးနှောဖလှယ်ပွဲေ
တွနဲ့ ပညာရေးဆိုင်ရာမှာကြားချက်တွေမှာ အသက်မွေးဝမ်းကျောင်းပညာနဲ့ ပတ်သက်ပြီး အလေးထားပြောကြားတာတွေ အမြဲလိုလို နားထောင်ရသည့်အတွက် နောင်မှာတော့ ကိုယ့်တိုင်းပြည်မှာ အသက်မွေးဝမ်းကျောင်းဆိုင်ရာ အခွင့်အရေးတွေ၊ လူတိုင်းပညာသင်ကြားနိုင်ခွင့်တွေ ရရှိနိုင်တော့မယ်ဆိုတာ သေချာတယ်လို့ ယူဆမိပါသည်။  မြန်မာပြည်မှာ လေလွင့်နေသည့် ကလေး လူငယ်တွေ သိန်းနှင့်ချီရှိနေပြီး ကျောင်းနေအရွယ်မှာ ပညာမသင်ပဲ ပြင်ပလုပ်ငန်းခွင် ရောက်နေတဲ့ ကလးသူငယ်တွေလည်း များစွာရှိနေရာ အဆိုပါကလေးသူငယ်တွေ၊ လူငယ်တွေအတွက် အခွင့်အလမ်းတွေ ရှိလာပါမှ တိုင်းပြည်ရဲ့  နောင်အနာဂတ် ဆက်လက်ရှင်သန်နိုင်ပါလိမ့်မည်။
"
      " "ကျမတို့ကြိုက်သည်ဖြစ်စေ မကြိုက် သည်ဖြစ်စေ တူညီချက်တခုရှိတယ်။ ကျမတို့ဘယ်လိုမှအမြဲနေသွားလို့မ
ရဘူး။ ကျမတို့ သက်တမ်းဆုံးတဲ့ အခါမှာ ကျမတို့ဒီလောကကနေ ထွက် သွားရမှာဘဲ။ ကျမတို့ဒီလောကကနေမထွက်သွားခင်မှာ အားလုံး စုပေါင်းပြီးတော့ နိုင်ငံ့ တိုးတက်မှုလုပ်သွားချင်တယ်။အဲဒါကျမစိတ်ထဲရောက်လာတယ်။ကျမတို့ဒီမှာရှိတဲ့အားလုံး လူငယ်တွေအပါအ၀င်ပေါ့၊ပြောလို့ရတာမဟုတ်ဘူး၊လူငယ်၊လူကြီးဘယ်သူဟာဤလောကကြီးကနေအရင်ထွက်သွားမလဲဆိုတာတနေ့တချိန်တခါမှကျမတို့ထွက်သွားရမှာဘဲ။ဘယ်သူမှငြင်းလို့မရဘူး" 
လူ့ဘဝမှာ နေရတဲ့ အခိုက်အတန့် အသက်ရှင်သန်နေထိုင်မှုနဲ့ ပတ်သက်ပြီး နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည် ပြောကြားခဲ့တဲ့ စကားတခွန်းကို မှတ်မှတ်သားသား ခံစားကြားယောင်ရင်း   တိုင်းပြည်အတွက် လိုအပ်သည့်နေရာကနေ ဝိုင်းဝန်း ဆောင်ရွက်နိုင်ကြဖို့ ကိုလည်း စိတ်အားထက်သန်မိပါတော့ သည်။
ခိုင်ခိုင်စောလွင်

September 5, 2016

" အတိတ်ရဲ့ အရိပ်" ၅ရက် စက်တင်္ဘာ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်( ၃၄)မှ

" အတိတ်ရဲ့ အရိပ်"
                                             
                                              ဒီလ ဩဂုတ်လ(၁၆)ရက်မှာ  ဘန်ကောက်မြို့ကနေ  ကားဖြင့်တစ်နာရီ ၊ မီးရထားဖြင့် သွားပါက တစ်နာရီ မိနစ်လေးဆယ် လောက်ပဲ  သွားရတဲ့ အယုဒ္ဒယမြို့ ကအပြန် လွမ်းလွမ်းဆွတ်ဆွတ် သတိရမိသည်က ပုဂံ၊ လွန်ခဲ့သည့် (၁၇)ျနှစ်ခန့်က တစ်ကြိမ်သာ ရောက်ခဲ့ပြီး ပြန်မရောက်သေးသည့် ပုဂံအကြောင်း ပြောဖြစ်ရင်းက နောက်တစ်ကြိမ် သွားရအောင် အစီအစဉ်တွေ ပြောနေရင်း ပုဂံသတင်းကို မထင်မှတ်ပဲ ကြားရလေတော့သည်။ ၂၀၁၆ခုနှစ် ဩဂုတ်လ ၂၄ရက် ညနေ ၅နာရီ ၅မိနစ်မှာ ချောက်မြို့ကို ဗဟိုပြု လှုတ်ခတ်ခဲ့တဲ့  ငလျင်ဒဏ်ကြောင့် ပုဂံရှိ ဘုရားစေတီ (၁၈၇) ဆူ ခန့် ပျက်ဆီးတဲ့ သတင်း ဖတ်ရသည်။ လှုမှုကွန်ယက်နဲ့တကွ နိုင်ငံတကာမီဒီယာတွေမှာ သတင်းတွေ ချက်ခြင်း တက်လာတာစိတ်မကောင်းစွာ ကြည့်နေရလေသည်။
                    တကယ်တော့ မြန်မာပြည်မှာ အင်အားပြင်း ငလျင်တစ်ခု လှုပ်ဖို့ ရှိတယ်ဆိုတာ ပညာရှင်တွေက ကြိုတင် ခန့်မှန်း သတင်းထုတ်ထားတာ ရှိပြီးဖြစ်သည်။ အိန္ဒိယကျောက်ချပ်ထုနဲ့ မြန်မာပြည် ကျောက်ချပ်ထု တိုက်မိပြီး  ဩဂုတ်လဆန်းမှာ ငလျင်လှုပ်နိုင်တယ်လို့ ကြိုတင် ပြောကြားထားတာ ရှိသည်။ သို့သော် တချိူ့ကလည်း ငလျင်ဆိုတာ ဘယ်တော့မှ ကြိုမသိနိုင် ဆိုကာ မဖြစ်နိုင်လို့ ဆိုကြသည်။ ရှေးတုန်းကတော့ ဟုတ်သည်။ ငလျင်လှုပ်မယ်ဆိုတာ ဘယ်သူမှ ကြိုမပြောနိုင်၊   လှုပ်ကာမှသာလှုပ်တယ်လို့ သိကြတာလို့ ဆိုသည်။ ယနေ့ခေတ်မှာတော့ တိုးတက်လာသည့် နည်းစနစ်တွေ တိုင်းထွာတွက်ချက်မှုတွေအရ ဘယ်နေ့ဘယ်ရက်မှာ လှုပ်မယ်လို့ အတိအကျ မပြောနိုင်သေးပေမယ့်  ဘူမိဗေဒ သဘောတရားတွေအရ ငလျင်လှုပ်လာနိုင်မယ့် အခြေအနေ ကို ကြိုတင် တိုင်းတာ ပြောကြားနိုင်နေပြီဆိုတာကို လက်ခံကြရပေမည်။ ယခုလှုပ်သောငလျင်မှာ အင်အားပြင်းသော်လည်း နောက်ဆက်တွဲ ငလျင်ငယ်ကလေးတွေ မလှုပ်တာ ဆန်းသည်လို့ ပညာရှင်တွေ ဆွေးနွေးနေကြပြီး အင်အားပြင်း ငလျင် ထပ်မံ လှုပ်ဖို့ ရှိနေသေးတာကို နေရာဒေသနှင့်ပါ ပြောပြ ဆွေးနွေးတာ ကြည့်ရလေသည်။
                  ၁၉၇၅ခုနှစ် ဇူလိုင်လတုန်းက  ပုဂံမှာ လှုပ်ခတ်သွားတဲ့ ငလျင်နဲ့ အခုငလျင်က ရစ်ခ်ျတာစကေး ၆.၈ အတူတူဖြစ်သည်။ ထိုစဉ်ကလည်း မော်ကွန်းရုပ်ရှင်က မှတ်တမ်းတွေ ကြည့်ရတိုင်း နှမြောတသ စိတ်မကောင်းဖြစ်ရသည်။ ထိုစဉ်က မူလတန်းကျောင်းသူအရွယ်မို့ ဘုရားတွေ ပျက်စီးလို့ နှမြောတာသာ သိတာဖြစ်ပြီး ယခုအရွယ်မှာတော့  မြန်မာလူမျိူးတွေရဲ့ သမိုင်းကြောင်း အထောက်အထား နဲ့တကွ ထိန်းသိန်းစောင့်ရှောက်ထားရမယ့် ဂုဏ်ယူစရာ ရှေးဟောင်းအမွေအနှစ်တွေလို့ သိတဲ့ အတွက် ပိုလို့ပင် နှမြောတသ စိတ်မကောင်းဖြစ်ရလေသည်။
                 အယုဒ္ဒယကို မသွားခင် ဘန်ကောက်မှာရှိတဲ့ မြဘုရားကို ဖူးမျှော်စဉ်ကတည်းက ရှေးအတိတ်သမိုင်းတွေက ပစ္စု ပ္ပန်ကို ထင်ဟတ်စေတာ သတိပြုမိလေသည်။ ပုဂံမှာ ရှိတဲ့ မနူဟာဘုရားကို ဖူးမျှော်ရတဲ့အခါ မနူဟာဘုရင်နဲ့ အနော်ရထာတို့အကြောင်း ပြန်ပြောင်းသတိရသလို မြဘုရားကို ဖူးရတဲ့အခါ အစောင့်အရှောက်၊ လုံခြုံရေးတင်းကျပ်မှု၊ ဘုရားကိန်းဝပ်စံပယ်တဲ့ ကျောင်းဆောင် ဗိမ္မာန် အနေအထား စတာတွေကို ကြည့်ရှုရင်း ရှေးအတိတ်သမိုင်းကြောင်းက ရင်ကို လာဟတ်စေတာ သတိထားမိသည်။ သီရိလင်္ကာနိုင်ငံ၊ အဲဒီကတဆင့် ထိုင်းနိုင်ငံ ချင်းရိုင်ခရိုင် လန်းပန်း၊ နောက်တော့ လာအိုနိုင်ငံ ၊ လာအိုဘုရင်နဲ့  ရာမမင်းဆက် (၁) နောက်တော့ ဘန်ကောက် စတာတွေကို ပြန်သတိရစေတာတော့အမှန်၊ ဒါတွေက သမိုင်းအထောက်အထားတွေ မဟုတ်ပါလား၊
              အယုဒ္ဒယကို မရောက်ခင်မှာ သိထားဖူးတဲ့ သမိုင်းတွေအရ မြို့ကို ရောက်ခဲ့ရင် မြို့ပျက်ကြီးကို တွေ့ရမှာလား၊  မြန်မာဘုရင် အလောင်းဘုရားလက်ထက် တိုက်ခိုက်ခဲ့ပြီး ဖျက်ဆီးခဲ့တယ်ဆိုတာတွေ မြင်ရရင် ပြထားရင် စိတ်ထဲ ဘယ်လို ခံစားရမှာပါလိမ့် ဒီလို အတွေးတွေ ဖြစ်သည်။ ခံစားချက်တွေ ကို ကြိုပြီး ပုံဖော်နေမိသည်။  ဒါမျိူးက ကြုံခဲ့ဖူးတာတွေလည်း ရှိခဲ့တာဖြစ်သည်။ ပုဂံဖူးရောက်ခဲ့စဉ်က ကားပေါ်ကအဆင်း မြေကြီးပေါ် ခြေချလိုက်ကတည်းက ဒါ မြန်မာတို့ရဲ့ ပထမမြန်မာနိုင်ငံတော် တည်ရှိခဲ့ရာ မြေ၊ တို့ဘိုးဘွားတွေ နင်းခဲ့ရာမြေဆိုတဲ့ အသိက ချက်ခြင်း ရင်ထဲရောက်သည်။ သရပါ တံခါးရောက်တဲ့အခါ ရှေးခေတ်ပုဂံပြည်ကို တန်းကနဲ မြင်ယောင်သည်။ အာနန္ဒာဘုရားက တံခါးကြီးကို မြင်သော် ရှေးခေတ် မြန်မာတွေ အရပ်တွေ ရှည်သလား မျှော်မှန်း တွေးဆကြည့်မိရသည်။ ကျောက်စာတွေ မှတ်တမ်းတွေ ကဗျည်းထိုးတာတွေ ဖတ်ရင်း ကြက်သီးထသည်အထိ အလှုတွေကို သာဓုခေါ်ရသည်။ အနော်ရထာ၊ ကျန်စစ်သား သာမက တိုင်းသူပြည်သားတွေ သွားလာနေကြသည့် အလား မြင်ယောင်မိသည်။ တသွင်သွင်စီးနေတဲ့ ဧရာဝတီကို တိုက်ခတ်လာတဲ့ လေတဖြူးဖြူးနဲ့ များပြားလှတဲ့ ဘုရားစေတီတွေရယ်က ရှေးဟောင်းသမိုင်းရဲ့ အတိတ်ပုံရိပ်တွေ ပစ္စုပ္ပန်မှာ လာထင်ဟပ်နေသည်။
                အယုဒ္ဒယ ဆိုတာ ထိုင်းလူမျိူးတွေ အခေါ် စစ်မနိုင်တဲ့မြို့ ၊ မြန်မာတွေက အ ဖြုတ်ပြီး ယိုးဒယား ( စစ်နိုင်တဲ့မြို့ တနည်း စစ်အောင်ရာမြို့) လို့ ခေါ်တယ်လို့ သမိုင်းမှာဖတ်ရသည်။ မြို့ကို ဝင်ဝင်ခြင်းမှာ မြို့ဟောင်းနဲ့မတူပဲ နယ်မြို့လေး တစ်မြို့ရဲ့ ပုံရိပ်က ပေါ်လွင်သည်။  ကားပေါ်ကအဆင်း ဘုရားတွေ ဖူးဖို့ ကားငှားရန် သူ့ထက်ငါ အလုအယက် ခေါ်ကြသည်။ ဈေးကလည်း ဆိုသည်။ တုတ်တုတ်( သုံးဘီးကား) ဖြင့် တနေကုန်လည် ဘတ်(၁၈၀၀) ကို တစ်ထောင်ဖြင့် စစ်ရာ (၁၂၀၀) ဖြင့် ဈေးတည့်သွားသည်။  လိုက်ပို့သည့် ကားသမားက စောစောက ဈေးစကားပြောသည့် သူတွေထဲက တစ်ယောက်မှမဟုတ်၊ သဘောကောင်းသည့် အသက်ကြီးကြီး လူတစ်ယောက်၊ စိတ်ရှည်လက်ရှည် စောင့်ရှာပါသည်။ ပထမဆုံး ဖူးခွင့်ရသည့် wat yai chai mongkhon ဘုန်းကြီးကျောင်းမှာ ဘုရင် နရဲစွမ်ရုပ်တု အကြီးကြီး ရှိပြီး လာရောက် ဆုတောင်းသူတွေ များပြားလှသည်။ ဝပ်ယိုင်မှာ  ယိုင်ဆိုတာ ထိုင်းဘာသာဖြင့် ကြီး တာကို ဆိုလိုသည်၊  ဝပ်က ဘုန်းကြီးကျောင်း စေတီ မြင့်မြတ်သော ဝတ္တကနယ်မြေ၊ အဆိုပါဘုန်းကြီးကျောင်းဝင်းထဲမှာ မြင့်မားတဲ့ အုပ်ချပ်စေတီတစ်ဆူအပေါ် ဘုရားဖူးတွေ တက်ရောက်ဖူးမျှော်ကြသည်။ နိုင်ငံခြားသားများ အံ့ဩတကြီး ဓါတ်ပုံတွေ ရိုက်ကြသည်။ အတူပါလာသည့် မိတ်ဆွေက သူတို့ ပုဂံရောက်ဖူးရင် ဒီလို အံ့ဩမယ် မထင် ဆိုတဲ့ မှတ်ချက်ကို ကိုယ်တိုင်လည်း ထူးမခြားနား မအံ့ဩမိတဲ့ အတွက် ထောက်ခံစကားပြောမိသည်။ အံ့ဩမိတာက များပြားလှတဲ့ နိုင်ငံခြားသား ခရီးသွားများကိုသာ၊  တို့များ ပုဂံမှာ သည့်ထက်မက ကြီးမား များပြားလှသည့် ဘုရားစေတီ အဆူဆူ ရှိတာ၊ လွတ်လပ်စွာ ဖူးမျှော်ခွင့်ရတာ စတာတွေကို နိုင်ငံခြားသား ခရီးသွားတွေ သိရှိပြီး ခရီးသွားလုပ်ငန်းက ဝင်ငွေလည်း များစွာရ၊ တိုင်းပြည်ရဲ့ ယဉ်ကျေးမှု သမိုင်းဖြစ်စဉ်ကို နိုင်ငံတကာက သိရှိစေ လိုသည့် စိတ်တွေ တဖွားဖွား ပေါ်နေမိလေသည်။
                          မြန်မာလူမျိူးတွေ ဖျက်စီးသွားသည် ဆိုသည့် ဘုန်းကြီးကျောင်းမှာတော့ အဝင်မှာ နိုင်ငံခြားသားတစ်ယောက်ကို  ဝင်ခွင့် ဘတ်( ၅၀) ၊ ထိုင်းနိုင်ငံသားဆိုက တစ်ယောက် (၁၀) ဘတ် ဝင်ခွင့်လက်မှတ် ဝယ်ပြီးမှ ဝင်ခွင့်ရတာ ဖြစ်သည်။ အဲဒီမှာ တို့မြန်မာတွေရဲ့ ကြမ်းတမ်းမှုကို ခံစားရတော့မယ်လို့ တွေးထားသမျှ ဘယ်လိုမှမနေ၊ ဆိုင်းဘုတ်က Burmese ဆိုတာလေး အမှတ်တရ မှတ်မိနေတာပဲ ရှိသည်။ အခုက Myanmar မြန်မာ ဖြစ်သွားလို့များလား တွေးလိုက်သေးသည်။ အတူပါသည့် မိတ်ဆွေကို ခံစားချက်မျှလိုက်ရာ သူကလည်း ဘယ်လိုမှမနေတဲ့၊ အပြန်လမ်းရဲ့ တဖက်တချက်မှာ အဲဒီလို ခေါင်းပြတ်နေတဲ့ ဘုရားဆင်းတုတော်တွေ များစွာ တွေ့ရရာ ဒီဘုရားတွေရော ဘားမိစ်တွေ ဝင်ဖျက်သွားတာလား၊ ဒါကိုတော့ ဘာလို့ ဆိုင်းဘုတ်မတင်ပဲ ဒီအတိုင်း မြေကွက်လပ်မှာ ထားတာလဲ အမေးကို လွန်ခဲ့တဲ့ နှစ်ပေါင်း(၅၀၀)ကျော်က သမိုင်းကို ကိုယ်တိုင်သေချာမသိပဲ မဝေဖန်ချင်ပါလို့ ပြန်ဖြေသည့် အဖြေသာရလေသည်။ အတူပါလာသည့် မြန်မာအလုပ်သမားတွေအထဲ သူတို့စက်ရုံမှာ အတူတူအလုပ်လုပ်ပြီး သူငယ်ချင်းဖြစ်ပြီး ခင်မင်ရင်းနှီးနေသည့် ထိုင်းလူမျိူး ကလေးမလေးလည်း ပါလာရာ သူက ပိုလို့ပင် ဘာမှမသိ၊ ဘုရင်နရဲစွမ်ရုပ်တုကို တွေ့ရပြီး စာတန်းက ထိုင်းဘာသာဖြင့် ရေးထားသည့် အတွက် အသံထွက်ကို မှန်းဖတ်ရင်း သေချာအောင် ဒီဘုရင်က(  ဗြနရာဇ်) နရဲစွမ်လား အမေးကို မသိဘူး ဖြေတဲ့ အတွက် မြန်မာကလေးမလေးတွေက " သွား စာသွားဖတ်ပြီး ပြောလေ " ဆိုမှ ကဗျဉ်းစာကို ဖတ်ပြီး ဟုတ်ပါတယ် နရဲစွမ်လို့ ဖြေသည်။ ကျောင်းမှာ မသင်ရဘူးလားဆိုတော့ သင်တော့ သင်ရတယ် ငယ်ငယ်တုန်းကဆိုတော့ မေ့သွားတာတဲ့၊
                 သူက မေ့ယုံတင်မဟုတ် သမိုင်းက အဖြစ်အပျက်တွေကို ပစ္စုပ္ပန်မှာ ထည့်မတွက်တာ သေချာတာက အယုဒ္ဒယရေပေါ်ဈေး အရောက်မှာ ပိုသိရသည်။ ရေပေါ်ဈေးမှာ ထိုင်းအစားအစာမျိူးစုံ ရောင်းချတဲ့ဆိုင်တွေသာမက လှေစီးလို့လည်းရ၊ ဆင်စီးလို့လည်းရ ဆိုတော့ ပျားပန်းခပ်မျှ လူတွေ သွားလာနေကြတာ တိုးမပေါက်၊ ငြိမ်ငြိမ်သက်သက် ထိုင်နေတဲ့ နေရာကတော့ မြန်မာစစ်သားတွေ အယုဒ္ဒယကို ဝင်တိုက်ပြီး မြို့သူ မြို့သားတွေကို နှိပ်စက်သည့် ဇာတ်ကွက်ကို သရုပ်ဖော်ပြနေသည့် ဇာတ်လည်းမဟုတ်၊ အော်ပရာလည်းမဟုတ်သည့် ထိုးဇာတ်တစ်ခု ခင်းနေသည့် နေရာပဲဖြစ်သည်။ စင်ပေါ်မှာက  သေနတ်သံကလည်း တဂျိမ်းဂျိမ်း၊ ညာသံပေးပြီး ဒါးခုတ်နေသံတွေကလည်း တညံညံ၊ ( ၁၅) ပေ ပတ်လည်ခန့်ကျယ်သည့် အဆိုပါကွင်းထဲမှာ အမြောက်တွေလည်း ချထားသည်၊ ပရိတ်သတ်တွေ ခံစားချက်အရှိန်မြင့်အောင် ကွင်းပတ်ပတ်လည်မှာ ကောက်ရိုးပုံတွေကို မီးရှို့ထားရာ  မြို့ကို မီးရှို့ လူတွေကို သတ်နေသည့်ဟန် ပေါ်လွင်စေလို၍ ဖြစ်မည်၊ စင်ရဲ့နောက်ခံ ကားချပ်မှာလည်း မီးတောက်တွေ တဟုန်းဟုန်း တောက်လောင်နေသည့် ပုံရိပ်တွေ ပရိုဂျက်တာဖြင့် ထိုးပေးထားပြီး စစ်ချီသီချင်းသံကလည်း ဟိန်းထွက်နေသည်။ မိန်းကလေးတွေကလည်း ဒါးတဝင့်ဝင့် ၊ တအောင့်နေတော့ သွေးတွေ ပန်းကနဲထွက် တုံးလုံးလေးလဲကျ၊ မြန်မာစစ်ဘီလူးတွေက တဟားဟားရယ်၊ စင်ပေါ်မှာ သွေးတွေဖုံးလွှမ်း၊  တကယ့် သမိုင်းကို သရုပ်ဖော်နေတာမဟုတ်ပဲ ရက်စက်မှုကို ပုံဖော်ကာ ခုတ်ထစ်နေတာချည်းမို့ ဆက်မကြည့်ပဲ ပြန်ရအောင်ဆို ကွင်းထဲကနေ ဆိုင်ခန်းတွေရှိရာ လမ်းဖက်လှမ်းအကူး သွေးသံရဲရဲနဲ့ မိန်းမတစ်ယောက်၊ ပါးစပ်မှာလည်း သွေးတွေ စီးကျ ၊ အဝတ်အစားကလည်း အပေါ်ပိုင်းတွေ စုတ်ပြဲလို့၊ လက်ထဲမှာ ကလေးလေးကို မီးလောင်ခံထားရဟန် သရုပ်ဖော်ထားသည့်  မဲတူးနေသည့် ကော်ပတ်ရုပ်ကလေးပွေ့လို့၊ ငွေဖလားလေး ထိုးပေးအလာ ဖြတ်ကျော်ခဲ့သည်။
                 ဆိုင်မှာ ဝင်ထိုင်ကြရင်း   ထိုင်းသင်္ဘောသီးထောင်းကို တခြားဒေသတွေနဲ့ မတူ ကြွေရည်သုတ်လင်ဗန်းကြီးထဲ အရွက်မျိူးစုံ အပြည့်နဲ့ စားရတဲ့ ပုံစံမို့ ထူးဆန်းနေမိသည်။့  ကြက်ကင်၊ မုန့်ဟင်းခါးဖတ် တို့နဲ့ တွဲစားတာကတော့ ဘယ်အရပ်ဒေသဖြစ်ဖြစ် အတူတူပဲ ဖြစ်သည်။ စားသောက်ရင်း ထိုင်းကလေးမလေးကို စောစောက ထိုးဇာတ်ကို ဘယ်လိုသဘောရလဲ ဆိုတော့ ဒါကတော့ ဒီကလူတွေရဲ့ အလုပ်ပဲလေတဲ့၊ ရှေးတုန်းက မြန်မာတွေ အယုဒ္ဒယကို တိုက်တယ်ဆိုတာ သိလားဆိုတော့ ကြာပါပြီ၊ သမိုင်းမှာတောင် မသင်တော့ဘူး သူကဆိုလေသည်။ ပြောရင်း ဖုန်းပွတ်မပျက်သည့် သူ့အမူအယာကြည့်ပြီး ဒါနဲ့ပတ်သက်ပြီး ဘာတခုမှ ခံစားနေဟန်မရှိ သေချာသည်။ တချိန်က မြန်မာဘုရင်တွေနဲ့ အယုဒ္ဒယဘုရင်တွေ အကြိမ်ကြိမ် စစ်ပြင်ကြတာ စစ်ဆင်ကြတာ ပြီးခဲ့ပြီတဲ့၊ တကယ်လည်း အကြိမ်တိုင်းမြန်မာဘက်က မနိုင်သလို၊ အကြိမ်တိုင်း ထိုင်းကလည်း အရေးနိမ့်တာမဟုတ်၊ အယုဒ္ဒယဘုရင် နရဲစွမ်က  မြန်မာဘုရင်မဟာဥပရာဇာနဲ့ စီးချင်းထိုးတာ မဟာဥပရာဇာကျဆုံးသွားလို့ စစ် နိုင်ခဲ့တာတွေ၊  နရဲစွမ်လက်ထက်မှာ မြန်မာဘုရင်လက်အောက်ခံ အဖြစ်က ရုန်းထွက်နိုင်တာတွေ ကို ရုပ်ရှင်တွေပင် ရိုက်ခဲ့ကြသေးသည်။
             ပြန်ကြမည်ဆိုကာ ကားနဲ့ အဆိုပါ ရေပေါ်ဈေးနေရာကို ကားနဲ့ ပတ်အထွက် နေပူကျဲကျဲမှာ ခေါင်းငိုက်စိုက်ချ၊ လက်ကဒါးကို မြေကြီးမှာ ထောက်ကာဖြင့် ခပ်သုတ်သုတ် သွားနေသည့် စစ်သူကြီး တယောက်ကို တွေရတဲ့အခါ သူ့အခန်းပြီးလို့ ပြန်ပြီထင်တယ် ပြောရင်း ရယ်မောကြသည်။ အယုဒ္ဒယက အပြန်ခရီးကတော့ဖြင့် အမြတ်ရတာ ဘုရားတွေ စုံအောင်ဖူးရတာနှင့် လူနေမှုစရိုက်တွေ လေ့လာခွင့်ရခဲ့တာသာ ရှိသည်။ အတိတ်က ပုံရိပ် ဖမ်းစားမှုကတော့ ပုဂံမြို့ဟောင်းကို မမီ၊  နယ်မြို့ကလေးတမြို့ရဲ့ ရှေးဟောင်းပြတိုက်ကို ဝင်ကြည့်ပြီး သူတို့ မှတ်တမ်းတင်ပြသထားသည့် စာတွေ ဖတ်ခဲ့ရတဲ့ ပုံစံသာ ခံစားလို့ရသည်။ ပုဂံကတော့ ထိုသို့မဟုတ် ဘာစာတန်းမှ မဖတ်ခင်ကတည်းက သဘာဝအတိုင်းရှိသည့် ပုံရိပ်တွေက လူတို့ရဲ့ နှလုံးသားကို ဖမ်းဆုတ်နိုင်စွမ်း ရှိလေသည်။
                   အယုဒ္ဒယကအပြန် ပုဂံ တမ်းချင်း ရွတ်လို့မှမဆုံး ငလျင်ဒဏ်ကို ခံလိုက်ရသည့် သတင်းတွေ ကြည့်ရသည့်အခါ နှမြောတသ စိတ်မကောင်းတာတွေ ဦးစွာဖြစ်သည်။ နောက်ဆက်တွဲ သတင်းတွေအရ ပြိုကျ ပျက်ဆီးသွားသည်များမှာ စစ်အစိုးရလက်ထက် ဝေစုခွဲကာ ဘုရားဒကာ နာမည်ခံလို၍ ပြင်ဆင်လိုက်သည့် အဆောင်အယောင်များ ပြိုကျတာ အများဆုံး လို့ သိရလေရာ အဆိုးထဲက အကောင်း ပုဂံသည် သူ့နဂို မူလ အတိုင်းပြန်ပေါ်လာတာလို့ ဖြေသိမ့်နိုင်ရပြန်သည်။ အင်အားပြင်းသည့် ငလျင်ဒဏ်ကို နှစ်ကြိမ်တိုင် ခံခဲ့ရသည့် ဘုရား ပုထိုး စေတီ များကို အစိုးရတာဝန်ရှိသူများက ရှေးလက်ရာ မပျက် ပြန်လည် ပြင်ဆင်ခွင့် ရရှိကြတော့မည် ဖြစ်သည်။ ပထမတစ်ကြိမ် ငလျင်တုန်းက ဘုရား ပုထိုးစေတီပေါင်း ထောင်ချီ ပြိုလဲ ခဲ့ပြီး ယခုတစ်ကြိမ်မှာ ရာဂဏန်းသာ ရှိသည့်အပြင် ခေတ်လက်ရာများဖြင့် ဖြည့်စွက်ထားသည့် ဟန်ပြများသာ ပျက်ဆီးသွားသည်ဆိုရာ တော်ပါသေးရဲ့ ဆိုရမည်။
                        နိုင်ငံတော် အတိုင်ပင်ခံပုဂိုလ် ဒေါ်အောင်ဆန်းစုကြည်က ပုဂံဘုရားတွေကို အလျင်စလိုမပြင်ဘဲ ကုလသမဂ္ဂ၊ ပညာရေး၊ သိပ္ပံနှင့် ယဉ်ကျေးမှုဆိုင်ရာအဖွဲ့ (UNESCO)ရဲ့ နည်း အကူအညီနဲ့ စနစ်တကျ စီမံချက်ချပြင်ဆင်ကြ ဖို့မှာကြားသည်။ ပြည်ထောင်စုဝန်ကြီးနဲ့ဝန်ကြီးချု
ပ်တို့ကလည် နောင်မှာ သေချာခိုင်မာတဲ့ပြင်ဆင်မှုတွေဖြစ်အောင် စနစ်တကျစီမံကိန်းဆွဲပြီး ပြင်ဆင်လုပ်ဆောင်မယ်၊ပြည်တွင်းပြည်ပပညာရှင်တွေအကြံဥာဏ်နဲ့ ငလျင်ဒဏ်ခံနိုင်ရည်ရှိ တဲ့ စေတီပုထိုးမျာဖြစ်အောင် သေချာပြင်ဆင်လုပ်ဆောင်မယ်လို့ မီဒီယာတွေကို ပြောတာ ကြားသိရသည်။ အမြော်အမြင်ကြီးတဲ့ နိုင်ငံ့ခေါင်းဆောင် အစီအမံနဲ့ ယူနက်စကို၊ ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့က ပုဂံဘုရားတွေရဲ့ အပျက်အစီးတွေကို စနစ်တကျစာရင်းကောက်ယူထိမ်းသိမ်းနေပြီ ၊ ပုဂံဘုရားတွေကို ထိမ်းသိမ်းခြင်းလုပ်ငန်း အားလုံးလုပ်ပြီးမှပြုပြင်ဆင်ခြင်းလုပ်မယ်လို့ ဆြုိပန်တော့ နိုင်ငံတော်အတိုင်ပင်ခံ ပုဂိုလ်ရဲ့ လမ်းညွှန်ကို လိုက်နာပြီး ဘာတခုမှ အလျဉ်စလို မလုပ်ဘဲ စနစ်တကျနဲ့ ရေရှည်တည်တံ့ခိုင်မြဲအောင် ကြံဆောင်ကြိုးပမ်းနေကြတာ ဝမ်းမြောက်ဖွယ်ရာ ကောင်းသတင်းပင်၊  နောင်တချိန်မှာ ယူနက်စကိုရဲ့ ကမ္ဘာ့အမွေအနှစ်စာရင်းဝင်ဖြစ်လာပြီး နိုင်ငံတကာက စိတ်ဝင်စားမှု တိုးလာကာ  ကြည်နှုးဆွတ်ပျံ့ဖွယ်ရာ အတိတ် ခြေရာကောက်နိုင်မယ့် သမိုင်းအထောက်အထားအစစ်  မြန်မာ့အသဲနှလုံးနေရာတစ်ခု ဖြစ်လာနိုင်တော့မယ်ဆိုက ဘယ်သူငြင်းနိုင်ပါ့မလဲ။ 
ခိုင်ခိုင်စောလွင်