" လင်းလက်နေတဲ့ကြယ်"၁၆ရက် အောက်တိုဘာ ၂၀၁၇ခုနှစ် ဒီလှိုင်းစာစောင် အတွဲ(၆) အမှတ်(၄၀) မှ

ထိုင်းနိုင်တဝှန်းမှာ အောက်တိုဘာလအတွင်း အဝါရောင်ပန်းများ လွှမ်းခြုံနေပေသည်။ ယခုအောက်တိုဘာလလ (၂၆)ရက်နေ့မှာ လွန်ခဲ့တဲ့ နှစ် အောက်တိုဘာလက နတ်ရွာစံသွားတဲ့ ဘုရင်ကြီး ဈာပန အခမ်းအနားကျင်းပမှာဖြစ်ရာ ဘုရင်ကြီးရဲ့ မွေးနေ့အရောင်ဖြစ်တဲ့ အဝါရောင်ပန်းတွေနဲ့ ပူဇော်ကြမှာဖြစ်သည်။ Marigold flower မြန်မာလို ထပ်တရာပန်းခေါ်သည့် ပန်းတွေကို ဘန်ကောက်အပါအဝင် အခြားခရိုင်မြို့နယ်တွေအားလုံးမှာ ဘုရင်ကြီးရဲ့ ဈာပန အမှတ်တရအဖြစ် ဆင်ယင်စိုက်ပျိူးထားကြတာဖြစ်သည်။ ထိုင်းလို "တဖြတ်ဖြတ်လင်းလက်နေတဲ့ကြယ်" လို့ အဓိပ္ပါယ်ရသည့် အဆိုပါပန်းတွေ စိုက်ပျိူးထားတာကြည့်ပြီး အဆိုပါပန်းဝါဝါတွေရဲ့ အဓိပ္ပါယ်ကို တွေးဆနေမိလေသည်။
အဆိုပါ ထပ်တရာပန်းတွေကို ချင်းမိုင်မြို့ရဲ့ ကျုံးဘေးတလျှောက်၊ လမ်းလယ်ကျွန်းတွေမှာ စိုက်ပျိူးထားကြပြီး ရုံးဌာနအဆောက်အဦ၊ ကျောင်းတွေနဲ့ ရပ်ကွက်အသီးသီး အိမ်တွေမှာ စိုက်ပျိူးထားကြတာ ဝါဝင်းနေလေသည်။ အဆိုပါ ပန်းအကြောင်းကို စိတ်ဝင်စားမိပြီး လေ့လာကြည့်သည့်အခါ ပန်းရဲ့ အဓိပ္ပါယ်နဲ့အတူ နတ်ရွာစံ ဘုရင်ဘူမိဘောအဒူယဒက်ဘဝကို နှိုင်းယှဉ်တွေးမိလေသည်။ ဘုရင့်ရဲ့မွေးနေ့အရောင်မှာ အဝါရောင် ဖြစ်တဲ့အတွက် ဘုရင်ကြီး သက်ရှိထင်ရှား ရှိစဉ် ကတည်းက အဝါရောင်မှာ ဘုရင့်အရောင်ဆိုတာ သိရှိခဲ့ဖူးလေသည်။ ထို့အပြင် မိဖုရားကြီးက အပြာရောင်၊ သိရိဒုံမင်းသမီးက ခရမ်းရောင် စသဖြင့် အရောင်တွေ သိရှိခဲ့ဖူးလေသည်။ ယခု ဘုရင်ကြီးဈျာပနအတွက် ပန်းတွေ စိုက်ပျိူးတာမှာ ထပ်တရာပန်းကို ရွေးချယ်လိုက်တာ အဝါရောင်မို့ ဆိုတာထက် အခြားအဓိပ္ပါယ်တွေ များစွာ ရှိနေပေလိမ့်မည်။ ဒါ့ကြောင့်လည်း အဆိုပါ ပန်းလေးအကြောင်းကို လေ့လာ မေးမြန်း ဖတ်ရှုကြည့်မိတာပဲ ဖြစ်သည်။
ထိုင်းလူမျိူးတွေအခေါ် တောက်ပတဲ့ကြယ် ပန်း မြန်မာလို ထပ်တရာပန်း အင်္ဂလိပ်လို Marigold ပန်းလေးမှာ အညှာနဲ့ပင်စည်က စိမ်းစိမ်းလေး၊ အပွင့်ကဝါဝါမှာ ပွင့်ဖတ်တွေက အထပ်ထပ်၊ မြန်မာတွေက နာမည်ပေးအင်မတန်တော်သည်။ ထပ်တရာပန်းတဲ့၊ အဆိုပါ ပန်းကလေးမှာ ခြောက်သွေ့သွားက ပန်းထဲက ပွင့်ဖတ်တွေ ဝတ်ဆံတွေကို ချွေချပြီး မြေပေါ် ပြန်ကျဲလိုက်က အပင်ပြန်ပေါက်သည်၊ အပင်ပေါက်နှုန်းမြန်ပြီး အပွင့်ပွင့်လွယ်သည်။ ဘယ်တော့မှ မသေသည့်ပန်းလို့ တချိူ့က တင်စားသည်။ ပြီးတော့ ပတ်ဝန်းကျင်ကိုလည်း အကျိူးပြုသေးသည်တဲ့၊ အချိူ့ပန်းတွေက လှသလောက် ဝတ်မှုန်တွေက လူတွေကို ဒုက္ခပေးတာမျိူး ရှိသေးသည်။ အသက်ရှုလမ်းကြောင်းဆိုင်ရာ ရောဂါမျိူးလို၊ အရေပြားဓါတ်မတည့်သည့် ဝေဒနာမျိူးတွေ ဖြစ်စေလေသည်။
ထပ်တရာပန်းကတော့ သူ့ကိုစိုက်ထားတဲ့ စိုက်ခင်းပတ်လည်မှာ အခြားအပင်တွေဆီပါ အင်းဆက်ပိုးကောင်တွေ မလာနိုင်အောင် တားပေးထားနိုင်တယ်လို့ ဆိုလေသည်။ ဘယ်တော့မှ မသေသည့်ပန်း ပန်းတပွင့်ကနေ ပန်းတွေ အဆက်ဆက် ပွားများလာသည့်ပန်း၊ ပတ်ဝန်းကျင်ကို အကျိူးပြုသည့် ပန်း၊ ဒါတင်မက အရောင်အသွေားဝါဝါစိုစိုဖြင့် ကြွကြွရွရွ လှပနေသည့် ပန်းဖြင့် ဘုရင်ကြီးကို အမှတ်တရထား ဆင်ယင် စိုက်ပျိူးထားကြတာ ကြည်နူးဖွယ်ရာ တွေ့မြင်ရသည်။
ထိုင်းပြည်သူပြည်သားတွေကို တိုင်းပြည်ကို ချစ်တတ်အောင်၊ အချင်းချင်း အမုန်းမပွားအောင် အလေ့ကောင်းတွေ ဆောင်ကျဉ်းပေးခဲ့သည့် ဘုရင်ကြီးမှာ သူတို့ပြည်သူတွေ ရင်ထဲ အမြဲရှင်သန် နေမှာ သေချာသည်.။ တိုင်းပြည်အတွက် အကောင်းဆုံးတွေ လုပ်ပေးသွားတာမှာ သူရှိနေစဉ်သာမက သူမရှိတော့တဲ့နောက်ပိုင်းမှာပါ အခြေခံအကျဆုံးလိုအပ်ချက်တွေကို ဖန်တီးပေးသွားခဲ့လေသည်။ ဘုရင်ကြီး နတ်ရွာစံသွားပေမယ့် သူချမှတ်ထားခဲ့တဲ့ ပြည်သူတွေရဲ့ စိတ်နေစိတ်ထား အလေ့အကျင့်တွေနဲ့ ဖန်တီးပေးခဲ့တဲ့ စားဝတ်နေရေး အခြေခံကောင်းတွေကြောင့် ဘုရင်ကြီး မရှိတော့သည့်တိုင် မယိမ်းမယိုင် ဆက်လက်တည်ရှိနေမြဲ ဖြစ်တာကို လက်တွေ့ မြင်ခွင့်ရလေသည်။
အမျိူးကိုချစ်ပါ၊ မျိူးချစ်စိတ်ဓါတ် ရှင်သန်ထက်မြက်ရေး တို့အရေး ၊ ပြည်ထောင်စုကိုချစ်ပါ တို့ဘာသာ တို့သာသနာ စတာတွေ တလုံးတပါဒမှ လှုံ့ဆော်စည်းရုံး ဆောင်ပုဒ်ထိုးတာတေ လုပ်တာမျိူး မရှိပဲ မိမိတိုင်းပြည်ကို ချစ်တတ်အောင်၊ လူလူချင်းအလေးထားပြီး တယောက်အခွင့်အရေးတယောက် လေးစားအောင် နောက်ဆုံး ကိုယ့်နိုင်ငံမှာ လာရောက်နေထိုင်နေကြတဲ့ ကိုယ့်လူမျိူးမဟုတ်သူတွေ အပေါ်မှာပါ သနားညှာတာတတ်အောင် ရှေ့ဆောင်လမ်းပြ ပြုမူနေထိုင်ပြသွားလေသည်။ သူ့တိုင်းပြည်မှာ နေထိုင်နေသူအားလုံး ပညာသင်ကြားခွင့် ရရေးကို အဓိက လုပ်ပေးသွားတဲ့အတွက် အခြေခံပညာကို အရွယ်ရောက်သူတိုင်း သင်ခွင့် ရခဲ့ကြလေသည်။ အသိပညာရှိမှ လူမိုက်တွေနည်းသွားမှာ၊ စားစရာရှိမှ လူတွေ မဟုတ်တာမလုပ်မှာ စတာတွေကို တွေးဆသိမြင်ပြီး ဖန်တီးပေးသွားခဲ့လေသည်။ ဒါ့ကြောင့်လည်း ထပ်တရာပန်းဝါဝါတွေကို မြင်တိုင်း ဘုရင်ဘူမိဘောအဒူယဒက်အကြောင်းကို သတိတရ တွေးမိနေတာပဲ ဖြစ်သည်။
အသက်ရှင်နေစဉ်ကာလအတွင်း လောကကောင်းကျိူး အများကောင်းကျိူး အားလုံးကို ချစ်ခြင်းမေတ္တာအပြည့်ဖြင့် ဆောင်ရွက်သွားတဲ့ ဘုရင်ကြီးကို ထိုင်းပြည်သူပြည်သားတွေ လွမ်းဆွတ်တသ နှမြောနေကြတာဖြစ်သည်။ သက်ရှိထင်ရှား မရှိတော့တဲ့ လူတယောက်ကို အမြဲချစ်ခင်တမ်းတ သတိရနေတယ် ဆိုတာ အဆိုပါ လူတယောက် ထားရှိခဲ့တဲ့ ချစ်ခြင်းမေတ္တာတွေရဲ့ အတိုင်းအဆအင်အားကြီးမားမှုကြောင့် ဖြစ်သည်။
သီတင်းကျွတ်တုန်းက လူထုခေါင်းဆောင်၊ နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်က သူ့ကို လာရောက်ကန်တော့ကြတဲ့ဝန်ကြီးတွေကို ပြောကြားလိုက်တဲ့ စကားလေး လွှတ်တော်အမတ်တယောက် ရေးထားတာ ဖတ်လိုက်ရသည်။
" ဆရာတို့က ကျွန်​မကို​တော့ ကာယကံ၊ ဝစီကံ၊ မနောကံနဲ့ ပြစ်မှားမှာ မဟုတ်ပါဘူး။တိုင်းပြည်အပေါ်မှာသာကံသုံးပါးနဲ့ မပြစ်မှားဖို့ ကြိုးစားကြပါ။" တဲ့
တိုင်းပြည်ကို ဦးဆောင်နေတဲ့ သူတွေအားလုံး တိုင်းပြည်အပေါ် ချစ်တဲ့စိတ်၊ ပြည်သူအပေါ်ချစ်တဲ့ စိတ်နဲ့ ဆောင်ရွက်ပါက ဘယ်တော့မှ မမေ့နိုင်မယ့် အကျိူးပြုသူတွေအဖြစ် ပြည်သူတွေရင်ထဲ အမြဲရှိနေမှာ အသေအချာပင်။
ခိုင်ခိုင်စောလွင်