" အသက်ရှုရတဲ့ အရသာ" ၂၉ရက် ဩဂုတ်လ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်( ၃၃)မှ

" အသက်ရှုရတဲ့ အရသာ"

  ဘန်ကောက်မြို့လည်မှာရှိတဲ့  ရေဆိုးမြောင်းထဲ  boat လှေ (စက်တပ်မော်တော်) စီးနေရင်းက တလောဆီက  ရန်ကုန်မြို့ စမ်းချောင်း အောင်ချမ်းသာထဲက  ရေဆိုးမြောင်းကို ကာရံထားတဲ့ အတားအဆီးနံရံတွေ ပြိုကျပြီး ပြောကြဆိုကြတာ  သတိရကာ ဒီမှာလောက် အကျယ်ရှိလည်း အကောင်းသား၊ ယာဉ်ကြောပိတ်ဆို့မှုတွေ ဖြေရှင်းလို့ ရတယ်လို့ ရယ်စရာ  ပြောမိသည်။ ဘန်ကောက်မြို့လည်က အဆိုပါ ရေဆိုးမြောင်းထဲ သွားလာနေကြတဲ့ မော်တော်လေးတွေမှာ အသွားအပြန် ဥဒဟို များပြားလှသည်။ ၅မိနစ် တစ်စင်း ဆိုသလို ထွက်နေရာ ခရီးသည်တွေ အဖို့ အဆင်ပြေလှသည်လို့တော့ ဆိုရမည်၊ သို့သော်  ဒီရေဆိုး ရေပုပ်တွေထဲ နိစ္စဒူဝ အသွားအပြန် သွားမယ်ဆို သွားနိုင်ပါ့မလား လို့ ကိုယ့်ကိုယ်ကို ပြန်မေးကြည့်မိတဲ့အခါ နောက်တစ်ကြိမ် ထပ်စီးဖို့တောင် တွန့်ဆုတ်မိပါတယ်လို့ အဖြေရသည်။ ဘန်ကောက် မြို့သူမြို့သားတွေကို ချီးကြူးမိရသည်။

                    ဘန်ကောက်မြို့မှာ ယာဉ်ကြောပိတ်ဆို့တာ အလွန်နာမည်ကြီးလှသည်။ လူနေထူထပ်ခြင်း၊ မော်တော်ယာဉ်အသုံးပြုသူ များပြားလာခြင်းနှင့် အလုပ်အကိုင်၊ ခရီးသွားလာရာ အချက်အခြာ ကျခြင်းတို့ကြောင့် ခရီးသွားလာတာ များပြားရာ နေ့စဉ် သယ်ယူပို့ဆောင်ရေး ခရီးစဉ်တွေ များသည်။ လေဆိပ်အနီး အဝေးပြေးလမ်းမကြီးကနေ ကားပေါ်မှာ လိုက်ပါလာရင်း မျက်စေ့ရှေ့က ကောင်းကင်မြင်ကွင်းမှာ လေယာဉ်နှစ်စင်း မျက်နှာချင်းဆိုင် တွေ့ကြတော့မလား ထင်မှတ်မှားသည်အထိ  ကောင်းကင်ယံမှာ နီးနီးကပ်ကပ် ပျံသွားတာကြည့်ပြီး မိုးပေါ်မှာ လေယာဉ်တွေလည်း ကြပ်ကုန်ပြီလား တွေးနေမိသည်။ တခါက  လေယာဉ်တွေ  ကောင်းကင်ယံမှာ ပျံသန်းနေသည့် ဂူဂဲလ်က ပုံကို ကြည့်မိရာ ပုရွက်ဆိတ်အုံ တုတ်နဲ့ထိုးလို့ ရွစိရွစိ သွားနေကြသည့်အလား တွေ့ရသည်။ ရှင်းလင်းနေသည့် နေရာကို ထောက်ကြည့်မိတဲ့အခါ မြန်မာပြည်ရဲ့ ဝေဟင် ဖြစ်နေသည်။

                   ဘန်ကောက်ရဲ့ အဝေးပြေး မိုးပျံ လမ်းတွေမှာလည်း ကားတွေက အပြည့်၊ ဘတ်စ်ကား၊ အငှားယာဉ်တွေ၊ မိုးပျံရထားနှင့် ရိုးရိုးရထားတွေ အားလုံး လူတွေအပြည့်၊ ဘန်ကောက်သည် မွန်းကျပ်စွာ ခရီျးနှင်နေသည်။ အဆိုပါ ကား ရထား ဘတ်စ်ကား အငှားယာဉ်တွေ ဖြင့် ပြည့်ကြပ်နေရာက အမြန်ဆုံးနှင့် အလွယ်ဆုံး သွားနိုင်သည်ကတော့ ရေဆိုးမြောင်းထဲ သွားလာသည့် boat လှေခရီးစဉ်ပဲ ဖြစ်လေသည်။ လှေဖြင့် သွားရ၍ မြို့တွင်းသို့ ခရီးဆက်ရန်  သွားလာရခက်လိမ့်မည်လို့ ထင်၍ မရ၊ အဆိုပါ ရေဆိုးမြောင်းကြီးမှာ ဘန်ကောက်မြို့လည်တွင်ရှိသဖြင့် လှေဆိပ်( တကယ်တော့ စက်တပ်ထားတဲ့ အတွက် မော်တော် လို့ ပြောက ပြောနိုင်သည်) က တက်သည်နှင့် အချက်အခြာ နေရာကို ဆိုက်ဆိုက်မြိုက်မြိုက် ရောက်သွားတာဖြစ်သည်။ Bangkapi ဘန်ကပိ လှေဆိပ်တွင် ဆင်းက The mall Bangkapi ဈေးဝယ်စင်တာထဲ တန်းရောက်သွားတာ ဖြစ်သည်။ အဆိုပါ ရေဆိုးမြောင်းထဲ စီးသွားရင် လှေဆိပ်က ဆင်းက ဘယ်များရောက်သွားမလဲ ဆင်းကြည့်ရာ ခန်းနားလှသည့် ဈေးဝယ်စင်တာကြီးထဲ ရောက်သွားသည့်အတွက် အူကြောင်ကြောင်ပင် ဖြစ်မိပြီး အချင်းချင်း ပြောဆို ရယ်မောကြရသည်။ ဘတ်စ်ကား၊ အငှားယာဉ်တို့ဖြင့် သွားက နှစ်နာရီ နီးပါးကြာမည့် ခရီးကို (၄၅)မိနစ်ဖြင့် ခပ်မြန်မြန် ရောက်သည်သာမက ယာဉ်ကြောလည်း မပိတ်၊ မီးပွိုင့်လည်းမရှိ၊ လှေဆိပ်တိုင်း အစဉ်လိုက် ရပ်သွားသည်သာ ရှိရာ တော်တော့်ကို အဆင်ပြေလှသည်။ သို့သော် boat လှေစီးသည့်အခါမှာတော့ အလုပ်က ခပ်များများပင်၊ ဆိုးရွားလှသည့် အနံ့ဆိုးကို မခံနိုင်၍ နှာခေါင်းကို လက်ဖြင့် ပိတ်ထားရသည်၊ ကိုယ်ထိုင်သည့်နေရာက ရေမစင်အောင် ကာထားသည့် ပလတ်စတစ်စရဲ့ ကြိုးရှိရာ နေရာဖြစ်က လှေပေါ်ပါ ခရီးသည်တို့ ရေမစဉ်အောင် အဆိုပါကြိုးကို ဆွဲထားရသေးသည်။ ဘယ်သူကမှ တာဝန်ပေးမထားသော်ငြား ကိုယ့်တာဝန်ကိုယ်ယူကြတာတွေ့ရသည်။ အဆိုပါနေရာ ထိုင်မိက ကြိုးကို ဆွဲပေးရမှာ ထိုင်နေသူ့တာဝန်သာ၊ ဘန်ကောက်မြို့သားတွေကတော့ နှစ်ပေါင်းများစွာ နေ့စဉ် သွားလာနေရတဲ့ အတွက် အနံယဉ်နေဟန်တူသည်။ ဘယ်သူမှ နှာခေါင်းမပိတ်၊ လက်တဖက်က ကြိုးစကို ကိုင် အခြားတဖက်က ဖုန်းပွတ်လို့ အေးအေးဆေးဆေး စီးသွားကြသည်။ လှေအဆင်း မြင်းအတက်ဆိုသလို တခါမှ မစီးဖူးတဲ့ အတွက် တုံချိတုံချိ ဖြစ်သလောက် သွားနေကျသူတွေက အတက်အဆင်း လွှားကနဲ၊  လှေစီးခလိုက်ကောက်သူတို့ကလည်း လှေနံဘေး အရှေ့အနောက် လူးလာခေါက်တုံ့ သွားနေကြတာဖြစ်သည်။ ခရီးနီးက (၁၀)ဘတ်၊ အနည်းငယ်ဝေးက ဘတ်(၂၀)၊ ခရီးစဉ်အစအဆုံး (၂၅)ဘတ် ဆိုတော့ သက်သာသည့် နှုန်းထားပင်။  နေ့စဉ် ခရီးသွား သိန်းနဲ့ ချီ သွားကြသည် ဆိုလေသည်။

                          ထိုင်းလူမျိူးတွေ ပြောပြတာကတော့ အဲဒီတူးမြောင်းက မြို့တည်ကတည်းက ဖောက်ထားတာ ဖြစ်ပြီး မြို့သူမြို့သားတွေ သုံးစွဲလိုက်သည့် ရေတွေကို စွန့်ထုတ်လိုက်ဖို့ တူးထားတာ ဖြစ်သည်တဲ့၊ ယခင်ကတော့ ရေက ယခုလောက် နောက်ကျိ ပုပ်အဲ့ အနံ့ဆိုး မထွက်ပါတဲ့၊ လွန်ခဲ့တဲ့ အနှစ်(၅၀) ခန့်ကမှ  စက်တပ်လှေတွေ နဲ့ ခရီးသည်တွေ ပို့ဆောင်ပေးကြရာက အမှိုက်သရိုက် အညစ်အကြေးတွေ မြောင်းထဲ ပစ်တဲ့အတွက် ယခုလို ရေတွေ မကောင်းပဲ အနံ့တွေ ထွက်နေတာလို့ ပြောပြလေသည်။

                         အဆိုပါ ဘုတ် ရောက်သည့် လမ်းတလျှောက်ကလည်း ဘန်ကောက်မြို့ရဲ့ နာမည်ကျော် လည်ပတ်စရာ နေရာများ ဆက်တိုက်ဆိုသလို ရှိပြီး စေတီပုထိုးများလည်း ရှိရာ အင်မတန် အဆင်ပြေသည့် ခရီးလမ်းကြောင်း ဖြစ်နေလေသည်။  နိုင်ငံခြားသား ခရီးသွားများကိုပါ တွေ့ရတတ်လေသည်။ ဘယ်လိုပဲ ဖြစ်ဖြစ် မြို့ရဲ့ အညစ်အကြေးစွန့်ထုတ်ရာ၊ ရေဆိုးတွေ စုဝေးရာ ရေမြောင်းကြီးကနေ အချက်အခြာကျပြီး ငွေကုန်ကြေးကျလည်းနည်း မြန်လည်းမြန် သွားလို့ရအောင် လှေခရီး လုပ်ပြီး သွားရတာကတော့ အံ့ဩပြီး ထူးဆန်းစရာ ဖြစ်နေတာတော့အမှန်၊

                    နိုင်ငံခြားသားတစ်ယောက်ကတော့ သူ့ရဲ့ ဘလော့စာမျက်နှာတစ်ခုမှာ မိလ္လာအညစ်အကြေးရေတွေ ပေါ်က သွားရတဲ့ လှေခရီးဆိုပြီး မျက်နှာကို ရေမစဉ်အောင် ကာကွယ်သွားရတဲ့ အဆိုပါ ရေဆိုးမြောင်းခရီးအကြောင်း ရယ်မောပျော်ရွှင်စွာ သွားခဲ့ပါတယ်လို့ ရေးထားတာ ဖတ်ရသည်။ တကယ်တော့ မိလ္လာရေ မဟုတ်ပါလို့ ဘန်ကောက်သားတွေက ဆိုသည်။ လမ်းပမ်းဆက်သွယ်ရေး လွယ်ကူချောမွေ့ဖို့ နည်းလမ်းမျိူးစုံထဲကနေ မဖြစ်ဖြစ်အောင် ကြံဆောင်ထားတဲ့ နည်းကတော့ ကောင်းပါသည်။ ပြုတ်ကျက နစ်မည့်ရေက တမြို့လုံးက သုံးထားတဲ့ အညစ်အကြေးရေဆိုးထဲ ကျရမှာဆိုတော့   နောက်တခါ မစီးရဲတာ အမှန်၊ ဘုတ်မောင်းသူတွေက မျက်နှာချင်းဆိုင် တွေ့လည်း တစ်စီးနှင့်တစ်စီး အလျှော့မပေး အပြိုင် မောင်းကြရာ တစီးနှင့်တစီး မျက်နှာချင်းဆိုင်တွေ့က ရေတွေကတဖွားဖွား၊ အကာစ  ကြိုးစွဲသူက အားကုန်ဆွဲထားပေရော့။

                      ရန်ကုန်ရောက်တုန်း ယာဉ်ကြောတွေ ပိတ်လို့ စောင့်ရတယ်ဆိုတာ ဘန်ကောက်ကို မမီ၊ တခုတော့ရှိသည်၊ ဘန်ကောက်ယာဉ်ကြောပိတ်တာက စည်းနဲ့ကမ်းနဲ့ပိတ်တာဖြစ်သည်။ ရန်ကုန်ကတော့ တစ်ယောက် စည်းကမ်းမဲ့က အနောက်မှာ အားလုံး တန်းစီ ပိတ်တာဖြစ်သည်။ ရန်ကုန်ယာဉ်ကြောပိတ်တာကို ဖြေရှင်းနည်းက မြို့ပတ်ရထားသာ အားကိုးရာ ရှိသည်။ မြို့ပတ်ရထားလမ်းတွေက နှစ်ပေါင်းများစွာ ဖောက်ထားသည့် လမ်းတွေ ဖြစ်ရာ မြို့ရွာဖွဲ့စည်းမှုအရ အချက်အခြာ နေရာကို တန်းမရောက်တာ၊ ဆိုက်ကားထပ်ပြီး စီးရတာမျိူး ၊ ရထားစီးပြီး ကားနှစ်မှတ်တိုင်ခန့် ထပ်ညပီးစီးရတာမျိူး ကြုံကြရပြန်တာရှိသည်။ ရထားခရီး အဆင်ပြေက ရန်ကုန်က မဆိုးလို့ ဆိုရမည်။ ဘန်ကောက်က မိုးပျံရထားကလည်း ယာဉ်ကြောပိတ်ဆို့တာကို ကောင်းကောင်း ဖြေရှင်းပေးနိုင်လေသည်။ သူကတော့ မြို့တွင်းနဲ့ မြို့ပြင် အထူးသဖြင့် အဓိက လေဆိပ်ကြီးဖြစ်သည့် သုဝဏဘူမိအပြည်ပြည်ဆိုင်ရာလေဆိပ်ကို သွားတာ အဆင်ပြေဆုံးဖြစ်သည်။ မြို့လည်ကနေ လေဆိပ်ကို အငှားယာဉ်၊ ဘတ်စ်ကားတို့ဖြင့်သွားက အချိန်အတော်ပေးရသည်။ ယာဉ်ကြောပိတ်မည့် အချိန်ကို ရှောင်ကာ စောစီးစွာ သွားကြရရာ အချိန်ကုန် လူပမ်း  ဖြစ်ကြရသည်။  ဘန်ကောက်က အမျိူးသမီးတယောက်ကို ညဖက် ဘယ်အချိန်လောက်မှာ ကားလမ်းရှင်းပြီလဲလို့ မေးစမ်းကြည့်ရာ ည(၁၀)နာရီဆို ရှင်းပါပြီ ဖြေလေသည်။ ရန်ကုန်က တော်သေးသည်။ ည (၆)နာရီ စွန်းစွန်းဆိုက အတော်အတန်ရှင်းပြီး ၇နာရီနှင့် (၈) နာရီခန့်ဆို ရှင်းသလောက်ရှိပြီဖြစ်သည်။

                 မိုးပျံရထား မစီးဖူး၍ အစ အဆုံး စီးကြည့်ရာ မြို့လည်ခေါင်ကနေ သုဝဏဘူမိ ခရီးဆုံး ဘူတာရောက်တဲ့အခါ ဟိုဟို

ဒီဒီ ကြည့်မိတော့မှ သုဝဏဘူမိလေဆိပ်ထဲ ရောက်နေမှန်းသိရတော့သည်။ အဆင်ပြေအောင် လုပ်ထားတော့လည်း အဆင်ပြေတာပဲလို့ တွေးမိလေသည်။ " ဘူတာရုံမှာ သင်္ဘောကြီးတွေ ဆိုက်လိမ့်မယ် မယုံမရှိနဲ့ အမှန်ပါပဲကွဲ့ " ဆိုတဲ့ အဆိုတော် ဂျင်မီဂျက်(ခ) လားရှိုးသိန်းအောင် သီချင်းကို သတိရမိလိုက်သေးသည်။ အခုကတော့ လေယာဉ်ကွင်းမှာ ရထားဆိုက်ခြင်းပေါ့၊

                ရန်ကုန်မြို့ လူဦးရေက (၂၀၁၄ခုနှစ်) သန်းကောင်စာရင်းအရ ဆိုက လူဦးရေ ( ၅.၂၁) သန်းရှိသည်ဆိုရာ ဘန်ကောက်မြို့ လူဦးရေ( ၈) သန်းနှင့် ယှဉ်သော် ရန်ကုန်က လူဦးရေ အချိူးအစား မျှတသည် ဆိုရပေမည်။ သို့သော် ရန်ကုန်မြို့ထက် ဘန်ကောက်ကတော့ အဆ  သုံးဆခန့် ပိုကျယ်တာဖြစ်သည်။ မြို့က ကျယ်ပြန်တော့လည်း တနေရာနှင့်တနေရာ သွားရတာဝေးလံလှသည်။ ခြုံကြည့်သော် ရန်ကုန်မြို့ကြီးက မဆိုးလှသေး၊ ယာဉ်ကြောပိတ်ဆို့မှုတွေကို ဖြေရှင်းနိုင်ဖို့ နည်းလမ်းတွေ များစွာ ရှိနေသေးသည်။ ရေဆိုးမြောင်းလို စွန့်ပစ်ရေထဲက ခရီးသွားစရာလည်းမလိုသည့်အပြင် ရန်ကုန်ရဲ့ မြို့ပြ မွမ်းကြပ်မှုက ဘန်ကောက်မြို့ရဲ့ မွမ်းကြပ်မှုကို ရန်ကုန်က အမီမလိုက်နိုင်သေးတာ ကြံကြံဖန်ဖန်တွေးပြီး ဝမ်းသာရသေးသည်။ ကိုယ့်တိုင်းပြည်နှင့် သူ့တိုင်းပြည် နှိုင်းယှဉ်ကြည့်တော့ သူတို့ဆီမှာ  ရထားတွေက မိုးပေါ်မှာ၊ လူတွေက အောက်မှာ ကပြောင်းကပြန်သွားလာတာ ထူးဆန်းရင်းက ကျောတွန့်မိသည်။ မြေကြီးပေါ်က ကားလမ်းတွေ ပိတ်ဆို့ကြပ်ညပ်နေသည့် အတွက် လူတွေ သွားလာဖို့ ဂုံးကျော်တံတားတွေ ထိုးထားရာ ခေတ်မီခမ်းနားလှသော်လည်း မြေကြီးနှင့်မထိပဲ သွားလာနေရသည့် မြေမထိ လူသားတွေ ဖြစ်နေပါလားလို့ တွေးမိသည်။

                     မြင်မြင်သမျှ ယှဉ်ကြည့်ရင်းက ရန်ကုန်ကို ဝန်ရံထားတဲ့ ရန်ကုန်မြစ်၊ ပန်းလှိုင်မြစ်၊ ပဲခူးမြစ် အစရှိသည့် သဘာဝက ပေးထားသည့် အရင်းအမြစ်တွေကို လမ်းပမ်းဆက်သွယ်ရေးအတွက် အသုံးပြုနိုင်ဖို့ အခွင့်အလမ်းတွေ ရှိနေသေးတာ တွေးမိသည်။ သဘာဝအတိုင်း လှပစွာ စီးဆင်းနေသည့် မြစ်အတွင်း သာယာလှပသော ရှုမျော်ခင်းတွေ လတ်ဆတ်သော လေကောင်းလေသန့်တွေ ရနိုင်သေးသည်။ ရန်ကုန်မြို့တမြိ့လုံးစွန့်ထုတ်

ထားသည့် ရေဆိုးမြောင်းတွေ ရေစီးရေလာကောင်းကောင်းဖြင့် ဖြောင့်ဖြောင့်တန်းတန်း စီးဝင်စရာ နေရာတွေ ရှိနေသေးသည်။ လမ်းခရီး ဘယ်လောက်ပင်ကြပ်ပါစေ၊ ကားလမ်းတွေ ဘယ်လောက်ပင် ပိတ်ပါစေ၊ ရေဆိုးမြောင်းထဲက ခရီးမနှင်ရသေးတာ ဟုတ်နေသေးသည်။ မွန်းကျပ်နေပေမယ့် ထွက်ပေါက်ရှိနေသေးသည်လို့ တွေးမိရင်း အသက်ရှုကြပ်ခဲ့ရသည့် ရေဆိုးမြောင်းခရီး အတွေ့အကြုံကနေ မြို့ရန်ကုန်အတွက် မျှော်လင့်ချက်တွေ  ရှိနေသေးပါလားလို့ တွေးနေမိလေတော့သည်၊

 ခိုင်ခိုင်စောလွင်