January 11, 2016

"လွင့်ပါးပျောက်ကွယ်မသွားစေချင်" ၁၁ရက် ဇန္နဝါရီ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်(၂)မှ


သတင်းတစ်ပုဒ်မှာ မြန်မာပြည်မှာသာရှိတဲ့ မြန်မာ့မျိူးရင်း ရှားပါး ကြယ်လိပ် အကောင်တစ်ရာ ပျောက်ဆုံးနေပြီး အဲဒီထဲကမှ သုံးကောင်ကို ထိုင်းနိုင်ငံကနေ ပြန်တွေ့တယ်ဆိုတဲ့ အကြောင်း ဖတ်ရသည်။ အရောင်းအဝယ်လုပ်မယ့် ထိုင်းလူမျိူးက သူ့ရဲ့ဖေ့စ်ဘွတ်မှာ တင်ထားရာက ထိုင်းသစ်တောအရာရှိတွေက သတင်းရပြီး သွားရောက် စစ်ဆေးတာမှာ ပျောက်ဆုံး မြန်မာ့ ကြယ်လိပ်တွေ ဖြစ်နေတာပင်၊ အဲဒီမတိုင်ခင်ကာလတွေမှာလည်း တနင်္သာရီတိုင်းဖက်က ရှားပါး ကြံ့တွေ ထိုင်းနိုင်ငံ သစ်တောတွေဆီ ရောက်ကုန်သည့် အကြောင်း ရေးတာ ဖတ်လိုက်ရသေးသည်။ သဘာဝတောတောင် ပြုန်းတီးမှုနှင့် လူတို့ရဲ့ သဘာပတ်ဝန်းကျင် သစ်တောနဲ့ ပတ်သက်ပြီး အသိပညာအားနည်းမှုတွေကြောင့် ပြည်တွင်းက ရှားပါး သဘာဝရတနာတွေ ပြည်ပကို ရောက်ကုန်တာဖြစ်သည်။
ဒီလို သတင်းတွေ ဖတ်ရမြင်ရသောအခါ အမိမြန်မာပြည်ရဲ့ သဘာဝတွင်းတွက်ရတနာ၊ သစ်တောထွက် ပစ္စည်းအပါအဝင် ရှားပါး တိရစ္ဆာန်တွေ သဘာဝအတိုင်း မျိူးတုံးပျောက်ကွယ်တာထက် လူတွေကြောင့် မျိူးတုံးပျောက်ကွယ်ကြရတာ တွေးရင်း လူသားမျိူးနွယ်တွေပါ ပြည်ပကို အကြောင်းအမျိူးမျိူးနှင့် ရောက်ကုန်တာ စဉ်ဆက်မပြတ် တွေးမိလေတော့သည်။
အတွေးထဲမှာ ၂၀၁၅ခုနှစ် ဒီဇင်ဘာလ (၅) ရက်နေ့က ထိုင်းဘုရင် ဘူမိဘောရဲ့ အသက်(၈၈) နှစ်ပြည့် မွေးနေ့ ဆုတောင်းဖို့ လမ်းလျှောက်ကြတဲ့ ခရီးစဉ်တစ်ခုကို သတိရမိလေသည်။ ထိုနေ့က လမ်းလျှောက်ကြမည့် ကျောင်းတွေ၊ အုပ်ချူပ်ရေး အာဏာပိုင်အဖွဲ့အစည်းတွေ၊ နိုင်ငံတကာအဖွဲ့အစည်း အသီးသီးက လူတွေ စုရပ်မှာ ရပ်နေကြသည်။ စာရေးသူပါဝင်သည့် မြန်မာရွှေ့ပြောင်းအလုပ်သမားကလေးတွေရဲ့ ကျောင်းကနေ ပါဝင် လမ်းလျှောက်ကြမည့် သူတွေထဲမှာ မြန်မာပြည်က ရှမ်း၊ ကချင်၊ ကရင် အစရှိသည့် တိုင်းရင်းသားတွေ ပါရာ သူတို့က သူတို့ရဲ့ ရိုးရာ တိုင်းရင်းသား ဝတ်စုံ တွေ ဝတ်ဆင်လာကြသည်။ အများဆုံးက ကရင်တိုင်းရင်းသား ဝတ်စုံတွေ ဝတ်လာကြရာ စာသင်ပေးသည့် နိုင်ငံခြားသား ဆရာများပင် ကရင်ဝတ်စုံကို ဝတ်ဆင်လာကြလေသည်။ အားလုံး လူစုနေသည့် အချိန် အခြား ကျောင်းသားတွေ ဝင်လာရာ ကြည့်လိုက်တော့ ကရင်ဝတ်စုံတွေနှင့် ဖြစ်သည်။ အနီးမှာ ရပ်နေသည့် ဆရာမတစ်ယောက်က " ဟောတော့ ကရင်လူမျိူးးတွေကိုလည်း သူတို့ လူမျိူးအဖြစ် မွေးစားလိုက်ပြန်ပြီ" လို့ ရေရွတ်လေသည်။ သူအလန့်တကြား ရွတ်လိုက်တာ အကြောင်းရှိပါသည်။
ထိုင်းနိုင်ငံမှာ မြန်မာနိုင်ငံလို ကမ္ဘာက စိတ်ဝင်စားဖွယ်ရာ ကိုယ်ပိုင်စာပေ၊ ယာဉ်ကျေးမှု၊ ဘာသာစကား ထုံးတမ်းဓလေ့ ရှိသည့် တိုင်းရင်းသားမျိူးနွယ်စုတွေ ရှိမနေပါ၊ မြန်မာလူမျိူးတွေကမှ အင်မတန် စိတ်ဝင်စားစရာ ကောင်းသည့် လှပပြီး စိတ်ဝင်စားစရာကောင်းစရာ လူမျိူးစုတွေ စုပေါင်းတည်ရှိနေတာဖြစ်သည်။ ထိုင်းနိုင်ငံအနေနှင့် နိုင်ငံခြားသား ခရီးသွားများကို ဆွဲဆောင်ရာမှာ သဘာဝပတ်ဝန်းကျင် အလှအပပြီးရင် လူမျိူးစုတွေက အဓိက အခရာကျနေလေသည်။ သဘာဝတောတောင် စိမ့်စမ်းတွေကို စွဲမက်ဖွယ်ကောင်းအောင် ပြုပြင်၍ ဖြစ်စေ၊ ဖန်တီး၍ ဖြစ်စေ ခရီးသွားများကို ဆွဲဆောင်ဖို့ကြိုးစားတာဖြစ်သည်။ မြန်မာပြည်မှာရှိသည့် သဘာဝ ရေခဲတောင်တွေ၊ သဘာဝ ကျောက်ဆောင်တွေ ၊ သဘာဝ ရေပူစမ်း၊ စိမ့်စမ်းတွေ၊ ရေတံခွန်တွေ မှာ လမ်းပန်းဆက်သွယ်ရေး ကောင်းမါန်အောင်လုပ်ညိ့း စနစ်တကျ မွမ်းမံပါက ထိုင်းနိုင်ငံထက် အများကြီးသာလှပေသည်။ အပန်းဖြေစခန်းတွေ၊ နိုင်ငံခြားသားများ လည်ပတ်ချင်စရာ နေရာတွေမှာ လူတို့ဖန်တီးတာ မဟုတ်ပဲ သဘာဝအတိုင်း များစွာ ရှိနေရာ အလုပ်အကိုင်အခွင့် အလမ်းတွေ များစွာပေါ်လာနိုင်ပေမည်။ ထိုင်းနိုင်ငံ အပန်းစခန်း ၊ ကျွန်းတွေမှာ သွားရောက်အလုပ်လုပ်နေကြသည့် ရခိုင်၊ တနင်္သာရီ၊ ကရင်ပြည်နယ် မှ ဒေသခံ တိုင်းရင်းသားတွေ အတွက် မိမိတို့ ဒေသမှာပင် မိမိတို့ အလုပ်လုပ်နိုင်ကြပေလိမ့်မည်။
ယခုသော် ထိုင်းမှာက ထိုအရာများကို သေသေချာချာ ဖန်တီးထားရာ မြန်မာပြည်က အလုပ်သမားတွေ များစွာ အလုပ်လုပ်နေကြတာ တွေ့ရလေသည်။ ပိုဆိုးတာက ပဒေါင်ဟုခေါ်သော ကယန်းလူမျိူးတွေမှာ ကမ္ဘာလှည့်ခရီးသွားတွေ အတွက် လူသားပြတိုက်ကဲ့သို့ လာရောက်ကြည့်ရှုရာ နေရာတစ်ခုဖြစ်နေလေသည်။ တကယ်တော့ လည်ပင်းကြေးကွင်းစွပ်ထားသည့် ထိုကယန်းလူမျိူးတို့သည် မြန်မာပြည်က တိုင်းရင်းသားမျိူးနွယ်ပင် မဟုတ်ပါလား၊ အလားတူ အခါ လူမျိူးတွေ ထိုင်းတောင်ပေါ်သား အဖြစ် ရှိနေကြသည်။ ထိုင်း-အခါ၊ ထိုင်း- ကရင် စသည်ဖြင့် တိုင်းရင်းသားတွေ ပေါ်ထွက်လာသည်။ အဆိုပါ ဆရာမက ကရင်ကတော့ ထားပါတော့ ထိုင်းဘုရင်တပါးလက်ထက်မှာ ကရင်တိုင်းရင်းသူတစ်ယောက် မိဖုရားဖြစ်ခဲ့ဘူးတာ ဖတ်ဖူးတဲ့ အတွက် ထိုင်း- ကရင် ဆိုတာ ရှိလာတာလို့ ဖြေသြိမ့်တွေးကာ ပြောပြန်သည်။ အခါ လူမျိူးကလည်း ထားပါတော့၊ ချင်းမိုင် ချင်းရိုင်း နဲ့ တောင်ပေါ်ဘက်က အခါတွေ ဖြစ်မှာလို့ ဆက်ပြောဖြစ်ကြသည်။ မွန်လည်း ထို့အတူလို့ ဆိုဖြစ်ကြသည်။ ထိုင်း- ရခိုင်၊ ထိုင်း- ချင်း တွေ ဖြစ်မလာတာ တော်သေးရဲ့လို့ တွေးလိုက်မိသည်။ ရခိုင်တို့ ချင်းတို့ ကချင်တို့ ဆိုတာက ထိုင်းနိုင်ငံနှင့် နယ်နိမိတ်ချင်း ထိစပ်မနေပေ။ အဆိုပါ ထိုင်း- ကရင်၊ ထိုင်း- အခါတွေကို လေ့လာကြည့်က ပိုပြီး သိရသည်။ အဖေကရင်၊ အမေကရင်၊ အဖေအခါ အမေ အခါကနေ ဘယ်လိုလုပ် ထိုင်း-ကရင် ၊ ထိုင်း-အခါတွေ ဖြစ်လာကြပါလိမ့် ၊ အဆိုပါ ဆရာမပြောသလို မွေးစားလိုက်တာ ဆိုရင်ဖြင့် ကြယ်လိပ်တွေ ထိုင်းရောက်သလို မြန်မာမျိူးနွယ်စုတွေ မျိူးတုန်းကုန်တော့မလား တောင်စဉ်ရေမရ တွေးနေမိလေသည်။
ထိုင်းနိုင်ငံ ချင်းမိုင်က ကမ္ဘာလှည့်ခရီးသည်တွေ အများဆုံးလာရောက်ရာ တောင်ပေါ်တစ်ခုမှာ ရိုးရာ ဝတ်စုံလေးတွေ ဝတ်ထားပြီး တောင်ပေါ်ကို လာရောက်ကြသည့် ခရီးသွားဧည့်သည်တွေနှင့်အတူ ဓါတ်ပုံအရိုက်ခံကြသည့် တိုင်းရင်းသား မိသားစုတွေ ရှိသည်။ ဧည့်သည်တွေက ပိုက်ဆံပေးလျင် ကလေးတွေက အမေဆီ ပြေးအပ်ကြသည်။ နာမည်ကျော် ဒွိုင်ပူ ဆိုသည့် တောင်ပေါ်မှာ အခါ အမျိူးသမီး တစ်ယောက် ဆိုပါက ကလေးတွေ (၅) ယောက်ခန့်ရှိသည်။ အကြီးဆုံးလေးမှာ အသက် (၆) နှစ်ခန့် ရှိမည်ထင်သည်။ ကျောင်းလည်းနေပုံမရ၊ ကလေးသဘာဝ ကောင်းကောင်းလည်း ဆော့ကစားရပုံမရ၊ ဧည့်သည်တွေ လာတာတွေ့သည်နှင့် သူ့အမေက ဓါတ်ပုံရိုက်ဖို့ ခေါ်စေသည်။ ဓါတ်ပုံ၇ိုက်ပြီး ရသည့် ပိုက်ဆံကို အမေလက်ထဲထဲ့ကာ၊ သူ့အတွက် ပြန်ပေးသည့် ပိုက်ဆံဖြင့် မုန့်သွားဝယ်စားသည်။ တခါသော် ထိုကလေးမှာ ခြေထောက်ထော့နဲ့ ထော့နဲ့ ဖြစ်နေသည်။ စာရေးသူမှာ ဧည့်သည်လာတိုင်း လိုက်ပို့ပြီး ရောက်နေကျဖြစ်၍ ထိုအခေါက်မှာ တောင်ပေါ် အမြင့်နေရာအထိ မတက်ပဲ ထိုကလေးအမေတွေ ထိုင်နေသည့် အနီးခုံတန်းမှာ ထိုင်နားနေလိုက်သည်။ ထော့နဲ့ထော့နဲ့ ဖြစ်နေသည့် ကလေးကို ဘာဖြစ်တာလဲ မေးရာ မဖြေ၊ သူ့ခြေထောက်မှာ ခြေကျင်းဝတ်အထိ ယောင်ကိုင်းနေလေသည်။ ဖဝါးမှာ တခုခု ထိမိရှိ၍ ယောင်နေတာဖြစ်မည်။ ကလေး အမေ မသိလေရော့သလား တွေးနေတုန်း ဧည့်သည် လူငယ်စုံတွဲ တစ်တွဲ ရောက်လာရာ ကလေးအငယ်နှစ်ယောက်က ပြေးကပ်သည်။ ထိုစုံတွဲက ဓါတ်ပုံရိုက်ဖို့ ပြင်သည်။ ကောင်လေးကို သူ့အမေက နောက်က ဧည့်သည် လူကြီးနှစ်ယောက်ဆီ သွားဖို့ မျက်စဖြင့် အချက်ပြသည်။ ကလေးက ခြေထောက်နာနေကြောင်း မသွားချင်ကြောင်း ပြောသည်ထင့်၊ ခေါင်းကို ဒေါက်ကနည်းနေအောင် ခေါက်ပြီး ကြိမ်းမောင်းရာ ထိုကလေးမှာ အသံမထွက်ပဲ မျက်ရည်တွေ တနင့်တပိုးကျသည်။ သူတို့ အိမ်က ဘယ်မှာလဲ၊ သူတို့ ဘယ်မှာနေသလဲ ငိုပြီး အိမ်ပြန်ပြေးမလား စိတ်ဝင်တစား ကြည့်နေတုန်းမှာပဲ အခါ ဝတ်စုံလေးဝတ်ထားသည့် ထိုကလေးမှာ ဧည့်သည်နားကို ပြေးကပ်ရင်း ဓါတ်ပုံရိုက်ဖို့ စကားတွေ တတွတ်တွတ်ရွတ်သည်။ ဧည့်သည်က ကလေးကို ထွေးပိုက်၍ ဓါတ်ပုံအရိုက်ခံရာ ထိုကလေးသည် အလှဆုံးပြုံး၍ ခေါင်းလေးငဲ့ကာ လက်နှစ်ချောင်းထောင်ပြီး အိုက်တင်လုပ်လေသည်။ ပြီးတော့မှ ဧည့်သည် ပေးလိုက်သည့် ပိုက်ဆံလေးကိုင်ကာ ထော့နဲ့ထော့နဲ့ဖြင့် သူ့အမေဆီ လာလေတော့သည်။ အမေဖြစ်သူက ပိုက်ဆံယူရင်းမှ ခြေထောက်ကို တချက်ကိုင်ကြည့်သည်။ ဘာပြောလိုက်သည်မသိ၊ ကလေးက တောင်ဆင်ခြေလျှောအတိုင်း ပြေးဆင်းသွားလေသည်။
မိတ်ဆွေတွေ ပြန်ဆင်းလာသည့်အခါ စောစောကအဖြစ်ကို စိတ်ထဲ မကောင်းသည်နှင့် ထိုင်းမှာအနေကြာသည့် မိတ်ဆွေ တစ်ယောက်ကို သူတို့တွေက ထိုင်းလူမျိူးတွေလား၊ မြန်မာပြည်က လာတဲ့ အခါတွေလား မေးလိုက်မိသည်။ သူ့ရဲ့ အဖြေက ရှင်းသည်၊ ထိုင်းလူမျိူးတွေဆို သူတို့ အစိုးရက ပစ်ထားမလား၊ ကလေးတွေ ကျောင်းမထားပဲ နေလို့ရမလားတဲ့ ပြန်ပြီး မေးပြောပြောသည်။ သူတို့သည် သူတို့ ဘယ်ကလာသလဲ၊ သူတို့ ရဲ့ မူရင်းဇစ်မြစ်က ဘာလဲ ဆိုတာထက် သူတို့ရဲ့ ရိုးရာဝတ်စုံကနေ ပိုက်ဆံရှာလို့ရတာပဲ သိကြသလား မဆိုနိုင်။
ထိုင်းနိုင်ငံ မြောက်ပိုင်းမှာ လွန်ခဲ့သည့် (၁၅) နှစ်ကျော်ခန့်က မြန်မာပြည်ကနေ နယ်မြေချင်းထိစပ်၍ လာရောက်နေထိုင်သည့် တိုင်းရင်းသားတွေ အပါအဝင် အကြောင်းအမျိူးမျိူးကြောင့် ဝင်ရောက်နေထိုင်ကြသည့် တိုင်းရင်းသားမျိူးနွယ်စုတွေကို တောင်ပေါ်သား အသိအမှတ်ပြုကာ တောင်ပေါ်သားမှတ်ပုံတင်ကဒ်တွေ ထုတ်ပေးတာ ရှိခဲ့ဖူးလေသည်။ ထိုတောင်ပေါ်သား အများစုမှာ မြန်မာစကားလုံးဝ မပြောတတ်သည့်သူတွေလည်း ပါရှိသည်။ သို့သော် တောင်ပေါ်သားကဒ် ကိုင်ဆောင်ထားသူမှာ ထိုင်းနိုင်ငံရှိ အခြားအရပ်ဒေသများသို့ သွားချင်တိုင်း သွား၍ မရပေ။ သက်ဆိုင်ရာ ဒေသ အာဏာပိုင်တို့ရဲ့ ထောက်ခံစာ လက်မှတ်ပါမှ ခရီးသွားခွင့် ရှိတာဖြစ်သည်။ ယခုသော် ထိုတောင်ပေါ်သားတွေမှာ သူတို့ကို ထိုင်းနိုင်ငံက အသိအမှတ်ပြုသည့် အတွက် ထိုင်းနိုင်ငံသားဟုပင် သူတို့ဖာသာ မှတ်ယူထားကြလေသည်။
ကယန်းအလှ ဆိုသော ရုပ်ရှင်ကိုကြည့်ပြီး ကယန်းဆိုတာ မြန်မာပြည်ကလားလို့ မေးသည့် တိုင်းရင်းသားတွေပင် ရှိသလို၊ ထိုင်းမှာရှိသည့် လည်ပင်းကြေးကွင်းစွပ်ဝင်ဆင်သည့် လူမျိူးနွယ်မျိူး မြန်မာမှာလည်း ရှိတယ်၊ ဓါတ်ပုံတွေမှာ မြင်ဖူးတယ်ဆိုသည့် မြန်မာပြည်က အလည်လာတဲ့ လူတွေ ပြောကြတာလည်း ကြားနေရသည်။ ထိုင်းနိုင်ငံရဲ့ ခရီးသွားလုပ်ငန်း ကြော်ငြာတွမှာ ကယန်းလူမျိူးတွေရဲ့ ပုံက အပြည့်အဝ နေရာယူထားတာဖြစ်သည်။ ယခုလို မကြာသေးသည့် ကာလမှာပင် ကယန်း တိုင်းရင်းသားမျိူးနွယ်စုမှာ ထိုင်းနိုင်ငံရဲ့ တိုင်းရင်းသားမျိူးနွယ်စုလား၊ မြန်မာပြည်က ပဒေါင်လို့ခေါ်တဲ့ လည်ပင်းကြေးကွင်းစွပ်ထားတဲ့ လူမျိူးစုနဲ့ အတူတူပဲလား ဆိုတဲ့ မေးခွန်းတွေ ရှိနေပြီ။ ယခုမျိူးဆက်မှ နောင် မျိူးဆက်တွေလက်ထက်ရောက်သော် မြန်မာတိုင်းရင်းသားမျိူးနွယ်စုတွေ ပျောက်ကွယ်ကုန်မလား၊ ဒါမှမဟုတ် ကိုယ့်အမျိူးမှန်းမသိ၊ သူများအမျိူးဆိုကာ တအံ့တဩ ငေးမောကြည့်ရသည့် အဖြစ်မျိူး ရောက်ကုန်မလား တွေးတော စိုးရိမ်မိလေသည်။
ခိုင်ခိုင်စောလွင်

January 4, 2016

" မတူတာလေးတွေ သိသင့်ကြောင်း"၄ရက် ဇန္နဝါရီ ၂၀၁၅ခုနှစ် ဒီလှိုင်းစာစောင် အတွဲ(၅) အမှတ်(၁) မှ


ထိုင်းနိုင်ငံ ချင်းမိုင်မြို့က ဝပ်ဆိုင်မွန် မြန်မာဘုန်းကြီးကျောင်းမှာ မြန်မာပြည်က ရွှေ့ပြောင်းအလုပ်သမားတွေအတွက် ရည်ရွယ်ပြီး ထိုင်းစာ၊ထိုင်းစကား၊ထိုင်းယဉ်ကျေးမှု နှင့် ထိုင်းဥပဒေကြောင်းဆိုင်ရာတွေ သိရှိနိုင်ဖို့ သင်တန်း တစ်ခုဖွင့်လှစ်တယ်ဆိုတဲ့ သတင်းဖတ်ရသည်။ မြန်မာအလုပ်သမားတွေအတွက် အစီအစဉ်ကောင်းတစ်ခုလို့ ဝမ်းသာမိသည်။ ဒီရက်ပိုင်းမှာပဲ ထိုင်းနိုင်ငံတောင်ပိုင်း စူရတ်ဌာနီ ခရိုင် ကော့တောင်ကျွန်းက လူသတ်မှုနဲ့ စွပ်စွဲခံရတဲ့ ဝင်းဇော်ထွန်းနဲ့ ဇော်လင်း မြန်မာအလုပ်သမားနှစ်ယောက် တို့ကို အမိန့်ချတာမှာ သေဒဏ်နှင့်အတူ ညအချိန်မတော် နေထိုင်မှုအတွက် ထောင်ဒဏ် တစ်နှစ်ခွဲ၊ ထိုင်းနိုင်ငံအတွင်း ခိုးဝင်မှုအတွက် ထောင်ဒဏ် ခြောက်လနှင့် တရားမ၀င်နေထိုင် မှုတို့အတွက် ထောင်ဒဏ် ခြောက်လ ဆိုတာပါ ပါဝင်နေတာ ဖတ်လိုက်ရသည်။ ထိုင်းမှာ မိုးလင်းပေါက် ကဲကြ ပျော်ကြတာတွေ တွေ့နေရတာမို့ ဒါမျိူး ဥပဒေ မရှိဟု ထင်မှတ်ထားပေမယ့် ဥပဒေက ရှိနေပြီးသား ဖြစ်သည်။ အဆိုပါ ကလေးနှစ်ယောက်က အခင်းဖြစ်ချိန်မှာ၊ အခင်းဖြစ်တဲ့ နေရာ မနီးမဝေးမှာ ဂစ်တာတီး သီချင်းဆိုနေကြတာလို့ အစောပိုင်းက ထွက်ချက်တွေအရ သိရဖူးလေသည်။ ဒါကိုပါ အမှုအဖြစ် ထဲ့သွင်းထားလေသည်။
ကလေးနှစ်ယောက်နဲ့ ပတ်သက်ပြီး သတင်းစကားမျှရရင် ထိုအမှုနှင့်ပတ်သက်ပြီး ထိုင်းရှေ့နေများကောင်စီက "လိပ်ကျွန်းအမှု သေဒဏ်ချမှတ်ခဲ့တာကို အခြေခံတရားရုံးမှ ချမှတ်
ခဲ့တာဖြစ်တဲ့အတွက် ချမှတ်မှုအမိန့်ကို အတည်မဟုတ်သေးဘူး။ လက်ရှိလိပ်ကျွန်းအမှုကို တရားစီရင်ရာမှာ တရားမျှတမှုတရားရုံးမှာဖြစ်ပါတယ်။ တရားမျှတမှုတရားရုံးဟာ ၃ဆင့်ခွဲခြားထားပါတယ် ၎င်းတို့မှာ အခြေခံတရားရုံး အယူခံတရားရုံး နှင့်အဆင့်မြင့်တရားရုံးတို့ဖြစ်ပါတယ်။ ယ္ခုသေဒဏ်ချမှတ်ခဲ့တာဟာ အခြေခံတရားရုံးမျှသာဖြစ်သည့်အတွက် အတည်မဖြစ်သေးပါဘူး အယူခံတရားရုံးနှင့် အဆင့်မြင့်တရားရုံးအဆင့်ကျန်နေသေးတယ်။ ဒါကြောင့် မြန်မာပြည်သူ ပြည်သားများ စိတ်အေးအေးထားပေးပါ။ တရားမျှတမှုရရှိသည်အထိ ထိုင်းရှေ့နေများကောင်စီအဖွဲ့က အဆင့်မြင့် တရားရုံးအထိ အစွမ်းကုန်ကြိုးစားပေးသွားမယ်" လို့ ကြေညာချက်ထုတ်ပြန်ထားသလို ထိုင်းဝန်ကြီးချူပ် ပရာယွတ်က ဘီဘီစီရဲ့ မေးမြန်းခန်းမှာ ဥပဒေအတိုင်း အဆင့်ဆင့်
အယူခံဝင်နိုင်ကြောင်း ၊ " တရားရုံးက ဆုံးဖြတ်ပြီးရင်အယူခံရုံးနဲ့ တရားရုံးချုပ်တို့ကို
ဆက်ပြီးတင်နိုင်တယ် မဟုတ်လား။ မြန်မာဘက်ကိုလည်း ရှင်းပြလို့ရပါတယ်။
မြန်မာဘက်က တောင်းဆိုတာက တရားဥပဒေအတိုင်း မျှမျှတတ
ဆောင်ရွက်ပေးဖို့ ဖြစ်တယ်။ အမှုကို လုံးဝရုပ်သိမ်းလိုက်လို့ ရမလား။ မရဘူးဆိုရင် မရတဲ့အကြောင်း ရှင်းပြလိုက်ပေါ့။ အယူခံဝင်ခွင့် ပေးထားတယ်
မဟုတ်လား။ ကမ္ဘာ့ဥပဒေတွေလည်း ဒီလိုပဲ ရှိတယ်မဟုတ်လား။ ထိုင်းမှာ အယူခံရှိစရာ မလိုဘူးလား။ ဖိအားပေးတာနဲ့ အမှုကို ရုပ်သိမ်းလိုက်တာမျိုး
လုပ်လို့ရပါ့မလား" စသဖြင့် ပြောကြားလေသည်။
ထိုင်းနိုင်ငံမှာ အလုပ်လုပ်နေသည့် မြန်မာနိုင်ငံသားတွေ သူတို့နိုင်ငံရဲ့ ဥပဒေ၊ ယဉ်ကျေးမှုနဲ့ ထုံးတမ်းစဉ်လာတွေကို အထိုက်အလျောက် သိဖို့ လိုအပ်လှပေသည်။ အမှတ်မထင် လုပ်ရပ်၊ ဖြစ်စဉ်ကနေ ဥပဒေချိူးဖောက်မှု ဖြစ်သွားရတာမျိူး မြန်မာအလုပ်သမားတွေ ကြုံတွေ့ရလေ့ရှိကြသည်။ အထူးသဖြင့် စကားမပေါက်တာ၊ စကားတတ်ပြီး စာမဖတ်တတ်တာ ၊ ဥပဒေမပြောနဲ့ ထိုင်းလူမျိူးတွေရဲ့ အလေ့အထကိုပင် နားမလည်တာတွေ ရှိကြသည်။ အဲဒီအတွက် တစ်ယောက်နဲ့ တစ်ယောက် အထင်လွဲတာ၊ ပြဿနာဖြစ်ကြတာတွေလည်း မျိူးစုံ ရှိကြလေသည်။
စာရေးသူ ထိုင်းနိုင်ငံကို ရောက်ကာစက အိမ်တစ်အိမ်ရဲ့ အပြင်ဘက်မှာ ချိတ်ထားတဲ့ သစ်ခွပန်း လှလှတွေကို လှလွန်း၍ လှမ်းကိုင်လိုက်ရာ အတူပါသည့် မိတ်ဆွေက ခူးလိုက်မှာဆိုး၍ထင့် မခူးလိုက်နဲ့နော် အိမ်ထဲကနေ သေနတ်နဲ့ လှမ်းပစ်လိမ့်မယ်လို့ ဆိုလေရာ လွန်လွန်းတယ်လို့ စိတ်ထဲက ထင်လိုက်ပေမယ့် သူတို့ မကြိုက်ဆိုတာ သိရပြီး နောက်တခါဆို မျက်စေ့နှင့်သာ ငေးကြည့်ဖြစ်သည်။
ထိုင်းတောင်ပိုင်းမှာ ထိုင်းလူမျိူး မွေးထားသည့် ခွေးကို ဆဲ၍ ဆိုကာ မြန်မာအလုပ်သမားလေး သေနတ်နှင့် ပစ်ခံရတာ ကြားဖူးသည်။ တကယ်တော့ ထိုအလုပ်သမားသည် ဆဲလိုက်တာ ဟုတ်ချင်မှ ဟုတ်မည်။ ဟဲ့ခွေး လို့ ငေါက်လိုက်တာ လည်း ဖြစ်မည်။ " ခွေး" ဆိုသော ထိုင်းအသံထွက်မှာ ထိုင်းတွေအတွက် ဆဲသည့် အတိုင်း နာစေသည့် အသုံး ဖြစ်သည်။ စာရေးသူထံ လာလည်သည့် ခွေးချစ်သော ကလေးမလေးက အိမ်နားက ခွေးတွေကို သဘောကျပြီး ချစ်စနိုးကိုင်ကြည့်နေ၍ သူ့ကို အကျိူးအကြောင်း ပြောပြထားရသည်။ သူက နောက်တော့ ပါပီလေးတွေ ၊ ဒေါ့ တွေကလေ အဲလို သုံးပြီး ပြောလေတော့သည်။
လွန်ခဲ့သည့် (၂)နှစ်ခန့်က ထိုင်းကနေ မြန်မာကို တင်သွင်းသည့် စားသုံးဆီရဲ့ အမှတ်တံဆိပ် အသံထွက်က ယောင်္ကျားလေးတွေ ဆဲသည့် အသံထွက်ဖြစ်သည်။ ထိုဆီပုလင်းတွေရဲ့ ပုံနှင့် ဒါ မြန်မာလူမျိူးတွေကို ပို့တယ်ဆိုတာ စော်ကားတာ စသဖြင့် အရေးအသားတွေ လူမှုကွန်ယက် ဖေ့စ်ဘွတ်မှာ ပလူပျံတက်လာသည်။ နာမည်ကြီး ဂျာနယ်တစ်ခုရဲ့ နာမည်ရ သတင်းထောက်တစ်ယောက်က ထိုပုံကို တင်ပြီး ဒါအမှန်လား သိတဲ့သူ ပြောပါဆိုလို့ စာရေးသူ ဝင်ပြီး ရှင်းပြမိသည်။ ထို ထိုင်းအသံထွက်မှာ အင်္ဂလိပ်လို ( style) ကို ဆိုလိုကြောင်း မြန်မာတွေကို ဆဲတာ မဟုတ်ကြောင်း ပြောပြမှ သိသွားတာ ကြုံဖူးသည်။
ထိုင်းတက္ကသိုလ်တစ်ခုမှာ ကြုံတာ ကျောင်းသူတစ်ယောက် ပြန်ပြောတာ ပြောပြပါအုန်းမည်။ ထိုတက္ကသိုလ်ရဲ့ ပွဲတစ်ခုမှာ မြန်မာဝတ်စုံတွေကို မိတ်ကပ်ပြင်ဆင်နေစဉ် ထိုင်းဆရာမ တစ်ယောက်က လာပေးသည်။ ထိုင်းနိုင်ငံရဲ့ တက္ကသိုလ်တွေမှာ ဘာပွဲပဲလုပ်လုပ် လိုအပ်သည့် အထောက်အကူပစ္စည်း၊ ပန်း၊ ပန်းစည်း၊ ဖဲကြိုး ၊ ဖလား၊ ငွေအုပ် ရွှေအုပ် စတာတွေသာမက အဝတ်အစား ၊ လက်ဝတ်ရတနာ အဆင်အယင်တွေ အားလုံးကို သိမ်းဆည်းထားရာ ဌာနရှိသည်။ ကျောင်းပွဲလမ်းသဘင်ရှိက ထိုဌာနမှ ထုတ်ယူရသည်၊ အဆိုပါပွဲမှာ မြန်မာကျောင်းသား ကျောင်းသူတွေအတွက် မြန်မာ ဝတ်စုံ ဝတ်ရမည်ဟု သိရသည်။ ကျောင်းသူလေးတွေ မိတ်ကပ်ပြင်အပြီး ထမီအဝတ် အထက်ဆင့် ( အထက်ဆင်) မပါ၊ ထိုင်းအမျိူးသမီးတွေ လုံခြည်က ထိုအတိုင်းပင်၊ ထမီမှာ အထက်ဆင့် တပ်မဝတ်သည့်အတွက် ကျောင်းသူတွေက မြန်မာထမီ ဆိုပေမယ့် ထိုင်းလိုပဲ ချူပ်ထားသည် ထင်သတဲ့၊ ဝတ်လိုက်တော့ ကွင်းကလည်း ကျယ်လိုက်တာ ဆိုကာ ခါးပတ်တွေ၊ ခါးစည်းကြိုးတွေနဲ့ ချည်ဖို့ ကြိုးစားနေတုန်းမှာပဲ တဖက်က မြန်မာကျောင်းသားလေး တစ်ယောက်က အထက်ဆင့်ပါတဲ့ လုံခြည်ကိုကိုင်ပြီး " ဟေ့ ပြောကြပါအုန်း ဒါက အပေါ်က ထားရမှာလား အောက်ကထားပြီး ဝတ်ရမှာလား" မေးမှ ယောင်္ကျးလေးနဲ့ မိန်းကလေး မှားပေးသွားမှန်းသိသတဲ့၊ တချိူ့ ကျောင်းသားတွေဆို မေးမနေပဲ အထက်ဆင့်ကို အောက်ကထားလို့ ဝတ်တောင် ထားပြီးပြီ၊ တစ်ယောက်ကဆို ခေါင်းပေါ်ကနေတောင် စွပ်ချပြီး ဝတ်လိုက်တာလို့ ဆိုနေသေးသည်တဲ့၊ တစ်ယောက်က စိတ်ထဲ မကျေမနပ် ဖြစ်ဟန်ဖြင့် တမင်လုပ်တာထင်တယ် ပြောပြန်သည်တဲ့၊ တခြားသူတွေက ဘယ်သူက တမင်လုပ်မလဲ သူတို့ ထမီတွေလို အထက်ဆင့်မပါတာ မိန်းကလေးဝတ်တာလို့ ကြည့်ပြီး ပေးသွားတာပါဟ လို့ ပြောကြရသည်တဲ့၊ ဒီလို အကျိူးအကြောင်း မသိက ခက်မည်၊ တမင်လုပ်သလား အတွေးကို တမင်လုပ်တာပေါ့လို့ ဆွသွားနိုင်လေသည်။
သို့သော် မြန်မာကျောင်းသားလေးတွေ တော်ပါသည်။ အထက်ဆင့်တပ်ထားသည့် ထမီကို ခေါင်းလျိူမိသည့် အပြင် မိန်းကလေးတွေ ပတ်ပြီးသား ပုဆိုးကိုလည်း ပြန်ဝတ်ရပေမယ့် မသိလို့ အမှားအတွက် မေ့ဖျောက်ကာ ပျော်ပျော်ပါးပါး ပွဲဖြစ်သွားသည်။ ဒါသည် မတူသည့် အလေ့ကြောင့် ဖြစ်ရသည့် အလွဲ၊ ဒါမျိူး ကိုယ့်မြန်မာဖက်က မှားယွင်းတာလည်း ရှိကောင်း ရှိပေလိမ့်မည်။
သူများတိုင်းပြည်မှာ အောက်ခြေသိမ်း အလုပ်တွေ ဝင်လုပ်နေရသည့် အတွက် ထိုင်းလူမျိူးတွေ ထိုင်းအလုပ်ရှင်တွေက နိုင့်ထက်စီးနင်း မပြုနိုင်အောင် မြန်မာအလုပ်သမားတွေ အနေဖြင့် သူတို့ ဥပဒေတွေ၊ အလေ့အထတွေကို မှတ်သား ထားဖို့ အထူးလိုအပ်ပါသည်။ ကိုယ့်နိုင်ငံမှာ ကိုယ်နေတာတောင် တစ်ယောက်နဲ့တစ်ယောက် နားလည်မှု လွဲကြတာတွေ ဖြစ်ကြသေးသည်။ ကိုယ့်ဘာသာစကားကြတော့ ထဲထဲဝင်ဝင် ရှင်းပြလို့ ရ၍ တော်သေးသည်။ အထူးသဖြင့် နယ်စပ်ဒေသ တိုင်းရင်းသားဒေသက အလုပ်သမားတွေအတွက်က ဘာသာစကား တူညီပြီး မတိမ်းမယိမ်း ပြောလို့ရတတဲ့ အသံထွက်တွေ ရှိသည်။ သူတို့အတွက်က အဆင်ပြေသည်။ သို့သော် စာမတတ်ပြန်ကလည်း အဆင်မပြေတာတွေရှိသည်။ ကားမရပ်ရ ရေးထားတာ မဖတ်တတ်တော့ ဘာရေးထားမှန်း မသိပဲ ရပ်မိမည်။ ထိုအခါ အိမ်ရှင်ဖြစ်သူ့က အော်ဟစ် မောင်းထုတ်သော် မခံချင်သည့် ငယ်ရွယ်သူတွေဖြစ်က စကားများကြတာ ဖြစ်ကြသည်။
သူတို့ အိမ်ရှေ့ ကားပိတ်ရပ်တာ ထိုင်းလူမျိူးအချင်းချင်းပင် သည်းမခံပေ၊ ချက်ခြင်း ဖယ်ပေးဖို့ ထွက်ပြောတာဖြစ်သည်။ ဒါတောင် အိမ်နားနီးချင်း တွေ စကားပြောဆို နေသူတွေပင်၊ မျက်နှာမနာဘူးလားလို့ တွေးမိလေသည်။ စာရေးသူတို့ လွန်ခြဲ့သည့် (၂)နှစ်က နေစဉ်က အိမ်ရွှေမှာ နေသည့် ထိုင်းအမျိူးသမီးကြီးမှာ သူ့အိမ်ထဲမှာ ကားတစ်စီးနှင့် ဆိုင်ကယ်ထည့်ထားပြီး နောက်ကားတစ်စီးကို ရပ်စရာမရှိ၍ စာရေးသူတို့ အိမ်ရှေ့လာရပ်ရာ ပေးရပ်ထားလိုက်သည်။ ကိုယ့်အိမ်မှာလည်း ဘာမှ ရပ်စရာမှမရှိ၊ ထိုအမျိူးသမီးကို ကားရပ်မိတိုင်း အိမ်တွေက ဟိုက လာပြော ဒီကလာပြော ဖယ်ပေးနေရတာ သိနေတော့ ရပ်ပါလို့ ထားလိုက်သည်။ စာရေးသူတို့ကို လမ်းတွေ့လျင် အတင်းခေါ်တင်သည်၊ ဘယ်မှမသွား ဒီနားတင်ဟု အတင်းငြင်းရသည်။ ကားငှားလျှင် သူ့ကားကို ငှားပါဟုဆိုသည်။ အပြင်ထွက်ပြီး ငှားရမည့်အတူတူ သူ့ကားငှားရာ ပိုက်ဆံမယူသဖြင့် နောက်မငှားဖြစ်၊ ဒါပေမယ့် ညရေးညတာဖြစ်ဖြစ် ကိစ္စအရေးကြီး၍ သူ့ကားကို ငှားရင် ချက်ခြင်း လိုက်ပို့ပေးသည်။ ယခုအချိန်တိုင်အောင် အိမ်ချင်းမနီးသော်မှ ကားငှား၍ ခရီးထွက်စရာရှိက အချိန်မရွေး ချက်ခြင်း ကူညီသည်။ မြန်မာပြည်က ရေဘေးအတွက် အလှုပစ္စည်းတွေ ပို့ဖို့ကြုံတော့ ချင်းမိုင်ကနေ တာချီလိတ်နယ်စပ်အထိ ကားခမယူပဲ ကူညီသယ်ပေးသည်။ ဆိုလိုတာက လူတွေ တစ်ယောက်နှင့်တစ်ယောက်မတူပါ၊ လူမျိူးတိုင်း လူမျိူးတိုင်းမှာလည်း ဒီအတိုင်းသာပင်၊
ထိုင်းမှာ အနေကြာသည့် မြန်မာတိုင်း ထိုင်းတွေက သူတို့ အိမ်ရှေ့ပိတ်ပြီး ကားရပ်တာ မကြိုက်မှန်း သိကြလေသည်။ တဆင့်စကား တဆင့်ကြားပေါ့၊ ထိုင်းနိုင်ငံက အချိန်နဲ့ လိုက်ပြီး ထုတ်ပြန်သည့် ဥပဒေတွေ စဉ်းမျဉ်းတွေ ကျပြန်တော့ ထိုတဆင့်စကား ဖြင့် မလုံလောက်။ စာဖတ်ရင်ဖတ်၊ မဖတ်လည်း ထိုင်းရုပ်မြင်သံကြားကြည့် သည့်အလေ့ ရှိဖို့လိုပေသည်။
ယခုရက်ပိုင်းတွင်ပင် ထိုင်းနိုင်ငံမှာ ယဉ်မောင်းလိုင်စင် မရှိပဲ မောင်းတာ တွေ့ရှိက ဒဏ်ငွေ ဘတ်တစ်သောင်း ပြစ်ဒဏ်ချမည် ဆိုထားသည်။ အထူးသဖြင့် ထိုင်းနိုင်ငံကို အလည်လာရောက်သည့် နိုင်ငံခြားသား ခရီးသွားများက ဆိုင်ကယ်၊ ကား စတာတွေ အလွယ်တကူ ငှားရမ်း၍ ရသည့်အတွက် တက်မောင်းကြရင်း ယာဉ်မတော်တဆမှုတွေ များလာတာကြောင့်လို့ ဆိုလေသည်။ ထိုအခါ ထိုင်းမှာ နှစ်နဲ့ချီ အလုပ်လုပ်နေသည့် အလုပ်သမားတွေက ခါတိုင်းလို သွားလာကြရင်း အဆိုပါ ပြစ်ဒဏ်နှင့် တိုးက မသိပဲ တစ်လစာ ပြုတ်သွားနိုင်သည့် အဖြစ်။ ယခုတဖန် နှစ်သစ်ကူးနီးလာပြီ ဖြစ်၍ အရက်မူးပြီး ကား ဆိုင်ကယ် မောင်းက ဆိုင်ကယ်ရော ကားပါ သိမ်းမည်ဟု ကြေညာထားလေသည်။ ထိုင်းနိုင်ငံမှာ နှစ်သစ်ကူးအခါသမယ ဆိုပါက ယာဉ်မတော်တဆမှုကြောင့် နှစ်စဉ် ရာနှင့်ချီပြီး သေဆုံးကြရာ အစိုးရက နည်းမျိူးစုံ စည်းမျဉ်းတွေ ထုတ်နေတာ ဖြစ်သည်။
ထိုင်းနိုင်ငံမှာ ရောက်ရှိနေသည့် မြန်မာလူမှုအဖွဲ့အစည်း အချိူ့နှင့် ထိုင်းဖက်က တာဝန်ရှိသူအချိူ့တို့ ပူးပေါင်းပြီး ဘာသာစကားနှင့် ဥပဒေရေးရာတွေကို သင်တန်း ပို့ချတာလည်း မကြာမကြာ လုပ်ပေးနေတာရှိသည်။ မြန်မာအလုပ်သမားများအနေနှင့် မတတ်သာ၍ သူတပါး တိုင်းပြည်မှာ အလုပ်လာလုပ်နေရသည့်တိုင် မိမိရဲ့ လုံခြုံမှုနှင့် မိမိကိုယ်ကို ကာကွယ်သည့် အနေဖြင့် အဆိုပါ သင်တန်းတွေကို မျက်စေ့ဖွင့် နားစွင့်ပြီး တက်ရောက်ကြစေလိုပါသည်။ တဆက်ထဲမှာ မိမိပတ်ဝန်းကျင်က ထိုင်းလူမျိူးတွေရဲ့ နေထိုင်မှု၊ အလေ့အထတွေကို အကဲခပ် လေ့လာကာ သူတို့ရဲ့ သဘာဝကို သိရှိအောင် လုပ်ဆောင်ရမည်။ တဆက်ထဲ ဆောင်ရန် ရှောင်ရန်တွေကိုပါ သတိရှိရှိ သိနားလည်ထားကာ ဥပဒေအတိုင်း နေထိုင်လုပ်ကိုင်ပါကဘယ်သူ့ကိုမှ အလကားနေရင်း ကြောက်ရန်မလို၊ အလုပ်သမားကလည်း ကိုယ့်စည်းကိုယ့်ကမ်း၊ အလုပ်ရှင်ဘက်ကလည်း သူ့စည်းသူ့ကမ်းနဲ့ ဟန်ချက်ညီပြီး စိတ်အေးချမ်း လုံခြုံစွာ အလုပ်လုပ်ရင်းဖြင့် ဘေးကင်းစွာ နေထိုင်ကြရပါလိမ့်မည်။