" ချစ်တဲ့စိတ်" ( ၇)ရက် နိုဝင်ဘာလ ၂၀၁၆ခုနှစ် ဒီလှိုင်းစာစောင် အတွဲ(၅) အမှတ်( ၄၃)

"  ချစ်တဲ့စိတ်"

                              ဒီခေါင်းစဉ်ပေးပြီးကာမှ  အခု တလော ရေးလိုက်တဲ့ ဆောင်းပါး နာမည်တွေက အချစ်နဲ့ မကင်းပါလားလို့ တွေးရင်း ပြုံးမိရသည်။ ဒီလှိုင်းစာစောင် အတွဲ(၅) အမှတ်(၄၁) မှာ ရေးခဲ့တဲ့ " ချစ်ကြသည်ဆိုရာဝယ်" မှာ စာမူရှည်မယ်မှန်း  သိပါသော်လည်း ထိုင်းဘုရင်ကြီးရဲ့စာကို အစအဆုံး ထည့်ရေးခဲ့ပါသည်။ ဒါတောင်မှ စာမူလက်စသတ်ပြီးလို့   ပို့ကာနီးမှာမှ အဆိုပါ စာကို ဖတ်မိပြီး  မူလရေးထားတဲ့ ဆောင်းပါးထဲက နှစ်ပိုဒ်ကို မဖြုတ်ချင် ဖြုတ်ချင် ဖြုတ်လိုက်ရသေးသည်။ ထိုင်းဘုရင် ဘူမိဘောအဒူယာဒက် (ထိုင်းအသံထွက်ကတော့ ဒီလောက်မမာ စာနဲ့က ဒီလောက်ပဲ အသံထွက်လို့ ရလေသည်) နတ်ရွာစံပြီးနောက်  ဝမ်းနည်းခြင်းအထိမ်းအမှတ်ကာလကို

  တစ်နှစ်သတ်မှတ်ပြီး  ဈာပနအခမ်းအနားကို တစ်လ သတ်မှတ်ထားချိန်မှာ ထိုင်းဘုရင်ကြီးရဲ့ မှတ်တမ်းတွေကို ရုပ်မြင်သံကြားမှာ  နေ့စဉ်ပြသလေသည်။ ထိုအခါ တိုင်းပြည်ဥသျှောင်တစ်ယောက်ရဲ့  ကြီးမားတဲ့ မေတ္တာစိတ်ကို နေ့စဉ်လိုလို တွေ့မြင်ရပြီး ချစ်ခြင်းမေတ္တာရဲ့ အောင်မြင်မှုတွေကို ခံစားရတဲ့အတွက် ချစ်ခြင်းမေတ္တာအကြောင်းတွေ ရေးဖွဲ့နေဖြစ်တာလို့ပဲ ယူဆမိလေသည်။
                    ထိုင်းဘုရင်ကြီးအကြောင်းနဲ့ ထိုင်းပြည်သူတွေရဲ့ ဘဝတွေ ရေးပါအုန်းလို့  စာဖတ်သူ အချိူ့က ပြောကြပေမယ့် သူများတိုင်းပြည်က ဘုရင်ကြီးကောင်းကြောင်း ရေးနေဖို့ ဒီလောက်ပဲ တော်ပါပြီ၊ တော်ကြာ အမေကျော်ဒွေးတော်လွမ်း တို့ဘာတို့ ပြောနေပါအုန်းမယ်လေလို့  စိတ်ထဲကနေ စကားပြန်မိပေမယ့်  ဒီတခါလည်း  ချစ်ခြင်းမေတ္တာနဲ့ ပတ်သက်တဲ့ အကြောင်း ရေးမှာဆိုတော့ မေတ္တာကြီးမားတဲ့သူတွေထဲ ထိုင်းဘုရင်ကြီးလည်း ပါတာမို့ ဘုရင်ဘူမိဘော အကြောင်း  ကျိန်းသေ  ပါလာမှာလို့ ဆိုရပေလိမ့်မည်။
                  ကောင်းမွန်သောနေရာကို ရောက်ဖို့ဆိုရင်နည်းလမ်းရှိပါတယ်။
အဲဒါကတော့ သူတပါးကို ချစ်ခင်ခြင်းပါပဲ။
ဘာကြောင့်လဲဆိုတော့ သူတပါးရဲ့ ချစ်ခင်မှုကို ရခဲ့ရင် ပြဿနာတိုင်းကို ဖြေရှင်းနိုင်လိမ့်မယ်။
ဒီကမ္ဘာမှာ ချမ်းသာသုခတွေနဲ့ပဲ ရှိစေချင်တယ်ဆိုရင် ငြိမ်းချမ်းမှုပဲ ရှိစေလိုတယ်ဆိုရင် လူတွေရဲ့ ချစ်ခင်မှုကို ရရှိမှဖြစ်မယ်။ တဲ့
ထိုင်းဘုရင်ကြီးက သမီးတော် သီရိဒုံဆီပေးတဲ့စာရဲ့ နိဒါန်းလေးဟာ ချစ်ခြင်းမေတ္တာနဲ့ စခဲ့လေသည်။                 

            ထိုင်းနိုင်ငံမှာတော့ ဘုရင်ကြီးရဲ့ ဆောင်ရွက်ချက်တွေကို မြင်ရ တွေ့ရ ကြုံရသည့်အခါ မေတ္တာရဲ့ အကျိူးဆက် အောင်မြင်မှုနဲ့ ချစ်ခင်ခြင်းကို ခံစားသိရလေသည်။ ဘုရင် မဟာဘူမိဘောအဒူယာဒက်မှာ ပင်ကိုယ်က နှလုံးသားနူးညံ့သူဖြစ်သည့် အပြင် မိမိကိုယ်ကို ချစ်ခင် တန်ဘိုးထား နေထိုင်သွားပုံရလေသည်။  လက်ရှိ ဘုရင်မင်းဆက်မှာ ရာမ မင်းဆက်ဖြစ်သည်။ ထိုင်းနိုင်ငံမှာ စိုးစံခဲ့သည့် ဘုရင်များစွာ ရှိရာ သမိုင်းမှာ ဂုဏ်သတင်းကြီးမြတ်သည့် ဘုရင်၊ နောင်လာနောက်သားတွေအထိ  မှတ်တမ်းတင်ခံခဲ့ရသည့် ဘုရင် မျိူး ဖြစ်အောင် သူ့ကိုယ်သူ ထိန်းသိမ်း နေထိုင်ခဲ့ပုံရလေသည်။ ချစ်ခြင်းမေတ္တာကို အခြေခံသည့်စိတ်နှင့် မိမိကိုယ်ကို တန်ဘိုးထား ကြီးမြတ်သည့်စိတ်တို့ ဖြင့် တိုင်းပြည်ကို စောင့်ရှောက်ခဲ့လေသည်။ ရုပ်သံဖန်သားပြင်က ဘုရင်ဘူမိဘောရဲ့ အသက်အရွယ် တဆင့်ပြီးတဆင့် ကြီးရင့်လာသည့် လှုပ်ရှားမှုတိုင်းမှာ အသက်ရှင်နေသမျှ လုပ်နိုင်တာ အားလုံးလုပ်ပေးသွားမည့် ဟန်ပန်တွေ ပြည့်နေသည်။ အလုပ်လုပ်နိုင်သည့် အရွယ်ကာလမှာ အင်တိုက်အားတိုက် အလုပ်တွေ အများကြီး လုပ်သွားတာ သိခွင့်ရသည်။ အရွယ်ရလာသည်နှင့်အမျှ တွန်းတွန်းတိုက်တိုက်တိုက် အားစိုက်ကာ  ပြည်သူ့အကျိူးတွေကို ထဲထဲဝင်ဝင်ဖြင့်  တောင်ပေါ်ဒေသ တောရွာ အနှံ့ တရစပ် သွားလာလုပ်ကိုင်ပေးတာ သိခွင့်ရသည်။
               လူမှုကွန်ယက်မှာ တယောက် ရှယ်ထားတာ ဖတ်မိတာက တပါတီအာဏာရှင်ကြီးနဲ့ ခေတ်ပြိုင် ခေါင်းဆောင်တစ်ယောက်လို့ ဆိုလေရာ နှစ်တွေ ပြန်တွက်ကြည့်တာမှာ မကွာလှပါ၊ သို့သော် တိုင်းပြည်တိုးတက်မှု၊ ပြည်သူတွေရဲ့ဘဝနေထိုင်မှုတွေကတော့ မိုးနဲ့မြေလို ကွာခြားလှပေသည်။ ဒါ့ကြောင့်လည်း မြေးအရွယ် ကျောင်းသားတွေက သူ့နာမည်ကို အော်ဆဲလို့ ဆင်းပေး ဆင်းပေး ကြားရတာ ရှက်လှတဲ့အတွက် တပါတီကြိုက်သလား၊ ပါတီစုံကြိုက်သလား ပြောပြီး ဆင်းပေးလိုက်ရသည်။ အဆင်းကမလှ၊ မေတ္တာတွေ ရောင်ပြန်ဟပ်ကာ မျိူးဆက်တိုင် လူမုန်းများလှလေသည်။
              ယခု စာရေးနေသည့် အချိန်မှာပင် ဖေ့စ်ဘွတ်မှာ တင်လိုက်သည့်  ဓါတ်ပုံပုံဟောင်းတပုံ တွေ့လိုက်ရသည်။ တက္ကသိုလ်ပါမေက္ခချူပ်က ကျောင်းတိုးချဲ့ဆောက်ဖို့ ရှင်းပြနေတာ အာဏာရှင်မျိူးးဆက် ဗိုလ်ချူပ်တစ်ယောက်က  ကုလားထိုင်မှာ ခြေချိတ်ကာ ကျောမှီပြီး နားထောင်နေကာ ပညာရှင်က မတ်တပ်ရပ် အရိုအသေပေး ပြောပြရသည်။ တင်သည့်သူက " အဂါရဝ" လို့ နာမည်ပေးထားသည်။
                တကယ်တော့ ဘုရင်ဆိုတာ သက်ဦးဆံပိုင်ခေတ်ကဆိုပါက သေဆိုသေ ရှင်ဆိုရှင် အင်မတန်မှ ဩဇာကြီးသည့်သူ၊  စည်းမျဉ်းခံဘုရင်စနစ်မှာပင် ဘုရင့်ဩဇာသည် အင်မတန် ထက်မြက်ပါသည်။ သို့သော် ပြည်သူပြည်သားတွေအပေါ် ချစ်ခြင်းမေတ္တာဖြင့် စောင့်ရှောက်သည့် ဘုရင်မို့  ပြည်သူတွေရဲ့ ပြောစကားကို အာဏာရှင်လို ခက်ထန်စွာ နားထောင်တာ မတွေ့ရပါ၊  လူထုကြားထဲ လူထုအသံကို ကြမ်းတပြေးထဲ သေသေချာချာ မှတ်သား နားထောင်လေသည်။ ဝန်ထမ်းအကြီးအကဲတွေကိုလည်း အားလုံး အတူ ရပ်နေရာက မှာစရာရှိတာ မှာကြားတာ တွေ့ရသည်။ လူအချင်းချင်း လေးစားတာကို တွေ့မြင်ရလေသည်။ သားသမီးတွေက မိဘကို အတုယူကြသလို တိုင်းပြည်ရဲ့ အထွတ်အမြတ် အလေးထားရာ ဘုရင်ကြီးကိုယ်တိုင်က လူအချင်းချင်းလေးစား နေထိုင်ပြတော့ ပြည်သူတွေမှာလည်း အချင်းချင်းလေးစားသည့် စိတ်တွေ အမူအကျင့်တွေ တထပ်တည်း ဖြစ်လာသည်။ ဒါတွေက သင်တန်း အထူးပေးဖို့ မလိုပဲ ရယူလိုက်ကြတာ ဖြစ်သည်။
             ရုပ်မြင်ဖန်သားပြင်ပေါ်က အသက်အရွယ်(၅၀) ကျော်ပြီဖြစ်တဲ့ ဘုရင်ဘူမိဘော လယ်ကွင်းတွေ တောတွေတောင်တွေ ဖြတ်ရင်း မြေပုံတစ်ချပ်ကိုင်ကာ ဘောပင်နဲ့ မြေနေရာညွှန်ရင်း နှာခေါင်းထိပ်မှာ ချွေးစက်ကလေးက
 တောက်ကနဲကျမတတ်ဖြစ်နေပြီး   နဖူးက ချွေးတွေကို လက်နဲ့ သတ်ချလိုက်တဲ့ ဟန်က အမှတ်တမဲ့ပေမယ့် ဘုရင်ကြီးရဲ့ ပြည်သူတွေအပေါ်  စေတနာထားပုံကို မျက်လုံးထဲက မထွက်၊ တလက်စထဲ ထီးတော်မိုးတွေ တပြုံတမ၊ နောက်လိုက်နောက်ပါ အခြွေအရံတွေနဲ့ ဟန်ရေးပြခဲ့တဲ့ ကိုယ့်နိုင်ငံက ခေါင်းဆောင်တွေကို နှိုင်းယှဉ်ရင်း တိုင့်းပြည်ဆင်းရဲချွတ်ခြု့ကြရတဲ့

တရားခံတွေကို ပြေးမြင်မိလေတော့သည်။
                         ထိုင်းနိုင်ငံရဲ့ မြို့တော် ဘန်ကောက်အပါအဝင် ခရိုင်တိုင်း ဒေသတိုင်းမှာ ဝမ်းနည်းခြင်းအထိမ်းအမှတ်တွေ နေ့စဉ် ကျင်းပနေကြသည်။ ချင်းမိုင်မှာလည်း ထို့အတူ၊ ဘုရင်ကြီးအတွက်ရည်စူးပြီး အလှုအတန်း ကုသိုလ်ကောင်းမှုတွေ လုပ်ပေးကြသည်။ ဘုရင့်အထိမ်းအမှတ် အခမ်းအနားလုပ်ရာနေရာတွေမှာ အစားအသောက်၊ ရေ တွေ ဝေငှပေးသည်။ နေ့စဉ်လိုလို  ပြည်သူတွေ အလှုအတန်းတွေ လုပ်ပေးသည်။  သတင်းသမားမိတ်ဆွေက"  ထိုင်းဘုရင်ကြီးက နတ်ပြည် နိဗ္မာန် ရောက်မှာပါပဲ၊ သူ့ကြောင့် ပြည်သူတွေ အေးချမ်းပြီး သက်တောင့်သက်သာနေရတယ်၊ ပြည်သူတွေက အရမ်းချစ်တယ်၊ သူဟာ တို့တိုင်းပြည်က ဗိုလ်ချူပ်အောင်ဆန်းလိုလူ၊ အများကောင်းကျိူးသာ တစိုက်မတ်မတ် လုပ်ခဲ့လို့  အများက ချစ်တဲ့သူ၊ သူ့စေတနာက ပြည်သူတွေကောင်းစားရေးပဲ လုပ်ခဲ့တာ" လို့ မှတ်ချက်စကား ဆိုလေသည်။

                           တရက် ထိုင်းခေါက်ဆွဲပြုတ် (ထိုင်းအခေါ် ကွေ့တီယို) ဆိုင်မှာ ဘုရင်ကြီးရဲ့ မှတ်တမ်းပြနေတာ ဆိုင်ရှင်က ကြည့်နေသည်။ သူတို့ အားလုံး အနက်ရောင်သာ ဝတ်ထားကြသည်။ ပိုက်ဆံ ရှင်းမည်ဆိုလို့ ဒီဘက်လှည့်လာတော့ မျက်လုံးမှာ မျက်ရည်တွေ အပြည့်၊ ဘုရင်နတ်ရွာစံတာ နှစ်ပတ်ခန့် ရှိပြီ။ ဝမ်းနည်းသည့် အထိန်းအမှတ် အနက်ရောင်ကို နိုင်ငံခြားသားတွေပါ ဝတ်ဆင်ကြသည်။ အားလုံးက ထိုင်းပြည်သူတွေ ချစ်သည့် ဘုရင်ကြီးကို ချစ်ကြသည်။ လေးစားကြသည်။ သူတို့ ဝမ်းနည်းသလို ဝမ်းနည်းကြသည်။ ဝတ်ပါလို့ စည်းကမ်းထုတ်ဖို့မလို စိတ်ထဲက အလေးထားကြသည်။
                     နေ့စဉ်လမ်းလျှောက်နေကြ  စစ်တပ်ရှေ့က အားကစားကွင်းမှာ ညနေ ခြောက်နာရီဆိုက သီချင်းတီးမှုတ်တာနှင့်  နိုင်ငံတော်အလံကို အလေးပြုရသည်။ ထိုအားကစားကွင်းမှာ နိုင်ငံခြားသားတွေလည်း ရှိသည်။ အားလုံး လမ်းလျှောက်၊ ပြေးလျွား အားကစားကျင့်ရာက ငြိမ်သက်စွာ အလေးပြုကြသည်။ သူ့နိုင်ငံသားတွေ အားလုံးက စည်းကမ်းရှိရှိနှင့် အားလုံး အလေးပြုမှတော့ အခြားသူတွေကပါ အလေးထားတာ မဆန်း၊ ဈေးတွေ၊  ဈေးဝယ်စင်တာတွေမှာလည်း ထို့အတူ ၊ နိုင်ငံတော်သီချင်းလာသည့် အချိန်ဆိုက ထိုင်းလူမျိူး ကလေး လူကြီး သက်ကြီးရွယ်အို အားလုံး ရောက်သည့်နေရာကနေ ငြိမ်သက်စွာ အလေးပြုသည်။ သူတို့တိုင်းပြည်ကို လာရောက်နေသူတွေက သူတို့ချစ်သလို သူတို့တန်ဘိုးထားသလို လိုက်ပြီး လေးစားတန်ဘိုး ထားမိရလေသည်။
                  
                                       မြန်မာပြည်မှာ ဆိုရင်ဖြင့် ဗိုလ်ချူပ်အောင်ဆန်းကို ပြည်သူတစ်ရပ်လုံး ချစ်ကြသည်။ ဗိုလ်ချူပ်စကားကို အလေးထားသည်။ ဗိုလ်ချူပ်ရဲ့ တိုင်းပြည်အပေါ်ထားတဲ့ မေတ္တာတရားနဲ့ တိုင်းပြည်အတွက် ကိုယ်ကျိူးစွန့်လုပ်ဆောင်ပေးတဲ့ တိုင်းချစ်ပြည်ချစ်စိတ်အပေါ် ပြည်သူတွေရဲ့ တုန့်ပြန်လိုက်တဲ့ ချစ်တဲ့စိတ်ပင်၊ လွတ်လပ်ရေးဗိသုကာ ဗိုလ်ချူပ်အောင်ဆန်း ကျဆုံးခဲ့တာ (၆၉) နှစ်တိုင်ခဲ့ပေမယ့် တိုင်းသူပြည်သားတွေက ချစ်ခင်ဆဲ၊ မျိူးဆက်သစ်တို့တိုင် သူ့လုပ်ရပ်နဲ့ သူ့စေတနာကို သိရှိပြီး ချစ်ခင်ဆဲ၊ လူသာသေသော်လည်း နာမည်မသေ၊ မျိူးဆက်တို့အထိ မေတ္တာဓါတ်က စီးဆင်းမြဲ၊
            ယနေ့ နိုင်ငံတော်အတိုင်ပင်ခံပုဂိုလ် ဒေါ်အောင်ဆန်းစုကြည်ကို ပြည်သူအားလုံး ချစ်ခင်ကြသည်။ လူထုရဲ့ " အမေ" လို့ သတ်မှတ်ကာ ချစ်ကြသည်။ ဒါကလည်း လူထုခေါင်းဆောင်ရဲ့ ကြီးမားလှတဲ့ မေတ္တာစေတနာ တွေကြောင့်ပဲ ဖြစ်လေသည်။လူထုခေါင်းဆောင်က ပြည်သူတွေအပေါ် အနှိုင်းမဲ့ မေတ္တာထားသလို မြန်မာပြည်သူတွေ တစ်ဦးနဲ့ တစ်ဦး မေတ္တာရှေ့ထား ဆောင်ရွက်ကြဖို့ မကြာခဏ စကားဆိုတာ မှတ်သားဖူးလေသည်။
" ပြည်တွင်း ငြိမ်းချမ်းရေး အမှန်တကယ် လိုလားသူတွေဟာ ငြိမ်းချမ်းရေးရဲ့ အကြီးဆုံး ရန်သူဖြစ်တဲ့ မိမိတို့ အတွင်း အမုန်းစိတ်ကို တိုက်ဖျက်နိုင်ဖို့ လိုပါတယ်။ မျက်နှာထားချိုတာ၊ စကားချိုတာက အပေါ်ယံမျှသာပါ။ နှလုံးသားထဲကပါ ချိုမှ အမုန်းတရားရဲ့ အကျိုးဆက်တွေကို မေတ္တာ၊ ကရုဏာနဲ့ ပြန်ချေနိုင်မှ စစ်မှန်တဲ့၊ တည်တံ့ခိုင်မာတဲ့ ငြိမ်းချမ်းရေးကို ကျမတို့ တည်ဆောက်နိုင်မှာ ဖြစ်ပါတယ်”
" “ကျမတို့ နိုင်ငံရဲ့ အာဇာနည် ခေါင်းဆောင်ကြီးများရဲ့ လုပ်ဆောင်ချက်များဟာ ကျမတို့ နိုင်ငံ အတွက် ကမ္ဘာ တည်သရွေ့ ဂုဏ်ယူစရာ၊ အတုယူစရာ ဖြစ်ရတဲ့ အကြောင်းခံကတော့ ထိုပုဂ္ဂိုလ်များရဲ့သတ္တိဟာ မေတ္တာကိုအခြေခံလို့ ဖြစ်ပါတယ်။ တိုင်းပြည်နဲ့ ပြည်သူအပေါ်ထားတဲ့ မေတ္တာ၊ စေတနာကြောင့် အန္တရာယ်များတဲ့ လုပ်ငန်းတွေကို စွန့်စား ဆောင်ရွက် သွားကြတာပါ”
                  အပတ်စဉ်ထုတ် ဒီလှိုင်းစာစောင်တွေထဲက " ဒီစကား" မှာ  လူထုခေါင်းဆောင် ဒေါ်အောင်ဆန်းစုကြည်ရဲ့  မေတ္တာစကားတွေ လွှမ်းခြုံနေတာ ဖတ်ရလေသည်။ မေတ္တာစကားတွေ ကြားရတာ ငြိမ်းချမ်းလှပါသည်။  အေးချမ်းပြီး ပီတိဖြစ်ရသည်။ ကိုယ့်တိုင်းပြည်မှာ အခြားနိုင်ငံအသီးသီးက လူမျိူးတွေပင် ချစ်ခင်လေးစား တန်ဘိုးထားရသည့် ခေါင်းဆောင် ရှိနေပြီ၊ ချစ်ခြင်းတရားဖြင့် နိုင်ငံကို ပြုပြင်ပြောင်းလဲစေမည့် ခေါင်းဆောင်ကောင်း ရှိနေပေပြီ။

                  ချစ်ခြင်းအားဖြင့် ငြိမ်းချမ်းကြရအောင်၊ ချစ်ခြင်းအားဖြင့် အရာရာကို ပြောင်းလဲကြပါစို့။
ခိုင်ခိုင်စောလွင်