" ကျောခိုင်းနေတဲ့သူ"၂၄ရက် ဧပြီ ၂၀၁၇ ဒီလှိုင်းစာစောင် အတွဲ(၆) အမှတ်(၁၅)

ကျောင်းသားတယောက်က ဖေ့စ်ဘွတ် မက်ဆင်ဂျာကနေ " ထိုင်းက စုန်ခလာပွဲဆိုတာ မြန်မာဆီက ယူထားတာလား" တဲ့ လှမ်းမေးသည်။ အရှေ့တောင်အာရှနိုင်ငံတွေထဲက မြန်မာ၊ ထိုင်း၊ လာအို ၊ ကမ္ဘောဒီးယားနိုင်ငံတို့မှာ ရေသဘင်ပွဲ ဆင်နွှဲကြတာ အတူတူပင်၊ ထိုင်းနဲ့ လာအိုကတော့ နာမည်တူသည်။ " စုန်ခလာ( Songkran) " လို့ပဲ ခေါ်သည်။ မြန်မာတွေကတော့ " သင်္ကြန်" ၊ သီရိလင်္ကာက ဟိန္ဒူ တို့မှာလည်း ရေသဘင်ပွဲဆိုတာရှိသည်။ ပြက္ခဒိန်နှစ်အရ နှစ်သစ်အကူးအပြောင်းမှာ မြတ်စွာဘုရားရှင်ကို ရေသပ္ပါယ်ကာ အလှုအတန်းများ ပြုလုပ်ကြပြီး အချင်းချင်း ရေလောင်းရေပက် ပြု ကြသည်တဲ့။ မြန်မာဆီက စသလားဆိုတာ စာထဲပေထဲ သေချာရေးထားတဲ့ အထောက်အထား မတွေ့ရပေမယ့် သမိုင်းဆိုင်ရာ ခုနှစ် အချက်အလက်တွေနဲ့ လိုက်လံ တိုက်ကြည့်က မြန်မာတို့က ပုဂံခေတ်ကတည်းက ရေကစားသည့် အထောက်အထားတွေ့ရသည်။ ယဉ်ကျေးမှုချင်း ကူးလူးယှက်နွယ်သွားတာ ဖြစ်နိုင်သည်လို့ ပြောဖြစ်သည်။ သို့သော် ယခုလို ဂလိုဘယ်လိုက်ဇေးရှင်း ခေတ်ကြီးမှာ ကမ္ဘာကြီးက ရွာတရွာလို့ ဆိုကြချိန် ဘယ်ခေတ်မှာ ဘယ်သူ့ဆီကစစ ယနေ့ ဘယ်သူကပိုပြီး ထိန်းသိမ်းနိုင်သလဲ၊ ဖော်ဆောင်နိုင်သလဲဆိုတာက ပိုပြီး အံဝင်ခွင်ကျ ရှိမည်လို့ တွေးမိလေသည်။
အဆိုပါ ကျောင်းသားလေးမေးသမျှ တတ်နိုင်သမျှ ဖြေပေးရင်း တဖက်ကလည်း အင်တာနက်နှင့် လက်လမ်းမီရာ စာအုပ်တွေကို ဆွဲချ ရှာဖွေကာ အထောက်အထားပြု ဖြေပေးဖြစ်သည်။ နောက်ဆုံးတော့ မြန်မာပြည်က မုန့်လုံးရေပေါ်၊ မုန့်ဖက်ထုတ်တို့ပင် ထိုင်းဖက်ကို ရွှေ့ပြောင်းသူတွေ လုပ်ကိုင်ရောင်းချရင်း ထိုင်းမုန့် ဖြစ်နေတာတွေပင်ရှိသည့်အကြောင်း ပြောဖြစ်သည်။ နောက်ဆုံးတော့ အနှစ်(၆၀)ကျော် ပိတ်ဆို့တားဆီး နေရာက တဖက်နိုင်ငံကတဆင့် လုပ်ကိုင်ရင်း မြေပေါ်မြေအောက်ရေပေါ်ရေအောက် ရိုးရာတွေ တဆင့်ခံ ကူးလူးရောက်သွားတာ ရှိလေသည်။ ထိုင်းတွေ စီးပွားရှာပြစားရာ long neck လို့ ခေါ်သည့် ကယန်းလူမျိူးတွေမှာ မြန်မာ့တိုင်းရင်းသားမျိူးနှယ်စု ဖြစ်သည်။ တနေ့ကပဲ ဘန်ကောက်ပို့စ် သတင်းစာမှာ ကန်ချနဘူရီ အရပ်က မွန်တို့ရဲ့ ခေါင်းပေါ်မှာ ရေအိုးတင်ပြီး ကသည့် သင်္ကြန်တွင်း ဖျော်ဖြေမှု ရိုးရာအကအကြောင်း သတင်းတပုဒ် ဖတ်လိုက်ရသည်။
အဆိုပါ သတင်းရဲ့ အောက်က ကော့မန့်မှာ နိုင်ငံခြားသားတယောက်က သူတို့က တောင်ပေါ်သားလား မေးတာ ဖတ်လိုက်ရသည်။ ထိုင်းနိုင်ငံ ကန်ချနာဘူရီအရပ်မှာ မြန်မာနိုင်ငံ ရေး၊ ထားဝယ် က သူတွေ အများအပြား အလုပ်လာလုပ်နေကြသည့် အရပ်ဖြစ်သည်။ ယဉ်ကျေးမှုချင်းကူးလူးသည်က သဘာဝပေမယ့် ထူးဆန်းစွာပင် မြန်မာပြည်က တိုင်းရင်းသားမျိူးနွယ်စုတွေ ပြည်ပရောက်ကာ တခြားနိုင်ငံရဲ့ မျိူးးနွယ်စု အဖြစ် ရောက်ကုန်တာကတော့ လုံးဝမဖြစ်သင့်သောကိစ္စ။
အမေရိကားရောက် သူငယ်ချင်းတယောက်ကို မေရီလန်းပြည်နယ်မှာ ဗမာတွေများသလား မေးကြည့်ရာ ချင်းလူမျိူးတွေ များတယ်လို့ ပြောပြသည်။ တဆက်ထဲ သတိရမိတာ နော်ဝေနိုင်ငံမှာလည်း မြန်မာပြည်သား နှစ်ထောင်ခန့် ရှိတာမှာ ချင်းလူမျိူးက (၁၂၀၀) ခန့် လို့ ကြားဖူးရာ ချင်းတောင်မှာ ချင်းလူမျိူးတွေ ရှိပါတော့မလား အမေးကို သူငယ်ချင်းဖြစ်သူက ဤသို့ ပြန်ဖြေလေသည်။
" ခင်နေတဲ့ ချင်းတယောက်ပြောတာတော့ ချင်းတောင်မှာ ချင်းမရှိတော့ဘူး၊ သစ်ပင်နဲ့ကျောက်တုံးတွေပဲ ကျန်တယ်လို့ ပြောဖူးတယ်ဟ" တဲ့
လူဦးရေ သန်း(၆၀)ကနေ သန်း(၅၀) လျော့သွားတာ ပေါ့ပေါ့တန်တန်တော့မဟုတ်၊ တိုင်းရင်းသားဒေသတွေမှာ အလုပ်အကိုင်အခွင့်အလမ်း လုံးဝမရှိသည့်အပြင် စားဝတ်နေရေးအတွက် ရပ်တည်ဖို့ အင်မတန်ခက်ခဲတာ ပြောစရာမလို၊ အငတ်ငတ်အပြတ်ပြတ် နေရတဲ့နေရာ ဘယ်သူကြာကြာနေနိုင်ပါ့မလဲ၊ အိမ်အကူလုပ်နေတဲ့ မော်လမြိုင်သူ အိမ်အကူ ကုလားမလေး သူ မြန်မာပြည်မှာနေတုန်းက ရှာစားရခက်တာမှ ထမင်းငတ်ခဲ့တဲ့ ရက်တွေ ပြန်တောင် မတွေးချင်ပါတဲ့၊ မျက်ရည်လေး တလည်လည်နဲ့ ပြောရှာသည်။ အညာလေသံလေးတွေနဲ့ လာအိုဆိပ်ကမ်းမှာ ဈေးရောင်းနေတာတွေ့လို့ ဘယ်အရပ်ကလဲဆို တပ်ကုန်းကတဲ့ ၊ ဟိုက် တို့နိုင်ငံအနှံ့ ဒေသစုံ လူမျိူးစုံ အားလုံး ဘေးအိမ်တွေ ရောက်ပြီး အသက်မွေးဝမ်းကျောင်းနေရပါလား စိတ်မကောင်း ဖြစ်ရသည်။
ပြီးခဲ့တဲ့လက နာမည်ကျော် ရွှေတြိဂံသို့ အလည်ခရီးသွားဖြစ်ခဲ့သည်။ ထိုင်း-မြန်မာ- လာအို ရေနယ်နိမိတ်ဆီ ရောက်ခဲ့ပါသည်။ ထိုင်းနိုင်ငံဖက်အခြမ်းမှာ နယ်စပ်မြို့ ဖြစ်သော်ငြား စည်ကားလှသည်။ လုံခြုံရေး၊ လမ်းပမ်းဆက်သွယ်ရေး အထူးကောင်းသည်။ ရေမီး ပြည့်စုံသည်။ တကယ့်ကို စီးပွားရှာသည့်နေရာကောင်းတခု၊ ခရီးသွားတွေကို ဆွဲဆောင်ထားနိုင်သည့် နေရာဖြစ်အောင် ဖန်တီးထားသည်။ ရေဆိပ်ကနေ မော်တော်ဖြင့် မဲခေါင်မြစ်ထဲ လိုက်လံစီးလို့ရသည်။ ဘုတ်ပေါ်မှာ ထိုင်းသံဝဲဝဲ အင်္ဂလိပ်စကားဖြင့် ရှင်းပြသူပါသည်။ လူတယောက်ကို ဘတ်(၂၀၀)၊ ကမ်းမှာ ကပ်ထားတဲ့ ဘုတ်တွေ ငါးစီးမက၊ မြစ်ထဲကနေ ရွှေတြိဂံနယ်မြေ သုံးနိုင်ငံနယ်နိမိတ် ထိစပ်ရာ လိုက်ကြည့်ရသည်။ ထိုင်းနှင့် တဖက်ကမ်းက လာအို၊ လာအိုဖက်လည်း လှုပ်လှုပ်ရှားရှား၊ ကားတွေ သွားလာနေတာ မော်တော်ပေါ်က မြင်ရသည်။ အဆောက်အဦတွေအများအပြားနှင့် ဆောက်လက်စ အဆောက်အဦတွေ၊ ဘာသာရေးအဆောက်အဦတွေ၊ စီမံကိန်းလုပ်ဆောင်နေသည့် ဆိုင်းဘုတ်တွေ တွေ့ရသည်။ ထိုင်းဖက်လည်း ထို့အတူ ဘုရားရုပ်ပွားတော်မြတ် တဆူ တည်ထားတာ ထီးထီးမားမား ဖူးတွေ့ရသည်။
မြန်မာလို့ ဂိုက်က လက်ညှိုးထိုးသည့်အခါ ခြောက်ခြောက်သွေ့သွေ့တိတ်တိတ်ဆိတ်ဆိတ် အရသာကို ခံစားရသည့် ခြုံနွယ်ပိတ်ပေါင်း ဖုံးလွှမ်းနေသည့် မြစ်ဘေးက တောအုပ်ကလေး၊ လှုပ်ရှားမှု လုံးဝမတွေ့ရ။ လူသူမနီး ဝေးလံခေါင်လှသည်လို့ ခံစားရသည့်အပြင် ဒီနေရာဟာ လည်လို့မရ၊ ဆင်းလို့မရ၊ သွားလို့မရတဲ့အရပ်လို့ ပြောစရာမလိုအောင် သာသာယာယာ လှုပ်လှုပ်ရှားရှားမရှိ။ ကျောခိုင်းထိုင်နေသည့် ကဝေတကောင်နှင့်ပင် တူသေးတော့၊ ကိုယ့်နိုင်ငံကို အနောက်က ပတ်ကြည့်ပြီး စိတ်မကောင်း ဖြစ်တုန်း တြိဂံပုံ ကြက်လျာစွန်းနား အရောက် ခပ်ဝေးဝေးက အဖြူရောင်အဆောက်အဦကြီးက မြန်မာပြည်ဘက်ခြမ်းက " ကာစီနိုရုံ" ပါတဲ့ ၊ ကိုင်း မြန်မာဘက်ကတော့ ဒီအထိပဲ ၊ဆက်သွားလို့ မရပါတဲ့၊ ဒီကနေ လာအိုဘက်ကို သွားပါမယ်၊ တယောက်ကို ဗီဇာကြေး ဘတ်(၃၀) ပေးပြီး ဆိပ်ကမ်းကို တက်ရမှာ ဖြစ်သည်။ ဟော လာအိုဘက်က အလုပ်ဖြစ်ပါလား၊ ဘုတ်ပေါ်ပါလာတဲ့ ဂိုက်က မော်တော်စက်သံ ဆူဆူညံညံကြားကပဲ လာအိုနဲ့ မြန်မာဘက်ခြမ်းမှာပဲ ကာစီနိုရုံရှိပြီး ထိုင်းမှာ မရှိကြောင်း ၊ ထိုင်းမှာ ခွင့်မပြုကြောင်း ပြောပြနေသေးသည်။
ထိုင်းဖက်ကနေ မဲခေါင်မြစ်ကြောတလျေက် ဘယ်ဘက်အတိုင်း မြန်မာဖက်ကို လှမ်းကြည့်အပြီး မော်တော်ကို ပြန်ကွေ့ကာ မြစ်တဖက်ကမ်း လာအိုသို့ အရောက် ဆိပ်ကမ်းမှာကတည်းက မြန်မာသံတွေ ကြားနေရသည်။ ဆင်ခြေလျှောလေးအတိုင်း တက်သွားတော့ ဈေးဆိုင်ကလေးတွေ၊ နိုင်ငံခြားသား ခရီးသွားတွေကို စွဲဆောင်ထားသည့် ရိုးရာအထည် လက်ဝတ်ရတနာ လက်မှုပစ္စည်းဆိုင်တွေ အများအပြားနှင့်အတူ ရွှေပြည်နန်း သနပ်ခါး၊ အဘထရှုဆေး၊ ထွန်းရွှေဝါ အကြောပြေလိမ်းဆေး၊ မီလပ်စ်စနိုး၊ သနပ်ခါးတုံး ကျောက်ပြင်ပါမကျန် ရောင်းသည့် ဆိုင်လေးတွေတွေ့ရသည်။ သနပ်ခါးတွေဖွေးအောင်လိမ်းပြီး ကွမ်းတွေဝါးနေသည့် မြန်မာအမျိူးသမီးကလေးကို ဘယ်အရပ်ကလဲဆို တပ်ကုန်းကတဲ့၊ နောက်တယောက် ပျော်ဘွယ်ကတဲ့၊ နောက် ရမည်းသင်းကတဲ့၊ လာအိုဖက်မှာ ရွာတောင်ဖြစ်နေပြီတဲ့၊ အိမ်ခြေ ငါးထောင်ဝန်းကျင်ခန့်ရှိပြီလို့ ဆိုလေသည်။ မြန်မာပြည်ကို အလည်ပဲ ပြန်တော့သတဲ့၊ လုပ်စားလို့ ရတဲ့ လာအိုဘက်ပြန်လာနေသတဲ့။
ကိုယ့်နိုင်ငံဘက်ခြမ်းမှာ ဒီလို ဆိပ်ကမ်းလေးကနေ သူတို့လို ဈေးကွက်ကလေး ဖွင့်လိုက်ရင် ရေခြားမြေခြား ကိုယ့်နိုင်ငံသားတွေ သွားဖို့မလိုတော့၊ ခြောက်ကပ်တိတ်ဆိတ် ကျောခိုင်းနေတော့ မြန်မာတွေ တဖက်ကမ်း ရောက်ကုန်သည်။ လာအိုနိုင်ငံမှာ ဈေးသွားရောင်းနေရသည်။ ငယ်ငယ်တုန်းက လာအိုဆိုတာ သတင်းတွေမှာ မြန်မာကနေ ဆန်လှုရပြန်ပြီ။ ဆားလှုရပြန်ပြီ " အော် ဆင်းရဲလှတဲ့ နိုင်ငံပါလား" ပေါ့။
အခုတော့လည်း ကုန်းတွင်းပိတ်နိုင်ငံ၊ ဘာမှမထွက်တဲ့ နိုင်ငံ ၊ ဆားကိုတောင် ထိုင်းနိုင်ငံကနေ ဝယ်စားရတဲ့ နိုင်ငံ ဒီနိုင်ငံကို အခြေပြု အသက်မွေးနေရပါလား၊ တနုံ့နုံ့တွေးနေမိသည်။
ဆိပ်ကမ်းမှာထိုင်ရင်း ပြန်ထွက်မယ့် ဘုတ်ကို စောင့်ရင်းက မမြင့်တမြင် မြန်မာပြည်ဘက်ကို မျှော်ငေးကြည့်မိသည်။ ဟိုဘက်လှည့်နေတဲ့ ဆိပ်ကမ်းကြီးရယ် အနောက်ကို နည်းနည်းလောက် ငဲ့ကြည့်လိုက်ပါလား၊ သူများတွေ ပျော်တပြုံးပြုံးနဲ့ သွားသွားလာလာ စည်စည်ကားကား ရှိနေတယ်လေ၊ နဲနဲလောက်လှည့်ကြည့်လိုက်ရင်လေ သူတို့ ဘာလုပ်နေသလဲ၊ ဒေသခံတွေ ဝင်ငွေရအောင် ဘယ်လို အခွင့်အလမ်းတွေ ဖော်ဆောင်နေသလဲ တွေ့ရမှာသိလား၊ နဲနဲလှည့်ကြည့်မိရင်လေ လုံးဝလှည့်ကြည့်ချင်စိတ်ပေါ်လာပြီး လာပါလာပါ ရွှေဧည့်သည် ခေါ်စရာမလိုအောင် ဧည့်သည်တွေက လာချင်ရှာတာ တွေ့ရလိမ့်မယ်၊ အခုတောင် အနောက်ကနေ လာလာချောင်းကြည့်နေကြတာမဟုတ်လား၊ အလုအယက် စီးပွားရှာစရာမလိုပဲ ခပ်ပြုံးပြုံးနဲ့ အပေါ်ကနေစီးကြည့်ဖို့ အခွင့်အလမ်းကောင်းတွေ တွေ့ရလိမ့်မယ်၊ ဒါ့ကြောင့် နဲနဲလောက်တော့ လှည့်ကြည့်ပါလို့ ကျောခိုင်းနေတဲ့သူရဲ့ နောက်ကျောကို လှမ်းကြည့်ရင်း စကားတွေ ရွတ်နေမိတော့သည်