ရာဇဝင်အထုပ္ပတ္တိလဲရှိရမယ်................

 အဆိုတော် မေလှမြိုင် သီဆိုထားတဲ့ အလေးပြုပါသည် သီချင်းကို နားထောင်ရင်းက ဒီသီချင်းတွေ အခုမှကြားဖူးသည်လို့ သမီးကြီးက ပြောတော့ ကျမအတွေးတွေ ဖျတ်ကနဲ စဉ်းစားရသည်။ ဟုတ်တာပေါ့ သမီးက ၁၉၉၁ ခုနှစ်ဖွား၊ ရေတွက်ကြည့်လိုက်တော့ ဒီနှစ်ပိုင်း၊ ဒီကာလတွေမှာ ဒေါ်အောင်ဆန်းစုကြည်တင်မက ဗိုလ်ချုပ်အောင်ဆန်း၏ သမိုင်းကြောင်းကိုပါ တိမ်မြုပ်ပျောက်ကွယ်အောင် လုပ်ထားခဲ့ကြသည်။ကလေးတွေ ဘယ်လိုမှ မသိနိုင်။ ဒါပေမယ့် သိအောင်ပြောရင်တော့ သိကြပေမည်။ ဒါက မိဘတွေနှင့် ဆိုင်လာချေပြီ။ ကိုချိုတူးဇော် status မှာရေးထားတာလေး ဖတ်လိုက်ရသည်။  သူ့အိမ်လာလည်တဲ့ ကလေးကို  ဗိုလ်ချုပ်အောင်ဆန်းပုံကို ပြပီး ဘယ်သူလဲသိလားဆိုတော့ ကလေးက " သိတယ်.. ဗိုလ်ချုပ်ခင်ညွန့်လေ" လို့ ဖြေလိုက်တာ ကလေးအမေကို လက်ညှိုးထိုးလို့ ရန်တွေ့တယ်ဆိုတာ သတိရမိပီး ကိုယ့်ကိုယ်ကို တော်ပါသေးရဲ့လို့ အောက်မေ့မိသည်။ ကျမကလေးတွေ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးတွေကို အကုန်သိသည်။ ဒါပေမယ့် အာဇာနည်သီချင်းတွေကို သူတို့ နားမထောင်ခဲ့ရသည့်အတွက် ကိုယ့်ကိုယ်ကို ရန်တွေ့မိလေသည်။ ဗဒင်သီချင်းများ ခေတ်စားချိန်တွင် ရုံးမှာရထားတဲ့ မူရင်းခွေကနေ ကိုယ့်ကက်ဆက်ခွေလေးထဲ ငါးမိနစ်ပင်မကြာ ကူးပီးဘီ။ သမီးရေရော့ဆိုကာ အိမ်ရောက်တာနဲ့ နားထောင်ဘို့ ပေးဖြစ်သည်။ စောဘွဲ့မှုးသမီး ကဗျာဘွဲ့မှုး သိချင်းစဆိုတော့ ဝလုံးလေးမှဝိုင်းအောင်မရေးနိုင်ခင် ဆိုတဲ့စာသားပါတဲ့ မှားတဲ့ဘက်မှာ ဆိုတဲ့ သီချင်းထင်ပါရဲ့ ၊ အဲဒီသီချင်းလေး ကူးခဲ့ပါအုန်းဆို ချက်ချင်းကူးပေးခဲ့သည်။ အချိန်မရွေး ကူးလို့ရသည်။ အဆိုတော် မာမာအေး သီချင်းများ မလွှင့်ရလို့ ပိတ်ထားတော့ နားထောင်ချင်လို့ဆိုကာ ကူးယူထားမိသည်။ အာဇာနည်နေ့ ဂုဏ်ပြုသီချင်းများသည်လည်း မလွှင့်ရဆိုသည့် စာရင်းတွင်ပါသည်။ ဒါတွေကို ကူးယူဖို့၊ ကလေးတွေ နားထောင်ခိုင်းဖို့ မေ့လျော့နေခဲ့သည်။ ကိုချိုတူးဇော် သိလျှင် ကျမကိုလည်း လက်ညှိုးထိုးပီး ရန်တွေ့လေမည်လားမသိ။ ယခု အင်တာနက်ခေတ်တွင်တော့ အာဇာနည်နေ့သီချင်းများသည် အွန်လိုင်းပေါ်တွင် အချိန်မရွေး နားထောင်နိုင်လေဘီ။ သတိတရဖြင့် သမီးကို ပို့ပေးလိုက်သည်။ ဒါကိုနားထောင်ရင်း သမီးက အမေကို ပြန်အားပေးသည်။ " ဟုတ်တာပေါ့ အမေရယ်.  သမီးတသက်ပေါ့ သမီးငယ်ငယ်ကထဲက ဒေါ်အောင်ဆန်းစုကြည်က အဖမ်းခံရလိုက် ပြန်လွတ်လိုက်နဲ့ အဖမ်းခံထားရပီး မနေ့တနေ့ကမှ လွတ်တာလေ" တဲ့။ ဒါတောင် သမီးသူငယ်ချင်းတွေထဲမှာ သမီးက အသိဆုံး။ တချို့ဆို ၈၈ အကြောင်းတွေ မသိကြဘူး။ သမီးက အမေတို့ ပြောပြောပြနေလို့ သိတာလေ ဆိုတော့ မှ တော်သေးရဲ့လို့ ဟင်း.. ချရသည်။
                      နောက်တစ်ပုဒ်ဖွင့်ပါအုန်းဆိုပီး ဆက်ဖွင့်တော့ " ရာဇဝင်အထုပ္ပတ္တိလဲ ရှိရမယ်.. မော်ကွန်းလဲထိုးလောက်တယ် မြင့်မြတ်တဲ့ ဗိုလ်အောင်ဆန်းရယ် "  သားအမိနှစ်ယောက်စလုံး တပြိုင်ထဲ အသံထွက်သွားသည်။ ထီသည်.. ထီသည်။  မှန်ပါသည်။ လွန်ခဲ့သော ငါးနှစ် ခြောက်နှစ်ဝန်းကျင်က ဗိုလ်ချုပ်အောင်ဆန်းပုံ ကိုင်၍ လမ်းလျှောက်လို့မရ။ ဗိုလ်ချုပ်အောင်ဆန်းပုံ ရင်ထိုးတပ်၍မရ။ ဗိုလ်ချုပ်ပုံ အထိမ်းအမှတ်လုပ်၍မရ။ မြန်မာ့အသံမှ ဗိုလ်ချုပ်အောင်ဆန်းမိန့်ခွန်းများ မလွှင့်ရ၊ သီချင်းများမလွှင့်ရ။ အရာအားလုံး ပိတ်ပင်ထားသည့် အချိန်တွင် အနှီထီသည်လေးသည် အာဇာနည်နေ့သီချင်းများ ဗိုလ်ချုပ်အောင်ဆန်းသီချင်းများ ဖွင့်ပီး လက်တွန်းလှည်းလေးဖြင့် ထီရောင်းသည်။ သူလာပီဆို စမ်းချောင်းရပ်ကွက်ရှိ လူတိုင်း နီးပါးထွက်ကြည့်ကြသည်။ သီချင်းကို လိုက်ဆိုကြသည်။  ကျန်းကျန်းမာမာ ချမ်းချမ်းသာသာ ဘေးရန်ကာဆီးမည်၊  လူမွဲတွေလည်း မနှေး ခေတ်မီ သူဌေး ဖြစ်တော့မည်...  ဆိုသည့် နဂါးနီသီချင်း ဖွင့်သည့် ထီလက်တွန်းလှည်းများ။ စာဥရေ ငါအရောက်ပြန်ခဲ့မယ်... ဖွင့်သည့် ထီသည်များ၊ ဂုဏ်..ဂုဏ်.. ဂုဏ် .. ဂုဏ်ဆိုတာ  ငွေကိုခေါ်တယ်.... ငွေရှိရင်လုပ်သမျှတင့်တယ်.. ဆိုတဲ့  သီချင်းတွေ  .အပြိုင်အဆိုင် ဖွင့်ကြသည့် ထီလှည်းကလေးများ အကြားတွင် ဗိုလ်ချုပ်အောင်ဆန်း ဂုဏ်ပြုသီချင်း၊ အာဇာနည်သီချင်းများ ဖွင့်သည့် ထီသည်ကလေးကို စိတ်ဝင်စားမိကြသည်။ သူလာမှ ကလေးတွေ ဒီသီချင်းကို ကြားကြရသည်။ မိဘတွေ လူကြီးသူမတွေက ပြောပြရသည်။ ထီသည်ကလေးကို အံ့သြလေးစားစွာ ကြည့်ကြသည်။ အချို့က စကားစမြည် ထွက်ပြောကြသည်။ သူ့ဆီမှာထီထိုးကြသည်။ ကျမရဲ့ ဦးလေးတစ်ယောက်က တရက်တွင် ထီထိုးအုန်းမှဆိုရာ ကျမအဒေါ်က ဗိုလ်ချုပ်အောင်ဆန်း ထီသည်လေးမှာ ထိုးပါ ။ သူလာတာ စောင့်ပီးထိုးပါ ဟု ဆိုလေသည်။ ဦးလေးက သင်္ဘောလိုက်ရာမှ ပြန်အနားဆိုတော့ မသိသေး။ နောက်ပိုင်း လစဉ်ထီထိုးရင် ဒီကောင်လေးလာမှ ထိုးသည်။ သမီးက ပြောသည်။ မေ့နေလို့ပါ။ အရင်ကတည်းက ဒီထီသည်လေး ဖွင့်ဖွင့်နေလို့ နားထောင်ရပါတယ်တဲ့။ တဆက်ထဲ သတိရလိုက်မိတာရှိသေးသည်။ ကလေးတွေ ကျောင်းက သွေးအမျိုးအစားစစ်ခိုင်းတော့ ကျမတို့ လမ်းနဲ့ကပ်ရက် သရက်တောလမ်းထဲက ဓါတ်ခွဲခန်းမှာ ရှိနေတုန်း အဲဒီ ထီသည်လေးရောက်လာတော့ ဓါတ်ခွဲခန်းမှုးက သွေးဖောက်နေရင်း ခနလေးနော်၊ ဒီသီချင်းလေး ဆုံးအောင်လိုက်ဆိုချင်လို့ဆိုကာ လိုက်ဆိုတာကို သတိရမိတော့သည်။ အဲဒီ ဓါတ်ခွဲခန်းမှုးကပဲ ကလေးတိှု့ဒါဘယ်သူ့အကြောင်းဆိုတာလဲ သိတယ်နော် ဆိုပီး ပြောပြတာကို လည်းသတိရမိသေးသည်။ ကျမဘက်လှဲ့ပီး ကလေးတွေကို သိအောင်ပြောပြနော်။ အခု ကလေးတွေ မသိအောင် သမိုင်းကို ဖျောက်နေ မြှုပ်နေကြတာ လို့လည်းပြောသေးသည်။ နောင်လာနောင်သားတွေကို သမိုင်းအမှန်သိအောင် ပြောဖို့ ရေးဖို့က လက်ရှိ လူသားတို့ရဲ့ တာဝန်ပဲဟု ဆွေးနွေးဖြစ်ခဲ့သည်။ ကလေးတွေ သိမှ လက်ဆင့်ကမ်းရင်း သမိုင်းအမှန်ကို သိအောင်လုပ်ကြရမည်။ ယခုအချိန်တွင် တချိန်က နားမထောင်ခဲ့ရ မကြားခဲ့ရသည့် အာဇာနည်သီချင်းများ အခုတော့ အနယ်နယ်အရပ်ရပ် လွင့်ပျံ့နေချေဘီ။ ယနေ့ လူငယ်များကံကောင်းလေစွ။  သမီးကိုလဲ သမီးတို့အများကြီးကံကောင်းသည်လို့ ပြောဖြစ်သည်။ ဆက်လက်ပီးလဲ ကံကောင်းခြင်းများစွာ ရရှိနိုင်ကြပါစေလို့ပဲ ဆုတောင်းနေမိသည်။