" မှတပါး အခြားမရှိ"၃ရက် ဇူလိုင် ၂၀၁၇ခုနှစ် ဒီလှိုင်းစာစောင် အတွဲ(၆) အမှတ်(၂၅)

ကျောက်စရစ်တောမာခေါင်ခေါင်မှာ အတောင်ကျွတ်သော ကြိုးကြာ ရေရှာမရသကဲ့သို့ ဆိုတဲ့ ဆရာမောင်သာရရဲ့ ဝတ္ထုခေါင်းစဉ်တခု ကို အခုတလောမှာ မျက်စေ့ထဲ မြင်ယောင်နေရသည်။ ခက်ခဲပင်ပန်းစွာ အလုပ်လုပ်နေရသည့် မြန်မာရွှေ့ပြောင်းအလုပ်သမားတွေ တထိတ်ထိတ်နဲ့ နေထိုင်နေရပြီး မြန်မာအစိုးရဖက် တာဝန်ရှိသူတွေကပါ " နေရပ်ကိုသာ ပြန်ကြပါ" ဆိုတဲ့ ထုတ်ပြန်စာတွေ ဖတ်ပြီး မွန်းကြပ်သည့်စိတ်ကို အလုပ်သမားတွေနေရာကနေ ခံစားနေမိရသည်။ ထိုင်းနိုင်ငံမှာ မြန်မာရွှေ့ပြောင်းအလုပ်သမား (၄)သန်းခန့် ရှိတာမှာ တရားမဝင်ဝင်ရောက်လာပြီး အထောက်အထားမရှိပဲ လုပ်ကိုင်နေသူ တသန်းခန့်ရှိလေသည်။ အဆိုပါ တသန်းခန့်မှာ ကိုယ့်မြေကနေ ပျော်လွန်းလှ၍ ထွက်လာကြသူ တယောက်မှမပါ၊ အတောင်ကျွတ်တဲ့ ကြိုးကြာတွေချည့်သာ၊
အလုပ်အကိုင်အခွင့်အလမ်း မရှိတဲ့ အပြင် ရပ်ရွာအေးချမ်းမှုမရှိ စိုးတထိတ်ထိတ် နေရသည့် ဘဝတွေကနေ အသက်ရှင်နေနိုင်ဖို့ တခုတည်းသော ထွက်ပေါက်အဖြစ် သူများနိုင်ငံဆီ အရဲစွန့် သွားရောက် လုပ်ကိုင်ကြသည်။ ထိုင်းအစိုးရရဲ့ ရွှေ့ပြောင်းအလုပ်သမားတွေအပေါ် ထုတ်ပြန်သည့် စည်းကမ်းချက် ၊ ဥပဒေ စတာတွေရှိသည်။ အစိုးရအချင်းချင်း အပြန်အလှန် သဘောတူချက်တွေမှာ တဖက်က အလုပ်လုပ်တာ တုန့့် နှေးတုန့်နှေး ဖြစ်နေက အခြားတဖက်က လိုက်ပါလုပ်ဆောင်ရတာ မလွယ်ပြန်၊ အကျိူးဆက်က အလုပ်သမားတွေအပေါ် ကျရောက်လေသည်။
ယာယီနေထိုင်ခွင့်နှင့် အလုပ်လုပ်ခွင့်ပေးထားသည့် ပန်းရောင်ကဒ်၊ ယခင်က ထုတ်ပေးထားသည့် ခရမ်းရောင် ယာယီနိုင်ကူးလက်မှတ်၊ စတာတွေကို သတ်မှတ်ပေးထားသည့် ကာလအတွင်း ဖျက်သိမ်းကာ ပတ်စ်ပို့ နိုင်ငံကူးလက်မှတ် ပြန်လုပ်ကြဖို့ လွန်ခဲ့သည့် (၃)နှစ်ကတည်းက ထိုင်းအစိုးရက အသိပေးထားပြီးဖြစ်သည်။ ပထမဆုံး ထုတ်ပေးသည့် ပန်းရောင်ကဒ်တွေ သက်တမ်းကုန်သည့်တိုင် မြန်မာအစိုးရက နိုင်ငံကူးလက်မှတ်တွေ ထုတ်ပေးဖို့ ကြန့်ကြာနေသည့်အခါ ထိုင်းအစိုးရက ဒုတိယအကြိမ် သက်တမ်း ထပ်မံတိုးပေးပြီး ယခုအချိန်ထိ အသိအမှတ်ပြုပေးထားသည်။ သို့သော် ခရမ်းရောင်စာအုပ်တွေကိုတော့ သက်တမ်းကုန်သည့်အခါ ထပ်မံအသုံးပြုခွင့်မပေးတော့ပဲ နိုင်ကူးလက်မှတ်အနီရောင်စာအုပ် လုပ်ကာ MOU ဖြင့် ပြန်လာဖို့ ၊ အကယ်၍ မလုပ်နိုင်သေးပါက ပန်းရောင်ကဒ် ပြောင်းလဲ လုပ်ထားပြီး တရားဝင် နေထိုင် လုပ်ကိုင်ဖို့ နည်းလမ်းမျိူးစုံ ဖြေရှင်းပေးပြန်သည်။
ပြီးခဲ့သည့် ဧပြီလ သင်္ကြန်အလုပ်ပိတ်ရက် အတွင်း မြန်မာပြည်က မိသားစုထံ ပြန်လည်ကြသည့်သူတွေထဲက အချိူ့မှာ ဗီဇာ ရုတ်သိမ်းခံရတာတွေ ရှိသလို စစ်ဆေး မေးမြန်းခံရတာတွေ ရှိသည်။ အကြောင်းက ယာယီနိုင်ကူးလက်မှတ် ခရမ်းရောင်စာအုပ်ကို အသိအမှတ်မပြုတော့ဟု ထိုင်း အစိုးရက တရားဝင်ကြေညာပြီးကာမှ မြန်မာအစိုးရဘက်က နိုင်ငံကူးလက်မှတ်အနီရောင် ထုတ်ပေးဖို့ အချိန်မမီသေး၍ ဆိုကာ ခရမ်းရောင်စာအုပ်မှာ သက်တမ်း ရှိသေးက ရှိသလောက် လုပ်ကိုင်ခွင့် ဆက်ပေးမည်လို့ ကြေညာပြီး ဆက်လက် အသိအမှတ်ပြုထားသည်။ ဒါကို တချိူ့ အလုပ်သမားတွေက သတင်းအချက်အလက် ဂဃနဏ မသိရှိပဲ အလုပ်လုပ်ခွင့် ဗီဇာ ကုန်နေပြီး ပတ်စ်ပို့ သက်တမ်းရှိတာကို ဆက်လက်နေထိုင်ပြီး အပြန်မှာ ပိတ်ခံရတာဖြစ်သည်။ အပိတ်ခံရသူမှာ နှစ်အကန့်အသတ်လိုက် ထိုင်းနိုင်ငံကို လာရောက်အလုပ်လုပ်ခွင့်မရှိတော့ပဲ နစ်နာမှုတွေ ဖြစ်ကြရသည်။
အသိတယောက်ကတော့ လေယာဉ်ဖြင့်ပြန်ရာ လေဆိပ် လဝက ကနေ သီးသန့် စစ်မေးတာ ခံရပြီး စာအုပ်မှာ မှတ်ချက်ရေးတာခံရပြီးမှ လေဆိပ်ကနေ ထွက်ခွင့်ရသည်။ မှတ်ချက်က နိုင်ငံခြားသားရွှေ့ပြောင်း အလုပ်သမားကို ငှားရမ်းခွင့်မှာ (၄)နှစ်သာလို့ ရေးပေးလိုက်သည်။ အဆိုပါ အမျိူးသမီးလေးမှာ စိုးတထိတ်ထိတ်ဖြင့် ထိုင်းကို ပြန်ခွင့်ရပါ့မလား ဖြစ်ရင်း ဟိုမေးဒီမေးဖြင့် နားရက်စေ့ပြီး မြန်မာပြည်က ပြန်လာခဲ့သည်။ သူ့မှာ မိသားစုနှင့်တွေ့ရသော်လည်း အပြန်ခရီး အဆင်ပြေပါ့မလား အမြဲ စိုးထိတ်နေရသည်တဲ့၊
ထိုင်းနိုင်ငံ လေဆိပ်ကို ရောက်တဲ့အခါ လဝက အမျိူးသမီးက သူ့ကို လူအများကြားကနေ ခေတ္တဘေးမှာ ခဏ ရပ်ခိုင်းထားပြီး အခြား လဝက လူကြီးတယောက်ကို ခေါ် သူ့စာအုပ်ကို ပြကာ ဝင်ခွင့်ပေးလို့ ရမရ အတည်ပြုသည်တဲ့၊ အဆိုပါ ရာထူးတဆင့်မြင့်ပုံရသည့် လဝက အရာရှိက " သူ့မှာ ဗီဇာရော ဝပ်ပါမစ်ရော သက်တမ်း ရှိနေတဲ့ အတွက် ပေးလို့ ရပါတယ်လို့ ဆိုမှ ထိုင်းအဝင်တုံးကို ဒုံးကနဲထုပေးမှ အလုံးကြီးကျရသတဲ့၊ အလုပ်သမားတွေနဲ့ ပတ်သက်ပြီး ဥပဒေတွေ ထုတ်ပြန်ထားပေမယ့် အစိုးရအချင်းချင်း ဆက်သွယ်ဆောင်ရွက်ရတာတွေကြောင့် အပြောင်းအလဲတွေ မကြာခဏ ရှိတတ်ရာ တာဝန်ရှိသူတွေပင် ဇဝေဇဝါ ဖြစ်ရရာ အလုပ်သမားတွေအဖို့ ဆိုဖွယ်မရှိ။
ထိုကဲ့သို့သော အထောက်အထား အပြောင်းအလဲတွေမှာ အလုပ်သမားတွေအဖို့ ငွေကုန်ကြေးကြ များလှသည်။ အချိူ့မှာ ထပ်မံမလုပ်နိုင်တဲ့အတွက် အထောက်အထားမဲ့တွေ ဖြစ်ကုန်တာလည်း ရှိသည်။ တကယ်တန်း အကျိူးဖြစ်သွားတာက ကြားကပွဲစားတွေ အေးဂျင့်တွေ ဖြစ်သည်။ ပန်းရောင်ကဒ်လုပ်ပါက အလုပ်ရှင်က စိုက်ပေးပြီး လစာထဲက ပြန်ဖြတ်တာမျိူး ရှိသလို အချိူ့က မိမိဖာသာ စိုက်ထုတ် လုပ်ကြရသည်။ အလုပ်သမားတွေခမျာ နှစ်စဉ် ဗီဇာကြေး ဝပ်ပါမစ်ကြေး တို့ဖြင့် လုံးလည် ချာလည် လိုက်နေရသည်။ ဒီလို လုပ်ပြီးပြန်လို့ အထောက်အထား ရှိပြီဖြစ်လို့ စိတ်ချနေ၍ မရ၊ အေးဂျင့်တို့ လုပ်ပေးတာကသူဌေးတယောက်က နာမည်ခံကာ အလုပ်အကိုင်ကလည်း သူတို့ ရေးပေးတဲ့ အတိုင်း ဆိုတော့ အမှန်တကယ် အလုပ်လုပ်နေတဲ့ သူဌေး၊ နေရာ၊ အလုပ်အကိုင်တွေ လွဲနေတာတွေချည်း ဖြစ်ကုန်သည်။
ယခု ထုတ်ပြန်လိုက်သည့် ထိုင်းအစိုးရ အလုပ်သမားဝန်ကြီးဌာနက ယခင်က ထုတ်ပြန်သည့် စည်းကမ်းချက်တွေနှင့် အတူတူပေမယ့် ပြစ်ဒဏ်ကတော့ များလွန်းလှသည်။ အလုပ်ရှင်ကိုပါ ဒဏ်ငွေ ရိုက်မည်လို့ သတ်မှတ်ထားရာ ယခုလို ဒဏ်ငွေ ကို အလုပ်ရှင်လည်း ပေးဖို့မလွယ်၊ အထောက်အထားရှိပါသောလည်း အလုပ်ရှင်နာမည် လွဲနေတာ၊ အလုပ်နေရာလွဲနေတာ၊ စတာတွေ ဒဏ်ငွေရိုက်မှာ ဖြစ်ရာ ကြီးလေးသည့် ဒဏ်ငွေကြောင့် အလုပ်သမားတွေမှာ အာမခံချက် မရှိ၊ အိမ်ပြန်ဖို့ စဉ်းစားရပြီ၊ အိမ် ဘယ်မှာလဲ ဘယ်ကို ပြန်မလဲ ဘယ်မှာနေမလဲ သူတို့အတွက်မေးခွန်း၊ ရွာလုံးကျွတ် မရှိတော့သည့် သူတွေ၊ ရွာပင် ဘယ်ရောက်သွားမှန်းမသိ လို့ ရွာနေရာပင် မရှိသည့်သူတွေ ဘယ်ကို ပြန်ကြမည်နည်း၊ ရွာမှာ မိဘဆွေမျိူး ရှိသေး၍ ပြန်တော့မည် ဆိုသူတွေလည်း ဒီမိဘဆွေမျိူးတွေကိုပင် အလုပ်လုပ်ပြီး ထောက်ပံ့နေရရာ ရွာပြန် ဘာလုပ်စားကြမည်နည်း၊ ပြေးစရာမြေမရှိ နေလို့လည်းမရ ဘေးကျပ်နံကျပ် စိတ်ဖိစီးမှုတွေဖြင့် ဘယ်သူ့အားကိုးရပါ့ အာကိုးရာ နတ္ထိ၊
လူငယ်လေးတယောက် " အိမ်ပြန်တော့မယ် ဆရာမ၊ ဒိလောက်ငွေတွေ ဒဏ်မဆောင်နိုင်ဘူး" တဲ့ ဘယ်ကိုပြန်မလဲ စီတာပူတဲ့ ကချင်ပြည်နယ်က အလာမလွယ်သလို အပြန်လည်း ခက်ချေပြီ၊
ဘန်ကောက်မှာ အဖမ်းအဆီးတွေ စနေတဲ့ သတင်းတွေ ရုပ်သံသတင်းတွေမှာ မြင်ရတာ စိတ်မချမ်းသာစရာ၊ အရွယ်မျိူးစုံ အလုပ်သမားတွေ ၊ အထောက်အထားရှိရှိ မရှိရှိ တန်းစီ၊ ရှိသူတွေ စစ်ထုတ် အားလုံးကတော့ ငုပ်တုတ် လူတန်းစီထားရသည့် မြင်ကွင်းတွေ၊ နှစ်နိုင်ငံ သဘောတူညီမှုဖြင့် အလုပ်သမားခိုင်းစေရေး လုပ်ဖို့ မြန်မာအစိုးရဖက် အလုပ်လုပ်တာ နှောင့်နှေး လှသည်။ မြန်မာအစိုးရက ဘာလုပ်လုပ် နှေးသည်၊ ကြာတော့လည်း ပြည်သူက အစိုးရသည် အားကိုးရာ မဟုတ်လို့ ထင်လာသည်သာမက အစိုးရကို ရှိသည်လို့ပင် မမြင်တော့၊ ဒါဟာ အစိုးရကိုမကောင်းဘူးလို့ ပြောတာမဟုတ်သလို ကိုယ်ပိုင်အမြင်လည်းမဟုတ်ပါ၊ အလုပ်သမားတွေဆီက အသံကို ပြန်ပြီး ပြောပြတာ ဖြစ်သည်။ ကိုယ့်အားကိုယ်ကိုး ရအောင် အားလည်း မရှိ ဆိုးလိုက်သည့် ထိုင်းရောက်မြန်မာအလုပ်သမားတွေရဲ့ ဘဝ၊
တရားမဝင်လုပ်သားများ နှင့်ပတ်သက်ပြီး ထိုင်းအစိုးရက လက်ရှိထုတ်ပြန်တဲ့ ဥပဒေသစ် မှာ ပြစ်ဒဏ်ကြီးလေးတဲ့အတွက် ထိုင်း နိုင်ငံမှာ အထောက်အထားလုံးဝ မရှိဘဲ နေထိုင်သူ မြန်မာနိုင်ငံသား များ မြန်မာနိုင်ငံသို့ ပြန်ကြဖို့ ထိုင်း နိုင်ငံဆိုင်ရာ မြန်မာသံရုံးရှိ အလုပ်သမားသံအရာရှိရုံးက ဇွန်လ၂၆ ရက်မှာ သတိပေး ထုတ်ပြန် ခဲ့လေသည်။
ထိုင်းအစိုးရက နိုင်ငံခြား သား အလုပ်သမားတွေရဲ့ အလုပ် တာဝန် စီမံခန့်ခွဲရေး အက်ဥပဒေ စီမံချက်အရ တရားမဝင် အလုပ် လုပ်ကိုင်နေထိုင်နေသော နိုင်ငံ ခြားသား အလုပ်သမားတွေကို ဒဏ်ငွေ ဘတ်နှစ်ထောင်မှ လေး သိန်းအထိနှင့် ထောင်ဒဏ် ငါး နှစ်အထိ ချမှတ်နိုင်ကြောင်း ထိုင်း အစိုးရက ဇွန်လ ၂၀ ရက်က စပြီး ကြေညာခဲ့ပြီးနောက် ထိုင်းနိုင်ငံ ဘန်ကောက်မှာရှိတဲ့ မြန်မာသံရုံး ထိုင်းနိုင်ငံဆိုင်ရာ အလုပ်သမားရုံးက ထုတ်ပြန်ချက်တွေ ကြေငြာပေးသည်။
လက်ရှိ ထိုင်းနိုင်ငံအတွင်း နိုင်ငံကူးလက်မှတ်၊ ပန်းရောင် ကတ်၊ ယာယီနိုင်ငံကူးလက်မှတ် များ ကိုင်ဆောင်ထားတဲ့ မြန်မာနိုင်ငံသားအားလုံး မိမိတို့ လက်ရှိ လုပ်ကိုင်နေသော အလုပ်ရှင်နှင့် အလုပ်လုပ်ခွင့်လက်မှတ် (Work Permit) ပြုလုပ်ထားဖို့နဲ့ လက်ရှိ အလုပ်လုပ်ကိုင်နေတဲ့ အ လုပ်ရှင်နဲ့ မိမိကိုင်ဆောင်ထား သည့် အလုပ်ပါမစ်ပါ အလုပ်ရှင် မတူညီပါက သက်ဆိုင်ရာမြို့နယ် အလုပ်သမားရုံးများမှာ သွား ရောက်ပြောင်းလဲကြဖို့ ထုတ်ပြန်ချက်မှာ ဖော်ပြထားလေ သည်။
ထိုင်းအစိုးရရဲ့ ကြေညာချက်မှာ နိုင်ငံခြားသားအလုပ်သမား များအတွက် တားမြစ်ထားတဲ့ အလုပ်များနဲ့ အလုပ်ပါမစ်မရှိ သော အလုပ်သမားများကို ငှားရမ်းလက်ခံထားသည့် အိမ်ရှင်သူဌေးတွေမှာ ဘတ်ငွေလေး သိန်း (ကျပ်သိန်း ၁၆၀ ကျော်)မှ ဘတ်ငွေရှစ်သိန်း (ကျပ်သိန်း ၃၂၀ ကျော်)နှင့် အလုပ် သမား၏ အလုပ်ပါမစ် အပါအဝင် ကိုယ် ပိုင်စာရွက်စာတမ်းများကို သိမ်းဆည်းထားတဲ့ အလုပ်ရှင်တွေကို ဒဏ်ငွေ ဘတ်တစ်သိန်းနှင့် ထောင်ဒဏ် ခြောက်လချမှတ်ခံရမည်ဟု ကြေညာထားတဲ့အတွက် ထိုင်းအလုပ်ရှင်တွေက စိုးရိမ်နေကြပြီး တရာမဝင်အလုပ်သမား ရှိနေသူက အာမမခံရဲပဲ အလုပ်သမားတွေကို ပြန်ကြဖို့သာ လုပ်နိုင်ကြတော့သည်။
‘တရားမဝင် နေထိုင်တဲ့သူ တွေ အကုန်ပြန်ကြတာကောင်း မယ်။ ပြန်ပြီး MoU နဲ့ပြန်လာ။ သူ များနိုင်ငံက ဥပဒေထုတ်ထားရင် တော့ လေးစားလိုက်နာရမယ်။ တရားဝင်နဲ့ လာနေတာ အဆင် ပြေတယ်။ အခုက သူတို့ထုတ် ထားပြီးသွားပြီ။ အဲဒီတော့ အဖမ်း ခံရတာတွေ မဖြစ်ရအောင် ပြန် ကြတာ အကောင်းဆုံးပါပဲ’’ လို့ အလုပ်သမားသံအရာရှိ က 7Day Daily မှာ ပြောထားတာ ဖတ်ရသည်။
တကယ်တော့ MOU နဲ့ လာကြဖို့ ထိုင်းအစိုးရက အကြိမ်ကြိမ် ပြောကြားခဲ့တာလည်း ကြာပြီဖြစ်သလို မြန်မာနိုင်ငံသားဖြစ်ကြောင်း စစ်ဆေးပြီး နိုင်ငံကူးလက်မှတ်တွေ ထုတ်ပေးဖို့ကိုလည်း အကြိမ်ကြိမ် စောင့်ဆိုင်းခဲ့တာဖြစ်သည်။ မည်သို့ပင်ဆိုစေ မြေစာလေးတွေကတော့ နင်းပြားဘဝကနေ ဘယ်လို ရုန်းထွက်ကြမလဲ ၊ အရင်နှစ်တုန်းကလို ထိုင်းအစိုးရက အလုပ်သမားတွေ မရှိရင် ကြုံရမယ့် သူတို့ နိုင်ငံသား အလုပ်ရှင်တွေ အဆင်မပြေမှုတွေကို ဖြေရှင်းပေးဖို့ကြိုးစားရင်း မြန်မာအလုပ်သမားတွေအတွက် အသက်ရှုချောင်မည့် အခွင့်အရေးလေးများ ရလာလေမလား မျှော်လင့်ရုံမှတပါး အခြားမရှိ၊
ခိုင်ခိုင်စောလွင်