" စကားနဲနဲ အလုပ်များများ"
ဒီဓါတ်ပုံတွေ ပြန်မြင်လို့ ကိုယ်တိုင်က သတိရစရာ ပေါ်လာသလို ဖေ့စ်ဘွတ်မှာ ပြန်ရှယ်တော့ မိသားစုထဲက အငယ်ဆုံး မောင်လေးကလည်း သူ့ဖက်မှာ ကိစ္စတခု ပေါ်နေချိန် ဒီပုံတွေ့ပြီး တစုံတခုကို အမှတ်ရသလို ပြန်မေးလာလေသည်။ ဒါက ဒီစာရေးဖို့ အကြောင်း ဆက်ဖြစ်လာတာပဲ ဖြစ်လေသည်။
" ရေမီတာ ဆောင်ထားတဲ့ ဘောင်ချာစာရွက် ယူသေးလား" တဲ့
မဲထည့်ပြီး မကြာ ပြန်ဖို့ ပြင်ဆင်ကြရင်း ပိုင်ဆိုင်မှု ပြဖို့ အတွက် လျှပ်စစ်မီတာ၊ ရေမီတာ ပြဖို့ အမေ့အိမ်က ယူရသည်။
ယူတဲ့ အကြောင်းနဲ့ ယူတဲ့ လနှစ်လ နာမည် ရွတ်ပြတော့ သူက " ဒါဆို မဟုတ်သေးဖူး" ဆိုလေသည်။ အိမ်မှာ ရှာမတွေ့တာက ( ၂၀၁၆) ခုနှစ် တလပိုင်းနဲ့ နှစ်လပိုင်းက ဖြတ်ပိုင်း ပါတဲ့။ ဖြစ်ပုံက ရေမီတာကောက်တဲ့သူက အဲဒီနှစ်လစာ မပေးရဖူးသေးဆိုကာ အခု(၁၁)လပိုင်းမှာမှ လာကောက်သတဲ့။
တချိူ့အိမ်တွေက ဖြတ်ပိုင်းပြနိုင်လို့ မပေးရပါတဲ့၊ လာကောက်တဲ့သူက မပေးရသေး အပြောကို အိမ်ရှင်က ပေးပြီးသားဆိုကာ ဖြတ်ပိုင်းပြနိုင်တော့
" ဒါဆိုလည်း နေပစေ " လို့ ဆိုသတဲ့၊ အိမ်ကတော့ တလက ပြန်ရှာတွေ့ပြီး နောက်တလစာ စာရွက်က ရှာမတွေ့တာဆိုလေသည်။ တမင် ဂွင်ရှာမှန်းသိသိနှင့် အထောက်အထားမပြနိုင်လို့ ထပ်ပေးရမည့်သဘောမို့ သူလည်း ပေးပြီးသား ငြင်းလို့မရ ၊ ဒီလိုအချိန်မှာ ဓါတ်ပုံတွေ့တော့ သတိတရ ထိုကိစ္စကို မေးတာဖြစ်သည်။
ကိုယ်ကတော့ အတွေးတွေတပုံတပင်၊ နားမလည်နိုင်အောင် ဖြစ်ရသည်။ တလပိုင်းမှာ ရေမီတာ မဆောင်ပါက သတ်မှတ်ထားတဲ့ရက် ကျော်က ရေဖြတ်တာမဟုတ်ဖူးလား၊ ဝန်ထမ်းက ရေမီတာ ဆောင်ထားသလား မဆောင်ထားဖူးလား တအိမ်တက်ဆင်း လိုက်မေးရတဲ့ အလုပ်ကို အချိန်ကုန်ခံပြီး လုပ်နေကြတာလား၊ ငယ်ငယ်တုန်းက တော့ အခုလို ရေဖိုးမပေးရသေး၊ လျှပ်စစ်မီတာခသာ ပေးရသည်။ ရေက အစိုးရပေးတဲ့ ဂျိူးဖြူရေကို အလကား သုံးရသည်။ ဒါ့ကြောင့် မီတာခ ဆိုက လျှပ်စစ်မီး အသုံးပြုခလို့သာ သိကြသည်။ အခုကတော့ မီတာခဆိုလျှင် ရေမီတာ လျှပ်စစ်မီတာ ခွဲပြောရတော့သည်။ ထိုစဉ်က မီတာခ မကောက်ခင် ဝန်ထမ်းက မီတာဘောက်စ်ကို တအိမ်တက်ဆင်း လိုက်ဖတ်ကာ စာရွက်ပေးခဲ့သည်။ လစဉ် သတ်မှတ်ထားသည့် ရက်မတိုင်ခင် မီတာရုံးမှာ သွားဆောင်ရသည်။ အဆိုပါ ရက်ကျော်က မီးဖြတ်သည်။ ဒါလုပ်ထုံးလုပ်နည်း ရှိပြီးသားဖြစ်သည်။ ရေမီတာလည်း ထို့အတူ သတ်မှတ်ထားသည့် ရက် မဆောင်က ဖြတ်၊ ဒါဖြင့် မဖြတ်ပဲ နေလို့လား၊ ကျသင့်ငွေ မပေးလည်း မဖြတ် ဆိုက လုပ်ထုံးလုပ်နည်းကို ဝန်ထမ်းက မလိုက်နာတာလား၊ ဥပဒေကို လိုတိုးပိုလျှော့ လုပ်နေကြသလို ဖြစ်နေသည်။
တိုးတက်သည့် အနောက်နိုင်ငံတွေကို ခဏ ထားလိုက်၊ ထိုင်းလို နိုင်ငံမှာပင် ဒီလို ပြည်သူတွေရဲ့ လူမှုဘဝ ဝန်ဆောင်မှုတွေအတွက် လုပ်ထုံးလူနည်းတွေက ဥပဒေနှင့်အညီ တိတိကျကျ သတ်မှတ်ထားပြီးဖြစ်သည်။ ပြည်သူအားလုံး ဆင်းရဲ ချမ်းသာ တပြေးညီ ကိုယ်သုံးတာ ကိုယ်ပေးရမည်၊ မပေးက ဆက်လက်သုံးစွဲဖို့ ခွင့်မပြုတော့ပေ၊ မပေးတာ နောက်ကျလို့ ဖြစ်စေ၊ မေ့နေလို့ ဖြစ်စေ အကြောင်းတစုံတရာရှိပါက သက်ဆိုင်ရာ ဌာနနှင့် ဆက်သွယ်ကာ ပေးစရာရှိတာ ပေးသွင်းပြီးပါမှ မူလအတိုင်း ပြန်ရမည်။ ဒါသည် တိကျသော လုပ်ထုံးလုပ်နည်း ဖြစ်သည်။ စကားများများ မပြောရ၊ အချင်းချင်း မငြင်းရ၊ ရန်ဖြစ်စရာလည်းမလို၊
အဆိုပါ ရေခ၊ မီးခ အပြင် အင်တာနက်ဖိုးတွေ အားလုံးကို ရပ်ကွက်တိုင်း လမ်းတိုင်းမှာ ရှိတဲ့ ဆဲဗင်းအလင်းဗင်း( 7-11) လို ၊ စတိုးဆိုင်အသေးလေးတွေကနေ ၊ ဈေးဝယ်စင်တာတွေ ဖြစ်တဲ့ တက်စ်ကို လိုတပ်စ်( Tessco Lotus) လို နေရာတွေမှာ ပေးသွင်းလို့ရသည်။ ဝန်ဆောင်ခ (၁၀)ဘတ် ပေးရသည်။ တချိူ့ကတော့ (၇)ဘတ်သာယူသည်။ လဆန်းရက်မှာ အိမ်အတွက် တလတာ လိုအပ်တဲ့ အသုံးအဆောင်ပစ္စည်းတွေ ဝယ်ရင်း အိမ်အတွက် ပေးစရာရှိတာတွေ တနေရာထဲမှာ ပေးသွားလို့ရလေသည်။ ဒါမှမဟုတ် ဆိုင်ရာဌာနမှာ သွားရောက်ပေးသွင်းလို့လည်းရလေသည်
အစိုးရ အနေနဲ့လည်း အခွန်အခ တခါထဲ ရပြီးသားဖြစ်သည်။ မီတာခ၊ ရေခ၊ အင်တာနက်သုံးစွဲခတွေအတွက် အခွန်က (၇)ရာခိုင်နှုန်း ကောက်ယူရာ ကျသင့်ငွေမှာ တခါထဲ ပေါင်းပြီးသားဖြစ်သည်။ သုံးစွဲသည့် ယူနစ်အလိုက် မီတာခ ဘတ်(၁၀၀၀) ကျပါက သွင်းရမည့် ငွေပမာဏမှာ (၁၀၇၀) ဘတ်ဖြစ်သည်။ အစိုးရလည်း အခွန်အခ အပြည့်ရသလို သုံးစွဲသည့် ပြည်သူကလည်း ယူနစ်များလေ ကုန်ကျငွေများလေ၊ ကုန်ကျငွေပေါ် ကောက်သည့် အခွန်အခလည်း လိုက်တက်လေရာ ချွေတာ သုံးသည့် အကျင့်ဖြစ်လာလေသည်။ တချိူ့ ထိုင်းလူမျိူးတွေဆိုက တအိမ်လုံးမှာ လူရှိနေသည့် နေရာမှာပဲ မီးတပွင့်သာ ထွန်းပြီးနေလေသည်။ အကြောင်းမဲ့ မီးဖွင့်ထားတာ၊ ရေပိုက်ကရေတွေ သွန်ကျနေတာ မဖြစ်အောင် ဂရုစိုက်ကြသည်။
ရန်ကုန်မှာနေတုန်း ဆိုင်တဆိုင်ကို ခေတ္တရောက်စဉ် စည်ပင်က အခွန်လာကောက်တာနှင့် ကြုံတာ သတိရသည်။ စည်ပင်ဝန်ထမ်းကိုယ်တိုင် အိမ်တိုင်ရာရောက် အခွန်ကောက်သည်။ လုပ်ငန်းခွန် ဆောင်ပြီးသား ဆိုလိုက်တော့ အမှိုက်ခွန် ကောက်တာပါတဲ့၊ စက်ချူပ်တာ နဲနဲပါးပါးပဲ လုပ်ငန်းကြီး မဟုတ်ပါ ဆိုတော့ ပေးရမည်တဲ့၊ ဘယ်လောက်လဲဆိုတော့ ငါးရာကျပ်ပါတဲ့ ၊ ပေးရမည့် သူက များတယ် ၊ ရုံးမှာလာဆောင်မယ်ဆိုတော့ (၃၀၀)ကျပ်သာ ပေးပါတဲ့၊ စိတ်ထဲကနေ ဘယ့်နဲ့ အခွန်စည်းကျပ်တယ်ဆိုတာ ဒီလို အတိုးအလျှော့လုပ်လို့ရသလား တွေးတောနေတုန်း ဆိုင်ရှင်က ရုံးကိုပဲ လာပေးမယ် ပြောတာ မကျေမနပ် ပွစိပွစိ ရေရွတ်ကာ ထွက်သွားလေသည်။ ဒီမြင်ကွင်းကို ကြည့်ပြီး အဆိုပါ ဝန်ထမ်းနေရာမှာ ကိုယ်သာဆို ဥပဒေ လုပ်ထုံးလုပ်နည်း မှန်ရင် ဘာဖြစ်လို့ ပြန်ထွက်သွားရမလဲ ၊ ရအောင်တောင်းရမယ်လို့ တွေးမိသည်။ လူတယောက်မှာ သူ့ဂုဏ်နဲ့ သူသိက္ခာဆိုတာ ရှိသည်။ ဒီဝန်ထမ်းကိုကြည့်ကာ မှန်ရက်သားနဲ့ ပြန်မပြောတာလား ၊ မဟုတ်မမှန်လုပ်တဲ့အတွက် ပြန်မပြောတာလား သူ့အစား စိတ်မကောင်းဖြစ်မိလေသည်။ ထို အသိဆိုင်က ရုံးကို အခွန် သွားပေးတယ် ပြောသံမကြားရပါ။
လုပ်ထုံးလုပ်နည်းမမှန်၊ မမှန်ပဲ ပြည်သူတွေနဲ့ မလိုအပ်တဲ့ စကားတွေပြော၊ ရန်ဖြစ်၊ စကားများ ၊ ရှေ့မရောက် ဒီလို အဖြစ်တွေက ရုန်းထွက်ဖို့ နိုင်ငံသူနိုင်ငံသားတိုင်း မဲထည့်ခဲ့ရုံနှင့်မပြီး သေး၊ စကားနဲနဲပြော အလုပ်များများလုပ်ကာ ကိုယ်တိုင် တဦးချင်းမှသည် အဖွဲ့လိုက်၊ ဌာနဆိုင်ရာအလိုက် အားလုံးပြုပြင် ပြောင်းလဲကြဖို့ လိုနေပါသေးသည်လို့ ဆိုချင်ပါသည်။
ဒီဓါတ်ပုံတွေ ပြန်မြင်လို့ ကိုယ်တိုင်က သတိရစရာ ပေါ်လာသလို ဖေ့စ်ဘွတ်မှာ ပြန်ရှယ်တော့ မိသားစုထဲက အငယ်ဆုံး မောင်လေးကလည်း သူ့ဖက်မှာ ကိစ္စတခု ပေါ်နေချိန် ဒီပုံတွေ့ပြီး တစုံတခုကို အမှတ်ရသလို ပြန်မေးလာလေသည်။ ဒါက ဒီစာရေးဖို့ အကြောင်း ဆက်ဖြစ်လာတာပဲ ဖြစ်လေသည်။
" ရေမီတာ ဆောင်ထားတဲ့ ဘောင်ချာစာရွက် ယူသေးလား" တဲ့
မဲထည့်ပြီး မကြာ ပြန်ဖို့ ပြင်ဆင်ကြရင်း ပိုင်ဆိုင်မှု ပြဖို့ အတွက် လျှပ်စစ်မီတာ၊ ရေမီတာ ပြဖို့ အမေ့အိမ်က ယူရသည်။
ယူတဲ့ အကြောင်းနဲ့ ယူတဲ့ လနှစ်လ နာမည် ရွတ်ပြတော့ သူက " ဒါဆို မဟုတ်သေးဖူး" ဆိုလေသည်။ အိမ်မှာ ရှာမတွေ့တာက ( ၂၀၁၆) ခုနှစ် တလပိုင်းနဲ့ နှစ်လပိုင်းက ဖြတ်ပိုင်း ပါတဲ့။ ဖြစ်ပုံက ရေမီတာကောက်တဲ့သူက အဲဒီနှစ်လစာ မပေးရဖူးသေးဆိုကာ အခု(၁၁)လပိုင်းမှာမှ လာကောက်သတဲ့။
တချိူ့အိမ်တွေက ဖြတ်ပိုင်းပြနိုင်လို့ မပေးရပါတဲ့၊ လာကောက်တဲ့သူက မပေးရသေး အပြောကို အိမ်ရှင်က ပေးပြီးသားဆိုကာ ဖြတ်ပိုင်းပြနိုင်တော့
" ဒါဆိုလည်း နေပစေ " လို့ ဆိုသတဲ့၊ အိမ်ကတော့ တလက ပြန်ရှာတွေ့ပြီး နောက်တလစာ စာရွက်က ရှာမတွေ့တာဆိုလေသည်။ တမင် ဂွင်ရှာမှန်းသိသိနှင့် အထောက်အထားမပြနိုင်လို့ ထပ်ပေးရမည့်သဘောမို့ သူလည်း ပေးပြီးသား ငြင်းလို့မရ ၊ ဒီလိုအချိန်မှာ ဓါတ်ပုံတွေ့တော့ သတိတရ ထိုကိစ္စကို မေးတာဖြစ်သည်။
ကိုယ်ကတော့ အတွေးတွေတပုံတပင်၊ နားမလည်နိုင်အောင် ဖြစ်ရသည်။ တလပိုင်းမှာ ရေမီတာ မဆောင်ပါက သတ်မှတ်ထားတဲ့ရက် ကျော်က ရေဖြတ်တာမဟုတ်ဖူးလား၊ ဝန်ထမ်းက ရေမီတာ ဆောင်ထားသလား မဆောင်ထားဖူးလား တအိမ်တက်ဆင်း လိုက်မေးရတဲ့ အလုပ်ကို အချိန်ကုန်ခံပြီး လုပ်နေကြတာလား၊ ငယ်ငယ်တုန်းက တော့ အခုလို ရေဖိုးမပေးရသေး၊ လျှပ်စစ်မီတာခသာ ပေးရသည်။ ရေက အစိုးရပေးတဲ့ ဂျိူးဖြူရေကို အလကား သုံးရသည်။ ဒါ့ကြောင့် မီတာခ ဆိုက လျှပ်စစ်မီး အသုံးပြုခလို့သာ သိကြသည်။ အခုကတော့ မီတာခဆိုလျှင် ရေမီတာ လျှပ်စစ်မီတာ ခွဲပြောရတော့သည်။ ထိုစဉ်က မီတာခ မကောက်ခင် ဝန်ထမ်းက မီတာဘောက်စ်ကို တအိမ်တက်ဆင်း လိုက်ဖတ်ကာ စာရွက်ပေးခဲ့သည်။ လစဉ် သတ်မှတ်ထားသည့် ရက်မတိုင်ခင် မီတာရုံးမှာ သွားဆောင်ရသည်။ အဆိုပါ ရက်ကျော်က မီးဖြတ်သည်။ ဒါလုပ်ထုံးလုပ်နည်း ရှိပြီးသားဖြစ်သည်။ ရေမီတာလည်း ထို့အတူ သတ်မှတ်ထားသည့် ရက် မဆောင်က ဖြတ်၊ ဒါဖြင့် မဖြတ်ပဲ နေလို့လား၊ ကျသင့်ငွေ မပေးလည်း မဖြတ် ဆိုက လုပ်ထုံးလုပ်နည်းကို ဝန်ထမ်းက မလိုက်နာတာလား၊ ဥပဒေကို လိုတိုးပိုလျှော့ လုပ်နေကြသလို ဖြစ်နေသည်။
တိုးတက်သည့် အနောက်နိုင်ငံတွေကို ခဏ ထားလိုက်၊ ထိုင်းလို နိုင်ငံမှာပင် ဒီလို ပြည်သူတွေရဲ့ လူမှုဘဝ ဝန်ဆောင်မှုတွေအတွက် လုပ်ထုံးလူနည်းတွေက ဥပဒေနှင့်အညီ တိတိကျကျ သတ်မှတ်ထားပြီးဖြစ်သည်။ ပြည်သူအားလုံး ဆင်းရဲ ချမ်းသာ တပြေးညီ ကိုယ်သုံးတာ ကိုယ်ပေးရမည်၊ မပေးက ဆက်လက်သုံးစွဲဖို့ ခွင့်မပြုတော့ပေ၊ မပေးတာ နောက်ကျလို့ ဖြစ်စေ၊ မေ့နေလို့ ဖြစ်စေ အကြောင်းတစုံတရာရှိပါက သက်ဆိုင်ရာ ဌာနနှင့် ဆက်သွယ်ကာ ပေးစရာရှိတာ ပေးသွင်းပြီးပါမှ မူလအတိုင်း ပြန်ရမည်။ ဒါသည် တိကျသော လုပ်ထုံးလုပ်နည်း ဖြစ်သည်။ စကားများများ မပြောရ၊ အချင်းချင်း မငြင်းရ၊ ရန်ဖြစ်စရာလည်းမလို၊
အဆိုပါ ရေခ၊ မီးခ အပြင် အင်တာနက်ဖိုးတွေ အားလုံးကို ရပ်ကွက်တိုင်း လမ်းတိုင်းမှာ ရှိတဲ့ ဆဲဗင်းအလင်းဗင်း( 7-11) လို ၊ စတိုးဆိုင်အသေးလေးတွေကနေ ၊ ဈေးဝယ်စင်တာတွေ ဖြစ်တဲ့ တက်စ်ကို လိုတပ်စ်( Tessco Lotus) လို နေရာတွေမှာ ပေးသွင်းလို့ရသည်။ ဝန်ဆောင်ခ (၁၀)ဘတ် ပေးရသည်။ တချိူ့ကတော့ (၇)ဘတ်သာယူသည်။ လဆန်းရက်မှာ အိမ်အတွက် တလတာ လိုအပ်တဲ့ အသုံးအဆောင်ပစ္စည်းတွေ ဝယ်ရင်း အိမ်အတွက် ပေးစရာရှိတာတွေ တနေရာထဲမှာ ပေးသွားလို့ရလေသည်။ ဒါမှမဟုတ် ဆိုင်ရာဌာနမှာ သွားရောက်ပေးသွင်းလို့လည်းရလေသည်
အစိုးရ အနေနဲ့လည်း အခွန်အခ တခါထဲ ရပြီးသားဖြစ်သည်။ မီတာခ၊ ရေခ၊ အင်တာနက်သုံးစွဲခတွေအတွက် အခွန်က (၇)ရာခိုင်နှုန်း ကောက်ယူရာ ကျသင့်ငွေမှာ တခါထဲ ပေါင်းပြီးသားဖြစ်သည်။ သုံးစွဲသည့် ယူနစ်အလိုက် မီတာခ ဘတ်(၁၀၀၀) ကျပါက သွင်းရမည့် ငွေပမာဏမှာ (၁၀၇၀) ဘတ်ဖြစ်သည်။ အစိုးရလည်း အခွန်အခ အပြည့်ရသလို သုံးစွဲသည့် ပြည်သူကလည်း ယူနစ်များလေ ကုန်ကျငွေများလေ၊ ကုန်ကျငွေပေါ် ကောက်သည့် အခွန်အခလည်း လိုက်တက်လေရာ ချွေတာ သုံးသည့် အကျင့်ဖြစ်လာလေသည်။ တချိူ့ ထိုင်းလူမျိူးတွေဆိုက တအိမ်လုံးမှာ လူရှိနေသည့် နေရာမှာပဲ မီးတပွင့်သာ ထွန်းပြီးနေလေသည်။ အကြောင်းမဲ့ မီးဖွင့်ထားတာ၊ ရေပိုက်ကရေတွေ သွန်ကျနေတာ မဖြစ်အောင် ဂရုစိုက်ကြသည်။
ရန်ကုန်မှာနေတုန်း ဆိုင်တဆိုင်ကို ခေတ္တရောက်စဉ် စည်ပင်က အခွန်လာကောက်တာနှင့် ကြုံတာ သတိရသည်။ စည်ပင်ဝန်ထမ်းကိုယ်တိုင် အိမ်တိုင်ရာရောက် အခွန်ကောက်သည်။ လုပ်ငန်းခွန် ဆောင်ပြီးသား ဆိုလိုက်တော့ အမှိုက်ခွန် ကောက်တာပါတဲ့၊ စက်ချူပ်တာ နဲနဲပါးပါးပဲ လုပ်ငန်းကြီး မဟုတ်ပါ ဆိုတော့ ပေးရမည်တဲ့၊ ဘယ်လောက်လဲဆိုတော့ ငါးရာကျပ်ပါတဲ့ ၊ ပေးရမည့် သူက များတယ် ၊ ရုံးမှာလာဆောင်မယ်ဆိုတော့ (၃၀၀)ကျပ်သာ ပေးပါတဲ့၊ စိတ်ထဲကနေ ဘယ့်နဲ့ အခွန်စည်းကျပ်တယ်ဆိုတာ ဒီလို အတိုးအလျှော့လုပ်လို့ရသလား တွေးတောနေတုန်း ဆိုင်ရှင်က ရုံးကိုပဲ လာပေးမယ် ပြောတာ မကျေမနပ် ပွစိပွစိ ရေရွတ်ကာ ထွက်သွားလေသည်။ ဒီမြင်ကွင်းကို ကြည့်ပြီး အဆိုပါ ဝန်ထမ်းနေရာမှာ ကိုယ်သာဆို ဥပဒေ လုပ်ထုံးလုပ်နည်း မှန်ရင် ဘာဖြစ်လို့ ပြန်ထွက်သွားရမလဲ ၊ ရအောင်တောင်းရမယ်လို့ တွေးမိသည်။ လူတယောက်မှာ သူ့ဂုဏ်နဲ့ သူသိက္ခာဆိုတာ ရှိသည်။ ဒီဝန်ထမ်းကိုကြည့်ကာ မှန်ရက်သားနဲ့ ပြန်မပြောတာလား ၊ မဟုတ်မမှန်လုပ်တဲ့အတွက် ပြန်မပြောတာလား သူ့အစား စိတ်မကောင်းဖြစ်မိလေသည်။ ထို အသိဆိုင်က ရုံးကို အခွန် သွားပေးတယ် ပြောသံမကြားရပါ။
လုပ်ငန်းကြီးက ကြီးသလို အခွန်အခပို ပေးရမှာ ဓမ္မတာပင်။ မပေးက
လုပ်ငန်းလုပ်ခွင့်ရပ်၊ လျှပ်စစ်သုံးစွဲတာ၊ ရေသုံးစွဲတာ၊ အခြား
တိုင်းပြည်ရဲ့ အရင်းအမြစ်ကို ရယူသုံးစွဲတာမှာ မိမိအမှန်တကယ်
သုံးစွဲလိုက်တဲ့အတိုင်း ကျသင့်ငွေ ပေးဖို့ တာဝန်ရှိသူတွေကိုယ်တိုင်က
စနစ်တကျ ကောက်ခံ ဖို့ လိုသည်။ နည်းပညာတွေ မတိုးတက်တာချည်း လက်ညှိုးထိုးနေ၍
မပြီးပါ၊ လွန်ခဲ့သည့် အနှစ်(၄၀)ခန့်က မိတာခမပေးက မီးဖြတ်သည့် စနစ်
ရှိပြီးဖြစ်သည်။ ရေမီတာ မပေးက ရေဖြတ်၊ ဒါ လုပ်သင့်သော အလုပ်ဖြစ်သည်။
ပြည်သူက အခွန်ဆောင်ရမည့် တာဝန် ရှိသလို အစိုးရဝန်ထမ်းတွေက အခွန်ကို
တိတိကျကျ ရအောင် လုပ်ထုံးလုပ်နည်း မှန်မှန်ကန်ကန် လုပ်ဖို့ လိုနေတာ
သိသာထင်ရှားနေလေသည်။
လုပ်ထုံးလုပ်နည်း ဥပဒေ
တိတိကျကျ ရှိက ထိုအတိုင်းအားလုံး လိုက်နာသော် အခုလို စကားတွေ
ရှည်ရှည်ဝေးဝေး ပြောနေဖို့လည်း မလို၊ ပေးစရာရှိတာ တိတိကျကျပေး၊ မပေးက
လိုအပ်သလို အရေးယူ၊ အလုပ်များများလုပ်၊ စကားနည်းနည်းပြော အလုပ်တွင်မည်သာ။
ရှေးလူကြီးတွေ ဆုံးမလေ့ရှိသည့် စကားတခွန်းရှိသည်။ " စကားနဲရန်စဲ" လုပ်ထုံးလုပ်နည်းမမှန်၊ မမှန်ပဲ ပြည်သူတွေနဲ့ မလိုအပ်တဲ့ စကားတွေပြော၊ ရန်ဖြစ်၊ စကားများ ၊ ရှေ့မရောက် ဒီလို အဖြစ်တွေက ရုန်းထွက်ဖို့ နိုင်ငံသူနိုင်ငံသားတိုင်း မဲထည့်ခဲ့ရုံနှင့်မပြီး သေး၊ စကားနဲနဲပြော အလုပ်များများလုပ်ကာ ကိုယ်တိုင် တဦးချင်းမှသည် အဖွဲ့လိုက်၊ ဌာနဆိုင်ရာအလိုက် အားလုံးပြုပြင် ပြောင်းလဲကြဖို့ လိုနေပါသေးသည်လို့ ဆိုချင်ပါသည်။
ခိုင်ခိုင်စောလွင်
No comments:
Post a Comment